第一章 客語新詩吐深情
第一節 客語新詩 ke 發展脈絡 lâu 代表性作家
國
立 政 治 大 學
‧
N a tio na
l C h engchi U ni ve rs it y
17
第一章 客語新詩吐深情
20 世紀 80 年代，ti 台灣湧起一股本土運動 ke 波浪，本省人對鄉土 ke 意識 thin thin 提高，m̀ 管係原住民、客家人抑係 ho-ló 人，就有發展出一 ke 自家 e 文 學革命、社會運動，thò ke 語言、政治、人權、環保等等 ke 議題頂高，各有推動 lâu 進展。這裡肚，客語文學發芽，位 80 年代後段第一首客語新詩降世，到這下 差 m̀多有三十年 ke 過程，就體裁發展來看，客語文學底背，新詩作品 ke 數量 chhin 多，創作 ke 題材也較豐富，本章希望通過對客語新詩無共樣 ke 討論來做 一 ke 初步整理：第一部份先來看著 30 年來，客語新詩作家 ke 創作歷程，整理 出個人出版 ke 詩集，lâu 新詩選集、文學獎等等 ke 新詩合集作品，做得看著這 下客語新詩創作所堵著 ke 困難；第二部分就愛來關心客語新詩作品輒常出現 ke 議題，做得感覺著客語新詩 ke 特色；最尾就愛對這下客語新詩寫作所使用 ke 兩 種文字系統來討論，用詩作案例來檢查今時客話對漢字、羅馬字運用，án è ke 利 便性 lâu 問題點。
第一節 客語新詩 ke 發展脈絡 lâu 代表性作家
一、客語新詩先行者
杜潘芳格（1927〜2016），新竹縣新埔人。從細學習日本教育，早年用日語 來創作，中年也用漢語創作，一直到 80 年代，受到台灣本土運動浪潮 ke 影響，
開始想愛來用客話寫作，位日語、漢語正轉變到客話（阿姆話）ke 歷程裡肚，受 到台灣文學創作整體大環境 ke 衝擊，還有自家心肚想法 ke 改變 lâu 適應，分認 為 ôn to「跨越語言 ke 一代」。厥新詩作品 ke 特色，除了「懷鄉」之外，也將美、
善 ke 人事物用作題材，對於種種情感 ke 溫度把握到當好，文筆 yi 溫柔純粹。
1990 年該央時，出版了個人詩集《朝晴》，這本詩集裡背收錄了好幾下首客語新 詩，kì成為了台灣第一 sà 出版客語新詩 ke 詩人，故所 kì當然也 pí看作係客語
‧ 國
立 政 治 大 學
‧
N a tio na
l C h engchi U ni ve rs it y
18
文學 ke 先行者。
杜潘芳格自家對位寫日語詩開始，轉變到用客語寫詩，kì係 án è 想 ke：
我腦袋裡頭，也有很多不同的語言。有日文、有中文、有客家話、有臺語。
知道越多的言語，就不知道要怎樣來運用。腦筋就得要趕快去整理，看看是要用 哪一個語言來表現。27F1
也有很多人提起說，我是台灣最早用客家話來寫詩的詩人。其實這背後是有 一些淵源的。主要就是黃恆秋……（中略）大概在那時候，我開始有心想要用客 家話來寫詩，黃恆秋知道之後，就告訴我，他有收藏一本以前日本總督府出版的 書籍，是一本以臺灣客家話和日本話對照的書，要我好好參考、好好看。雖然那 時候的客家話和現在的客家話，已經有了一些改變，但還是很有價值。28F2
黃恆秋（1957〜），苗栗縣銅鑼人。自家除了係客家詩人，me 長年投入客家 文史相關 ke 工作，個人出版著作 lâu 編選客家文學合集作品非常多，裡背 kha 有 名 ke 有像《台灣客家文學論》（1993）、《客家台語詩選》（1995）、《客家民間文 學》（2003），1990 年，出版了個人詩集《擔竿人生》，這係一本歸本書就用客語 書寫 ke 新詩集，也係台灣第一本完整 ke 個人客語新詩作品集。
