一、 研究動機kap目的
逐家攏知，語言是文化 ê 根本，透過文字 ê 書寫 kap 紀錄，語言才會當 khah 精鍊優雅，進一步達到傳承歷史 kap 提升文化 ê 目的。回顧日本殖民時期到國民 黨統治，一般人民對台灣語文 ê 書寫 kap 口說，攏限制 tī 本土語、外來語 kap 中 國語 ê 糾葛轉換之中。尤其是，台灣這個小小 ê 島嶼上，除了官方採用 ê 日語、
普通話（也著是中國語）之外，本土語包括台語、客語、kap 各族原住民 ê 語言，
種類非常濟。另外一方面，tī 官方壟斷 ê 普通話壓制下，台灣 ê 語言風俗 kap 歷 史文化 ê 傳達 iãh 嚴重受制。上嚴重 ê 是，語言 ê 斷層造成民眾對台語文 ê 冷漠，
間接影響人民對國家認同 ê 錯亂 kap 族群語言聯繫 ê 質疑。
佳哉到 1970 年代鄉土文學 ê 創作漸漸出現，愈來愈濟作家以台語來書寫。
這幾年來強調台灣意識，tī「本土化」ê 前題下，以台灣話思考，以本土語來書 寫 ê 作品愈來愈濟！綜觀目前 tī 台灣文學界 ê 專業台語文小說家，這寡作家純粹 tuì 台語出發，完全徹底脫離中文 ê 思考模式 kap 用詞用句 ê 束縛，真正做到「文 學本土化」ê 境界。
目前 tī 台語文學作品 ê 研究中，主要是以文學文化角度 ê 佔多數，主要是 leh 探討文學 ê 背景 kap 社會價值觀抑是台灣人 ê 形象等，tuì 語言 ê 研究佔少數。不 而過文學 kap 語言學有密切 ê 關聯，文學是語言 ê 藝術，語言是文學 ê 基本材料，
tī 一篇作品內面欲表達思想感情，所使用 ê 基本工具著是語言。文學作品 ê 本體 是語言，因為語言是一切著作，特別是文學作品 ê 基本材料(林煥平，1980，頁 57)。其中小說 ê 語言 tī 真大程度上著是一款社會語言，伊所運用 ê 語詞、句法 kap 表達 ê 意義是清楚 ê(董希文，2006，頁 14)。Tī《論文學[續集]》中講著文學 ê 第一個要素是語言，一篇文學作品必須著愛運用著明確 ê 語言 kap 字眼來書寫 (高爾基，1979，頁 387)。另外 Bakhtin M.1 bat 提出一個論點，講小說是無仝 ê 語言之間進行 ê「對話」，是社會語言 ê 體系，伊認為小說 ê 語言 kap 話語是全 面 ê，完整展現社會語言 ê 多樣 kap 多元性(劉康，1995，頁 149)。像台語文學作 品中 ê 語言，有真濟攏是屬於日常生活 ê 語言。Tī 小說中定定具備個性化 ê 特徵 -- 主要包括作品中人物角色 kap 作者本身 ê 語言兩方面。作家創作時定會根據無
1 Bakhtin M.( 1895—1975)，前蘇聯著名文藝學家。
仝階層、生活習慣，呈現出 in 特有 ê 語言風格，個別 ê 特色有辨識 ê 功能，語 言特色 ê 差異會造成作家選用語詞 ê 過程中看見。根據學者 Roman Jakobson tī
〈語言學與詩學〉文中講著像詩學研究 ê 主要課題是欲確定語言藝術 kap 其他藝 術抑是其他語言行為之間 ê 區別，也著是講語言學是 teh 研究語言結構 ê 一 ê 學 問，透過這個方法會當了解文學作品中語言 koh khah 深層 ê 結構；另外認為文 學有文學性，著是文學 ê 性質 kap 文學 ê 趣味。文學性著 tī 文學語言 ê 聯繫 kap 構造中，因此欲討論文學作品進前，先愛了解 kap 語言功能之間 ê 關聯性2。另 外結構主義文學家 Tzvetan Todorov 提出一個觀點，就文學來講，以語言學為基 礎，字母 kap 語詞符號應該當做是各種文學 ê 基礎；也著是講任何文學作品攏無 法度脫離語言學 ê 概念 kap 方法。除非講語言學領域 ê 研究頂懸受著限制，tsiah 會出現例外 ê 情形3。因為相關 ê 研究真少以 tsit ê 論述做出發點，所以本論文按 算透過俄羅斯語言學家 Vinogradov V. 現代語言學 ê 觀點切入，分析仝時代 ê 作 家，體裁相近 ê 作品中探討作家用詞 ê 語言特色，將語詞分類，透過作品表現出 來 ê 創作語言中看出特有 ê 現象。
