研究場域 kap 實施歷程

本研究以目前服務 ê 學校，tī 台北市士林區 ê 國小附設幼稚園企鵝班，利用 ta̍k 禮拜兩節 課 ê 時間，來實施友愛品格教育 ê 課程 kap 教學，kíng 選內容傳達友愛 ê 繪本五本，ta̍k 本繪 本設計一禮拜二節課，一節課四十分鐘，前後十禮拜 ê 教學。以下分別說明研究場域 kap 實 施歷程：

壹、研究場域

一、研究對象

本研究將研究對象是台北市士林區 ê 國小附設幼稚園四足歲到六足歲 ê gín-á，這班 ê gín-á 差不多 lóng 是全日班，全園有三班，六個合格教師，辦公室一間，多功能教室一間，一間教 具室，一間圖書室，本研究者任教 ê 班 gín-á 年歲大細有 sio-lām，lóng 總二十五個，其中二個 是特殊 gín-á。研究對象是本研究者任教 ê 班級學生，『企鵝班』lóng 總二十五人、中班十一人、

大班十四人，研究時間 ùi 100 年 9 月到 101 年正月，以一個月做準備 ê 時間，kíng 友愛繪本五 本，ta̍k 禮拜二節課，ta̍k 節課四十分鐘，ta̍k pái 用一本台語繪本做主要教材，koh 用 DVD、音 樂 CD iah 是電子冊檔案輔助教學，用 suh 管 ang-á、布 ang-á kap 紙 ang-á puann 戲 ê 方式進行，

實施台語繪本應用 tī 有關友愛品格教育 ê 教學歷程。

二、協同教師

Kāng 班教師糖果老師是台北人，本身 mā ē-hiáu 講台語，除去上課 ê 時 tàu 協助教學，kap 負責 hip 相攝影，koh 用旁觀者 ê 身分進行教室觀察，提供研究者參考意見，針對教師教學歷

41

程 kap 結果、gín-á ê 反應、家長 ê 態度、課程 ê 內容，提出改進 ê 意見，研究者 kā 納入資料收 集 ê 一部份。

三、專家諮詢

為 tio̍h beh 建立「gín-á 台語繪本學習評量表」、「台語繪本 hām 友愛品格教育家長態度調 查表」、「gín-á 友愛品格教育評定量表」ê 專家效度，tī 2011 年 8 月擬好前測 ê 問卷，請二個專 家學者張學謙先生 kap 楊允言先生巡看了後，根據 in ê 建議 kap 看法修改問卷，了後 tsiah 分 hōo 家長填，前測 ê 問卷是台語繪本 kap 友愛品格教育家長態度調查表、gín-á 台語繪本學習評 量表、gín-á 友愛品格教育評定量表，後測 ê 問卷是 gín-á 台語繪本學習評量表、gín-á 友愛品格 教育評定量表，家長態度調查表，研究者 kan-tann 想 beh 了解家長態度 tsiah-ê 相關問題，m̄是 beh 探討 in 有 siánn-mih 改變，所以無做後測。

貳、實施歷程

本研究 ê 實施歷程大概 ē-tàng 分做走 tshūe 研究起點、擬定解決策略、tī 行動中修正、資 料收集 kap 分析、寫研究報告五個階段，2011 年 8 月就擬好前測 ê 問卷，請兩位專家學者巡看 了後，9 月開始走 tshūe 研究起點，tī kui 個行動研究過程中，ùi 確定研究目的 kap 範圍，行動、

省思、修正、再行動，是不斷循環 ê 歷程，tānnka 實施歷程用時間分做五時段，說明如下：

一、走 tshūe 研究起點（2011 年 8 月~10 月）

Tī kui 個行動研究過程中，ùi 確定目的 kap 待答問題，行動、省思、修正、再行動，是不 斷循環 ê 歷程，參考教育部幼稚園課程標準寫教案設計、幼兒母語教學 kap 理論，最後選五 本台語繪本進行教學，kā「台語繪本 kap 友愛品格教育家長態度調查表」問卷分 hōo 家長，調 查家長 ê 態度 kap「gín-á 友愛品格教育評定量表」，了解 gín-á 實施教學前 ê 友愛行為表現。

42

二、擬定解決策略（2011 年 10 月～12 月）

10 月初實施前測工作，這段時期研究者根據研究目的 kap 問題，讀相關文獻，行動研究 ê 理論基礎、戲劇教學 ê 理論基礎、問卷調查法 ê 理論基礎，mā 讀真濟國內母語教育 kap 雙 語教育 ê 理論基礎，教師有真濟機會 kap 學生互動，ta̍k pái 課程教學了後就隨 kā ka-tī ê 感想寫 --落-來，針對實施中 kap 實施後發現 ê 困難 tshūe 出因應 ê 對策，進一步探討有效 iah 是無效。

