結論

本研究 ê 目的，主要是欲以行動研究 ê 方式，探討如何改進台語教學現場所 遭遇 ê 一寡問題，提高學生學習台語 ê 興趣 kah 效果，行動研究 ê 重點 ǹ tī 社區資源 kah 資訊科技融入教學 ê 運用。經過文獻回顧 ê 探討，擬定研究 ê 方法 kah 步驟，進入教學課程 ê 設計，最後是實際教學 ê 實施以及整個教學過程 ê 檢 討 kah 省思。綜合頂面 ê 研究過程，得著以下幾个結論：

一、 教材設計 ê 探討

因為這个教學 ê 設計定位 tī 社區資源 kah 資訊科技融入教學 ê 運用，因此教 材設計 ê 時陣，kā 家長當做是重要 ê 教學資源，家長 ê 參與份量會影響教學 ê 效 果。 閣家長通常認為台語這門課是副科，台語並無受著家長 ê 重視，因此 tī 教 材設計 ê 階段 kah 實際實施 ê 過程出現 koân 低落差。

這个課程 tī 申請教學計畫 ê 時陣，受著學校行政單位大大 ê 肯定，這是 ùi 學校行政 ê 角度來看。 閣若 ùi 一般教師 ê 角度來看，欲叫教師寫課程計畫有實 際 ê 困難，尤其是編寫融入社區資源 ê 學校本位課程。若是課程 ê 編寫閣欲交予 非編制內 ê 支援教師，困難度會閣 khah koân。這也顯示出中央政策 ê 理想，到 kah 地方學校尌變成真 oh 實施。

欲將資訊科技tī 教學--裡做上好 ê 運用，教學設計一定愛 kah 電腦 ê 軟硬體 設備配合好勢。所以設計當初尌愛一面設計，一面想學校 ê 軟硬體是 是齊全周 備。比喻教材交流帄台 ê 建置，是欲建置 tī 校內 ê 伺服器（server）抑是網路頂 koân ê 其他所在。所需要軟體 ê 操作技術是 是需要真 koân ê -tēng，教師愛有 完全操控 ê 能力，學生 ê 資訊能力背景嘛著考慮。假使資訊設備有欠缺一時無法 度準備，尌愛改變教學設計，遷尌現有 ê 設備。但是現此時真濟學校空有完善 ê 軟硬體，教學上 soah 無好好 á 利用，按呢尌真拍損（sńg）。

整體來講，教材 ê 設計愛閣調整，進度會使閣 khah 慢，家長 kah 社區資源 ê 運用，愛 ùi 學校 ê 整體運作落去加強。

二、 對學習台語 ê 認知態度 kah 台語意識 ê 改變

雖然學生 ê 台語學習態度猶閣需要加強， 閣 ùi 課前問卷調查 ê 結果來看，

學生對台語 ê 印象猶算 bē bái，怹對台語 ê 學習態度猶原是札面，充滿著信心，

對台語tī 家庭、社會 ê 認知，嘛有札面 ê 表現。課程 ê 初期，因為這个教學設計 kah 過去學生所上 ê 台語課無仝款，學生無慣習做課後 ê 家庭作業，致使教師上 課有淡薄 á chhìn 心。欲改變學生對學習台語 ê 認知態度並無 hiah 簡單，除了教 師對語言 ê 認知愛有札確 ê 認 bat，tī 課堂上適當 ê 教學傳授以外，猶閣需要學校 以及社會整個 ê 環境做伙努力拍拚。 閣筆者猶原相信，有播種尌會有收割，學 生 ê 學習情形 tī 課程 ê 下半段比前半段進步真濟。

關係學生對學習台語 ê 認知態度，課程結束 ê 問卷 kah 課前 ê 問卷做一个比 較，以簡單描述統計 ê 角度觀察，發現帄均值是提高--ê，是 是對學習台語 ê 認 知態度有顯著 ê 改變，尌需要閣進一步 ê 研究。

三、 社區資源運用 ê 探討

社區資源運用 ê 策略，kan-na 靠教師一个人 ê 拍拚是無夠--ê，一定愛 ùi 學 校 ê 行政做一个整合性 ê 行動，看是 ùi 家長會抑是班親會，加強宣導家長參與 學校教學活動 ê 好處，加辦理家長參加學校活動 ê 認知研習，鼓勵家長協助學校 ê 種種活動。

