2023 明道中學本土語讀者劇場比賽(校內甄選)

明道中學 2023 學生本土語讀者劇場比賽 校內甄選計畫

一、依據：112年全國語文競賽試辦本土語文讀者劇場競賽計畫。

二、目的：甄選參與112年11月舉辦之全國語文競賽試辦本土語文讀者劇場的校內代表選手。

※注意事項：競賽的培訓時間約 3 個月，意願參與甄選同學須考量可全程配合培訓時間再報名。

三、辦理單位：

（一）主辦單位：明道中學本土語文科。

（二）協辦單位：教務處。

四、辦理方式：依公告劇場文本(如附件)，拍攝4~5分鐘影片，並投稿甄選。

（一）參加對象：每隊5~8人。

1.國中學生組：七年級。

2.高中學生組：十年級。

（二）報名條件：

1.各隊成員須由學校進行本土語文課程同一班級學生組成。

2.隊伍指導教師以1人為限，限該班級本土語文課程之實際授課教師。

（三）重要期程：

1.第一階段：05月31日(三)前繳交報名回條並至班級線上報名系統中完成線上報名。

http：//s2.mingdao.edu.tw/ORDER/SubSystem/WebApply/apply_login.php?ACT_ID=A04141

2.第二階段：06月30日(五)前將影片上傳投稿甄選(檔名範例：高一15-本土語讀者劇場)。

https：//drive.google.com/drive/folders/1xcXHOqF8w1XkeWORCNqmsm2isZ-CVK_d?usp=share_link

3.第三階段：07月31日(一)前公告甄選結果。

4.第四階段：09月01日(五)至11月24日(五)選手培訓。

5.第五階段：11月25日(六)代表學校參加全國語文競賽試辦本土語文讀者劇場。

（四）影片甄選評判標準：

1.團體互動：成員能對話互動，搭配得宜，展現團體默契。

2.發音語調：口語清晰流暢，語音正確，用詞精準適切。

3.表達流暢：成員表述前後連貫，內容切題，表述完整。

4.創意多元：自創文本，思考創新，展現多元觀點。

5.對答如流：依據提問回答自然流暢，言之有物，敏捷流利。

（五）甄選限制：

1.比賽時禁止使用文具、道具(如假髮、頭巾、帽子、彩帶、響板等)、舞臺背景與配樂，服 裝不列入評分。

2.競賽員不可同時參加112年全國語文競賽各語各項目，各競賽員不得跨語言、跨項、跨組報 名，違者取消競賽資格。曾獲得111年本競賽決賽該語言該項該組特優，不得再參加該語言 該項該組之競賽，違者其競賽成績以0分計算。

（六）團隊敘獎：取前三名及佳作數名，分別給予不同等第行政獎勵及獎狀乙幀。

---

明道中學 本土語讀者劇場比賽 校內甄選報名回條

班級：

編號 座號 學生姓名 _線上報名^已完成 編號 座號 學生姓名 _線上報名^已完成

1 5

2 6

3 7

4 8

報名班級本土語文任課老師簽名：_____________________

附件

明道中學 2023 學生本土語讀者劇場比賽 校內甄選公告文本

劇本名稱：巧新婦

【第一幕】 兩个新婦袂變竅，員外受氣氣袂了。

員外：「囝啊！囝啊！阿爸的話，你著聽。恁逐家共看覓咧，日頭曝著尻川矣。這兩个新婦猶無欲起 來煮早頓。害我枵甲大腸告小腸，真正是一頓久久，兩頓相拄。阿珠啊，阿花啊。恁緊出來 啦。」

