國立台東大學華語文學系 台灣語文教師碩士班碩士論文
指導教授：丁鳳珍先生 張學謙先生
方耀乾台語詩研究：1997-2008
研究生：陳佩如撰
中華民國九十七年九月
謝 謝
謝 謝 誌 誌 誌 誌
考 tiâu 台灣語文所的時陣，我的台語猶講甲離離落落，三个暑假過去，我的 台語已經加真 lián 轉，上蓋歡喜的是，這本論文我是直接用台語思考、書寫的，
這是我料想袂到的代誌。感謝彰化縣台語前輩陳福當老師教我「教會羅馬字」的 書寫，有你的牽教，我才會當真緊掌握羅馬字聲調的變化。感謝我所服務學校的 台語文作家楊振裕校長，佇你的鼓勵之下，我才會 uì 文學創作開始練習台語文書 寫。福當老師、楊校長，恁攏是我的貴人！
決定欲寫台語文學的論文，我揣台中教育大學的丁鳳珍老師做指導教授，鳳 珍老師無棄嫌，願意收我這个無熟似的學生。鳳珍老師對人親切的態度，對學術 頂真的堅持，我愛好好向你學習。鳳珍老師是我所看過佮學生上無距離感的老師，
會當做你的學生，我實在有夠好運。
台東大學台文所的張學謙老師、楊允言老師、許秀霞老師、董恕明老師、傅 濟功老師、林淑慧老師佮林雅玲老師，恁佇學術方面豐富的學養、做學問拚勢的 精神，予我深深佩服。尤其是學謙老師，你是我所拄過上嚴格的老師，你要求學 生認真，家己就是上好的模範，做你的學生，就算予你罵甲臭頭嘛歡喜甘願。
台南科技大學的方耀乾老師佇我寫論文的過程中定定提供意見，共我指點論 文寫作的方向。耀乾老師風趣的談吐、溫文爾雅的學者風範，予我留下深深的印 象。
讀研究所期間，有時陣壓力真大，定定無緣無故心情鬱卒，上感謝我的翁婿 賴富國，伊就算掃著風颱尾嘛惦惦陪伴佇我的身軀邊，伊是我背後支持的力量。
這本論文會當完成，一半的功勞屬於阮翁，若毋是伊逐工佇邊仔踅踅唸，我無法 度佇期限內底完成。
最後，我欲感謝這三冬做伙拍拚的同學，這段佮大家同齊上課、做研究的日 子我會囥踮心肝底，我永遠會記得逐家互相鬥相共這種和諧的氣氛，做恁的同學，
是我的榮幸。特別感謝月華姐，受你照顧真濟，你比阮這寡少歲的同學閣較拚，
你是上認真的老學生，愛閣去考博士，我祝福妳。
2008.11.20
方耀乾台語詩研究 方耀乾台語詩研究 方耀乾台語詩研究
方耀乾台語詩研究： ： ： ：1997-2008
作者：陳佩如
國立台東大學台灣語文教師碩士班
摘 摘 摘
摘 要 要 要 要
方耀乾有台語文學創作者、研究者、教育者佮編輯者的多種身分，是台語文 學界重要的人物之一。到目前為止，方耀乾已經出版的台語詩集有《阮阿母是太 空人》、《予牽手的情話》、《白鴒鷥之歌》、《將台南種佇詩裡》佮《方耀乾台語詩 選》這五本。方耀乾佇台語詩的創作佮研究方面數量攏是排頭前的。
方耀乾的台語詩作品主題眞多元，觀照的面向誠闊，親情、愛情、鄉土民情、
國家社會等等，攏是伊詩作的題材。方耀乾創作的的歷程是 uì 書寫母親、牽手 等等親人開始，紲落來漸漸擴充到故鄉、國家社會，綜觀方耀乾的台語詩作，會 當發現「愛」是伊作品的主體。
若就文學技巧方面來看，方耀乾的台語詩作品有多種形式的變化，親像散文 詩、圖象詩、視覺詩、題號詩等等台語詩壇目前較罕見的幾種書寫形式。加上生 動的修辭技巧、鮮明的意象營造，成做方耀乾台語詩作的特色。方耀乾的台語詩 作品有真懸的文學性，除了伊本身的天份，亦有伊不斷追求突破的自我要求。
方耀乾的努力除了奠定伊佇台語詩壇重要的地位，亦予台語詩呈現出嶄新的 面貌，更加會當透過方耀乾的台語詩作品來證明，台語文學的文學性絕對不容懷 疑。
關鍵詞關鍵詞
關鍵詞關鍵詞：：：：方耀乾方耀乾方耀乾、方耀乾、、台語文學、台語文學台語文學台語文學、、、、台語詩台語詩台語詩台語詩、、、台語文運動、台語文運動台語文運動 台語文運動
The Study for Taiwanese Poetry of Yao-Chian Fang
Pei-Ju Chen
ABSTRACT
Yao-Chian Fang is one of the most important characters in Taiwanese literary circle. He has various identities of being a Taiwanese literature creator, a researcher, an educator, and a redactor. So far, Fang has already published five famous Taiwanese poetry anthologies, like “My Mother Is an Astronaut”, “ Loving Words to My Wife”,
“Song of the Egret”, “ Plant Tainan in the Poetry”, and “Taiwanese Poetry Anthologies of Yao-Chian Fang”. His Taiwanese poetry works and related studies greatly outnumbered most of his contemporary peers .
His works contain various topics, such as local customs, family, love, society, land, and so on. His writing career began with works to describe his mother and family, and then to write about home town, society, and lands. The main point of his works is trying to convey――――――――Love.
In terms of literature skills, his works have various forms of different styles, such as Prose poetry, Concrete poetry, Visual poetry, and Paragraph poetry（a collection without a single title for each single poem; but with serial numbers as the titles）, which are some rare writing styles for Taiwanese poetry.
The major characteristics of his works are lively rhetoric skills, and colorful imaginations. Expect for his talent, he also keeps a very high standard for himself to break through. In addition, his efforts had not only established him a remarkable status in Taiwanese poetry circle, but also created a brand new aspect to Taiwanese poetry.
