第四章 第四章 第四章
第四章 運動 運動 運動 運動 ê ê ê 實踐開展 ê 實踐開展 實踐開展 實踐開展
戰後 ê 台語文學運動 tī 80 年代後半期漸漸來發聲，開始有論述 ê 開展 kap 理論 ê 建構，beh 來 ián 倒華話文學霸權，kā「台灣文學」做一個新 ê 定義。
Siāng 時間，台語文學 ê 創作 mā tauh-tauh 來開展，-nā 創作 ê 量 ham 80 年代 中期進前 saⁿ比是加真濟，tī文類發展上，mā 增加詩以外 ê 散文、小說 kap 戲 劇方面 ê 作品。
Tī 1986 年了後，進入林央敏所講 ê「多元開拓期」ê 初期，台語文學運動 實踐 ê 狀況如何？本章 beh 按三方面來做一個觀察 kap 歸納。首先，第一節 beh 來看運動中 ê 結社 kap 刊物，che 是運動重要 ê 支持 kap 力量。結社代表有 一 tīn 人對某一個議題有 sio-siāng ê 理念、看法，chiah 來結成一個團體，透過 團體 ê 刊物（就是有同仁性質 ê 刊物）來表達 in ê 思考。Án-ni 來講，有刊物，
著代表有發聲 ê 地盤 kap 工具，會當相當程度來掌握解釋權。所以結社 kap 刊物 mā 是文學運動 ê 實踐之一。Koh 來，第二節 beh 來看運動中 ê 文類發展 ham 作家作品。戰前 ê 台語文學真早著有用白話字所寫 ê 小說，像鄭溪泮有長 篇小說《 Chhut-sí-sòaⁿ》（《出死線》）（1926），iā 創作量驚人 ê 賴仁聲-nā tī戰 前 mā 有長篇小說《Án-niá ê B'k-sái》（1925）、，戰後 iáu 有小說《Chhi-á-lāi ê Pek-h'p-hōe》 （ 1954） 、 《 Thiàⁿ-lí Iâⁿ kè Thong-sè-kan》 （ 1955） 、 《Khó-ài ê Siû-jîn》 （1960）
等等，所以戰後並是到台語文學運動發展起來了後 chiah 有台語作品。5-kú，
若單就 70 年代開始，80 年代後半期 chiah tú-tú chhiaⁿ-iāⁿ起來 ê 台語文學來講，
各種文類攏 iáu 算是 taⁿ出世若定，in 成長 ê 狀況如何？有 sím-m8h 作家參與創 作，有 sím-m8h 作品產生？有 sím-m8h 特質？che 是這章所 beh 討論 ê。
第一節 第一節
第一節 第一節 結社 結社 結社 結社 kap kap kap kap 刊物 刊物 刊物 刊物
Tī戰前 ê 台灣話文論爭過程中並無產生任何 ê 結社 mā 無文學性 ê 台語文 刊物；戰後 ê 台語文學運動來講，一直 ài 到 1991 年 chiah 有台灣文學史上第一 個台語詩社：「蕃薯詩社」，mā chiah 有第一本台語文學 ê 專門刊物：《蕃薯詩 刊》。Tī蕃薯詩刊進前雖然有《台語文摘》、《Hong-hiòng》雙月刊等等全台語 ê 雜誌，-kú《台語文摘》「卡 óa 語言研究方面」（林芷琪，2005：74），內容 mā 以各刊物頂台語文相關文章 ê 轉載為主； 73 《 Hong-hiòng》雙月刊是 1989 年 11 月創刊，發行人是陳義仁，伊「發行這份白話字寫 ê 刊物，…主要 ê 用意是 欲 h;勿會曉中文 ê 老大人，有機會讀著有關環保等 ê 新觀念 ê 文章」， 74 所以 這兩份刊物攏 bōe 當算是文學性 ê 台語文刊物。
Tī結社、刊物這方面，bōe 使無注意著 ê，是 tī海外成立 ê 台文習作會 kap 伊 ê 刊物：《台文通訊》。比《蕃薯詩刊》khah 早一個月發刊 ê 這份刊物，雖 然是報紙形式薄薄 á 一期，-kú 到 taⁿ已經發刊 15 冬，tī運動中 mā 有伊 ê 位 置 kap 功能。Iā 雖然 bōe 當算是純文學刊物，不過，累積落來 ê 文學作品份量 mā bōe 少，更加是國內外台語文運動交流 ê 據點。
Tī《蕃薯詩刊》 kap《台文通訊》發 刊進前，主要是幾 份 本土色彩 khah 強烈 ê 報紙刊物 teh 支持台語文學運動，-nā 刊登相關 ê 論述文章，mā 是論 戰 ê「場域」，更加是作品發表 ê 空間，成做是台語文、文學運動初期重要 ê 傳播煤體。Tī這節，筆者 kā 分做三個部份來看：第一部分，是「非專門刊物」，
ti7 iau2 無台語文學刊物 e5 時陣，主要是 sím-m8h 刊物 teh 支持台語文學運動？
也就是台語文學依附 tī sím-m8h 刊物 teh 生存？第二個部分，是「專門刊物」。
台語文學運動有產生 sím-m8h 團體、刊物，有 sím-mih 共同 ê 訴求？刊物發展 出 sím-m8h 特色？tī運動中 ê 角色 kap 功能？第三部份，beh 來討論 1991 年運動 初步掌握著媒體所代表 ê 意義，以及各刊物之間 ê 分殊。
73 相關《台語文摘》ê 創刊過程 kap 目標……等等，會當參考：洪惟仁〈《台語文摘》一周 年記〉，《自立晚報》，1990 年 12 月 16 日。
74 ùi《台文通訊》第 2 期 ê「語文動態」內底引出來，1991 年 8 月，第 7 頁。
一 一 一
一、 、 、 、非專門刊物 非專門刊物 非專門刊物 非專門刊物
筆者 kā 這時期拆做「依附文化性雜誌」、「依附文藝雜誌」kap「依附報紙 副刊」三種來講。
（一）依附文化性雜誌
咱頂一章有講著 1986 年是文化性雜誌引 chhōa 潮流 ê 一年，各種新發刊 á 是停刊了 koh 再重新發刊 ê 雜誌中，ham 台語文學運動 ê 推 sak 特別有關係 ê，
是《台灣新文化》 、 《台灣文化》兩份刊物，koh 加上 1989 年創刊 ê《新文化》，
以這三份雜誌為主 teh 支持運動。其中，《新文化》tī第一擺台語文學論戰發 生進前有過兩場 ham 台語文化有關係 ê 座談，分別是「台語文化的現在與未 來」 kap「台語音標的檢討與協調」，兩場攏有邀請台語文學 ê 作家參與，座 談會紀錄刊 tī雜誌第 6 期，仝期 ê 專輯內底 iáu 有刊登宋澤萊回應廖咸浩 ê 文 章：〈何必悲觀―評廖咸浩的台語文學觀〉，另外是林央敏〈台語文字化的道 路〉、楊青矗〈《國台雙語辭典》的編輯過程〉kap ùi 自立晚報轉載過來 ê 洪皇
（洪惟仁） 〈簡介研究台語的專書及辭書〉。 75 這期 ê 專輯 ùi 辭典 ê 紹介 kap 座 談會 ê 主題看來，焦點主要是 kh=g tī文字化 ê 空課。
三份雜誌中，特別重要 ê，是《台灣新文化》。Tī這份出 20 期去 hông 禁 10 期 ê 雜誌頂 kôan，「看《台灣新文化》t'k 期篇目，「文學」相關 ê 文章大約 佔一半，台語文學 ê 提倡 kap 議論 mā 是 chit 份雜誌重要 ê「看頭」之一。」 （呂 美親，2006：4）。《台灣新文化》自第 2 期刊登宋澤萊〈咱來湊陣用台語唸詩〉
kap 向陽〈恢復自尊：用台語寫詩！〉kap in ê 詩，著開始 tī各方面來 teh 推 sak。
宋澤萊 tī伊這篇文內底講著彼當陣數量 iáu 算少，iáu 無好成就 ê 台語詩 ê 時，
伊講：「嘸閣所謂文化成就也就是靠遮（這些）淡薄小成熟累積起來个，咱創
75 原刊《自立晚報》，1988 年 12 月 18。
辦《台灣新文化》个目的，也就是卜收集遮个新生个文化，重頭開始，親像 播田揚稷（撒穀）同款，期待將來每一支，每一粒稷仔，攏會當（可以）長 成一欉一欉稻仔，有好收成。（宋澤萊，1988：203）《台灣新文化》tī台語文學 這坵田所揚落 ê 稷-nā 是理論，mā iáu 有創作上 ê，會使講是全面 tek ê。
理論方面， 《台灣新文化》是戰後「台語文學理論起造 ê 先鋒」 （呂美親，