大新婦：「阿爹，阮來矣啦！逐家好！我是大新婦，我叫做阿珠啊啦。人攏嘛呵咾講我生做媠閣妖 嬌。阿花啊！阿花啊！緊出來啦！」

二新婦：「一步行、二步行、三步到大廳。看著阿爹徛佇遐，趕緊叫一聲，阿爹！欲創啥？」

員 外：「恁去買魩仔魚轉來煮糜通食。」

大新婦：「哦！阿爹，欲買魩仔魚哦。我隨來去買！我隨來去買！」

二新婦：「啊欲買幾尾？」

大新婦：「買一尾就好矣。頭、尾共剁掉，啊腸仔肚閣共撏撏咧，啊閣共鏨(tsām)做六塊。」

二新婦：「我知、我知，咱兜拄好六个人。一人食一塊，閣拄仔好，閣公平。」

員 外：「呼呼！真正是外甥仔娶某。」

二新婦：「阿爹！彼是啥物意思咧？」

員 外：「啊就了然啦。連魩仔魚生做圓抑扁，啊恁就攏毋知影。」

大新婦：「阿爹，歹勢啦！啊無，我來去買六尾。一人食一尾，

員 外：「呼呼！牛牽到北京嘛是牛。魩仔魚，免買矣啦！」

二新婦：「阿爹！啊無，欲買啥物？」

員 外：「規氣恁兩个轉去外家歇熱。」

大新婦：「啊！阿爹！真的哦！啊當時轉來hannh？」

員 外：「阿珠啊！你五月節倒轉來。欲倒轉來的時陣，愛提紙包風。」

二新婦：「啊我咧！我咧！」

員 外：「阿花啊！你……七月半倒轉來。抑欲倒轉來，愛提紙包火。」

大新婦：「阿爹！啊你是咧講啥？啊我哪聽甲霧嗄嗄！」

員 外：「猶閣有咧！恁兩个愛仝一工倒轉來。」

大新婦：「爹--！人講刣魚刣到鰓，講話就講透枝。阿爹！請你共阮明示啦！阿爹！阿爹！」

二新婦：「免叫矣啦！老人食紅蟳----講無效。咱那行那想啦！」

大新婦：「阿爹！阮來去hannh，阮來去hannh。」

員 外：「娶著這兩个新婦，真正是予我氣身惱(lóo)命。我猶有一个後生，猶袂娶。恁若有較精光的 姑娘仔，才介紹予阮第三的做新婦。啊若彼个媒人錢，絕對袂失恁的禮，若有才請敲電話：

0800-0909-449。」

某乜人：「聽無啦！」

員 外：「啊就恁爸閒閒，啉酒啉甲欶欶叫啦。按呢有較好記無？」

眾 聲：「有哦！」

員 外：「萬事拜託！萬事拜託咧！」

【第二幕】 阿珠阿花想無步，阿美出面傳撇步。

阿 珠：「阿花啊！啥物是紙包風hannh？」

阿 花：「我嘛毋知呢！啥物叫做紙包火？」

阿 珠：「啊五月節佮七月半明明就無仝一工，咱兩个是欲按怎同齊轉來hannh？」

阿 花：「這……我嘛毋知呢！你就比我較巧！啊你毋知！我欲哪會曉啦？」

阿 珠：「啊哈哈！歹勢啦！阿花，咱兩个就半斤八兩，相知相知，你嘛莫三跤貓，咧笑我一目 狗！」

阿 花：「這……這……」

阿 珠：「我看這改穩慘的。」

阿 花：「我看這改穩慘的。」

阿 珠：(對觀眾講)「你知無？小朋友！你知無？轉去問恁阿媽！恁阿媽有佇咧無？啊我毋知欲按 怎！」

阿 美：「這兩位大嫂，請了。拄才，恁講的話，我攏有聽著，請恁放心免煩惱，小妹佇遮較佔權，

出主意予恁來做參考。」

阿 珠：「哦？有影！來，我問你！啥物號做紙包風？」

阿 美：「紙包風就彼號(lō)彼號(比手勢)。」

阿 珠：(雄雄知影矣)