Keywords：：：Yao-Chian Fang, Taiwanese literature, Taiwanese poetry, ： Taiwanese Movement
目 目 目 目次 次 次 次
第一章 第一章
第一章 第一章 踏話頭 踏話頭 踏話頭 ... 踏話頭 ... ... ... ... ... ... ... ... ... .... .... .... 1111
第一節
研究動機佮目的 ... 1
第二節
研究範圍... 3
第三節
研究方法佮步驟 ... 9
第四節
前人研究回顧... 10
第二章 第二章 第二章 第二章 方耀乾佮台語文學 方耀乾佮台語文學 方耀乾佮台語文學 ... 方耀乾佮台語文學 ... ... ... ... ... ... ... ... ... 25 25 25 25 第一節
台語文學發展簡述 ... 25
第二節
方耀乾生平概述 ... 28
第三節
台語文運動的參與 ... 34
第三章 第三章 第三章 第三章 方耀乾台語詩的主題分 方耀乾台語詩的主題分 方耀乾台語詩的主題分析 方耀乾台語詩的主題分 析 析 析 ... ... ... ... ... ... ... .... .. 43 43 43 43 第一節
內斂隱藏的母囝親情 ... 43
第二節
堅定濃烈的夫妻之愛 ... 53
第三節
在地色彩的鄉土景緻 ... 58
第四節
庶民百態的社會關懷 ... 76
第五節
台灣精神主體的追求 ... 82
第四章 第四章 第四章 第四章 方耀乾台語詩的書寫特色 方耀乾台語詩的書寫特色 方耀乾台語詩的書寫特色 ... 方耀乾台語詩的書寫特色 ... ... ... ... ... ... .... .. 95 95 95 95 第一節
多變的書寫形式 ... 96
第二節
生動的修辭技巧 ... 109
第三節
鮮明的意象營造 ... 127
第五章 第五章 第五章
第五章 結論 結論 結論 ... 結論 ... ... ... ... ... ... ... ... ... .... .... 143 .... 143 143 143 參考冊目
參考冊目 參考冊目
參考冊目 ... ... ... ... ... ... ... ... ... ... ... ... ... 145 145 145 145
附錄一 方耀乾著作目錄 ... 154
附錄二 方耀乾台語詩集作品一覽表... 160
附錄三 方耀乾台語詩寫作時間表... 177
附錄四 方耀乾訪問報導佮著作研究目錄 ... 186
附錄五 方耀乾年表... 189
附錄六 方耀乾專訪... 214
第一章 踏話頭
第一節 研究動機佮目的
筆者自細漢到讀大學的階段，接觸著的攏是華語文學，文學是我永遠的愛人，
彼時陣我根本想袂到有台語文學的存在。猶未接觸台語文學作品進前，我並毋知 影已經有一陣人佇這个領域認真拍拚誠久，更加想袂到的是已經出版遐爾濟水準 真懸的台語文學作品，親像筆者這款對台語文學無了解的人毋是少數。筆者比別 人較好運的所在是，佇筆者教冊的小學，有一个台語文作家――楊振裕校長，楊 校長佇台語文的創作佮推 sak 方面攏真拚勢。佇楊校長的鼓勵之下，筆者亦開始 寫台語文創作，一開始真驚惶，後來愈寫愈紲手，會當用家己的母語寫作，我心 內充滿喜樂。我自細漢佇庄跤大漢，台語是我的母語。細漢的時陣我真 gâu 講台 語，想袂到冊讀愈懸，台語煞愈袂 lián 轉，我應該感覺見笑。kan-nā 感覺見笑是 無夠的，我決心欲替家己的母語做一寡工課，研究台語文學就是我的頭一步。
對台語文學的接觸愈濟，我才發覺用母語創作的作品特別有味，真歡喜佇台 灣這塊土地有濟濟作家願意堅心創作落去，台語文學的花園已經開出濟濟美麗的 花蕊。雖罔已經有一寡成績出來，這个園地需要閣較濟人鬥陣來拍拚，生活佇這 塊土地的台灣人，應該認真思考家己的角色，就親像黃石輝佇〈怎樣不提倡鄉土 文學〉這篇文章內底所寫的：
你是台灣人，你頭戴台灣天，腳踏台灣地，眼睛所看的是台灣的狀況，耳 孔所聽的是台灣的消息，時間所歷的亦是台灣的經驗，嘴裡所說亦是台灣 的語言，所以你的那枝如椽的健筆，生花的彩筆，亦應該去寫台灣的文學 了。1
伊閣主張：
1 引自中島利郎編，《1930 年代台灣鄉土文學論戰資料彙編》，高雄：春暉出版社，2003 年 3 月，
頁 1-6，原刊於《伍人報》第 9 號-第 11 號，1930 年（昭和 5 年）8 月 16 號-9 月 1 號。
用台灣話做文，用台灣話做詩，用台灣話做小說，用台灣話做歌謠，描寫 台灣的事物。2
七十幾冬前，黃石輝發自內心的呼籲，這 má 聽起來，猶原使人感動。台灣有 複雜的歷史背景，多次被殖民的歷史經驗，造成本土語言遭受打壓的事實。光復 了後，國民政府為著欲推行國語，強制禁止台灣人講母語，造成台灣人心理上的 自卑。這種語言政策忽視了在地的文化佮歷史，語言成做統治者控制人民思想的 工具。這種獨尊華語，壓制本土語言的同化手段，影響了台灣這塊土地的語言生 態，本土語言佇這種情形之下煞變作弱勢語言，毋 nā 流失的速度驚人，而且有予 人消滅的危機。
80 年代了後，「台灣意識」成做知識分子眞有興趣的話題，台灣人民嘛發覺 著母語流失是一件眞嚴重的代誌，紛紛要求學校開辦母語教育。仝時間，文學家 用台語寫作的風氣開始形成，母語復興的時代已經來臨。時間進入 90 年代，寫作 台語詩的詩人佮 80 年代比起來，人數加幾十倍，題材閣較多元、技巧嘛較幼路，
是一个眞使人歡喜的現象。方耀乾是 90 年代重要的詩人之一，伊本成是用華語創 作，後來因為母親破病，想欲寫詩予母親，才正式用台語來創作，自此踏入台語 文學的世界。方耀乾是一个有情的人，伊將對母親、牽手、故鄉佮國家的愛，化 作一篇閣一篇打動人心的詩篇，成就了伊佇台語詩壇的重要地位。
眞濟人因為無了解台語文學，就用一種排斥甚至鄙相的態度來輕視台語文 學，認為台語文學只有台語，無文學。方耀乾的台語詩是一个眞好的例，會使反 駁這款錯誤的觀念。筆者向望透過這个研究，除了會使對方耀乾的作品作一个全 面性的探討，閣較重要的是欲替台語文學發聲，予社會大眾對台語文學有正確的 認捌。
根據頂面的研究背景，本研究的目的如下：
一、探討方耀乾文學創作的歷程佮時代背景。
二、探討方耀乾文學創作的寫作動機佮理念。
三、了解方耀乾台語詩作品的主題類型佮寫作特色。
2 同註 1
第二節 研究範圍
首先針對「台語」這个名詞做一个界定，許極燉認為：
「台語」是指 di 台灣通行的上大多數住民的母語。台灣人的母語叫做「台 灣話」，是日本殖民統治台灣以來，通行百外冬已經約定俗成的一般性概 念。雖然日治時代的台灣人有福佬、客家佮南島語系的「原住民」族群，
不過，因為福佬人佔有七成以上，所以為着（dioh）方便，用福佬系台語
「代表」台灣話。3
方耀乾對「台語」的定義是：
佇台灣的福佬籍人士所講的語言，Chit-ê 詞佇日據時代佇官方就已經 lóng 按呢用，而且佇台灣的福佬籍人大約佔總人口的 73.3﹪，民間也差不多以 chit-ê 意涵咧運用，ē-sái 講是約定俗成矣。4
許極燉佮方耀乾所認定的「台語」，範圍攏是指台灣的福佬人所使用的母語，亦就 是李勤岸所主張的「台灣 Holo 話」。5
閣來是「台語詩」的定義，根據林央敏的看法，伊認為台語詩是：「台灣人以 台語白話文創作的詩作。」6羊子喬是按呢認定的：「以台灣話文為思考方式並以 台灣話文為工具，來抒寫台灣人的思想感情的詩作，稱之為台語詩。」7林央敏佮 羊子喬的認定基本上是仝一个範圍的。根據以上，本論文內底所講著的「台語」、
