高雄台語語音的調查佮演變分析

全文

(1)國立臺灣師範大學臺灣語文學系碩士論文. 指導教授：許慧如. 博士. 高雄台語語音的調查佮演變分析. 研究生：康韶真. 103 年 01 月. 撰.

(2)

(3) 致謝詞終於到這個步驟了，萬分感動。 2010 年 9 月來到陌生的都市，踏上未知的道路，一直到現在我也不知道當初做的決定到底是不是正確，不過既然選擇了，就出發吧。三年半的研究生活，看見了許多事，遇到了許多人，感謝我身邊的這些親朋好友支持著我，成就了我。首先要感謝的是我的指導老師許慧如教授，幸好我在二下那學期能修到老師開的課，讓我今天能交出這本論文。從計畫到全文的這段期間，非常感謝老師定期與我們 meeting，給我們建議但又不會緊迫盯人，我老是想到問題就丟給老師，老師也總是不厭其煩的為我解答，提供我想法，幫我修改文章......總之，非常感謝老師的指導。感謝助教、孟珈學姊、以及所有系辦的工讀夥伴們，系辦就像個大家庭，不管是學長姊或學弟妹，大家互相幫助互相鼓勵，讓我這孤僻的人也交到許多朋友。再來要感謝遠在高雄的大學同學靖涵、旻娟、紀槿、佩娟、明秀，感謝妳們提供語料；還有好朋友詩苑，感謝詩苑在這段時間的照顧與陪伴，感謝妳常常撥休假時間陪我到處逛逛閒聊吃大餐！感謝學妹小 A，在台北的時候一起去外拍，想些有的沒的計畫；還有學妹丞艾，雖然推坑之風不可長，但非常感謝丞艾讓我見識到更多不一樣領域的東西，感謝每天晚上陪我東南西北的聊天，一起成長、一起分享，讓住宿生活不無聊，也讓我苦悶的菸酒生活增添許多色彩。接著感謝我的姊妹，感謝妳們的陪伴，尤其謝謝我的姊姊，有姊如此，是我頂世人燒好香，姊姊總是默默的支持著我，在我心煩時，在我困窘時，在我有需要時，姊姊總是沒有第二句話，北上陪我、線上陪我、電話中陪我。也感謝姊姊陪我到高雄厚著臉皮四處收集語料，沒有那些就沒有這些！謝謝妳！最後感謝我的父母，謝謝媽媽每天一封簡訊的關心，每個禮拜都跟我說想回家就回家吧，一回家就滿桌好料，離開時又幫我款一大堆糧食，驚我寒著，驚我枵著，每次坐在北上的客運，心情總是萬般不想離開。謝謝爸爸從一開始以為兩年就能畢業，讓我拖到現在也三年半了，但爸爸也沒說什麼，有機會回家也是載著我四處去，讓我放鬆心情，也謝謝你辛苦工作讓我放心讀書，真心誠意的感謝父母的栽培。要感謝的人太多了，就感謝天吧，我一直很喜歡這句話，感謝老天爺讓我在研究生涯中學到這麼多，遇到這麼多，還有那些未提及的朋友、同學、師長們，.

(4) 我不知道人生路有多長，但我想這段學生生涯將永存我心。. 康韶真 2014.01.13.

(5) 目錄摘要………………………………………………...... ………………………………..4 第一章、前言…………………………………………………………….……………6 （一）台灣語言的演變佮發展………………………………………………………6 （二）台語的相關研究…………………………………...……………………….…7 第二章、研究動機佮目的……………………………………………………….……8 （一）高雄台語的重要性…………………………………………………………….8 （二）名詞解釋……………………………………………………………………….9 （三）研究的問題……………………………………………………………………11 第三章、文獻回顧…………………………………………………. ……………….12 （一）漳泉競爭………………………………………………………………………12 （二）文獻中對於優勢腔的描述……………………………………………………13 （三）台語語音記錄…………………………………………………………………19 （四）分析方法佮理論……………………………………………... ………………22 （五）語音變化因素…………………………………………………………………23 第四章、研究方法佮設計……………………………………………………………27 （一）研究的順序..……………………………………….…………………………27 （二）設計字表的方法..…………………………………………………..…………27 （三）顯象時間………………………………………………………………………30 （四）發音人選定原則………………………………………………………………30 （五）語料採集地區…………………………………………………………………31 第五章、高雄市三代台語變體整理……………………………………….. ………33 （一）本文欲探討的聲、韻、調類……………………………………………………33 （二）高雄市<入>字頭的變體類型…………………………………………………35 1、傳統的聲母系統………………………………………..…………………..35 2、<入>字頭變體調查佮整理………………………………….………………35 （1）、<入>字頭………………………………………………………………………36 （2）、<入>字頭音變現象分析………………………………………………………38 3、小結……………………………….………………………………………………38 （三）、高雄市韻母的變體類型…………………………………….………………39 1.

(6) 1、傳統的韻母系統…………………………………………………………………39 2、陰聲韻類<居居>、<科伽>、<科檜>、<雞稽>、<杯稽>類的調查佮整理…....40 （1）、<居居>類………………………………………………………………………40 （2）、<科伽>類………………………………………………………………………41 （3）、<科檜>類………………………………………………………………………42 （4）、<雞稽>類………………………………………………………………………43 （5）、<杯稽>類………………………………………………………………………44 （6）、陰聲韻類音變現象的分析……………………………………………………45 3、陽聲韻<恩巾>類韻母的調查佮整理……………………………..………………49 （1）、<恩巾>類……………………………………………………………………….49 （2）、陽聲韻<恩巾>類音變現象的分析……………………………………………50 4、鼻音韻類的調查佮整理…………………………………………………………51 （1）、<青更>類………………………………………………………………………51 （2）、<關官>類………………………………………………………………………52 （3）、<毛扛>類………………………………………………………………………53 （4）、<箱薑>類………………………………………………………………………54 （5）、鼻音韻類音變現象的分析……………………………………………………55 5、元音系統「o/oo」的調查佮整理……………………………….…………………57 （1）、元音系統「o/oo」的三代語音調查……………………………………………58 （2）、元音系統「o」音變現象的分析………………………………………………60 6、小結………………………………………………………………………….……62 （四）、高雄市陽入調的變體類型……………………………………. ……………63 1、傳統的聲調系統…………………………………………………………. ……….63 2、陽入調的調查佮整理……………………………………………………………65 （1）、陽入調的三代語音調查………………………………………………………65 （2）、陽入調音變現象的分析………………………………………………………69 3、小結……………………………………………………………………………….69 第六章、討論…………………………………………………………………….….71 （一）、<入>字頭入柳合流的情形…………………………………………………71 （二）、陽入調聲調簡化……………………………………………………………74 （三）、韻母的非系統性變異………………………………………………………78 2.

(7) 1、年齡級差的現象………………………………………….………………………78 2、受著華語影響……………………………………………………………………78 3、受著頻率影響…………………………………………………………………….81 （四）、頻率佮選讀的關係………………………………………………………….84 1、使用的詞彙………………………………………………………………………..84 2、文白選讀佮頻率數據…………………………………………………………….85 3、探討選讀佮頻率的關係………………………………………………………….86 4、探討年齡層佮頻率的關係………………………………………………………..87 （五）、小結…………………………………………………………………………89 第七章、結論……………………………………………………………..………….92 （一）、語音演變現象的整理………………………………………………………..93 1、語言簡化的現象………………………………………….………………………93 2、佮老年層比起來，這擺的調查是中青少年層的變化較大………………………93 3、中青少年層相比，青年層的變化較大……………………………………………93 4、音變無一定會綴音韻系統咧變化…………………………………………….…94 5、目前台語語音的演變是受著社會因素的影響較大………………………..……94 6、頻率與優勢音的關係……………………………………………………….……95 （二）、結語……………………………………………………………………..……95 （三）、後續的研究………………………………………………………………….96 參考冊目……………………………………………...…………………..………….98 附錄……………………………………………………………………………...….102. 3.

