神蹟佮祭祀活動──當代義愛公信仰之研究

全文

(1)國立臺灣師範大學臺灣語文學系碩士論文. 指導教授：陳龍廷. 博士. 神蹟佮祭祀活動 ──當代義愛公信仰之研究 Miracles and Worship: A Study on the Contemporary Religious Belief of Gī-À i-Kong.. 研究生：李榮堂. 撰. 中華民國一 ○ 八年六月.

(2) 摘要本文就共焦點集中佇「義愛公」信仰，以這一尊神佮伊 ê 分靈作研究 ê 主體，透過實際訪談「義愛公」信仰內底信徒 ê 神蹟經驗佮紀錄重要 ê 祭祀活動，藉此觀察當代臺灣民眾宗教信仰 ê 實踐方式，希望進一步瞭解佇人群佮信仰密切互動過程中，蘊藏啥物款深刻 ê 人生意涵。「義愛公」ê 成神過程，佇臺灣民間信仰 ê 脈絡下，充滿在地化 ê 特徵，藉此排除掉佇戰後因為日本外族 ê 元素，所可能引起 ê 政治干擾，如此，「日本人」才會當成作臺灣本地 ê 神，「義愛公」ê 祭祀佮信仰因此才會當攏無斷。隨著社會 ê 發展佮變遷，「義愛公」ê 信仰已經對地方色彩 ê 信仰傳統，擴展到到臺灣其他所在，由無仝所在訪談信徒所採集 ê 種種當代「神蹟」會當知影，「義愛公」信仰佇當代信徒 ê 心目中，其實就是佮佛祖、觀音、媽祖、土地公等神明無啥物無仝款 ê 臺灣神明，而且充分展現了臺灣民間信仰對著「醫藥神」ê 依賴傳統，信徒嘛定定以「日本王爺」稱呼「義愛公」，顯示「義愛公」信仰 ê 在地化實踐過程中，發展出佮王爺信仰真仝款 ê 特性。此外，上特殊 ê 是民間「義愛公」信仰佮社會運動 ê 結合，顯示當代 ê「義愛公」信仰毋是干焦追求馬上有感覺 ê 「靈驗性」，是希望佇長期 ê 社會抗爭中，以信仰力量作為捍衛正義價值 ê 後盾，凸顯了當代「義愛公」信仰 ê 開創性。「義愛公」ê 祭祀活動主要攏佮媽祖婆 ê 祭祀活動相結合，表示「義愛公」ê 信仰文化已經非常在地化，其他親像童乩起童、問神辦事原本就是臺灣民間宗教 ê 通俗信仰活動，佇「義愛公」信仰活動當中嘛發展出遮个通俗文化，展顯出「義愛公」信仰 ê「臺灣」特色。. 關鍵字：森川清治郎、義愛公、神蹟、祭祀活動. i.

(3) Abstract The research focuses on comtemperary practice of religious belief of Gī-À i-Kong in the methods of interviewing the belivers and observing the worship in order to find out the meanings of life and faith. With the change of time, the belief of Gī-À i-Kong spreads throughout the country from local Dongshi, and in the belivers’ opinions, Gī-À i-Kong is very the same as any other traditional local gods such as Mazu, Guanyin, Wang-Ye, regardless of his nationality. In addition, many miracles show Gī-À i-Kong’s ability to cure diseases, consistent with the tradition of Wan-Ye-Kong which has been a longstanding folk belief in Taiwan. Moreover, the most special miracle is the combination between the belief of Gī-À i-Kong and the social protest, indicating that the belief persuades justices instead of mere efficaciousness. As for the worship of Gī-À i-Kong, most activities of worship are connetecd with Mazu’s since the process of becoming god of Gī-À i-Kong relys highly on Mazu. With the connection to a very local and tradional goddess, the belief of Gī-À i-Kong can develop well without political interference and thus be localized and accepted all over the country.. Keywords: Morikawa Seijiro (1861-1902), Gī-À i-Kong, miracles, worship.. ii.

(4) 目次摘要................................................................................................................................. i Abstract ..........................................................................................................................ii 目次.............................................................................................................................. iii 表目錄............................................................................................................................ v 圖目錄........................................................................................................................... vi 第一章緒論.................................................................................................................. 1 第一節問題意識.................................................................................................. 1 第二節文獻回顧.................................................................................................. 5 第三節研究方法.................................................................................................. 8 一、歷史研究法............................................................................................ 8 二、觀察佮訪談............................................................................................ 9 第二章義愛公信仰 ê 起源 ........................................................................................ 12 第一節歷史人物：臺灣警察森川清治郎........................................................ 14 第二節森川清治郎 ê 仁義形像 ........................................................................ 16 一、親民愛民 ê「鬍鬚大人」 ................................................................... 16 二、志村秋翠《明治の吳鳳》中 ê 森川清治郎 ...................................... 19 第三節由森川清治郎到「義愛公」ê 神化過程 ............................................. 24 一、森川清治郎過身以後 ê 託夢傳說 ...................................................... 24 二、富安宮佮義愛公.................................................................................. 25 第四節小結........................................................................................................ 31 第三章義愛公信仰 ê 當代神蹟 ................................................................................ 33 第一節義愛公守護信徒 ê 身心健康 ................................................................ 34 一、消災解厄.............................................................................................. 34 二、開藥治病.............................................................................................. 36 三、護佑生命.............................................................................................. 38 第二節義愛公佮土地正義................................................................................ 39 第三節小結........................................................................................................ 40 第四章義愛公信仰 ê 祭祀活動 ................................................................................ 42 第一節祖廟「副瀨富安宮」ê 義愛公祭祀 ..................................................... 42 第二節分廟 ê 義愛公祭祀 ................................................................................ 47 一、港墘厝三太子壇.................................................................................. 47 二、朴子天旨堂.......................................................................................... 49 三、嘉邑小副瀨富安宮.............................................................................. 51 iii.

(5) 四、嘉邑小副瀨富義宮.............................................................................. 54 五、嘉邑小副瀨富南宮.............................................................................. 61 六、嘉邑西安宮.......................................................................................... 63 七、彰化和美平安宮.................................................................................. 66 八、新北市新莊北巡聖安宮...................................................................... 70 九、高雄凹仔底德安宮.............................................................................. 76 第三節小結........................................................................................................ 79 第五章結論................................................................................................................ 82 附錄一：森川清治郎相關年表.................................................................................. 86 附錄二：2016 副瀨富安宮田野訪談逐字稿............................................................. 87 附錄三：2017 朴子天旨堂田野訪談逐字稿............................................................. 92 附錄四：2017 嘉邑富安宮田野訪談逐字稿........................................................... 106 附錄五：2017 和美平安宮田野訪談逐字稿........................................................... 111 附錄六：2018 新莊北巡聖安宮田野訪談逐字稿(一) ............................................ 113 附錄七：2018 新莊北巡聖安宮田野訪談逐字稿(二) ............................................ 115 附錄八：2018 新莊北巡聖安宮田野訪談逐字稿(三) ............................................ 118 附錄九：2018 新莊北巡聖安宮田野訪談逐字稿(四) ............................................ 122 附錄十：2018 新莊北巡聖安宮田野訪談逐字稿(五) ............................................ 124 參考書目.................................................................................................................... 131. iv.

(6) 表目錄表 1. 1 訪談大綱.......................................................................................................... 10 表 2. 1 義愛公 ê 分靈 .................................................................................................. 29 表 2. 2 義愛公分靈 ê 比較 .......................................................................................... 30 表 4. 1 服侍義愛公 ê 宮廟佮義愛宮 ê 神明位階 ...................................................... 79. v.

(7) 圖目錄圖 1. 1 南無警察大菩薩（圖片來源：蔡明志《殖民地警察之眼》）...................... 4 圖 2. 1 森川清治郎 ê「美髥」（圖片來源：黃國哲提供） ..................................... 17 圖 2. 2 嘉義富南宮義愛公神像（圖片來源：筆者攝影）...................................... 17 圖 2. 3 嘉義富安宮義愛公神像（圖片來源：筆者攝影）...................................... 18 圖 2. 4《明治の吳鳳》插圖：森川探望蒼經君 ê 老爸破病 ................................... 23 圖 2. 5《明治の吳鳳》插圖：森春幫助受傷被困 ê 一个名叫黃溪 ê 囡仔 ........... 23 圖 2. 6 副瀨富安宮義愛公開基神像（圖片來源：筆者攝影）.............................. 26 圖 2. 7 副瀨富安宮義愛公，森川愛捐獻。（圖片來源：筆者攝影）.................. 27 圖 2. 8 副瀨富安宮義愛公，岡勳捐獻。（圖片來源：筆者攝影）...................... 27 圖 4.1. 1 第一代富安廟（較矮 ê 厝是副瀨派出所）（圖片來源：黃國哲提供） . 42 圖 4.1. 2 第二代富安廟（圖片來源：富安宮網站）............................................... 43 圖 4.1. 3 第三代富安宮（圖片來源：筆者攝影）................................................... 43 圖 4.1. 4 副瀨富安宮義愛公神像（圖片來源：筆者攝影）................................... 45 圖 4.1. 5 副瀨富安宮 ê 空間以及主殿神明 ê 配置圖（筆者繪製） ....................... 46 圖 4.1. 6 義愛公信仰 ê 廟會活動（圖片來源：筆者攝影） ................................... 47 圖 4.2.1. 1 龍港村港墘厝三太子壇（圖片來源：筆者攝影）................................ 48 圖 4.2.1. 2 港墘厝三太子壇配置圖（資料來源：筆者繪製）................................ 48 圖 4.2.1. 3 三太子壇義愛公開基神像（圖片來源：筆者攝影）............................ 49 圖 4.2.2. 1 朴子天旨堂（圖片來源：筆者攝影）.................................................... 50 圖 4.2.2. 2 朴子天旨堂配置圖（資料來源：筆者繪製）........................................ 50 圖 4.2.2. 3 朴子天旨堂義愛公開基神像（圖片來源：筆者攝影）........................ 50 圖 4.2.2. 4 朴子天旨堂 ê 鳥居（圖片來源：筆者攝影） ........................................ 51 圖 4.2.3. 1 嘉邑小副瀨富安宮（圖片來源：筆者攝影）........................................ 52 圖 4.2.3. 2 嘉邑富安宮義愛公神像（圖片來源：筆者攝影）................................ 53 圖 4.2.3. 3 嘉邑富安宮 ê 空間以及主殿神明 ê 配置圖（資料來源：筆者繪製） 54 圖 4.2.4. 1 嘉邑富義宮（圖片來源：筆者攝影）.................................................... 55 圖 4.2.4. 2 嘉邑富義宮 ê 空間以及主殿神明 ê 配置圖 ............................................ 56 圖 4.2.4. 3 嘉邑富義堂（圖片來源：筆者攝影）.................................................... 57 圖 4.2.4. 4 嘉邑富義宮義愛公神像（圖片來源：筆者攝影）................................ 57 圖 4.2.4. 5 嘉邑富義宮光明燈 ê 義愛公神像（圖片來源：筆者攝影） ................ 58 圖 4.2.4. 6 嘉邑小副瀨富義宮義愛公童乩起駕（圖片來源：筆者攝影）............ 61 圖 4.2.5. 1 嘉邑小副瀨富南宮（圖片來源：筆者攝影）........................................ 62 圖 4.2.5. 2 嘉邑小副瀨富南宮義愛公神像（圖片來源：筆者攝影）.................... 63 圖 4.2.5. 3 嘉邑富南宮 ê 空間以及主殿神明 ê 配置圖（資料來源：筆者繪製） 63 圖 4.2.6. 1 嘉邑西安宮（圖片來源：筆者攝影）.................................................... 64 vi.