「台語詩」、「台語文學」，攏是限定佇上細的範圍，無包括用客語、原住民語、華
3 許極燉，〈按台語的發展來展望台語文學――探索(soh)台語參台語文學的關係〉，《海翁台語文學 雜誌》，第 7 期，台南：開朗雜誌，2002 年 2 月，頁 12。
4 方耀乾，〈為父老立像，為土地照妖──論向陽的台語詩〉，《海翁台語文學雜誌》，第 38 期，台 南：開朗雜誌，2005 年 2 月，頁 6。
5 李勤岸，〈沒有名字的語言？台灣話、閩南話還是 Hh-ló 話？〉，《台灣文學館通訊》，第 15 期，
台南：國家台灣文學館，2007 年 5 月，頁 36-41。
6 林央敏，〈天增歲月人增詩〉，收入佇林央敏編，《台語詩ㄧ世紀》，台北：前衛，2006 年 3 月，
頁 3。
7 羊子喬，〈日據時期的台語詩〉，收入佇文訊雜誌社編，《台灣現代詩史論》，台北：文訊，199 年 3 月，頁 79。
語以及這寡語言所寫作的文學作品。
本文研究範圍主要是針對方耀乾的台語詩創作，以方耀乾已經出版的台語詩 集做主要的研究範圍。其他包括方耀乾書寫的台語文學研究論文，以及分散佇各 報章、雜誌、期刊的相關評論、訪問稿佮對談錄，攏是本研究重要的參考資料。
方耀乾目前已經整理出版的作品有：
一、台語詩集：主要是《阮阿母是太空人》（1999）、《予牽手的情話》（1999）、《白 鴒鷥之歌》（2001）、《將台南種佇詩裡》（2002）佮《方耀乾台語詩選》（2007）
這五本。另外，方耀乾有十二首詩收入佇《台語詩新人選》（2003），有五首 詩收入佇《台語詩一世紀》(2006)。8
二、台語劇本：《妒婦津》（2000）、《孼女．安蒂崗妮》（2001）、《鏡》（2003）。
三、學術論著：《台語詩人的台灣書寫研究》（2004）、《母語，詩與台灣書寫》（2004）
《台語文學的觀察與省思》（2004）、《台語文學的起源與發展》（2005）。
四、編著：《台灣，徛起來：按台語文學起鼓》（2000）、《台語現代文學選》（2002）
《台語文學讀本》（Ⅰ）（2003）、《台語文學讀本》（Ⅱ）（2004）。
本文主要研究的文本是方耀乾已經出版的五本台語詩集佮《台語詩新人選》、
《台語詩一世紀》內底所收錄的作品，包括：
(一一一)《一《《《阮阿母是太空人阮阿母是太空人阮阿母是太空人阮阿母是太空人》》》》9
《阮阿母是太空人》得著「南瀛文學獎」新人獎，這是有史以來台語詩集頭 一擺得著政府機關主辦的文學獎。評審（呂興昌、渡也佮葉迪）對這本詩集的看 法是：
用活跳跳的生活語言做根底，鍛鍊出相當準確的文學語言，無論親情的描 寫或是社會的關懷，攏看會出作者胎――裡帶來的詩人氣質佮無可限量的
8 方耀乾詩集詳細的收錄內容，請參考〈附錄二 方耀乾台語詩集作品一覽表〉。
9 方耀乾，《阮阿母是太空人》，台南：台南縣立文化中心，1999 年 1 月。
書寫潛能，是咱台灣詩壇值得觀察、值得期待的新向望。10
Uì 以上的文字，會使看出評審對方耀乾作品持正面肯定的態度。《阮阿母是太空 人》是方耀乾頭一本作品，初期的作品就受著評審的肯定，實在真無簡單。評審 果然嘛無看走鐘去，方耀乾後來陸續出版的作品仝款得著真懸的評價。
佇得獎感言內底，方耀乾講著伊的創作觀：
面對文學創作，我只有謙虛，伊唔是囡仔物，伊是用誠心釀造出來兮蜜。
面對文學創作，我唔捌真正創作過啥乜，干礁透過心眼去聽、去看、去感 覺，去思考，用會當打動人兮文字、形式共伊鬥起來爾爾。11
方耀乾的每一首詩攏是透過內心真誠的聲音創作出來的。是這種頂真的態度，予 咱看著台語詩壇充滿希望的未來。
本詩集分做四輯：第一輯是「阮阿母是太空人」，有十二首詩；第二輯是「屈 原過台灣」，有十五首詩；第三輯是「予牽手兮情話」，包括卷首辭、卷尾辭，攏 總有二十七首詩；第四輯是「福摩莎風情畫」，有十五首詩；第五輯是「圖畫人間」， 有六首詩。
本詩集內底閣收錄：台南縣長陳唐山序〈溫馨的鄉土文化〉、台南縣立文化中 心主任葉佳雄序〈再創南瀛文學活力〉、方耀乾自序〈詩佇病床頂兮阿母兮面裡――
講二十外冬來兮心路歷程〉。方耀乾佇自序內底寫著這本詩集的出版對伊來講是一 个鼓勵，表示台語嘛會當寫文學，用台語寫的詩嘛會當得獎，伊講這本詩集是伊 文學創作生命的鑼聲，伊欲將這本詩集獻予伊的母親。
(二二二)《二《《《予牽手的情話予牽手的情話予牽手的情話予牽手的情話》》》》12
《予牽手的情話》詩集的內容是方耀乾佇生日、情人節、結婚紀念日抑是其 他有所感的日子，寫佇卡片予牽手的題詞，攏總有五十二首詩，除了卷首辭佮卷
10 見〈評定書〉，收入佇方耀乾，《阮阿母是太空人》，台南：台南縣立文化中心，1999 年 1 月。
11 見〈得獎感言〉，收入佇方耀乾，《阮阿母是太空人》，台南：台南縣立文化中心，1999 年 1 月。
12 方耀乾，《予牽手的情話》，台南：十信文教基金會，1999 年 12 月。
尾辭以外，其他攏是四行的形式。《予牽手的情話》內底的卷首辭、卷尾辭以及第 一首到第二十五首詩亦收入佇《阮阿母是太空人》第三輯「予牽手兮情話」內底，
毋過佇這兩本詩集內底，有一寡用字無仝的所在。佇 1999 年 12 月，方耀乾佮同 事蕭培賢聯合舉辦「夫妻路．牽手情――方耀乾、蕭培賢攝影詩展」，仝時間出版
《予牽手的情話》。這本詩集有台文、華文、英文對照，是有史以來頭一本用三種 語言對照出版的詩集，英文翻譯者是雲林科技大學的王子富博士。方耀乾講這本 詩集是伊文學創作過程中一个美麗的螺仔殼，伊欲將這本詩集獻予伊的牽手。
((((三三三三))))《《《白鴒鷥之歌《白鴒鷥之歌白鴒鷥之歌》白鴒鷥之歌》》》13
《白鴒鷥之歌》由台南縣文化局出版，是南瀛作家作品集71。本詩集分做七 輯：第一輯「白鴒鷥之歌」，主要書寫自然生態佮人文生態，這輯攏是散文詩，有 十首。第二輯「思念故鄉」，主要書寫台南縣的風土人情，有歷史的、鄉愁的、生 態的、環保的……等等，攏總十一首詩。第三輯「台灣徛起來」，欲書寫整個台灣 的風土人情，有歷史的、族群的、鄉愁的、生態的、環保的、教育的……等等，
攏總十四首詩。第四輯「汝來看我」，書寫文學家佮烈士，有五首詩。第五輯「斑 芝花」，書寫佇台灣定定看會著的植物，欲透過遮的植物來反思族群問題、人文經 驗佮親情，有九首詩。第六輯「詩情畫意」，是一系列的視覺詩，有十三首。第七 輯「妒婦津」，是一部散文詩戲劇，這齣戲主要描寫女性的愛、慾望、妒嫉佮復仇。
方耀乾講這本詩集有伊回歸鄉土了後的驚喜，伊欲將這本詩集獻予伊生長的南瀛。
本詩集內底閣收錄：台南縣長陳唐山序〈南瀛文學新遠景〉、台南縣文化局局 長葉佳雄序〈搭起南瀛文學舞台〉、葉笛序〈詩人之眼，土地之歌――台語詩集《白 鴒鷥之歌》序〉、盧錦融序〈一本書〉、方耀乾自序〈佇南瀛的星空犂出一蕊一蕊 的詩〉佮作者簡介。附錄有：黃彩如等〈台語文學的疊磚仔師――專訪方耀乾老 師〉佮〈方耀乾文學年表〉。
((((四四四四))))《《《將台南種佇詩裡《將台南種佇詩裡將台南種佇詩裡》將台南種佇詩裡》》》14
13 方耀乾，《白鴒鷥之歌》，台南：台南縣文化局，2001 年 10 月。
14 方耀乾，《將台南種佇詩裡》，台南：台南市立圖書館，2002 年 12 月。
《將台南種佇詩裡》由台南市立圖書館出版，是南台灣文學――台南市作家 作品集叢書第 8 輯，這本詩集是第七屆府城文學獎（結集成冊現代詩獎）得獎作 品集。本詩集分做四輯：第一輯是「府城的迴廊」，書寫台南市的七个一級古蹟、