(8) 高雄台語語音的調查佮演變分析. 國立台灣師範大學台灣語文學系康韶真. 摘要本文選擇高雄地區的中、青、少年層來進行田野調查，記錄現代高雄的台語發音，閣佮較早文獻內底的老年層發音做比較，依照聲母、韻母、聲調整理了後，分析出三个音變方向(1) <入>字頭入柳合流，(2)陽入調聲調簡化，(3)韻母非系統性的變異。結果發現，雖然高雄是方言差較小的所在，毋過有真濟音變是受著外部社會因素的影響，親像「受華語影響」，比論講台羅標做「o」華語讀「ㄛ」的詞，讀台語的時，愈少年讀做[]的比例愈懸；「檳榔」對「pun」變做「pin」；<毛扛>類的「毛」讀做「moo」比例愈來愈懸，遮的音變攏佮華語有關；猶閣有字、詞的「頻率」嘛會影響音變，高雄人<恩巾>類讀「in」，毋過「怨恨」煞大部份的人攏讀「uàn-hūn」；<科稽>類讀「e」，毋過「寫批」煞讀「siá-phue」，另外本文嘛發現有真濟兩種讀音的詞，詞頻愈懸、使用率愈懸，而且愈少年，受頻率的影響愈明顯。遮的結果顯示這馬有真濟音變攏有可能是受「頻率」影響，所以「頻率」是影響現代台語真重要的因素。. 關鍵字：語音演變、社會因素、字頻與詞頻、高雄台語. 4.

(9) A phonetic survey and variation analyze of Taiwanese in Kaohsiung Khng siau-tsin. Abstract I choose the middle-aged, the young and teenagers from Kaohsiung to record Taiwanese, then comparing with the records of old people from the past studies. After understanding the phonetic developments, I analyze three directions of phonetic variations in Kaohsiung further: (1) consonant of “ ” combine with “liú”, (2)the entering tones simplized, (3)the sound changes of vowels.Finally, I find although there are less dialect difference in Kaohsiung, Taiwanese in this region has still been affected by various social factors, like influence of “Chinese”, the vowel “o” in Taiwanese Minnan Romanization, but “ㄛ” in Chinese, more teenagers use []; “ “. -. ” changed into“. -. ”;. ” changed into “moo”. Furthermore the “freq e cy” of words or. vocabulary also affected sounds, for example, “in” turned into “un” of “un/kin” vowel , “e” turned into “ue” of “pue/khé” vowel, I also found that those vocabulary which have two pronunciation, higher “freq e cy” of words or vocabulary, more young and teengers choosed it. So “freq e cy” in an important factor that affects contempory Taiwanese. Keywords: phonetic developments, social factors, frequency of words or vocabulary, Taiwanese in Kaohsiung 5.

(10) 第一章、前言（一）台灣語言的演變佮發展十七世紀以來，台灣經歷過西方殖民國家、族群的移民佮開墾，佮百外年來種種的歷史背景，予台灣的語言發展多元化，南島語、閩南語、客語、日語、華語，遮的語言攏捌佇台灣佔有一定的分佈區域。早期是台灣原住民佇台灣這塊土地生活，尾仔漸漸有漢人來台灣開墾，佮南島語族有接觸；隨後有西班牙人荷蘭人來佔台灣，嘛佮原住民佇文化、語言上有接觸；紲落來是規大批的漢人移民來台，將閩南語、客語、各地方音蹛過來，遮的語言佇台灣發生接觸融合。1 明末清初閩南人大搬徙，對廈門、福建帶來當地的方言，所謂方言就是指仝一種語言有各種無仝的變體，這種變體就是方言，當時引進台灣的方言會當細分做幾若種，但主要是漳州方言佮泉州方言，漳泉兩種方言佇台灣共同生存，一定會產生競爭，洪惟仁（1995）2表示，早期有漳泉之間的分類械鬥「漳泉拚」，漳泉兩方為著生存空間、族群意識發生真濟擺爭奪地盤的鬥爭。毋過這種械鬥並無維持傷久，落尾漳泉兩派佇台灣和平鬥陣、共同生存，所以台灣閩南語的趨勢是漳泉融合。經過融合了後，遮的原本純漳腔抑是純泉腔的方言系統已經有變動，變做有的字講漳州音、有的字講泉州音、有的閣真歹分辨，所以台灣閩南語大概會當分做「偏漳腔」、「偏泉腔」佮「混合腔」，無單純的漳腔或泉腔，極加有法度分出偏漳抑是偏泉。台灣的方言口音經過長期的接觸、教育、傳播佮科技的影響之下，除了會有「偏漳腔」、「偏泉腔」的情形出現，無的確咱會發現某一个字有時陣（抑是囥佇某一寡詞時）讀漳州音、有時陣讀泉州音3，甚至是讀毋著的音，這寡情形攏有可能發生，「袂曉講台語（母語）」這種代誌佇少年人身上定定出現，所以針對現. 1. 引自車惠純，2012，<文白讀音選用的世代差異>，高雄師範大學碩士論文，頁 9-11。洪惟仁，1995，〈漳泉方言在台灣的融合〉，《國語文教育通訊》第 11 期，頁 84-98。 3 譬如：有可能出現這種情形，仝一个人仝一个「搶」字，佇「搶頭香」的時讀 tshiónn（漳腔）；佇「搶劫」的時讀 tshiúnn（泉腔）。 6 2.

(11) 代台語語音系統的調查結果有可能出現佮「偏漳」或「偏泉」無仝款的系統，甚至有可能出現系統性理論無法度解說的語音變化，這就是本文想欲觀察的情形。. （二）台語的相關研究台灣語言文化的保存，佇學術界咱會當對一寡台灣語言的記錄佮分析內底看出各時期台灣語言的風貌。每一个所在因為歷史背景無仝，語言演變方式嘛無相仝，佇台灣，本土意識漸漸予人重視的時陣，真濟有關台語、客語、原住民語的語言分析佮調查漸漸增加，佇台語語音方面，因為移民主要是對閩南漳泉兩地來的，所以咱會當看到早期對台語的研究若是語言演變，會當揣著袂少漳泉音變、漳泉競爭的文章，這是移民方音佇台灣進行接觸的結果。這幾年來因為教育的關係，華語對台語的影響愈來愈明顯，真濟語音變化開始重視這个因素，引用真濟西方語言學的理論，對語言內部、外部來探討台語語音變化情形，予台語相關的論文閣較豐富。. 7.

(12) 第二章、研究動機佮目的（一）高雄台語的重要性根據吳進喜、施添福（1997）4的記錄，高雄毋管是行政、歷史、語言方面攏是台灣南部重要的都市之一，十七世紀以來，漢人移民來開墾，發展出聚落。對地方志會當了解高雄地區有客家村、平埔族、原住民，漢人移民分佈佇平地、山坡地佮濱海地區，遮的移民來到高雄，因為地理爭奪、經濟、民族勢力……等等因素的影響，聚落經過幾擺搬徙了後，這馬高雄平原是閩南語區；高山的三民、桃源、茂林是南島語分佈的所在；美濃周邊有客家村。族群真多元，其中閩南人人數上濟，閩南語區的人口較濟勢力真大，對古今的地圖會當發現有一寡地區的客人已經無咧講客語，改用台語，這就是鶴佬客5，〈台灣高砂族言語分佈圖〉（1935）內底有六跡西拉雅部落，這馬嘛已經消失，所以山麓地區的平埔族主要嘛是使用台語，簡單來講，高雄這咧所在台語使用的頻率真懸。高雄台語的重要性對過去的文獻來看，上早有小川尚義（1935）〈台灣高砂族言語分佈圖〉伊將高雄市平原全部畫做閩南語區；鍾露昇（1967）《閩南語在台灣的分佈》內底表示南部閩南語方言真一致，小川尚義（1907）《日台大辭典》的漳泉分界已經消失矣；洪惟仁（2006b）〈高屏地區的語言分佈〉6表示高雄西部平原地區攏算是閩南語混合腔的地區，佇伊（1997）《高雄縣閩南語方言》7、（2002）《台灣方言之旅》嘛講著高雄內部方言差是上單純的，除了海口林園泉腔、茄定出時合流，無特色就是高雄方言的特色。除此以外，洪惟仁（1992a）8閣有講著混合區內的高雄縣市、屏東、台東佮台灣優勢音上像，是台灣優勢音的先趨，遮的地區的方言融合甲真徹底，假使將來台灣優勢音變做共同方言的話，以高雄為. 4. 吳進喜、施添福，1997，《高雄縣聚落發展史》，高雄縣政府。洪惟仁，<高屏地區的語言分布>，頁 10。鶴佬客是指已經無咧講客語，顛倒使用台語的客人。 6 洪惟仁，2006b，〈高屏地區的語言分佈〉，中央研究院語言研究所《語言暨語言學》第七卷第二期，頁 365-416。 7 洪惟仁，1997，《高雄縣閩南語方言》，高雄縣政府。 8 洪惟仁，1992a，《台灣方言之旅》，台北：前衛出版社。 8 5.