2006：6），尤其宋澤萊 ham 胡民祥扮演重要 ê 角色。除了胡民祥 gi'h 理論大 旗 ê〈舌頭與筆尖合一〉，宋澤萊〈咱來湊陣用台語唸詩〉，-nā 鼓吹用民間 歌謠、流行歌曲做基礎來寫台語詩，koh khah 重要 ê，是伊認為「台語佮咱台 灣文學个問題，嘸是爭論个問題，是『實踐个問題』」，所以，伊講：「咱只有 一條路――寫！講！大家認真寫、認真講，咱个前途就行出來囉」 ，伊提出一 個「發揚台語文學个建議，就是……用台語來寫批」 。後來第 18 期有楊劍星（楊 允言）寫 ê 批信〈淑美，妳若初初看，可能頭殼會戇〉、19 期 koh 有伊寫 h;
宋澤萊 ê 批 kap 宋澤萊回伊 ê〈台灣人做牛做馬个精神〉 ，就是「寫批」 ê 實踐。
文學作品實踐 ê 部份，咱 tī這份雜誌 mā 會當看著真全面 ê 文類創作。5-nā 繼續深耕台語詩，koh 將創作 ê 文類湠到小說 kap 散文 ê 領域。詩方面，以林 央敏為主，有散文詩〈雷公熾那〉（第 5 期）、〈嘸通嫌台灣〉（第 13 期）、〈唐 山變台灣—比較移民史〉（第 13 期）、〈非常時期論〉（第 15 期）等 4 首。其他 iáu 有黃勁連〈雉雞若啼〉 （第 8 期） 、陳懷沙（陳明仁） 〈台灣教師台灣牛〉 （第 11 期）、宋澤萊〈綠色台灣是咱的—台灣環境保護歌〉（第 19 期）。
小說方面，頭前所講 gi'h 理論大旗 teh 做先鋒 ê 胡民祥 kap 宋澤萊，仝款 攏以小說來做 in 創作 ê 實踐。胡民祥用筆名「李竹青」所發表 ê〈華府牽猴〉，
刊 tī第 8 期；宋澤萊出名 ê 小說〈抗暴个打貓市〉刊 tī第 9 期，伊 tī這篇頭前 附一篇〈寫在發表前―台語文字化時代的來臨〉 ，講這篇小說著是伊對台語文 字化 ê 實踐。（宋澤萊，1987：63-64）
散文方面，有林央敏〈戰前訓示〉（第 11 期），另外伊 ê〈西北雨直直落〉
（第 12 期） ，這篇伊認為是第一篇完全以台語思考而且屬藝術性美文 ê 創作散 文（林央敏，1997：90），其他 iáu 有洪惟仁〈囝是翁某个蜈蟣釘〉kap 頭前有 講著 ê，楊劍星 ê 批信，以及林錦賢 ê〈喝場〉。另外就是洪惟仁 ùi 民間傳說改寫 ê〈蛇郎君〉（4 期）kap〈虎姑婆也〉（8 期）。
《台灣新文化》會當講是關係 80 年代中期以後台語文學運動會得發展起 來 ê 一份重要 ê 雜誌，-nā tī理論上有伊 ê 開創性，mā 有全面 tek ê 創作試驗，
更加重要--ê，是這本雜誌培養濟濟後來 ê 台語文運動者，像宋澤萊後來 koh 做《台灣新文學》kap《台灣 e 文藝》
76這兩份攏有相當程度台語文學版面 ê 文學雜誌主編或總顧問，伊 mā 有 koh 出版台語詩集； 77 林央敏、陳明仁後來 攏有參與《蕃薯詩刊》ê 創刊；胡民祥 koh 繼續 teh 做理論加強 kap 深化 ê 工 作，mā tī台語散文寫作下工夫； 78 楊允言是 1992 年各大學台語文社團串聯創辦 ê「學生台灣語文促進會」ê 頭一屆會長，mā 主編過一本相關台語文運動工作 者 ê 訪談紀錄 ê 冊，iáu 有 teh 做台語文字化、音標 ê 相關研究。
Ùi án-ni 看來，《台灣新文化》對台語文學運動 ê 重要性是像呂美親所講 是 tī「無穩定 ê 環境 nih，phah 一寡基礎 l@h 來」（呂美親，2006：15）
（二）依附文藝刊物
Tī這部份，主要是依附《笠》詩刊 kap《台灣文藝》這二本文藝刊物。
1.《笠》
《笠》詩刊辦過幾那場座談會 á 是討論會，中間有討論過台語詩 ê，同仁 之間對文學語言 ê 看法並無一致。不過，1988 年彼場「論台灣新詩 ê 獨特性與 未來開展」討論會，會中雖然對語言是是定義「台灣文學」ê 要素有激烈 ê 辯論，但是另外一面， mā 決定 beh「鼓勵一切台語詩的創作，在刊物中給予
76 《台灣 e 文藝》主編是胡長松；宋澤萊是總顧問。
77 宋澤萊 tī 2001 出版《一枝煎匙》； 2002 出版《普世戀歌》。
78 胡民祥 tī 2004 出版散文集《茉里鄉紀事》。
顯著的版面」。 79
《笠》詩刊所刊 ê 台語詩以同仁林宗源為主，ùi 1986~1991 年，總共發表 60 首左右 ê 台語詩，量算是真濟，koh 來是仝款屬同仁 ê 黃勁連 ê 台語歌詩，
有 12 首，其他以陳廷國、海瑩 kap 莊柏林 ê 5 首為多，張彥勳 kap 後來加入《笠》
做同仁 ê 陳明仁有 3 首， 80 其他 10 jōa 個人攏是 kan-ta 發表 1 首 á 是 2 首若定。
將近 20 位左右 bat tī《笠》發表過台語詩 ê 作者中，目前 chhun 無幾個 iáu teh 寫台語詩。
會使講《笠》詩刊是林宗源提出 kap 實踐伊文學語言觀 kap 詩觀 ê 地盤，
tī《蕃薯詩刊》創刊進前，除了《笠》kap《台灣文藝》以外，伊罕得 tī其他 ê 刊物發表伊 ê 理論 kap 詩作。理論方面，伊 1977 年著寫〈行自己的路，唱自 己的歌〉，初步為台語詩寫作來發聲，koh 再來有〈以自己的語言、文字，創 造自己的文化〉 （ 1979） 、 〈母語活在咱的心〉 （ 1982） 、 〈談台語詩的前途〉 （ 1990），
加上中間幾篇發表 tī《台灣文藝》ê〈沉思與反省〉（1987）、〈按本土文學看台 灣語言〉（ 1989）、〈我 對台語文學的追求及看法〉（1990），著會 得完整看出林 宗源 台語詩理論形成 ê 脈絡。
2.《台灣文藝》
1989 年 2 月「台灣筆會」成立，《台灣文藝》變做台灣筆會 ê 機關刊物。
研究者 kā 這個時期 ê《台灣文藝》叫做「台灣筆會時期」 。 （張金墻，1999：213）
Ùi 1987 年 5 月出刊 ê 第 105 期開始，差不多 t'k 期攏有台語文學作品，mā 因為 是綜合性 ê 文藝雜誌，會當刊出各種文類 ê 作品，mā 會當刊研究論述，所以 比較著《笠》詩刊，內容是 koh khah 豐富。「台灣筆會時期是作家、文學與政
79這是趙天儀 tī 討論會內底 ê 發言。全文刊 tī《笠》詩刊，第 148 期。本文所引發言 tī 第 136頁。
80 陳明仁是 1990 年加入《笠》詩社做同仁（楊斯顯，2005：31），1986 年~1991 年，tī《笠》發 表三首詩，分別是用筆名陳懷沙發表 ê〈做穡〉（第 152 期）（按：原文 kā「穡」刊做「牆」）、
用筆名阿仁發表 ê〈故鄉—寫烏名單的歸客〉（第 159 期）kap〈檳榔〉（第 166 期）。
治社會緊密結合的時期，與此配合的是『台語文學』的提倡，一一一期還刊 出『台語文學』的特別企劃，除此之外也發表了許多有關於台語文學的論文。」
（張金墻，1999：215）
筆會時期 ê《台灣文藝》tī文學作品方面 iáu 是以詩為主，-kú 已經有刊 散文，像許極燉 ê〈回鄉記〉，不過文學性是真有，另外 mā 有洪惟仁一篇性 質偏報導文學 ê 散文〈胡蘆墩醫魂〉。Tī 116 期有出現劇本，是林心智 ê〈荷蘭 人遊台灣〉。
1990 年， 《台灣文藝》轉交前衛出版社發行， 「前衛出版社 ê 林文欽接編《台 灣文藝》雜誌，聘請 a 仁（陳明仁）做編輯企劃，a 仁講 beh 開台語文園地，
得著 I ê 支持」（楊斯顯，2005：31）著是因為 a 仁加入做編輯，所以前衛時期 ê《台灣文藝》「一個重大的成就是『台語文學』的推展。前衛時期的台語文 學 有 一 個 特 色 ， 就 是 與 各 大 學 提 倡 本 土 語 文 的 社 團 合 作 『 校 園 台 語 風 專 欄』……這些學生社團提供的大部份是詩與散文，因此在台語小說方面比較 缺乏創作，東方白將他的短篇小說譯為台語發表在《台文》，是這時期台語小 說的主力。整體看來這時期的台語文學，提倡、推廣的成就要大於文學創作 的成就。」（張金墻，1999：218）
