黃慶萱指出：「文學作品之所以耐人尋味，值得欣賞，是因為作者把自己豐 富的情思運用最恰當的修辭法表現出來。所以一篇動人的文章必須具備兩個條 件：一是豐富的情思，一是修辭的技巧。」271 Uì 以上這段話，會當了解修辭佇文 章當中的重要性，欲予言語或者是文章讀起來較活跳，修辭扮演重要的角色。佇 方耀乾的詩句內底運用真濟修辭技巧，這寡技巧的使用，予伊的詩讀起來充滿美 感。方耀乾所有的作品內底，運用的修辭不止仔濟，無法度每一个部份攏討論著，
本節將重點囥佇「排比」、「層遞」、「頂真」、「映襯」、「轉化、「類疊」、「譬喻」、「借 代」這八个修辭的運用，來探討方耀乾運用修辭營造詩句美感的手路。
一 一
一 一、 、 、 、排比 排比 排比 排比
排比的定義是「用三個或三個以上結構相似、語氣一致、字數大致相等的語 句，表達出同範圍同性質的意象，叫做『排比』。」272 佇方耀乾的台語詩內底定定 看會著排比的使用，下面欲 uì 「單句的排比」、「複句的排比」、「段落的排比」
三个部分來討論。
(一) 單句的排比
用結構相似的單句，接二連三的表達仝範疇仝性質的意象，就是「單句的排 比」。「奴性的同胞會來看鬧熱/土地敵人會來奸臣笑/愛我的朋友會來哀聲哭」273就 是屬於單句對的寫法。方耀乾寫出鄭南榕自焚死亡了後，三種身份的人會有三種 無仝的反應。「烏心肝錢勿愛 趁/軟跤蝦厝勿愛 起/耬塗機勿愛 烏白耬/挖塗機勿愛 烏白 挖」274，方耀乾用四个單句，寫出伊對同胞的呼籲，頭前兩句是六字，後面兩句 是七字，讀起來真有規律感。「我滿身重汗/我頭殼真痛/我心內驚惶」275，是形容
271 黃慶萱，《修辭學》，台北：三民書局，2002 年 10 月，頁 17。
272 黃慶萱，《修辭學》，台北：三民書局，2002 年 10 月，頁 651。
273 節錄自〈我是一枝聖火——予鄭南榕〉，《白鴒鷥之歌》，頁 167。
274 節錄自〈台灣無時行流目屎〉，《白鴒鷥之歌》，頁 133。
275 節錄自〈七月考場〉，《阮阿母是太空人》，頁 57。
考生參加聯考的心情，透過這三句的連接，會當加強語氣，予人感受著考生著急、
緊張的情緒。
(二) 複句的排比
用結構相似的複句，接二連三地表達仝範疇仝性質的意象，就是「複句的排 比」。方耀乾佇〈上無路用兮儂〉內底用五个詩句來表達伊對家己無法度幫助阿母 的自責：
比籃仔花較無路用/伊會當做籬笆招春風 比土狗仔較無路用/伊會當顧門戶兼作伴 比雞仔鴨較無路用/伊會當拜神明兼燉補 比大筒射較無路用/伊會當治大病顧元氣 比氧氣筒較無路用/伊會當助喘喟延生命 276
〈轉來赤崁樓〉用五个結構相似的詩句來書寫赤崁樓的五段歷史：
紅毛仔相著即塊福地/搶去起造普羅民遮城 鄭家軍嘛相著即塊福地/搶去改做東都承天府治 清國軍嘛相著即塊福地/搶去改做軍火庫
咸豐時代嘛相著即塊福地/搶去改起海神廟文昌閣 日本軍嘛相著即塊福地/搶去改造陸軍病院 277
(三) 段落排比
「段落的排比」指的是一篇文章或者是一首詩歌內底，有三个或者是三个以 上，結構相仝、語氣相似、內容相關的段落，並列做伙。譬如：
276 節錄自〈上無路用兮儂〉，《阮阿母是太空人》，頁 28。
277 節錄自〈轉來赤崁樓〉，《將台南種佇詩裡》，頁 30-31。
若是大好天 我著會去阿里山 看山櫻弄春天 唔過今仔日 我卜去看阿母
若是落雨天 我著會去烏山頭 看雨水吟歌詩 唔過今仔日 我卜去看阿母