(8) 圖 4.2.6. 2 嘉義西安宮前殿配置圖（資料來源：筆者繪製）................................ 65 圖 4.2.6. 3 嘉邑西安宮義愛公神像（圖片來源：筆者攝影）................................ 66 圖 4.2.7. 1 彰化和美平安宮（圖片來源：筆者攝影）............................................ 66 圖 4.2.7. 2 彰化和美平安宮ê空間以及主殿神明ê配置圖（筆者繪製） ................ 67 圖 4.2.7. 3 彰化和美平安宮義愛公神像（圖片來源：筆者攝影）........................ 68 圖 4.2.7. 4 黃清課接受訪問（圖片來源：筆者攝影）............................................ 70 圖 4.2.7. 5 黃清課迎請義愛公（圖片來源：翻拍平安宮照片）............................ 70 圖 4.2.8. 1 新莊北巡聖安宮（圖片來源：筆者攝影）............................................ 71 圖 4.2.8. 2 新莊北巡聖安宮開基義愛公神像（圖片來源：筆者攝影）................ 71 圖 4.2.8. 3 新莊北巡聖安宮配置圖（資料來源：筆者繪製）................................ 72 圖 4.2.8. 4 新莊北巡聖安宮義愛公辦事（圖片來源：筆者攝影）........................ 74 圖 4.2.8. 5 北巡聖安宮刈香（圖片來源：筆者攝影）............................................ 76 圖 4.2.9. 1 高雄凹仔底德安宮 ê 空間以及主殿神明 ê 配置圖 ................................ 77 圖 4.2.9. 2 高雄凹仔底德安宮（圖片來源：筆者攝影）........................................ 78 圖 4.2.9. 3 高雄凹仔底德安宮義愛公開基神像（圖片來源：筆者攝影）............ 78. vii.

(9) 第一章緒論第一節問題意識筆者自細漢蹛佇嘉義東石 ê 屯仔頭（tun-á-thâu）（永屯村），大約佇 1995 年左右，有一擺去副瀨（hù-luà），入去富安宮拜拜，廟公問講你敢有看到日本王爺？經過廟公紹介解說，小可仔（sió-khuá-á）知影日本王爺 ê 代誌。廟公共日本王爺 ê 故事講一遍，伊講「管區大人」對副瀨庄民足好，部落庄民為著感念伊，佇伊死了後共伊雕刻金身服侍（ho̍k-sāi）起來。廟公所講 ê「管區大人」，就是咧講日治時期對日本內地來 ê 警察「森川清治郎」（1861-1902），佇 1923 年因為託夢顯神蹟、保庇庄民避免疫病，予副瀨當地庄民神格化，尊稱伊「義愛公」，形成臺灣民間信仰 ê 一部分，祭祀香火到今無減。所謂臺灣民間信仰抑是臺灣傳統信仰，一般是咧講有系統 ê 宗教，民間信仰並無創立宗教 ê 教主、無固定 ê 儀式，嘛無教義經典，通常是自然發生佇民間，經過久長時間 ê 傳承所流傳落來1。臺灣傳統 ê 民間信仰是自從清朝時期開始，對中國閩粵（bín-ua̍t）地區來 ê 移民，冒著黑水溝 ê 風險來臺灣開墾，為著祈求渡海過程會當平安順利，就共故鄉廟寺 ê 香火紮（tsah）來，向望（ǹg-bāng）神明保庇，等生活平安穩定了後，為著欲感謝神明，開始募集資金起小祠，對遮慢慢擴大廟寺 ê 規模2，因為按呢臺灣 ê 民間信仰通常是團體整合以後 ê 象徵，一般廟寺 ê 空間攏是一个庄頭部落日常生活 ê 中心，所服侍（ho̍k-sāi）ê 神明嘛攏展現特定團體、族群 ê 文化歷史背景，上明顯 ê 例就是漳州人祭拜開漳聖王、同安人祭拜保生大帝等3，民間信仰除了作心靈 ê 寄託之外，嘛有揮發社會整合 ê 功. 1. 董芳苑，〈台灣民間信仰之認識〉，《認識台灣民間信仰》（台北：長青文化，1986），頁 193-194。. 2. 劉枝萬，〈台灣的民間信仰〉，《台灣風物》39 卷 1 期，1989，頁 93-97。. 彭明輝，《舉頭三尺有神明──中和地區的寺廟與聚落發展》（台北縣：北縣文化出版，1995），頁 129-130。 3. 1.

(10) 能。西元 1895 年《馬關條約》簽署以後，臺灣開始進入五十年 ê 日本統治時期。日本統治臺灣初期，大部分廟寺是去予日本軍隊佔用而且大量破壞廟內面 ê 神像佮設備，軍隊無所顧慮引起臺灣民眾極度 ê 反感，進一步對日本統治者 ê 施政形成阻礙4。一直到全島政治較上軌道，總督府認為只要莫危害公共秩序佮善良 ê 風俗，對著臺灣傳統 ê 宗教信仰攏是採取安撫、放任 ê 態度，大體上保持臺灣 ê 風俗習慣佮廟寺信仰5。日本學者矢內原忠雄（1893-1961）ê 看法呼應了臺灣總督府初期對著臺灣舊慣信仰 ê 放任態度6。一直到大正時期，發生真濟佮廟寺有關 ê 武裝抗日事件，親像西來庵事件（1915）等，日本殖民政府開始下手對臺灣 ê 宗教做調查，對著廟寺 ê 建置嘛開始沓沓（ta̍uh-ta̍uh）限制7。日本殖民政府對著臺灣宗教 ê 控制，對初期 ê「舊慣溫存」放任態度，漸漸施加管控 ê 力量，一直到 1937 年中日發生軍事衝突，戰事擴大，為欲避免臺灣人支持中國，開始推行皇民化運動，對著宗教嘛採取強硬手段，授權地方政府開始整頓廟寺8。對臺灣漢人 ê 信仰脈絡來看，日治時期森川清治郎 ê「日本」身分，按怎會當融入並成作臺灣民間信仰內面 ê 神，而且經過皇民化運動時期，日本統治者整頓臺灣廟寺，推行以日本 ê 國家神道教，取代臺灣傳統 ê 民間宗教信仰，後來又閣歷經戰後國民黨政府「去日本化」、「再中國化」ê 文化重建，將近一个世紀以後，「義愛公」猶原受當代信徒所服侍（ho̍k-sāi），這種信仰現象確實值得持續探究。對一般信徒時常共「義愛公」稱作「日本王爺」來看，除了展現臺灣民間信仰 ê 多元包容性以外，嘛顯示這種信仰結合日本元素佮臺灣元素 ê 特殊性，「義. 4 5 6. 劉枝萬，〈台灣民間信仰之調查與研究〉，《台灣風物》44 卷 1 期，1994，頁 14。陳秀蓉，〈日據時期台灣民間信仰的發展〉，《歷史教育》3 期，1998 年 6 月，頁 146。「日本佔領台灣的結果，雖在政治、資本及教育上，壓倒並驅逐了台灣原來的勢力及外國勢力；. 惟有關於宗教，日本人的活動不甚振奮；對於台灣人原來的寺廟信仰及外國基督教宣教師的傳道幾乎完全不能染指。在佔領台灣後，日本的神佛教及基督教雖與之俱來，但僅與住在台灣的日本人發生關係，即其活動並不影響台灣人及先住民。」矢內原忠雄著，周憲文譯，《日本帝國主義下之台灣》（台北：帕米爾書店，1985），頁 154。 7 8. 劉枝萬，〈台灣民間信仰之調查與研究〉，《台灣風物》44 卷 1 期，1994，頁 15。轉引自蔡相煇，《臺灣的媽祖信仰》（台北：秀威資訊，2018），頁 184。 2.

