咱 ê 土地、咱 ê 聲音: 台東七字仔教材 ê 開發

國立台東大學華語文學系 台灣語文教師碩士班碩士論文

咱 ê 土地、咱 ê 聲音:

台東七字仔教材 ê 開發

研究生:許秀金 撰 指導教授:張學謙 先生

中華民國 101 年 08 月

感謝詞

人 講 青 瞑 毋 驚 銃 算 我 著 是 這 款 形 學 淺 程 度 無 反 省 大 膽 來 做 研 究 生 好 得 恩 師 的 引 導 同 學 扶 持 鼓 勵 多 予 我 一 路 有 所 靠 平 穩 行 過 研 究 河 多 謝 老 師 的 指 導 無 嫌 腦 鈍 跤 手 趖 研 究 方 向 掠 得 好 走 遍 台 東 爽 心 窩 說 謝 的 人 是 真 濟 先 謝 張 師 伊 一 个 學 謙 教 授 的 指 導 論 文 才 得 寫 合 題 何 教 授 名 是 信 翰 講 課 活 潑 化 困 難 同 學 人 人 都 稱 讚 深 奧 理 論 變 簡 單 允 言 教 授 是 姓 楊 徛 佇 台 語 的 立 場 有 啥 困 難 都 承 受 發 展 母 語 有 主 張

萬 象 教 授 是 姓 王 董 教 授 名 是 恕 明 炎 熱 走 蹤 感 謝 恁 為 阮 講 課 咧 無 閒 民 俗 禮 儀 捌 上 飽 是 許 主 任 伊 秀 霞 諸 位 教 授 感 謝 恁 永 遠 會 記 恁 的 恩 秀 金 面 皺 臭 老 羶 同 學 無 嫌 囥 心 田 多 謝 幫 忙 佮 共 勉 永 遠 珍 惜 同 學 緣 姗 錞 依 萱 佮 維 昕 整 理 資 料 感 謝 欣 瑜 教 我 電 腦 字 嘛 欲 佇 遮 「謝 謝 你」

後 生 女 兒 佮 翁 婿 感 謝 支 持 佮 安 排 研 究 之 路 無 阻 礙 一 切 順 利 行 落 來

本論文會當完成，愛感謝張學謙教授主持 ê 國科會計畫《雙語書計畫：建構 小學的多語言學習空間》（NSC99-2410-H-143-005-MY2），感謝國科會 ê 贊助。

咱 ê 土地、咱 ê 聲音:

台東七字仔教材 ê 開發

作者 : 許秀金

國立台東大學華語文學系台灣語文教師碩士班

摘 要

台東是我 ê 故鄉，佇遮出世大漢，到今蹛過六十外冬矣，故鄉 ê 自然生態資 源真豐沛，是一个媠閣好蹛 ê 所在。每一个縣市都攏有在地佮別位無仝 ê 風土人 文，若用在地 ê 風土人文融入母語教學課程，是有真重要 ê 教學意義。本研究徛 佇地方為本教育 ê 立場，透過書寫台東在地 ê 風土人文，編寫以三字仔、七字仔 唸謠 ê 在地教材。三字仔佮七字仔這二種傳統唸謠型式，佇本研究中，攏是讀寫 在地世界 ê 工具，是咱讀寫教學 ê 主體。

本研究七字仔 ê 創作佮教學 ê 結果會當歸納作以下：

1. 七字仔會當提升囡仔對母語學習 ê 興趣佮動機，囡仔佮意讀寫七字仔；

2. 教囡仔讀寫二種語言是有可能 ê，本研究透過羅馬字教學佮常用漢字寫 法教學，學生佇短期間著會曉讀寫母語；

3. 學生 ê 聽講讀寫這四種技能攏有進步，同時台語華語 ê 翻譯能力嘛有增 強；

4. 在地念謠讀寫教學是真好 ê 地方為本教育，予囡仔對台東風土人文有了 解，培養出對鄉土情懷，進一步會去愛護佮關懷鄉土；

5. 學生囡仔學會曉傳統唸謠 ê表達型式，會當寫出有押韻閣鬥句 ê七字仔；

6. 結合地方為本教育佮母語教育毋但有可行性閣有重要 ê 教育價值。

關鍵詞: 七字仔、台語、地方書寫、教材、地方為本教育、母語教育

Our Land and Our Voices:

Desinging a Chhit-jī-á Teaching Material for Tâi-tang

Khó͘ Siù-kim

Abstract

Tai-tang is my beloved hometown. I grew up here, and lived here for the past 60s years. Tai-tang is a beautiful place, full of ecological resources, a good place to live and grow. Every place has its own unique natural and cultural landscapes, it is important that we develop a mother tongue teaching curricum based on these local“funds of knowledge”. The purpose of this thesis is to develop a Chhit-ji-a teaching material for Tai-tang, based on a place-based education philosophiy.

