本文以「義愛公」信仰作研究主題，探討當代信眾 ê 神蹟經驗中所展現 ê 價 值佮意義，以及藉著「義愛公」信仰中重要 ê 祭祀活動所呈顯 ê 宗教文化特色，
以凸顯當代「義愛公」信仰 ê 實踐意義。
首先，對實際訪談所考察信徒所經驗過 ê「義愛公」神蹟來看，發現多數信 眾對著「義愛公」「消災解厄」神力 ê 感受上蓋普遍。一般來講，向望神明會當 替平凡眾生化解一切不如意 ê 代誌，本來就屬於宗教信仰上蓋基礎 ê 功能，「義 愛公」信徒對著這方面精神安慰 ê 宗教需求，佮臺灣傳統民間信仰中對著其他主 流神明，親像佛祖、觀音、媽祖、土地公等神明，佇信仰需求面頂並無啥物無仝 款（bô-kāng-khuán），由此可見，「義愛公」信仰綴（tuè）著社會 ê 發展佮變遷，
已經毋是限制佇特定功能抑是特定所在 ê 神祇，是成作佮主流民間神明無啥物無 仝款（bô-kāng-khuán）ê「臺灣」神明。除這以外，佮「消災解厄」仝款，但是有 閣較具體訴求 ê 神蹟體驗，就是「開藥治病」、「護佑生命」等神蹟，這个神蹟體 驗一方面延續了「義愛公」成神敘事中 ê 重要元素，抑就是託夢提醒副瀨村民並 成功「阻絕瘟疫」ê 神話所形塑 ê 文化記持（kì-tî），另外一方面佮臺灣民間信仰 對著「醫藥神」ê 依賴傳統發生匯流，一般信眾定定以「日本王爺」稱呼「義愛 公」就是上好 ê 證明。
此外，當代「義愛公」神蹟體驗中，嘛呈現出對著「土地正義」這種公共議 題 ê 社會關懷。佇臺灣社會中，宗教信仰團體對著國家重要政策 ê 介入雖然有例 可查，毋過親像「義愛公」信仰這種較無教義系統、無需要「入教」ê 民間信仰，
會當佮社會運動相互結合，佇臺灣實在會使講是真罕見，尤其是「義愛公」信仰 本身有伊特殊 ê 發展過程佮演變脈絡，大多數是佮醫治疾病、驅除瘟疫 ê 靈驗事 蹟有關，注重 ê 是「個人」ê 生命安全佮健康平安，較少下力佇「社會」ê 公平 正義，因此，「義愛公」信仰佮社會議題會當有所關聯，顯示當代 ê「義愛公」信 仰毋是干焦追求馬上有感應 ê「靈驗性」，嘛佮「特定功能性」ê 神蹟兌現有所無
83
仝，是希望佇長期 ê 社會抗爭中，以人佮神明之間神秘性體驗 ê 信仰力量，作為 捍衛正義價值 ê 後盾，凸顯了當代「義愛公」信仰 ê 開創性。
日治時期 ê 文化記持（kì-tî）佮臺灣原有 ê 民間信仰傳統，影響著「義愛公」
信仰 ê 發展佮變遷，對當代信仰 ê 神蹟體驗中會當知影，「義愛公」信仰漸漸在 地化 ê 過程中，對著伊神話傳統有所延伸、抑有所轉化，攏總顯示著「義愛公」
信仰 ê 當代活力。
閣有，對祭祀活動來觀察「義愛公」信仰 ê 當代實踐內面，「義愛公」ê 祭祀 活動佮媽祖 ê 祭祀活動上有相關，除了佇地緣上兩尊神明攏是興佇濱海地區 ê 信 仰以外，佇「義愛公」傳說中，「義愛公」ê 成神是由媽祖向玉皇上帝請旨而來，
這種正典化過程確保「義愛公」是「正神」毋是無正式勅封 ê「陰神」，使義愛公 信仰 ê 神聖性閣較鞏固，嘛有利佇具備日本血統 ê 神明會當佇臺灣予人祭祀 ê 合 理性，進一步作為化解國族歷史政治因素干擾 ê 後盾，這種媽祖請旨傳說 ê 神話 意義因為按呢有伊現實功能。以新莊北巡聖安宮起廟 ê 過程來看，1971 年起廟 ê 時實際上為著服侍「義愛公」，但同時以天上聖母作為主神來祭祀，這種作法是 為著避免政治因素干擾 ê 考量，以漢人傳統信仰 ê 神明「天上聖母」作為主祀神，
而且「義愛公」是「天上聖母」請旨受著「玉帝」勅封，這種祭祀活動才有符合 戒嚴時期政治正確 ê 宗教信仰，進一步予祭祀活動袂受政治過度干擾，回歸單純 宗教信仰範圍。
此外，其他親像童乩起童、問神辦事原本攏是臺灣民間宗教 ê 通俗信仰活動，
