第二章 客語著漢衫
第三節 客話 ke 詞彙結構
國
立 政 治 大 學
‧
N a tio na
l C h engchi U ni ve rs it y
69
第三節 客話 ke 詞彙結構
客話 ke 詞彙講法係 lau 漢語有相差 ke，在客語新詩作品裡肚也做得表現出 來，下背整理出幾種新詩作品 ke 案例。
一、合併語詞：「畀」
「大姑幫忙梳頭抹油/二姑 tén 手換新鞋/尾姑又拐又唆慫/身裝打扮畀霎頭」（利 玉芳，〈一百分个雞卵糕〉）125F77
「看你開花个𠊎/開花畀𠊎看个你/明夏會不會再相見呢？」（杜潘芳格，〈鳳凰木 開花了〉）126F78
「畀」這隻字係「分 kì」兩隻字連音以後 ke 發音，漢語意思係「給他……」、「被 他……」，但係正過來，「畀」也做得直接來代表「分」（給、被）ke 意義。像頂 高第一首詩裡背，「身裝打扮畀霎頭」本來應該係「身裝打扮分 kì 霎頭」，這就 直接合起來發音變作新字；第二首詩裡肚，「開花畀𠊎看个你」，其實就係「開花 分𠊎看个你」，若係用「被他……」ke 意思來思考就 m̀著，故所這片既經直接用 來代替「分」ke 意思。
二、後背 ke 修飾語
「該孤單流浪个雞子/敢有看著帶路个火焰蟲」（邱一帆，〈暗夜个心肝頭〉）127F79
「來到南台灣屏東平原/向地泥河壩牛姆豬仔禾仔講客話」（曾貴海，〈六堆客家 人〉）128F80
名詞 ke 形容語詞，客話 lâu 漢語係顛倒過來 ke，像頂高 ke 兩隻例仔，就係「小 雞」變作「雞子」，「母牛」變作「牛姆」。
77 利玉芳，《夢會轉彎》，頁 127。
78 杜潘芳格，《朝晴》（台北：笠詩刊社，1990 年），頁 66-67。
79 邱一帆，《油桐花下个思念》，頁 14。
80 張芳慈 主編，《落泥─臺灣客語詩選集》，頁 73。
‧ 國
立 政 治 大 學
‧
N a tio na
l C h engchi U ni ve rs it y
70
三、A 啊 B
「風吹──啊來，/一──隻隻个人頭那就霹靂──噼啦曳曳動」（彭欽清，〈種草莓 个老人家个道嘆〉）129F81
「熟事个味緒黏時/衝啊入鼻公」（邱一帆，〈禾稈味〉）130F82
客話裡肚這隻「動詞+副詞」ke 狀態結構，口語時常會加「啊」，做得來做語 氣 ke 表現，頂高兩首詩，用漢語來理解就單淨係「風 吹來」、「衝入 鼻子」
thing thing，但係客話 ke 口語表現，加入去一隻虛詞，係厥 ke 特色。
四、動詞：VVAB
「有相又有名仔，幾──好用欸你知無──？/收──收揫來，插──插到田項」（彭 欽清，〈種草莓个老人家个道嘆〉）131F83
這係愛來表現動詞（這隻動作）還一直 thò ke 做、抑係既經完成 ke 樣貌，
平常時會 án è 講，係愛喊人遽遽來做這件事情。譬如講，「遽遽去摎衫褲收收揫 等吔」（kiak kiak hi lâu sàm fu sû sû chhiû tén é），可能係阿姆喊你「趕快去把衣服
（一起）收起來」。
五、A+BB+(e)
「背重鈂鈂个大石牯/像矺等孫猴仔个五指山」（王興寶，〈蛻變三部曲─鹹菜香〉）
132F
84
81 同前註，頁 60。
82 邱一帆，《阿姆个心事》，頁 38。
83 張芳慈 主編，《落泥─臺灣客語詩選集》，頁 60。
84 王興寶，《摘菊女》，頁 21。
‧ 國
立 政 治 大 學
‧
N a tio na
l C h engchi U ni ve rs it y
71
「頭磐磐 背痀痀，煞猛做家/笑弛弛个菊花」（王興寶，〈摘菊女〉）133F85
這 me 係客話裡肚時常看著 ke 形容表現，A（mak kai 東西）+BB（ngióng è），「A」做得係名詞抑係動詞，後背 ke「 BB」講兩 pái 該種形貌 ke 樣 e，
chhin 尾可能有虛詞「e」音，像「背重鈂鈂个大石牯」做得變作「背重鈂鈂 e 个 大石牯」。
六、動詞：VBVB、BVBV
「詩人輒常半夜亢起來/行來行去/毋知愛食麼个酒」（羅肇錦，〈詩人同酒〉）134F86
「相愛个人有兜仔神經毋正常/定婚个人總會無格無煞」（羅肇錦，〈凡間〉）135F87 表現這隻動作一直無結束 ke 狀態，抑係表現 mak kai 東西 ke 樣貌，來強調 單淨係該種狀態。這裡肚，「無 A 無 B」又係客話裡肚時常看著 ke 用法，譬如講
「無 khat 無 sat」、「無 tap 無 toi」。
七、形容詞：A 又 A
「坑水清又清/總係/清毋忒自家个目汁」（邱一帆，〈洗衫坑〉）136F88
這愛來表現 mak kai 東西 ke 這隻狀態當實在，用兩 pái ke 形容詞加入「……
又……」來強調。
