第三章 捉襟見肘現客字
第一節 共形無共音，共音無共義
國
立 政 治 大 學
‧
N a tio na
l C h engchi U ni ve rs it y
75
第三章 捉襟見肘現客字
第一節 共形無共音，共音無共義
一般來講，ên lí使用漢字，漢字係象形字，見字發聲，看著一隻字 ke 時節，
就做得唸出這隻字 ke 音，順 sa 了解這隻字 ke 意思。一隻字可能有一種以上 ke 念法，也代表無共樣 ke 意思，這 ôn to「破音字」，係 ên lí做得了解 ke 事情。ḿ 過，客話這下堵著 ke 問題淨淨係「有音無字」，這「無字」ke 意思係現行漢字使 用制度無去 lâu kì 統一規範起來 ke，寫到這隻字 ke 時節，做得考慮厥 ke 形、
音、義，ên lí想到差毋多 ke 音就拿來用，差毋多 ke 意思也拿來用，mak kai 就 做ǹg 來寫，故所就會發生兩種可能：第一、有當多隻無共樣 ke 字，但係代表了 共樣 ke 一種意義；第二、有一隻字，可能代表當多種發音，愛看這下愛表示 mak kai 意思，就發 ngióng è 對應 ke 音。因為發音無分人規定好勢，無共 sà 人看著 共樣一隻字，厥頭腦裡背讀出來 ke 音，可能逐 sà 人就會無共樣。
本文用客語新詩 ke 文本來採集語料，第一隻堵著 lâu 形音義相關 ke 困難，
就係「ke」這隻字 é 寫法。「ke」音 ti 客話裡肚，係輒輒來出現 ke 發音，因為 kì 有 chhin 多會分使用 ke 地方，同漢語 ke「的」共樣 ke 意思。ên lí常看著、毋係 chhin 熟識 ke，係「个」這隻寫法，也分教育部客語推薦用字原則收入去，成為 這下客話文字書寫 chhin 常代表「的」義 ke 漢字。因為「个」字不容易知曉，相 對來講較多用發音相近 ke「介」來書寫，另外還有「个」ke 正體字「個」、還有 同音無共義、無共字 ke「該」、「那」字來表記，接下來就一隻一隻來紹介。
一、 「ke」音 ke 五種字形
（一）、「个」
‧ 國
立 政 治 大 學
‧
N a tio na
l C h engchi U ni ve rs it y
76
「个」，注音ㄍㄜˋ，係「個」ke 異體字144F1，kì ke 發音就係「ke」，有 teû 地方 ke 腔調可能會變作念「kai」，都做得來理解。但係從文本就做得看著，無共 sà 創 作者會拿 kì用著無共樣 ke 地方。ên 講第一隻意思「的」，譬如講：
「就曉得順從个平安人／就曉得忍耐个平安人。」（杜潘芳格，〈平安戲〉）145F2
「冬下頭个田坵／滿奈就係青離離个芥菜。」(江昀，〈客家鹹菜〉)146F3
「在起風之前／五瓣底肚發夢个時節／該係你个溫柔／𠊎个笑面。」（彭瑜亮，
〈恩俚个故事〉）147F4
第二隻意思係代表量詞「個」，頭前有講過，「个」本來就係「個」ke 異體字，
故所量詞「個」意，客語推薦用字選用原本 ke「個」來表記，但係還做得看著有 作者來使用「个」：
「有一个事實／相愛輒常做毋到相守……（中略）凡間有一个捉弄／相守个影仔 變成心中个噩夢。」（羅肇錦，〈凡間〉）148F5
「𠊎个心起了變化／像一个細人仔／每日做著奇妙个夢。」（羅思容，〈每日〉）
149F
6。
第三隻意思係「什麼」，me 係輒常來使用到 ke 詞彙，「麼个？」、「做麼个？」
係 ên lí生活裡肚 ke 常用語彙，客語推薦用字也選用「个」來表記，文本可見像：