「義愛公」信仰活動中嘛發展出遮个通俗文化，攏總彰顯出「義愛公」信仰 ê「臺 灣」特色。「義愛公」信仰展現出十足在地化 ê 臺灣民間信仰特色，森川清治郎 ê 日本國族色彩、殖民地警察形象嘛順利保留佇信仰文化中，親像「義愛公」神 像 ê 穿插佮造型猶原保持警察制服 ê 外觀，這種臺日文化混 lām ê 特色，嘛展現 佇其他祭祀活動中，親像，佇筆者對著祭祀活動 ê 觀察佮紀錄中，朴子「天旨堂」
以「鳥居」予寺廟 ê 整體空間呈現鮮明 ê 日本風格，並且閣掛對聯，上聯是「森 木長青江山饒瑞氣（sim-tshuan-tiâng-tshing-kang-san-jiâu-suī-khì）」，下聯是「川潭
84
無浪市井罩祥雲（tshuan-thâm-bû-lōng-tshī-tsíng-tà-siông-hûn）」呈顯出臺灣傳統寺 廟佇門面設計上定定看著 ê 門聯布置，呈顯臺日文化並存 ê 特色，這嘛是當代
「義愛公」信仰 ê 特殊景象。
神蹟體驗佮祭祀活動是臺灣傳統民間信仰中，袂使欠缺 ê 宗教文化佮儀式，
對當代 ê「義愛公」信仰實踐中會當發現，「義愛公」信仰超越了國族、地域 ê 隔 閡，對嘉義副瀨地區這種有高度地方色彩 ê 信仰傳統，擴展到臺灣其他各所在，
並且，伊神格 ê 發展並毋是干焦限制佇特定神聖功能，是所有 ê 消災解厄、治病 驅疫、護佑生命、捍衛正義等神蹟，攏成作「義愛公」信仰 ê 宗教功能。「義愛 公」信仰會當有這種普遍性、廣泛性 ê 發展，森川清治郎 ê「義愛」形象是上關 鍵 ê，嘛是支持這个信仰上重要精神支柱，森川清治郎身為日本殖民統治者，佇 1902 年全臺灣武裝抗日活動當激烈進行 ê 期間，竟然為著臺灣民眾來犧牲生命，
無定著確實予人意外，甚至愛懷疑伊死因 ê 真實性，以及伊成神過程是毋是有統 治者意圖美化殖民統治 ê 動機，畢竟比較其他臺灣 ê 日本神明，親像飛虎將軍
（杉浦茂峰少尉）抑是廣枝音右衛門，兩个攏是佇二戰期間為著欲避免戰爭予臺 灣 ê 民眾受災殃，選擇犧牲家己，後者更加是對日本軍方「抗命」攑（gia̍h）槍 自盡，佮森川巡查有類似 ê 義舉，毋過飛虎將軍、廣枝音右衛門兩个攏是佇戰後 ê1970 年代左右才成神，受臺灣人服侍，以當時國民政府反日 ê 政治心態，這兩 位日本神明毋定著較無美化統治者、為政治服務 ê 可能。因此，對著森川巡查 ê 神化，需要反思 ê，是毋是成作對統治者、甚至殖民統治者 ê 變相崇拜，就親像 1980 年代，臺灣民眾嘛開始發展出對蔣介石 ê 神明信仰，「蔣公廟」、「蔣公王爺」
嘛攏是以感念蔣公「民胞物與，仁愛為懷」ê 德政，所發起 ê 建廟造神活動，以 宗教性 ê 膜拜取代政治性 ê 膜拜，更加有效淡化、美化統治者 ê 政治暴力。
無論如何，森川 ê 事蹟佮傳說經過近百年臺灣民間信仰 ê 形塑，佇民間信仰 ê 範圍內面，森川清治郎無疑已經成為一個穩定 ê 信仰符號，也就是苦民所苦，
深得百姓感佩，具有愛民之心 ê「義愛公」，伊撫慰人心、勸世教化 ê 宗教信仰價 值，正是當代「義愛公」信仰 ê 核心，抑就是「義愛公」信仰會得發展到今(tann)
85
猶原香火旺盛 ê 關鍵因素。
86
附錄一：森川清治郎相關年表
年分 事 蹟
1861 出生佇日本神奈川縣久良岐郡戶太町字戶部 266 番地（生家務農）
1892 8 月 10 日佮兠木千代結婚 1892 10 月 31 日錄取橫濱監獄看守 1893 4 月 30 日後生森川真一出世 1897 5 月 4 日任命台灣總督府巡查
1897 6 月 3 日配屬宮尾邦太郎麾下做巡查 1899 6 月打貓派出所上任