五條港佮台窩灣，有十首詩；第二輯是「府城的滋味」，書寫台南市四个有百年以 上歷史的有名食物，有四首詩；第三輯是「台南人文堂」，書寫五个台南縣市的重 要文學家，有五首詩；第四輯是「金色的曾文溪」，書寫台南縣市的風土人情，有 十二首詩；第五輯是「福爾摩莎短歌」，書寫台灣，攏是用三行詩來展現台灣的各 種面貌，有四十首詩。方耀乾講這本詩集是伊用詩來書寫歷史得著的一粒珍珠，
伊欲將這本詩集獻予飼伊、教伊的父親。
本詩集內底閣收錄：方耀乾自序〈歷史佇台南咧撐渡〉、作者簡介佮標音系統 說明。附錄有：郭楓〈歷史認知與詩藝建構〉、宋澤萊〈美麗的詩集與詩集的美麗〉、 宋澤萊〈古色古香的詩集〉、陳明仁〈Kā 鄉土深情種 tī 詩--nih〉、林政華〈《台窩 灣擺擺》序〉、蔡靖儀、吳秋君〈台語文學的耕耘者〉佮〈方耀乾文學年表〉。
((((五五五五))))《《《台語詩新人選《台語詩新人選台語詩新人選》台語詩新人選》》》15
《台語詩新人選》由陳金順主編，方耀乾佮胡長松擔任編輯委員，攏總收錄 十一个作家的作品，方耀乾是其中之一，另外十个作者是蔣為文、王貞文、陳金 順、林文平、陳潔民、王宗傑、藍淑貞、陳正雄、周定邦佮胡長松。方耀乾入選 的十二首詩攏是 uì《阮阿母是太空人》、《白鴒鷥之歌》佮《將台南種佇詩裡》選 出來的，這十二首詩分別是〈阮阿母是太空人〉、〈阿母，汝無乖〉、〈一九九五年 父親節紀事〉、〈思念故鄉――海寮〉、〈金色的曾文溪〉、〈七股潟湖〉、〈一條索仔 就好〉、〈我是台窩灣擺擺〉、〈五條港哀歌〉、〈汝來看我――夜讀《郭水潭集》〉、〈五 分仔車〉佮〈白鴒鷥〉。佇作者紹介的所在，是按呢評論方耀乾的作品「伊 e 詩以 活跳 e 生活話語做根底，鍛鍊出準確 e 文學語言；無論是對社會 e 關懷、土地 e 疼惜佮親情 e 依戀，攏展現出豐富、多彩 e 詩風特質。」（頁 223）
((((六六六六))))《《《台語詩一世紀《台語詩一世紀台語詩一世紀》台語詩一世紀》》》16
15 陳金順編，《台語詩新人選》，台南：真平，2003 年 2 月。
《台語詩一世紀》是林央敏主編，這本詩集收錄五十五个詩人，攏總一百○
五首的作品。方耀乾入選的五首詩分別是〈阮阿母是太空人〉、〈魚雨〉、〈七股潟 湖〉、〈金色的曾文溪〉、〈佮沈光文夜談〉這五首。
((((七七七七))))《《《方耀乾台語詩選《方耀乾台語詩選方耀乾台語詩選》方耀乾台語詩選》》》17
《方耀乾台語詩選》由開朗雜誌有限公司出版，是海翁台語文學大系 15，分 作「詩選」、「短歌選」、「散文詩選」、「圖像詩選」佮「詩劇選」五輯。輯一「詩 選」，有四十二首；輯二「短歌選」，有十八首；輯三「散文詩選」，有七首；輯四
「圖像詩選」，有九首；輯五「詩劇選」，有兩首。這本詩選收的是 1995 到 2005 年的作品，主要是選自《阮阿母是太空人》、《予牽手的情話》、《白鴒鷥之歌》佮
《將台南種佇詩裡》這四本詩集的詩作。以上四本詩集各本之間文字符號並無一 致，這本詩集方耀乾共 in 修改作一致，羅馬字的部分採用 2006 年教育部公告的
「台灣閩南語羅馬字拼音系統」。方耀乾講伊欲將這本詩集獻予伊的阿公、阿媽佮 老爸、老母，因為 in 將母語傳予伊，伊才會當用母語來書寫遮的物件。
本詩集內底閣收錄：林央敏〈像一座看前顧後的路觀牌――台語文學大系總 序〉、方耀乾〈用母語創作是上天的恩典〉。附錄有：林央敏〈歷史與審美的合一
――方耀乾的詠史詩〉、胡長松〈論方耀乾詩裡的自我追尋〉、黃建銘〈圓一個圓：
從夫妻情、母子情到台灣情〉、〈方耀乾寫作年表〉佮〈方耀乾研究索引〉。 筆者綜合以上七本詩集收錄的作品，加上方耀乾發表佇期刊雜誌的詩作，扣 除重複出現的部份，攏總整理出 212 首台語詩作品。18另外，因為方耀乾頭一首 完全用台語所思考寫出的台語詩是 1997 年 12 月 23 號所寫的〈上無路用兮儂〉，
筆者論文預定完成的時間是 2008 年 11 月，因此本論文的題目訂做《方耀乾台語 詩研究：1997-2008》。19
16 林央敏編，《台語詩ㄧ世紀》，台北：前衛，2006 年 3 月。
17 方耀乾，《方耀乾台語詩選》，台南：開朗雜誌，2007 年 11 月。
18 詳細內容，請參考〈附錄三 方耀乾台語詩寫作時間表〉。筆者所整理出的作品是方耀乾佇 2008 年 9 月 12 號以前所發表的。
19 1995 年方耀乾就開始寫作華語情詩，後來這寡詩才翻作台語詩，筆者猶原將這部份的作品納入 研究範圍。雖罔方耀乾這時已經開始接觸台語，亦試驗用台語練習寫作，毋過因為這个時期伊 並毋是直接用台語思考、寫作，因此筆者認為本論文的名稱用 1997-2008 的範圍比較較適當。
第三節 研究方法佮步驟
一、研究方法
本研究想欲透過「文獻分析法」、「文本分析法」佮「作家訪談」三種方式進 行研究。
(一一一) 文獻分析法一 文獻分析法文獻分析法文獻分析法
收集台語文學的發展、台語文運動佮方耀乾相關評論等等文獻資料，建立理 論的基礎，探討時代背景對方耀乾台語詩作品的影響，並且了解目前方耀乾台語 詩作品相關研究的進展。
(二二二) 文本分析法二 文本分析法文本分析法文本分析法
以方耀乾公開發表的書面作品或者是網站頂懸的作品深入研究，uì 內底去分 析作品的寫作風格佮內容意涵。
(三三三) 作家訪談三 作家訪談作家訪談作家訪談
使用訪問的方式，確認作家創作的取材方向、寫作動機、對台語文學過去發 展的看法以及對未來的期待等等，並且共受訪結果以及收集著的文獻、作品相對 照，以彌補書面資料的不足。
二、進行步驟
(一) 收集方耀乾個人以及作品的相關評論佮訪談資料 (二) 閱讀方耀乾著作佮相關文獻
(三) 實地訪談作家 (四) 整理歸納 (五) 作品分析研究
第四節 前人研究回顧
方耀乾是新生代台語詩人內底真受著肯定的作家，對方耀乾台語作品的研究 佮評論袂少，方耀乾的台語詩已經得著真懸的評價，毋過到目前為止，猶無專書 或者是學位論文對方耀乾所有的台語詩做一个全面性的探討，實在是真可惜的代 誌。筆者共這寡佮方耀乾相關的研究資料分做以下三个部分，並且整理出內容大 要，向望徛佇前人研究的基礎頂懸，進一步深入研究方耀乾台語詩的特色佮內涵。
ㄧ ㄧ ㄧ
ㄧ、 、 、 、作 作 作品評論 作 品評論 品評論 品評論
(一一一)〈一〈〈〈以母語召喚族魂以母語召喚族魂以母語召喚族魂以母語召喚族魂、、、以書寫再現台灣、以書寫再現台灣以書寫再現台灣：以書寫再現台灣：：：方耀乾方耀乾方耀乾方耀乾（（（（Png Iau-khian）））台語詩中）台語詩中台語詩中 台語詩中 的抵殖民書寫
的抵殖民書寫 的抵殖民書寫 的抵殖民書寫〉〉〉〉20202020
這篇評論的作者就是方耀乾本人，文中除了詳細說明方耀乾從事台語寫作的 過程佮內心的想法，亦透過作者本身對家己作品的深入紹介，予讀者了解方耀乾 想欲用寫作來建構台灣精神文化主體的企圖心。方耀乾佇文章內底特別講著伊拍 拚耕耘台語園地這款「自虐式奮發圖強」，有真懸的成分是來自「懺悔」了後的自 我救贖，「情感」是其中的主軸，佮林宗源、林央敏、李勤岸濟少受著政治壓迫氛 圍，因此以母語為盾、文學為劍，陽剛式的反殖民無仝。
(二二二)〈二〈〈〈他的詩情畫意他的詩情畫意他的詩情畫意他的詩情畫意――――――――解讀方耀乾的兩類情詩解讀方耀乾的兩類情詩解讀方耀乾的兩類情詩解讀方耀乾的兩類情詩〉〉〉〉21212121
王娟娟認為方耀乾的台語詩，毋 nā 有伊的生命意義佮經驗，閣精準傳達出 咱整體的社會生活，所以無論伊的台語詩有啥物款歷史地位，嘛一定有伊的社會 地位。王娟娟比較方耀乾寫予母親佮牽手的情詩，發覺方耀乾對母親的愛親像井 水，是內斂、隱藏的；對牽手的愛親像滔滔江河，熱烈、奔放。
