第一章 客語新詩吐深情
第二節 客語新詩創作所堵著 ke 困難
國
立 政 治 大 學
‧
N a tio na
l C h engchi U ni ve rs it y
21
得獎 ke 新詩作品。苗栗縣政府所主辦 ke「夢花文學獎」，對 1998 年開始舉辦，
到今既經第二十零年，m̀過 kì頭 pái ke 比賽項目無母語文學這隻部份，係這幾年 開始正增加客話、ho-ló 話 lâu 原住民話 ke 文學組別，這係客語新詩創作 ke 新血 另外一隻發展所在。台北市政府客家事務委員會對 2015 年開始舉辦「後生文學 獎」，到今有 5 年 è，逐年收錄 5 篇有得獎 ke 作品，雖然到這下還 màng 有 yi 久 ke 時間，成果還無算 thet 多，也做得來想望這隻獎項 ke 穩定發展，這幾項文學 獎活動做得分 ên lí客家後生世代 ke 創作者有較多 ke 表現機會。
國立台灣文學館也有來出版過歸套「台灣詩人選集」，裡肚收錄 ke 66 sà 台 灣詩人，就有 5 sà 客家詩人 ke 作品集，這 5 sà 人係杜潘芳格、曾貴海、利玉芳、
陳黎同張芳慈。2010 年代成立 ke 台灣客家筆會，對 2016 年來出版《客語文學 詩歌選》30F4，裡背來收錄 45 名客語新詩創作者 ke 作品，m̀過這裡肚有 9 sà 人正 收錄到一首 ke 新詩 thin thin，表示講厥 ke 創作數量還 màng 講 yi 多，做得講係 初試啼聲。另外，共年請張芳慈主編來出版 ke《落泥─臺灣客語詩選集》31F5，裡肚 收錄 è 24 sà 客語新詩作者 ke 新詩作品，這 24 sà 人大部分就係較有穩定創作客 語新詩 ke 作家，kì這 teû 人 ke sat màng 打拼，分客語新詩發展到這下有了一定 ke 成果。
第二節 客語新詩創作所堵著 ke 困難
除了第一節來紹介該 teû ke 作家以外，還有別 sà 輒輒創作客語新詩 ke 詩 人，m̀過 kì這 teû 人有 lâu 自家 ke 新詩作品集合 chhiû tén，共下來作一本書出版 ke 無 thet 多，無就係到今就 màng 有出版過自家 ke 新詩集，kì teû 做得來表現自 家 ke 所在，大部分係各大文學獎項，還有文學期刊雜誌裡肚，但係 án è 加總起 來，me 做 m̀得講無一定 ke 作品數量。
4 台灣客家筆會 編選，《客語文學詩歌選》（新北：台灣客家筆會，2016 年）。
5 張芳慈 主編，《落泥─臺灣客語詩選集》（台北：釀出版，2016 年）。
‧
‧ 國
立 政 治 大 學
‧
N a tio na
l C h engchi U ni ve rs it y
23
台灣長老教會 1
（來源：作者自家整理）
對頂高所整理出來 ke 兩張表做得看出，客語新詩 ke 發展位 1990 年杜潘芳 格、黃恆秋兩 sà 人起頭，到這下既經愛過 thet 差 m̀多有三十年 ke 過程裡肚，做 得一直定時、穩定來寫作客語新詩 ke 作家數量，不出 10 過 sà，老實講係無算 yi 多。假使用十年算做一隻斷點來看客話個人詩集 lâu 選集 ke 出版數量，80 年代 ke chhin 尾有杜、黃 ke 兩本，1990 到 2000 年出版 12 本，2001 到 2010 年出版 19 本，2011 年到這下（2019 年）為止 è，既經出版 32 本，全部有 65 本作品裡 背，包含了 16 sà 客家詩人來寫作 ke 32 本個人詩集，還有 23 本編選合集，平均 下來就知曉一年差m̀多正有兩本 ke 新作品來出版，特別係這幾下年，有一半 ke 出版品係文學獎逐年 ke 得獎作品集，對客語新詩 ke 發展來說，做得講向前行 ke 非常慢，yi 像無 mak kai 有壯旺 ke 樣 é。過來，thò ke 後生世代 ke 作家部分，這 下可能還係無罅，《落泥─臺灣客語詩選集》這本書裡肚選錄了兩名 1984 年代出 生的作家，係到今為止算 kha 年輕 ke 創作者，過向頂高去 è，就直接到 1971 年 出生 ke 邱一帆，kì也做得講係到這下，創作最為穩定 ke 客語新詩作家。
彭瑞金認為，「客家母語詩的不振，在於有客家而沒有詩，有詩而沒有客家」
33F