前衛時期 ê《台灣文藝》，創新 2 期（總號 122）著有設「台語文學特輯」，
所刊包括陳明仁 1988 年寫 ê 劇本〈許家 ê 運命〉 、林央敏 ê 散文〈chhōa 子回鄉〉 、 楊允言台譯阿盛 ê 散文〈墜馬西門〉，以及盧大春（盧誕春）、阿仁、林央敏 ê 台語詩，最後「台語批」專欄是收入幾個交通大學台研社同學所寫 ê 台語批。
Ùi 這期開始，台語文學佔著固定 ê 版面。比較著仝時期其他有刊台語文 ê 刊
物來講， 《台灣文藝》有湠到翻譯這坵田來，楊允言除了頭陣所講翻譯阿盛彼
篇散文以外，iáu 有 kā 宋澤萊〈岬角上的新娘〉台譯做〈海鼻新娘〉（創新 4
號）。創新 6 號 iáu 有胡民祥台譯傑克倫敦 ê〈哈士基—北方的狼狗〉、林央敏
台譯耶慈 ê〈麗妲佮天鵝〉、鐵試邦 ê〈死刑 の 前 一 暝 〉 ，創新 12 號 mā 有胡民
祥台譯齊克．倫敦 ê〈北方的掘金族〉。
另外，iáu 有「台文論壇」、「台語論壇」等專欄來延續筆會時期 ê 台語語 言、語文、文學 ê 研究論述工作。
Khah 定 tī《台灣文藝》發表台語文學作品 ê 作家，tī筆會時期 kap 前衛時 期會當真明顯看出差異。筆會時期以林宗源、黃勁連 kap 巫永福為主；其他 作品 khah 少 ê 作者真濟；到前衛時期 sòa 一 khùi 換一批無仝 ê 作者，可能是 這時陣「蕃薯詩社」創社、《蕃薯詩刊》創刊 ê 關係，林宗源 kap 黃勁連 ê 重 心 sóa 轉去南部。前衛時期《台灣文藝》tī文類發展上，mā 無偏重詩孤一項。
台語詩以陳明仁為主，進前筆會時期 -bat tī《台灣文藝》發表台語作品 ê 林 央敏，到前衛時期-nā 有詩、散文發表，koh 有台譯外國 ê 作品刊登。Koh 加 上兩位 tī《台文通訊》創刊了後著為這份刊物寫台語散文、小說 ê 東方白 kap 陳雷，mā tī創新 11 期、13 期了後陸續 tī《台灣文藝》發表 in ê 作品，h;《台灣 文藝》ê 台語文學加添真 kôan ê 文學性，比較著筆會時期並無 khah 輸。而且 koh ham 大學內底 ê 台語社團合作，達到推 sak 運動、培養新一代運動者 ê 效 果， che 是就運動來講，《台灣文藝》所發揮 ê 功能。
（三）依附報紙副刊
比較著頂面所講過 ê 文化性雜誌 á 是純文藝刊物，報紙副刊對運動關注 ê 面向 khah 濟，讀者層面 mā khah 闊。Tī報紙這方面主要是以《自立晚報》kap
《民眾日報》為主。
1. 《自立晚報》
本土色彩明顯 ê《自立晚報》，tī戒嚴時代著是 khiā 反對立場 ê 大眾傳播 媒體，文藝 mā khiā tī本土 ê 立場來支持台灣文學 ê 發展。Ùi 1980 年代頂半期，
咱會當看著伊對台灣文學 ê 支持，中期以後，對台語 ê 研究、語言地位 ê 提昇、
字典辭典 ê 紹介 kap 研究、雙語教育 ê 提倡、文字化……等等 ê 議題，攏提供
相當 ê 版面成做討論 ê 空間，mā 設種種 ê 連載專欄來推 sak 台語文 81 ，koh 是 89 年 kap 91 年二擺台語文學論戰 ê 戰場。按 chia 看來，《自立晚報》對拍開台 語文、文學運動 ê「能見度」kap 台語文、文學 ê 普及方面有相當 ê 貢獻。
Tī作品方面，90 年進前所刊台語文學作品並無濟，90 年尾開始有台語詩 專輯，到 1991 年，總共有刊過 6 擺 ê 專輯，1 擺 ê 個人台語詩專輯 82 kap 1 擺客 家詩專輯。整體來講，《自立晚報》頂面 ê 台語文學作品 mā 是詩 khah 濟，散 文 kap 小說攏少。作者方面，林央敏 tī 1988 年著有二首詩發表 tī chia； 83 tī台 語詩大展內底咱 mā 會當看著罕得 tī其他刊物發表作品 ê 林沈默 kap 王金選，
in tī chia 攏有發表 bōe 少 ê 台語詩，其中偏屬兒童文學 ê 囡仔詩方面 ê 王金選 tī 1991 年著有出版《紅龜粿》，其他像黃勁連、林宗源、莊柏林 mā 有幾首詩收 入 tī台語詩專輯內底。
《自立晚報》所刊台語詩 tī作者 kap 刊出 ê 詩 ê 數量來講是真平均，mā 有真濟目前攏 iáu teh 寫台語詩。值得注目 ê 是 mā 有兼顧客語詩，有刊相當數 量 ê 客語詩以及「客家詩專輯」，che 是其他刊物 khah 看 bōe 著 ê。
2. 《民眾日報》
比較著鬧熱滾滾 ê《自立晚報》，tī南部發行 ê《民眾日報》有 khah 冷淡，
-kú iáu 是有相關語言問題、語文建設、語言政策 ê 論述，mā 有洪惟仁「台 灣哲諺典」kap 鄭良偉、方南強、趙順文合編「生活台語」專欄 ê 連載。Tī 文學論述方面無像《自立晚報》 hiah 強，不過 1988 年尾著有陳嘉宗〈台語文 學〉來對台語文學提出挑戰，但是並無得著台語文學作家 ê 回應，一直到隔 轉年第一擺台語文學論戰發生， chiah 刊出一篇林央敏 ê 回應文，第二擺論戰
81 譬如陳冠學所寫，1984 年 3 月初 2 開始 ê「認識台語」專欄、李南衡著，鄭良偉翻譯，使用漢 羅合用法，1989 年 1 月初 2 開始 ê「趣味台語」專欄 kap 1990 年 12 月 17 開始，每禮拜一刊出 ê「台語點心擔」專欄…等等。
82 是黃秋芳台語詩歌專輯，刊 tī 1992 年 4 月初 2。
83 這兩首詩是〈戲棚腳〉kap〈夯鬧熱〉，分別刊 tī 1988 年 8 月 kap 1988 年 9 月初 9。
ê 時陣，《民眾日報》mā 是戰場。雖罔 án-ni，tī文學作品 ê 表現上，因為有 黃勁連這支大 thiau，kap 後來 ham《蕃薯詩刊》合作推出「台語文學特刊」，
所以 mā 會得成做是台語文學運動中重要 ê 傳播媒體。
黃勁連除了是《笠》詩社 ê 同仁，所以 tī《笠》有發表相當數量 ê 詩，
以外著是《民眾日報》，tī 1988 年，伊有 bōe 少 ê 詩發表 tī chia。Iā 蕃薯詩社成 立了後，mā 是經過黃勁連 ê 牽線，Ùi 1991 年 6 月 20 開始，每個月 ê 20 號攏有 刊出「台語文學月刊」，登載台語文學相關論述 kap 文學作品。Tī「台語文學 月刊」進前，《民眾日報》bat 有兩擺 ê「台語詩大展」專輯，一擺是 1989 年 8 月 12，刊出 7 首詩，算是報紙副刊第一擺一 khùn 著刊出 chiah 濟首詩。其中 宋澤萊〈若是
彳各恆春〉kap 趙天儀〈一暝
彳各天光〉攏是舊作，黃崇雄〈人 影伴孤燈〉bat 刊 tī《台灣文藝》第 111 期，李勤岸〈龍〉kap 海瑩〈祝福〉後 來攏有 koh 刊 tī《蕃薯詩刊》。第二擺 ê「台語詩大展」是 tī 1991 年 5 月 24，
按內容來看，可能是配合 5 月 25 蕃薯詩社 ê 創社。
二 二 二
二、 、 、 、專門刊物 專門刊物 專門刊物 專門刊物
文學性 ê 台語文刊物一直到 1991 年年中，分別 tī國內 kap 海外創刊。國 內蕃薯詩社 ê 成立 kap《蕃薯詩刊》ê 創刊，對戰後 ê 台語文、文學運動有伊 真重大 ê 意義；海外「台文習作會」kap 伊 ê 刊物《台文通訊》仝款有伊 tī運 動中 ê 位置。這兩份刊物 ê 出現，-nā 有台語文學運動行向另外一個階段 ê 指標 tek ê 意義，koh 配合著當時文字化議題 ê 燒 lō、以及幾個非國民黨執政 縣市準備 beh 開始實施雙語教育，會使講整個台語復振運動鬧鬧熱熱 teh 進行。