若是日頭火燒埔 我著會去鵝鑾鼻 佮海湧跳曼波 唔過今仔日 我卜去看阿母
若是凍霜的寒天 我著會店厝內 佮牽手談戀愛 唔過今仔日 我卜去看阿母
即碼阿母滯佇病院 278
〈卜去看阿母〉攏總有五段，前四段的句型真類似，攏是「若是……，我著會……，
唔過今仔日，我卜去看阿母。」所以是段落排比的運用。
278 這首詩寫佇 1998 年 5 月 27 號，收入佇《阮阿母是太空人》，頁 21-22。
羊蹄甲若發燒 春天就到 阮的心內就會 唱歌詩
阮會佮伊相對看 看甲阮兩人發燒 羊蹄甲若發燒 春天就到 阮的心內就會 出日頭
阮會佮伊坐佇樹仔跤 共公園坐甲發燒 羊蹄甲若發燒 春天就到 阮的心內就會 出虹
阮會牽著伊的手 共街仔路踏甲發燒 羊蹄甲若發燒 春天就到 阮的心內就會 開花
阮欲佇每一個人的心內種一欉花 予每一個人發燒 279
這首〈羊蹄甲若發燒〉分作四段，每一段的結構相似，句型攏是「羊蹄甲若發燒/
春天就到/阮的心內就會……」，是真明顯的段落排比。
279 〈羊蹄甲若發燒〉，《白鴒鷥之歌》，頁 182-183。
排比的主要作用是加強語勢，佇文章內底運用排比，會當增強語言的力量，
呈現文章的節奏佮旋律，嘛予敘述的層次更加清楚。綜觀方耀乾詩作內底排比修 辭的使用，予伊的詩作佇整齊內底有變化，佇變化內底有統一，會當形成句式、
旋律的複沓效果。
二 二 二
二、 、 、 、層遞 層遞 層遞 層遞
層遞的定義是「凡要說的有三件或三件以上的事物，這些事物又有大小輕重 等比例，於是說話行文時，依序層層遞進的，叫做『層遞』。」280
方耀乾的台語詩作品內底的層遞修辭運用上濟是「時間」方面的層遞。「透 早適合轉去/中晝適合轉去/黃昏適合轉去/暝時適合轉去」281是一工當中 uì 「透 早」、「中晝」、「黃昏」到「暝時」四階段的時間層遞；〈阿母兮皮包〉內底的時間 層遞則是方耀乾 uì 「細漢」、「大漢」到「現今」的三个階段：
細漢兮時/阿母兮皮包仔是/一籗寶箱……
大漢兮時/阿母兮皮包仔是/一籗藥箱/……
即碼/阿母兮皮包仔是/一張病床/……282
〈五條港哀歌〉敘述五條港的歷史，uì 「三百冬前」、「二百冬前」到「一百 冬前」三个時間來看五條港環境的變化：
三百冬前/開基天后宮、普濟殿、赤崁樓、開基武廟的廉簷跤/風駛千帆/
碧波千頃
二百冬前/集福宮、景福祠、水仙宮、西羅殿的廉簷跤/人聲滾滾/船貨躉 躉
一百冬前/曾文溪吐血佇大雨的暗暝/五條港煞斷氣/吼救救的船揣無岫283
280 黃慶萱，《修辭學》，台北：三民書局，2002 年 10 月，頁 669。
281 節錄自〈轉去（一）〉，《白鴒鷥之歌》，頁 113。原文無 1 2 符號，是筆者為著方便說明所加，
以下若是佇詩句內底出現1 2 符號，仝款是筆者所標示，無閣再另外說明。
282 節錄自〈阿母兮皮包〉，《阮阿母是太空人》，頁 6-7。
283 節錄自〈五條港哀歌〉，《將台南種佇詩裡》，頁 20-23。
除了以上三首，時間層遞的例，猶閣有「唱一首咱的過去/捏一尊咱的即碼/
釀一壺咱的將來」284這首，這首詩除了有運用層遞修辭，亦是頭前所講著的「單 句的排比」的類型。佇方耀乾作品內底出現的另外一个層遞的類型是「空間」的 層遞，kan-nā 一首：「對一粒蓮子敢想會出一蕊蓮花的美麗？對一蕊蓮花敢想會 出一坵蓮花園的曠闊？」285這段文字是 uì 散文詩〈徛亭亭的紅〉節錄落來，uì「一 粒蓮子」、「一蕊蓮花」到「一坵蓮花園」一路敘述落來，範圍空間愈來愈大，運 用層遞的修辭。