杜潘芳格同黃恆秋 ke 第一首（本）客語詩、詩集出版就 thò ke 1990 年，這 me 正式來 lâu 台灣人說明，客語文學既經出世，也為背尾緊來緊多投入客話文 學 ke 客語作家打下了創作 ke 基盤石。
二、九Ｏ年代以降 ke 詩人
葉日松（1936〜），花蓮縣富里人。在花蓮做小學 ke 教書先生幾下十年，同 時節一片保持文學創作，詩集題材歸大半選擇自家 ke 故鄉，台灣後山 ke 山川風
1 藍建春，《客家女詩人 杜潘芳格生命史》（新竹：新竹縣文化局縣史館，2015 年），頁 117-118。
2 同前註，頁 129-130。
‧ 國
立 政 治 大 學
‧
N a tio na
l C h engchi U ni ve rs it y
19
情 lâu 人文情感，漢語客語就有創作，me 有出版過童詩集，創作 ke 面向非常多 元。自家本身係台灣東部 ke 客人作家代表，kì kha 後生時節 ke 作品 m̀係完全表 現客家意識，大部分係用漢語書寫對後山鄉土 ke 關懷、不時還有對原住民議題 ke 主題。厥 ke 客語新詩創作，受到 90 年代本土意識、客家運動發展 ke 影響，
kì在 2001 年出版《客語現代詩歌選》，係第一本完全用客話來寫作 ke 文學作品。
曾貴海（1946〜），屏東縣佳冬人。長透 thò 高雄歇，自家 ke 頭路係醫生，
會來寫作係厥 ke 興趣，kì 認為自家做為一 ke 知識分子，應該愛對鄉土故里有 所回報，故所長透以來，關懷土地 lâu 生態環保議題係厥作品 ke 特色，客話詩集 還有散文 ke 書寫，係 kì創作中期正開始，寫作題材慢慢 é 轉向家鄉懷舊 ke 主 題，kì認為對故鄉 ke 情感愛用阿姆話（客語）來表達正做得表現，位這開始，
當意外 ke 行向客話文學 ke 創作大路，2000 年 ke 時節出版了第一本個人客語詩 集《原鄉‧夜合》，背尾 me 直直保持漢語同客語 ke 寫作到這下。
邱一帆（1971〜），苗栗縣南庄人。thò 苗栗做小學 ke 教書先生，kì係半年 刊《文學客家》雜誌其中一 sà 創辦人，位 1994 年開始，開啟了 kì客語新詩 lâu 散文 ke 寫作，過來 kì me 投入客家文學合集 ke 編選，用客語創作一直係厥 ke 堅持，到這下（2019）既經有 8 本個人客語詩集來做出版。對客話創作 ke 想法，
kì認為，愛來用客話寫作文學：
客家話溝通了客家文化同客家文學个關係，因為客家話就係客家文化个元素，
盡重要个元素，假使做得看著具體个客家文化現象，看透現象背後深層个意義，
用具體、形象活潑个形式表現出來，這體現了客家文學意象，同時也表現了客家 文化个意象。」29F3
葉日松、曾貴海兩 sà 人係位杜、黃這兩位先行者以後，第二批重要 ke 客語 代表作家，邱一帆係中生代 ke 客話詩人，係這下客語文學界裡肚 kha 有活動 ke
3 邱一帆，《族群、語言、文學─客語詩歌文學論集》（台北：桂冠，2012 年），頁 61。
‧ 國
立 政 治 大 學
‧
N a tio na
l C h engchi U ni ve rs it y
20
客話詩人。kì三 sà ke 特點係到這下就一直有投入客話 ke 寫作工作，這點做得對 出版個人詩集 ke 數量 lâu 時間點來看，係客話詩人裡背 kha 穩定 ke 作家。
除 thet 頂高紹介 ke 三 sà 人，還有像張芳慈、利玉芳、陳寧貴、劉慧真、江 昀、陳黎這 teû 人，也係客語文學發展過程中當重要 ke 人物，這 teû 作家時常創 作客話詩文作品，有出版個人詩集、有到文學期刊頂高發表，分客語文學 ke 枝 脈緊來緊有成長。另外，無共 sà 詩人所創作 ke 客語新詩，me 有無共樣 ke 創作 方向。ên 做得看著，有專門來寫細人 è ke 詩文、歌謠作品 ke 路線，像馮輝岳、