7，kì討論曾貴海對《原鄉‧夜合》開始 ke 客語新詩創作生涯係一隻意外性 ke 起 頭，母語文學 ke 書寫，時常係詩人用主流語言寫作，到了有一定 ke 人生經驗以 後，自家來產生 ke 一種對懷鄉情感 ke 安慰。「意外性」ti 當多客語文學作家創 作 ke 起頭就 m̀會少見，本當 ti 心肝肚最深 ke 位所囥 tén è 民族身分認同無法度 同自家 ke 文學素養、人文思維來做融合，用阿姆話 ke 思考邏輯慢慢 è 自然轉變 作愛適應用主流語言來書寫，thò 追求 kha 多我族文化素材 ke 時節正發現到做得 試看 è 用阿姆話來寫作，故所 thin thin é 位主流語言文學行入來母語文學 ke 世
7 彭瑞金，〈曾貴海 作者介紹〉
https://cloud.hakka.gov.tw/content/images/08/C/02/08-C-02-0001-01.html（2018 年 1 月 23 日查閱）。
‧ 國
立 政 治 大 學
‧
N a tio na
l C h engchi U ni ve rs it y
24
界，chhin 開始發現用阿姆話來寫作 ke 該隻點就係 ên lí 講 ke「意外性」。這種
「意外性」對母語文學 ke 發展來講，又 m̀係做得百分之百成功 ke 條件，因為意 外就代表無穩定、零散性，這 sà 詩人頭先第一 ke 書寫語言係漢語，ti 寫作 ke 過 程裡肚正轉變作用客話來寫作，代表講大部分 ke 人還係認為到「客家話」淨淨 係口說語言，m̀係做得拿來書寫 ke 文學語言，這 lâu 客話到這下還 màng 成熟 ke 文字系統有非常大 ke 關連，除 thet 客話課本，大自家從來 m̀識位主流 ke 書面媒 體看過用客話文字書寫 ke 文章，當然 me 無法度直接入去用客話來創作 ke 方式，
也同頭下所討論到 ke 共樣，有客家但係無詩，有詩但係無客家。
在客語文學發展到今，大約有 30 年 ke 歷程裡背，這 teû 因為意外性來受著 啟發 ke 客話文學作家咬薑啜醋、嗑草餔根，行 tén 一路里來彎彎斡斡，識愛用各 種方式來書寫客語作品，thò 問題裡肚來調整語言 lâu 文字 ke 互動，án è 摸摸下 來 me 有了一 si̍t é 想法 lâu 經驗，客話 lâu 文字 ke 互動 yi 像有變 kha 多 lé，照理 想，客語書寫應該 sṳ̀要來向前到成熟化、穩定化 ke 階段，又堵著了另外一隻課 題，該就係這個語言自家口說能力 ke 消減。後生世代 ke 客家人做得聽、講客話 ke 比例逐年 ti 降低，照客家委員會來做 ke 台灣客家民眾34F8客語使用狀況報告書 裡肚所呈現 ke 資料表示，ên lí 13 到 18 歲 ke 後生人做得聽 é 識客話（完全聽 é 識 lâu 大部分聽 é 識）ke 比例正有 36.2% thin thin，做得講（yi 會講 lâu 還會講）
ke 比例正有 12.5%；13 歲以下聽 é 識 ke 比例 31.4%、會講 ke 比例有 14.5%35F9， 這隻年紀階段做得講係一 sà 人來建立自家民族認同 ke 黃金時節，阿姆話能力 ke 好還係m̀好，lâu 自家 ke 身分認同有相關連，會聽但係 m̀會講，係這下大部分後 生客家人堵著 ke 情形，假使語言 ke 聽、講既經出現無穩定 ke 問題，愛想 lâu kì 向前推到讀、寫這方面又過 kha 困難，這係客話 ke 愁慮，也同客語文學 ke 問題 有牽連，無熟識客話、做得用客話 ke 語感 lâu 語境來思考 ke 後生客家人，當然
8 這片「台灣客家民眾」係依據〈客家基本法〉第 2 條定義之。
9 客家委員會 編，《101-102 年度台灣客家民眾客語使用狀況》（台北：客家委員會，2013 年），
頁 180-181。
‧ 國
立 政 治 大 學
‧
N a tio na
l C h engchi U ni ve rs it y
25
愛出現後生世代 ke 客家作家係當難 ke，客語新詩創作者 ke「高齡化」，分發展 正來到 30 年 ke 客語文學就 m̀會過停動 é，這下雖然講有幾下隻文學獎項來鼓勵 後生世代去投稿作品，m̀過若係愛形成穩定 ke 創作力量，還係有當多地方等 tén ên teû 人來去推動。