八、形容詞：ABB(e)
85 同前註，頁 16。
86 張芳慈 主編，《落泥─臺灣客語詩選集》，頁 94。
87 同前註，頁 88。
88 邱一帆，《油桐花下个思念》，頁 92。
‧ 國
立 政 治 大 學
‧
N a tio na
l C h engchi U ni ve rs it y
72
「惡桀桀仔个烏水溝」、「頭那毛從烏疏疏仔/收成到白雪雪仔」（黃硯鋼，〈遷─致 來臺祖〉）137F89
這係形容詞 ke 強調用法，好比講係「當……」ngióng 般、「chhin……」ngióng 般 ke 意思，本來一隻字 ke 形容語用後背 ke 重疊詞來修飾，增加厥形容 ke 程 度。
九、形容詞：AABB
「就像遊遊野野/尋毋著定疊安生个孤魂野鬼」（邱一帆，〈行轉寒夜个山路項〉）
138F
90
「一家人順順序序/毋係盡好！」（彭欽清，〈拜問義民爺〉）139F91
「生理人彎彎斡斡/毋知適奈來个？」（利玉芳，〈伯公下〉）140F92
這 me 係另外一種來表現強調形容詞 ke 講法，「遊野」變作「遊遊野野」、
「順序」變作「順順序續」，「彎斡」變作「彎彎斡斡」，也係「當……」ngióng è ke 意思。
十、緊 A 緊 B
緊 A 緊 B 有兩種意思，第一係「愈……愈……」，第二係「一（邊）……一（邊）……」， 緊係從俗用字，本字未知。
第一隻意思，像：
「緊來緊闊个傷痕/只有等待/光陰之針个攣補」（邱一帆，〈八月半〉）141F93
89 台北市政府客家事務委員會 編，《2015 後生文學獎》，頁 10。
90 邱一帆，《油桐花下个思念》，頁 100。
91 張芳慈 主編，《落泥─臺灣客語詩選集》，頁 56。
92 利玉芳，《放生》，頁 124。
93 邱一帆，《油桐花下个思念》，頁 36。
‧ 國
立 政 治 大 學
‧
N a tio na
l C h engchi U ni ve rs it y
73
「這下/就像斷了線个紙鷂仔/分風緊吹緊遠」（邱一帆，〈上崁仔个老郵局〉）142F94 第二隻意思，像：
「衫褲/緊𢱤緊前/腳/緊踏緊放」（黃聖雅，〈裁縫師傅〉）143F95
這兩句話堵好代表兩種意思，「緊𢱤緊前」係「（衣服）越推越往前」，「緊踏 緊放」係講阿婆 ke 踏 tén 裁縫車 ke 腳又踏又放，來來回回重覆這隻動作。
小結
第二章正式來討論客語新詩詞彙同漢字 ke 利用。一開始愛先確立客語詞彙 ke 分字標準，ên lí採用鍾屏蘭教授 ke 客語分詞方法來整理客語新詩文本裡肚 ke 內容，同時也看著因為客話 ke 書面話還 màng 有一 ke 當好 ke 標準，m̀管係教科 書 ke 編寫、抑係作家 ke 寫做，對漢字 ke 使用各人自家寫自家 ke，共樣 ke 詞彙 出現了無共樣 ke 表記方式，會造成客語語料詞彙收集 lâu 整理無 mak kai 利便，
這係這下 chhin 需要來遽遽解決 ke 問題。同無共樣 ke 漢字表記有關係 ke 討論，
ên lí放到第三章來檢查，這章就來試看 é 客話本來就有 ke 漢字詞彙，客話 ke 口 語語言愛轉做文學語言 ke 時節，有幾點特別 ke 所在，第一係用客話特有詞彙來 寫詩，係詩人用阿姆話來表達對自家認同 ke 生活做情感 ke 投入，這係總算你用 別種語言來翻譯也做m̀到 ke 味緒；第二係客話 ke 口語語言注重發音 lâu 聲調，
配合詞彙來創造「語境」，án è ke「語境」愛 ngióng 般來用書面表現？情感 ke 高 低識用拉長 ke 符號來表現，m̀過 ên 就愛來思考，語言書面化以後，漢字到底有 厥自家 ke 表義功能，ên 做得用「注音」ke 符號來加入無？第三係客話堵著連音 ke 時節，ti 書面語裡肚到底愛 lâu kì表現出來無？
過來整理了客話各方面 ke 特有詞彙，對生活語言去了解客家文化係 chhin 遽
94 同前註，頁 90。
95 台北市政府客家事務委員會 編，《2015 年後生文學獎》，頁 6。
‧ 國
立 政 治 大 學
‧
N a tio na
l C h engchi U ni ve rs it y
74
ke 方法，各種類別 ke 詞彙做得表現客家人對頭 pái 到這下 ke 生活係當精彩 ke，
還有同 ho-ló 話、漢語兩隻語言 ke 相互影響，也有 yi 多共通 ke 詞彙。包尾，ên 用「在」這隻字 ke 無共發音來檢查讀客語新詩 ke 時節會堵著 ke 問題，這共形 無共音 ke 煩愁，也會正式 ti 下一章來討論。
‧ 國
立 政 治 大 學
‧
N a tio na
l C h engchi U ni ve rs it y
75