（一）蕃薯詩社 kap《蕃薯詩刊》
1991 年年初，林宗源 ham 黃勁連、林央敏、李勤岸、陳明仁、周鴻鳴、
黃恆秋、詹俊平 tī林宗源 in 兜發起成立「蕃薯詩社」，隨開始籌備。本成詩社
beh 號做「府城詩社」，後來驚 h;人誤會只是台南 ê 地方性社團，著決議用當
時有全台灣代表性 ê「蕃薯」來為詩社號名。（林芷琪，2005：70）事實上，
林宗源自早著想 beh 辦一份台語文學刊物：「親像尋（chhoe 7 ）台語文字，才 來發現咱佇 20 世紀尾猶未台語文字化，同時竟然無一套家己的語文，心內就 有意思辦一個刊物來提倡， m 7 -ku 2 佇戒 嚴 的時陣知音歹尋，無人敢寫就無一 陣的人來辦刊物。」（林宗源，1991：7）到 1990 年 ê 時陣，原本著有意思 beh 來辦刊物 ah，但是因為黃勁連去編《台灣文藝》 ，著 koh 延 chhân 落來，到 1991 年 chiah 行動。 84
1991 年 5 月 25，蕃薯詩社 tī台南神學院正式成立，選出林宗源做社長。8 月 15，《蕃薯詩刊》第 1 號《鹹酸甜的世界》發刊，che 是台灣文學史上第一 份台語純文學刊物，雖然是以詩刊做名，事實上是綜合性 ê 刊物。同時，因 為考慮著 beh「乎市面上會凍賣，koh 會使賣卡久，《蕃薯詩刊》作成冊形，
嘛卡有收藏 ê 價值。每一期攏會有一個主要作家，用伊 ê 詩來做詩刊 ê 冊名。」
（林芷琪，2005：72）
《蕃薯詩刊》第 1 號內底，有蕃薯詩社 ê 成立宗旨：
一、本社主張用台灣本土語言創造正統的台灣文學。
二、本社鼓吹台語文學、客語文學參台灣各先住民母語文學創作。
三、本社希望現階段的台灣文學作品會當報著下面幾個目的：
1. 創造有台灣民族精神特色的新台灣文學作品。
2. 關懷台灣及世界，建設有本土觀、世界觀的詩、散文、小說。
3. 表現社會人生、反抗惡霸、反映被壓迫者的艱苦大眾的生活心聲。
4. 提升台語文學及歌詩的品質。
5. 追求台語的文字化及文學化。
84 根據黃恆秋 tī 伊詩集《擔竿人生》序言內底註解 11 所講「林宗源……一九八九年初主張創 辦專登台語詩作品的刊物，擬交由黃勁連主編，後因黃勁連接編「台灣文藝」而暫罷」（黃 恆秋，1990：9）。查黃勁連寫作年表，1990 年確實主編《台灣文藝》。（黃勁連，2001：390）
林央敏認為「這份『宣言』式的宗旨所揭櫫的內容正代表整個台語文學 運動的主張和目標，並已大略反映了二十年來台語文學的理論，也繼承了日 治時代以來台灣新文學的寫實主義精神和普羅文學觀」（林央敏，1997：107）
另外就是林宗源 tī相當是發刊辭 ê 彼篇〈建立有尊嚴的台灣文學〉內底，
伊講成立「蕃薯詩社」ê 目標是 beh 創造正統 ê 台灣文學，提昇文學 ê 品質、
追求台語文字化 kap 文字標準化，並且提出伊四個映望，前二個是突破語言 問題來創作 kap ài 有創新母語 ê 抱負；後二個是希望解決文化標準化 ê 問題並 且主張漢羅合用法。（林宗源， 1991：8~9）
Ùi chia 著會得看著運動 tī彼當陣 ê 背景 kap 困難：一個就是 beh 招 koh khah 濟人來參與運動，鼓勵台語 ê 創作；第二個是台語文學作品文學性 ê 提昇，
h;台語 ê 文學 kap 文學 ê 台語會得互相幫贊、互相利益，che 就是伊所講「母 語的創新」；第三個，著是文字化問題已經「白熱化」。平常時無一個組織，
無一個專門 ê 刊物，會使一人寫一款，特別是漢字 ê 問題 kài 大。5-kú 既然 是一個共同 ê 團體，一份共同 ê 刊物，用字 ê 問題，儘量 ài 求統一。本成林 宗源 著提倡漢羅合用，tī伊 ham 鄭良偉合作，1988 年出版 ê 詩選內底著有試驗 過這個書寫法，chit-má《蕃薯詩刊》mā 用這個書寫法，使得漢羅書寫法更加 穩固 。
Tī 5 月 25 蕃薯詩社成立了後無 jōa 久 ê 6 月 20，蕃薯著 ham《民眾日報》
合作，刊出「台語文學月刊」，以後固定每個月 ê 20 號來出刊，ùi 1991 年 6 月 到 1993 年 9 月，總共刊出 28 個月。（林芷琪，2005：72）以後 koh ham《自立 晚報》合作有「『台灣語文特刊』……佇報紙副刊策劃台語文學特刊，是『蕃 薯』向望利用無仝款的媒體推 sak 台灣本土語言創作 ê 一種策略」（周華斌，
2005：5），利用報紙副刊擴充版圖，h;讀者有 koh khah 濟 sCk-sāi 台語文學 ê
機會，而且有 2 冬 chiah-nih 久 ê 時間，會當講為發展中 ê 台語文、文學運動
提供真大 ê 幫贊。
蕃薯詩社 ê 成立 kap《蕃薯詩刊》ê 發刊，對台語文學運動 ê 意義，第一 是「將當時主要的台灣本土語言文學作家箍倚來，作伙為推 sak 台灣本土語 言文學創作拍拼」（周華斌，2005：5）頂面咱看著台語文學 ê 作家分屬無仝 ê 雜誌刊物，tī《蕃薯詩刊》第 1 號所列 ê 同（仝）仁作家內底，林宗源、黃勁 連、莊柏林、黃恆秋 kap 陳明仁攏是《笠》詩社 ê 同仁，作品大部分 mā 是發 表 tī《笠》詩刊，其中林宗源 ê 台語詩除了《笠》，iáu khah chi'p 發表 tī《台 灣文藝》；黃勁連有大量 ê 詩發表 tī《民眾日報》；iā 陳明仁是因為加入《笠》
詩社做同仁 chiah ham 林宗源 in 這 kóa 台語詩人前輩 sCk-sāi， 85 1991 年伊除了 是蕃薯詩社 ê 同仁，同時 mā 負責《台灣文藝》ê 編務工作。另外像林央敏 khah chi'p tī文化性雜誌 kap 一 kóa 政論雜誌出現，mā 有登 tī《自立晚報》ê；林沈 默 ê 詩主要 mā 是登 tī《自立晚報》。蕃薯詩社著是 kā che 林央敏所講「當時 尚屬 一般散沙的台語文界」整合起來，成做一個大 ê 力量來壯大運動 ê 聲勢，
-nā 引 chhōa koh khah 濟人投入運動 ê 行列，mā 產生壓力迫使台灣作家反省 文學語言 ê 問題。
第二個意義，是台語文學創作量 kap 質 ê 提昇。「台語文學作品在內容上 趨向多元化並且產量突飛猛進便是蕃薯詩社成立以後才有的發展」 （林央敏，
1997：104）《蕃薯詩刊》進前，台語文學作品並無一個專門 ê，固定 ê 田園提 供作品來發表 kap 論述 ê 發展、作品 ê 評論。《蕃薯詩刊》內底，-nā 有各種 文類作品，各期 iáu 有理論篇，以及數然雖然無濟，但是也有評論。Tī數量方 面，確實有達到量產 ê 目標；koh 再來著是質，也就是文學性 ê 提昇，當然這 部份是 khah 需要時間 mā khah 歹評估。
第三個意義，是《蕃薯詩刊》成做是國內外台語文學運動交流 ê 刊物，
有結合國內外運動 ê 功能 kap 意義。Tī《蕃薯詩刊》第 1 號 ê 同仁名單內底有
85 根據陳明仁所講：「我參加 ê 頭一個同仁詩社是『笠詩社』，tī hia,我熟 sāi 林宗源、黃勁連、莊 柏林、黃恆秋……chia ê 寫台語詩 ê 同仁。」（陳明仁，1994：32）
二位 tòa tī國外 ê 同仁：羅文傑 kap 胡民祥。胡民祥是海外重要 ê 台語文學運 動者，mā 是戰後運動 ê 理論者，真早著 ham 國內 ê 運動者有接觸；羅文傑著 是 tī海外創辦《台文通訊》ê 鄭良光。
86Tī《蕃薯詩刊》第 1 號，胡民祥著發表 二篇論述性 ê 文章，羅文傑 mā 有一篇，加上第二期以後列入同仁名單 ê 鄭良 偉一篇，佔理論篇總數六篇 ê 三分之二，chia 著會得看見參與 ê 程度。
（二）台文習作會 kap 台文通訊
