紲落來欲整理的資料是筆者 2013 年 2 月、3 月的時陣佇高雄市區依照中年、
青年、少年三个年齡層走揣發音人來錄字表的台語發音，整理了後每一个年齡層 無分男女各取 20 位、攏總 60 筆發音資料。整理遮的韻類的過程當中，有一寡音 韻的發音佇台灣真穩定，佇遮著無閣加講，筆者揀出第二章文獻回顧內底講的過 去學者討論過的台語當咧變化的音韻閣和這擺田野調查的結果有音變現象的韻 類，最後聲母、韻母、聲調攏總會討論 14 个字類。第五章內底，會將田野調查 收集著的語料，依照聲母、韻母、聲調三个部份做討論。
（一） 、本文欲探討的聲、韻、調類
筆者咧製作字表的時台語聲母、韻母的所有搭配方式攏有盡量用著，分散佇 字表內每一个詞彙。咱知影高雄市台語方言差較小，這章咧整理音類的時陣，筆 者發現有一寡仔音佇高雄台語系統內是真穩定、無變體的韻類，有一寡韻類明顯 有語音變異的情形，所以就根據過去調查台語發音的文獻整理出一寡較捷予人討 論的韻類來揀出高雄地區值得探討的音變韻類，本章紲落來欲進行的就是<表 9>
遮的挑選過的聲、韻、調類。
下跤這个表是本篇文章會探討的字類，韻字分類參考洪惟仁（2003）的做法，
參考漳州《彙集雅俗通十五音》佮泉州《彙音妙悟》，韻類名稱第一字取《彙音 妙悟》，第二字是取《十五音》的調類名稱。閣來的內容會依照聲母、韻母、聲 調三方面，根據<表 9>內底的字類得著的發音資料做數據的整理。
<表 9>本文調查的字類
聲母 韻母 聲調
<入>字頭 陰聲韻 <居居> 入聲調 陽入調-ptk
<科伽> 喉塞陽入調-h
<科檜>
<雞稽>
<杯稽>
陽聲韻 <恩巾>
鼻音韻 <青更>
<關官>
34
<青更> enn：90%，inn：10%
<毛扛> ng：100%
54 佇遮的「o/oo」是用台灣羅馬字系統的標音方法。詳細的元音符號使用請看註 10。
35
36
會分析這兩部份的音變現象。
（1）、<入>字頭
佇高雄市的語音調查當中，有無仝方言表現的聲母是「入」字頭「j-」，所以 本文透過中、青、少三代的調查，分析高雄市台語聲母<入>字頭的表現，聲母<
入>字頭的變體主要有漳腔「j-」、泉腔「l-」，字表選用的詞彙有「天氣真熱 h」、
「生日 t」、「汙染 jiám」、「寫字 ī」、「鬧熱 t」、「八字 ī」，佇高雄錄著的聲母 攏總有三種變體「j、l、g」，將遮的語料改成百分比來表示，整理做表格就像<
表 12>，折線圖請看<圖 2>：
<表 12><入>字頭三代語音表現數據
<入>字頭發音 中 青 少 l 46.43 % 64.87 % 87.87 % g 41.07 % 19.97 % 1.96 % j 12.50 % 15.16 % 10.17 %
<圖 2><入>字頭三代語音表現的折線圖（單位%）
結果發現：
（a）「l-」變體有年齡層的差別，年歲愈低，「l-」變體的比例愈懸。
（b）「g-」變體的比例愈來愈低，愈少年愈低的趨勢，<入>字頭少年層已經真少 有「g-」變體，「g-」主要是會佇接齊齒韻的「i」的時出現。
（c）「j-」變體所佔的比例雖然無懸，毋過每一个年齡層攏猶閣有保存，所以對 遮看會出聲母<入>字頭佇高雄地區是「l-」的比例愈來愈懸，有可能會取代其 他兩个音。
37
筆者收集的語料是高雄地區現代中、青、少年的發音，老年層的部份，筆者 引用洪惟仁在 1997 年《高雄市閩南語方言》內底對彼當陣 60 歲以上老大人的紀 錄，規个高雄老年層攏有保留<入>字頭，讀做「j-」，<入>字頭若是接齊齒音會 有「ji/gi」兩種讀音，而且冊內底閣有講著「jigi」佇當年的中年層以下真流行。