台語小說 tuì 1980 年代漸漸浮頭，有真濟刊物開始出現以台語文來創作。根 據黃文達研究統計出使用漢羅書寫4台語小說 koh 以仝時期陳雷、陳明仁、胡長 松、蕭麗紅、王貞文 kap 清文六位是產量 khah 濟 ê 作家5，其中選陳明仁 ê 作品 做研究範圍，第一：伊寫作主要 ê 特色是以漢羅書寫 ê 作品；第二：tī 第二章有 kā 陳明仁 ê 用詞 kap 教育部詞頻統計做比較，其中教育部詞頻統計主要選用一百 萬 ê 詞，內底包括期刊教材、囡仔歌、台灣俗諺語、演講稿 kap 文學作品等，以 每十年做一個單位，發現兩千年以後 ê 作品佔全部 ê 百分之三十五，所以本論文 選擇以陳明仁兩千年上有代表性 ê 短篇小說《路樹下 ê t³-peh-á》6做研究對象，
選出小說劇本中短篇小說 ê 部分來探討，其中〈作家 kap 作家 ê 記事〉是屬於散 文 ê 文體，毋是本論文 beh 研究 ê 範圍，所以無列入來討論。本論文上重要 ê 研
2 Jakobson R.，滕守堯譯，1960，〈語言學與詩學〉。趙毅衡，《符號學文學論文集》，天津：百 花文藝出版社，頁 171。
3 Todorov T.，沈一民、萬小器譯，2004，〈詩學〉。趙毅衡，《符號學文學論文集》，天津：百花 文藝出版社，頁 194-195。
4 本論文是以漢羅書寫，其中羅馬字 ê 部分是使用台灣羅馬字，是按照教育部台灣閩南語常用詞
辭典 ê 標音原則；陳明仁作品內底出現 ê 羅馬字是教會羅馬字(白話字)，尊重作者 ê 原創性，
引用文章 ê 時著按照原文無另外修改。
5 黃文達，2010。〈當代(1986-2008)台語小說 kap 內底的台灣意識研究〉(國立中正大學台灣文學 所碩士論文)，頁 13。
6 陳明仁 ê 作品是用漢羅書寫，其中主要是使用教會羅馬字(POJ)，按照原文無 kā 修改。筆者是 按照教育部 ê 漢字 kap 台灣羅馬字來書寫。
究目的是欲將冊中 ê 台語語詞做一寡完整 ê 收集、分類 kap 紹介，用語言學 ê 角 度去研究，深入分析台語文學中語言概念 ê 轉變，文學 tī 語言學理論中 ê 形式表 達 kap 特徵風格，具體分析。觀察看作品中有佗一寡語言手法是作家所具備 ê，
有可能是日常生活所講 ê 語言，牽涉著作家本身 ê 思想內容，kap 語言使用上形 式 ê 特殊性。經過分析，了解作家創作 ê 特色，開拓出一個以語言學分析台灣文 學作品新 ê 領域。希望透過母語作品 ê 欣賞，分析個別 ê 作品語言風格，予咱 tī 回顧歷史 ê 過程中，落實台語文化工作，藉此喚醒台灣人民 ê 民族自覺，追求台 灣人 ê 獨立自主。
二、 相關文獻ê回顧kap探討
Kap本論文相關的文獻有兩類：以研究主題來講，是仝款以陳明仁小說成做 研究對象ê論文；以研究方法來講，是仝款以語言風格學誠做小說研究方法ê論文。
以研究主題來講，研究陳明仁台語小說 ê 學位論文、研討會 kap 期刊論文目 前有八篇7，大部分攏是以文學性 ê 角度去解釋作品呈現 ê 內涵。
7 本論文主要是以陳明仁 ê 台語小說做研究文本，tī Airiti Library 華藝線上圖書館揣著兩篇以陳 明仁台語小說為研究對象 ê 論文，楊思顯，2005。〈陳明仁台語小說中ê台灣人形象 kap 價值觀 研究〉(靜宜大學中國文學研究所碩士論文)，kap 梁君慈，2009。〈陳明仁小說中的鄉土議題與 語言策略〉(國立成功大學台灣文學系碩士在職專班碩士論文)。Tī 台灣博碩士論文系統揣著 除了頭前 hit 兩篇，另外 koh 有三篇學位論文，內容有講著陳明仁 ê 台語小說相關研究。黃文 達，2010。