第一章 客語新詩吐深情
第三節 客語新詩 ke 題材 lâu 情感
國
立 政 治 大 學
‧
N a tio na
l C h engchi U ni ve rs it y
25
愛出現後生世代 ke 客家作家係當難 ke，客語新詩創作者 ke「高齡化」，分發展 正來到 30 年 ke 客語文學就 m̀會過停動 é，這下雖然講有幾下隻文學獎項來鼓勵 後生世代去投稿作品，m̀過若係愛形成穩定 ke 創作力量，還係有當多地方等 tén ên teû 人來去推動。
第三節 客語新詩 ke 題材 lâu 情感
母語文學 ke 發展，時常會 thèn tén 本族認同意識 ke 增加，因為對我群有認 同，對於母語文學 ke 作品總係會有一份自然 ke 親切感，但係「阿姆話」時常係 相對官方語言來講 ke，係一種少數人 ke、有地方特性 ke 語言群體，語言乘接了 一隻民族 ke 文化精華，「阿姆話」代表 è 一隻民族 ke 形象，確立了 lâu 別隻民族 之間 ke 強烈界線，母語文學第一隻做得來顯現 ke，就係 lâu 這種民族形象具體 化，還有共樣位處共一 ke 界線裡背 ke 群體來相互吸引 ke 情感，ti 這下現代化 ke 過程項，利便 ke 生活環境 lâu 更加同化 ke 社會價值 thèn tén 而來，假使講傳 統 lâu 現代相爭，企在這裡肚 ke ên teû 人，感受到 ke 係兩種價值體系𢱤過來又 𢱤過去，lâu kì真實 ke 情感分離，投入到阿姆話 ke 文字創作，輒常會用懷鄉、
思情為主題，用自家 chhin 熟識 ke 語言 lâu 熟識 ke 人、事、物寫落來，更加激 tén 創作者同讀者之間心肝肚想法 ke 交流。客語新詩也係共樣，到今也係用鄉愁 主題為主，時常帶 tén 幾下種特定 ke 東西，創造醹醹 ke「客家意象」；對土地 ke 感情除 thet 思鄉情緒以外，也有關心生態、環境保護 ke 面向，傳統 lâu 現代、自 然 lâu 人為，兩片對立 ke 概念合合 chhiu thèn，用阿姆語表達 nêm nêm e 怨嘆；
另外，原住民題材 ti 客語新詩也可見，這係一個分 ên lí去思考族群互動關係 ke 方向，在客家人眼肚 ke 原住民，lâu 客家人筆下 ke 台灣族群關係，係客家人對 族祕境 ti 現代台灣 ke 反省。
‧ 國
立 政 治 大 學
‧
N a tio na
l C h engchi U ni ve rs it y
26
土地同環保議題 ke 發聲
1980 年代，台灣開展一陣社會運動 ke 風氣，各方面議題 ke 社會運動就 thèn tén 湧起，對 1950 年代台灣入來工業化社會開始，產生當多環境 ke 污染 lâu 破 壞，故所環保概念慢慢 é 發起，除 thet 族群、民主相關 ke 抗爭運動以外，環保 行動也 ti 裡肚，這隻問題到今還係各人生活定著愛來面對 ke 問題。客語新詩創 作共樣對環保議題有厥發揮，下背舉邱一帆、曾貴海 ke 詩作為例。
邱一帆 ti 詩集《阿姆个心事》這本書裡背，收錄一輯專門係為環保發聲 ke 詩作，討論核能問題 ke〈假使你係人，請你共下來反核〉中寫道：
假使你係人/請你共下來反核/蘭嶼个苦難人人知/福島个傷痛在眼前/假使你 係人/請你共下來反核/生產个廢料無人愛/核爆个危機 sàsà 驚36F10
用蘭嶼反核運動同福島核災事件喊出 ên lí ke 危機意識，新舊歷史事件共下 表現出核能問題m̀會 thèn tén 時間來消散，詩人用 yi 強 ke 語調聲聲體醒 ên teû 人應當拿出反對污染 ke 決心，若係無反核，就做 m̀起人，強烈情感 ti 行文肚流 轉m̀停。
另外一首詩作〈毒水，在神經裡肚〉，題目直接 lâu 你講，用悲痛 ke 文字寫 tén：
你暗暗仔瀉出來/尋毋空囥个蝦公毛蟹/還來毋掣留下悲傷个目汁或者/嚴厲 个指控，就遽遽/尋閻羅王報到/環保官員著著青瞑个症頭/爭取媒體曝光个版 面/無情个告示牌頂/寫毋出耕種絡食个悲哀37F11