Chhit-ji-a and sann-ji-a are two traditional Taiwanese rhyme forms. They are used in this study as a tool to writing local places and as supplementary readings for mother tongue teaching.

The findings of this study can be summarized as follows:

1. Chhit-ji-a can enhance students’mother tongue learing movtiacation, they enjioy reading and writing Chhit-ji-a;

2. It is possible to teach biliteracy in primary school, provided with Lo-ma-ji teaching and frequent used Han-ji instruction, students can write Taiwanese easily;

3. Students’ four language skills are imporved, they also learn bilingual translation;

4. Students’ local knowledge and their love for Tai-tang are deepened;

5. Students also learn to write local places in the form of traditional rhyme folksong;

6. It is feasible to combine place-based education with mother tongue education, and can achieve important educational goals.

Keywords: chhit-jī-á, Taiwanese, local writing, teaching material, place-based

咱 ê 土地、咱 ê 聲音:

台東七字仔教材 ê 開發

作者 : 許秀金

國立台東大學華語文學系台灣語文教師碩士班

七字仔摘要

台 東tâi-tang 陪

pôe 我

góa 來

lâi

長 大 tióng-tāi

有^ū 深 chhim

的 ê

愛 ài

才 chiah

應 該 eng-kai

sai-pêng西 爿 是

sī 山

soaⁿ

東 爿 tang-pêng

海 hái

chū-jiân自 然

景 觀 kéng-koan

排 pâi

規 kui

排 pâi

hio -th 鄉 土 教 育

-io 下

ē 一 代

chi t-tāi

pôe-ióng培 養 鄉 土

hio -th 的

ê

情 懷 chêng-hoâi

對^tùi 土地 th -tē

愛 ài

真 chin

了 解 liáu-kái

ho -th 風 土 人 文

jîn-bûn 做

chò 教 材

kàu-châi

soaⁿ山 海

hái 鳥

chiáu 樹

chhiū 做

chò 紹 介

siā -kài

-sio 民 俗 活 動

oa h-tā 鬧

ā chhai-chhai猜 猜

bêng-sèng名 勝 古 蹟

-chek 囥

hǹ 佇

tī 內

lāi

寶 惜pó-sioh 鄉 土

hio -th

由 遮 來 iû-chia-lâi

母語^bó-gí 教 育 -io

重 要 tiō -iàu

事 tāi

gián-kiù研 究 內 容

lāi-iông 做

chò 鋪 排

ho -pâi

oa t-tho 閱 讀 寫 作

siá-chok 課 程

khò-têng 內

lāi

ch -lo h種 落 本 土

-th 的

ê

樹 栽 chhiū-chai

目 錄

感謝詞... I 摘 要... II Abstract ... III 七字仔摘要... IV 目 錄... V 圖目錄... VI

第一章 踏話頭... 1

第一節 研究動機... 1

第二節 研究問題... 2

第三節 研究目的... 2

第二章 文獻探討... 3

第一節 在地為本 ê 教育觀 ... 3

第二節 母語佮在地文化教學... 4

第三節 七字仔基礎概念 ê 理論... 9

第三章 台東風土人文台語唸謠創作... 19

第一節 台東地方唸謠... 19

第二節 台東景點唸謠... 40

第三節 台東民俗唸謠... 58

第四節 台東古蹟念謠... 62

第四章 行動研究 ê 方法... 67

第一節 行動研究方法佮流程... 67

第二節 研究參與者佮教學場所紹介... 69

第三節 收集資料佮整理分析... 69

第五章 課程設計佮教學過程... 71

第一節 課程設計... 71

第二節 運用七字仔創作 ê 教學... 73

第六章 結論佮建議... 118

第一節 結論... 118

第二節 建議... 118

參考書目... 119

圖目錄

圖 1 研究架構圖... 68 圖 2 教學架構圖... 72 圖 3「七字仔寫作」教學流程圖... 73

第一章 踏話頭

第一節 研究動機

台東是我 ê 出生地，南北長長東西隘，西爿是山東爿海，自然美景排規排。

佇遮 uì細漢到長大的過程中，總是無煩無惱，自由自在𨑨迌。

台十一號佮九號公路相接，這條路南 thàng 北，路闊人少好轉倒袂齷齪，公 路 ùi 山佮海中央過，欲看山景海岸免行幾 h a h-kha。細漢時，定定招厝邊朋友伴，

去曠闊草埔仔放風吹，有當時仔去海 kînn 看海，佇海沙埔走予海湧逐，鹹鹹 ê 水 tshiu 噴甲衫褲澹糊糊，耍甲毋知 iau 毋知晝。

佇讀冊彼站，拄著歇睏日，幾 ê 仔同學招招 lè，騎車仔𨑨迌遊山花，風微微 對面吹，清爽無當揣。去海邊算船隻，有當時仔會買四秀仔紮去海岸邊，談天說 地，講 hā 稀講飯 lē。有時仔也會 上山崙等黃昏，欣賞美麗彩雲，這款享受大 自然 ê 趣味，心肝歡喜笑微微。