阿 花：「啥物叫做紙包火？」

阿 美：「紙包火哦！(比手勢)彼啦。」

阿 花：「哦--！我哪攏無去想著？啊你哪遮巧、遮𠢕(gâu)？」

阿 珠：「猶閣有乎！猶閣有乎！五月節佮七月半，啊就無仝工，阮兩个是欲按怎同齊轉來hannh？」

阿 美：「哦！兩位大嫂，請恁放心！免著急，這寬寬仔是。免煩惱啦！eh！咱沓沓仔行，行來彼爿 的樹仔跤，我才來勻勻仔來講予恁聽。」

阿 珠：「誠好！誠好！拜託！拜託！」

阿 美：「咱來彼爿樹仔跤講較涼乎！」

【第三幕】 包風、包火紙攏有，員外歡喜添新婦。

員 外：「這兩个戇新婦無佇咧，厝裡加偌清靜咧。啊若無，干焦看就倒彈哦！」

阿 珠：「阿爹！我轉來囉！」

員 外：「啊恁兩个閣有法度同齊倒轉來！」

阿 珠：「你叫阮紮的物件，人攏嘛有紮轉來呢！」

阿 花：「你看！你看！人阮嘛有呢！」

員 外：「啊恁兩个閣知通有法度倒轉來呢！」

阿 珠：「啊爹！你叫我五月節倒轉來，五月節就有縛肉棕，我就縛肉粽轉來，就表示五月節啦。」

阿 花：「你叫我七月半轉來，七月半攏炊粿，我提一塊鹹粿轉來，就是代表七月半矣。你看，按呢 就著矣。」

員 外：「烏枋畫烏貓----看袂出來。恁兩个當時仔變甲遮爾仔巧咧？」

阿 珠：「哈哈，歹勢啦！頭一改予阿爹呵咾！」

員 外：「慢且歡喜，啊紙包風閣紙包火咧？」

員 外：「有！有！有涼！有涼！」

阿 珠：「葵扇是用紙糊的，擛落就有風，所以，這叫做紙包風。」

阿 花：「鼓仔燈嘛是用紙糊的，蠟條點佇內底，按呢就是紙包火。這个叫做紙包火啦。」

員 外：「機關藏佇倉庫，是毋是有高人指點咧？」

阿 珠：「哈哈！無影無跡，閣予你講甲對同仔對同！」

阿 花：「啊就有一个姑娘仔共阮教的啦！」

員 外：「是佗一个姑娘仔？是啥物人的新婦咧？」

阿 珠：「伊哦！伊就咱隔壁阿花仔𪜶(in)新婦彼个媠姑娘仔，這阿……就是矣啦！」

員 外：「哦！遐爾仔巧！我著趕緊叫媒人去共做親情，娶轉來做第三新婦。」

阿 珠：「哦！誠好！誠好！行！來去揣媒人婆啊，來去！」

【第四幕】 員外閒閒掛無事，縣爺受氣煞有事。

員 外：「自從第三新婦娶入門了後，我就加偌輕鬆囉！這馬會使掛無事牌，(掛牌動作)會使來哈茶啉 咖啡囉！」

兵：「縣老爺出巡囉！閃！閃！閃！閃----！閃！閃！閃！閃----！無代誌的較閃咧！喂！啊你是無 khuàinn(看見)哦！縣老爺佇後壁來矣！恁袂曉較閃咧哦！閃！閃！閃！閃----！喂！閃！閃！

閃！閃----！喂！無代誌的攏閃去邊仔呼！」

縣老爺：「哼！無事牌？有人規工做甲強強欲死！有人閒閒無代誌！閣掛一个無事牌！這款呼！ah無 揣工課來予做，哪會使得(tsit)咧！來人啊！彼个門口掛無事牌的人，叫伊入來見我！」

