第四章 義愛公信仰 ê 祭祀活動
第二節 分廟 ê 義愛公祭祀
一、港墘厝三太子壇
港墘厝三太子壇（龍港村，如圖 4.2.1.1）ê 前身是佇慶福宮附近 ê 民家厝，
服侍三太子，一直有起駕辦事。佇 2000 年 ê 時，副瀨有一个查某人來求三太子 問代誌，結果是「義愛公」綴（tuè）來起駕，「義愛公」家己共三太子講愛徙位，
「義愛公」就講欲佇這个所在，廟內 ê 配置圖（如圖 4.2.1.2）。尾矣嘛去雕金身 轉來服侍，（如圖 4.2.1.3）。
48
圖 4.2.1. 1 龍港村港墘厝三太子壇（圖片來源：筆者攝影）
註生 娘娘
義愛公 中壇元帥
土地公
媽祖 中壇元帥
虎爺
圖 4.2.1. 2 港墘厝三太子壇配置圖（資料來源：筆者繪製）
49
圖 4.2.1. 3 三太子壇義愛公開基神像（圖片來源：筆者攝影）
二、朴子天旨堂
天旨堂是唯一單獨服侍（ho̍k-sāi）「義愛公」ê 神壇（如圖 4.2.2.1），除了「義 愛公」並無其他神尊，廟內 ê 配置（如圖 4.2.2.2），當初是主人李托生為著感念
「義愛公」治病救命 ê 恩情82，去副瀨富安宮求一尊「義愛公」ê 金身轉來，（如 圖 4.2.2.3），服侍（ho̍k-sāi）佇天旨堂萬代香煙。
82 參見本文第三章。
50
圖 4.2.2. 1 朴子天旨堂（圖片來源：筆者攝影）
堂主 祖先牌位
義愛公 義愛公
土地公圖 4.2.2. 2 朴子天旨堂配置圖（資料來源：筆者繪製）
圖 4.2.2. 3 朴子天旨堂義愛公開基神像（圖片來源：筆者攝影）
51
天旨堂因為單獨服侍（ho̍k-sāi）「義愛公」一尊神，整體空間 ê 風格有較濟 ê 日本風格，親像建造一座鳥居（如圖 4.2.2.4），另外，擱有掛一幅對聯，上聯是
「森木長青江山饒瑞氣（sim-tshuan-tiâng-tshing-kang-san-jiâu-suī-khì）」，下聯是
「川潭無浪市井罩祥雲（tshuan-thâm-bû-lōng-tshī-tsíng-tà-siông-hûn）」，以「義愛 公」神明 ê 日本姓「森」、「川」做藏頭詩，嘛充分反映出「義愛公」除了是保護 信徒 ê 神明以外，嘛是一个到今猶原予臺灣人懷念、傳誦 ê 歷史人物。
圖 4.2.2. 4 朴子天旨堂 ê 鳥居（圖片來源：筆者攝影）
三、嘉邑小副瀨富安宮
嘉邑小副瀨富安宮 ê 所在是台糖公司北港線佮朴子線五分仔火車 ê 嘉義總站，
叫小湖里，以中興路隔界，南爿是澎湖移民咧蹛，叫小澎湖，北爿是副瀨移民 ê 所在，叫小副瀨。佇日治時期大正 10 年(1921)，佇火車頭邊仔，需要真濟運搬 ê 工人，所以就有真濟人來這个所在賺食。因為沿海地區 ê 土地鹽分真懸，生活無
52
好過，有真濟沿海地區 ê 人徙來嘉義後驛一帶做苦力（ku-lí）賺食，東石副瀨是 其中之一，副瀨人來這个所在賺有食，徙來 ê 人愈來愈濟，慢慢演變作這馬火車 頭邊仔 ê 小副瀨83。小副瀨 ê 人生活安定落來了後，里民提議由林宋（林送）、黃 勝轉去副瀨富安宮恭請朱府王爺、三太子元帥 ê 金身，安壇佇黃勝 ê 厝內（豆油 間）予民眾參拜求平安，因為神威顯赫，1961 年由信徒募集資金佇博愛路買一塊 地，1963 年踏地基破土起廟，1966 年完成，因為對東石富安宮分靈來，所以共 廟名號作富安宮（如圖 4.2.3.1）84。
