音檔1 音檔2 音檔3
42
四、 語言使用比例的變項分析
佇語言使用比例的變項分析，主要欲看佇厝內使用台語佮華語比例無仝的少 年人，in對台語的 語言態度敢有差別？統計方法是用「單變量變異數分析 (ANOVA)」，這个方法是檢定三組以上的「自變數」，對某一个「依變數」的平 均數敢有「顯著差異」55。就是講，分析這三个語言態度的問卷，佇少年人的語 言使用變項敢有「顯著差異」。下面表2.0是三組語言使用比例所代表的號碼，每 一个分析的表格會照遮的代碼呈現，本節uì三份語言態度問卷，說明三組語言使 用比例的ANOVA分析。
表2.1 語言使用比例的代碼 代碼 語言使用的比例 0 使用台語佮華語平濟 1 使用台語比華語較濟 2 使用華語比台語較濟
(一) 錄音檔問卷[1]
錄音檔[1]是佇一般街仔路的場所講食食的情境，問卷的語言態度佇三个語 言使用情形，少年人的語言態度統計佇表2.1，全部的平均數是18.79分，平均數 上懸的一組是「使用台語佮華語平濟」的人，有19.55分，上低彼組是「使用華語 比台語較濟」的人，有17.92分，比全部的平均數閣較低，「使用台語比華語較濟」
的人是18.96分。結果會使發現「使用華語比台語較濟」的人，in的台語語言態度 確實比其他組較䆀。
55蕭文龍：多變量分析最佳入門實用書：SPSS+LISREL，台北市：基峰資訊，2009,06,頁 10-3
43
表2.2 問卷[1]平均數統計
Questionnaire1
代碼 個數 平均數
0 46 19.55
1 48 18.96
2 50 17.92
總計 144 18.79
ANOVA的分析結果，欲有「顯著差異」必須比數值0.05閣較大，三組語言 使用比例的「顯著性」是0.129，所以，表示看袂出明顯的差別。這就代表佇一 般街仔路的情境，看袂出使用台語較濟抑是較少的少年人，in的語言態度之間 的差異。唯一的新發現是「使用台語佮華語平濟」的人，in的正面語言態度比
「使用台語比華語較濟」的人閣較懸。
通常佇頭前的ANOVA分析若無「顯著性」，事後比較的結果mā較袂有明 顯的差別，若欲比較這三組之間詳細的差別就ài做「Post Hoc Test」事後比較，
看某兩組佮某兩組之間的比較，因為三組語言使用比例的樣本數量無仝，所 以，ài使用「Scheffe」法來做事後比較。
(二) 錄音檔問卷[2]
錄音檔[2]是佇百貨公司講食食的場合，語言態度的結果顯示，三个語言使用 情形的少年人，佇下面表 2.4 發現，in 的語言態度分數整體看起來 suah 比音檔[1]
的分數閣較懸，三組的分數攏佇 18 分以上，「使用台語佮華語平濟」佮「使用 台語比華語較濟」的人，兩組分數才差 0.11 分，「使用華語比台語較濟」這組分 數仝款是上低的。照本研究的試驗，百貨公司的場合應該比一般街仔路的場合，
閣較算是「正式場合」，使用華語的比例嘛較懸，但是，佇這个場合聽著台語的
44
態度，顛倒是較正面。
表2.3 問卷[2]平均數統計
Questionnaire2
代碼 個數 平均數
0 46 19.51
1 48 19.40
2 50 18.38
總和 144 19.08
佇錄音檔[2]的 ANOVA 分析，結果顯示這三組之間的語言使用比例無明顯 的差別，「顯著性」是 0.273 分，比 0.05 閣較低。而且佇平均數的數值差別 mā 真細。
(三) 錄音檔問卷[3]
錄音檔[3]是佇廟會鬧熱的場合討論食食，語言態度的平均數佇表2.7會使發 現，這三組語言使用比例的少年人，in的平均數比頭前兩个問卷閣較懸，「描述 性統計量」的平均數攏佇20分以上，毋過「使用華語比台語較濟」這組的分數，
仝款是上低的。佇廟會活動的場合，in對台語的態度攏真正面，代表錄音檔[3]的 場合是少年人感覺上適當的情境，另外，佇使用華語較濟的人，分數確實比使用 台語較濟的人閣較少。這兩个結果佮本研究的假設相siāng，第一，佇較捷使用台 語的場所，對台語的語言態度較正面；第二，較捷使用台語的少年人，in對台語 的語言態度比其他人閣較好。
45
表2.4 問卷[3]平均數統計
Questionnaire3
代碼 個數 平均數
0 46 21.51
1 48 21.06
2 50 20.98
總和 144 21.18
佇錄音檔[3]的ANOVA分析，結果無「顯著性」，因為三組語言使用比例的平 均數差異siunn細，數值攏真接近。代表這三組的少年人，佇這个場合內底，對 台語的態度較「一致性」的看法，認為是上適當使用台語的情境。
(四) 小結
頂面三个錄音檔的問卷分析，佇語言使用比例的變項，少年人的問卷平均數 攏超過17分以上，每一个問卷上懸分是25分，表示使用台語比例較低的組別，佮 使用台語有一定比例的組別，in的差別無大，對台語的態度猶是有正面的表現。
「ANOVA單變量變異數分析」的結果，下面表2.5是三个問卷對照三組語言使用 比例的數據，結果攏是呈現「無顯著差異」。本研究佇無仝場合的假設，是掠準 使用愈濟華語的環境，語言態度的變化，會佮使用愈濟台語的華語無相siāng。
研究結果，suah無啥精差，少年人對台語的態度，猶是有一定的正面程度。
表2.5 ANOVA單變量變異數分析
ANOVA