本研究總共收集 165 个問卷，整理了後，排除無適合的受試者，上落尾，
tshun 144 个問卷做統計佮分析，收集的範圍攏是台灣中部地區的少年人，年歲的 範圍佇 20 到 30 歲（1986 年到 1995 年出生的），遮的少年人攏有台語聽佮講的 能力，嘛照 in 的語言使用情形做分類，符合頂面遮的條件的人成做本研究的受 試者。佇正式進行問卷測驗進前，本研究有先做一个 pilot-test，確認問卷有信度 佮效度，予研究結果有精確的數據。
一、 先行試驗
佇正式收集網路問卷進前，本研究有先做試驗(pilot-test)，是欲檢驗問卷量表 的信度佮效度，避免產生「誤差」的情形，本研究的問卷是透過第三章的問卷設 計，共整理做三个指標，分做社會吸引力(social attractiveness)、語言本質(quality of language)、社會地位(social status)。檢驗方式是揣 10 个受試者來做試驗(pilot-test)，音檔佮問卷的問題攏囥佇網址頂面，主要欲看第一部分「語言態度」的問 題設計，敢有信度佮效度？佇 10 位受試者完成了後，分析問卷的題目，本研究 是用 Likert scale 量表來反應語言態度，每一个選項攏有分數 1 到 5，一般佇統計 分析，信度檢驗會使用 Cronbach，sα 係數52的方法，看問卷內部敢有一致性，佇 效度檢驗方面，會使用因素分析，評估問卷的題目，敢有法度對應問卷設計的三 个指標，測驗出語言態度。
(一) 信度分析
語言態度的問題總共15个，是遵照頂面三个指標落去設計，Nunnally(1987) 研究，講著Cronbach’s α係數值是佇0到1之間，α值愈大，相對信度愈懸，Cronbach’s α係數至少ài比0.5大，實務上ài佇0.7以上siōng好，按呢就代表這份問卷的信度愈 懸，mā愈穩定(stability)。
總合問卷的三个設計指標，「總構面」分析是共全部15个題目提去試驗 Cronbach’s α係數，本研究所得著的數值是0.943，而且，每一條題目攏有0.9以上
52 蕭文龍：多變量分析最佳入門實用書：SPSS+LISREL，台北市：基峰資訊，2009,06,頁 13-4
29
的數值，Cronbach’s α係數若是超過0.7，就代表有真好的信度，表示這份問卷會 使進行調查。
除了分析全部題目「總構面」的信度以外，問卷三个設計指標的信度，mā ài 做Cronbach’s α係數的分析，每一个題目攏屬這三个指標內底的其中一種，共題 目透過這三種分類去做分析。佇「社會吸引力」方面得著的Cronbach’s α係數是 0.9，「語言本質」方面得著的Cronbach’s α係數是0.847，「社會地位」方面得著 的Cronbach’s α係數是0.860，逐个指標攏有達到0.7以上，代表三種指標的信度攏 真好，問卷的穩定度mā真懸，會使減少誤差，下面表1.3是Cronbach’s α 係數的 分析結果。
表1.1 Cronbach’s α 係數
構面項目 Cronbach’s α 係數 社會吸引力
0.9
語言本質
0.847
社會地位
0.860
總構面
0.943
Cronbach’s α係數> 0.7，代表有信度
(二) 效度分析
效度分析是檢驗問卷的題目敢有法度反應研究者想欲知影的問題，除了信度 ài懸以外，效度的評估嘛真重要，掠準有信度無效度，問卷仝無伊的效力佮價值。
效度分析有真濟種類型，本研究用建構效度(constructive validity)做測驗的理論，
這个理論是講問卷會使測驗著理論內底的概念、特質的程度，欲看測驗有達到建 構效度，常捷使用的方法就是因素分析(factor analysis)。
通常做因素分析時陣，會先看「KMO 取樣適當性量數」佮「Bartlett,s 球 形檢定統計量」，看遮的項目有達到分析的標--bô？這兩个指標是欲判斷問卷的 效度分析敢有意義，若是「顯著」就表示會使做因素分析。本研究的問卷 KMO 值是 0.879，一般數值佇 0.7 以上是普通，比 0.8 較大是上好，數值愈大表示愈 好，而且，每一條題目的數值攏佇 0.7 至 0.9 之間。另外，佇 Bartlett,s 球形檢定
30
統計量是 1382.837，p＝0.000，比 0.01 閣較細，有「顯著性」，仝款會使進行因 素分析。
通過頂面兩个檢定，表示問卷的因素分析有意義，紲落去就進行效度的檢 驗，「解說總變異量」是本研究看效度的重點，ài 檢驗問卷的題目敢有法度反應 到問卷的設計指標頂面，就是講，受試者透過問卷敢會使反應出 in 的語言態度，
下面表 1.5「解說總變異量」結果顯示，問卷題目達到 75.815%的解說程度，這 表示本研究問卷的「解說力」真懸。佇一般社會科學的研究內底，只要數值達到 60%以上，就是具備研究的條件。
表1.2 解說總變異量
二、 問卷統計
本研究問卷的收集來源，是網路「google表單」問卷，對165份問卷揀出會使 分析的樣本。代先，統計這144份受試者的基本資料，會使簡單歸納做三个部份，
第一、受試者攏是佇中部地區大漢的少年人，出生地區的分佈，台中市有41个、
彰化縣有48个、雲林縣有30个佮南投縣有25个，下面圖1.1會使看著少年人佇中部 地區的分佈。第二、年歲攏佇1986到1995年之間，是20到30歲的世代。第三、性
31
別比例，查埔有72个、查某mā有72个。另外，問卷的基本資料內底，閣有兩个欲 調查的項目成做語言態度的變項，包括「職業」佮「本土語言課程」，這兩个變 項的分析mā會佇本節做說明。
圖1.1 出生地區
本節問卷分析的部份，除了頂面簡單統計基本資料以外，主要是欲看少年人 的「語言能力佮語言使用」有啥物款的變化，了解這馬少年人的語言使用情形，
佇語言態度的分析，mā會根據遮的資料，對少年人的語言使用態度做進一步的 了解，閣有測驗語言態度的三个錄音檔，互相探討差異佇佗位。
(一) 少年人的語言能力
根據第二部分的問卷―「語言能力與語言使用」，語言能力的問題有兩條，
「你認為你的台語聽說能力如何？」佮「你認為你的華語聽說能力如何？」，會 使透過統計，看少年人對台語佮華語能力的自我評估，用下面圖 1.2 做說明。