圖 4.2.3. 1 嘉邑小副瀨富安宮（圖片來源：筆者攝影）
除了共黃勝厝內所服侍 ê 朱府王爺請來入火安座，嘛有轉去副瀨富安宮求
「義愛公」分靈，根據筆者訪談，小副瀨富安宮李老先生講85，一開始副瀨人來 嘉義賺食 ê 時陣，就欲轉去求「義愛公」ê 分靈，毋過「義愛公」攏無答應，求 到第三擺 ê 時陣，朱王 ê 童乩朱送起駕，講愛拜託城隍爺去求「義愛公」，後來
83 顏尚文編，《嘉義市志（卷十）宗教禮俗志》（嘉義：嘉義市政府，2005）。
84 參考「嘉邑小湖里小副瀨富安宮沿革誌」，小副瀨富安宮廟中之碑文。
85 參見「附錄四：嘉邑富安宮田野訪談逐字稿」。
53
拜託城隍爺去求「義愛公」，真正就求有矣，轉去朴子請啟元師雕刻「義愛公」ê 金身，嘉邑小副瀨富安宮就按呢服侍「義愛公」ê 金身（如圖 4.2.3.2）。
(a)開基神像 (b)信徒寄囥 ê 義愛公神像 圖 4.2.3. 2 嘉邑富安宮義愛公神像（圖片來源：筆者攝影）
此外，對富安宮神明配置圖（如圖 4.2.3.3）會當看出來，小富瀨「富安宮」
主祀朱府千歲，同祀五府千歲、觀音佛祖、天上聖母，配祀玄天上帝、義愛公、
廣澤尊王、武財神、濟公、中壇元帥、盧府王爺等。以往嘉邑小副瀨富安宮每一 冬正月 18 日朱王聖誕 ê 前一禮拜，會轉去副瀨富安宮祖廟刈香。最近一擺轉去 刈香是 2019 年 2 月 17 日（舊曆正月 13 日）。
54
55
圖 4.2.4. 1 嘉邑富義宮（圖片來源：筆者攝影）
註生娘娘 主殿 土地公
(a) 嘉邑富義宮配置圖（資料來源：筆者繪製）
56
57
圖 4.2.4. 3 嘉邑富義堂（圖片來源：筆者攝影）
(a)開基神像 (b)開基神像
圖 4.2.4. 4 嘉邑富義宮義愛公神像（圖片來源：筆者攝影）
58
圖 4.2.4. 5 嘉邑富義宮光明燈 ê 義愛公神像（圖片來源：筆者攝影）
嘉邑小副瀨富義宮佇每年舊曆正月十八前一禮拜轉去副瀨富安宮刈香，2016 年，佇 5 月 8 日（舊曆 4 月初 2）、2017 年，佇 5 月 1 日（舊曆 4 月初 6）去副 瀨富安宮刈香。小副瀨富義宮是這馬猶有童乩其中 ê 一个宮廟，有三尊神明 ê 童 乩起駕，池王 ê 童乩葉友義、「義愛公」ê 童乩黃然，另外閣有張府千歲 ê 童乩起 駕，其中，「義愛公」ê 童乩起駕了後會點兵、安營、掖豆成兵（如圖 4.2.4.6(a)）， 起駕 ê 時陣用日語講話，由文生翻譯，「義愛公」ê 童乩會開符令（如圖 4.2.4.6(b)）、 共三太子 ê 童乩交代代誌（如圖 4.2.4.6(c)），「義愛公」ê 童乩嘛會操五寶展現神 威（如圖 4.2.4.6(d) ~(h)），「義愛公」ê 契囝攏會轉來祝壽，彼咧時陣會造橋過限，
由「義愛公」𤆬頭過橋，橋跤囥七星燈，逐家手捾補運錢綴佇「義愛公」ê 童乩 後壁過橋，正爿踅 12 lìng，左爿踅 12 lìng，完成了後進花仔錢（燒補運錢）求平 安（如圖 4.2.4.6(i)）。
59
(a)「義愛公」ê 童乩掖豆成兵