20 方耀乾，〈以母語召喚族魂、以書寫再現台灣：方耀乾（Png Iau-khian）台語詩中的抵殖民書寫〉，
《台南女子技術學院學報》，第 23 期，台南：台南女子技術學院，2004 年 10 月，頁 455-478。
篇名內底的羅馬字「Png Iau-khian」，本底就無標調號，佇遮特別說明。
21 王娟娟，〈他的詩情畫意――解讀方耀乾的兩類情詩〉，《台灣文學評論》，第 1 卷，第 2 期，台 南：真理大學台灣文學資料館，2001 年 10 月，頁 70-84。
(三三三)〈三〈〈美麗的詩集與詩集的美麗〈美麗的詩集與詩集的美麗美麗的詩集與詩集的美麗美麗的詩集與詩集的美麗――――――――讀方耀乾台語詩集讀方耀乾台語詩集讀方耀乾台語詩集讀方耀乾台語詩集《《《將台南種佇詩裡《將台南種佇詩裡將台南種佇詩裡》將台南種佇詩裡》》》手手手手 記之
記之 記之 記之 1111〉〉〉〉22222222
宋澤萊講著伊拍開《將台南種佇詩裡》，發現內底竟然有眞濟美麗的詩句，實 在是料想袂到。宋澤萊本底無相信台語詩集會有啥物美麗的詩句，因為台語詩才 拄咧莩芛的階段。宋澤萊舉〈思念故鄉――海寮〉佮〈金色的曾文溪〉兩首詩作 例，說明方耀乾描寫故鄉甘蔗佮稻埕美麗的景緻，若親像是一幅美麗的圖畫，尤 其是色彩的運用非常成功。
(四四四)〈四〈〈〈古色古香的詩集古色古香的詩集古色古香的詩集古色古香的詩集――――――――讀方耀乾台語詩集讀方耀乾台語詩集讀方耀乾台語詩集讀方耀乾台語詩集《《《《將台南種佇詩裡將台南種佇詩裡將台南種佇詩裡將台南種佇詩裡》》》手記之》手記之手記之2〉手記之 〉〉〉23232323
宋澤萊認為《將台南種佇詩裡》這本詩集記錄了屬於台南人佮台灣人的歷史，
是一本小型的台灣史詩。宋澤萊進一步講著，逐擺若讀著〈我是台窩灣擺擺〉，伊 讀著「阿立祖」、「平埔族」的時，感觸特別深，宋澤萊會當感覺著詩人完全認同 家己是西拉雅的後代，使得伊嘛因此想欲承認家己是巴布薩的囝孫。由此可見，
方耀乾的詩真有感染力，予人讀了後除了會感動伊對西拉雅族的認同，閣會當反 倒轉來對家己的族群產生認同感。
(五五五)〈五〈〈〈綿綿的情話綿綿的情話綿綿的情話綿綿的情話、、、、厚厚的愛意厚厚的愛意厚厚的愛意――方耀乾的厚厚的愛意 方耀乾的方耀乾的方耀乾的《《《予牽手的情《予牽手的情予牽手的情話予牽手的情話話話》》》》意象分析意象分析意象分析意象分析〉〉〉〉24242424 沈珍貝以《予牽手的情話》作討論的文本，分析詩集內底五十二首詩所出現 的意象，發覺作者所使用的意象以「自然意象」佮「生活意象」兩類較濟。沈珍 貝認為《予牽手的情話》絕對是台語詩集中獨一無二的創作，閣講：
伊利用自然淺白的語彙，傳達出外濟人無法度簡單講出的厚厚的愛意，若 毋是詩人本身對台語有眞深入的研究，擱再加上伊本人佇新詩創作上的天 份，若毋是安爾，即本作者平時所寫的文字，怎樣有可能赫爾仔優美動人。
（頁 13）
22 宋澤萊，〈美麗的詩集與詩集的美麗──讀方耀乾台語詩集《將台南種佇詩裡》手記之 1〉，收 入佇方耀乾著，《將台南種佇詩裡》，台南：台南市立圖書館，2002 年 12 月，頁 147-148。
23 宋澤萊，〈古色古香的詩集──讀方耀乾台語詩集《將台南種佇詩裡》手記之 2〉，收入佇方耀 乾著，《將台南種佇詩裡》，台南：台南市立圖書館，2002 年 12 月，頁 144-146。
24 沈珍貝，〈綿綿的情話、厚厚的愛意──方耀乾的《予牽手的情話》意象分析〉，《海翁台語文 學雜誌》，第 46 期，台南：開朗雜誌，2005 年 10 月，頁 4-14。
沈珍貝認為《予牽手的情話》無掩 khàm 的真情，是這本詩集上感動人、上 特別的所在。沈珍貝這篇論文按意象角度來分析方耀乾《予牽手的情話》，分析甲 眞詳細，值得肯定。
(六六六)《六《《《台語詩中的女性研究台語詩中的女性研究台語詩中的女性研究台語詩中的女性研究》》》》25252525
沈珍貝 uì 台語詩的女性視角為出發點，欲來統整台語詩發展的面向佮趨勢。
佇這篇論文的第二、三章，伊以女性親人做分析的對象，首先以詩人的「母親」
去歸納台語詩內底母親散發出來的意涵，閣再分析「牽手」、「阿媽」、佮「姊妹」
四个親人的角色意涵。沈珍貝論文內底討論著方耀乾《阮阿母是太空人》詩集內 底書寫母親的十一首詩，這十一首詩攏是描寫母親破病的病容佮做人子女心中的 悲傷以及無力感。沈珍貝發現差不多每一个詩人攏有關於母親的詩作，作者描寫 母親的時陣，攏是用平易近人的言詞描寫生活中的點滴，按日常生活當中展露母 親的偉大。
沈珍貝讀過方耀乾寫予牽手的詩了後，認為佇台語詩當中，對家己的牽手上 深情的，就是方耀乾。26因為方耀乾對牽手的情感描寫上蓋深刻，佇方耀乾的詩 內底時時傳達出對牽手厚厚的情意。佇書寫查某囝的方面，沈珍貝討論〈查某囝 的國語考卷〉佮〈南方的鳳凰花向前行〉兩首詩，伊呵咾方耀乾是一个好爸爸，
因為詩句內底充滿了父親的慈愛以及對女兒的疼惜佮鼓勵。沈珍貝佇結論的部份 有講著，按詩人對女性親人的描寫，會當看出詩人感情豐沛的一面。伊進一步指 出，只有台語的在地性佮原味性，更加會當展現貼近生活佮自然的特質，每一首 詩呈現出來的攏是上自然、上原始的情感表露。其他猶閣有討論著方耀乾「福爾 摩莎短歌」系列的〈5 號作品〉、〈6 號作品〉、〈29 號作品〉、〈36 號作品〉、〈一條 索仔就好〉佮〈一條叫做檳榔的路〉這幾首詩。
25 沈珍貝，《台語詩中的女性研究》，碩士論文，台南：台南大學語文教育學系教學碩士班，2006 年。
26 沈珍貝，《台語詩中的女性研究》，碩士論文，台南：台南大學語文教育學系教學碩士班，2006 年，頁 30。原文是：「在台語詩中，對其妻最深情者，要數詩人方耀乾。」
(七七七)〈七〈〈〈歷史與審美的合一歷史與審美的合一歷史與審美的合一歷史與審美的合一――論方耀乾的詠史詩論方耀乾的詠史詩論方耀乾的詠史詩論方耀乾的詠史詩〉〉〉〉27272727
林央敏共《將台南種佇詩裡》內底題材有強烈歷史性，內容表現出濃厚的歷 史感，並且以傳達某種歷史意識、歷史認知為目的的詩歸類作「詠史詩」。屬於「詠 史詩」這類的詩作有〈我是台窩灣擺擺〉、〈五條港哀歌〉、〈轉來赤崁樓〉、〈五妃 廟落日〉、〈佮沈光文夜談〉、〈屈原過台灣〉這幾首，這寡詩攏會使予讀者感受著 較厚的歷史感。林央敏認為方耀乾的詠史詩，有深刻的主題佮美感形式，絕對是 台灣現代詩重要的作品，而且這寡詩替方耀乾建立一種佮別人無仝的風格。另外 一類雖罔有講著古蹟，毋過較屬於有諷喻性質的「詠懷古蹟」的作品，林央敏共 in 歸作「諷喻詩」，這類的詩作包括〈安平古堡〉、〈下晝的孔廟〉、〈大天后宮沉 思〉、〈探訪億載金城〉等等。
林央敏分析方耀乾的幾首作品了後，予方耀乾真懸的評價，林央敏認為方耀 乾真有文學、詩的潛力，假以時日，應該會當寫出偉大的台語詩作品。林央敏閣 表示，以方耀乾目前的成就，尤其是佇這篇文章所講著的「詠史詩」的份量，方 耀乾已經會當算是戰後第二代台語詩人排頭前的，甚至超越一寡前行代詩人的成 績。
(八八八)〈八〈〈〈論方耀乾詩裡的自我追尋論方耀乾詩裡的自我追尋論方耀乾詩裡的自我追尋論方耀乾詩裡的自我追尋〉〉〉〉28282828
胡長松佇這篇文章內底，按自我追尋的角度，整理出方耀乾的台語詩歌有幾 个特色：
1. 方耀乾真 gâu 運用「映襯」的修辭技巧，是伊描繪自我圖像的重要修辭 基礎。