工廠廢水偷偷 é 排放到溪水肚，無法度為自家發聲 ke 動物死淨淨，好㖸ke 係政治人物同媒體言論 ke 滔天相爭，又做 m̀得正經達成依賴土地為生、深受其
10 邱一帆，《阿姆个心事》（苗栗：桂冠，2016 年），頁 174。
11 同前註，頁 176。
‧ 國
立 政 治 大 學
‧
N a tio na
l C h engchi U ni ve rs it y
27
害 ke 平凡百姓 chhin 簡單 ke 盼望，民以食為天，「耕種絡食」ti 客話裡肚實在表 現出了務農人家 sat màng 耕作，單淨求一 ke m̀會餓、m̀會寒 ke 意象，受到汙染 ke 圳溝水流入土地，種出來 ke 有毒作物又分人食落去，造成 chhin 多疾病發生 lâu 家破人亡，同土地之間這種最親密 ke 情感帶來 ke 係致命危險，這係詩人最 為痛心 ke 所在。
曾貴海本身做醫生，有了讀書人 ke 認識分 kì長透關心社會運動 lâu 環保議 題，kì 還 màng 書寫客語詩以前，漢語 ke 詩文作品就有當多提醒莫忘政治歷史、
關心環境問題 ke 題材。家鄉屏東、又歇 ti 高雄 yi 多年 ke 曾貴海，長年關懷台 灣南部 ke 社會運動同抗爭，這片堵好係受到台灣工業化汙染影響 chhin 為嚴重 ke 所在，對詩人來講，這 teû 環保議題 ke 詩作係當多深入經驗累積後 ke 發揮。
用〈假使美濃會起水庫〉為例，
一條幾億噸个水龍/日日夜夜/想要衝下來吞殺歸庄人/半夜醒來/會聽到河壩 叫泣个悲聲（中略）電鋸會鋸盡山頂个樹林/變作一棟一棟高級洋樓/山靈會 走避深山/綠色个靚山會失去青春个光彩（中略）假使美濃會起水庫/留下來 个客家人/只好準備放火燒天38F12
為著提供大高雄地區 ke 用水，建設美濃水庫 ke 計畫 ti 1980 年代形成，本 當定到 1993 年開始蓋，到 2001 年完工開始使用，受到美濃地區客家人 ke 強烈 反彈 lâu 抗爭運動 ke 影響，到今就 màng 有動工39F13，m̀過經過政權轉換，選舉時 節美濃水庫 ke 議題逐 pái 就會 ti 候選人政見裡背看著，2015 年這隻問題又過浮 起，美濃人實在驚怕，煩愁 ke 心情、chhin 譴 ke 行動，ti 詩人直接 ke 文字底項 表現出來，大壩 ke 水一沖到底，歸隻美濃 ke 自然生態會受到嚴重 ke 破壞，庄 頭居民 ke 生活改變，美好景色無在，悲聲來告天地，詩人寫出長期關懷土地 ke
12 曾貴海，《新版 原鄉‧夜合》（高雄：春暉，2017 年），頁 44-46。
13 〈美濃水庫始末〉，臺灣時報http://www.twtim̀es.com̀.tw/index.php?page=news&nid=487034（2018 年 1 月 23 日查閱）。
‧ 國
立 政 治 大 學
‧
N a tio na
l C h engchi U ni ve rs it y
28
心聲，又發展到客家人 ke 認同理念，民族意識同環保意識概念 ke 融合，係曾貴 海書寫客語詩 é 一 ke 特色。
原住民族題材 ke 發揮
台灣 ke 客家族群分布，北以桃竹苗為中心，南部 ti 高雄、屏東兩縣市為多，
thèn tén 遷移過程，後山 ke 花蓮、台東也有客家人聚落，歸 é 來看，客家人集中 有歇 tén ke 所在大部分位著平地 lâu 深山之間 ke 山壢地區，有一講法認為這 lâu 客家人頭 pái thò 廣東、福建本就分布 ti 丘陵地區 ke 生活型態共樣，也有人認為 為著清代渡台政策 ke 影響，客家人來台時間比 ho-ló 人 kha 慢，ti 平地既經無發 展空間，故所淨淨向 kha 內陸來落戶，m̀論歷史緣由係 mak kai，做得確定 ke 一 隻事情係，長透以來，客家族群同台灣 ke 原住民族互動當密，無共所在 ke 客家 人 lâu 該片 ke 原住民族係隔壁鄰舍，m̀管係生理抑土地租稅往來、有相爭 lâu 武 力打鬥，還有結婚收養，地方誌裡肚有記錄 ke 歷史紀錄豐富，這隻特性也反映 在客語新詩 ke 創作頂項，作家對原住民族 ke 觀察同見解，輒常對 kha 近 ke 原 鄉部落來發想，用歷史角度出發去書寫、發揮台灣多元文化之美，原住民族題材 ke 發揮算係客語新詩 ke 另外一隻特色。下背正舉三 sà 作家 ke 詩作為例。