(11) 愛公」信仰 ê 臺日文化混 lām 特質，成作「義愛公」信仰相關研究 ê 重要意義。此外，除了「日本」ê 國族身分以外，森川清治郎 ê「警察」職業身分嘛是「義愛公」信仰中袂使無重視 ê 宗教敘事元素之一。對一般臺灣民眾來講，連州知事都攏看袂著，閣較莫講是總督。干焦直接佮民眾接觸 ê 巡查才是臺灣人目睭內 ê 總督佮「土皇帝」，佇彼个時陣巡查才是總督 ê 化身9。日治時期所建立 ê 殖民地警察制度閣較是成作臺灣總督府「直接統治」主要 ê 工具，警察 ê 使命佮運用，實際上超過「警察目的」ê 界限，警察成作政治 ê 代言人，經濟 ê 推捒（sak）者，文化 ê 傳播者，嘛會使講警察是殖民政府 ê 代理人。佇臺灣上大 ê 接觸空間佮社會空間面頂佈置非常嚴密 ê 監視網絡，佮予人殖民 ê 臺灣人有真大 ê 接觸面，就親像日本歷史學家竹越與三郎（18651950）所講「人民耳目所見的官吏唯有警察而已」10。毋但按呢，地方警察有包山包海 ê 任務，因為按呢，日治時期 ê 臺灣人就共地方警察叫做「萬能警察」（如圖 1.1）11。日本學者持地六三郎（1867-1923）認為：. 9. 蔡明志，《殖民地警察之眼：臺灣日冶時期的地方警察、社會控制與空間改正》（新北：花木蘭. 文化出版社，2014），頁 1。轉引自呂惠足，〈殖民地的規訓與教化──日治時期台灣小說中的警民關係〉，《台灣文學研究學報》10 期，2010 年 4 月，頁 129。 10. 11. 1926 年，在臺北州警察衛生展覽會中，展出了一幅「南無警察大菩薩」的海報，海報中的警. 察化身千手觀音菩薩的形象，用以宣導日本警察的功能。參見葉衽榤，〈從臺灣日治時期的漢詩再探日治警察、保正與保甲之形象〉，《文史台灣學報》2 期，2010 年 12 月，頁 224。這幅畫給人的第一印象，乍看之下警察的角色似乎是救苦救難的觀世音，但一手拿刀一手拿佛珠，絕不是大慈大悲的菩薩心腸，而千手象徵著殖民地警察的萬能、無事不管，具有衛生取締，思想取締，原住民授產，逮捕犯人等多功能。 3.

(12) 圖 1. 1 南無警察大菩薩（圖片來源：蔡明志《殖民地警察之眼》）12. 臺灣的警察制度，不論體或用，都與日本的警察制度不同，這實為臺灣警察之一特色。如果不瞭解這種警察制度的特色，就不能理解臺灣殖民政策的性質。臺灣的警察，實為臺灣殖民政策的重心所在。臺灣的警察，除其本身固有的事務以外，而幾乎輔助執行其它所有的行政；過去有所謂「警察國家」的理想，這一理想在臺灣已經成為事實。臺灣殖民政策的成功，一部分不得不歸功於這一警察制度。13. 對森川清治郎過身了後二十外冬所展現 ê 神蹟來看，這位日本警察以託夢 ê 方. 這是臺北州警察衛生展覽會所佇 1926 年（大正 15 年）所展出 ê 海報，圖內面結合警察形象佮千手觀音菩薩 ê 特徵，親像正手攑（gia̍h）刀左手提佛珠，代表著棍子佮菜頭雙管齊下，千手嘛 12. 象徵警察 ê 職務範圍廣闊，無事不管，包括衛生取締，思想取締，原住民授產，逮捕犯人，救助等。臺北州警務部，《臺北州警察衛生展覽會寫真帖》（臺北：臺北州警務部，1926）。 13 轉引自李理，《日據臺灣時期警察制度研究》（新北：花木蘭文化出版社，2014），頁 2。 4.

(13) 式，予副瀨部落庄民免去一場流行疾病 ê 危機，警察雖然過身去矣，毋過警察 ê 精神猶原佮公共衛生 ê 相關防範保持連結，可見持地六三郎認為殖民地警察「本身固有的事務以外，而幾乎輔助執行其它所有的行政」ê 講法非常正確，對心理潛意識 ê 角度來解釋，這場託夢無定著反映日治時期臺灣民眾對著警察萬能形象 ê 集體記持。若對臺灣民間信仰 ê 脈絡來看，森川清治郎成功阻止疫病湠開，呼應臺灣民間信仰傳統對著醫藥神 ê 依賴。早期對中國閩粵（bín-ua̍t）地區渡海來臺灣 ê 移民，平安到臺灣以後，猶閣有臺灣嚴苛 ê 自然佮氣候環境挑戰需要面對，對著遮个瘴癘之氣、水土袂合 ê 威脅，因為按呢養成臺灣民間信仰對醫藥神 ê 依賴14。綜合頭前所描述，「義」字體現森川清治郎身為警察 ê 正義形象，「愛」字卻是體現伊守護庄民生命 ê 慈愛形象，「義愛公」信仰對二十世紀 ê 二〇年代發展到今，佇臺灣民間信仰 ê 實踐內底，「義愛」ê 當代形象有啥物延伸抑是轉化，是本文想欲詳細探究 ê 主要核心問題。因此，本文就共焦點集中佇「義愛公」信仰，以這一尊神佮伊 ê 分靈作研究 ê 主體，透過實際訪談「義愛公」信仰內底信徒 ê 神蹟經驗佮紀錄重要 ê 祭祀活動，藉此觀察當代臺灣民眾按怎實踐信仰？按怎佮「義愛公」信仰產生連結？「義愛公」所展現 ê 神性按怎佮時代做伙進步？「義愛公」信仰按怎隨著社會變遷，對東石副瀨 ê 地方庄神發展到其他地域？進一步瞭解佇人群佮信仰密切互動過程中，蘊藏啥物款深刻 ê 人生意涵。. 第二節文獻回顧以往「義愛公」ê 相關研究抑傳記，多數是以歷史考察為研究取徑，探討森川清治郎 ê 生平事蹟，抑是共「義愛公」囥（khǹg）佇「人鬼信仰」ê 民俗學架構內底，討論伊神化過程 ê 文化社會意義，親像，頭一篇針對「義愛公」研究 ê. 14. 陳秀蓉，〈日據時期台灣民間信仰的發展〉，《歷史教育》3 期，1998 年 6 月，頁 145。 5.

(14) 松本征義〈義愛公信仰的成立與分靈〉15，藉著臺灣、日本兩地 ê 田野調查佮訪問，蒐集森川清治郎 ê 相關資料，對森川清治郎其他家屬 ê 戶籍資料考據出森川清治郎 ê 出生地可能毋是橫濱，是山梨縣16，替「義愛公」研究奠定了基礎知識背景；尾原仁美〈台灣民間信仰裡對日本人神明的祭祀及其意義〉17卻是佇這个基礎面頂，以宗教社會學 ê 觀點，進一步展開全臺灣有關日本人神明 ê 考察。尾原仁美並且以年表 ê 方式整理自 1923 年「義愛公」猶未予人服侍（ho̍k-sāi）進前上早刊登 ê 新聞，到 2002 年由富安宮所發行 ê《義愛公傳記》，對尾原仁美所列出 ê 歷年相關文獻來看18，《臺灣警察時報》以及森川愛口述 ê《義愛公記稿》，是「義愛公」研究上捷（siōng-tsia̍p）予人引用 ê 兩項文獻資料，像王振榮《義愛公傳：超越時空生息的森川清治郎》就是以森川愛口述以及相關史料書寫而成，清楚記錄森川清治郎 ê 生平事蹟、過身以後 ê 託夢傳說佮神化過程，這部分 ê 歷史文獻嘛提供本文第二章描述森川清治郎歷史形象 ê 重要參考，以凸顯森川清治郎 ê 人性佮「義愛公」ê 神性，並且會當用來佮當代「義愛公」信仰中 ê 神明形象互相參照。此外，尾原仁美進一步梳理「義愛公」分廟 ê 歷史沿革佮宮廟文化，羅列出祭典、進香等各種宗教儀式進行 ê 過程佮舉辦 ê 時間19，替「義愛公」信仰 ê 祭祀特色畫出清楚 ê 模式。尾原仁美 ê 研究方法側重文獻分析，本文期望藉著對「義愛公」信仰活動近距離 ê 實地查訪，觀察當代「義愛公」信仰 ê 實踐方式佮神明形象，進一步呈顯「義愛公」信仰 ê 延伸佮轉化。除了頂面兩篇碩士論文以外，其他期刊論文中 ê 相關研究，重要 ê 猶閣有黃國哲〈日本巡查，台灣神明──「義愛公」的田野調查〉20，黃國哲是副瀨在地人，. 15. 松本征義，〈義愛公信仰的成立與分靈〉（東京：櫻美林大學大學院國際學研究科碩士論文，. 2003）。有關松本征義 ê 研究成果，轉引自尾原仁美，〈台灣民間信仰裡對日本人神明的祭祀及其意義〉（台北：國立政治大學民族研究所碩士論文，2007）。 16. 同上註，頁 27-33。. 尾原仁美，〈台灣民間信仰裡對日本人神明的祭祀及其意義〉（台北：國立政治大學民族研究所碩士論文，2007）。 17. 18. 同上註，頁 41-42。. 19. 同上註，頁 41-90。黃國哲，〈日本巡查，台灣神明──「義愛公」的田野調查〉，《民俗與文化》4 期，2007 年，頁 6. 20.

