本論文主要是調查台灣中部少年人對台語的語言態度，佇 90 年代本土意識 的提升，觀察這个年代出生的少年人，in 對母語意識的看法佮態度。另外，佇學 術研究方面，判斷語言態度的面向，敢干焦共台語使用比例降低，當做上根本的 原因？抑是閣無仝款的因素。所以，本研究透過兩个較客觀的實驗方法，來調查 少年人的語言態度。
第一个實驗是聽錄音檔完成語言態度的問卷，是普遍調查中部少年人的語言 態度，第二个實驗是透過台語廣告看少年人的語言態度變化，觀察媒體因素對語 言態度的影響。研究樣本是臺灣中部地區 144 个少年人佇網路完成的問卷，統計 問卷了後，閣揀出 10 个對台語有正面的語言態度的少年人，接受台語廣告的試 驗。下面是共兩个階段的研究結果做完整的總結。
一、 綜合討論
(一) 少年人對台語有正面的語言態度
統計 144 份的語言態度問卷，結果顯示，少年人對這三个無仝消費階層的場 合，透過錄音檔聽著的台語情境，攏有正面態度，每一个場合的問卷，佇語意辨 別選項的正面程度攏超過平均數。佇較倚華語環境的百貨公司，語言態度mā 佇 平均數以上，表示有正面的語言態度，佇較倚台語環境的廟會活動，少年人的語 言態度正面的程度上懸。對這个研究結果，會使了解 L1(first language)的少年人，
台語佇各種場合的表現，袂造成負面的語言態度，除了對這个語言有基本的掌握 程度以外，佇華語環境的場合，少年人對台語使用的態度是好的。
(二) 家庭語言使用的比例會影響語言態度的變化
語言使用的變項分析是根據厝內使用台語佮華語的比例，看語言態度的變化。
整體的結論，使用「台語比華語較濟」佮使用「台語佮華語平濟」的少年人，in
83
的語言態度攏比使用「華語比台語較濟」的少年人閣較好。這就代表華語使用比 例懸的少年人，in 對台語的語言態度有受著影響，這个因素是料想會著的結果。
進一步探討改變家庭的語言使用情形，本研究發現有兩个因素，第一是是少 年人一直提懸華語的使用，真濟詞彙佮描述無法度用台語表達出來，需要請教序 大人，抑是換做華語來表達。第二的因素是序大人家己降低台語使用的比例，本 研究調查出爸母對囡仔使用華語的比例，全部 144 个少年人，有 39%的爸母提升 講華語的比例。所以，目前台語家庭 in 面對的問題，除了受著華語的影響以外，
閣有改變家己語言的使用，而且少年人的台語能力漸漸變䆀，爸母mā 無堅持台 語的使用。
另外，使用「台語佮華語平濟」的少年人，in 對台語的語言態度比使用「台 語比華語較濟」的少年人較好，佇三份問卷內底，統計的結果分數mā 是上懸的。
佇第二階段實驗的 10 个受試者，in 攏是因為第一階段實驗，正面的語言態度較 懸，所揀出來的少年人，其中，有 6 个受試者 mā 是使用「台語佮華語平濟」的 少年人，這是本研究新的結果。
(三) 語言使用的變項佇語言態度問卷無顯著差異
少年人佇厝內的語言使用比例有分做三組，本研究利用語言使用的變項，去 分析第一階段三个語言態度問卷的差異。透過「單變量變異數分析(ANOVA)」的 統計方法，發現三組少年人佇三个錄音檔的語言態度問卷無明顯的差別。所以，
就無「Post Hoc Test」事後比較的必要。
(四) 職業的變項看袂出語言態度的差別
佇職業這个變項內底，本研究使用「獨立樣本 T 檢定（Independent-Sample T Test）」分析佇三个語言態度問卷之間的差別，分析結果顯示，少年人的語言態 度佇「就業人士」佮「學生」這兩組內底是看袂出差別，原因有三个，第一，收 集的樣本無夠大量；第二，三个語言態度問卷的數值攏差無蓋濟；第三，職業的
84
分類傷粗淺，學生佮就業人士的身份，對台語的態度無一定有關係。
(五) 本土語言教育對語言態度的影響
本土語言這个變項佇三份語言態問度卷內底，本研究發現音檔[1]的問卷，也 就是「街仔路」場合的台語情境，「有上過本土語言課程」的少年人比「無上過 本土語言課程」的少年人表現較好。所以，佇街仔路講台語个情境，受本土語言 教育的少年人，對台語的態度較有意識。
其他兩个音檔[2]佮音檔[3]的語言態度問卷，攏無發現「顯著差異，所以，佇
「百貨公司」佮「廟會活動」講台語的場合，看袂出這兩个分組的少年人對語言 態度的差別。
(六) 少年人佇公共場合使用台語的態度較消極
第一階段的問卷資料，調查 144 个受試者的語言使用對象佮語言使用場所，
