聖經翻譯理論佮歷史

一、鄭良偉、張學謙佮楊允言的研究

鄭良偉、張學謙佮楊允言（2006）發表應該透過多語文本、跨語文助讀佮翻 譯來維持語言文化多樣性的想法。閣提出英文翻做台文的成功案例：

早期教會ê 台語羅馬字資料，有部分是 ùi 英文翻譯過來 ê，siōng 有名 ê tō 巴克禮牧師翻寫 ê 台語聖經（新約 1916 年，舊約 1933 年）；1950 年，

當時淡水純德女子中學校 ê 校長陳清忠先生，mā 用台語羅馬字翻譯 Shakespeare ê 劇本《Venice ê 生理人─法庭》並且 chhōa 領師生來演出；

1996 年 kap 1997 年出版 ê 5%台譯計畫 ê 13 本書，包括《Lear 王（李爾

王）》、《鬼仔馬車》、《Opera 內 ê 魔神仔（歌劇魅影）》、《勇敢ê Aukele》、...

等等mā 是 ùi 英文翻譯過來；曾正義 mā 出版《雙語林肯傳》kap《富 蘭克林自傳》，用英文、台文對照；另外，盧永芳為著白話字教學 ê 需要，mā 揀一 kóa 英文 ê 笑詼，kā 翻寫做台文。（鄭良偉、張學謙佮 楊允言,2006:54）

可見翻譯是建立多語文本佮維持語言文化多樣性的一个手段，這已經是真普 遍的認知矣！佇台灣，台語聖經閱讀的人口遮爾濟，對保留台語語詞、語法有一 定的貢獻。

二、李曉婷的研究

李曉婷（2007）用《和合本》中譯聖經做基準，去探討目前台灣新教教會使 用上濟的《國語和合譯本》、《現代中文譯本》、《國語新譯本》三本《聖經》中譯 本的使用情況。

研究中詳細分析各譯本的翻譯手路，以及譯本使用的變遷，並且分析出讀者 上會當接受的翻譯原則。

研究顯示：翻譯的原則、手路會直接影響文本的語法、句法，以及語詞的選 擇佮使用。

三、其他關於聖經翻譯的研究

《聖經》經過兩千外年的歷史，已經有2000 外種語言的版本（黃錫木，2007）；

《聖經》翻譯的工作一直是基督教派一項真重要的空課，翻譯的理論嘛一直綴時 代改變。

張曌菲（2002）講著《欽定譯本》的譯者佮所有聖經譯者仝款拄著一个困難

的問題：欲按怎用另外一種語言表達出一部用其他語言寫作的作品？翻譯者定定 佇文本的忠實度佮譯本的優雅度中間，感覺真 oh 選擇，尤其是《聖經》翻譯這 項特殊的工作，因為必須愛考慮著信仰方面的信息佮傳達的利便，到底是欲注重

文本的「尊貴高尚」，抑是欲予讀者「簡單易讀」？

莊雅棠（2008）講著 1979 年出版、1997 年修訂的《現代中文譯本》的聖經翻 譯工作，強調「意義相符、效果相等」、「口語形式勝過書寫形式」，就是欲佮《和 合本》內面傷過典雅、講究形式，致使讀者閱讀困難、袂通順的字句，攏重新翻 譯做通順佮符合時代的經文。

駱維仁（2006）嘛認為《現代中文譯本》聖經的修訂，用母語來翻譯是上自 然的：

能夠以自己的母語接觸到上帝的話是最貼切、最有意義的事。母語的 聖經一定是聽起來很自然，讀的時候像母親在向你說話一樣，不生 疏、不生硬，不會帶有外國腔，很容易聽懂。（駱維仁，2006:90-91）

毋過《聖經》的譯本，因為經過翻譯佮時間空間的演變，雖然翻譯做「母語」

版本，定定嘛無法度透過譯文得著佮原讀者仝款的信息。

我們跟聖經的原讀者住在不同的時代，有不同的文化背景，使用不同 的語言，對事物有不同的假設，以至於現代的讀者往往無法從譯文掌 握到原讀者所得到的信息。（駱維仁，2006:92）

Philip C. Stine（2004）認為世界少數民族語文研究院特別注重聖經的翻譯工

當地的語言，甚至制定一套書寫系統，教當地的人使用，才閣用本地的人做佇手 來進行翻譯工作。這个模式佮台灣聖經翻譯、白話字設立的經過相siâng。

聖經公會的看法比較就較謹慎，in 傳統上無愛佇無教會佮無人通好講解聖經 的所在翻譯聖經，in 認為按呢會共傷濟的文化、神學佮歷史資料加入去譯本內 底，影響聖經原始的信息傳達。，比較聖經的大量翻譯，in 佮較注重的是聖經的 原著。

聖經翻譯的手路，佇奈達（Eugene A. Nida）進前，採取的攏是「形式對等」

的方式，注重譯本佮原文的對應關係，強調一字一句攏愛照實翻譯，定定造成讀 者無法度理解經文的意思。

奈達提出「功能對等」的理論了後，為聖經的翻譯展開新的一頁，聖經開始 用讀者的話講語讀者聽，從此以後更加倚近讀者的世界。

對按呢來講，怎樣予讀者會當接受著上接近作者原意的信息，這真正是《聖 經》翻譯上大的課題。