海外 ê 台語文運動起步事實是比國內 khah 早，國內因為有戒嚴 ê 關係，
受著壓制，所以雖然 70 年代著有「方言詩」ê 出現，-kú 真正發展起來，iáu 是到解嚴以後 ê 代誌；海外雖然 khah 無受政治來限制，-kú 離鄉離根，又 koh 四散各地，tī早期通訊無發達 ê 時代，beh 聯合起來成做一個力量 mā 是困難。
早期海外 ê 台語文運動主要是 tī語言研究方面，包括 tī日本 ê 王育德 kap tī美 國 ê 鄭良偉攏是語言學家兼 teh 做台語文運動。其中王育德 iáu 是台獨運動 ê 重要推 sak 者，會使講是 siōng 早 kā 台灣獨立運動 ham 語言復振運動結合起 來 ê 運動者。
1975 年 8 月 15，李豐明 kap 幾個「台灣語文推廣中心」ê 會員創刊《台語 通訊》。創刊號發行 200 份，全漢字書寫形式，第 3 期改做漢羅合用 ê 形式。
第 3 期了後， 「因為當時 iáu 無台灣人 ê 報紙，就應真 chē 同鄉 ê 建議改名為『月 刊』 ，順續（sòa）向辦報紙 ê 目標努力」 （李豐明，1991：3），án-ni《台語通訊》
自第 4 期改名做《台灣語文月刊》。Che 著是「北美洲台灣人 ê 第一份報紙」
（鄭良光，2005：3），是純台語，-kú 當然是純文學 ê 刊物。《台灣語文月 刊》發行 2 冬後停刊，一直 ài 到 1991 年 7 月《台文通訊》發刊，海外台語文 運動 chiah koh 有一個刊物，重新來起動。
根據台文習作會 ê 發起人鄭良光所講，台文習作會成立 ê 動機之一是因
86 也就是語言學者鄭良偉 ê 小弟。
為 80 年代移民美國 ê 台人愈來愈濟，-kú 移民攏 h; gín-á 去讀中文學校，罕 得去讀台語文學校，致使台灣人 ê 後一代 sòa bōe 曉台語，mā 因為教材內容 ê 關係，致使產生台語文化 ê 危機，所以「部分台語學校 ê 理事有意識 ti@h，辦 台語學校不如辦雜誌來提醒台灣人台語文化斷種 ê 危機，這點想法是後--來台 文習作會成立主要 ê 動機之一。」（鄭良光，2005：3）1990 年洛杉磯地區 ê 同 鄉 tī學習 1989 年鄭良偉設計 ê 台語羅漢字 ê 軟體 TW301 了後，對學習羅馬字 kap 台文寫作發生興趣，本來只是利用每個月一擺 ê 聚會交換心得，後來參加 ê 人愈來愈濟，著決定成立「台文習作會」（鄭良光，2005：3~4）Tī台文習作 會「進入第四個月 ê 時，有會友提起辦台文習作會通訊 ê 構想。這個提議受 著熱烈 ê 回應……」（鄭良光，1991：1）就 án-ni，成做台文習作會同仁刊物 ê
《台文通訊》tī 1991 年 7 月初 1 創刊。
《台文通訊》每個月一期，每期 8 頁，第 1 期台文通訊印 2000 份，免費 寄送「台灣新社會」kap「北美教協」名單，第二期開始委託前衛出版社每期 印 5000 份寄送前衛出版社讀者名單。《台文通訊》這種非營利 ê 發行方式，
又 koh 歡迎媒體轉載《台文通訊》ê 文章，做 ê 實在是奉獻 tek、siōng 草根 ê 運動。
Tī《台文通訊》ê〈發刊辭〉內底，鄭良光就會徽 ê 圖拆明《台文通訊》
ê 三大願景（vision)：第一，是=g 望這份通訊「會當扮演一個『火種』ê 角色，
來延續台灣語文 ê 香火」；第二，是=g 望這份通訊「愛擔任『橋樑』ê 角色，
h;台灣語文工作者會當互相鼓勵、交換意見、分工合作」；第三，是=g 望這份 通訊「會當提供台文作家一個創作 ê『園地』、發表 ê『舞台』。」Tī 創刊號內 底 mā 有 koh khah 具體來列出《台文通訊》ê 目的：
1. 提高台灣人用台語思考 ê 能力
2. 提升台灣人對台文寫作及閱讀 ê 能力
3. 提倡大眾傳播媒體使用台文 ê 風氣
4. 促成台文工作者 ê 聯攜（按：應該是「繫」）及分工合作
到 chia 來，咱著會得知影《台文通訊》並是成做一份純文學 ê 刊物來 發行 ê，是一份以推 sak 台語文讀寫 kap 思考 ê 刊物，所以伊 ê 內容 mā 分做習 作園地、新文化、文學創作、台語文法、宗教、現代科技、語文動態 kap 台 文信箱等 8 類。
《台文通訊》一個重要 ê 願景是 beh 做台語文工作者 ê「橋樑」，下面咱 ùi 三方面來看《台文通訊》所做 ê「橋樑」ê 工作：
1.台語信箱 kap 語文動態
《台文通訊》有設台語信箱。Tī第 1 期有刊〈致交大台研社〉ê 批，che 批是因為看著《台灣文藝》第 122 期所刊 ê 交通大學學生所寫 ê 台語批，所以 寫 h;交大台研社，希望 ham in 建立筆友 ê 關係，後來 tī《台文通訊》第 4 期 有刊出交大台研社盧誕春 ê 回批。Che 批牽成《台文通訊》ham 大學台語文社 團 ê 關係，後來《台文通訊》有支援「學生台灣語文促進會」 （鄭良光，2005：
5）另外，tī第 2 期 kap 第 4 期會當看著東方白 ê 批，特別是 tī第 4 期所刊 ê 批，
內底東方白講伊 beh 為《台文通訊》寫 10 篇散文，並且鼓勵大家練習台文。
後來《台文通訊》果然有一個東方白 ê 散文專欄，che mā 是《台文通訊》初 期重要 ê 文學作品，為《台文通訊》tī習作性質 ê 文章以外，增加文學性 ê 作 品。另外每期攏有語文動態 ê 專欄，刊載各社團 ê 活動、刊物 kap 辭典 ê 出版、
台語班 ê 開課……等等 ê 消息。透過批信 ê 來往 kap 消息 ê 流通，《台文通訊》
成做是一個台語文、文學 ê 交流站。
2. Kap 社團、刊物 ê 交流
Tī這方面，第 1 個是《台文通訊》ham 陳義仁牧師做發行人 ê 台語白話字
刊物《風向》雙月刊真早著有合作，互相轉載文章，像刊 tī第 7 期 kap 第 8 期，
阿粉姐 ê〈中風病人 ê 之理及照顧〉、散文〈孝女 ê 願望〉，攏有註明是 ùi《風 向》取材； iā 陳義仁 mā 有文章刊 tī《台文通訊》 ，後來 mā 有「阿仁漫畫專欄」。
第 2 個有合作 ê 刊物是《台灣教會公報》，歷史久長 ê 這份刊物 tī 1970 年受壓 迫改 做華文，tī 1991 年 9 月開始恢復有 2 版 ê 台語版，1992 年 10 月開始增加 3 頁轉載《台文通訊》 ê 作品。（鄭良光，2005：5）第 3 個，是台獨運動者連根 藤 tī日本發行 ê《台生報》，透過陳柏壽 ê 紹介，1992 年 8 月《台生報》開始轉 載《台文通訊》所有 ê 版面。（鄭良光，2005：5）第 4 個是 ham 蕃薯詩社 ê 交流，-nā 是文章 ê 轉載，tī 1992 年 5 月，蕃薯頭林宗源有去洛杉磯赴《台文 通訊》ê 週年慶，蕃薯詩社和《台文通訊》ê 交流 tī台語文、文學運動有重要 ê 意義，chia 且按下。第 5，1992 年《台文通訊》ham 台獨聯盟 ê 機關刊物《台 灣公論報》合作，ùi 1084 期開設「台文通訊信箱」，語文運動 ham 台獨運動開 始 beh 結合，「1994 年 New Jersey『關懷台灣基金會』kap 台獨聯盟 tī財務上支 援 《台文通訊》 ，並寄送台文通訊 h;所有 ê 台灣獨立建國聯盟海外中央委員。」
（鄭良光，2005：5）1996 年《台文通訊》承辦第二屆「北美洲台語文夏令會」，
這個夏令會是蔡正隆擔任台獨聯盟會長期間所創辦 ê。
若 koh 加上頭前所講 ê「學生台灣語文促進會」，《台文通訊》tī社團刊物 ê 交流範圍真闊，-nā 是 ham 宗教團體 ê 刊物有來往，mā ham 獨立運動 ê 團 體有交流，將語文運動 ham 獨立運動串聯起來，實踐台語文學成做民族文學 ê 理論，這一點是真重要。