少年人佇對公共場合使用華語的比例超過台語真濟，毋管是對象抑是場所攏是符 合這个結果。第一階段的語言態度實驗，，少年人佇公共場合對台語攏有正面的 態度，探討這个原因，透過第二階段的訪談，少年人攏表示「親切感」是 in 對這 个情境上大的感想。但是，少年人本身佇公共場合使用台語的態度，是較消極。
少年人會根據講話的對象去使用台語，in 家己mā 表示袂主動用台語佮人溝 通，這種有意識去配合對方的心理狀況，就是這馬少年人袂提懸台語使用上大的 問題，是放棄主張家己的語言選擇。整體講起來，就算少年人接受台語佇公共場 合的表現，但是，in 主動使用台語的比例袂綴咧增加。
(七) 台語廣告影響少年人原本的語言態度
第二階段影片試驗，三个台語廣告攏是經過媒體包裝、廣告製作人對台語的 形象所創造的。研究結果發現少年人佇情感價值的調查，三个廣告選擇「喜歡」
的比例，綜合起來毋是上懸的，佮選擇「普通」的比例仝款平濟；選擇「不喜歡」
的比例較低。訪問少年人 in 對各別廣告選擇的原因，親切感這个形容詞是選擇
85
「喜歡」的上大原因，但是，選擇「普通」佮「不喜歡」的理由，攏是較負面的 形容詞，所以，透過台語廣告的視角，少年人對台語的態度確實有受著影響。
佇認知反應的調查，對廣告內底講台語的人物，予人感覺「親切」佮「傳統」
的看法佔上濟，「陽剛」佮「俗氣」是佔第二多數，這个現象就會使對照媒體製 作人對台語廣告形成的「刻板印象(sterotype)」，講台語的男性就 ài 有粗勇的氣 質，講台語的女性就 ài 有親切、傳統的氣質。
另外一方面，in 對產品的形象mā 有負面的看法，對少年人對「藥品」、「保 健食品」的印象較無好，少年人對「329 許榮助寶肝丸」廣告的評價比其他兩个 廣告閣較䆀，宣傳的產品除了因為消費族群的關係以外，閣有媒體所塑造的形象，
攏影響少年人對台語廣告的態度。
佇台語廣告「吸引力」的方面，發現少年人整體選擇「有吸引力」的比例佮 選擇「沒有吸引力」的比例攏真濟，上吸引少年人的廣告是「三洋維士比」，上 無吸引人的廣告是「329 許榮助寶肝丸」，少年人認為做廣告的手路佮氣氛真重 要。in 對「三洋維士比」表達勞工心聲的方式有認同，但是，對「329 許榮助寶 肝丸」強調產品功效的手路 suah 無啥佮意，對「成藥」的認知較負面，假使產品 若換做用華語來表達，敢有仝款的評價？這是會當思考的問題。另外，佇「全國 電子」廣告，少年人攏較注意「親情」、「感動」的劇情佮氣氛，對台語的認知猶 是佇親密、家庭頂面，這對 L1(first language)的少年人來講，是情感價值的表現，
假使，若欲佇別種題材頂面做發揮，就 ài 脫離固定角色的設定。
(八) 少年人對台語廣告有刻板印象
少年人對台語廣告的期待佮想像，認為是笑詼、心適的，而且 ài 有親切感。
這个結果就代表台語定定佮好笑、娛樂性牽做伙，若是欲呈現專業的形象，用台 語描述毋是上好的選擇。
佇調查過程當中，有講著「謹慎」佮「專業」的形象，少年人選擇的比例無 蓋懸，這就是標準的刻板印象(sterotype)，而且真濟少年人認為台語一定 ài「俗閣
86
有力」，in 感覺表達清楚、會使簡單了解，是主要的需求，仝款攏有一个觀念，
就是「專業」的題材較袂囥佇台語這个語言來發揮。
另外，廣告 ài 形成有親切感、感動人的氣氛，mā 是 in 選擇的廣告類型，少 年人對這个語言的情感、親密的成份有真懸的期待。規个調查結果會使看台語佇 廣告內底是囥佇佗一个地位，公共領域、專業領域定定是用華語來論述，私人領 域、日常生活題材就用台語來論述，所以，廣告的語言地位分配，透過媒體作品 傳播的語言意識，自然會影響民眾對這个語言的看法佮分配的地位。
(九) 少年人對台語的情感價值真懸
綜合本研究的兩个階段試驗，少年人佇網路問卷攏有正面的語言態度，這个 研究結果的原因，mā 佇第二階段的訪談結果，了解情感價值是主要影響少年人 的語言態度。
語言使用方面，少年人已經降低使用台語的比例，比例愈少自然會影響使用 對象佮使用場所的選擇。若是台語使用者，in 攏表示會用台語對話是感覺真親切 的。除了佮台語使用者溝通以外，就是家己的情緒表達，in 認為各種感受用台語 表達較會慣習，這mā 是對台語有情感價值的表現。
台語廣告的訪談結果，少年人原本的語言態度確實受著影響，毋過，佇情感 價值的分析方面，廣告內底的台語是少年人揣著類似家己的生活語言經驗，認同 這个語言的表現。
(十) 少年人認同的本土意識佮實踐有精差
第二个階段的訪談當中，對公共場合提升本土語言的使用，十位受試者有超
第二个階段的訪談當中，對公共場合提升本土語言的使用，十位受試者有超