兵：「是遵命！」

卒：「見著大人跪咧！」

員 外：「草民拜見大人！」

縣老爺：「啍！你，真好大膽！食飽閒閒無代誌！閣掛一个無事牌咧聳鬚！我限你三日內，提兩項物 件予我！」

員 外：「佗……佗兩項？」

縣老爺：「第一項，叫牛犅(káng)生牛仔囝！第二項，做一領遮天的布篷。我欲看你是有事抑無事 啦！」

卒：「啥物號做牛犅咧？」

兵：「這毋較簡單，啊牛犅就是公的牛就叫做牛犅。」

卒：「呼---，公的牛號做牛犅哦？按呢我知啦！(對觀眾)按呢恁知無？送--。」

員 外：「這----」

縣老爺：「退堂！」

兵 卒：「威武！」

員 外：「啊今！這馬是欲按怎？這馬是欲按怎咧！恁會當共我鬥解決無？」

阿 花：「阿爹！la̋i(來去)食飯哦！」

阿 珠：「阿爹！清清白米飯，鹹鹹鴨母卵，燒燒菜頭湯。」

阿 花：「無事，新婦來擔當！」

員 外：「好啦！好啦！恁兩个先去食(成乞食)啦！」

阿 花：「講咱兩个成乞食啦！唉--！」

阿 美：「阿爹！咱來去食飯！清清白米飯，鹹鹹鴨母卵，燒燒菜頭湯。若有事，新婦來替你擔 當！」

員 外：「唉！欲哪食會落去啦！」

阿 美：「阿爹！是啥代誌？毋就講出來咱逐家通好討論。」

員 外：「啊就無代誌掠一尾蟲佇尻川咧擽(ngiau)。詳情聽說，用比的。」

阿 美：「哦！阿爹！這小可仔代誌爾爾啦！免煩惱！這予新婦來發落就好！阿爹！咱來去食飯 啦！」

員 外：「好！來食飯。」

阿 美：「咱來食飯。」

【第五幕】 縣爺出題共考試，新婦化解無代誌。

兵：「(唱)開封有一个垃圾先，身軀無洗全全鉎。」

兵 卒：「(唱)走去溪仔邊洗三遍，毒死烏仔魚數萬千。」

縣老爺：「扯！亂來！無禮貌！」

兵 卒：「火烌(hu) (威武)！」

縣老爺：「三日期限已經到囉！彼个門口掛無事牌的猶閣無來探頭，哈哈哈！我欲看伊有偌爾仔𠢕 (gâu)？」

卒：「報！」

兵：「報！」

卒：「有人求見。」

縣老爺：「傳！」

卒：「傳！」

阿 美：「民女參見縣老爺！」

縣老爺：「來食胡蠅(來者何人)？」

阿 美：「我叫阿美矣。因為阮阿爹佇厝裡掛一塊無事牌，煞惹縣老爺你受氣。今仔日，我替阮阿爹 來遮共縣老爺你會不是。」

縣老爺：「啊恁阿爹是怎樣無來咧？」

阿 美：「哦！阮阿爹就佇厝裡咧做月內啦！」

縣老爺：「塗虱(胡說)！查埔人袂生囝通人知，做啥物月內咧？」

阿 美：「縣老爺！查甫人袂生，這—你嘛知，啊是按怎叫阮阿爹轉去找牛犅會生牛仔囝咧？」

縣老爺：「這……(對兵講)巧！有巧！有夠巧！(對阿美講)好！好！好好好！這項準予你通過。第二 項，遮天的布篷咧？」

阿 美：「縣老爺！阮兜倉庫的布匹(phit)是足濟足濟足濟，請縣老爺你共天頂的寸尺量予好勢，我通 好轉去發落人去做！」

縣老爺：「(對卒講)巧！真巧！真正巧！哈！哈！哈哈哈！恁厝就是有你這款的巧新婦，莫怪恁大官囂 俳(hiau-pai)，敢掛一个無事牌。哈！哈！哈哈哈！」

阿 美：「縣裡縣爹你上大，(欲叫牛犅生牛囝)交辦的代誌若敢拖，頭身存範分開蹛，佳哉縣爺你放爹 煞，真是明理的父母官，轉去欲閣共無事牌來掛，社會安定又繁華。」

縣老爺：「好好好！誠好！」

員 外：「阮兜有一个巧新婦，凡事有伊咧(teh)擔當，歡喜毋是咧聳鬚，日日清閒掛無事。」

報 幕：「員外本是無心機，縣爺刁持(tiau-tî)共考試，賢慧新婦好計智，替伊解圍無代誌。」

眾 人：「今仔日，阮的表演就到遮，多謝。」