(13) 首的這个融合方言就是台灣優勢音的先趨。所以會當知影高雄內部語音較一致，而且使用台語的人口佔大多數，文獻嘛有顯示高雄語音的代表性佮重要性。. （二）名詞解釋頂一段有講著洪惟仁（1992a）捌表示高雄是「台灣優勢音」的先趨，但其實對「台灣優勢腔」這个詞，過去文章有真濟無仝款的講法，以下著來整理、解說這个名詞。. 1.優勢腔對漳州、泉州傳來到台灣的閩南語，佇台灣這个多語的社會經過一段時間語言接觸，互相影響之下，變做這馬無屬漳無屬泉的「漳泉濫」9。有關台灣各地方方音的調查會當看出台灣的閩南語本底有漳州腔佮泉州腔，方音特色真好分辨。毋過這馬台灣一寡特殊的方音開始產生變化，遮的討論尾仔攏會發現，台語的變化趨勢就是會漸漸偎向「台灣優勢音」這个系統。相關的文章有曹逢甫（2013）10以「折衷共同化」來說明閩南語是按怎出現「共同腔」，伊舉一个例，親像宜蘭和鹿港地區的特殊口音愈少年的人使用機率愈少，攏改用共同腔較濟。董忠司、城淑賢編《簡明台灣語字典》（2010）11佇書籍特色當中講這是欲予一般民眾使用的字典，所以收錄的語音以「台灣語通行腔」為主。陳淑娟（2010a）講台灣各地上通行的台灣閩南語會當叫做台灣閩南語優勢音、優勢腔、通行腔、通用腔、普通腔，伊閣整理彰化市元音系統有漸漸偎對「對稱六元音」、陽入調對懸短調轉變做中短調的共同趨向。潘科元（1996）12、洪惟仁（2009）調查台北市區老人的閩南語口音，in 預測這个所在的音韻變化會慢慢仔偎對優勢腔去。陳淑娟、江文瑜（2007）觀察大牛欄、關廟的特殊方音嘛. 9. 漳泉濫：讀音[tsiang-tsuân-lām]，是漳州腔佮泉州腔混合的意思。濫：摻。混合、掺雜。曹逢甫，2013，〈台灣閩南語共同腔的浮現：語言學與社會語言學的探討〉，《語言暨語言學》第 14 卷第二期，頁 457-484。 11 董忠司、城淑賢，2010，《簡明台灣語字典》，五南。 12 潘科元，1996，〈大台北地區閩南語方言音韻的類型與分佈〉，國立清華大學語言研究所碩士論文。 9 10.

(14) 有向通行腔偎過的情形。對遮的文章，咱看著真濟前輩有發現講台語有一个共同的發展方向，毋過因為無明確的規定，逐个人欲講的是仝款的，用的名詞煞無啥仝，對這咧台語腔調共同的發展方向，會用「普通腔」、「通行腔」、「共同腔」……來表示，像洪惟仁（2002）中使用「優勢腔」、伊的博士論文是用「普通腔」佮「優勢腔」，董忠司（2001）13，陳淑娟、江文瑜（2007）用「通行腔」，曹逢甫（2013）用「共同腔」。遮的攏是指佇台灣上普遍通行的腔，「優勢腔」和英語的 prevailing 意思差不多，會當佇台灣普遍通行的腔共伊號做「優勢腔」自然是袂毋著，所以本文一律用「優勢腔」這个詞。洪惟仁（2003）14的博士論文指出：「優勢腔」是台灣普通腔，是上濟人引用，是一種語言毋是口音，是台灣閩南語共同的透濫趨向，所以是一種社會語言學統計上的概念。對遮會當看出「優勢腔」上濟人咧用，和「混合腔」15的意思無仝，「優勢腔」是上普遍的音，嘛就是洪惟仁認為「台語優勢腔」是經過融合、地區接觸互相影響了後目前逐家上捷用的音，簡單來講，為啥物「優勢腔」是優勢，就是因為這套發音是經過台灣各地人民幾若年來接觸、影響了後，發展出來的發音。無仝所在雖然有一寡無仝的方音，毋過咱有互相來往、閣加上傳播媒體遮發達，加減會予遮的方音倚對「優勢腔」去。對文獻當中咱會當看著高雄的台語腔調較一致，方言差真小，甚至嘛有講著高雄腔佮優勢腔真接近，予「高雄台語的代表性」這咧論點徛閣較 tsā 。既然高雄的台語語音會當講是無方言差，那按呢調查敢閣有意思？咱知影語音經過時間的演變會發生變化，因為年代無仝，影響音變的因素嘛會無仝。台語語音演變佇語音方面除了有漳、泉腔接觸，這幾年閣受著華語影響，所以無方言差的高雄腔. 13. 董忠司，2001，《福爾摩沙的烙印：臺灣閩南語概要（上冊）》，行政院文建會。洪惟仁，2003，〈音變的動機與方向：漳泉競爭與台灣普通腔的形成〉，清華大學博士論文。 15 「混合腔」是指仝一區的語音系統內底有一寡取漳音有一寡取泉音，無法度判斷是漳是泉。董忠司（1991）提出台灣的閩南話是「混合腔」，北部「偏泉混合腔」的代表是台北市，南部「偏漳混合腔」的代表是台南市，兩骎所在的語言變體差足大。所以「混合腔」會當有無仝的方言變體，毋是單一的方言類型，每一个「混合腔」的地區內部的變體嘛是有可能會無仝。 10 14.

(15) 經過時間推進、社會因素影響之下，目前的高雄語音系統是啥物情形？這就是本文欲探討的動機。. （三）研究目的綜合以上，本文欲探討的兩个主題是（1）以高雄地區為主，調查、整理出目前高雄台語語音；（2）用無仝年歲發音人的語音做比較，閣參考過去文章所記錄的老年層發音，整理出語音變異，分析影響音變的因素。. 11.

(16) 第三章、文獻回顧台語語音演變方面的研究真豐富，毋管是語音變異的分析抑是對台灣各地區語音的記錄，攏會當看到前輩努力的成果。台灣經過真濟擺民族搬徙，幾若種的閩南方言 tā -tā -á 相透濫，演變到今的台語。張屏生（2006 ）16捌講過，目前民間的閩南話字典有一个共同點，就是編者所採錄的語詞佮記音攏無明確講是佗位的口音，攏總講是「台灣閩南語」，嘛因為全面調查各地口音這件代誌是大工程，所以講紀錄台灣各地台語語音是真重要。這段著欲來看一寡有關台語的研究。. （一）漳泉競爭語音融合演變是真濟原因來造成的，佇台灣，有政治、社會、語音內部等等因素造成語音變化，代起先漳泉兩派互相影響競爭，語音界線真清楚，到今佇原本蹛漳州移民的地區有可能會聽著泉州腔，泉州移民區嘛有可能出現漳州腔，「不漳不泉」的腔調是目前台語的特色，所以有關漳泉音變、漳泉競爭的研究袂少，上早佇 1907 年就有小川尚義《日台大辭典》17將台北地區畫出漳州腔佮泉州腔，經過一段時間，各地方言接觸融合，到 2009 年洪惟仁將台北地區分做老新安溪腔、老新同安腔、偏漳腔、偏泉腔佮混合腔，以韻類字表來採集台北各地區的發音，閣將語料分類，畫出台北地區的方言地圖。陳淑娟（2010a）18對台灣漳泉腔地區的描寫，有講著 Labov（2004）：城市是語言創新的中心。所以這篇論文以三个城市台北市、彰化市、台南市代表台灣偏漳偏泉佮混合腔的台語來分析音變，泉州腔是台北市做代表（保留泉腔複元音 [e]、央元音[][]；漳州腔以彰化市做代表（泉漳閩語交界的所在）；混合腔是台南市（泉漳接觸上久，洪惟仁共伊畫做混合腔）。洪惟仁（1995）〈漳泉方言佇台灣的融合〉內底認為台灣目前有偏漳腔、偏泉腔、混合腔，無單純的漳腔抑是泉 16. 張屏生，2006，〈閩南語辭典所列方言變體的處理回顧與發展〉，台灣語言學一百周年國際學術研討會，頁 1。 17 小川尚義編，1907，《日台大辭典》，台灣總督府。 18 陳淑娟，2010a，〈台灣閩南語新興的語音變異—台北市、彰化市、台南市元音系統與陽入原調的調查分析〉，國科會人文中心暑期訪問學者成果發表會。台北：國科會人文學研究中心。 12.