三、Ti7 行動中修正（2011 年 9 月～2012 年 1 月）

研究對象是本研究者任教 ê 班級學生，『企鵝班』lóng 總二十五人、中班十一人、大班十 四人，研究時間 ùi 100 年 9 月到 101 年正月，以一個月做準備 ê 時間，kíng 友愛繪本五本，ta̍k 禮拜二節課，ta̍k 節課四十分鐘，ta̍k pái 用一本台語繪本做主要教材，koh 用 DVD、音樂 CD iah 是電子冊檔案輔助教學，用 suh 管 ang-á、布 ang-á kap 紙 ang-á puann 戲 ê 方式進行，實施台語 繪本應用 tī 有關友愛品格教育 ê 教學歷程。

10 月中開始進入實施教學歷程，課程 ê 實施時間是：ta̍k 禮拜拜二 kap 拜四早起

10:30~11:30，透過書面資料、課堂討論 kap 角色扮演等，觀察學生有意義 ê 事件 tsiah 做有系統 ê 記錄，kā 變做 beh 了解學生有價值 ê 資料，mā 記錄下課了後同學 ê 互動 kap 多方面收集學 生品格方面 ê 資料，像：學生 tī 厝--nih ê 言行等，ē-tàng 得 tio̍h khah bē 偏、khah 全面整體性 ê 客觀資料，提供多元 ê 體驗活動、調整圖畫書教學 ê 實施時間，圖畫書 ê 篩選以圖像文字 siōng 簡單清楚，gín-á siōng 簡單看 bat ê 故事為主。課程實施 ê 繪本順序是：台語繪本《你敢知》、

台語繪本《小藍帽》、台語繪本~《鳳凰花若開》、台語繪本~《愛心阿嬤陳樹菊》、台語繪本《伊 索寓言一獅子和老鼠》。

四、資料收集 kap 分析（2012 年 1 月～2012 年 3 月）

本研究 ê 觀察記錄，gín-á 學習 ê 反應，以錄音、錄影、紙筆記錄 ê 方式，記錄師生對話，

做為台語繪本實施品格教育 ê 教學歷程記錄，thang tī 日後資料分析，協同教師訪談部份（請 參閱附錄六），主要訪談問題是實施過程 ê 優缺點、gín-á 台語繪本 ê 學習情形 kap 反應、教學

43

中 tio̍h 改進 ê 所在 kap 教學成效四方面，同時完成教學歷程。

五、寫研究報告（2011 年 10 月～2012 年 8 月）

Tī ta̍k pái 教學進行了後，我 ē 隨做教學省思、記錄觀察 ê 日期，kap 觀察 gín-á ê 反應、台 語 ê 使用情形，koh ē 一直 kap 協同教師討論 ài 改進 ê 所在，了解教學中發現 ê 困境 hām 問題，

寫文章 ê 時，浮 tī 心中 ê 某 tsi̍t-kúa 經驗 iah 是意念就無記錄--落-來，m̄-koh ē-tàng 用來支持 kap 潤飾報告 ê 論點。2012 年 1 月初實施後測，依據家長回應調查表 kap 教師評量表，統計問卷 ê 得分，分析研究 ê 結果，檢視 kám 有達到 àn-sǹg ê 目標。

第三節 研究資料收集

收集資料需要真濟時間，mā 是做研究 tsìn 前 ài 做 ê khang-khùe，研究者 kā beh án-tsúann 收 集資料 ê 過程分做參考文獻 kap 台語繪本 ê 收集、教學中 ê 資料收集，說明如下：

壹、參考文獻 kap 台語繪本 ê 收集

研究者收集碩博士論文，一百年九月時，有關繪本 kap 台語 ê 論文有 1 篇，繪本 kap 語言 教育 ê 論文有 16 篇，繪本 kap 品格教育 ê 論文有 214 篇，提來做參考，tī 網路、冊局（台灣文 學館、台灣文學年鑑檢索系統、台灣本土文化書局、府城文學館、國立教育資料館、教育部 品格教育學習網、格林繪本網、博客來網路書店、海翁台語文學網，各縣市國小鄉土教材、

台南市、雲林縣、彰化縣母語得獎作品、專冊附錄、外文翻譯 ê 繪本、大陸 ê 繪本），得獎比 賽 ê 出版社（蓮花、金安、台南市立圖書館、信誼基金會、台灣麥克）、教會寫 ê 台語繪本落 手，kā 品格教育 ê 台語繪本先分類，koh 詳細讀內容，tshūe 出內容友愛 iah 是關懷相關 ê 台語 繪本。最後分作友愛品格教育繪本目錄、Gín-á 台語冊、學校創作 ê 繪本、民間故事 ê 繪本、

