義愛公佮土地正義

筆者 2016 年 6 月 28 日佇北巡聖安宮訪問蔡美齡小姐，蔡美齡講最近一擺伊 ê 厝佇桃園機場邊仔，因為規劃桃園航空城愛予人拆掉，伊招一陣人去内政部營 建署抗爭，「義愛公」特別共伊提醒，

我有一間厝佇桃園機場邊仔，因為規劃桃園航空城，講愛拆厝，我就 招一陣人去内政部營建署抗爭，欲去進前義愛公攏會特別交代，講啥物時 陣小動員、啥物時陣中動員抑是大動員，愛配合拄拄仔好，厝就袂去予人 拆去。頭仔開始我想講敢有可能，後來照「義愛公」指示去做，「義愛公」

若講這擺干焦會使小動員，阮就小動員，伊若講這擺干焦會使大動員，阮 就大動員，攏聽「義愛公」ê，真正欲予人徵收 ê 厝就按呢劃出去航空城 外面，毋免予人徵收，這攏愛感謝「義愛公」ê 幫忙。（蔡美齡，2016 年 6 月 28 日）

這佮森川清治郎當年詳細調査庄民 ê 生活情形，向頂司陳情，要求減輕民眾稅金 ê 代誌，彼種精神是仝款 ê。桃園航空城徵收土地 ê 爭議到今猶未落幕，筆者佇 經過一年外以後有機會閣在一擺訪談蔡美齡女士，她猶原表示佇航空城開發案 ê 社會抗爭當中，原在是遵照「義愛公」ê 指示行動，「義愛公」講叫阮衝，阮就衝 啊！（蔡美齡，2018 年 12 月 8 日），這咧所在會當看著佇當代「義愛公」ê 信仰 當中，社會運動佮民間信仰產生連結，民間信仰毋是干焦追求「靈驗性」，更加

40

毋是追求速成式 ê「現在靈驗」，追求即效性 ê 如願所償，是佇長期抗爭中，以宗 教信仰作為捍衛土地正義價值 ê 力量，顯示當代「義愛公」信仰 ê 開創性。

臺灣民間是共「義愛公」看作王爺信仰系統 ê 一種，因為按呢一般嘛共「義 愛公」稱呼作「日本王爺」⁷⁸，抑若王爺信仰 ê 特色是「在歷史發展 ê 過程中，

由於不同時地的社會需求，民眾、教團甚或帝王等都會重新加以選擇、雕塑而賦 予新形象新意義」⁷⁹，由此可見王爺信仰是「大眾化」而且是真有「伸縮性」。「義 愛公」自 1923 年予人服侍（ho̍k-sāi）以來，佮信徒透過長期 ê 信仰活動以後，

顯然已經共「義愛公」成神 ê 原因內化為傳統，並且延伸出信仰 ê 新意義，展現 出王爺信仰 ê 包容佮伸縮性，「義愛公」信仰已經對最原始 ê 消災解厄、治療病 痛、庇佑生命，轉化成當代對正義價值勇敢追求 ê 精神後盾。

第三節 小結

佇臺灣社會以佛祖、觀音、媽祖、土地公等為主流 ê 傳統民間信仰當中，「義 愛公」隨著社會 ê 發展佮變遷，已經對嘉義副瀨地區這種有高度地方色彩 ê 信仰 傳統，擴展到到臺灣其他所在，顯示「義愛公」信仰 ê 當代活力。由本章訪談信 徒所採集 ê 種種當代「神蹟」會當知影，「消災解厄」是信徒寄望神明會當化解 一切不如意 ê 代誌，屬於宗教信仰基本佮普遍 ê 功能，可見「義愛公」信仰佇當 代信徒 ê 心目中，其實就是佮佛祖、觀音、媽祖、土地公等神明無啥物無仝款 ê 臺灣神明。閣再有，「開藥治病」、「護佑生命」等神蹟，呼應「義愛公」成神敘 事中 ê 重要元素，也就是 1923 年予副瀨部落庄民避免傳染疫病 ê 託夢傳說，當 代 ê「義愛公」信仰嘛充分展現了臺灣民間信仰對著「醫藥神」ê 依賴傳統，這 種對著醫藥 ê 依賴就佮臺灣早期漢人移墾經驗中 ê 王爺信仰有關係，因此信徒嘛

78 劉枝萬將王爺分為六種類型，且將義愛公歸在「生有嘉行或饒勇之士」類，見氏著，《台灣民 間信仰論集》（台北：聯經出版社，1983），頁 227。

79 李豐楙，〈從成人之道到成神之道──一個民間信仰的結構性思考〉，《東方宗教研究》第 4 期，

1994 年 10 月，頁 186。

41

定定以「日本王爺」稱呼「義愛公」，顯示「義愛公」信仰 ê 在地化實踐過程中，

發展出佮王爺信仰真仝款（kāng-khuán）ê 特性。

此外，上特殊 ê 是「土地正義」ê 部分，民間信仰佮社會運動 ê 結合佇臺灣 實在真少看見，尤其是「義愛公」信仰本身有伊特殊 ê 發展過程佮演變，多數佮 醫藥神、除瘟疫 ê 王爺信仰有關。「義愛公」信仰佮社會議題會當有所關聯，顯 示當代 ê「義愛公」信仰毋是干焦追求馬上有感覺 ê「靈驗性」，是希望佇長期 ê 社會抗爭中，以信仰力量作為捍衛正義價值 ê 後盾，凸顯了當代「義愛公」信仰 ê 開創性。

42