（1997:39）
<入>字頭佇老年層是真穩定的「j-」，筆者調查著的資料是中年層「j-」比例 已經無 kài 懸，干焦有 12.5%，顛倒是「l-」聲母使用的比例愈來愈懸，所以<入>
字頭是當咧變化的語音，請看<表 13><圖 3>，而且對老年到中年變化的速度真緊，
有可能是因為這幾年資訊媒體真發達，較捷佮外界接觸、著會綴優勢音的趨勢來 變化，造成「jl」、「入柳合流」的情形。另外，林珠彩（1995）佮洪惟仁（1997）
攏有記錄講「jigi」是佇當年的中年層以下真流行，筆者近期調查著的資料是 這个音對中年層到青年層愈來愈減少的情形，到少年層甚至比「j」閣較少，這 有可能是因為<入>字頭念做「g」是高雄地區保存的特殊方音，台語較少咧用以 後，就愈來愈少機會會當聽著「g」，所以<入>字頭大概的演變方向是「jl」，齊 齒韻的部份是「jigili」。
<表 13><入>字頭四代語音表現數據（老年層數據出自洪惟仁 1997）
<入>字頭發音 老 中 青 少 l 0% 46.43 % 64.87 % 87.87 % g 10% 41.07 % 19.97 % 1.96 % j 90% 12.50 % 15.16 % 10.17 %
38
<圖 3><入>字頭四代語音表現折線圖（單位%）
（2）、<入>字頭音變現象分析
本文的調查是用共時「顯象時間」的研究方法，根據 Labov（1972）提出的 觀點，年歲愈低，某一種語言變體漸漸增加抑是減少使用的現象就是表示這个音 是當咧變化的語音，對上一段的文章會當發現高雄地區的聲母就是發生這種演 變。
涂文欽（2009:18）表示，佇早期《彙音妙悟》（1800）、《雅俗通十五音》（1818）
遮的韻冊的記載，入、柳、語分立，並無合流的現象，Douglas（1873）《廈英大辭 典》附錄內底的記錄，泉州、晉州這兩跡的方言已經有入柳合流的現象。尾仔，
廈門、泉州等等遮的閩南語音系的方言研究發現入柳合流的情形愈來愈普遍，所 以這个現象其實差不多佇一百年前著開始發生矣。台灣聲母<入>字頭的演變情 形，根據第三章文獻回顧的內容佮<表 3>的整理會當看出來對<入>字頭優勢音的 描述是對早期「j-」到 2000 年了後出現愈來愈濟入柳合流的情形，所以台語<入>
字頭優勢腔的趨勢是「j-」「l-」。這个現象佇高雄地區嘛有出現矣，「l-」的比 例漸漸增加，佮優勢腔的方向相仝。
<入>字頭「l-」是年歲愈低使用的機率愈高，「g-」佮「j-」的比例煞愈來愈 低，對遮咱會當講「l-」漸漸取代老年層的「j-」成做主流的口音，這嘛佮洪惟仁
（2003）、陳淑娟（2010a）對優勢腔的描述攏仝款，攏是有「入柳合流」的情形，
所以這个音是受著優勢音的影響沓沓仔咧變化。
3、小結
這節討論高雄地區聲母的表現情形，主要是探討<入>字頭。結果發現，根據 中、青、少三代的發音記錄咱會使看出有<入>、<語>對<柳>字頭徙過的跡象，嘛 就是「j/gl」的情形。若是佮洪惟仁（1997）調查著的老年層資料相比會當看著 當年「j-」的比例是真懸，入柳合流的情形並無講 kài 明顯，接齊齒韻的字嘛是 仝款攏有保留「ji/gi」兩種讀音。，毋過到現代中年層讀做「l-」的比例煞加真濟。
對下跤的圖著會當看出來「j-」使用率減少佮「l-」的比例愈少年愈懸的線圖。