(15) 嘛是筆者進行訪談 ê 對象之一，黃國哲對「義愛公」信仰非常了解，因此對「義愛公」基本資料 ê 調查佮考究相對深入閣完整，親像「義愛公」顯靈 ê 日期，黃國哲考據 ê 結果是舊曆 4 月初 7（相當新曆 5 月 22 日），佮《台灣警察時報》210 號所記載 ê 2 月 7 日（相當新曆 3 月 23 日）完全無仝款。此外，黃國哲嘛指出「義愛公」分靈 ê 起源時間佮初期狀況，講著「義愛公開始取乩救世之初期，一概謝絕分靈，最多只派令旗而已，大約在民國六十（1971）年才在信徒苦苦叩求下才答應分靈」21，提供更加豐富 ê 歷史資料。劉惠璇〈「光，穿透黑暗；愛，超越死亡」日治初期森川清治郎巡查東石成神記（1900-1902）〉22，劉惠璇共森川清治郎 ê 生平事蹟佮「義愛公」ê 信仰文化囥（khǹg）佇嘉義縣東石鄉地方發展史 ê 脈絡中呈現，指出「義愛公」信仰以副瀨為中心，向外擴散到嘉義後火車頭「小副瀨」、彰化、臺北、高雄等所在 ê 分靈，藉這凸顯「義愛公」信仰所凝聚 ê 東石地方感23。閣有，江志宏、郭盈良〈嘉義市小副瀨「義愛公」信仰的社會意義〉24關注「副瀨人共同體」意識 ê 形成，探討對副瀨村遷徙到嘉義市 ê 移民社會文化意義，指出「義愛公」信仰隨著嘉義市鐵路貨物運輸業 ê 起勢，佇 1970 年代左右漸漸傳播到這馬 ê 小副瀨聚落，並且陸續建立三座服侍（ho̍k-sāi）「義愛公」ê 廟宇，形成分立閣合一 ê 信仰體系25，這个研究注重佇原鄉信仰佮地方認同交互作用 ê 特殊現象。頂面兩篇期刊論文內面所講著 ê「地方」概念，嘛促發本文思考「義愛公」信仰中地方感 ê 邊界，因此本文 ê 田野研究除了嘉義佮彰化地區以外，嘛選擇佇新北市新莊區 ê「北巡聖安宮」作為田野調查 ê 場所，一來是欲佮前行研究攏是. 192-202。 21 同上註，頁 198。 22. 劉惠璇，〈「光，穿透黑暗；愛，超越死亡」日治初期森川清治郎巡查東石成神記（1900-1902）〉，. 《警專論壇》14 期，2015 年 3 月，頁 117-143。 23 同上註，頁 141。 24. 江志宏、郭盈良，〈嘉義市小副瀨「義愛公」信仰的社會意義〉，《嘉義研究》創刊號，2010 年. 3 月，頁 241-279。 25 同上註，頁 277。 7.

(16) 以嘉義地區 ê「義愛公」宮廟作為考察對象有所差別，對著佇大臺北地區「義愛公」信仰 ê 田野觀察有較不足，二來是藉著探討歷久不衰 ê「義愛公」信仰，按怎由嘉義 ê 地方信仰文化進一步普及化成作無分地域 ê 一般庶民信仰文化。. 第三節研究方法本論文所採取 ê 方法，主要藉由觀察、訪談 ê 方式，針對「義愛公」信仰中 ê 神蹟經驗佮祭祀活動進行分析佮探討，神蹟經驗注重信徒 ê 個案探討，祭祀活動是以代表性 ê 祭典佮重要儀式做為主要觀察對象，以呈現「義愛公」信仰豐富 ê 當代樣貌；此外，並參酌相關 ê「義愛公」傳記佮前行研究，共歷史研究 ê 資料互相參照，以探討「義愛公」形象有啥物延續佮轉化，進一步彰顯「義愛公」信仰 ê 當代文化社會意義。因此，本論文研究方法是以歷史批評法以及觀察、訪談法，以下說明。. 一、歷史研究法歷史研究法（historical research）是指「有系統地蒐集和評鑑有關過去發生事件，其目的在敘述事件的原因、結果或影響，這對解釋當前事件和預測未來有所幫助」26。意思是，歷史研究法就是研究過去所發生 ê 事件抑是活動 ê 一種方法，透過以科學態度收集來 ê 歷史資料，包括過去 ê 事件抑是相關活動，共遮个(tsia - ê）錯綜複雜 ê 史料、文獻經過整理，再閣以嚴謹 ê 方式去分析事件 ê 前因後果，釐清伊流變過程，並且對史料作客觀描述佮解釋。依照這个方法，本論文將佇第二章中爬梳「義愛公」信仰 ê 起源，除了掌握森川清治郎 ê 基本生平資料以外，閣探討森川清治郎作為殖民地警察仁義形象是. 26. 周新富，《教育研究法》（臺北：五南圖書出版股份有限公司，2016 年），頁 258。 8.

(17) 按怎形成，進一步釐清「義愛公」信仰 ê 形成背景以及發展過程，藉遮个深化探討「義愛公」信仰佇歷史佮社會面頂 ê 意義。. 二、觀察佮訪談「觀察」佮「訪談」原本是文化人類學者進行民族誌研究 ê 時陣會使彈性採用 ê 研究程序。「觀察」是「對日常行為的直接、第一手觀察，包括參與觀察（participant observation ）」，「訪談」是「各種正式程度不同的相處共話（conversation），從有助於維持互信關係的閒話家常，到提供現場正在發生什麼事情的知識，到長時間的訪談（interview）」27。根據這，本研究欲透過筆者 ê 實地現場觀察，「借著一定的儀器或採用眼、耳、口、鼻、膚、體等官感測知周圍事物的方法」28，對「義愛公」宮廟進行空間 ê 觀察佮探索，比如觀察「義愛公」神像 ê 外觀、服飾有啥物特色等。佇進行參與式觀察活動 ê 同時，筆者嘛把握機會佮當地 ê 人進行「非正式訪談」，透過簡單 ê 交談佮提問，建立研究者佮參拜信徒 ê 互信關係，在正式方談開始前先寒暄緩和氣氛，以利消解研究者佮研究對象之間 ê 疏離感抑是「文化震撼」（culture shock）。訪談 ê 目的佇發掘真實，因此除了要建立互信關係之外，筆者嘛盡量以無仝款（bô-kāng-khuán）ê 方法追問受訪者，不斷追溯真正原因，以利受訪者會當完整回憶、詳述細節。同時，會當佇問答當中，取得筆者所需要 ê 佮意料之外 ê 資訊，增進筆者對「義愛公」信仰佮文化歷史 ê 知識，也會當作為調整抑是深化研究發問 ê 參考資料。佇參與觀察佮非正式訪談 ê 過程中，筆者效法文化人類學者 ê 研究方式，攏是以田野筆記 ê 方式記錄、呈現。閣有，佇進行參與觀察、非正式訪談 ê 過程中，主題式訪談嘛揣（tshuē）機會進行。主題式訪談 ê 訪談大 27. Kottak, Conrad Phillip，徐雨村譯，《文化人類學：領會文化多樣性》（臺北：麥格羅希爾出版，. 2018 年），頁 57。廣義的觀察研究法，參見管倖生等編著，《設計研究方法》（臺北：全華圖書出版，2012 年），頁 135。 9 28.

(18) 綱（如表 1.1）：. 表 1. 1 訪談大綱主題. 訪談議題. 按怎接觸著 1.. 敢會使講你是按怎接觸著「義愛公」？是聽人介紹？抑是. 「義愛公」信. 綴（tuè）厝裡 ê 人信仰？. 仰. 2.. 「義愛公」信仰起源來自副瀨，你佮副瀨抑嘉義有啥物淵源？. 3.. 你大概偌久（luā-kú）會來參拜一擺？通常會祈求「義愛公」保庇佗一方面 ê 代誌？（比如：事業、健康、姻緣、求子、官司、考試…這類 ê，祭拜月老主要是求姻緣，祭拜文昌帝君主要是求考試。祭拜「義愛公」，敢有祈求啥物特殊 ê 事項。）. 對日本神明 4.. 參拜「義愛公」ê 時，你敢有注意這尊神明 ê「日本」特. 「義愛公」 ê. 色？（比喻：神像 ê 外貌）. 看法. 5.. 你敢知影這尊日本神明「義愛公」佮日治時期警察大人「森川清治郎」ê 相關事蹟？對啥物所在知影？有啥物看法？. 6.. 佮參拜其他「臺灣」神明做比較，你佇咧拜這尊「日本」神明 ê 時，心境抑是儀式敢有啥物特殊 ê 所在？（拜關聖帝君，會想到關公是「中國」歷史人物。基督教佮天主教，會注意著耶穌、瑪麗亞是來自「歐美」地區。毋過參拜釋迦佛祖時，通常袂想起釋迦佛祖是印度王子 ê 身分。拜「義愛公」ê 時，信徒敢會注意著神明 ê「日本」身分、「警察」身分？警察是「現代」社會才有 ê 職業，佇傳統信仰 ê 領域中，以警察作為祭拜對象，其實真創新，會使佇訪談過. 10.