佇家鄉，一切攏真熟似，傷過熟似，煞顛倒無感覺著家鄉 ê 媠 koh 可愛。

等到大漢去北部，學刺膨紗衫，離故鄉遠遠，才引起對鄉情佮家鄉景物深深 ê 思 念。佇台北彼段日子，常常有人問，後山 ê 台東，有啥物會 siânn 人？我講青山 綠水自然美景，予人看袂畏，毋信走一逝台東，包你心頭輕鬆，外埠頭 ê 人 kiò 是台東無啥物可取，這是對台東無了解。這幾年來，佇國小擔任母語老師，予我 深深感覺著，咱真須要培養囡仔在地文化素養。

去美和教母語 ê 頭一節課，我唸一塊七字仔「美和國小」予囡仔聽，「知本 溪南美和村，學校倚山地勢懸，歌聲笑聲空中轉，成績優良名聲傳。」我共每 kù ê 意思，講予 in 聽，順紲問講知本溪北倚美和村有幾 ê 庄頭，地名是 kiò 做啥？

全應袂出來，頭殼 so-so 講毋知。像按呢，連家己在地就近 ê 基本概念遐爾仔欠 缺，予我產生將在地台東風土人文，用七字仔 ê 寫作方式，較趣味性來吸引囡仔 學習母語。

經過這幾年來，佇學校教母語 ê 經驗，若想欲培養囡仔 ê 鄉土情、鄉土愛，

彼毋是凊凊彩彩，靠單方面 tō 做會到 ê，根底若是欲拍會在，需要透過教育佮家 庭、社會、政府做伙拍拼，提供充足教材佮鄉土環境予囡仔來學習。我一直感覺 囡仔對家鄉生活所在 ê 了解無夠，才會想欲對咱台東風土人文做研究，講予囡仔 了解鄉土，對鄉土若是有了解，自然著會產生對鄉土珍惜 ê 心佮關懷。

這擺做台東風土人文 ê 研究，先詳細做資料 ê 收集，然後才做田野調查，欲 閣深入各鄉鎮了解在地 ê 風土人文。

第二節 研究問題

這幾年來，本土教育佇政府 ê 推動，漸漸看會出一寡仔成果，毋過，一禮拜 干焦有一節母語課，短短 ê 四十分鐘，實在無法度會當予囡仔學較濟物件，課程 上 tsù 重學講母語，欠缺在地文化 ê 教學，學校課本若有鄉土內容，嘛全是紹介 台灣各所在 ê 風土人文，對在地生活家鄉 ê 認識無夠，這款問題近來各縣市全有 去注意著，開始倩人編寫屬於在地風土人文 ê母語讀本。編寫屬於在地風土人文。

台東縣嘛有倩台語專業人士編寫以台東風土文化為主 ê 母語讀本，向望在地文化 會得通生根湠葉，毋過真可惜，並無受著學校應用佇教學活動，照這个情形無得 確是教學時間不足，猶閣有課程進度 ê 壓力，抑是教材有淡薄仔無合囡仔學習。

自母語教育列入國小必修課程以來，濟濟 ê 母語支援人員，真用心推動鄉土 文化，像廟寺做醮 ê 風俗囥入教育課程，毋過，真少有共在地風土文化佮語文課 程結合進行教學。以下三點是這擺七字仔 ê 教材編寫研究，所欲探討 ê 問題佮欲 達成 ê 目標：

一、欲按怎共在地文化，用上趣味 ê 方式來寫七字仔吸引囡仔？

二、欲按怎共用七字仔 ê 方式，融入家庭社區？

三、欲按怎共在地 ê 文化融入語文課程進行統整教學？

第三節 研究目的

欲按怎來培養囡仔 ê 鄉土智識佮情懷，提高族群認同，對命運共同體產生感 情，這是現此時真迫切需要 ê，佇這塊土地頂懸生活，若是有愛這塊土地，自然 會產生關懷，有關懷就會有強烈 ê 認同感，對族群來講是足重要，做這 ê 研究，

重點是等待研究完成了後，向望共台東風土人文運用佇教學上。

第二章 文獻探討

本章攏總分做三節：第一節建立在地為本 ê 教育觀；第二節討論母語佮在地 文化教學；第三節探討七字仔理論基礎概念佮創作研究。

第一節 在地為本 ê 教育觀

母語是咱在地 ê 聲音，用在地 ê 聲音講出在地 ê 人文佮自然景觀，著是這个 研究 ê 目的。這節欲解說在地為本教育 ê 理論基礎，閣討論共伊運用佇讀寫教育 ê 觀念。

母語是咱 ê 生活語言，當然佮地方有真密切 ê 關係。母語佮地方佇教育上本 底著愛得著承認佮運用。可惜地方佮母語 ê 教育價值佇學校並無得著有夠額 ê 注 重，雖然母語已經有咧教，毋過，主要是教語言，地方佮學校 ê 結合猶原無夠。