(b)「義愛公」ê 童乩開符令 (c)「義愛公」ê 童乩交代三太子代誌
60
(d)「義愛公」ê 童乩操五寶-七星劍 (e)「義愛公」ê 童乩操五寶-鯊魚劍
(f)「義愛公」ê 童乩操五寶-銅棍 (g)「義愛公」ê 童乩操五寶-月斧
61
(h)「義愛公」ê 童乩操五寶-刺球 (i)「義愛公」𤆬契囝過限進花仔錢 圖 4.2.4. 6 嘉邑小副瀨富義宮義愛公童乩起駕（圖片來源：筆者攝影）
五、嘉邑小副瀨富南宮
嘉邑富南宮主祀中壇元帥，1978 年三太子指示徙去原本菜堂（法華寺）ê 所 在，起鐵厝暫時使用，1992 年募款重建，1993 年舊曆 8 月 18 日入火安座，2005 年起二樓佮三樓，2006 年完成86，如圖 4.2.5.1。
86 小副瀨富南宮，〈嘉邑小湖里小副瀨富南宮沿革誌〉（嘉義：富南宮太子廟重建委員會，2005）。
62
圖 4.2.5. 1 嘉邑小副瀨富南宮（圖片來源：筆者攝影）
嘉邑富南宮所服侍三太子元帥是副瀨富安宮元老神尊，是定居佇這咧所在 ê 副瀨人林宋、黃勝轉去副瀨請來，原本 ê 三太子元帥金身服侍佇黃勝 ê 厝內，佇 1970 年 ê 時陣神威顯赫，以黃傳、劉朝容、李建國作乩身，田盛梁、吳春成、楊 木坤作筆生，佇田盛梁厝內安「富安宮中壇」濟世救人，三太子元帥當興 ê 時，
祖廟神明指示愛恭請祖廟 ê 天上聖母、五府千歲、義愛公 ê 金身（如圖 4.2.5.2）
來壇中予信眾朝拜87，宮廟內面配置如圖 4.2.5.3。嘉邑富南宮主祀中壇元帥，同 祀關聖帝君、天上聖母、觀音佛祖，配祀「義愛公」，佇 2017 年舊曆 3 月 18 日 轉去祖廟刈香。
87 小副瀨富南宮，〈嘉邑小湖里小副瀨富南宮沿革誌〉（嘉義：富南宮太子廟重建委員會，2005）。
63
圖 4.2.5. 2 嘉邑小副瀨富南宮義愛公神像（圖片來源：筆者攝影）
地藏王殿 五府王爺殿 義愛公殿
(a) 嘉邑富南宮二樓配置圖
義愛公 義愛公 義愛公
義愛公
(b) 嘉邑富南宮義愛公殿配置圖
圖 4.2.5. 3 嘉邑富南宮 ê 空間以及主殿神明 ê 配置圖（資料來源：筆者繪製）
六、嘉邑西安宮
嘉邑西安宮（如圖 4.2.6.1）原本叫作福宮安，主要佇日據時代，由先賢溫元、
黃昆，對副瀨來嘉義賺食，去蚶仔寮港口宮求媽祖婆 ê 香火保庇。一開始佇同治
64
2 年（1863 年）起廟佇這馬 ê 中山路興立五金行，戰後佇 1948 年以木造建材重 起，主祀鹿草 ê 安溪四城隍佮來自東石蚶子寮港口宮 ê 媽祖婆，廟名改做「西安 宮」88。
圖 4.2.6. 1 嘉邑西安宮（圖片來源：筆者攝影）
嘉邑西安宮主祀四城隍爺、天上聖母（三媽）、康府元帥、邢府二千歲、三 哥爺，廟內配置（如圖 4.2.6.2），「義愛公」是配祀神（如圖 4.2.6.3）。
88 顏尚文編，《嘉義市志（卷十）宗教禮俗志》（嘉義：嘉義市政府，2005）
65
66
圖 4.2.6. 3 嘉邑西安宮義愛公神像（圖片來源：筆者攝影）
七、彰化和美平安宮
彰化和美平安宮（如圖 4.2.7.1）主神服侍池府王爺，廟內置配（如圖 4.2.7.2）， 同時服侍三太子閣有「義愛公」（如圖 4.2.7.3）。