3.Kap 讀者 ê 交流
1993 年 2 月 15，《台文通訊》ê 讀者 tī台北林森南路豐泰基金會 ê 會議室
成立第一個「台文通訊讀者聯誼會」。這個聯誼會 ê 目的是 beh 促進讀者 kap
義工中間 ê 聯誼、學習漢羅台文讀、寫 ê 能力，以及台灣語文運動資訊 ê 交換
kap 回應。（段震宇、羅文傑，1993：1）到 1993 年 8 月，tī台灣 t'k 所在已經成 立 15 個讀者聯誼會，而且仝年 8 月 14~15，tī台中金國大飯店有舉辦一場台文 通訊兩週年紀念兼全國讀者聯誼會，這場鬧熱滾滾 ê 聯誼會-nā 是讀者 ê 參 與， mā 有濟濟國內外台語文作家 ê 參與，國內 ê 像林宗源，國外 ê 像陳雷，
以及「學生台灣語文促進會」、「父母話促進會」、「台灣語文促進會」、「蕃薯 詩刊」等等 ê 團體參與。正親像陳雷、羅文傑所講：「通過讀者聯誼 ê 運作，
台文通訊變做一個語文運動，一個 beh 解救母語滅種危機 kap 推動台語白話 文 ê 群眾運動。」（陳雷、羅文傑，1993：1）
《台文通訊》初期 tī交流方面是做了不止 ah 成功，ùi 作者、各社團、刊 物到讀者，ùi 海外到國內，攏充分達到交通 ê 目的，對運動 ê 推展有真大 ê 貢獻 ，這是《台文通訊》一個特出 ê 部份。
《台文通訊》另外一個重要 ê 願景是 beh 提供台文作家發表創作 ê 舞台。
Tī這部份，《台文通訊》初期以台文習作會成員 ê 習作為主，大部份是散文，
像林洪權〈故鄉〉 （第 1 期）、魏真光〈爸爸我愛你〉 （第 1 期）、阿田〈枝仔冰〉
（第 4 期）……等等，文學性無 kôan。不過，第 5 期著有短劇 ê 劇本，其他 mā 有幾那篇精兵所寫 ê「福音救台灣專題」。
東方白 ê 散文應該是早期《台文通訊》重要 ê 文學作品。《台文通訊》第
4 期登出伊 ê 批，批內引王育德博士所講：「用台語寫出一篇好作品，比寫一
百篇論文來鼓吹台語較 [khah]有效。」然後東方白認為詩是奢侈品，小說是高
貴品，只有散文是大眾 ê 日用品，伊認為台文寫作應該由台語散文開始，所
以伊決定 tī《台文通訊》寫 10 篇散文，鼓勵大家 mā 來練習。第 5 期 sûi 刊出
伊 ê 散文〈學生無嫌老〉，sòa 落 koh 有〈上美的春天〉（第 6 期）、〈黃金夢台
語小說前言〉 （第 7 期）、〈自畫像〉（第 9 期）、〈好額倒散赤〉（第 10 期）、〈論
姦情 〉（第 12 期）、〈鏡〉（第 13 期）、〈紅色 ê 玫瑰〉（第 17 期）。
接 sòa 東方白，陳雷 kap 胡民祥 ê 加入，h;《台文通訊》文學作品 ê 品質 提昇。In 兩位攏是 khah chi'p tī《台灣公論報》發表作品，透過《台灣公論報》，
《台文通訊》chiah 來 sèk-sāi in(鄭良光，2005：4）。陳雷 tī《台文通訊》出現 ê 第一篇是轉載伊 1986 年 6 月 12 發表 tī《台灣公論報》ê〈台灣文學發展 ê 下一 個階段〉 （第 10 期） ，仝期 iáu 有伊 ê 一首詩〈夢〉 。Koh 再來是幾那篇散文： 〈猶 是這上好〉（第 11 期）、〈若是時間會倒轉去〉（第 12 期）、〈心事二三件〉（第 15 期）……等等。台語文學 ê 理論大將胡民祥 tī《台文通訊》ê 頭一篇仝款是 理論 tek ê〈動態看待台灣文學語言〉（第 11 期），koh 來 mā 有幾篇散文：〈阮 阿公〉（第 14 期）、〈楓樹葉仔 ê 心事〉（第 19 期）……等等。
會當講 tī《台文通訊》發刊 ê 初初 2 年，文學表現是散文 khah 贏，東方 白、陳雷、胡民祥，另外 ài koh 加上陳明仁，in ê 散文 h;這份刊物 tī「習作性」
以外，mā 有文學性，《台文通訊》tī散文 ê 表現是台語文學運動中 bōe 使得無 kā 伊注目 ê。
除了散文，著是相關台語文學 ê 論述性文章，ùi 第 9 期開始連續有陳明 仁〈講一寡台語文學 ê 問題〉以及頂頭所講陳雷 kap 胡民祥彼二篇文，koh 過 來有羅文傑〈台灣文學 ê 盲點〉 （第 13 期）。後壁這三篇 mā 攏出現 tī仝個月出 版 ê《蕃薯詩刊》第 3 集，三篇攏對台語文學 ê 未來抱著樂觀 ê 看法。其中羅 文傑彼篇提醒台灣文學 ê 研究者，bōe 當無去注意著白話字文學。包括白話字 小說 kap《台灣教會公報》內底 ê 白話字文學 ê 研究，是真欠缺，但是 bōe 使 無去研究。
三 三
三 三、 、 、 、小結 小結 小結 小結： ： ： ：1991 1991 1991 1991 年形成連線 年形成連線 年形成連線 年形成連線 ê ê ê 台語文學運動 ê 台語文學運動 台語文學運動 台語文學運動
1991 年 6 月 20《民眾日報》開始 tak 個月固定出刊「台語文學特刊」，7
月《台文通訊》發刊，sòa 落去 8 月 15《蕃薯詩刊》第一集出版，koh 加上進
前彼冬陳明仁進入《台灣文藝》做編輯，《台灣文藝》開設台語文學固定 ê 版
面，台語文學運動 tī 1991 年開始初步來掌握著媒體。對運動來講，有二個意 義：
第一個意義是有 ka-kī ê 田園來做穡，特別是「蕃薯詩社」kap 台文習作 會攏有同仁 ê 性質，同仁來稿照登，另外 mā 攏有對外邀稿，提供濟濟台語文、
文學作者磨練 ê 機會。第二個意義，著是掌握著發言 ê 工具，mQ免受人限制。
MQ-kú《蕃薯詩刊》ham《台文通訊》有 in 無仝 ê 所在，tī 運動中是 khiā-tī 無仝 e 位置，扮演無仝 ê 角色：「『蕃薯』是台語文學 ê 詩刊，mQ是初學台語文 ê 人 ê 園地；台文通訊定位 tī 推展『台語白話文運動』……適合每一個人創作、
唸讀…… che 就是伊寶貴 ê 所在，伊鼓勵人 giah 筆開始寫台語文。」 （陳明仁，
1994：34） 《蕃薯詩刊》重 tī 理論 ê 建構 kap 深化、文學作品 ê 實踐 kap 文學性 ê 提昇，雖然實際上是綜合性 ê 雜誌，mQ-kú《蕃薯詩刊》伊畢竟是「詩刊」，
作品當然是以詩為主；iā《台文通訊》ê 文學作品 tī 初期是以散文為主，兼顧 初學者習作 ê 空間 kap 作家作品 ê 文學性。《蕃薯詩刊》ê 創刊 hoah 起戰後台 語文學運動 ê 聲勢；iā《台文通訊》是扮演支援 ê 角色。MQ-kú《台文通訊》定 期發刊，到 chit-má 已經 15 冬，iáu teh 發刊，iáu 有部份是免費寄送 ê 形式，是 運動性強烈 ê 刊物。對台語文運動來講，《蕃薯詩刊》是指標 tek ê 刊物，有伊 ê 重要性，但是，對台語文 ê 推展來講，《台文通訊》仝款有伊 ê 重要性。
1991 年是台語文學運動重要 ê 一年，藉著刊物 ê 創刊、刊物之間 ê 串聯 kap 分工，使得運動 ùi 點到線到面，ùi 理論到創作，ùi 初學者 ê 習作到文學家 藝術 ê 創作，ùi 國內到海外，形成聯合 ê 運動，m ā是 台 語 文 學 運 動 ê 「路觀牌」 。
87
第 第
第 第二 二 二 二節 節 節 節 文類發展 文類發展 文類發展 文類發展 kap kap kap kap 作家作品 作家作品 作家作品 作家作品
比較著 1986 年前，kan-ta 林宗源、向陽 kap 宋澤萊 tī 台詩語 ê 部份有一
87 林央敏 ê 用詞。
kóa 成績出來，ùi 1986 年到 1991 年，加入台語文學創作 ê 人愈來愈濟，作品也 不止詩一類若定。 Tī 這節，咱著來看這個階段文類 ê 發展概況，有 sím-mih 人參與創作？iū koh 創作出 sim-mih 作品？
一 一 一