強調結合學校、家庭佮社區母語教育 ê 重要，辛頓（引自張學謙，2011：184）指 出：

如果學校是母語學習 ê 場所，閣想欲達成語言復振 ê 目的，按呢著愛共 母語帶出教室之外，帶轉去厝 lìn 予伊成做社區溝通 ê 語言……，這著 是講學校 ê語言課程必須是社區活動 ê一部分，毋通干焦學校家己設計、

推行，無社區積極 ê 參與。

地方為本教育到底是甚物意思咧？¹ Sobel（2004：7）以下這段對地方為本教 育 ê 說明，成值得參考，伊講：

地方為本教育共地方社區佮環境當做起點，進行關係語言教育、數學、

社會、科學佮其他跨課程學科概念 ê 教學過程。這個教育方法強調動手 操作佮真實世界 ê 學習經驗，會當提升學業成就，協助學生發展佮 ê 社區閣較密切 ê連結，予學生閣較會當欣賞大自然，同時閣創造出積極、

奉獻 ê 公民。透過地方公民 ê 積極參與、閣運用社區組織佮學校生活 ê 環境資源，社區活力佮環境品質嘛得著改善。

Wigginton 佮伊 ê 學生出版 ê 狐火（Foxfire）叢書是結合在地文化佮讀寫教育 真有名 ê 例。Wigginton 佮蹛佇阿帕拉契山脈（Appalachian）地區 ê 學生透過採訪 社區人士，共結果編輯做雜誌。這款地方為本 ê 寫作，會當應用佇逐所在，毋但 會當提升學生 ê 學習動機、欣賞在地社區，閣會當提升語言能力（邱連煌（譯），

2008）。

Brooke（2003: 6）佇《鄉村之聲：地方意識教育及寫作教學》這本冊鼓吹「地 方意識 ê 寫作教育」（place-conscious writing education），伊強調書寫地方 ê 重要，

1 以下關係地方為本教育 ê 說明主要參考張學謙、許秀金（2012）。

認為地方是重要 ê 智識來源，社區議題嘛真值得探討，伊認為寫作予咱投入咱 ê 生活世界，寫作會當成做促進參與、了解、影響佮改變社區 ê 工具。伊強調地方 意識，共伊當做是有性命力寫作 ê 重要因素，寫作變做釘根 ê 活動。老師佮學生 需要做伙共寫作佮社區作結合，按呢寫作教育著會較有創意、較有效率。Brooke

（2003: 63）講愛「予學生浸佇深入的地方知識」，這个講法真有啟發性，本研究 著是欲透過書寫台東，予囡仔浸佇用詩歌唸出來 ê 地方智識。

地方為本 ê 教育主張社區是咱學校課程 ê 資源，會當提供豐富閣真實 ê 教材 資源（張學謙，2011）。真實 ê 教材佮在地 ê 教材攏是建立佇學生 ê 真實世界，是 學生真緊著會當接受佮認同 ê 教材，按呢，會當結合語言學習佮實際生活經驗，

促進學習效果。最近關係地方為本 ê 母語讀寫教學佮研究，主要是張學謙主持 ê

《雙語書計畫：建構小學的多語言學習空間》，這个國科會計畫佇台語部份，除 了本研究以外，已經有黃裕真（2010）、游蒼林（2010）、曹麗華（2010）、鐘玲玉

（2012），排灣族部份有陳震嶽（2012）、陳昭君（2012）及賴香螢（2012）撰寫碩 士論文。相關的著作佇張學謙（2012）ê〈用雙語冊推 sak 多語言教育 ê 實踐〉有 簡單 ê 紹介。

第二節 母語佮在地文化教學

本節分別探討母語 ê 意義、母語教育 ê 意義、鄉土語言佮鄉土文化、鄉土語 言佮鄉土教育。

一、母語 ê 意義

母語 tshiâng-tsāi 予人看作佮第一語言相仝，也著是上代先接觸 ê 語言。母語 嘛有人共叫做父母話，佮咱 ê 家庭佮族群有真親密个關係，是咱身份認同 ê 標記。

照語言學者卡羅（B. Carroll）所下 ê 定義，會當知影（轉引自林金泡，1995：211）：

母語是人類族群總體用來做人佮人溝通 ê 工具，彼是有系統性 ê 結構佮排序 ê 語言，猶閣會使無窮無盡來表達人類環境中各種 ê 名稱、事物、事件佮過 程。

母語毋但是父母話 ，也是祖先一代一代所傳承落來 ê 語言，也包含著一个 族群 ê 文化佮感情，每一个族群攏有使用家己母語 ê 權利，囡仔有接受母語 ê 教 育權，若是予人剝削奪走，按呢會造成囡仔學習成績變差、自卑，嘛有可能引起 族群 ê 衝突（施正鋒，2002）。