「禾埕頭留下來个磨石榖扒親像無記得麼个／乜無想愛做麼个。」（黃子堯，〈伙 房下〉）150F7
1 教育部重編國語辭典修訂本（網頁版）http://dict.revised.moe.edu.tw/cbdic/（2019/04/10 查詢）。
2 杜潘芳格，《青鳳蘭波》（台北：前衛出版，1993 年），頁 131。
3 張芳慈 主編，《落泥─臺灣客語詩選集》（台北：釀出版，2016 年），頁 140。
4 張芳慈 主編，《落泥─臺灣客語詩選集》，頁 246。
5 同前註，頁 88。
6 同前註，頁 159。
7 同前註，頁 131。
‧ 國
立 政 治 大 學
‧
N a tio na
l C h engchi U ni ve rs it y
77
「真真假假／共樣係靚靚个花仔／沒麼个爭差。」（彭歲玲，「真花摎假花」）151F8。 第四隻意思係漢語講「那…」ke 意思，漢語 ke「的」lâu「那…」兩種意義，
ti 客話裡背發音就係「ke」音，共樣 ke 音用共樣 ke 字形來表記，應該係當正常 ke 思考，故所就用「个」來表記，無 ló 著這種思考方法，顛倒還 kha 會分人搞 m̀清楚。ên 來看文本案例有：
「高高个天／低低个風／靜靜个夜／佇个唱等歌。」（羅思容，〈攣）〉152F9
「祖公傳下一句話／到个時就揭个旗…」（杜潘芳格，〈到个時揭个旗無根就無旗〉）
153F
10
ên 做得來看著，這隻「个」字分人用作四種完全無共意思 ke 表記，而且這 四種意思本就無 mak kai 相關，thò 該讀文本 ke 時節，定著愛看頭前 lâu 後背 ke 行文意義來判斷，這也係一種當等人惱 ke 情形。
「个」係「個」ke 異體字，兩 sà 發音又共樣，故所用「个（ke）」來替代「個
（ke）」做表記，可以理解；另外「个」一般來講 ti 大部分人學習漢字 ke 過程裡 肚，m̀係時常做得看著 ke 字，用漢語 ke 角度來去思考，根本 m̀會出現，也 kha 無機會知曉，chhin 利便 ke 方式，就係去尋看有同客話發音「ke」較差 m̀多、又 時常看 é 著 ke 漢字呢，該就係「介」字。
（二）、「介」
「介」，注音ㄐㄧㄝˋ，與「ke」發音差毋多。用「介」來表記，大家較好理 解，簡單接受。從客語新詩文本裡肚來看，做得發現用「介」來表示 ke，毋會同 頭下講過 ke「个」意思相差忒多。第一隻意思「的」，做得看著像：
8 同前註，頁 176。
9 同前註，頁 162。
10 杜潘芳格，《青鳳蘭波》，頁 94。
‧ 國
立 政 治 大 學
‧
N a tio na
l C h engchi U ni ve rs it y
78
「暗微濛介田舍路上／包著面介婦人家／偷摘幾蕊夜合歸屋家。」（曾貴海，〈夜 合〉）154F11
「第一次看著颱風介壞脾氣。」（利玉芳，〈膽膽大〉）155F12
「莫問𠊎有惜亦無惜，汝介心肚儘明白」（黃卓權，〈有惜無惜汝盡知〉）。156F13
第二隻意思係「什麼」，用「麼介」、「麻介」來表示：
「看到薑絲炒大腸五隻字／我蓋像鼻到麼介強烈味緒。」（陳寧貴，〈味緒〉）157F14
「農民會穿上西裝／毋識麼介煙草禾仔。」（曾貴海，〈假使美濃會起水庫〉）158F15。
第三隻係漢語講「那…」ke 意思：
「一儕人還在介等待命運个轉身。」（羅思容，〈一粒星仔〉）159F16
「佢得癌症想不開介暗晡…（中略）／𠊎永遠記得屋外守靈介暗晡」（劉正偉，
〈劉添喜〉）160F17