(17) 腔，攏是有受著影響的方音，因為南部開發較早、地理關係接觸頻繁，伊將嘉南平原以南攏算佇混合腔的地區；高雄代表台灣優勢音，這是台灣閩南語發展的共同方向，優勢腔的影響會愈來愈大，根據調查的結果，所有方音特色攏咧欲無去矣。文章講著台灣優勢音是用漳音抑是用泉音是依照「人口競爭力」和「語言簡化」這兩个大原則來發展，洪惟仁提出三類字音演變來證實，兩種腔調的選擇條件愛看佗一種腔使用的人口較多、兩个方言系統攏有的音、較好發音。這篇文章講著優勢音的形成規則，文尾嘛提出台灣方言和閩南方言的比較，這个觀點改變咱對台灣台語的迷思，嘛點醒逐家應該愛注重台語的地位。漳泉音接觸已經真久，單純的漳州腔抑是泉州腔已經真少，語音界線嘛無法度畫共足清楚，這就是台語這馬的情形。. （二）文獻內底對優勢腔的描寫對頂一段會當知影，「優勢腔」毋是本底著有的口音，伊是經過一段時間互相接觸，變做有漳有泉抑是新語音的一套系統，所以對「優勢腔」的描寫，調查年代的無仝，著會有無仝的發音出現，紲落來來看一寡有講著優勢腔的文章：洪惟仁（1995）調查<入>字母台灣優勢音是[j-]，吳順興（2006）19對高雄泉腔區紅毛港的調查，<入>字母是[j-]，原因是因為附近的高雄優勢腔是[j-]字母，影響這个泉州腔的地區；洪惟仁（2002）20調查汐止地區台語語音系統的變化中嘛有講著優勢音，汐止原本為保留上濟泉腔口音的所在，毋過語言接觸之下嘛漸漸咧轉變，對優勢音偎過的音有聲母<入>[jl]、<脈>、<夾>本底無鼻音變做有鼻音，央元音嘛咧消失，鼻輔音轉變做優勢音的鼻化元音，<雙、針、囝>這幾字泉州腔原底無介音嘛變做佮優勢腔仝款，有 i 介音，所以洪惟仁認為彼當時台灣的優勢腔 <入>聲母為[l]，佮伊佇 1995 年的調查認為<入>聲母為[j]有出入，2003 年的調查，台語的<入>字母[j-]有予[l-]取代的情形；張屏生（1997）、陳淑娟（2010a）嘛講台 19. 吳順興，2006，〈記高雄一個偏泉腔方言－紅毛港閩南語初探〉，國立高雄師範大學碩士論文。 20 洪惟仁，2002，〈變化中的汐止音：一个台灣社會方言學的个案研究〉，成功大學中文系，第十二屆全國聲韻學學術研討會（2002.04.12-13）會議論文。 13.

(18) 語有入柳合流21的現象，所以高雄的語音是按怎表現？值得調查。韻母方面，台語的元音系統調查有洪惟仁（1992a）講著早期台灣是「不對稱六元音」，台東的「蚵仔」讀做「o-a」是優勢音，漳泉融合了後出現「對稱五元音」，佮台南咧用的「對稱六元音」22。洪惟仁（2009）23認為台南市的展唇音// 是台南市特有的方音，和通行腔無仝，毋過其實南部口音「」的比例真懸，無一定干焦佇台南才有，高雄、屏東嘛攏有調查著元音「」，像張屏生（2000）、董忠司（2001）認為央元音//漸漸變做優勢音，影響的範圍會愈來愈大；陳淑娟（2010a）嘛提出「對稱五元音」和「對稱六元音」較有競爭，有可能取代「不對稱六元音」，元音的發音圖請看<圖 1>。. <圖 1> 台語的元音表台語元音系統演變的論文，親像陳淑娟有真濟篇相關的調查攏是針對台語元音系統所做的研究，佇陳淑娟（2009）24對閩南語元音系統佮陰入陽入聲調的調查當中有引用〈漢語地圖集數據庫〉以及鹿谷地區老中青三代的發音做語料，探討元音系統和陰入陽入聲調的演變。文中使用「音韻對稱」（phonological symmetry）的觀點提出「分散理論」（adaptive dispersion theory），元音系統的重要原則就是元音之間有上大的對比，將有可能認毋著去的機率縮到上小，但這个講法無法度解說有一寡語言的元音數量嘛是真濟，所以分散理論有做修改，元音之間的精差只要會當分辨無仝元音著會使。以「音韻對稱」和「分散理論」的觀點 21. 入柳合流：《彙音妙悟》中，<入>字母表示聲母為[l-]，<柳>字母表聲母為[j-]，入柳合流表示原本為<入>母的[j-]讀同<柳>母[l-]。 22 佇洪惟仁（1992a）原文內底講對稱六元音佇台南以南的地區真流行，是南部混合腔。 23 洪惟仁，2009，〈台北地區閩南語的方言類型與方言分區〉，《台灣語文研究》第三期，頁 239-309。 24 陳淑娟，2009，〈台南閩南語元音系統及陰、陽入聲調的變異與變化—台灣閩南語的字表調查分析〉，《台灣語文研究》第三期，頁 151-172。 14.

(19) 來看台語元音系統，陳淑娟認為/o///無分的「對稱五元音」系統比有分/o///的「不對稱六元音」系統閣較好分辨，而且////有分的「對稱六元音」元音之間的距離嘛比「不對稱六元音」較大，若是以《漢語方言地圖集》25所收錄的台灣各地老輩閩南語的元音系統做對照，會發現老輩是以「不對稱六元音」較濟，毋過有一寡所在漸漸出現「對稱五元音」，所以作者推測未來「對稱五元音」抑是「對稱六元音」攏有可能取代「不對稱六元音」。和元音系統相關的研究猶閣有陳淑娟（2010a 伊佇元音系統方面，引用 Maddieson（1984:126）的講法，世界各語言的元音數量以五个元音為主，而且 UPSID26 語料庫嘛顯示「i、e、a、o、u」這五个元音上濟所在咧使用，若是無對稱的結構，通常前元音會比後元音濟，但是台灣的通行腔是後元音比前元音較濟，依照分散理論來看，「不對稱六元音」聽辨較無好聽辨、發音嘛無好分辨，所以作者先提出台灣的「不對稱六元音」有可能會產生變化。紲落來調查老、中、青三代的元音表現，這種利用年齡分佈對語言變化所進行的研究叫做「顯象時間」（apparent time）的研究。對作者的調查結果發現，有兩種新的元音系統出現，一个是台南市的/o///有別，變做「對稱六元音」；一个是台北市出現的/o///無分的「對稱五元音」，佇這篇文章內底會當看到年歲愈低，/o///無分的情形愈濟，所以作者認為「對稱五元音」有慢慢仔增加的趨勢。南部的「對稱六元音」以功能學派的音韻學理論來看是較省力、嘛是較袂認毋著的系統，「對稱六元音」影響的範圍愈來愈大，中部的彰化地區嘛出現[]的發音，所以「對稱六元音」嘛是真有競爭力的元音系統。本文欲調查的高雄台語語音當中，元音演變是重要的部份。其他語音方面，洪惟仁（1995）表示<科>字類讀做[e]是優勢音，但是<科>類有<科伽>、<科檜>27兩類，張屏生（2007）的調查記錄<科檜>讀做[ue]、洪惟仁（2009） <科伽>普通腔是[e]，所以需要將兩類分開來調查。 25. 曹志耘，2008，《漢語方言地圖集》，商務印書館。 UPSID：The UCLA Phonological Segment Inventory Database 27 字類的分析根據漳州《十五音》和泉州《彙音妙悟》，字類的名稱第一个字取自《彙音妙悟》，第二个字取自《十五音》。 15 26.