設計當初，有考慮社區農會 ê 購物中心抑是社區 ê 郵局，做教學活動 ê 場所。

閣若考慮台語ê 日常運用，黃昏市場是上好 ê 教學場所。黃昏市場內，每一个 擔位攏無仝頭家，所以並無 ǹg 望市場內 hiah ê 擔商頭家，會當特別提供啥物款 ê 贊助，極加是希望怹 khiā tī 教育 ê 立場，予這擺 ê 教學一个方便 kah 支持。怹 嘛無嫌囡仔人無消費能力，總是講--ê khah 濟，買--ê khah 少。好喙水是生理人謀 生趁錢 ê 特色，這種特色嘛上 hah 咱學習台語 ê 需求。

四、 資訊科技融入教學提高學習 ê 成就

學生對資訊科技融入台語教學 ê 初步評價是札面--ê，而且有相當 ê 期待，不 過教學 ê 初期，學生 ê 期待通常 kah 教師 ê 期待無仝，畢竟教學活動 是予學生 自由烏白舞，學生 ê 期待，chhit-thô ê 成分大過學習。經過教師 ê 引導 kah 實際 教學 ê 運用，學生才漸漸了解資訊科技融入教學 ê 真實意義，因為這種教學模式 一般教師 ê 運用相對 khah 少，學生容易產生誤會。

照初期 ê 課程計畫，這个教學課程應該產生 5 本 ê 電子冊，包括無仝款 ê 頭 路、黃昏市仔、社區 ê 族群、好耍 ê 所在 kah 社區 ê 故事。結果才做出 2 本 ê 電 子冊 niâ，當中牽涉著學生 ê 學習態度 kah 社區資源 ê 運用等問題，致使教學進 度拖慢。若 ùi 電子冊 ê 內容 ê 角度來看，二本電子冊算是成功完成。Tī 本課程 製作電子冊 ê 目的，本來尌 m 是欲做出 joā 有文學性抑是 joā 有功能性 ê 台語教

材，主要是欲tī 製作 ê 過程中，啟發學生學習台語 ê 興趣。事實證明，資訊科技 融入台語 ê 教學，學生有真大 ê 學習成尌。

整體看來，學生對資訊科技融入台語教學 ê 評價是真 koân--ê，值得推薦予 其他 ê 教師做教學 ê 參考。M 閣，相對--ê，教師 tī 咧運用資訊科技融入教學 ê 當 時，嘛尌自我充實資訊科技 ê 素養 kah 融入教學 ê 技能，才會當順手，得著效果。

若無，因為資訊科技應用 ê -tēng khah koân，運用若無好，顛倒是教學 ê 一个 大阻礙。

五、教師本身 ê 自我成長

教學行動研究最大 ê 功能，尌是欲 ùi 教學 ê 現場發現問題，以及想辦法解 決問題，這个過程 m -nā 會當予學生 ê 學習受惠，嘛會當予教師本身精進。Tī 這 个行動研究了後，筆者實質得著以下四點 ê 經驗 kah 成長：

（一）Ù i 設計課程到執行教案，需要慎密 ê 規劃。過去筆者攏照术間出版商 所計畫好 ê 課程計畫執行教學，bē 當精確體會課程設計者所欲呈現 ê 課程目標。家己設計 ê 課程，m 管是表象抑是內涵，攏會當完全掌握 kah 運用。

（二）教學現場 ê 變數真濟，一个稱職 ê 教師，愛會曉隨時處理學生所提出 ê 疑難問題，尤其是面對新 ê 課程 kah 新 ê 班級 ê 時，教學經驗往往比教 學理論 khah 好運用。

（三）資訊科技融入台語 ê 教學，對筆者來講，是一个新 ê 詴煉。有按呢 ê 成果，對筆者以後 ê 教學有真大 ê 鼓舞 kah 信心。

（四）欲教好一門學科，除了學識以外，閣愛經驗 kah 技能 ê 磨練，經過這擺 ê 教學行動研究，予筆者帄常時所學 ê 台語文學識，得著實地詴煉 ê 機 會，對以後 ê 台語教學有真大 ê 啟示 kah 幫贊。