以上五首詩攏使用「層遞」的修辭，前四首是屬於時間的層遞，最後一首屬 於範圍大小的層遞。層遞的使用，予作品內容有層次感，情感的表達一步比一步 閣較強烈，會當增強語言的感染力，讀者讀這寡作品的時陣，較容易把握重點，
而且會留下深刻的印象。
三 三
三 三、 、 、 、頂真 頂真 頂真 頂真
頂真的定義是「用上一句結尾的辭彙，作下一句的起頭，使鄰接的句子頭尾 藉同一詞彙的蟬聯而有上遞下接的趣味修辭法，稱為『頂真』。」286
佇〈魚雨〉這首詩內底，方耀乾運用這个修辭技巧，予這首詩讀起來充滿節 奏感。
毋是刁故意闖入去，闖入去 迄片，迄片 防風林，防風林的溫暖，溫暖 的親情。
魚對天而降，降成雨，雨淋著我的驚惶，驚惶的汝。
喙對喙，喙授魚，魚的儀式，儀式 斷，斷成防風林的風，風中的我。287
這首詩無算短，方耀乾運用頂真修辭共伊組織起來毋 nā 袂予人牽強的感覺，閣 增加一種趣味性。佇讀詩的過程，本來是靜態的文字若變作跳動的音符，這類作
284 節錄自〈第三十三首〉，《阮阿母是太空人》，頁 86。
285 節錄自〈徛亭亭的紅〉，《白鴒鷥之歌》，頁 58。
286 黃慶萱，《修辭學》，台北：三民書局，2002 年 10 月，頁 689。
287 詩題〈魚雨〉，《白鴒鷥之歌》，頁 52。
品兼有聲音佮視覺的美感。
另外一首〈五分仔車〉嘛有運用著頂真的修辭：「風吹佇甘蔗，甘蔗頂歇一、
兩隻烏秋，烏秋的烏是糖廠的煙筒，煙筒徛踮火車頭，嘟一聲是糖的童年。」288 讀著這段詩，首先出現風吹佇甘蔗的畫面，紲落來是歇佇甘蔗的烏秋，uì 烏秋的 色緻聯想到糖廠仝款是烏色的煙筒，uì 煙筒閣再想著火車頭，火車頂懸載啥物？
當然是甜甜的甘蔗，踅一輪，閣轉去甘蔗的畫面。方耀乾用這種寫作方式，予這 首詩有遊戲性的成分，讀起來誠有節奏感。
四 四 四
四、 、 、 、映襯 映襯 映襯 映襯
映襯的定義是「在語文中，把兩種不同的，特別是相反地觀念或事實，貫串 或對列起來，兩相比較，互為襯托，從而使語氣增強，使意義明顯的修辭方法，
叫作『映襯』。」289
胡長松認為「映襯」是方耀乾真 gâu 使用的修辭，胡長松分析〈卜去看阿母〉
這首詩，認為這首詩的詩句雖然簡單，毋過造成的閱讀效果真強烈。290
若是大好天 我著會去阿里山 看山櫻弄春天 唔過今仔日 我卜去看阿母 若是落雨天 我著會去烏山頭 看雨水吟歌詩 唔過今仔日 我卜去看阿母
288 節錄自〈五分仔車〉，《白鴒鷥之歌》，頁 63。
289 黃慶萱，《修辭學》，台北：三民書局，2002 年 10 月，頁 409。
290 胡長松，〈論方耀乾詩裡的自我追尋〉，《台文戰線》，第 4 號，台南：台文戰線雜誌社，2006 年 10 月，頁 12。
若是日頭火燒埔 我著會去鵝鑾鼻 佮海湧跳曼波 唔過今仔日 我卜去看阿母 若是凍霜的寒天 我著會店厝內 佮牽手談戀愛 唔過今仔日 我卜去看阿母 即碼阿母滯佇病院291
這首詩分作五段，前四段攏是前三句一組，後兩句一組。前三句攏是寫阿母若無 破病，方耀乾會當去遊山玩水，嘛會使佇厝內陪伴牽手，伊的心情是歡喜、清閒
這首詩分作五段，前四段攏是前三句一組，後兩句一組。前三句攏是寫阿母若無 破病，方耀乾會當去遊山玩水，嘛會使佇厝內陪伴牽手，伊的心情是歡喜、清閒