2. 親情、愛情、家鄉田園的書寫歌誦，是伊的自我圖像追尋中重要的開始。
方耀乾追問「我是誰？」，伊提起寫詩的筆來走揣家己，並且佇鄉土內底揣著家己，
這嘛是這一代台語詩人的主流特色。胡長松認為「親情」、「愛情」、「家鄉田園」
27 林央敏，〈歷史與審美的合一──論方耀乾的詠史詩〉，《台文戰線》，第 4 號，台南：台文戰線 雜誌社，2006 年 10 月，頁 49-64。
28 胡長松，〈論方耀乾詩裡的自我追尋〉，《台文戰線》，第 4 號，台南：台文戰線雜誌社，2006 年 10 月，頁 11-38。
會使講成做這一代台語文學自我圖像的核心骨肉。
3. 方耀乾藉著台語詩所展開的自我追尋，反映出當前台灣人自我追尋的傾向 佮成果。
4. 平埔族認同是方耀乾近期用來界定「他者」的重要圖像，這个圖像嘛迫使 伊佮周圍環境以及家己身上的漢文化進行對話。
胡長松佇文章結尾閣再做一个補充，伊認為方耀乾詩作內底自我追尋的特色 佮成就，若囥佇戰後台語文學發展的脈絡來看，方耀乾的詩歌，代表了新一代台 語詩人佇自我實現方面的初步勝利。
(九九九)〈九〈〈〈甘佮蜜的真情甘佮蜜的真情甘佮蜜的真情甘佮蜜的真情――――――――讀方耀乾的詩讀方耀乾的詩讀方耀乾的詩讀方耀乾的詩〉〉〉〉29
張春凰針對《阮阿母是太空人》佮《予牽手的情話》兩本詩集作評論。伊認 為方耀乾的詩語雖然淺白，毋過是有精鍊過的，尤其佇意象的處理，用簡要的短 句三兩步就勾勒出來。伊進一步指出：方耀乾的詩句雖然簡單，毋過佇內容的深 度佮形式的變化是方耀乾佇台語詩界的一个變革。張春凰認為《阮阿母是太空人》
這本詩集若一定愛講出缺點，就是佇電腦造字袂當變做網路的部分，而且全漢字 的寫作方式負擔雖罔較輕，毋過揣漢字、造漢字仝款造成外碼、內碼佮交換碼的 重重困難。
(十十十)〈十〈〈〈佇南瀛星空犁詩的方耀乾佇南瀛星空犁詩的方耀乾佇南瀛星空犁詩的方耀乾佇南瀛星空犁詩的方耀乾〉〉〉〉30
許献平針對方耀乾四本台語詩集做一个紹介，閣共四本詩集內底有重複的詩 提出來比較。除了台語詩，許献平嘛講著方耀乾所寫的台語劇本，伊詳細說明方 耀乾所寫的《妒婦津》、《孼女．安蒂崗妮》、《鏡》三部戲劇。佇文章中，許献平 共方耀乾佇台語文學研究的努力佮貢獻，整理甲眞完整，咱會使按許献平整理的
29 張春凰，〈甘佮蜜的真情──讀方耀乾的詩〉，《菅芒花詩刊》，革新號第 1 期，台南：台南市菅 芒花台語文學會，2000 年 9 月，頁 7-12。後來收入佇張春凰、沈冬青、江永進，《台語文學概 論》，台北：前衛出版社，2002 年 10 月，頁 242-246。
30 許献平，〈佇南瀛星空犁詩的方耀乾〉（華語版），《台灣文學評論》，第 7 卷，第 1 期，台南：
真理大學台灣文學資料館，2007 年 1 月，頁 127-143。華語版又刊《南瀛文獻》，第 5 輯，2006 年 9 月，頁 213-225。台語版〈佇南瀛星空犁詩的方耀乾〉，《菅芒花詩刊》，革新號第 5 期，台 南：台南市菅芒花台語文學會，2006 年 5 月，頁 157-184。
資料看出方耀乾投入台語文學研究的拍拚程度。許献平認為方耀乾是有計畫欲替 台語文學寫史，做一个全面的研究，方耀乾所觀照的層面眞闊，宏觀的佮微觀的 攏有包括在內。佇結語的部分，許献平認為方耀乾台語詩的創作，總講一句就是
「愛」：《阮阿母是太空人》寫的是對母親的愛；《予牽手的情話》是夫妻的恩愛；
《白鴒鷥之歌》佮《將台南種佇詩裡》是對故鄉府城以及台灣島嶼的大愛。
(十一十一十一)〈十一〈〈〈歷史認知與詩藝建構歷史認知與詩藝建構歷史認知與詩藝建構――歷史認知與詩藝建構――――――結集成冊現代詩評審報告結集成冊現代詩評審報告結集成冊現代詩評審報告〉結集成冊現代詩評審報告〉〉〉31
郭少鳴（郭楓）佮葉笛、林瑞明擔任第七屆府城文學獎「結集獎」的評審， in 三个人攏共《將台南種佇詩裡》選做第一名，評審認為《將台南種佇詩裡》是一 本真有深度的作品，嘛誠有藝術美感。In 認為這本詩集有三个特色：「歷史文化 的認知」、「社會土地的關懷」佮「建構母語的詩藝」。評審嘛提出批評，in 表示 這本詩集的歷史文化認知是正確的，毋過無夠深刻，欠缺一種「以史為鑑」的進 一步思維。
(十二十二十二)〈十二〈〈〈Kā Kā Kā Kā 鄉土深情種鄉土深情種鄉土深情種 tī 鄉土深情種 tī tī tī 詩詩詩詩---nihnihnihnih〉〉〉〉32
陳明仁認為這本《將台南種佇詩裡》比進前的詩集閣較成熟，是台灣文學 oh 有的作品，上重要的是表達出對鄉土的深情。陳明仁針對其中幾首詩提出伊的評 論，有眞濟具體的意見，親像點出詩內底出現的華語語法，陳明仁閣建議方耀乾 愛加讀別人的作品，避免詩句佮別人相倚，創作家己的風格。
(十三十三十三)〈十三〈〈〈畫出母土台灣五彩的春光畫出母土台灣五彩的春光畫出母土台灣五彩的春光畫出母土台灣五彩的春光――――――論戰後現代詩的現代主義美學技巧――論戰後現代詩的現代主義美學技巧論戰後現代詩的現代主義美學技巧〉論戰後現代詩的現代主義美學技巧〉〉〉33
黃建銘以李勤岸佮方耀乾做研究的對象，針對 in 兩个人的詩作內底所運用著 的現代主義技巧做探討。黃建銘認為方耀乾的現代主義台語詩，有機的超現實意
31 郭少鳴，〈歷史認知與詩藝建構──結集成冊現代詩評審報告〉，《第七屆府城文學獎得獎作品 專輯》，2001 年，頁 592-598。收入方耀乾著，《將台南種佇詩裡》，台南：台南市立圖書館，2002 年 12 月，頁 137-143。
32 陳明仁，〈Kā 鄉土深情種 tī 詩--nih〉，收入佇方耀乾著，《將台南種佇詩裡》，台南：台南市立 圖書館，2002 年 12 月，頁 149-151。
33 黃建銘，〈畫出母土台灣五彩的春光――論戰後現代詩的現代主義美學技巧〉，發表佇 2006 台 語文學學術研討會，2006 年 10 月。
象用甲誠成功，尤其佇福爾摩莎系列的作品表現真精彩；鄉土書寫的作品融合中 西方的技法；歷史重現的作品有魔幻寫實的戲劇效果。最後，黃建銘對方耀乾作 品的整體評價是：「博雜多彩，變化中保有統一性，有柔和溫暖的一個底蘊支撐 著」。（頁 19）
(十四十四十四)〈十四〈〈〈圓一個圓圓一個圓圓一個圓圓一個圓：：：從夫妻情：從夫妻情從夫妻情從夫妻情、、、、母子情到台灣情母子情到台灣情母子情到台灣情母子情到台灣情――――――――論方耀乾詩的精神歷程論方耀乾詩的精神歷程論方耀乾詩的精神歷程論方耀乾詩的精神歷程〉〉〉〉34343434
黃建銘 uì 「夫妻情」、「母子情」佮「台灣情」三个主題，來回顧方耀乾 uì 1995 到 2002 年這八冬來詩的精神歷程，閣針對其中的幾首作品，有眞精彩的 賞析。黃建銘認為方耀乾的作品佇「主情」佮「主知」兩爿來回遊走甚至結合，
因此伊的作品有「深情浪漫」佮「知性批判」的文學美感。
(十五十五十五)〈「十五〈〈〈「「汝是潑落人間的雲「汝是潑落人間的雲汝是潑落人間的雲////我是注定等候的山汝是潑落人間的雲我是注定等候的山我是注定等候的山我是注定等候的山」」」――」――――――方耀乾詩集方耀乾詩集方耀乾詩集《方耀乾詩集《《《予牽手的情予牽手的情予牽手的情予牽手的情 話
話話
話》》》》中的形象塑造中的形象塑造中的形象塑造中的形象塑造〉〉〉〉35353535
歐純純按意象學的分析角度，探討《予牽手的情話》詩集內底的「女性形象」
佮詩人「自我形象」，歸納出的女性形象有「生命之光」、「溫婉雅潔」、「堅忍不屈」、