圖 4.2.7. 1 彰化和美平安宮（圖片來源：筆者攝影）
67
68
(a)平安宮開基義愛公神像
(b)平安宮副尊義愛公神像 (c)信徒寄囥 ê 義愛公神像 圖 4.2.7. 3 彰化和美平安宮義愛公神像（圖片來源：筆者攝影）
69
佇 1999 年就成立建廟管理委員會，廟地是劉火成捐獻 ê，平安宮新廟落成 安座了後，信徒聽講嘉義東石有一个庄頭，有服侍日本王爺，逐家真好奇就去到 東石副瀨 ê 富安宮，看著真正有一尊日本王爺「義愛公」，參拜了後欲轉去 ê 時 陣，佇遐 ê 香爐包 3 包香烌（hiunn-hu），轉去就共lām 落去平安宮 ê 香爐內底，
「義愛公」就按呢（tsua̋nn）去揣平安宮池府王爺 ê 乩身來起駕，起駕 ê 時陣紲 講日本話，拄好平安宮 ê 信徒黃清課會曉日本話，「義愛公」就按呢掠伊做桌頭。
筆者佇 2017 年 2 月 25 日去彰化和美訪問黃清課（如圖 4.2.7.4），伊講：
有一擺，本廟去南鯤鯓割香，還頭對副瀨富安宮去參拜「義愛公」，其中 一个信徒佇富安宮中爐包香烌，轉來囥入去平安宮 ê 中爐內面。結果，義 愛公借著本宮池王 ê 乩身劉景龍起駕，起駕起來講日本話，拄仔好我會曉 日本話，我就按呢(tsua̋nn)做義愛公 ê 筆生，替義愛公翻譯。89
黃清課講伊有参與「義愛公」所有 ê 過程，伊講「義愛公」叫 遐 ê 信徒去東勢 山頂揣一塊材轉來雕金身。 去揣幾偌擺攏揣無，到尾矣「義愛公」閣共 講所 在，照「義愛公」指示 ê 所在去揣真正有揣著。 嫌彼塊材 ê 外表有予蟲食過無 清氣，用刀共外表削一寡起來，削好用車載轉去，「義愛公」講這塊材已經無路 用矣，原本這塊材有伊欲愛 ê 寶，毋過去予恁削掉去矣。「義愛公」講既然無緣 分就毋免矣，到尾仔是去副瀨富安宮請「義愛公」ê 金身（如圖 4.2.7.5）90。
89 參見「附錄五：2017 彰化和美平安宮田野訪談逐字稿」。
90 參見「附錄五：2017 彰化和美平安宮田野訪談逐字稿」。。
70
圖 4.2.7. 4 黃清課接受訪問
（圖片來源：筆者攝影）
圖 4.2.7. 5 黃清課迎請義愛公
（圖片來源：翻拍平安宮照片）
八、新北市新莊北巡聖安宮
新北市新莊區新樹路 ê 北巡聖安宮（如圖 4.2.8.1），大約佇 1971 年，由副瀨 庄民蔡水音對嘉義東石副瀨富安宮分靈出來，原本是佇家己厝內咧拜，因為有真 濟 ê 靈驗，附近厝邊隔壁 ê 人知影攏會來拜拜，來參拜 ê 人愈來愈濟，主人蔡水 音決定共「義愛公」獻出來（如圖 4.2.8.2）。北巡聖安宮佇 1993 年落成，是新北 市唯一服侍日本王爺 ê 廟，北巡聖安宮主要服侍「義愛公」佮「天上聖母」，另
新北市新莊區新樹路 ê 北巡聖安宮（如圖 4.2.8.1），大約佇 1971 年，由副瀨 庄民蔡水音對嘉義東石副瀨富安宮分靈出來，原本是佇家己厝內咧拜，因為有真 濟 ê 靈驗，附近厝邊隔壁 ê 人知影攏會來拜拜，來參拜 ê 人愈來愈濟，主人蔡水 音決定共「義愛公」獻出來（如圖 4.2.8.2）。北巡聖安宮佇 1993 年落成，是新北 市唯一服侍日本王爺 ê 廟，北巡聖安宮主要服侍「義愛公」佮「天上聖母」，另