馮喜秀 kì teû，童詩內容 yi 容易、生趣，還有像張捷明 me 出版 lè 當多 ke 兒童 散文、兒童故事為主，時常會 thèn tén 出版錄製故事內容，變作一張有聲書，也 可以看作係學習客話當好 ke 入門教材。過來，有多當 ke 客語文學創作者，kì書 寫 ke 體材無定著正有寫詩 thin thin，新詩 lâu 散文兩種形式就有來發揮。像江秀 鳳女士，厥 ke 詩文創作集 yi 多，出版客語新詩 ke 時節，筆名 ôn to 江昀，出版 客話散文集 ke 時節，筆名 ôn to 江嵐來做分別，厥 ke 詩集當有特色 ke 所在係
「詩畫集」，kì本身出 thet 文學創作，me 有畫圖 ke 才調，kì thò ke 寫詩 ke 時節，
時常會配合來畫出一張張共樣主題 ke 圖畫，共樣 ke 主題，用無共樣 ke 媒材來 表現自家 ke 情感 lâu 思想，分欣賞 ke 人帶來兩重 ke 感受。客家詩人 ke 老前輩 羅浪，厥妹 é 羅思容，係詩人也係歌手，kì受到厥爸 ke 影響，開始投入創作，
可能用改寫抑係改編，拿一支吉他，用厥 ke 音樂才調，lâu 詩作 ke 文字融合入 旋律裡肚，就變作一首好聽優雅 ke 歌曲，因為詩 lâu 歌本就係一體兩面 ke 藝術，
kì也為客語新詩帶來無共樣 ke 色彩。
三、客語文學獎項
除了客家詩人自家來創作出版 ke 詩文作品以外，配合這下本土語言教育，
由政府單位來推動 ke 客語文學活動也係緊來緊多。由客家委員會所主辦 ke「桐 花文學獎」對 2010 年開始，到這下既經出版 8 本得獎作品集，逐年會收錄 5 首
‧ 國
立 政 治 大 學
‧
N a tio na
l C h engchi U ni ve rs it y
21
得獎 ke 新詩作品。苗栗縣政府所主辦 ke「夢花文學獎」，對 1998 年開始舉辦，
到今既經第二十零年，m̀過 kì頭 pái ke 比賽項目無母語文學這隻部份，係這幾年 開始正增加客話、ho-ló 話 lâu 原住民話 ke 文學組別，這係客語新詩創作 ke 新血 另外一隻發展所在。台北市政府客家事務委員會對 2015 年開始舉辦「後生文學 獎」，到今有 5 年 è，逐年收錄 5 篇有得獎 ke 作品，雖然到這下還 màng 有 yi 久 ke 時間，成果還無算 thet 多，也做得來想望這隻獎項 ke 穩定發展，這幾項文學 獎活動做得分 ên lí客家後生世代 ke 創作者有較多 ke 表現機會。
國立台灣文學館也有來出版過歸套「台灣詩人選集」，裡肚收錄 ke 66 sà 台 灣詩人，就有 5 sà 客家詩人 ke 作品集，這 5 sà 人係杜潘芳格、曾貴海、利玉芳、
陳黎同張芳慈。2010 年代成立 ke 台灣客家筆會，對 2016 年來出版《客語文學 詩歌選》30F4，裡背來收錄 45 名客語新詩創作者 ke 作品，m̀過這裡肚有 9 sà 人正 收錄到一首 ke 新詩 thin thin，表示講厥 ke 創作數量還 màng 講 yi 多，做得講係 初試啼聲。另外，共年請張芳慈主編來出版 ke《落泥─臺灣客語詩選集》31F5，裡肚 收錄 è 24 sà 客語新詩作者 ke 新詩作品，這 24 sà 人大部分就係較有穩定創作客 語新詩 ke 作家，kì這 teû 人 ke sat màng 打拼，分客語新詩發展到這下有了一定 ke 成果。