邱一帆〈昂天湖之歌〉：
濛沙煙遮起/昂天湖頂个面紗/長老領唱/和平个歌聲/在天頂高--/祖先，會失禮 /矮靈，講諒解/一聲/過一聲（中略）祭場个山路脣/後生族人个身影/偏來歪 去/毋知愛仰般/尋轉/自家个路40F14
邱一帆 ti 詩集《阿姆个心事》裡肚有另外一隻主題專輯「昂天湖之歌」，收 錄內容全部係原住民族題材 ke 詩作，這首同名 ke〈昂天湖之歌〉係第一篇作品。
邱一帆出身係苗栗縣南庄鄉，該片係原住民族賽夏族 thò ke 歇 ke 所在，相互通
14 邱一帆，《阿姆个心事》（苗栗：桂冠，2016 年），頁 96-97。
‧ 國
立 政 治 大 學
‧
N a tio na
l C h engchi U ni ve rs it y
29
婚頻繁，對詩人來講自然係 chhin 熟識 ke 環境，也分 kì chhin 好 ke 觀察角度，
對矮靈祭 ke 理解經驗書寫了祭典該央時 ke 風貌，包尾一段點出了面對文化同語 言 ke 當遽無 thet ke 煩愁，後生族人慢慢 é 同本族認同分離，尋 m̀著根在哪位，
原住民族在大社會底下感受到無奈合 ke 情感，同客家族群是共樣 ke，故所產生 了悲哀 ke 共感。
另外兩首作品係：
〈吉野，知卡宣〉
撿樵在七腳川个所在/火屎焰焰/燒水个溫度在風中/跈等煙淋上/自家个膚身
（中略）散步在知卡宣/頭探探仔緊看/緊開个花樹/頭擺反抗个身影早就/跈 等離散个阿美族人/消失在無人愛看个歷史裡肚41F15
〈花蓮慶修院〉
七腳川、知卡宣留下/Pangcah . Am̀is 族漢字譯音个遺憾/頭擺 gi 兜个祖先知 得/大砲長銃跌失忒/佢兜撿樵生活个倚恃/大砲長銃 me 打出這/四國吉野思 鄉个所在42F16
這兩首作品做得算係系列詩作，詩人去到花蓮吉安花蓮慶修院 lâu 知卡宣森 林公園等該片 ke 觀光景點遊 liau，自然氣息分人感到舒爽、古蹟保存了日本時 代內地人移民對家鄉 ke 念想，m̀過 mái 人又還記得過 kha 遠 ke 頭 pái，就一直 ti 這片土地頂高生活 ke 原住民族呢？祖先 ke 歷史分人忘 thet，轉暗 ke 係民族 ke 名 è、消亡 ke 係民族 ke 聲音。詩人試看愛表現百過年前戰爭場景 ke 悲壯，過感 嘆阿美族人 ke 念想無保留，lâu 做得用文史資料呈現 ke 日本移民鄉愁，原住民 族 ke 傷又 ngióng è 講 è 出喙？
15 邱一帆，同前註，頁 102-103。
16 邱一帆，同前註，頁 104-105。
‧ 國
立 政 治 大 學
‧
N a tio na
l C h engchi U ni ve rs it y
30
過來，曾貴海的〈平埔客家阿婆〉一詩：
一張老婦人家个相片/係麼人呀/消失个平埔族个老婦人家/流落佇客家人屋 家/變作我阿婆/六千年前，台灣南島民族/這兜大海个人魚/用獨木船劈開海 浪/槳去夏威夷紐西蘭同復活島/建立玻利尼西亞海洋民族（中略）真驚這兜 臺灣客家个記憶/也會像平埔族/變作歷史个負擔/分人擲去時間个大海43F17 一直無變過客家人認同 ke 曾貴海，無料想會因爭 ti 屋家來發現 ke 舊相片，
顛倒知曉自家先人有平埔族血統，這 me 分他對自家 ke 身分認同產生了當大 ke 動搖 lâu 顧慮，kì識寫過另外一首詩〈平埔福佬客家台灣人〉來講自家對身分轉
顛倒知曉自家先人有平埔族血統，這 me 分他對自家 ke 身分認同產生了當大 ke 動搖 lâu 顧慮，kì識寫過另外一首詩〈平埔福佬客家台灣人〉來講自家對身分轉