「介良時佢緊緊抓著新娘个相片／chhin 驚一放手新娘仔就會飛走。」（劉正偉，
〈徐雲興〉）161F18
（三）、「個」
比較起來，「個」字就無像前兩隻字恁樣輒常分人使用，ên lí做得想「個」
字本身就有厥當明確 ke，用來做量詞 ke 意義存在，ên lí做得看著，新詩文本裡
11 彭瑞金 編，《曾貴海集》（台南：台灣文學館，2009 年），頁 119。
12 利玉芳，《夢會轉彎》（台南：台南市政府，2010 年），頁 138。
13 張芳慈 主編，《落泥─臺灣客語詩選集》，頁 82。
14 同前註，頁 109。
15 彭瑞金 編，《曾貴海集》，頁 115-116。
16 張芳慈 主編，《落泥─臺灣客語詩選集》，頁 165。
17 同前註，頁 203。
18 同前註，頁 201。
‧ 國
立 政 治 大 學
‧
N a tio na
l C h engchi U ni ve rs it y
79
肚大部分 ke「個」字就係一個、兩個、每個……恁樣 ke 量詞，非常穩定。另外 就係厥 ke 漢語注音係「ㄍㄜ˙」，同客話 ke「ke」音聽起來 ke 感覺較無恁像，故 所較少人來用「個」表示「的」ke 意思。毋過，ên 還係來看看 é 有 mak kai 較特 別 ke 寫法。第一隻意思當然就係量詞：
「你敢還記得有一個時代係食番薯籤過日」（張芳慈，〈可比講你問我心肝肚个該 首詩〉）162F19
「蕭光明第二個孻仔升祥戰死東柵門牆頭」（曾貴海，〈下六根步月樓保衛戰〉）163F20。
第二隻係「什麼」ke 意思，但係文本正有一隻寫「麼個」ke 例 é，「个」還係較 常分人用，這 sṳ̀係較少 ke 例外，可見：
「天時吂放晴，有麼個就食麼個。」（利玉芳，〈膽膽大〉）164F21。
（四）、「該」
「該」這隻字，字典上解釋係恁樣寫 ke：「代名詞，指上述提到過的人或事 物。如：該處、該項。」165F22做得看出就係同「那」ke 意思共樣，漢語 ke「那」對 應客話裡肚，本來就係「該（ke）」ke 發音，係本字，故所客語推薦用字當然選 用這隻字。
「月光摎星仔在該／恬恬个看等／出出入入个少年」（黃有富，〈台大醫院門口〉）166F23
「該逐皮菜葉仔／都係佢毋願讓步个疆土」（葉國居，〈阿婆發个癌症還吂天光〉）167F24
「頭過共下遊尞淡水街頭个該兜兄弟／無信無息」（葉日松，〈重遊淡水））168F25
19 張芳慈 主編，《落泥─臺灣客語詩選集》，頁 182。
20 彭瑞金 編，《曾貴海集》，頁 95。
21 利玉芳，《夢會轉彎》，頁 138。
22 教育部重編國語辭典修訂本（網頁版），2019/04/10 查詢。
23 張芳慈 主編，《落泥─臺灣客語詩選集》，頁 149。
24 同前註，頁 195。
25 同前註，頁 33。
‧ 國
立 政 治 大 學
‧
N a tio na
l C h engchi U ni ve rs it y
80
「該下還毋知好驚个我／常在對窗門个細縫／想愛看魍神」（張芳慈，〈斷烏介巷 肚））169F26。
除 thet「那…」ke 意思，因為「該」本身 ke 發音，同「mak kai」ke「kai」
完全對 é 著，在平常時 ke 書寫 me 做得看著有人用「麼該」兩隻字來表記「mak kai」ke 音，毋過 thò 客語新詩文本裡肚，還 màng 有恁 é ke 案例，ên 做得來解 釋，漢語「該」同客話「mak kai」ke「kai」音呢，係完全共樣 ke，用「麼該」