(19) 程中，了解信徒按怎看待「義愛公」ê 日本身分（外國性）、統治身分（殖民性）、警察身分（現代性）。）對「義愛公」信 7.. 參拜「義愛公」按怎替人改善煩惱佮困境？敢有聽過抑是. 仰 ê 經歷. 親身體驗過「義愛公」應驗 ê 神蹟？（瞭解除了仗義佮關愛以外，「義愛公」信仰佇當代信徒 ê 心目中，猶閣有啥物款特別 ê 形象？敢有驅邪除煞、收驚招魂等傳統臺灣神明 ê 功能。）. 參加本研究訪談 ê 受訪者攏總有 15 人，其中，取得內容較深入 ê 有 6 人，採訪重點摘錄如下：詹榮金（男，77 歲），蹛（tuà）佇新莊北巡聖安宮附近 ê 在地人，厝裡從事紙箱製造業，民國六十幾年 ê 時，厝裡遭受一場大火，厝去予大火燒了了，好佳在家己所服侍 ê 觀音佛祖、關帝君、土地公三尊神明攏總無傷著，就共這三尊神像暫時寄佇附近服侍「義愛公」ê 蔡水音厝內（1993 年落成 ê 新莊北巡聖安宮前身），佇這个時陣，就佮「義愛公」信仰結下宗教因緣；詹榮金平常時定定到聖安宮廟裡參拜，嘛時常參加「義愛公」ê 進香活動，對著「義愛公」佮森川清治郎 ê 歷史事蹟，是來自聖安宮所刊印 ê《義愛公傳》。許景喨（男，61 歲），現此時蹛（tuà）佇新北市樹林區，故鄉佇嘉義東石型厝寮（副瀨村附近），二十外歲 ê 時蹛（tuà）佇新店，發生車禍撞斷跤骨，經由親情 ê 介紹去到新莊服侍「義愛公」ê 蔡水音厝內「改運」，對著「義愛公」佮森川清治郎 ê 歷史事蹟，嘛是來自聖安宮所刊印 ê《義愛公傳》。林〇〇（女，68 歲）佮蕭海清（男，72 歲）是翁仔某，. 對「義愛公」ê 信. 仰長達三十外年，一開始是因為囡仔三、四歲 ê 時「著驚」，看醫生了後情況並無改善，就𤆬來給「義愛公」「收驚」，下願無條件欲「隨香三年」ê 心願，囡仔就無閣再哭無閣鬧，對這个時陣開始兩个翁仔某就成作誠心 ê 信徒，參與三十外. 11.

(20) 年 ê 進香活動，這馬，. ê 後生嘛攏真熱心參與「義愛公」ê 祭祀活動。. 劉〇〇（女，62 歲），蹛（tuà）佇新莊北巡聖安宮附近，佇二十幾冬前，因為看到宮廟內面有「問代誌」（起駕辦事）ê 宗教活動，好奇心予伊時常來到宮廟。後來，「義愛公」兩擺預告伊愛注意徛家佮工場，結果兩擺攏發現著賊偷，因為按呢對「義愛公」ê 神蹟非常虔信，成作虔誠 ê 信徒。蔡美齡（女，52 歲），出世佇嘉義副瀨，細漢規家遷徙到台北縣三重埔，後來閣徙去新莊。八、九歲 ê 時，時常綴（tuè）序大人來新莊蔡水音徛家拜訪開講，蔡水音厝內服侍「義愛公」就是 1993 年落成 ê 新莊北巡聖安宮 ê 前身，因為按呢了解「義愛公」ê 相關祭祀活動佮事蹟。蔡美齡所經歷 ê「義愛公」神蹟袂少，囡仔時期印象上深 ê 就是，小學二年 ê 時，「義愛公」透過童乩指示，愛伊 ê 老爸做「義愛公」ê「翻譯」，伊 ê 老爸從來就無啥物特定、深厚 ê 宗教信仰，無願意插手「神明事」，因此向起駕 ê 童乩應嘴嗆聲：「祢若有才調共坭你彼轎戴佇我 ê 頭殼頂，在你摔、在你掔（khian）、在你拖，我明仔載起來頭殼若無烏青、若無紅，我就攑（gia̍h）香共你拜。」蔡美齡隔轉工去觀察然一點仔傷嘛無，予伊感覺不可思議，自按呢，. 老爸頭殼 ê 傷痕，竟. 老爸成作「義愛公」ê 乩身。. 此外，蔡美齡 ê 後生佇 1999 年去紐西蘭讀冊 ê 時陣發生車禍，事後，. 後生轉. 來厝裡以後回憶起車禍 ê 時有一个人共伊牽起來，彼个人 ê 衫面頂 ê 配件竟然佮厝裡 ê「義愛公」神像仝款（kāng-khuán），嘛予蔡美齡對「義愛公」ê 神蹟深信不疑。這幾年，蔡美齡所經歷「義愛公」ê 神蹟，卻是佮土地正義息息相關，伊佇桃園航空城重劃區內面 ê 厝面臨徵收必須拆除，佇伊佮内政部營建署抗爭 ê 過程中，「義愛公」會指示伊按怎動員、按怎抗爭，予伊順利維護家己 ê 土地家園，成作伊向政府、財團、既得利益者爭取土地正義 ê 精神後盾。. 第二章義愛公信仰 ê 起源 12.

(21) 文獻中有關森川巡查 ê 記載上早佇 1923 年 5 月 17 日 ê《台南新報》，這份報導內面有講著森川巡查為何受到副瀨當地居民愛戴、森川巡查受上司曲解憤而就死、以及死後成為神明 ê 過程29，紲（suà）落去是 1923 年 5 月 18 日 ê《台灣日日新報》，嘛有相關報導30。而當代有關「義愛公」信仰 ê 研究當中，最主要而且上濟人引用 ê 文獻是《臺灣警察時報》中所刊載，有關森川巡查予人服侍（ho̍ksāi）作為神明 ê 兩擺專題報導，這兩擺分別是佇 1932 年〈神に祀られた警察官（一）、（二）〉31，佮 1933 年〈神に祀られた故森川巡查〉32，尤其是 1933 年，以連紲五期 ê 報導提供十分豐富 ê 事蹟，除了深入介紹森川巡查種種 ê 仁義善行以外，嘛實地探訪受惠佇森川以及見證森川殺身成仁過程 ê 民眾，更加訪問森川巡查 ê 孤囝森川真一，因此，遮个（tsia -- ê）報導比較有較懸 ê 可信度，嘛成作日後有關「義愛公」傳記寫作參考 ê 文獻，就親像王振榮 ê《義愛公傳：超越時空生息的森川清治郎》（以下簡稱作《義愛公傳》）佇「附記」內底就有寫：「此傳記是據森川清治郎獨子真一之妻愛女士，於 1973 年思念父親時的口述，及副瀨村落所傳，並參閱日本領台時發行的《臺灣警察時報》而寫」33。 1933 年《臺灣警察時報》ê 報導敘述佮森川清治郎成神事件 ê 時間相差欲十年，佮 1923 年《台南新報》、《台灣日日新報》等報導所展現 ê 媒體對著「新」聞 ê 關注佮興趣，比較之下，《臺灣警察時報》連續五期而且篇幅袂少 ê 專題報導，所展現 ê 動機，可能並毋是單純 ê 獵奇心態，佇《臺灣警察時報》ê 報導敘述中，提到森川巡查是按怎清廉、熱心、救助貧病、仁民愛物等情形，並且透過實地探訪捌受森川巡查恩惠佮經歷伊殺身成仁 ê 民眾，追加報導內容，因此，《臺. 29. ［日］〈今は昔上官に曲解され憤死した故森川巡查が部落の民に慕はれて木像を作つて廟堂. に合祀〉，《臺南新報》，1923 年 5 月 17 日。 30 ［日］〈死後神と祀らるゝ森川巡査至誠の余薫〉，《台灣日日新報》，1923 年 5 月 18 日。 31. ［日］佐佐木周次郎，〈神に祀られた警察官（一）、（二）〉，《臺灣警察時報》第 47、48 號，. 1932 年 3 月、4 月。 32 ［日］臺南州警務部所，〈神に祀られた故森川巡查〉，《臺灣警察時報》第 206 至 210 號，1933 年 1 月至 5 月。王振榮，《義愛公傳：超越時空生息的森川清治郎》三友圖書有限公司，富安宮管理委員會， 2007 年 5 月 24 日，頁 8。 13 33.

(22) 灣警察時報》官方立場是毋是有意為 1930 年代 ê 殖民地警察形象進行美化，無定著值得斟酌（tsim-tsiok）思考，畢竟日本殖民政府佮警察佇統治制度中是無法度分割 ê，佇臺灣推行 ê 是「典型的警察政治」，警察 ê 形象通常就是日本殖民政府 ê 形象，這個思考影響所及是，王振榮根據《臺灣警察時報》所撰寫 ê《義愛公傳》，是毋是也受著影響，佇內容面頂掩崁（am-khàm）殖民者美化殖民統治 ê 意圖，這是佇探討人神信仰 ê 形成過程中，所必須愛注意 ê，以免宗教信仰佮歷史真相發生混 lām。本章就是根據相關 ê 報導材料、傳記佮故事冊，探討森川清治郎做為殖民地警察，伊仁義形象按怎形成，追溯「義愛公」信仰源頭 ê 同時，思考森川清治郎神化為「義愛公」ê 時代意義。. 第一節歷史人物：臺灣警察森川清治郎. 森川清治郎 1861 年出世佇日本神奈川縣久良岐郡（橫濱），厝內是務農為業 34. 。根據王振榮《義愛公傳》ê 描寫，森川外觀 ê 形象無偌懸，差不多 155 公分. 爾，體材小可（sió-khuá）肥肥，有鬍鬚（hôo-tshiu）35；有食煙、有啉酒 ê 慣習，個性忠厚老實，對神明真尊敬，無論是佇日本抑是台灣，若有經過神社、廟寺，攏會參拜神明36。佇大部分 ê 文獻中，攏會呈現出森川這个歷史人物這種平凡、真實一面 ê 個性。關係森川 ê 職業生涯，佇 1892 年，森川佮兠木千代結婚，第二年伊 ê 後生 34. 久良岐郡是日本神奈川縣轄下 ê 一郡，1936 年廢郡改制後，相當於今日 ê 橫濱。一般來講，. 文獻資料大多以橫濱為森川出世 ê 所在，王振榮，《義愛公傳：超越時空生息的森川清治郎》三友圖書有限公司，富安宮管理委員會，2007 年 5 月 24 日，頁 8。另外，松本征義根據森川伊 ê 姊姊 ê 戶籍，認為森川真有可能出世佇山梨縣，參見尾原仁美，〈台灣民間信仰裡對日本人神明的祭祀及其意義〉（台北：國立政治大學民族學系碩士班碩士論文，2007），頁 42。 35 36. 王振榮，《義愛公傳：超越時空生息的森川清治郎》（新北：富安宮管理委員會，2007），頁 1。同上註。 14.

