台東古蹟念謠

古代流傳落來 ê 遺跡含有足深 ê 歷史意義，ùi 前人留落來 ê 物件，會當探索 出彼个時代生活狀況，對古蹟有較深 ê 了解，毋但欽佩前人，嘛予咱一寡思考，

產生愛護文化遺產、保護古蹟，佇參觀古蹟 ê 時陣，特別記錄碑文、翕相、收集 相關資料，寫出七字仔唸謠。

一、台東天后宮

媽 祖 婆 來 鬥 保 庇 。 M á- t s ó o - p ô l âi t àu p ó- p ì.

漢 人 入 東 開 墾 期 。 Hàn-jîn ji p tang khai-khún-kî.

開 發 工 課 得 順 利 。 Khai-huat khang-khùe tit sūn-lī.

起 廟 朝 拜 媽 祖 伊 。 K h í- b i ō t i âu - p ài M á- t s óo i . 傳 統 建 築 古 代 風 。 Thûa -th i - io k kóo-tāi-hong.

刻 工 幼 路 質 不 同 。 Khik-kang iù-lōo tsit put-tông.

廟 宇 莊 嚴 香 火 旺 。 Biō-ú tsong-giâm hiunn-húe ōng.

百 年 古 廟 顯 神 功 。 Pah-nî kóo-biō hián sîn-kong.

台東市內，人佮車來來去去交通上無閒 ê 中華路上，有一間已經百年歷史 ê 廟宇名天后宮，廟所在地寶桑里，是台東市發源地，佮關山天后宮是伴隨台東拓 墾史 ê 兩大廟宇。

天后宮是台東唯一 ê 官廟，保存袂少清朝歷史文物，「靈昭誠佑」這塊匾就 是清光緒皇帝所頒發，見證了漢人入墾台東 ê 歷史。

廟宇莊嚴，廟前龍柱石獅雕工真幼路，誠有中國古代傳統文化 ê 特色，前廊 正門佮偏門双爿 ê聯對由先賢張之遠分別以隸書、行書所寫，是台東縣信眾上濟，

香火鼎盛 ê 古廟。

二、國立台灣史前文化博物館

史 前 人 類 有 智 慧 。 S ú - t s i ân j în - l ū i ū t ì - h ū i .

日 常 用 具 家 己 錘 。 Ji t- s i ô i ō - h ū a - ī t û i .

無 價 之 寶 上 珍 貴 。 B û - k è- t s i - s i ō t i - k ù i . 留 下 文 物 規 大 堆 。 Lâ hā û - t i- t ū a - t u i . 分 門 別 類 古 物 展 。 H - û ia t-lūi o- t- t i á n . 出 土 文 物 萬 萬 千 。 Tsh t-th o û - t ā - ā -tshian.

博 物 館 內 排 現 現 。 Pho - t- a lāi âi hiā -hiā . 瞭 解 人 類 的 變 遷 。 Liáu-kái jîn-lūi ê i -tshian.

設立佇台東康樂車站南爿 ê 國立台灣史前文化博物館，建館宗旨是向望借著 博物館 ê 研究，典藏展示，教育佮遊憩功能，啟發大眾對臺灣 ê 自然生態、史前 文化佮原住民 ê 文化豐富，多樣性有較濟 ê 認識，促進大眾更加珍惜，尊重 tsit 片土地延續不斷 ê 自然佮文化生命。

史前館建築造型，有台灣本土地方特色 ê 風格，西倚中央山脈，東向日昇 ê 太平洋，史前館毋但是國內第一座以史前佮原住民文化做範圍 ê 博物館，嘛是第 一座包含著博物館，考古遺跡佮自然生態公園 ê 博物館，更加是好山好水 ê 台灣 東海岸第一座國家級博物館，揹著重大 ê 責任佮久遠 ê 使命。

三、卑南王家三合院

卑 南 算 是 好 地 理 。 P i - l â m s ǹ s ī h ó t ē - l í.

學 甲 王 家 來 定 居 。 Ha k-kah Ô ng-ka lâi tīng-ki.

頭 路 事 業 𠢕 反 變 。 Thâu-lōo sū- ia p gâu píng-pìnn.

正 身 護 龍 兼 圍 籬 。 Tsiànn-sin hōo-lîng kiam ûi-lî.

閩 式 建 築 好 風 格 。 Bân-si i - io k hó hong-keh.

高 貴 建 材 國 外 提 。 Ko-kùi kiàn-tsâi kok-gūa the h.

搬 請 名 師 來 設 計 。 Puann-tshiánn bîng-su lâi siat-kè.

建 築 堅 固 又 整 齊 。 Ki - io k kian-kòo iū tsíng-tsê.

卑南文化藝術公園內，有一間中國式傳統三合院建築 ê 厝宅，是台東縣內保 存上蓋完整 ê 老厝，名稱卑南王氏大厝，也稱國本農場。登科 uì台南學甲徙來台 東，佇日治時期，蹛台東糖業株式會社工作，趁大錢了後，起造卑南王氏大厝，

建築風格結合大陸閩式三合院佮日據時期當流行 ê 裝飾風格，有一部分 ê 建材是 uì大陸進口。厝 ê 內外建築佮院落攏保存誠好，堅固如初，是台東自開墾時期所 留落來少數完整院落之一。

王氏大厝是屬傳統三合院造型，厝埕分內埕、外院、門斗頂鑲「瑞村堂」大 理石刻，厝身磚仔造，平階鐵仔控紅毛土，閩日合璧建築，採用閩式三合院建築 格式，隔間佮外部構造充滿著厚厚 ê 日本風味。

四、海端鄉拉瑪他星星紀念公園

日 本 高 壓 來 統 治 。 Ji t - p ú n k o - a p l âi t h ón g - t ī . 理 蕃 政 策 民 受 欺 。 Lí-huan tsìng-tshik bîn siū khi.

橫 柴 入 灶 無 講 理 。 Huâinn-tsâ ji p-tsàu bô kóng -lí.

抗 日 事 件 無 離 時 。 Khò -ji t s ū - k i ā n n b ô l î s î.

無 端 受 欺 心 肝 凝 。 Bû-tuan siū khi sim-kuann gîng.

𤆬 頭 拉 瑪 他 星 星 。 Tshūa-thâu La-má-thann-sing-sing.

反 擊 日 本 失 性 命 。 H a - i Ji t-pún si t sìng -bī ng.

留 名 鄉 史 真 光 榮 。 Lâu-miâ hiong-sú tsin kong-îng.

日治時期，規年迵天生活佇懸山崎嶺 ê 布農族人，散居山林之間，靠著拍獵 佮種小米生活，漢草粗勇、生性凶悍、母過樂天知命，佮山跤 ê 世界無啥往來，

日本統治當局為著實行「里番政策」，強迫布農族徙落山跤定居，方便集中管理，

若是不從，就欲用大炮轟擊部落來威脅，迫族人乖乖服從，引起布農族人懷恨在 心，因為 tsit ê 緣故，才定定發生抗日事件。

布農族人遭受日本高壓統治，為著族群尊嚴佮命脈延續，死嘛無欲屈服，幾 仔擺爆發抗暴運動，其中上有代表性 ê 人物就是拉瑪他星星，伊頭腦靈活閣敖計 謀，猛勇有膽量，來無影去無蹤，智勇双備，經常落山反擊日本當局，捌策動大 關山抗日事件，是布農族人眼中 ê 英雄，日本人恨伊入骨，稱伊是「兇番之王」，

後來被人密告，遭受逮捕槍決，壯烈成仁，留下原住民歷史佮台灣抗日史上 ê 典 範。