真濟學者攏支持母語教育，Walker 認為母語教育有以下三項功能（引自張學 謙，2002）：

（一） 會當予囡仔認同家己族群 ê 語言佮文化，感受講族群語言是光榮 ê 代誌；

（二） 增加囡仔使用族群語言 ê 能力，按呢母語才會當成做現代社會有效

ê 溝通工具；

（三） 會當予其他族群人士有機會借著母語教育學當地語言，會使得減少 弱勢語言 ê 流失。

母語教育是欲予學生毋但會曉講華語，也會曉講屬於族群 ê 語言，像台語、

客語、原住民語，一來是欲搶救嚴重流失 ê 台灣母語，二來是欲予囡仔佇多元文 化中，學會曉兩種以上 ê 語言，會得通適應生活 ê 需要，有法度佮人溝通，達到 族群和諧鬥陣 ê 目的（施炳華，1998）。

母語教育 ê 推捒，主要欲予囡仔會當佇生活中使用母語，達成保存母語 ê 目 的，母語教學毋但會得傳承固有文化，保存學術資源，更加會來增加家庭親子感 情，促進社會多元文化 ê 價值（鍾吉雄，1994）。

推捒母語教育上重要 ê 目的，是為著挽救台灣本土語言 ê 流失，欲達成這个 目的，著愛 uì根頭來救起，佇幼稚園就實施母語、華語同時進行 ê 雙語教育（張 學謙，2000；2008）。

張學謙（2011）提起，接受母語 ê 權利是囡仔 ê 學習基本人權，學校有實施 母語教育 ê 義務佮責任，母語毋但是教育 ê 寶貴資源，也是細漢囡仔學習其他語 言 ê 基礎，伊閣引用 Cummins（1979）ê 語言互相依賴理論，說明佇母語學著 ê 智識，會移轉到第二語言，對第二語言 ê 學習真有幫助。

台語交談佮書寫，有台語 ê 思考方式，台語演講 ê 魅力佮感動人 ê 所在，常 常是因為台語 ê 思考方式，較倚近生活 ê 情感，才會引起群眾 ê 感動（張炎憲，

2008）。母語毋但是生活用語，也是寫作 ê 工具，閣會當代表族群佇歷史上活動 記錄佮意義，母語教學佇教囡仔認捌語言 ê 同時，嘛咧傳教咱 ê 囡仔保存文化（張 惠貞，2007）。

總講一句，毋管母語對定義看法有啥無仝，咱不可否認，母語有擔當著傳達 思想，保存文化，促進感情交流 ê 功能，母語包含著一个族群 ê 文化佮感情，嘛 是一个人對家己 ê 肯定，體認家己佮族群關係 ê 重要標誌。

二、母語教育 ê 意義

台灣本土語言流失 ê 情形真嚴重，原本有二十外種無仝 ê 語言，這馬有一半 已經消失，目前台灣 ê 本土語，攏有非常嚴重 ê 流失現象，台灣過去 ê 語言教育，

認為本土語言是學習國語 ê 障礙，推悚獨尊國語，壓制本土 ê 單語政策，結果各 族群 ê 學生，會曉國語，煞共母語放袂記得（張學謙，2003）。張裕宏（2009）

預估台灣本土語言再見 ê 恐驚是原住民語言，紲落來是客家語，尾仔是福佬語。

有一工台語若消失去，台灣文化著會綴咧消失去，台灣文化 ê 重建佮開創，

含台語有真密切 ê 牽連。台語 ê 書寫是描繪台灣人內心世界上湊貼（tàu-tah) ê 方 式。現代台灣人無得確是感覺用華語交談較自然方便，認為用華語教囡仔較會當 佮政治現實配合，煞輕視台語，袂記得台語 ê 重要性，會有這種現象，其實是長 期被殖民 ê 人民，遭受統治者語言歧視，煞來失去自信，顛倒共統治者 ê 語言當 做上等，共家己 ê語言看作是低級語言所致，語言背後其實有真強政治勢力存在，

絕對毋是溝通 ê 工具爾爾。

台語毋但是台語文工作者關心 ê 課題，嘛是研究 ê 對象，是活跳跳存在台灣 社會，是咱共同使用 ê 語言，其中有豐富 ê 文化意涵，思考方式，生活感情，也 是數百年來所累積落來 ê 智慧佮經驗，是展現台灣特色 ê 所在（張炎憲，2008），

語言mā 是權利，對語言人權的觀點出發，平等看待各種語言 ê 存在以外，嘛是 一種 ê 尊重，更加是維護台灣多元化書寫人民感情，豐沛歷史文化必要 ê 代誌，

也是台灣人對家己語言文化信心 ê 表現。

母語親像一个人 ê 根，母語毋但代表父母，也是一个人生命 ê 尊嚴，在現今 人文主義佮後現代主義 ê 時代中，尊重每一个人講母語 ê 權利，就是尊重每一个 人尊嚴佮價值，語言予人類會得通超越濟濟 ê 限制，予人類會當建構文化模型，