一、 、 、 、詩 詩 詩 詩
戰後 ê 台語詩自 70 年代林宗源 kap 向陽開始經營，80 年代頂半期加入宋 澤萊、黃勁連、林央敏，作品 ê 量 iáu 無濟。一直 ài 到 1987 年以後，詩 ê 數量 chiah 有大量增加 ê 趨勢。下腳咱 ùi 詩集、詩選集 ê 出版以及作家作品來看這 個文類 ê 發展。
1984 年林宗源《補破夢》詩集出版，內底收 30 首台語詩，而且由錦連翻 譯做日文，1985 年向陽《土地的歌》出版，引起濟濟 ê 討論。這兩本詩集會當 講是運動 tī萌芽期 ê 成績單。MQ-kú 台語文學運動進入開拓期了後，到 1990 年 soah 攏無台語詩集 koh 出版，ài 到 1991 年 chiah 有黃勁連出版《雉雞若啼》。
Che 中間有兩本台語詩選集出版，一本是《林宗源臺語詩選》（1988），另外一 本是《台語詩六家選》 （1990）。兩本攏是語言學家鄭良偉編注，有文字 ê 實驗 性 kap 提昇台語文學化 ê 企圖。
黃勁連 1980 年代頂半期著開始寫台語詩，mQ-kú 真正開始大量發表是 1987 年以後，tī《民眾日報》、《笠》詩刊 kap《台灣文藝》攏會當看著伊 ê 台語詩。
伊 mā 是 1991 年《蕃薯詩社》創社 kap 牽成蕃薯詩社 ham《民眾日報》合作推 出「台語文學特刊」ê 重要人物。Tī 台語詩 ê 創作上，伊 bat 以 ka-kī 發表 tī
《笠》詩刊第 6 期 ê 一首〈三月〉做例， 88 講伊早 tī 1960 年代「著有用本土語 言創作文學的思考」（施俊州，2005：32）MQ-kú 伊是 1983 年左右為著幫伊 beh 出唱片 ê 小弟寫歌 chiah 開始徹底用台語思考來寫作。 89 轉向台語寫作了後，
88 施俊州刊 tī《台灣文學館通訊》ê 訪談文〈是台語文學，也是台灣文學〉內底是講刊 tī「民 國 53 年第三期第三期」，事實是刊 tī 1965 年 4 月 15 出版 ê 第 6 期。
89 黃勁連講伊大量生產台語詩是 tī 1983 年，「大約同一時間一口氣寫了一、二十首」（施俊州，2005：
黃勁連 1988 年 iáu 有出版一本華語詩為主 ê 詩集《蟑螂的哲學》 ，內底卷三「阮 是做穡人」有收 6 首台語詩，這 6 首後來 m ā攏 收 入《 雉 雞 若 啼 》 。1991 年黃勁 連出版歌詩集《雉雞若啼》，收入 40 首詩，算是伊 80 年代台語詩寫作 ê 總成 績。這本詩集請著洪惟仁幫伊做注解，是一本全漢字 ê 台語詩集。
《林宗源臺語詩選》ùi 林宗源有出版 kap 無出版 ê 8 本詩集內底選 54 首 詩，前半部由鄭良偉教授改用漢羅合用 ê 書寫法，並且做注音註解；後半部，
全部用漢字，「這兩種方式，是欲尋出今後發展臺語文學的路。」（林宗源，
1988：216）按 chia 著知這本詩集是有伊 tī 文字、書寫法 ê 實驗性，同時 mā 會 使講是林宗源 1985 年進前所寫台語詩 ê 一份結算單。 90
1990 年出版 ê《台語詩六家選》，仝款是鄭良偉教授所編注，mQ-kú「伊的 策劃、收集及選審是詩人黃勁連所擔任的。」 （鄭良偉，1991：9）鄭良偉 tī 序 言內底提出這本選集五個重要 ê 意義：第一，向世界宣佈台灣人 beh 疼惜、
維護、發揚母語的意願；第二、向台灣的知識分子示範，母語寫作的文學有 親切深刻效果及廣闊的發揮空間；第三、向台灣的台語群眾表示台灣知識分 子 beh 努力及 in 認同的心態及誠意；第四、提供詩人個案研究資料，便利以 後台語文學史的研究；第五、追尋台語文學有卡簡單化、卡統一的文字標記 法。（鄭良偉，1991：9-13）
除了頂面這三本詩集、詩選集以外，1992 年 5 月 10 日，前衛出版社同步 出版陳明仁《走找流浪的台灣》 kap 林央敏《駛向台灣 の 航 路 》 兩 本 詩 集 ， mā 會使看做是 in tī 這個階段 ê 創作總結算。
頭前所講這 kóa 出詩集 á 是收入詩選集內底 ê 詩人，攏是起步 khah 早 ê，
siōng òaⁿ ê 陳明仁 mā 是 1985 年著開始寫 ah。Tī 這個階段試寫台語詩 ê 作家真 濟，所以詩 ê 產量 mā 濟，發展算是 siōng 好，mQ-kú 各人 ê 數量攏無濟。Tī 這 個階段開始寫台語詩，iā 目前 iáu teh 堅持台語寫作 ê 詩人，除了李勤岸、林
33）
90 這本詩集 ê 詩，siōng òaⁿ 收到 1985 年所寫〈八家將〉，以後 ê 詩攏無收入去。
沈默、吳鈎、莊柏林、謝安通等等，其他是真少。
Tī 濟濟 ê 詩內底，咱會得看著一個台語詩 siōng 明顯 ê 特質，就是歌謠體 ê 形式。胡民祥分析《台語詩六家選》內底六家 ê 詩了後，伊講：「黃勁連、
宋澤萊、向陽 kap 林央敏四家攏是詩歌味重，四家帶著純純甘甘的歌詩味，
這唔是意外，一個新的民族，伊的書面文學語言的形成，必然繼承民族的口 傳文學的泉水，口傳文學的一個特色就是歌味，入詩道變歌詩。」 （胡民祥，
1994： 42）林淇瀁（向陽）mā 認為「民間文學的資產中，韻文類向來較多，
而且也比較常被使用於一般生活之中，這些活的語言及其表現手法，對於嘗 試初期而缺乏典範可循的台語詩寫作，具有相當的轉益增補功能。」 （林淇瀁，
2005：293）
所以，戰後台語文學運動進入開拓期了後，咱會當看著宋澤萊鼓勵大眾 念詩：
彼一時我也發現咱台語个民謠、流行歌曲內底，有大量个歌詞，咱个祖先佮咱 个阿兄阿姐為咱留來大量活个、有感情、有生活个、有生命个話語財產，咱時 常值公共場合、值農村、值海邊、值工廠、值街路攏聽著伊們值唸，真正熟咱 个，給咱感覺靴呢親切，靴呢有意思，無管是快樂、悲傷个，攏是咱阿兄阿姐 个歌。所以我就想卜用遮个歌詞為基礎，將台語詩寫出來。（宋澤萊，1988：
24）
Iā 台語詩內底歌詩味 siōng 重 ê，應該是黃勁連。伊本成就是為 beh 寫歌 詞 chiah 開始寫台語詩，伊 mā kā ka-kī ê 台語詩叫「台語歌詩」。洪惟仁認為用 這個名詞有二個意義：一個是詩歌分袂開， 「台灣个文學傳統……自南管、歌 仔冊、流行歌，所有个詩，攏是歌」 ；一個是現代詩失去語言音律，脫離群眾。
所以 ài 提倡歌詩合一，詩樂合諧个文學傳統。（洪惟仁，1991：16-17）
無論是宋澤萊 á 是黃勁連，in 向民間歌謠、流行歌曲借形式，其實背後 有一個重要 ê 意義，著是像林淇瀁所講：
台灣民間文學 ，跟柢 上就是當年主 流的中 華文化霸權下 台灣民 間文化的 表徵，它在政 治的與 文化的霸權宰 制之下 ，晦隱地包裏 了台灣 人的集體 性的記憶與共 享，通 過口頭傳播的 流傳、 通過匿名性的 創造， 標誌著台 灣社會底層的、並且也是多數的文化實踐。（林淇瀁，1998：292）
二 二
二 二、 、 、 、小說 小說 小說 小說
Tī 運動 ê 這個階段，mā 開始有小說創作 ê 出現，主要 ê 幾篇小說分別是 李竹青（胡民祥）所寫 ê〈華府牽猴〉、宋澤萊〈抗暴个打貓市〉、陳雷〈美麗 ê 樟腦林〉、〈大頭兵黃明良〉、〈出國這項代誌――紀念葉豆記先生〉kap〈李 石頭 ê 古怪病〉。這個階段，因為小說創作 taⁿ 開始，所以無人所寫 ê 量有夠 thang 出一本台語小說集。
運動中 siōng 早出現 ê 一篇小說，是胡民祥用「李竹青」做筆名所寫 ê〈華 府牽猴〉，發表 tī《台灣新文化》第 8 期。〈華府牽猴〉是 ùi 政治論文改成 ê
（宋澤萊，1998：20），以海外台灣人政治運動團體做批判 ê 對象，che 是這篇 小說真特別 ê 所在。小說主角林長山 tī 台灣人遊說組織「台灣人公共事務會」