(23) 真一出世，彼當時伊佇橫濱刑務所（監獄）做管理員37。1894 年甲午戰爭爆發，清國戰輸，依照馬關條約共臺灣割予日本，1895 年日本接管臺灣，以「警察政治」來施行對臺灣 ê 統治。1897 年，森川 36 歲 ê 時就家己一个人來臺灣矣，第一份頭路就是 5 月 4 日擔任臺灣總督府巡查，是日本時代上低級 ê 官，仝彼年 6 月 3 日配屬佇臺南州長官宮尾邦太郎下面做巡查，伊 ê 勤務地點曾經有幾擺變換，1899 年 6 月佇打貓（這馬 ê 民雄）上任、1899 年 12 月佇大埔林（這馬 ê 大林）上任、1900 年 4 月佇新港派出所上任，彼个時陣屬打貓支廳所管轄，一直到 1900 年 8 月，才佇鰲鼓派出所（這馬 ê 東石）上任38。 1901 年，森川接伊 ê 某囝來臺灣，做伙蹛佇鰲鼓派出所內面39。鰲鼓派出所是一棟三个房間平階 ê 厝，中間是辦公室，有辦公桌仔、冊櫥仔，兩爿邊仔是房間，其中一間就是. 規家伙仔欲睏 ê 所在，無偌久就因為編制調整，共鰲鼓派出. 所徙去副瀨，當時副瀨並無派出所，所以暫時用富安宮舊廟邊仔彼間竹管仔厝40。日治時代 ê 警察，毋但是公共秩序 ê 維護者、法律 ê 執行者，抑欲負責推動基層地方 ê 行政事務，抑就是矢內原忠雄所講 ê「典型 ê 警察政治」41；日本統治臺灣初期，各所在 ê 土匪真濟，尤其是偏避所在 ê 民眾，生活過著袂得通安寧，而且環境衛生非常䆀，定定發生瘧疾（ma-la-li-a）、霍亂（khoo-le-la）這款傳染病。佇東石這个所在做巡查，對森川清治郎來講嘛是非常 ê 辛苦，伊毋但愛適應這个所在 ê 環境，嘛愛了解遮 ê 民情、風俗、習慣、生活方式等，才有辦法應付各種基層人民 ê 行政事務。關係森川清治郎 ê 年表，可以參見附錄一。. 37 38. 同上註。整理自劉惠璇，〈「光，穿透黑暗；愛，超越死亡」日治初期森川清治郎巡查東石成神記（1900-. 1902）〉，《警專論壇》14 期，2015 年 3 月，頁 118。同上註。經劉惠璇偕同副瀨社區發展協會總幹事柯克昌、鰲鼓村長李銘春、耆老黃書賢、龍港村慶福宮廟委蔡垂山等人協助查詢，查證住址為今之「鰲鼓村第五鄰鰲鼓 43-1 號」。 39. 40. 同上註。富安宮舊廟址為「東石庄副瀨 36 番地」，今「東石鄉副瀨村 57 號」。. 矢內原忠雄著，林明德譯，《日本帝國主義下之台灣》（台北：吳三連台灣史料基金會，2004），頁 204-206。 15 41.

(24) 第二節森川清治郎 ê 仁義形像一、親民愛民 ê「鬍鬚大人」佇《義愛公傳》內底是按呢描述：. 身長約五尺一、二寸，體格微胖，留著至胸前的美髥。稍嗜煙、酒，但個性嚴謹，品行端正，忌諱巧言令色之徒，潔身自愛，尊敬神佛虔誠至極，在日本國內時神社佛閣不用說，來臺灣任職期間，經過寺廟門前時，必脫帽禮拜而祈禱國泰民安。42. 森川面上 ê 嘴鬚是伊外貌上重要 ê 記號（如圖 2.1），佇新莊北巡聖安宮所出版 ê 《義愛公傳》內面，嘛有提起森川「下顎蓄長髥至胸前」43，仝款有描寫森川面部鮮明 ê 記號「鬍鬚（hôo-tshiu）」，因此，除了佇森川在生進前，庄民們會親切稱呼伊「鬍鬚大人」以外44，佇森川神化予人尊稱作「義愛公」以後，伊 ê 神像造型，嘛忠實反映出這个予人印象深刻 ê「美髥」特色，分別是嘉義富南宮（如圖 2.2）佮嘉義富安宮（如圖 2.3）所服侍 ê「義愛公」神像。. 42. 王振榮，《義愛公傳：超越時空生息的森川清治郎》三友圖書有限公司，富安宮管理委員會，. 2007 年 5 月 24 日，頁 1。 43 森川愛口述，平井新著，王力生譯，《義愛公傳》（台北縣：新莊北巡聖安宮管理委員會，1999），頁 3。［日］臺南州警務部所，〈神に祀られた故森川巡查〉，《臺灣警察時報》第 207 號，1933 年 2 月，頁 64。 16 44.

(25) 圖 2. 1 森川清治郎 ê「美髥」（圖片來源：黃國哲提供）. 圖 2. 2 嘉義富南宮義愛公神像（圖片來源：筆者攝影）. 17.

(26) 圖 2. 3 嘉義富安宮義愛公神像（圖片來源：筆者攝影）. 森川親民愛民 ê 形象，佮伊佇 1900 年奉派到鰲鼓、副瀨一帶 ê 時，對當地民眾佮環境 ê 付出有相當關係。日本統治臺灣初期，各所在匪賊非常濟，治安無好，民心十分驚慌不安，當時 ê 副瀨一帶會使講是一个散（sàn）庄，情況更加惡劣，除了土壤鹽分懸（kuân）對生產不利以外，環境衛生條件嘛非常䆀（bái），瘧疾（ma-la-li-a）、霍亂（khoo-le-la）、鼠疫等傳染病時常發生45，對著欲按怎解決這款 ê 社會情況，森川就對教育、改善環境衛生、提升農耕技能三个方面下手。代先，佇富安宮廟內設立學堂，自費聘請老師開設讀冊課程，教材是來自日本內地小學 ê 教科書，森川趁公務以外 ê 時間，嘛會親身教導五十音、單字、日常用語等日本語，透過按呢 ê 教育活動，一來是教導庄民捌字並且傳授基礎 ê 衛. 參見葉榮鐘《日據下台灣大事年表》（台中：晨星，2000 年），頁 74，1904 年（明治 30 年） 9 月 30 日，臺灣鼠疫患者達 4,445 人、死亡 3,514 人。直到 1915 年的統計資料顯示，當時全台 45. 灣人口數為 3,319,300 人，因瘧疾死亡者達 13,350 人，參見王崇禮〈日本殖民統治下的台灣醫學〉，「台大醫學人文博物館網站」，網址 http://mmh.mc.ntu.edu.tw/document5_3_1.html，瀏覽日期： 2018 年 10 月 19 日。 18.

(27) 生觀念，二來嘛是考量予已經達到學齡 ê 後生森川真一會使接受教育。佇這以外，森川為著鼓勵庄民認真學習，嘛會家己開錢準備筆、墨、紙等獎品作為獎勵，森川真一日後捌回憶這段過往，講著當時無法度理解老爸為啥物對殖民地人民遐爾好，定定感覺不平 ê 心境，可見森川親民愛民 ê 形象，逐家攏看佇目睭內46。閣有，對著環境衛生 ê 改善，森川就透過指導庄民佇徛家（khiā-ke）四周圍挖排水溝，用來疏通垃圾水，以避免病菌生湠（senn-thuànn）。若是農耕技術 ê 提升，倚（uá）佇海邊 ê 副瀨，土壤鹽分懸（kuân），森川就每个月至少召集一擺庄民，親身講解按怎落肥按怎改良土質，而且親身攑鋤頭實際操作，示範予庄民看 47. 。森川佮庄民做伙、親力親為，定定予. 某笑伊「像孩子一樣」，展現十足 ê 赤. 子之心，佮日本殖民統治者高高在上 ê 宰制、壓迫 ê 形象無仝款（kāng-khuán），嘛佮日治時期警察 ê「嚴厲」形象形成對比48。. 二、志村秋翠《明治の吳鳳》49中 ê 森川清治郎 1937 年日本兒童文學家志村秋翠以森川清治郎為主要人物，創作《明治の吳鳳》。這本冊是由臺南州知事今川淵號名，並且由臺南州警務部長佐佐木金太郎、衛生課長野田兵三、教育課長曾根原弘作序，冊內面描繪森川巡查愛民如子、為人民解決各種危難 ê 事蹟，並且作為小學生閱讀 ê 材料50。作為兒童讀物 ê《明治の吳鳳》，主要 ê 目的是欲建立兒童 ê 優良道德品格，因為按呢，佮森川 ê 報導抑傳記無仝款，《明治の吳鳳》特別描述森川 ê 幼年時. 整理自王振榮《義愛公傳：超越時空生息的森川清治郎》、《臺灣警察時報》第 47、48、206~210 號。 46. 47. 同上註。. 可與賴和〈一桿「稱子」〉中的警察形象對照，賴和筆下描述的警察欺凌臺灣百姓，作威作福，最終受欺壓的人民忍無可忍，起身反抗。 48. 49. ［日］志村秋翠，《明治の吳鳳》（臺南：みどり社，1934 年）。. 參見福岡根據《明治の吳鳳》翻譯之〈明治的吳鳳 ── 富安宮最早的義愛公沿革〉， http://hgj0949.pixnet.net/blog/post/37939007，瀏覽日期：2018 年 10 月 19 日。 19 50.