(20) 台語聲調部分，聲調是一種無佔發音時間的超音段音素，以音節結構來表示的話是囥佇韻母頂懸。佇閩南語系統當中，每一个「重讀音節」攏必須歸入七个無仝的類。無仝的方言雖然屬仝一个調類，但真可能有無仝的調值變體，叫做方言變讀。目前台語八音（七个音值）大部份保留完整，入聲字是真濟文獻攏捌研究的主題，台語入聲分陰入陽入，其中閣分[-p、-t、-k]佮喉塞音[-h]，發音較短，佇語言接觸融合了嘛產生變化，較早期的研究咱會當看到台語入聲大部份攏有保存[-p、-t、-k]、陰入陽入分甲真清楚；喉塞音陰入讀中短調、陽入讀懸短調，大部份文獻指出中部地區喉塞音陽入讀佮陰入調攏讀中短調，嘛有北部喉塞音漸漸消失讀做中長調的情形，洪惟仁（2003）表示入聲調強勢音的表現是南部懸短調、北部是中長調，但是廖瑞昌（2003）28對台灣十一个縣市做的方言調查顯示台灣台語趨向[-p、-t、-k]陰入陽入無分、陽入[-h]喉塞音落去，陳淑娟（2009）的調查會當看出其實台語入聲調佇當時是新舊變體共存。本文欲探討的是閩南語方言特有的入聲調，包括陰入佮陽入，根據洪惟仁（2006a）29的記錄，入聲本調是： <表 1> 入聲調的調值方音. 陰入. 陽入. 南部腔. 2030. 30. 北部腔. 20. 220. 海口腔. 20. 230. 陰入佮陽入仝款攏是短音，陽入調比陰入調較懸，但對頂懸的表會當發現北部腔的陽入佮陰入攏讀做中短調，這是洪惟仁佇 2006 年的時陣所記錄，後一段會介紹一寡有關入聲字調查的記錄。陳淑娟（2009）對閩南語元音系統和陰入陽入聲調的調查佇入聲字方面，過 28. 廖瑞昌，2003，〈台語入聲調之現況分析〉，新竹師院碩士論文。洪惟仁，2006a，《台灣話發音學入門》，台中教育大學自編教材。 30 這个表因為是直接引用所以使用的音懸符號是洪惟仁提出的三段音調制。[0]佮底線表示促音。 16 29.

(21) 去文獻的講法是台灣各地陰入讀中短調[32]31，陽入是以南部的降調、中部以北的中短調為主，作者先引用《漢語方言地圖集》的調查結果發現喉塞音陽入調會變做中長調抑是佮陰入仝款的中短調，佮陽入調比起來，陰入調較穩定。對遮的調查語料當中閣會當看著有一寡字的音調已經變矣、有一寡字猶未變，作者嘛以「詞彙擴散」（lexical diffusion）的觀點分析，發現入聲調佇台灣確實是變化中的語音。抑若[-p，-t，-k]陰入陽入的部份，以語料來看會發現陰入陽入讀仝款是較少的情況。陽入調變化這方面，過去文章認為南部的懸短調是強勢變體，陳淑娟（2010a）依照結構擴散（structural diffusion）的理論將陽入調分無仝韻尾來採集台南市發音，結果發現懸短調佇當地確實較濟人咧用，毋過年歲愈輕愈少人用，顛倒出現讀做中短調[32]的情形。喉塞音陽入調有閣較濟變體：中短調[32]、中長調[33]以及降調[53]，降調較濟，所以文章對陽入調本調讀懸短調是台灣優勢腔的講法有疑慮。台北市和彰化市的[-p，-t，-k]陽入調是發現有讀佮陰入中短調[32]仝款的情形。喉塞音韻尾的變體有中平調[33]、懸平調[44]，下面的表會當清楚比較：<表 2>陳淑娟（2010a）記錄的陽入調地區. [-p，-t，-k]陽入調. 喉塞陽入調. 台南市. 高短調  中短調[32]. 中短調[32]、中長調[33]及高降調[53]. 台北市和彰化市. 讀同陰入中短調[32]. 中平調[33]、高平調[44]. 喉塞音入聲調舒聲化是共同的趨勢，而且會當看著入聲字佇台灣有可能是當咧變化的音，有幾个仔無仝的變體。入聲的研究閣有廖瑞昌（2003）對台灣入聲調現況的調查，文章記錄台灣各縣市入聲調的發音情形，以實驗語音學的方法，透過語音儀器來分析，伊拉發現台灣入聲調演變攏是[-p、-t、-k]陰入陽入音懸無分，喉塞音[-h]韻尾的陽入調失去 31. 本文除了直接引用的所在，親像註 32，其他所用的音懸符號是以趙元任所創的五段音調制為主。底線表示促音。 17.

(22) 短調、塞音消失。調查的結果嘛發現台灣南部佮北、中、東部比起來，入聲分陰陽的情形較明顯。這是台灣各縣市共同演變的方向。入聲聲調的研究，對文獻會當看著台灣各地的陽入調漸漸轉變做中短調，本文想欲調查身為南部的高雄語音是按怎演變，是毋是嘛佮其他縣市仝款，向仝一个方向演變。以上會當看著台語聲母、元音、聲調攏佇咧變化，若將文獻內底無仝的部份整理做表： <表 3> 入字頭—出現入柳合流的現象作者/年代. 優勢音描述. 作者/年代. 優勢音描述. 洪惟仁（1995）. [j-]. 洪惟仁（2003）. [j-] [l-]. 吳順興（2006）. [j-]. 陳淑娟（2010a）. 入柳合流. <表 4> 元音系統—元音系統漸漸變做對稱六元音作者/年代. 優勢音描述. 作者/年代. 優勢音描述. 洪惟仁（1992a）不對稱六元音. 洪惟仁（1992a）蚵仔讀做[o-a]. 張屏生. 陳淑娟（2009）對稱五元音和對稱六. 央元音漸形成優勢音. （2000）、董忠. 元音較具競爭力，有可. 司（2001）. 能取代不對稱六元音. 陳淑娟（2010a）台語優勢元音系統為對稱五元音或對稱六. 陳淑娟. 通行腔[iunn]、[]，對稱. （2010b）32. 六元音. 元音. <表 5> 其它語音的優勢腔作者年代 32. 優勢音描述. 作者年代. 優勢音描述. 陳淑娟，2010b，〈語言因素與社會因素對音變的影響—以鹿谷及安平方言為例〉，《清華學報》第 40 卷第二期，頁 159-191。 18.