共文化傳予後代（周雅雯，2006）。語言予社會人群 ê 情感得著溝通，也反映出 社會 ê 發展佮現象。語言是文化 ê 表徵，也代表使用仝語言人群 ê 生活型態佮思 想感念（吳鴻瀛，2006）。每一種語言攏有伊特殊價值，雖然是無組織無系統 ê 教學，毋過彼包含著一个族群 ê 文化、感情、價值觀、哲學思想等等，佇無形中 影響著咱 ê 一生（劉福鎔，1997）。

政府為著欲壓制本土語言，1956 年全面推行『說國語運動』，規定學校佮公 共場所一律使用華語，避免使用方言，1980 年頒布「台灣省各縣市推行社會教 育」，其中規定華語是全國一致使用，要求學校師生交談，教學用語攏著用華語，

公共場所也愛用華語交談，致使台灣成做「華語獨尊壓制方言」ê 單語政策國家

（楊智穎，2003）受著這款強勢華語教育政策，本土語言煞成作次級語言。台灣 早期 ê 語言政策，造成本土語言流失 ê 危機。這馬主要透過學校 ê 母語教育咧推 sak 母語復興。吳鴻瀛（2006）認為推捒母語教學 ê 重要性有七點：

（一）是基本人權 ê 維護佮尊重；

（二）發展多文化教育 ê 價值；

（三）促進社會閣較活潑化、多元化；

（四）溝通成員情感，增進倫理親情，凝聚向心力；

（五）培養情境教育佮社會脈絡互動；

（六）培養欣賞鄉土 ê 風俗民情，激發愛鄉愛土 ê 情懷；

（七）提升族群語言 ê 聲望，建立尊嚴自信。

學校是一个社會 ê 縮影，九年一貫內 ê 本土語言教學，強調 ê 是學生所長期 居住佮密切接觸 ê 地區語言為主，重視本土語言 ê 實用性佮適用性，按呢才真正 予囡仔「紮會走」ê 能力。

三、鄉土語言佮鄉土文化

鄉土是咱人 uì 出世到大漢，抑是長期間蹛 ê 所在，一个所在若蹛久，自然 對地方有認同感 ê 產生，會引起人有責任欲維護地方，這是濫著時間、空間、責 任佮感情等因素 ê 所在，就按呢，才會叫作鄉土（張憲庭，2005）。佇這个所在 用 ê 語言，就號作鄉土語言。鄉土語言是指人自出世 ê 所在，抑是第一故鄉使用

ê 語言，有時隨著環境抑是學習所在 ê 變遷，會有無仝 ê 鄉土語言。母語是族群 ê 語言，鄉土語言是區域 ê 語言。

鄉土語言所代表 ê 是民間社會，現此時存在佇台灣 ê 台語、客語、原住民語 攏是鄉土語言。鄉土是咱每一个人長久接觸 ê 土地，有關在地 ê 風土人文攏真熟 似，鄉土佮生活有深深 ê 關係，語言袂當離開生活，獨自存在佇文化之外，語言 是文化上寶貴 ê 資產，鄉土文化愛釘根佇鄉土語言 ê 頂懸，鄉土語言佮鄉土文化 著黏做伙，袂使得分開，鄉土教學定著愛用鄉土語言來進行，共語言融合佇文化 內面，予囡仔佇真實 ê 語言情境，來學四箍圍仔佮生活有關 ê 事物。

述說鄉土文化應該用鄉土語言，才會當真真正正活跳跳，講出在地文化 ê 氣 味，進行著用母語引tshuā 囡仔認捌鄉土文化。

四、鄉土語言佮鄉土教育

鄉土是囡仔上熟似 ê 生活所在地，鄉土教育 ê 進行，愛囡仔先會曉用母語來 問並講出在地風土人文，培養對地方 ê 關懷了解佮愛護，因為弱勢語言無受著重 視，大大造成母語 ê 流失，功能受限教學時間明顯不足，佇教育上弱勢語言毋但 無啟蒙捌字 ê 功用，也毋是教學媒介語，甚至連做學校 ê 學科攏有大問題（曹逢 甫，1995）。

目前 ê 學校教育並無平等對待本土語言，母語無得著應該有 ê 重視（陳淑嬌，

2001），欲推捒鄉土教育，著先 uì復振母語開始，提升鄉土語言 ê 價值。

鄉土教育 ê 內涵，照教育 ê 規定，鄉土教學活動課程，會使分做鄉土語言、

鄉土歷史、鄉土地理、鄉土藝術佮鄉土自然等五个部分。鄉土是囡仔一出世著居 住 ê 所在，囡仔會使 uì親身體驗佮觀察 ê 實際經驗，引起學習 ê 動機，鄉土教 育 ê 原則，是依照囡仔 ê 身心發展，提出 生活四箍輾轉 ê 事物，做鄉土教育 ê 內涵，來達成對鄉土感情 ê 認同佮囡仔適應性發展 ê 一種教育方式（陳議濃，