(28) 期，特別予囡仔時代 ê 森川一个乖巧善良 ê 形象，冊內面寫著：「自小時就很乖巧，和朋友的相處都很好。朋友罹病沒來上學的時候，一定到他家去探病」51。這應該是以森川巡查後來 ê 生平事蹟作為想像 ê 根據，所杜撰出來 ê 幼年形象。佇頭前 ê《臺灣警察時報》系列報導中，嘛捌提到森川巡查對著生活散赤困苦無錢通醫病 ê 人，經常共. 援助，致使家己 ê 月給無夠通用，森川一家人嘛干焦會. 當過著簡樸 ê 生活等事蹟52。森川巡查對散赤困苦 ê 人慷慨救助，佮《明治の吳鳳》內底幼年森川 ê「探病」行為，兩个關愛弱勢 ê 形象，互相呼應。故事紲落去就是以「大人！蒼經君的爸爸患了很厲害的病，蒼經君在那裡哭泣」53開展。「破病」連結著囡仔時代 ê 森川佮森川「大人」，可見森川巡佐「視病如親」ê 仁心，予人十分深刻 ê 印象。經過森川巡佐 ê 一番安排佮協助了後，蒼經君 ê 老爸病情得到改善，漸漸康復，書房 ê 莊隆老師特別感謝森川巡佐對著庄民 ê 種種奉獻：. 這麼熱的天氣辛苦了，自從先生來了之後，村子裡真正幸福起來。村人都受著先生的指教，大家都認真地勞動起來。貧困的人都受到金錢或物品的幫助，受惠不淺，而且做為種種的商量對象，解決了很多問題，所有的村人都很感謝先生。54. 森川毋但是佇物質上共庄民幫助，對著種種需要參詳 ê 問題，森川嘛願意成作庄民會使諮詢 ê 對象，因此，森川會使講是予庄民會用得「幸福起來」ê 人民保母、心靈導師。《明治の吳鳳》紲落描述森川巡查救助去海坪（hái-phiânn）抾（khioh）蚵仔受傷被困 ê 一个名叫黃溪 ê 囡仔，延續著森川仁心助人 ê 形象，這以外，作為巡查 ê 正義形象，就表現佇替蔡稠區長洗清冤屈 ê 故事內面，「在副瀨部落當 51. 福岡譯文。. 52. 《臺灣警察時報》第 47、48、206~210 號。. 53. 福岡譯文。福岡譯文。. 54. 20.

(29) 區長的蔡稠被疑為幫匪份子而被捕」，森川巡查認為伊所熟識 ê 蔡稠「人格修養高雅」，猜測這个傳聞 ê 真實性，因此特別替蔡稠調查證據、奔走請命：. 森川巡查也來此，為蔡稠先生舉出無罪的證據，並流淚請願。由此蔡稠先生的嫌疑漸漸明白，得以洗清他的冤枉。森川巡查如此熱誠情深，在平常時也是公私分明，觀念正確熱愛部落民的。對作惡分子頗為嚴格的態度告戒，諄諄誨教使流氓都改邪歸正，回頭新生者眾多。55. 這段故事強調做警察 ê 森川清治郎，伊 ê 正義感以及勿枉勿縱 ê 公正態度，使得森川 ê 仁愛精神袂過頭溺愛（sīng）產生包庇縱容，顛倒是突顯森川佇仁愛 ê 基礎面頂，堅守一定 ê 正義價值。最後，《明治の吳鳳》以森川照顧被隔離 ê 肺鼠疫病患，致使家己嘛去予人穢（uè）著，描述著森川 ê 死亡：. 為此森川巡查也患上了肺鼠疫。大雨的晚上盡了職責，功與神同的森川巡查，仍然發了高燒，終於三天後的晚上，可憐地以三十三歲為期，留下只有四歲而可愛的真一君與世永別。一時月亮也流下淚水，黑雲也密佈星光隱藏雲裡分擔悲哀。副瀨部落人民也一時死別親人一樣哀傷辦理了極為盛大的葬禮。56. 這个所在讚頌森川巡查一生 ê 仁心義行，「功與神同」確實令人欽佩，毋過對著副瀨人民來講，共森川巡查講是神、英雄抑是偉人，其實閣較像是「親人」彼一般，因此森川 ê 死對. 來講，特別切身、深感悲痛。. 《明治の吳鳳》這本冊 ê 冊名，今川淵欲共森川清治郎佮清朝通事吳鳳做一个對照，兩个人佇日本統治者 ê 眼中攏展現出殺身成仁、捨身取義 ê 高風亮節。 55 56. 福岡譯文。福岡譯文。 21.

(30) 毋過《明治の吳鳳》是以穢（uè）著肺鼠病交代森川巡查 ê 死，這種描述佮一般老前輩 ê 講法天差到地，根據王作榮 ê《義愛公傳》所述：. 上午九時左右，副瀨派出所部內港墘厝西南慶福宮（富安宮南方一公里），突如有一發槍聲響徹四方。突然間聽到一發槍聲的廟祝王棍感驚愕且抱著不安心情跑去看，而發現平常敬慕如父親的森川清治郎著制服制帽，用攜帶的村田槍射穿咽喉，仰著仆在舖於廟南邊的内扉上。57. 作者好親像有隱瞞真相、美化殖民統治 ê 企圖。排除這个推想 ê 政治動機，《明治の吳鳳》其實是一本用意佇形塑兒童優良品格（包括道德、日本天皇子民）ê 讀物，對冊內面 ê 插圖就會當看出來，（如圖 2.4、圖 2.5），攏是傳達森川巡查救助村民 ê 善行，而且圖內面森川 ê 身軀邊，攏有囡仔 ê 角色，囡仔毋是予人救助 ê 對象，就是佇救助過程 ê 見證者，可見，這本冊 ê 目的是要共善良佮囡仔連結起來，予囡仔共助人 ê 善念內化。因此，自殺 ê 情節若親像是無適合囡仔，對囡仔來講過頭偏激，因為按呢共森川 ê 死亡美化無定著情有可原，毋過袂使毋知 ê 是，「森川大人」ê 死是反映統治者對殖民地百姓催逼苛捐雜稅 ê 無理，以及森川挾（gia̍p）佇人民處境佮頂司命令之間 ê 掙扎佮痛苦。. 57. 王振榮，《義愛公傳：超越時空生息的森川清治郎》（新北：富安宮管理委員會，2007），頁 6。 22.

(31) 圖 2. 4 《明治の吳鳳》插圖：森川探望蒼經君 ê 老爸破病. 圖 2. 5 《明治の吳鳳》插圖：森川幫助受傷被困 ê 一个名叫黃溪 ê 囡仔. 23.

(32) 第三節由森川清治郎到「義愛公」ê 神化過程. 森川清治郎佇 1902 年以死諫 ê 方式殉職，就算講副瀨庄民對森川清治郎這位日本警察閣較按怎感恩戴德，森川清治郎 ê 神化過程並毋是佇伊過身了後隨時展開，是佇等到二十外冬以後，副瀨村隔壁 ê 港墘厝所發生 ê 一場流行傳染病危機中，森川以託夢 ê 形式重新轉來副瀨庄民 ê 記持（kì-tî），才有神化 ê 契機，以下探討森川清治郎 ê 神化過程佮現象，並梳理嘉義副瀨富安宮內面「義愛公」 ê 神聖活動。. 一、森川清治郎過身以後 ê 託夢傳說關係森川清治郎 ê 死因，地方老前輩 ê 講法佮志村秋翠佇《明治の吳鳳》ê 描述有所無仝。頭前 ê 表示森川清治郎是以死諫 ê 方式表達對課稅制度 ê 抗議，後面 ê 卻是講著森川因為照顧隔離 ê 肺鼠疫病患，予人穢（uè）著死亡。予人意外 ê 是，森川清治郎 ê 事蹟並無因為伊 ê 死亡來結束，森川佇 1902 年過身，佇二十外冬後 ê 一場流行傳染病事件中，森川清治郎以託夢 ê 形式，重新倒轉來副瀨部落庄民 ê 記持（kì-tî）中。佇 1923 年 2 月 5 日，港墘厝一名干焦十一歲 ê 查某囡仔罹患流行性腦脊隨膜炎，連日傳出病死 ê 人，為著避免疫情擴大，實施消毒、隔離，部落之間 ê 交通嘛被迫切斷，一時間人心惶惶。2 月 7 日半暝，當時副瀨 ê 保正李九，就夢見身穿警官制服制帽，手提著警用燈仔火 ê 森川清治郎，活跳跳徛佇門口，並且以嚴正 ê 口氣對李九講：「鄰接的港墘厝現發生惡疫，如果全村注意環境衛生，且各家庭也留意飲食衛生，應可預防而平安無事。」李九精神以後，馬上共森川清治郎託夢所交代 ê 代誌，傳達予全庄，事後副瀨庄果然無遭受傳染病之害58。. 58. 整理自王振榮《義愛公傳：超越時空生息的森川清治郎》、《臺灣警察時報》第 47、48、206~210 24.