〈當代(1986-2008 台語小說 kap 內底的台灣意識研究〉(國立中正大學台灣文學所碩 士論文)，收集 1986-2008 年 ê 台語小說，包括單篇文章 kap 出版成冊 ê 小說，並且 kā 台語小 說發展過程詳細整理，beh tshiau-tshuē 出台語文學內底台灣意識 ê 形象，論文內面特別有講著 陳明仁 ê 小說是原創 ê，毋是翻譯--過 ê 作品。蔡幸紋，2011。〈臺語文學的高雄地方書寫探討 -以胡長松、清文作品為討論對象〉(國立高雄師範大學台灣文化及語言研究所碩士論文)，其中 講著語言 kap 地方感，有舉陳明仁小說〈海口故鄉〉做例，了解西部沿海有 in 特別 ê 腔口。
朱香婷，2011。〈228 台語小說研究〉(國立台北教育大學台灣文化研究所碩士論文)，論文內面 選真濟有關 228 事件 ê 小說，其中一小節是選錄陳明仁小說〈228 事件〉，毋過 kap 228 事件無 直接 ê 關係，論述講農村社會發生 ê 代誌來對比政治上真正拄著 ê 228 事件，透過一般百姓 ê 事件來反映社會 ê 烏暗。以上所列三篇主要是以文學性 ê 角度分析文學作品，包括探討台灣意 識 kap 台語文學 ê 關聯性、地方文學 ê 論述 tuì 地方意識產生啥物款 ê 影響、作家用本土 ê 語 言 leh 書寫在地 ê 歷史，所產生 ê 小說 koh 較倚會當反映出小人物 ê 心聲。因為這三篇毋是專 文 beh 探討陳明仁 ê 小說，所以 tī 這簡單列出。
另外，因為陳明仁是台語運動者，這部份相關 ê 研究 mā 有三篇：蔡瑋芬，2006。〈戰後 台語文學運動ê開展：1986-1991〉(國立台灣師範大學台灣文化及語言文學研究所碩士論文)，
文中主要 leh 探討戰後 1970 年代戰後台語文學發展ê因素 kap 背景，進一步說明實踐上ê成果，
包括發行台語刊物或者是作家作品ê產生。方耀乾，2008。〈Uì 邊緣 kàu 多元中心：台語文學ê 主體建構〉(國立成功大學台灣文學系博士論文)，tuì 民主化 kap 本土化運動開始出現台文社 團 kap 台文雜誌，主要 beh 建構出母語文學 ê 主體性，文中特別有講著陳明仁《路樹下 ê t³-peh-á》
主要是 leh 描寫彰化二林地誌人文 kap 台灣 ê 邊緣人。施俊州，2010。〈語言、體制、象徵暴力：
前運動期台語文學 kap 華語文學關係研究〉(國立成功大學台灣文學系博士論文)，主要是探討 語言 kap 體制ê統治之間ê關聯性，了解 POJ 文學ê歷史定位。
(一) 2002 年廖瑞銘、陳忠偉發表〈文學中的二林街景~比較洪醒夫與陳明仁 作品中的故鄉書寫〉8。主要針對洪醒夫 kap 陳明仁兩位作家 tuì 二林街景 ê 故鄉 書寫做比較，探討兩位 tī 社會變遷上是按怎描寫家己 ê 故鄉，分析洪醒夫 tuì 二 林 ê 書寫大部分是背景 ê 紹介，陳明仁主要是呈現一個 hit 時陣 ê 社會價值 kap 獨特 ê 生活觀念，用台語來創作，想 beh 反抗 hōo 外來政權統治 ê 意識。透過兩 個作家 tuì 原鄉 ê 書寫了解用無仝 ê 角度描寫仝一個故鄉 ê 差異性。
(二) 2005 年楊斯顯所寫 ê〈陳明仁台語小說中 ê 台灣人形象 kap 價值觀研究〉
內底所注重 ê 是 tuì 台灣人 ê 形象以及台灣人價值觀兩方面。其中 tī 台灣人 ê 形 象方面，伊是根據 hit 當時人民 ê 社會背景 kap 所扮演 ê 社會角色做分析歸納，
描繪出 50、60 年代各階層台灣人 ê 形象。Koh 來，tī 台灣人 ê 價值觀研究上，
伊 koh 是 tuì 無仝角度切入研究分做四個議題探討，進一步說明價值觀是會 tuè 外在環境 ê 影響來改變。
(三) 2005 年陳明仁發表〈探究殖民前的在地文化價值觀－以 Asia Jilimpo(陳
(三) 2005 年陳明仁發表〈探究殖民前的在地文化價值觀－以 Asia Jilimpo(陳