「熱情絢麗」；詩人自我形象包括「對愛深情依戀」、「對愛盡情呵護」、「對愛積極 經營」。歐純純認為《予牽手的情話》四句一首的形式真特殊，女性形象佮自我形 象塑造甲誠成功，詩人豐富多元的意象創造，夫妻相處的深層省思，閣有詩人真 情實感的文學創作對社會文化的正向意義，以上攏是《予牽手的情話》展現的價 值。
(十六十六十六)〈十六〈〈〈本土性的關懷本土性的關懷本土性的關懷本土性的關懷，，，，開拓性的書寫開拓性的書寫開拓性的書寫開拓性的書寫：：：：方耀乾詩集方耀乾詩集方耀乾詩集方耀乾詩集《《《《將台南種佇詩裡將台南種佇詩裡將台南種佇詩裡將台南種佇詩裡》》》》的寫作的寫作的寫作的寫作 特色特色特色
特色〉〉〉〉36363636
34 黃建銘，〈圓一個圓：從夫妻情、母子情到台灣情――論方耀乾詩的精神歷程〉，發表佇 2007 台灣文學學術研討會，2007 年 4 月。
35 歐純純 ，〈「汝是潑落人間的雲/我是注定等候的山」――方耀乾詩集《予牽手的情話》中的形 象塑造〉，收入佇蔣為文、方耀乾主編，《2006 台語文學學術研討會論文集：詩歌 kap 土地 ê 對 話》，2006 年 10 月，頁 17.1-17.13。
36 歐純純、田啟文，〈本土性的關懷，開拓性的書寫：方耀乾詩集《將台南種佇詩裡》的寫作特色〉， 收入佇吳達芸、方耀乾主編，《2005台語文學學術研討會論文集》，台南：國家台灣文學館，2005 年12月，頁439-476。
歐純純佮田啟文以《將台南種佇詩裡》做文本，探討這本詩集的寫作特色。
In 認為方耀乾這本以故鄉做創作題材的詩集，佇台語詩壇眞少看著，會當講是詩 人開拓的新路線。另外閣講著這本詩集體製的變化，嘛是真特殊的所在，詩歌長 短變化眞大，有的詩上百行，有的詩短甲 kan-nā 有兩行，uì 遮會當展現伊創作 藝術的多變手法；佇內涵深度方面嘛眞使人呵咾，伊用了真濟典故、專有名詞佮 歷史知識佇詩內底，予伊的作品充滿知識性。歐純純佮田啟文認為方耀乾的作品 會當講是「學者之詩」。In 進一步指出這本詩集閣有一个成功的所在，就是詩人 進行批判的時陣，攏用暗示性的批判代替直接性的批判，一方面達著揭露弊病的 目的，另外一方面亦保留詩歌含蓄溫婉的本質。
(十七十七十七)〈十七〈〈〈評方耀乾的評方耀乾的評方耀乾的評方耀乾的〈〈〈〈伊咧等我伊咧等我伊咧等我伊咧等我〉〉〉〉〉〉〉〉37373737
宋澤萊評論〈伊咧等我〉這首詩，認為這是一首優美的短詩，內底的色調佮 音樂性攏達到一種真柔軟和諧的境界，閣講這首詩會當列入方耀乾這幾冬詩作的
「正典」之一。宋澤萊閣 uì 意象、修辭、結構方面繼續探討，對方耀乾的寫作 技巧，宋澤萊予伊真懸的評價。宋澤萊進一步注意著這首詩有「族群尋根精神」
隱藏佇內底，認為讀〈伊咧等我〉這首詩的時，絕對袂當共伊孤立起來看，必須 愛囥佇當時代的文化脈絡來看，因為〈伊咧等我〉這首詩正是一个大時代的縮影。
二 二 二
二、 、 、 、綜合論述 綜合論述 綜合論述 綜合論述
((((一一一一)〈〈〈三位一〈三位一三位一⁄異體三位一異體異體：異體：：：黃勁連黃勁連黃勁連黃勁連、、、、林央敏林央敏林央敏林央敏、、、方耀乾的台語詩之路、方耀乾的台語詩之路方耀乾的台語詩之路〉方耀乾的台語詩之路〉〉〉38
方耀乾分別 uì 「三位一體」佮「三位異體」兩个方向來討論黃勁連、林央 敏、方耀乾三个人佇台語文學方面的貢獻。
1. 佇「三位一體」方面
37 宋澤萊，〈評方耀乾的〈伊咧等我〉〉，《鹽分地帶文學》，第3期，台南：台南縣政府文化局，2006 年4月，頁189-198。
38 方耀乾，〈三位一⁄異體：黃勁連、林央敏、方耀乾的台語詩之路〉，《台灣文學評論》，第 6 卷，
第 3 期，頁 90-107。原本發表佇高雄師範大學客家文化研究所主辦的「詩心台灣情研討會」，
2005 年 6 月。
(1) 創作：黃勁連、林央敏、方耀乾三个人攏是以詩建立聲譽，in 共同的 書寫主題圍繞佇對土地的愛、台灣精神的招魂佮親情的思慕。
(2) 民間推廣教育：黃勁連一直是台灣上熱中辦文學營的作家；方耀乾佇 各地台語文研習班和大專院校推廣台語文，林央敏定定到各地台語文學營佮研習 班去演講。
(3) 雜誌編輯：黃勁連主編《蕃薯詩刊》、《海翁台語文學》；林央敏主編《茄 苳》；方耀乾主編《菅芒花詩刊》、《菅芒花台語文學》。
(4) 研究：林央敏是台語文學理論上重要的建構者；方耀乾是寫了上濟台 語文學研究論文的學者；黃勁連佇這方面有寫一寡鼓吹台語文學運動的文章。
(5) 運動：In 三个人攏捌擔任過台灣重要台語文協會/協會的負責人。黃勁 連捌擔任過菅芒花台語文學會創會理事長；林央敏捌擔任過台語文推展協會創會 理事長；方耀乾擔任過菅芒花台語文學會理事長，目前三个人攏是台灣海翁台語 文教育協會常務理事。
2.佇「三位異體」方面
(1) 創作：黃勁連、林央敏、方耀乾佇創作方面有共同的主題，毋過偏重 的面向佮形式技巧攏有無仝的所在。黃勁連寫上濟的主題是鄉愁；林央敏寫上濟 的主題是政治詩佮情詩；方耀乾主要寫伊生長的鄉土佮愛情。按詩的形式技巧來 講，黃勁連的詩大部分屬於歌謠式、朗誦體，伊開創了台灣特有的「歌謠朗誦體」
的詩歌傳統；林央敏的台語詩吸收東西方的文學創作技巧，近期的台語詩轉到寫 實主義為主；方耀乾是台語詩壇引介佮實驗上濟西方各門派技巧的詩人，目的是 欲開拓台語文書寫的各種可能性。
(2) 民間推廣教育：黃勁連是台灣佇民間推廣台語文學教育方面上蓋有影 響力的人，伊舉辦上濟、上久的文學營隊；林央敏捌擔任「台語文推廣協會」的 理事長，會員分布各階層、各縣市；方耀乾是頭一个佇技職大專院校教台語文學 的人。
(3) 編輯：除了文學雜誌以外，黃勁連閣主編「南瀛台語文學選」、「台語
文學大系」，伊主編的國小台語課本，佔全國七成以上的市場；林央敏主編文學選 集《台語詩一甲子》、《台語散文一紀年》、《台語小說精選集》，對文學推廣眞有貢 獻；方耀乾主編頭一套的台語文學欣賞教材《台語文學欣賞教材》(Ⅰ)、(Ⅱ)、《菅 芒花台語文學》，對大專院校學生的台語文學教育有一定的影響。
(4) 研究：三个人對台語文學的研究面向雖然無仝，毋過對台語文學史論 的建構攏做出了貢獻。
(5) 運動：整體來講，黃勁連、林央敏、方耀乾對台語文學運動有共同目 標，就是欲建構以母語文學為台灣文學的主體。毋過 in 三个人佇個體性方面有 無仝款的所在，黃勁連主要咧推廣基礎的語文教育；毋是街頭運動型的作家；林 央敏是介入型作家，伊毋 nā 將政治入詩、入小說，閣直接介入政治、文化運動；
方耀乾無直接介入政治運動，嘛毋是街頭運動型作家，伊傾向直接 uì 體制內底 改革台灣文化、建構台灣主體意識。
((((二二二二))))〈〈〈《〈《《《予牽手的情話予牽手的情話予牽手的情話予牽手的情話》》》序》序序序〉〉〉〉39393939
佇這篇序內底，葉笛講著頭一擺讀著方耀乾《阮阿母是太空人》的時陣，就 予伊清新閣好瞭解的台語詩吸引著。葉笛認為方耀乾的台語詩意境活跳跳，完全 是新點點的台語詩。葉笛共《予牽手的情話》內底第一首到第二十五首詩佮發表 佇《阮阿母是太空人》這本詩集內底的二十五首詩，作一个對照，有發覺著意義 相仝，毋過書寫符號無仝的例。葉笛認為這是一个小問題，只要經過時間的「約 定成俗」就會當解決。葉笛對方耀乾《予牽手的情話》內底的詩有以下的評價：
詩人方耀乾按照家己內在精神節奏，台語的音節，獨創四行體裁情詩（即 情話）五十首，有日本的和歌、俳句佮五絕、七絕的韻味，唸起來，語音 和諧流暢，形象鮮新活跳跳，上可貴的是親切好捌，滋味若咧食鹹橄仔。（頁 13）