39
<圖 4><入>字頭「j」佮「l」四代表現折線圖（單位%）
對遮的發音資料會當看出<入>字頭的「入柳合流」是當咧發生的變化，而且 愈少年變化的速度愈緊，對語言內部因素來看，「詞彙擴散」的作用造成並毋是 所有的詞彙攏變做「l-」，是會當對詞彙一个一个的變化速度看出音變的規律，「j/g」
減少的速度嘛會當對無仝的詞彙看出詞彙擴散的作用。若是對社會因素來看，這 个音變的方向佮過去文獻內底的優勢腔的驅勢是仝款的，攏是發生入柳合流的現 象，所以佇高雄地區<入>字頭的現況是佮台灣優勢音趨勢相仝，「l-」較有競爭力。
（三） 、高雄市韻母的變體類型
紲落來欲看的是韻母的部份，筆者調查著的發音內底有無仝變體咧競爭、抑 是有發生語音變化的攏總有 11 類：陰聲韻類有<居居>、<科伽>、<科檜>、<雞稽
>、<杯稽>類、陽聲韻類有<恩巾>類、鼻音韻類有<青更>、<關官>、<毛扛>、<
箱薑>類以及「o/oo 元音」。
1、傳統的韻母系統
韻母有「韻頭」、「韻腹」、「韻尾」三个音段，根據洪惟仁（1997）的記錄，
高雄台語攏總有 22 个音素。這節欲探討的韻類的字表是對<表 14>內底遮的音素 互相組合的，整理發音了後，揀出 10 類有語音變異情形的韻類以及「o/oo 元音」
來做分析。
<表 14>台語韻母
韻頭 i u
韻腹 a e i oo o u
ann enn inn onn unn m ng
韻尾 i u
40
m n ng
p t k h
元音系統方面，洪惟仁表示口元音佇台灣有漳、泉方言差異，遮的方言佇高 雄互相融合的結果，就是漳泉的特殊方音攏無去矣，變做<圖 5>上正爿的「不對 稱六元音」。
<圖 5>方言元音系統55
<圖 5>會當看出央元音敢有保留是分辨漳、泉腔的重要依據，元音系統內底 漳州腔無央元音，泉州腔有保留。高雄是使用台語混合腔的所在，頂懸的<圖 5>
是洪惟仁 1997 年的記錄，彼當時老高雄腔並無央元音，也就是南部混合腔的地區 無咧使用央元音，到今，筆者對每一个韻母發音的調查嘛是仝款無發現複元音，
毋過中青年層以下有這馬佇南部地區真流行的「」韻，也就是講元音系統佮較 早比可能已經有無仝矣，後一段開始會整理這 11 个韻類的調查結果。
2、陰聲韻類<居居>、<科伽>、<科檜>、<雞稽>、<杯稽>類的調查佮整理
筆者將欲探討的 11 个韻類依照漢語音韻學的方式，看輔音韻尾的類別來分做 陰聲韻類、陽聲韻類、鼻音韻類佮元音系統，這節代先欲探討的是無輔音韻尾的 陰聲韻類。
（1）、<居居>類
<居居>類是探討台語漳泉競爭的重要韻類，洪惟仁（2002）表示現代<居居>
類佇台語內底有兩種變體：「i」、「u」，這兩个變體雖然是互相咧競爭，毋過一直 到今嘛是兩个音攏存在，所以有一寡文章主張講這个韻類有文白分工的情形、嘛 有學者認為這个韻類的使用是會受著華語的影響。本文嘛調查這个韻類這馬佇高 雄是啥物款的情形。<居居>類的變體有漳州腔「i」佮泉州腔「u」，調查的詞彙 有「鳥鼠 tshí/tshú」、「旅行 lí/ lú」、「煮飯 tsí/tsú」、「根據 kì/kù」，攏總有收集著兩 種變體「i」、「u」，整理的部份請看<表 15>、<圖 6>。
55 <圖 5>源自洪惟仁（1997:42），圖內底高雄後元音的 oo 音值是[]，o 音值是[o]，表示是不對
55 <圖 5>源自洪惟仁（1997:42），圖內底高雄後元音的 oo 音值是[]，o 音值是[o]，表示是不對