(23) 洪惟仁（1995） <科>e、糜 mue. 張屏生（2007）. <科檜>ue. 洪惟仁（1992a）生 senn、薑 kiunn、宕開三讀 iunn. <表 6> 入聲調—無仝年代發現各種無仝的變體作者/年代. 優勢音描述. 楊秀芳（1991）干焦台中陰入陽入. 作者/年代. 優勢音描述. 廖瑞昌（2003）. -p、-t、-k 陰入陽入無. 無分，其他的所在有. 分、陽入-h 塞音落去. 分洪惟仁（2003）陽入調強勢音佇南. 陳淑娟（2009）. -h 陽入調有無仝的新. 部是懸短調、北部是. 舊變體、是當咧變化的. 中長調. 音。 -p、-t、-k 台灣有一寡所在開始無分陰入陽入. 頂懸遮的文獻會當看出台語聲韻系統當咧變化，對無仝年代無仝地區的語音記錄看出語音無仝的情形，而且遮的文章攏有講這是優勢音，表示前輩嘛認為台灣台語有漸漸向某一个音韻系統偎過的趨勢。. （三）台語語音記錄台灣的語音紀錄真豐富，其中嘛有一寡是對特殊方音的調查，大範圍的台灣語音調查有洪惟仁（1992a）《台灣方言之旅》內底詳細記錄作者調查著的方音，並且參考當地的歷史背景，做語音分析，這本冊雖然是語音調查，毋過作者佇紀錄的時佮用真濟例做介紹，是了解當時台灣各地方音特色的重要文獻。其中有一章咧講漳泉混合區佮台灣優勢腔，伊講台灣優勢音是一種自然的結果，漳泉兩地移民三百餘年來長期混居佇嘉南大平 19.

(24) 原，自然融合成一種嶄新的混血方言，但佇台南地區有一種反潮流（反優勢音）的趨向，像是欣賞（文）讀作 him-siáng，和大部份地區讀作 him-sióng 無仝，薑類字讀作 ionn，不讀作 iunn，因此台南腔有些佮優勢音無仝，有自己獨特的方音特色。高屏因為是優勢音盛行的地區，能和台南腔有區別，像是薑韻不讀 ionn，而是讀 iunn。由嘉義到高屏是台灣西部方言融合較徹底的地區，雖然各地區多少有自己的方言特色，但總的來說，台灣優勢音系統已成為其主要骨幹。洪惟仁（1992a:88）洪惟仁（2006b）對高屏地區的語言分佈做詳細的語言地圖，洪惟仁將南部分佇漳泉混合區，其中高屏是台灣優勢腔的代表，而且因為毋但有蹛漢人，所以這張地圖欲表現的毋但有漳泉腔競爭，閣有高屏地區無仝族所使用的方言，包括閩南語、南島語、客家語。閣有用語言地理學、語言社會學的觀點來解說。台灣語言地圖上早有小川尚義佇《日台大辭典》內底畫的台灣言語分佈圖，對這張地圖洪惟仁發現小川尚義將客語區畫佇排灣語區的邊仔，但這馬兩个語言區之間有隔一條講閩南語的地區，彼區是蹛平埔族，平埔族佇清朝的時陣就搬來這个所在，為啥物當時的地圖並無表現出來？作者親身到高屏各地區收集語料，以這馬的語言分佈對照傳統的語言地圖，了解本區語言變化，閣參考土地開發佮民族搬徙的歷史進行語言社會學佮地理學的分析，提出解說：客語和南島語區中間的閩南語區是平埔族分佈，小川尚義畫地圖的時有可能彼區使用的是西拉雅語。這篇文章會當看出高屏地區語言分佈佮演變，本文欲做的就是平地的閩南語區系統的調查，所以這篇論文的語言地圖是重要的參考資料。林珠彩（1995）33調查高雄市小港區林家老、中、青三个年齡層的台語發音，伊用字表調查的方式來看這三代有啥物語音變化，內底有探討<入>字頭、元音、聲調遮的系統，伊調查著的結果是<入>字頭老人會講「j」，到青年轉對「l」佮「g」去；元音系統的「」佮「o」中青年的發音比老人的舌位閣較偏向央元音。雖然 33. 林珠彩，1995，〈臺灣閩南語三代間語音詞彙的初步調查與比較:以高雄市小港區林家為例〉，國立台灣師範大學國文研究所碩士論文。 20.

(25) 林珠彩這篇論文每一个年歲干焦調查一个人的發音，毋過其中有真濟現象會當提來佮我這擺的調查做比較。洪惟仁（2009）〈台北地區閩南語的方言類型佮方言分區〉以大量的台北閩南語方言調查資料來比較台北方言字音的一致性佮差異性，文章除了畫出方言地圖以外，嘛有一寡對腔調的定義，像混合腔的解釋引自《台灣方言之旅》34漳泉混合區的定義：音韻系統混合漳泉特色，無法度算是漳抑是泉，家己發展出一套優勢音系統，就是混合腔。這个概念對本文欲調查的優勢音真要緊，佇《台灣方言之旅》內底，南部畫入去混合區，優勢腔和混合腔的意思無仝，混合腔會當有無仝的方言變體，優勢音是上濟人引用的語言，伊毋是口音，是台灣閩南語共同的演變方向。陳淑娟（2009）探討台南市方言的語音變異佮變化，洪惟仁（2009）將台南規區畫佇混合腔，但楊秀芳（1988）35、張屏生（2007）、陳淑娟（2009）的調查顯示台南市區佮安平有一寡方音猶有漳泉的分別，所以這篇論文的重點是調查市區佮安平兩區的方音差，探討的問題包括聲母入柳分合現象、元音系統、韻母以及入聲聲調。雖然討論的是台南方音，毋過文章內底的台南腔方音、優勢元音競爭、語言接觸造成方音受到影響遮的觀念真有參考價值，而且台南嘛是南部台語的重要地區，遮的台南腔是毋是嘛會影響著高雄語音？這是值得研究的問題。陳淑娟、江文瑜（2007）36〈台灣大牛欄、關廟方音特殊方音的語體轉移和口語流動〉，這篇文章是以大牛欄佮關廟特殊方音調查為主，用參與觀察佮深度訪談的方式探討特殊口音[ui] []、[io] [iu]；[tsh-]、[s-]有別37的演變。記錄台灣各地的語音調查，親像洪振春（2010）〈台北平溪台灣閩南語調查. 34. 洪惟仁，1992，《台灣方言之旅》，前衛出版社，頁 86-87。楊秀芳，1988，《臺南市志人民志語言篇》，臺南市政府。 36 陳淑娟、江文瑜，2007，〈臺灣大牛欄、關廟方言特殊方音的語體轉移與口音流動〉，《漢學研究》第 25 卷第一期，頁 437-466。 37 原本佇關廟出字類的 tsh 是讀做佮時字類的 s 仝款，tsh-->s 也就是「出歸時」，後來受優勢腔的影響，這的特色漸漸無去，變做 tsh/s 有分。 21 35.

(26) 研究〉38，透過次方言的比較了解平溪語音的差別、探討地理分佈佮語言接觸的影響，閣再透過無仝世代比較語音佮詞彙進行歷時的研究；涂文欽（2009）〈彰化縣閩南語方言音韻的類型佮分佈〉39，觀察彰化縣閩南語方言的地理分佈、分析彰化縣無仝年齡的語音變化，整理出音變因素，以內在動機、外在語言接觸探討；林郁靜（2002）40〈麥寮方言的調查佮研究〉，以麥寮語音佮詞彙做研究對象，語音方面有聲、韻以及連音變化、音節結構的分析，整理出麥寮的語音系統；進一步有三代四个年齡層的分析，探討語音改變的因素；蔡伊雯（2009）〈埔里守城方言語音變異研究〉41，探討守城四組特殊方音[ia/iak][i/ik]、[o/][o]合流的演變，猶閣有小稱變調簡化的變異、聲調無分陰陽去的情形。遮的記錄著台灣各地方音的文獻提供真濟寶貴的研究方法，語音的田野調查會當用字表、參與觀察……等等，文獻嘛保存當時台灣各地的發音情形，會當佮現代台語比較，做歷時的研究了解音變方向，是真重要的參考根據。. （四）分析方法佮理論語音調查上重要的的調查方法之一就是「顯象時間」（apparent time）、「真實時間」（real time）的研究，有關顯象時間，Labov 捌講年齡層分佈對語言變化的共時研究就是顯象時間的研究，研究結果會當分做兩種，一个是「年齡級差」的現象，一个是語言社群的歷史變化。（1）年齡級差的現象：個人語言改變，毋過社群語言不變。這會依照無仝的社會角色來產生穩定的變化。（2）語言社群的歷史變化：年齡變化，某一種語言變體漸漸增加抑是減少使用，就是當咧進行的變化。真實時間的研究方式是經過一段時間了閣再去對仝一群人做調查。也就是需要有某一个語言社群早期的研究才會當對遐研究變化的情形。這種研究方法佇台 38. 洪振春，2010，〈台北平溪台灣閩南語調查研究〉，台灣師範大學台灣語文學系碩士論文。涂文欽，2009，〈彰化縣閩南語方言音韻的類型與分佈〉，新竹教育大學台灣語言與語文教育研究所碩士論文。 40 林郁靜，2002，〈麥寮方言的調查與研究-----語音及詞彙初探〉，新竹市：新竹教育大學碩士論文。 41 蔡伊雯，2009，〈埔里守城方言語音變異研究〉，新竹教育大學碩士論文。 22 39.