內底專門辦台灣人佮美國人外交。作者消譴這個組織 ê 英文縮寫「FAPA」是
「呼爸」，若像美國人是 in 老父仝款。小說借著林長山 tī 華府 ê 走 chông，以 及伊 kap 幾個海外政治運動者 ê 來往、鬥爭，來批判海外 ê 台灣人政治運動團 體是騙食 ê 團體，欠缺理想性，背叛台灣人，為著利益會做妥協 ê 行為。
這篇小說 ê 人物，名字濟濟攏 ham khah 早 tī 海外做政治運動 ê 政治運動
者 ê 名字真相像，一讀著知影 teh「影射」sím-mih 人。小說 ê 批判性真強烈，
拍破咱一般人對海外台灣人政治運動攏真神聖 ê 看法。逃亡海外 ê 台獨運動 者咱一般攏會 kā in 塑造做是一個英雄，但是這種神聖、英雄 ê 形象，tī 這篇 小說內底完全 péng 盤，作者用「牽猴」諷刺這 kóa 遊說組織 ê 人，明 ê hoah
「自決」、「獨立」來得著台灣大眾 ê 支持，事實上 soah 是為台灣資產界 ham 美國牽關係，共謀利益。
胡民祥是 1943 年生，台南縣善化人，1967 年去北美留學，1973 年 thCh 著 紐約州立大學水牛城分校機械工程博士。Tī留學中，讀著 tī日本發行 ê《台灣 青年》，後來 koh 買著《Formosa Betrayed》（《被出賣的台灣》），了解著二二八 事件真相，開始投入政治反抗、台灣民族解放運動，sòa hông 拍入烏名單，一 直到解嚴以後 ê1988 年，chiah 會得倒轉來台灣。1979 年美麗島事件發生，受著 事件 ê 衝擊，決定 beh ùi 政治運動轉向文化、文學 e 層面，來切入台灣民族國 家 ê 起造運動。後來透過許達然 ê 紹介，加入海外台灣文學作家成立 ê「台灣 文學 研 究會 」，1984 年提 出 論文 〈台 灣 新 文學 運 動中 台灣 語 文 學語 言 發展初 探〉，就是後來 ê〈舌頭與筆尖合一〉。1986 年寫出小說〈華府牽猴〉，後來重 心 kh=g-tī文學評論 kap 台語散文 ê 經營。台南縣文化中心 kap 真平企業攏 bat 出過《胡民祥台語文學選》 ，伊本身編輯過《台灣文學入門文學》 、 《燭火闖關：
蔡正隆博士紀念文集》，2004 年出版散文集《茉里鄉記事》。胡民祥是蔡正隆 ê 大學同窗，1994 年蔡正隆擔任台獨聯盟主席 tī休士頓辦第一屆北美洲台語文 夏令 會，胡民祥雖然是盟員，但是蔡正隆邀請伊擔任夏令會祕書兼總幹事，
全程規畫執行，這 mā 是伊語言建國理論 ê 實踐。
91接 sòa〈華府牽猴〉，《台灣新文化》tī 第 9 期 kap 第 10 期刊出宋澤萊小說
〈抗暴个打貓市〉。Tī 第 9 期刊出 ê 時陣，同時 koh 附上一篇〈台語文字化時 代 ê 來臨〉，宋澤萊講伊寫這篇小說是 beh 證明「假若說台語可以用來寫成這 麼 繁 富的 現 代 小 說， 那 麼還 有 什 麼 文 章不 能 用台 語 文 字 來 書寫 呢 ？」（ 宋澤
91 以上參考：（胡民祥，1995）、（宋澤萊，1998）
萊，1996：15）內容方面，宋澤萊 ka-kī 講伊這篇小說「旨在勾勒一種台灣歷 史所形成的獨特人類―台奸的面貌。我並不看輕這種人的精明性，但更把重 點放在他們的病態人格與殖民地無奈的現實上。」（宋澤萊， 1996：14-15）比 較著〈華府牽猴〉 ， 〈抗暴个打貓市〉小說 ê 技巧 kap 伊所表現出來 ê 批判性明 顯是有 khah kôan ê 藝術性。
Tī 國內頭先出現 ê 兩篇小說，攏是全漢字 ê 小說，但是差不多仝時間 tī 海外出現 ê 台語小說著是漢羅合用書寫 ê：陳雷 1986 年所寫，1987 年 9 月登 tī 海外刊物《台灣文化》第 13 期 ê〈美麗 ê 樟腦林〉，寫一個森林管理員，巡山 ê 時陣發現樟腦林去 h;人偷 chhò，beh 寫報告 h;主官，sòa 去 h;彼 kóa 勾結山 貓鼠 ê 同事、主官密告是共匪仔，結果 h;人掠去刑，最後判五年。Iā 彼片樟 腦林當然 mā h;人 chhò 了了。另外一篇 1987 年寫 ê 短篇〈大頭兵黃明良〉並 沒發表，後來 chiah 收 tī 1994 年出版 ê《永遠 ê 故鄉》，iáu 一篇 1989 年寫 ê〈出 國這項代誌〉是 1993 年 2 月發表 tī《台文通訊》第 17 期。
中篇小說〈李石頭 ê 古怪病〉1991 年發表 tī《公論報》，這篇小說分做三 章，講台灣人李石頭得著中國病，mQ-n ā改 名 做「 李 中 華 」 ，想 beh 做「龍的傳 人」，koh 學著中國人種種 ê 歹樣相，得著中國病 ê 台灣人著「像一條蕃薯放 teh h;爛」 。小說最後，中國病好起來了後 ê 李石頭感覺 ka-kī「若像做一個三、
四百 年來一直受人壓迫、剝削 ê 惡夢」 ，伊「自 hit 日起決定，家己做頭家。……
mQ免講別人 ê 言語，mQ免借別人 ê 名……mQ免驚惶 mQ免欺詐，mQ免辦手續去出 國。和和平平，一代過一代，歡歡喜喜，做一個清清白白 ê 台灣人。」 92 這個 結尾，有 =g 望台灣人覺醒 ê 意思，自中國病 ê 症頭、「龍的傳人」ê 錯覺中覺 醒，做家己 ê 頭家。
陳雷，本名吳景裕，1939 年出世，台南麻豆人。1965 年去美國作實習醫，
後來 tī Univesity of Toronto (Ontario) thCh 著免疫學博士，1975 年 tī 加拿大
92 以上引文，見：陳雷，〈李石頭 ê 古怪病〉，《永遠 ê 故鄉》，第 157、167 頁。
Ontario(渥太華）開業做醫生。陳雷大學時代著有華語詩集《神話》、《仲夏夜》
kap 散文集《在年青裡的夢幻》。1982 年到 1985 年 tī寫作二二八事件 ê 長篇小 說《百家春》中，注意著文學語言 ê 問題，hoan 頭去學習台語 ê 書寫。1986 年寫出第一篇台語小說〈美麗 ê 樟腦林〉 。陳雷 ê 創作是全面 tek ê，詩、散文、
小說、劇本攏有，其中以小說成就 siōng kôan，作品濟，技巧成熟，-nā 有對 台灣歷史深刻 ê 反省，mā 有對社會問題 ê 關懷 kap 批判。伊 ê 作品大部分攏 發表 tī《台文通訊》，另外有《永遠 ê 故鄉》、《陳雷台語文學選》出版。
93比較著後來著無 koh 寫台語小說 ê 胡民祥 kap 宋澤萊，陳雷 ê 小說，mQ-nā 愈寫愈濟，藝術性 mā 一直攏保持水準，伊 ê 作品大部份攏發表 tī《台文通訊》 。 宋澤萊講陳雷 e5 小說「實是台語文學的重要範本」 （宋澤萊，1998：49），而且 伊 mā bat án-ni 評價陳雷 ê 小說：「他的台語文字生動活潑，描寫力準確，音樂 性極好，親和力極高……實是當前台語文學界的最大支柱。」 （宋澤萊， 2000：
16）
三 三 三
三、 、 、 、散文 散文 散文 散文
台語散文 tī 這個階段，ham 台語小說仝款 tng teh 起步，作品 mQ是真濟，
mQ-kú 有一 kóa 習作性質 ê 散文刊 tī《台文通訊》，kap 一 kóa 批信刊 tī《台灣新 文化》、《台灣文藝》。專冊方面，ài 到 1994 年 chiah 有台語文摘出版一本選集
《楓樹葉仔 ê 心事》 。第一本個人 ê 台語散文集是仝 1994 年出版，張春凰 ê《青 春 e 路途》。
林央敏 tī 伊所編《台語散文一紀年》ê 序內底，認為台語散文「在 1990 年之前，絕大部份的寫作者，他們的寫作動機不是出於文學性的，所以作品 絕大部份不講究文學美質。他們都是本著台語文的提倡，為了台語文字化的 實現在寫作，因此很自然地，運動初期，散文的寫作者雖不比詩作者少，但
93 以上參考：（陳雷，1994）、（陳雷，1995）
