名詞解說

一、台語

上濟台灣人的母語；就是一般所講的「閩南語」，嘛叫做「福佬話」。

1957 年出版的《台灣語典》，連橫嘛講著當時民間使用「台語」的情形：

今之學童，七歲受書，天真未漓，咿唔初誦，而鄉校已禁其台語矣。

今之青年，負笈東土，期求學問，十載勤勞而歸來，已忘其台語矣。

張復聚、張學謙、楊允言、劉杰岳（2003）提出的看法是：所有台灣的本土 語言攏是台灣的母語，簡稱做台語；若是一般所講的台語，干焦是指Hō-ló 話。

台灣是一个族群文化多元豐富的國家，每一个族群攏有伊的母語，其中「台 語」就有規十種的別稱，親像：河洛話、福佬話、福建話、閩南語…等，用「台 語」這个名稱可能會有爭議（楊允言2008 引用李勤岸的文章⁹）。

避開各方對「台語」名稱的爭議，本研究所講的「台語」，是指台灣七成以 上的人所咧使用的語言，同時抑是民間對「Hō-ló 話」上慣勢的指稱。

根據這个定義，台語聖經也就是用Hō-ló 話所寫的聖經。書面語表現形式有 三種：全羅馬字¹⁰、全漢字¹¹、漢羅並用¹²文本。

9 原文〈沒有名字的語言？〉刊佇台灣文學館通訊 15 期。

10 本研究三个語料就攏是全羅馬字文本，簡稱做「全羅」。

11 台灣基督長老教會目前使用上濟的台語聖經《台語漢字本聖經》就是全漢字文本。本研究將這

種文字表現方式稱做「漢字」。

12 夏威夷台語教會佇1987 年發行的《路加福音漢羅試寫》是將《巴克禮譯本》改寫做漢羅並用文

二、語料庫語言學相關專有名詞

經過斷詞佮詞頻統計，得著表1-2 「詞型」佮「詞次」統計範例的數字：

（一）詞型（word types）

佇文章當中會出現真濟無仝的語詞，遮的無仝的語詞，就叫做「詞型」。表 1-2 「詞型」佮「詞次」統計範例顯示這段文章有 48 个無仝款的語詞，也就是 48

（二）詞次（word tokens）

這48 个「詞型」出現佇文章當中攏總出現幾擺，就叫做「詞次」。親像「愛」

這个詞型攏總出現5 擺，「愛」的詞次就是 5；這段文章總詞次是 63，就是攏總有 63 个語詞。

（三）詞頻（word frequency）

文章當中字詞出現的頻率，就叫做「詞頻」。親像「愛」這个詞型的詞次就 是5，這段文章總詞次是 63，所以「愛」的詞頻就是 5/63*100%=7.94%。

（四）遮蓋率（coverage rate）

「遮蓋率」就是「累積詞頻」，共語詞照詞頻對懸排到低，按順序累積計算 語詞所佔的pha 數；用表 1-2 「詞型」佮「詞次」統計範例的例，計算出表 1-3。

表1-3 遮蓋率範例

詞型 詞次 詞頻 遮蓋率

愛 5 5/63*100%=7.94% 7.94%

kám 是 4 4/63*100%=6.35% 14.29%

因為 4 4/63*100%=6.35% 20.64%

ê 4 4/63*100%=6.35% 26.99%

chia 3 3/63*100%=4.76% 31.75%

/ / / /

山坡地 1 1/63*100%=1.59% 100.00%

計共：63

簡單說明遮蓋率的用處，以學習策略來講，假使某一个語言的語料，攏總有 10,000 个詞型、1,000,000 个詞次，其中，詞頻上懸的前 300 个詞型，遮蓋率達到 60%，這表示針對這个語言，咱若學習著前 3%（300/10000）的詞型，就看有這个 語言60%的文本。

三、本研究名詞定義

（一）共通詞佮非共通詞

本研究的語料總共有三份，通過語詞的詞頻統計了後，若是三phō 聖經攏有 的詞，就稱做「共通詞」。

佇圖1-1 三 phō 聖經共通詞示意圖，中央的範圍內底的語詞是「共通詞」；其 他各部份的詞（包括有任何兩phō 聖經有的語詞，抑是干焦有一 phō 聖經有的語 詞。）就是「非共通詞」。

圖1-1 三 phō 聖經共通詞示意圖

（二）繼續使用的語詞

根據圖1-1 三 phō 聖經共通詞示意圖，「共通詞」就是三个版本攏有的語詞，

本研究定義做「繼續使用的語詞」。

（三）新選用的語詞

用《現代譯本》做比較的基準，若是佇《巴克禮譯本》佮《高陳譯本》攏無 出現過，毋過有出現佇《現代譯本》的語詞，本研究就共伊號做「新選用的語詞」。

《巴克禮譯本》 《現代譯本》

《高陳譯本》

共通詞

（四）停用的語詞

用《現代譯本》做比較的基準，若是佇《巴克禮譯本》佮《高陳譯本》捌出 現過，佇《現代譯本》內底煞無看著的語詞，本研究就共伊號做「停用的語詞」。