(33) 森川清治郎這擺以託夢 ê 形式重現人間，除了加添這位愛民如子 ê 日本警察 ê 傳奇色彩，同時嘛展現了殖民地警察對著環境衛生觀念推廣所扮演 ê重要角色，對頭前內文會當知影，森川巡查急欲改善副瀨所推行 ê 方案內面，其中對著環境衛生條件 ê 提升就是重點項目之一，毋但（m̄-nā）愛透過實施教育來普及衛生觀念，閣較進一步實際挖排水溝，來解決垃圾水排泄 ê 問題。因此，李九 ê 夢境，除了是用來解釋森川清治郎對著人民念念不忘來顯靈庇佑以外，對事後 ê 角度來看，其實嘛是反射殖民地人民對著「衛生警察」ê 連結概念，抑就是作為警察 ê 形像，森川 ê 託夢既撫慰著庄民驚慌 ê 心靈，同時嘛喚起庄民 ê 衛生意識。. 二、富安宮佮義愛公佇 1923 年庄民為著感念伊 ê 大恩大德，決定服侍森川清治郎，聘請朴子街（中正路「西園美術店」）雕刻師周啟元（啟元師），替森川雕刻神像59。這尊神像懸一尺八寸、穿警察制服、制帽、手扞（huānn）武士刀 ê 座像（如圖 2.6），現此時富安宮內面除了啟元師雕刻 ê 本尊以外，另外有猶閣兩尊副像，分別是森川愛女士佮岡勳所捐獻60（如圖 2.7、圖 2.8）。值得咱注意 ê 是啟元師所刻 ê 神像本尊無看著「鬍鬚」，根據筆者 ê 田野調查61，啟元師佇完成雕刻神像 ê 時陣，神像嘛是有「鬍鬚」，毋過因為年久月深，咱這馬所看著 ê「義愛公」神像嘴鬚. 號。毋閣周啟元毋捌看過森川，連刻四擺材攏必開，森川就佇彼工暗時現身去夢中予「啟元師」看，一直到金身完成為止。參見尾原仁美，《台灣民間信仰裡對日本人神明的祭祀及其意義》（台北： 59. 國立政治大學民族學系碩士班碩士論文 2007），頁 45。佇猶未「開光點眼」進前，掠一个袂曉講日語 ê「李賊」作童乩，彼咧童乩李賊當頭白日就起童矣，直接走入去東石郡役所 ê 警務課，講伊是森川清治郎附身，用真滑溜 ê 日語罵遐 ê 巡查，講施政有欠點愛改進。參見李岳勳，《魍港媽祖──被遺忘的歷史與靈性之象徵》（嘉義縣：蚊港太聖宮管理委員會，1986），頁 181。森川清治郎自殺後，其妻森川千代、子森川真一，託由鹽水港支廳的警察廣瀨秀臣照顧。岡勳為廣瀨秀臣外孫，森川愛為森川真一之妻。1970 年代，岡勳打算從日本訪臺時，森川愛交代他 60. 說：「以前東石副瀨支廟有奉祀父親，但是日本已戰敗，所以去看看到底現在還在否？」參見王振榮，《義愛公傳：超越時空生息的森川清治郎》（新北：富安宮管理委員會，2007），頁 9。 61 參見「附錄二：2016 副瀨富安宮田野訪談逐字稿」。 25.

(34) 已經落甲欲了去矣，森川 ê 日本後代所捐獻 ê 兩尊副像，因為神像雕刻完成 ê 時代較晏，外觀看著 ê 嘴鬚就較完整，毋過若斟酌（tsim-tsiok）看，圖 2.7 神像外觀「鬍鬚」明顯有較疏，仝款（kāng-khuán）嘛是因為時間 ê 因素落嘴鬚 ê 現象，比較就會當看出來，圖 2.8 保持較密 ê「鬍鬚（hôo-tshiu）」。筆者訪問副瀨富安宮 ê 時陣有特別問過柯樹木佮黃國哲，是按怎無欲共嘴鬚補起來？. 表示佇「義. 愛公」起駕 ê 時陣有特別共伊請示，「義愛公」指示講毋免62，因為按呢形成目前所看著神像之間有較疏較密無仝款 ê 嘴鬚外型。 1935 年，台南州知事介川，對著義愛公 ê 事蹟極為讚揚，極力表彰，後壁接任 ê 知事，更加命令村中執事負責富安宮 ê 管理職責，並且派專人處理宮廟事務 63. ，使義愛公 ê 廟務規模佮信仰香火更加擴大。. 圖 2. 6 副瀨富安宮義愛公開基神像（圖片來源：筆者攝影）. 62 63. 參見「附錄二：2016 副瀨富安宮田野訪談逐字稿」。前引書，《義愛公傳》。 26.

(35) 圖 2. 7 副瀨富安宮義愛公，森川愛捐獻。（圖片來源：筆者攝影）. 圖 2. 8 副瀨富安宮義愛公，岡勳捐獻。（圖片來源：筆者攝影）. 27.

(36) 副瀨村民感念森川 ê 義氣佮慈愛，恭稱作「義愛公」，根據筆者 2016 年 5 月 13 日佇富安宮 ê 訪問，柯樹木佮黃國哲表示，神稱「義愛公」是經過跋桮，並且得到「義愛公」ê 同意。此外，並定 1923 年 5 月 23 日（舊曆 4 月初 8）作為成道日64，合祀佇富安宮內65，成作村民 ê 守護神。舊曆 4 月初 8「義愛公」得道彼一工作為大祭 ê 日子，逐冬攏會舉行盛大 ê 祭典。照《臺灣宗教調查報告書》內面講臺灣 ê 神明，干焦聖賢、立大功抑是做善事 ê 人，抑是有靈異事蹟 ê，去予玉皇上帝勅封做神 ê 才是正神。增田福太郎指出臺灣宗教以形式來講，以道教為主，參雜儒教、佛教三教混 lām。咱共看森川會當「成作神」ê 條件，有下面幾項：. (一). 對民眾社會有貢獻、遺愛民間；. (二). 不尋常往生，因橫死，民眾供奉以解決內心不安；. (三). 有託夢、顯靈。66. 「義愛公」會當變作「正神」67，是蚶仔寮（笨港口）港口宮媽祖婆依照「義愛公」ê 德行向玉皇上帝領旨，「義愛公」才會當變作「正神」佮五府千歲做伙享. 64. ［日］佐佐木周次郎，〈神に祀られた警察官（二）〉，《臺灣警察時報》第 48 號，1932 年 4 月，. 頁 61。［日］臺南州警務部所，〈神に祀られた故森川巡查〉，《臺灣警察時報》第 206 至 210 號， 1933 年 1 月至 5 月。［日］臺南州警務部所，〈神に祀られた故森川巡查〉，《臺灣警察時報》第 210 號，1933 年 5 月，頁 101。 65. 根據日治時期相良吉哉對臺南州的廟宇所供奉神像的調查，1933 年左右，富安宮的祭祀神明. 主神為觀音佛祖，尚有朱王爺、五年王爺、范王爺、伍王爺、蘇王爺、太子爺、註生娘娘等，並以括弧寫道「義愛公」。相良吉哉編，《臺南州祠廟名鑑》（臺北：大通書局出版，2002 年），頁 256-257。轉引自劉惠璇，「光，穿透黑暗；愛，超越死亡」日治初期森川清治郎巡查東石成神記，警專論壇，第十四期 2015 年 3 月，頁 128。亦見增田福太郎，《臺灣本島人の宗教》（台北市：南天， 66. 1935）。民間信仰中，成為正式神格（正神）ê 方式會使經由玉皇大帝賜封（「玉敕」），抑是人間 ê 皇帝賜封 ê 神格，親像保生大帝吳夲，佇吳夲過身以後，民間稱為「大道公」、「醫靈真人」等，到 67. 南宋時期，官方承認信仰以後，開始有皇帝賜封號。封神之外，正神猶有包含道教典籍內面記載 ê 神仙，親像三清（玉清元始大天尊、上清靈寶大天尊、太清道德大天尊）、三界公（上元賜福天官紫微大帝、中元赦罪地官清虛大帝、下元解厄水官洞陰大帝）等。 28.

(37) 受人間 ê 香火，並毋是外人所講 ê「外國有應公」、「旁門左道」ê 神68。一般來講，日治時期 ê 日本警察佇被殖民者臺灣人目睭內，充滿負面形象，毋過對森川清治郎這位日本警察神格化 ê 過程來看，提醒咱臺灣日治時期警察形象其實充滿變異性，並毋是攏總是傳統殖民警察論述中 ê 嚴厲、兇殘壓迫者 ê 角色，嘛有森川這款以仁義精神永遠存在臺灣人心目中 ê 日本警察，這有需要咱重新探訪。佇楊爾材 1952 漢詩內面，對著森川清治郎 ê 描述，就強調做為「人」ê 森川「捨身取義」、「冰雪清廉」，以及成作「神」ê 森川「正直」，值得世世代代 ê 人奉為「貞珉」典範：. 心慈未忍迫窮民，課稅遲輸意莫申。搔首受司嚴譴責，舍身取義竟成仁。生為冰雪清廉吏，死作英靈正直神。血食千秋應報德，森川像塑當貞珉。 69. 到今，「義愛公」ê 分靈已經毋是干焦嘉義地區爾，是以副瀨富安宮為中心向外擴散到其他縣市，成作各地民眾所信仰 ê 守護神，可見「義愛公」是當代人 ê 信仰寄託、精神典範。「義愛公」分靈（如表 2-1），「義愛公」分靈 ê 比較（如表 2-2）：. 表 2. 1 義愛公 ê 分靈宮廟名稱. 地址. 嘉義東石副瀨富安宮. 嘉義縣東石鄉副瀨村 57 號. 嘉義東石港墘厝三太子壇. 嘉義縣東石鄉龍港村 58-3 號. 嘉義朴子天旨堂. 嘉義縣朴子市海通路 57 號. 68. 根據增田福太郎 ê 說法，義愛公能成神是嘉義笨港港口宮媽祖協助通報天帝才得到認可 ê。增. 田福太郎，《臺灣本島人の宗教》（台北市：南天，1935）。 69 楊爾材《近樗吟草》卷四。台北：龍文出版社，2006 年 5 月，頁 56。 29.