1899 12 月大埔林派出所上任 1900 4 月新港派出所上任 1900 8 月鰲鼓派出所上任
1901 接妻小來台灣（戶籍登記橫濱市西戶部町字石崎 236 番地）
1901 鰲鼓派出所遷徙到副瀨 1902 4 月 7 日自盡，享年 42 歲99
1905 兠木千代佇臺南過身，享年 36 歲
1923 舊曆 4 月初 8 得道，服侍佇副瀨富安宮，尊稱義愛公 1957 森川真一往生，享年 64 歲
1971 開始有分靈
1986 森川清治郎的兒媳婦森川愛往生，享年 83 歲
99明治吳鳳所描述 ê 死因是去予人穢（uè）著肺鼠疫病死亡。
87
88
柯樹木 過年前，六七十个日本人徛咧實(tsa̍t)實(tsa̍t)實(tsa̍t)。
筆 者 抑 宛若知影 有一个人佇遮，人咧共尊敬。
89
90
91
是岡勳捐 ê。
筆 者 你敢會當共「義愛公」ê 代誌小可講予我聽？
黃國哲 伊 ê 故事佇這本《義愛公傳》內面攏有。
筆 者 好，多謝，請問，「義愛公」這个神稱是按怎來 ê？
黃國哲 當時副瀨庄 ê 保正李九夢著森川清治郎穿軍服戴軍帽提著燈仔火，
徛佇 兜 ê 門跤口，共伊講隔壁庄這馬當咧流行腦脊髓膜炎，叫逐 家愛注意環境衛生，注意食物件 ê 衛生，按呢就會當平安無代誌，
李九精神了後共庄內 ê 人講，叫逐家愛注意，成實按呢規庄 ê 人攏 無人受害，庄民逐家攏足感念森川大人 ê 恩情，逐家經過討論了 後，決定雕刻金身共伊服侍佇富安宮廟內面，接受庄民朝拜享受萬 代香煙，庄民因為感念森川大人 ê 義佮愛，決定用「義愛公」這个 神稱，這嘛有共跋桮而且有經過「義愛公」同意。
92
93
94
95
96
97
98 (tsua̋nn)按呢，hannh 彼雨傘就遮咧按呢，抑走過去(kue̋i)抑阮老爸 kiau 伊相閃身，足直覺 ê hannh，查埔 ê 查埔囡仔會閣共越過看，無去矣。
筆 者 越過去(kue̋i)看就無看見(khua̋inn)矣？
李銘欽 hannh，這第一改，第二遍會有這支藥仔 ê 原因，就是伊去共人(ka̋ng) 做烏山頭水庫，毋知是內庫抑是外庫？抑講去共人(ka̋ng)動到龍脈，
阮老爸就這樣(tsua̋nn)去予土龍驚著，看著一尾蛇(liu)成大尾喔!橫佇路 裡，就這樣(tsua̋nn)楞(gông)去，抑尾矣就 tsinn 寒 tsinn 熱矣，了後就 這樣(tsua̋nn)走轉去寮仔，遐有請一个查--囡仔咧煮，山裡人咧煮飯，
哼!看『小李』就有來，欲共叫起來食飯，佇遐抑 phi̍h-phi̍h- tshuah，
這馬講按呢咧發燒，就這樣(tsua̋nn)去提彼菜瓜藤水予退火講袂退，這
honnh：「抑弟子你都去佇東南爿 honnh 去共人(ka̋ng)動到龍脈，抑你 去予大龍驚到」，人毋是講蛇(liu)啦，人講去予大龍驚到按呢 honnh，
99 細跤仔，抑紩(thīnn) 紩(thīnn)咧，三跤紩(thīnn)做一跤大跤 ê，抑予人 (hőng)貯蕃簽啦，貯番薯，貯米按呢 honnh，愛蹛彼排隊，像講你代 (tsua̋nn)袂赴，就這樣(tsua̋nn)提彼號 lâm-thn̄g ê，lâm-thn̄g ê honnh 面
100
∙∙∙∙∙∙∙kiau 我咧講話講講咧講樓頂彼仙來共看啦，honnh 阮樓頂義愛公 去共看啦，按呢，我就共講：「抑共你講啥？」「無呢。」抑目箍紅紅
101
102
103
104
105
李銘欽 抑欲轉去攏會知影呢，伊就共我講有歲∙∙∙∙∙∙∙抑無共我講話抑目箍紅 紅，抑按呢就好矣，講按呢就好矣。
筆 者 目箍紅紅就知矣。
李銘欽 抑咧共我講，我講好矣抑你就講欲轉來，我就講好，抑欲轉來就轉
李銘欽 抑咧共我講，我講好矣抑你就講欲轉來，我就講好，抑欲轉來就轉