(27) 灣較少。這兩種方式來看，顯象時間是較有效的方式。上理想的是結合顯象佮真實時間的研究。 Labov 提出的「有序異質性」表現佇社會方言學就是洪惟仁（2009）〈台北地區閩南語的方言類型佮方言分區〉寫著的「意涵性關係」（implicational relationship），「意涵性關係」就是一種變體的存在表示會有另一種變體，也就是咱會當對一个字類的音推測另一个字類的讀音，變體有可預測性。作者認為音韻的變化會當分類，只要揣著規則就會當推斷仝類的字的讀音，因為類型佮變體之間的關聯有三个重要原則：（1）仝一个字類的每一字讀法一致，譬如<居居>類的「豬」讀 tu 的話，仝一類的字「魚、語、舉……」應該攏是讀 u。（2）方言對應的規律性，咱會當觀察著方言變化方向抑是音變時間無仝所造成的方言變異，但是遮的變化嘛是有一定的規律。（3）方言變異的系統性，也就是方言變異有一種「意涵性關係」（implicational relationship），依照規則，咱會當對 A 字類的變異推測 B 字類的變異，因為遮的原則，變體配方才有一定的順序，變體才有「可預測性」，咱所做的語言調查分析才閣較有意義。. （五）語音變化因素語料收集完成了後，上重要的工課就是進行比較佮分析，咱會當以「顯象時間」觀察各年齡層的語音演變，嘛會當用「真實時間」對照現代佮過去的發音有啥物無仝，才來進行分析。語音變化因素有真濟，佇台灣有關語音變化因素的分析有一寡理論佮觀點值得探討，像陳淑娟、江文瑜（2007）〈台灣大牛欄、關廟方音特殊方音的語體轉移和口音流動〉，內容講著兩个語音變動的情形：「語體轉移」（style-shifting）和「口音流動」（accent mobility）。Labov（1966）42假設講. 42. Labov, William. 1966. The Social Stratification of English in New York City.Washington, D. C.: Center. for Applied Linguistics.. 23.

(28) 社會互動愈正式的情境，講話的人愈有可能用優勢音，Trudgill（1974）43有關諾里奇的研究嘛發現愈小心、正式的環境使用地方口語的比例愈低。In 的文章設定三種語體，包括「看圖說詞」、「小心談話」、「隨意談話」這三種，發現受訪者佇「看圖說詞」抑是「小心談話」這種較正式的場合使用地方方音的情形減少真濟，但是平常時仔和厝內的人抑是厝邊開講的時著會出現地方方音，這个結果毋只證實這个理論，嘛修正 Labov（1966）正式訪談佮隨意談話的語料做一擺收集的情形，作者是親身去彼个地區生活進行實地訪談，按呢才有法度收集著真正隨意談話的語料。洪惟仁（2002）探討台灣社會方言學的個案研究，以無仝年齡層的語音變化分析汐止的音韻。調查結果會當看著汐止語音四个央元音韻母消失的速度無仝款，是「詞彙擴散」的現象，也就是仝一類的字一字一字慢慢仔變。文章嘛以內在因素解說音變[j][l]是因為[j]「功能負荷」較低，干焦會當接[i、u]，所以較會發生音變；泉州腔央元音的消失是因為央元音較「有標」（marked）。這篇論文以社會語言學的方法觀查汐止方音的變化，是調查台灣方言很重要的研究方法，文章嘛講著真濟優勢音的特徵，是記錄台灣方言的重要文獻。除了語音演變因素以外，最近台語的研究嘛會用一寡新的元素來討論，親像李淑鳳（2010）44〈台、華語接觸所引起的台語語音的變化趨勢〉，過去文獻內底研究台語受華語影響的較少，但事實上這馬少年人受著華語影響是愈來愈明顯，所以，這篇文章發現台語<居>字類的[i、u]韻母一直是分化的情形，洪惟仁認為這是漳泉「文白分工」，李淑鳳提出這是受華語接觸的影響。文章以少年人做調查對象，發現<居>字類華語若是讀做「齊齒韻」，台語著會讀做[-i-]韻較濟；若華語是合口抑是撮口韻，台語著讀[-u-]較濟，所以華語的接觸會影響台語的文白選用。另外，文白選用嘛有世代差異，辭典內底有一寡白讀音，這馬因為受著華語接觸變做讀文讀音，作者以無仝年歲來調查，發現老人有文白異讀的習慣，中年、 43 44. Trudgill, Peter. 1974. Sociolinguistics: An Introduction. London: Penguin.. 李淑鳳，2010，〈台、華語接觸所引起的台語語音的變化趨勢〉，台語研究第 2 卷第一期，頁 56-71。 24.

(29) 少年減少真濟。因為華語的音佮文讀音較接近，所以白話音漸漸消失。文章講著影響音變的外在因素有受華語影響佮字頻，這兩項攏是這幾年來台語語音演變真重要的因素。許慧如（2011）45〈以自然語料觀察字頻佮語音變化的關係：以台南台語[] 元音為例〉，探討台南台語[]元音46的變化。伊以[]、[]的自由變化來證實字頻嘛會影響語音變化。內容討論台南[]元音是毋是有受著五元音的影響？雖然台南的 []元音真穩定，毋過嘛因為語言接觸的關係出現[]、[]並存的現象，這是社會因素的影響。佇語言方面，文章提出一个重要觀點，台南的[]到詞彙層本底著較有可能會佮[]濫做伙，出現[]、[]自由變化（free variation）的現象，這个現象佮字頻有真大的關係，Bybee（2000）47捌提出講頻率較高的詞著較會出現元音弱化抑是語音消失（deletion）的現象。所以文章將語料換做 data 著會發現，發音人 30 分鐘的對話內容內底，出現愈濟擺的字詞，[]、[]自由變化的比例愈高，證實字頻會影響語音變化。除了遮的影響語音演變的因素以外，佇語言調查方面，Labov 提出影響語言演變的因素有「語言因素」及「社會因素」，伊（1963）有關馬撒葡萄園的研究，就是結合語言因素佮社會因素來討論央元音的變異，台灣的研究嘛一寡文章會用語言因素佮社會因素來探討語音演變，譬如陳淑娟（2010b）探討語言因素佮社會因素對音變的影響，以鹿谷佮安平方言做調查地點。Labov 捌講影響語音變異佮變化的因素有內在的語言因素佮外在的社會因素，社會因素方面，Trudgill（1986）講語言演變的分析除了內部語言因素，嘛應該要顧著方言（dialect）接觸、方言混合，社會語言學遮的方面，伊佇 1988 年調查紐西蘭前元音系統的演變嘛講著殖民關係、新市鎮發展、都市化攏會造新方言的發展。. 45. 許慧如，2011，〈以自然語料觀察字頻與語音變化的關係：以台南台語[]元音為例〉，《台灣學誌》第四期，頁 87-107。 46 這跡講的台南[]元音就是台語對稱六元音的央元音。 47. Bybee, J. （2000）. The Phonology of the Lexicon: Evidence from Lexical Diffusion. In M.Barlow. & S. Kemmer （Eds.）, Usage-Based Models of Language （pp. 65-85）. Stanford:CSLI. 25.