((((三三三))))〈三〈〈〈詩人之眼詩人之眼詩人之眼詩人之眼，，，，土地之歌土地之歌土地之歌土地之歌――――――――台語詩集台語詩集台語詩集台語詩集《《《白鴒鷥之歌《白鴒鷥之歌白鴒鷥之歌》白鴒鷥之歌》》序》序序序〉〉〉〉40404040
39 葉笛，〈《予牽手的情話》序〉，收入佇方耀乾著，《予牽手的情話》，台南：台南市十信文教基 金會，1999 年 12 月，頁 4-11。
葉笛肯定方耀乾佇短短兩三冬中間就欲出版第三本詩集，會當看出伊寫詩的 熱情佮勤勉。葉笛認為方耀乾不斷摸索台灣話文寫作的坎坷之路，閣願意投入台 語文學的推廣，是因為方耀乾有一粒深愛這片土地的心。因為有這種愛，就會當 拍開家己的心眼，去關懷這片土地、週遭的百姓佮身邊大自然的一切，嘛才會當 寫出〈白鴒鷥〉這首充滿想像、形象清新的散文詩。葉笛評論〈用跤畫出台灣〉，
講這首詩詞句淺顯，無一句愛台灣的詞語，卻會當 uì 內底感受著方耀乾對台灣 的深情。
((((四四四四))))〈〈〈《〈《《《台窩灣擺擺台窩灣擺擺台窩灣擺擺台窩灣擺擺》》》》序序序序〉〉〉〉41414141
林政華認為《台窩灣擺擺》42內底一百二十首詩，每一首攏關切著台灣本土，
而且用盡各種詩的表現方法。林政華閣講因為方耀乾是西洋文學碩士，有西方文 學 ts,t-pak 的訓練，作品中有真濟西洋文學創作的優點。雖罔如此，方耀乾並無
「媚外」，伊心心念念只有台灣。
(五五五)《五《《解嚴後台南地區民間團體的台語文復興運動之研究《解嚴後台南地區民間團體的台語文復興運動之研究解嚴後台南地區民間團體的台語文復興運動之研究解嚴後台南地區民間團體的台語文復興運動之研究――――――――從弗雷勒意識覺從弗雷勒意識覺從弗雷勒意識覺從弗雷勒意識覺 醒教育觀點探討
醒教育觀點探討 醒教育觀點探討 醒教育觀點探討》》》》43
鄭麗蓉 uì「弗雷勒意識覺醒教育觀點」探討解嚴了後台南地區民間團體的台 語文復興運動，針對方耀乾的部份有做一个訪談，閣共訪談的重要內容囥佇「菅 芒花台語文學會會員的台語文創作理念與台語文推廣過程」做一个整理說明。佇 這个部份，有方耀乾從事台語文運動、投入台語文書寫的種種歷程。佇論文的附 錄，有整個訪談的完整記錄，對了解方耀乾佇台語文方面所作的努力，真有幫贊。
40 葉笛，〈詩人之眼，土地之歌〉，收入佇方耀乾著，《白鴒鷥之歌》，台南：台南縣文化局，2001 年 10 月，頁 8-14。
41 林政華，〈《台窩灣擺擺》序〉，收入佇方耀乾著，《將台南種佇詩裡》，台南：台南市立圖書館，
2002 年 12 月，頁 152-153。
42 方耀乾佇《將台南種佇詩裡》自序〈歷史佇台南咧撐渡〉這篇文章中講著《台窩灣擺擺》這本 冊的內容抽一部分，予台南縣文化局出版《白鴒鷥之歌》，另外一部分抽出來出版《將台南種佇 詩裡》，《台窩灣擺擺》這个冊名可能以後看情形才閣使用。所以後來《台窩灣擺擺》並無出版，
目前嘛猶未看著。
43 鄭麗蓉，《解嚴後台南地區民間團體的台語文復興運動之研究――從弗雷勒意識覺醒教育觀點 探討》，高雄：高雄師範大學成人教育研究所碩士論文，2003 年。
三 三 三
三、 、 、 、訪談紀錄 訪談紀錄 訪談紀錄 訪談紀錄
((((一一一))))〈一〈〈〈將台語詩與生活相連將台語詩與生活相連將台語詩與生活相連將台語詩與生活相連，，，，呈喜怒哀樂進入眼簾呈喜怒哀樂進入眼簾呈喜怒哀樂進入眼簾呈喜怒哀樂進入眼簾――――――台語詩人方耀乾專訪――台語詩人方耀乾專訪台語詩人方耀乾專訪〉台語詩人方耀乾專訪〉〉〉44444444 。。。。
方耀乾接受溫知禮的訪問，訪談的問題主要是何時開始接觸台語寫作、為啥 物欲用台語創作、西洋文學佮台語文學有啥物區別、任教學校母語教學的成效、
電腦處理音標的問題、台語文學創作的題材、「夫妻路、牽手情」攝影詩展的紹介 以及對母語推動的看法等等。
((((二二二二))))〈〈〈台語文學兮疊磚仔師〈台語文學兮疊磚仔師台語文學兮疊磚仔師――台語文學兮疊磚仔師――――――專訪方耀乾專訪方耀乾專訪方耀乾〉專訪方耀乾〉〉〉45454545。。。。
黃彩如 in 七个人就「寫作動機」、「靈感來源」、「為何用台語書寫」佮「推 廣台語文學的歷程」這寡問題來訪問方耀乾，另外嘛請方耀乾紹介伊出版的詩集 內容。訪問重點如下：
1. 高中聯考結束的暑假方耀乾就大量閱讀中外文學作品，自彼時就開始佮意 著文學。1977 年正月佇《南市青年》正式對外發表第一篇散文〈詩詞中的夢境〉。
2. 正式寫作是佇伊進入台南家專教冊了後才開始，1955 年伊佇《漢家雜誌》
開始發表一系列的「情話集」。
3. 本成方耀乾是用華語創作，佇 1991 年開始學台語，才發現家己的母語是 遮爾仔媠。1996 年母親中風了後，伊想欲寫詩予阿母，才正式用台語來創作。
4. 目前方耀乾的創作完全用台語來書寫，文學研究嘛主要集中佇台語文學，
起初動機雖罔來自母親，這 má 是為著母土文化的起造、台灣文學的建構；另外 一方面是為著過去捌輕視過家己的文化來贖罪，方耀乾向望做一个台語文學的疊 磚仔師。
5. 方耀乾對伊的頭一本詩集《阮阿母是太空人》有以下的紹介：
44 溫知禮，〈將台語詩與生活相連，呈喜怒哀樂進入眼簾――台語詩人方耀乾專訪〉，《台灣鄉土 雜誌》，第 39 期，屏東：台灣鄉土雜誌社，2000 年 1 月，頁 10-16。
45 黃彩如等，〈台語文學兮疊磚仔師――專訪方耀乾〉，《菅芒花台語文學》，第 4 期，台南：台南 市菅芒花台語文學會，2001 年 10 月，頁 142-155。又刊，《漢家雜誌》，第 73 期，2002 年 6 月，
頁 33-38。收入佇方耀乾，《白鴒鷥之歌》，台南：縣文化局，2001 年 10 月，頁 235-250。
(1)《阮阿母是太空人》得著第一屆南瀛文學新人獎，是政府機關頭一擺將 文學獎頒發予台語詩集。
(2)詩集內底有十二首詩參伊的母親有關；二十七首短詩佮伊的牽手有關；
其他主要是描寫台灣的風土民情。
(3)伊的詩是浪漫主義、寫實主義佮現代主義的結合，佮大多數的台語詩是 寫實主義的較無仝。
6. 方耀乾對伊的第二本詩集《予牽手的情話》是按呢紹介的：
(1) 詩集的內容是伊佇生日、情人節、結婚紀念日或者是其他有所感的日 子，寫佇卡片予牽手的題詞。
(2) 1995 年到 1999 年中間，伊用四行的形式，寫了五十二首跤兜。
(3) 佇 1999 年十二月，方耀乾佮同事蕭培賢聯合舉辦「夫妻路．牽手情――――――――
方耀乾、蕭培賢攝影詩展」，仝時間出版《予牽手的情話》。
(4)《予牽手的情話》詩集有台文、華文、英文對照，是有史以來頭一本用 三種語言對照出版的詩集，英文翻譯者是雲林科技大學的王子富博士。
7. 當時得欲出版的第三本詩集《白鴒鷥之歌》，主要是描寫台南縣參台灣鄉 土民情的詩。第四本詩集《台窩灣擺擺》，主要是描寫台南市的歷史佮思考台灣族 群、文化的詩。
8. 佇推廣台語文學當中，方耀乾得著讀者的欣賞佮共鳴，予伊有信心佮動力 繼續向前衝。
9. 針對台灣族群融合這个議題，方耀乾提出家己的看法：
(1) 族群融合的問題方面，伊愛用「共存共榮」這个詞，無愛用「融合」
這个詞，而且認為只有尊重別个族群，才會當更加了解家己。
(2) 以「人道主義」佮「同理心」來對待各族群，應該是上好的方式。
(3) 伊勉勵來訪問的學生，心胸愛閣較開闊、眼光愛看較遠，思考按怎來 為家己的土地貢獻自己的力量。