2003）。

鄉土教育 ê 目的，著是欲予囡仔認捌，佇這塊土地平常 ê 生活方式佮地理、

歷史之間互相 ê 關係，瞭解在地社區文化佮地理環境（廖永靜，2005）。鄉土教 育是以囡仔做學習 ê 起點，予囡仔瞭解在地 ê 風土人文，uì學習鄉土語言、地理、

歷史、文化佮環境，達成對家己 ê 肯定，認同家鄉；先認捌家己 ê 家鄉，uì愛護 家鄉做起頭，培養愛鄉愛國 ê 情操；也 uì尊重無仝族群 ê 語言佮文化，發展多 元文化觀佮世界觀（吳宗立，2003）。

對囡仔來講，鄉土教育只要是佮囡仔生活有關係，會當佮囡仔 ê 生活經驗結 合，囡仔親身體驗，揣出問題，有能力解決問題，借著鄉土教育來熟似佮了解故 鄉，達到認同故鄉，珍惜資源，保護自然生態，愛護鄉土 ê 情懷，這著是實施鄉 土教育 ê 目的。

五、利用社區 ê 資源進入教學

本節參考張學謙（2011）關係結合社區佮學校母語教育 ê 建議，分做三个部

份討論利用社區資源進行教學 ê 方式：第一部份是共社區當做真實教材，第二部 份方案為主 ê 教學，第三部份體驗式 ê 學習，下面分別說明：

（一）共社區當做真實教材

在地化以學生為中心，是國小佮國中有關教材編輯 ê 兩个重要原則。社區所 提供 ê 真實語料，是 siōng 會當反映當地特色佮學生特質 ê 語文資源。教師佮學 生會當作為社區研究者，進入社區蒐集本土語言文化資源，作為文化編輯教材 ê 基礎。Moll et. al.（1992）建議教師，以質性 ê 方法，進行家庭訪問來了解學生 ê 家庭、社區 ê「智識基金」（funds of knowledge)，同時閣共社區資源囥入去教學 當中。

（二）方案為主 ê 教學

透過學生佮學生之間、學生佮家庭 hām 社區成員 ê 合作佮互動，m̄- ā 會當 增進語言能力、社區能力佮認知能力，mā 會當促進對在地風土人文 ê 了解，攏 有真濟資源，會當予囡仔做學習 ê 教材。

家庭、社區有豐富 ê 語言文化資源，會當作為方案研究 ê 對象。學生會當當

（tòng）做家己社區 ê 語言文化研究者。社區語文研究方案 ê 對象真濟，比如社 區 ê 語言使用、語言轉變現象 ê 研究（如：語音、詞匯抑是語法，使用上 ê 精差）

等等，予學生了解智識 m̄ -nā 存在學校當中，同時也存在佇家庭、社區當中，閣 較重要 ê 是，學生會使透過觀察，分析各種語言佇家庭、社區 ê 使用，了解到語 言佮文化傳承、族群認同、人際交往、歷史文化、公民權利等層面 ê 關聯性。

（三）體驗式 ê 學習

「體驗式 ê 學習（experiential learning）強調左右腦並用，重視語言 ê 情境 化、語言技能 ê 統整佮真實世界關聯 ê 活動。」（Brown, 1994: 224）按呢 ê 教學 法會當促進學校佮社區 ê 統整，將社區納入教學當中，像台東海濱公園，佔地幾 仔甲，倚海，規遍攏是人工栽培 ê 草埔，佇遐會當欣賞海景、看綠島、船仔無閒 咧出出入入，闊闊 ê 草埔頂面會用得放風吹、走相逐、打球、騎車仔踅玲瓏，透 早看日出，黃昏賞夕照，這款 ê 素材囡仔若會當親身去現場學習，一定真歡喜、

快樂。海濱公園佇台東囡仔來講是熟似 ê，遮定定辦大型 ê 文化活動，教師用海 濱公園 teh 講話、寫作做教材，囡仔一定真有興趣。教師會用得予囡仔佇講話、

教學 ê 時，講出 ê 生活經驗。像海濱公園佇佗位？有啥物設施？會用得創啥？

經過討論，紲落來 ê 寫作教學著有真濟材料通寫。

Ù i 講佮寫 ê 教學，予語文佮鄉土結合，語文涵養會較闊，鄉土情懷會較深。

素材多元會當予囡仔有無仝 ê 學習，鄉土所包含 ê 素材真豐沛，取材無受著文字 課程 ê 限制，濟濟 ê 鄉土元素攏是足好 ê 學習教材。直接利用社區情境來營造母 語環境，予學生有具體 ê 語言使用經驗，ùi 活動中學習，提供學生直接參與社區 進行實際 ê 溝通佮互動 ê 機會。就 tse 來講，教師會當將教室延伸到社區，予囡