來表記，係考慮厥兩 sà ke 聲音；但係從意義上來思考，兩者係無 mak kai 有相 同 ke，故所客語新詩 ke 創作者，毋會去選用「該」來書寫，顛倒就係使用「个」
抑係「介」來表記。
（五）、「那」
「那」這隻字，字典解釋係恁樣寫 ke：「注音ㄋㄚˋ，指示詞。指比較遠的人、
事、物。相對於「這」。」170F27頭下 ên 有討論過「該」字，因為客話裡肚 ke「那」
發音就係「ke」，考慮到兩隻字音無共樣，字形上 me 有相差，故所客話裡肚根本 就毋會用「那」這隻漢字來表示 mak kai 意思。ên 用「那」來去尋教育部客語字 典，me 做得看著有出現「那」這隻漢字 ke 詞彙，lâu「那」kì自家 ke 意思完全 就無相干，而全部就用「該」來表記。生趣 ke 係，ên 整理客語新詩文本過後，
做得發現到還有當多 ke 地方會用到「那」這隻漢字，係 mak kai 原因呢？ên 做 得分做四種意思來看，毋過這片愛討論 ke 係共音無共字─用「ke」音來連起五隻 無共樣 ke 漢字來做比較，故所「那」字除了「ke」以外 ke 發音部分，ên lí就放 到下背正來解釋。客話無「那」字，但係客語新詩文本裡肚有整理到一si̍t sit é 案 例，ên 就來看看係 ngióng é 寫 ke：
「人群中一個披著麻布後生細妹仔噭泣到要人扶著正行得動／那就係阿儀个福
26 同前註，頁 186。
27 教育部重編國語辭典修訂本（網頁版），2019/04/10 查詢。
‧ 國
立 政 治 大 學
‧
N a tio na
l C h engchi U ni ve rs it y
81
佬妹仔。」、「這邊那邊一聲半聲道嘆」（曾貴海，〈阿儀同福佬妹〉）171F28
「那時節天頂下／我佇湖邊／惦惦將景色變作詩」（曾貴海，〈羊尾仔看詩〉）172F29
「每，撫觸那防禦敵人侵害築起堡壘樣又硬又堅固个綠色花苞時」（杜潘芳格，
〈嘉德麗雅花〉）173F30
ên 做得看著，有用「那」來表示「ke」ke 創作者，就係杜潘芳格 lâu 曾貴海 kì兩 sà，杜潘芳格係客語新詩創作 ke 先行者，ti 該隻 mak kai 母語文字規範就無 ke 時代，客話正敢有自家 ke 文字意識，慢慢 é 同文字有關連 thin thin，所有創 作就係一種嘗試、一種突破，ti án ngiòng 烏暗 ke 摸索環境下，詩人所寫 ke 所有 文字做得 ló 到係 sṳ̀會當無穩定 ke，從漢語轉換到客話 ke 過程，毋係講恁簡單就 做得一 pái 到位 ke，這部分做得從杜潘芳格 ke 詩作腳跡中看出。另外一 sà 創作 者係曾貴海，曾貴海作為一 sà 醫生，kì關心土地 lâu 家鄉 ke 人事物，從 kì ke 行
ên 做得看著，有用「那」來表示「ke」ke 創作者，就係杜潘芳格 lâu 曾貴海 kì兩 sà，杜潘芳格係客語新詩創作 ke 先行者，ti 該隻 mak kai 母語文字規範就無 ke 時代，客話正敢有自家 ke 文字意識，慢慢 é 同文字有關連 thin thin，所有創 作就係一種嘗試、一種突破，ti án ngiòng 烏暗 ke 摸索環境下，詩人所寫 ke 所有 文字做得 ló 到係 sṳ̀會當無穩定 ke，從漢語轉換到客話 ke 過程，毋係講恁簡單就 做得一 pái 到位 ke，這部分做得從杜潘芳格 ke 詩作腳跡中看出。另外一 sà 創作 者係曾貴海，曾貴海作為一 sà 醫生，kì關心土地 lâu 家鄉 ke 人事物，從 kì ke 行