現代 kap 西洋囡仔古、You tube 網站、台語繪本電子書系列，放在附錄七至附錄九。

44

另外，目前有關品格教育 ê 台語繪本無濟，研究者 tī 網路走 tshūe 相關 ê 冊，kan-tann 有 林麗姿（2009）台語繪本 ê 詞彙研究，以語言風格分析法、統計分析法 kap 比較法，用具體 ê 數據表現，評論分析出三類繪本無 kāng ê 風格特色，koh 參考林麗姿台語繪本 ê 詞彙研究碩士 論文所收集 ê 原創 hām 實體台語繪本冊目，有大人 kap gín-á 創作--ê，大人創作 ê 方式分做原 創實體繪本 kap 翻譯改寫 ê 繪本；gín-á 創作方面分做比賽創作 ê 母語繪本 kap gín-á 製作 ê 實體 繪本，kā 品格教育 ê 台語繪本先分類，研究者選擇以友愛做例，是先閱讀收集來 ê 台語繪本，

tsiah 篩選出內容有關友愛品格 kap 關懷 ê 繪本，做為本研究 ê 核心。

友愛 tsit 個詞 ê 解說 thang án-ne 描述：有禮貌、bē uan-ke,長幼有序、嘴講好話，對待人友 善、尊師重道、接受勸導，欣賞別人 ê 好處，仁慈、同理心、寬容 kap 尊重，團結力量大、

互相接納 kap 和諧，包含對家人 ê 關心、話語 iah 是行為 ê 尊重、koh 有對生活環境產生關懷 kap 尊重 ê 想法、行為 kap 態度。本論文 kā 內容有關友愛 ê 繪本（台語版）列出如下：《我永 遠的好朋友---小吉利小藍帽》、《獅子和老鼠》、《老鼠報恩》、《西瓜船》、《小猴子與無尾熊》、

《鳳凰花若開》、《豆油找親戚》、《愛心阿嬤~陳樹菊》、《小熊阿寶的秘密》，《友愛 ê 繪本》（華 語版）、《一披薩一塊錢》（ipad 有聲書）

、

《早安》，《長耳先生》、《我是你的好朋友》（漢斯比爾）、《陪你一起飛》、《別怕》，《我在你身 邊》。最後選定《你敢知》、《小藍帽》、《鳳凰花若開》附 CD、《愛心阿嬤~陳樹菊》、《獅子和 老鼠》五本台語繪本進行教學，因為這五本書 ê 故事內容簡單好了解，內底 ê 人物角色清楚，

想 beh 表達 ê 主題明確，老師 kā 故事內容 sió-khúa 切割就 ē-tàng 改編做戲劇演出，gín-á 真簡 單發揮 kap 落實友愛 ê 行為表現 hām 精神。m̄-koh 台語 ê 相關研究 lóng 加 tsiânn 濟，台語繪本 發展史還沒有專冊出版，資料較零散，主要來自台灣文學年鑑檢索系統。

貳、教學中 ê 資料收集

本研究採用行動研究 ê 方式，實際 tī 教室情境--nih 進行台語繪本應用 tī 友愛品格教育 ê 教學歷程，beh 探討 án-tsúann 進行 kap 實際教學 ê 時，tú--tio̍h ê 困難 kap 挑戰，tī 課程實施中，

研究者 ê 資料主要偏向質性 ê 資料，以教室觀察記錄、教學省思日誌 kap 訪談資料，記錄課程

45

執行 ê 過程 kap tú--tio̍h ê 困難，學習單 kap 繪本製作 ē-tàng 看出 gín-á ê 語言學習效果。

一、教室觀察記錄

本研究 ê 觀察記錄，教學實施 ê 過程，gín-á 學習 ê 反應，用錄音、錄影、紙筆記錄 ê 方 式，記錄師生對話，tsiânn 做研究者反思 kap 修正 ê 參考，重點 tī gín-á 對台語繪本 ê 學習情形 kap 反應、教學中 tio̍h 改進 ê 所在，koh 有教學成效三方面。

二、教學省思日誌

教學行動日誌是行動研究重要 ê 資料來源，是研究者 tī ta̍k pái 課程教學了後 kā ka-tī ê 感想 寫--落-來，針對實施中 kap 實施後發現 ê 困難，tshūe 出因應 ê 對策，進一步探討有效 iah 是無 效，來觀察 gín-á ê 學習反應、特殊狀況等等，進行反省思 kap 記錄，thang tsiânn 做研究主體 ê 對焦 kap 資料 ê 互相驗證。

三、訪談資料

利用錄音、錄影進行非結構性問題 ê 訪談資料收集，thang 利便日後分析資料，訪談對象 包括協同教師、家長、gín-á，事先擬好訪談大綱，m̄-koh 實際進行訪談 ê 時用開放 ê 方式，隨 時根據受訪者 ê 回答接續落去做深入 ê 訪談。

四、學習單 kap 繪本製作

Kíng 出教學繪本內底重要 ê 物品、人物 iah 是主角 ê 語詞，來 tsiânn 做學習單測驗 ê 題目，

請 gín-á tńg 厝唸 hōo 父母聽，父母勾選結果 koh 簽名，用 gín-á ka-tī 畫 ê 繪本，呈現對故事內

請 gín-á tńg 厝唸 hōo 父母聽，父母勾選結果 koh 簽名，用 gín-á ka-tī 畫 ê 繪本，呈現對故事內