(30) 佇台灣探討語音演變的社會佮語言因素猶有簡秀梅、洪惟仁（2008）48〈關廟方言區出歸時回頭演變的社會方言學研究〉，觀察重點是關廟特殊方音<出>字類 tsh 讀做 s 的情形，關廟方言的「出歸時」「出時分流」是因為方言接觸、移借的結果，所以需要以社會語言學來探討，這種情形叫做「回頭演變」（retrograde change）。文章以真濟數據佮線圖呈現，回頭演變的速度佮年歲的比例是倒反的，以表面時間來看會當推論某一个音當咧變化。影響語言音變的因素真濟，大部份會當分做語言（內部）佮社會（外部）兩个重點，語言因素是語音深層的改變，社會因素就是表示有可能受著年歲、職業、教育……等等的影響。語言只要是猶有咧使用，加減著會產生變化，本文欲探討的高雄語音演變嘛會當用遮的因素來分析。台灣語言記錄佮分析的文獻真豐富，除了頂懸所舉的聲母韻母系統、聲調研究、台灣各地方音記錄、分析佮理論以外，佇社會語言學抑是地理方言學方面，猶會當揣著閣較濟相關的研究，這攏愛感謝各位先進對台語的重視佮愛護。台灣歷史背景較複雜，各種移民、語言政策予台灣語言變甲真多元，有前輩的付出做基礎，希望本文對高雄語音的調查分析會當為台語留一寡記錄。. 48. 簡秀梅、洪惟仁，2008，〈關廟方言區出歸時回頭演變之社會方言學研究〉，《社會語言學與功能語言論文集》，頁 45-66。文鶴出版有限公司。 26.

(31) 第四章、研究方法佮設計（一）研究的順序這擺的實驗是以固定的地點做方音記錄，也就是方言地理學的調查，本研究是設計字表予發音人讀出來。語音調查的順序是：（1）整理欲探討的音類、（2）設計字表、（3）設定發音人、（4）實際的田野調查、（5）整理收集著的語料、（6）分析語料。. （二）設計字表的方法語音調查會當用真濟種方式來進行，像字表、自然語料、問卷、聽寫……等等調查方式，其中以字表方式較濟，本文嘛是用字表調查的方式來訪問受訪者。字表這部份，本文的做法是，先將台語系統內底所有的聲母佮韻母寫出來，互相相配，予每一个聲母、韻母攏有使用著，才閣用遮的音來組成語詞，所以字表內底的詞彙有包涵台語每一个聲母佮韻母組合的音。聲調的部份主要欲觀察的是陽入調，所以陽入調的字有較濟淡薄仔，按呢揣出來會有真濟的詞，為著欲予錄音較有效率，所以筆者決定先選擇過去較濟人咧討論、抑是佇台灣各地方言內底有「區別性意義」作用的音類，攏總 16 類。紲落來因為仝一个韻類內底會有真濟語詞，所以著揀彼種使用率較懸的字，遮个字著照《教育部台灣閩南語字詞頻統計》內底所統計的頻率懸低來選，使用率較懸的詞表示逐家攏較捷咧講、較有咧用，佇錄音的過程會較利便，較袂讀毋著音抑是袂曉讀。紲落來後一段會詳細講明。台語發音是聲母佮韻母組成，聲母以《彙集雅俗通十五音》49內底所歸納的發音來看攏總有「l、p、k、kh、t、ph、th、ts、j、s、b、g、tsh、h、零聲母」閣加上/b、l、g/的「同位音」/m、n、ng/攏總十八个聲母，韻母有六个元音「a、e、 i、o、oo、u，鼻輔音 m、n、ng，塞音韻尾 p、t、k、h」，閣分做韻首、韻腹、韻 49. 《彙集雅俗通十五音》是清朝同治己巳年（1869 年）東苑謝秀嵐編的一部以漳州音為主的閩南語音韻學書籍。 27.

(32) 尾（表 1、表 2），下跤的表將聲母佮韻母結合，列出所有發音，閣再參考《教育部閩南語常用詞辭典》將符合台語音韻系統的詞彙寫入去。 <表 7>韻首+韻腹. a. e. i. i. ia. u. ua. ue. ui. . a. e. i. o. o. oo. u. io. iu. oo. u. <表 8>（韻首+韻腹）+韻尾. ia. m. n. ng. p. t. k. h. iam. ian. iang. iap. iat. iak. iah. io. iong. i. u. . nn. iau. ia. iann. io. ionn. iu. iunn. ua. uann. ioh. iu ua. uan. uat. uah. ue. uai. ueh. ue. ui a. am. an. ang. ap. at. ak. e. ai. au. eh. i. im. o. om. in. ing. ip. it. ik. ong. u. un m. ih. iu. ok. oo. . ah. ut ng. ui. uinn. a. ann. e. enn. i. inn. o. onn. oh. io. oo. uh. ui. u. i. u. 根據 Labov 所講的「有序異質性」運用佇方言學內底是表示語音變化有「意涵性關係」（implicational relationship），像前一章文獻回顧所講的，方言音咧變 28.

(33) 化是有系統性的，所以字表設計以聲韻來做分類，譬如分做入字頭<j/l>、韻母居居類<i/u>。另外引用王士元（1988）50講的「詞彙擴散」（Lexical diffusion）的理論，語音是突變、詞彙是漸變，一个音由 A 變做 B 會表佇詞類，仝一个音的詞彙有个猶未變猶閣是 A 音，有个當咧變，有个已經變做 B 音，所以字表以聲韻調分類了後，愛以語詞來呈現仝一个字類的詞。聲母韻母互相配好勢了後，依照音類來分類的話，筆者發現會有二十幾个音類以上，按呢的字表較無精簡，錄音著愛了真濟時間，發音人可能會較歹揣，所以佇這个所在愛先有第一步的取捨，因為遮的音類有一寡「變項」佇過去文獻的描述有差異性，所以有分辨方言類型的功用。有一寡變項佇別的地區會當分別方言類型，但佇優勢音系統不一定有方言差異性，比如<熋經>類是區別漳泉系閩南語方言變項之一，主要是漳音的[-ing]佮泉音的[-ainn]兩種變體，但毋管是佇高雄地區抑是過去文獻記錄的優勢音攏是讀做[-ing]，無方言差。<熋經>類這个「變項」對優勢腔來講毋是一个無「區別性意義」的變項，所以著無收。第一步先決定的音類有「入入 j/l、居居 i/u、科伽 e/ue、科檜 ue/e、雞稽 ue/e、杯稽 e/ue、恩巾 in/un、青更 inn/enn、關官 uainn/uinn、科糜 ue/uainn、香羌 iong/iang、高高 o/oo、毛扛 oo/ng、箱薑 ionn/iunn、陽入調、陰入調」這 16 類，遮的音佇台灣有區別性意義作用的音類，較早的學者嘛有真濟人會討論遮的音，所以字表著先用這幾个音類來選語詞。先將欲觀察的所有詞彙揣出來了後，才閣來查遮的詞佇「教育部台灣閩南語字詞頻統計」51內底所記錄的頻次佮頻率，分別選出兩个音類頻率較懸的詞彙，譬如「j/l」類的詞彙有「鬧熱、痕跡、惹代誌、汙染、放尿、困擾、足熱、偌濟錢、挼目睭、忍耐、認真、出入、生日、揤電鈴、鰇魚、寫字、潤餅、豆乳、走相逐、相嚷、當然、絨仔布、溫柔」遮的，佇這兩類聲母的競爭當中，本文分別揀出頻率較懸的詞彙，譬如 50. 王士元，1988，《語言與語音》，台北：文鶴出版有限公司。教育部台灣閩南語字詞頻統計查詢網址：http://203.64.42.97/bang-cham/thau-iah.php 這个系統是收集 1880-2000 年代至少一百萬个語詞的台灣閩南語書面語語料，大部份集中佇 1990 佮 2000 年代之間的詞彙較濟，雖然語音有可能因為彼本冊的作者是漳腔抑泉腔來無仝，但是系統內有列出兩種音的字頻，會當看出詞彙的頻率，所以本文參考這个系統的字詞頻統計。 29 51.