仔佇自然 ê 母語環境中學習著母語。予囡仔到社區，身歷其境 ê 體驗母語佇社會 中 ê 運用，同時以母語佮社會人士溝通，對母語保存有真重要 ê 意義。

挽救語言流失 ê 理論指出：「若是學校母語教育無影響到家庭、社區 ê 語言 使用，就無法度挽救母語流失。」（Fishman, 1991）語言教育無應該劃地自限，

kan-nā 停留佇語言技能 ê 傳授。應該勇敢 ê 伐過界限，除去危害著語言多樣性發 展 ê 單語同化意識佮語言歧視主義。會當激發師生積極 ê 投入促進語言保存 ê 社 會行動。咱必須將教學佮實際生活結合，也必須將教學佮咱在地 ê 社會結合，配 合佇家庭、社區 ê 語言使用，是促進母語學習 ê 好方法。

第三節 七字仔基礎概念 ê 理論

七字仔押韻，唸著若唱歌，心適趣味，是囡仔學台語 ê 好教材。教學者佇創 作佮教學晉前，先愛了解七字仔 ê 形式、內容佮特質等，佇教學前有深入 ê 了解，

才有法度共七字仔做上有效 ê 運用，佇教學達成上大 ê 效益。七字仔教學，需要 有深度閣實（tsa t）腹 ê 理論基礎。進行七字仔創作，研究者認為：事先愛有充 足 ê 理論基礎通引領創作，按呢較袂走精，也才會符合語詞鋪排，押韻形式佮韻 跤規則。

本節分做三个主題，分別紹介七字仔 ê 定義佮形式、七字仔 ê 特質佮價值、

七字仔理論押韻佮用字。

一、七字仔 ê 應用理論佮創作

（一）七字仔 ê 定義佮形式

七字仔大部份是用佇民俗戲曲抑是歌謠。七字仔每句七字、四句一聯 ê 標準 歌仔調形式，七字仔也稱作「歌仔」，歌仔是演述故事 ê 長篇歌謠，以七字仔反 覆重疊，也簡稱「歌」又叫「唱本」，表演 ê 時陣唸歌，因為是按呢，台灣說唱 又稱「台灣唸歌」。伊 ê 唱詞大多數是七字句，所以又閣稱作七字仔（曾子良，

1989）。

七字仔有真厚 ê 台灣鄉土色彩，使用特別濟，是台灣歌仔戲中上有代表性 ê 唱調，篇幅長短會使得照題目大小自由伸勼，上介短會當四句一葩，上濟達到幾 百句（王育德，2000）。作者照心中漢語音步 ê 自然音律自由來運用，無像唐詩、

宋詞各種真幼 ê 格律規定，干焦照著漢語音步 ê 長短句型佮習慣性 ê 押韻，表現 出七字仔 ê 擴展力，更加會當表述複雜 ê 故事，因為詩體 ê 解放，使得台語文字 音樂性 ê 特質，得著閣較濟表達 ê 空間。

（二）七字仔 ê 特質佮價值

台灣話本身著是一種音樂，保留著古漢音 ê 音韻，語音聲調有七種，小可共 美化閣配合押韻，唸起來就成有音樂性 ê 美感，這也是台灣唸唱發展 ê 基礎，因 為這个緣故，唱詞真濟用七字化 ê 格式，加上押韻，以通俗閣趣味，忠孝節義，

抑是深情感人內容為主，七字組合 ê 唱法，大部分是前四後三 ê 分斷唱法，佮古 體詩真相仝。小部分敘述唱調用整句連 ê 唱法，會當變換旋律，工夫就佇唱者 ê

「拗韻」，七字仔唸謠有豐沛 ê 語言旋律佮節奏性（莊美華，2010）。

台語詩通常定咧使用 ê 技巧是重複、排比佮韻跤語言重複，以「週期性」一 遍閣一遍呈現規律發音，這就是「押韻」。韻跤對詩 ê 作用，是會當予規首詩有 連貫性佮呈現作者想欲表達 ê 詩意。台語 ê 韻跤變化極濟，尤其是鼻音「ng」佮 尾音，更加會當表現注音符號無法表達 ê 音韻。無仝 ê 聲調，配合無仝 ê 韻跤使 用，使得台語詩風景千變萬化。

台語七字仔緼藏早期語言 ê 豐沛完整、活潑、幼路，留存佇民間文學 ê 生動 個性，除了語言 ê 創新以外，大量運用成語，語言中有真特別指標 ê 喻語，予現 代台語文創作真豐沛，並將濟濟成語佮喻語保存流傳。

歌仔冊是台灣文學 ê 肥底，豐富閣活跳跳 ê 語詞、媠氣 ê 音韻，好聽、好唸、

好記，是台語族群珍貴 ê 文化資產。施炳華（2010）佇《歌仔冊欣賞與研究》歸 納出三點台語七字仔 ê 價值：

1. 七字仔是閩、台民間說唱文本，也是民俗戲劇，劇本 ê 來源佮根據；

2. 七字仔是根據民間日常生活中講 ê 話語（白話）記錄書寫，保存閩、台 區域，各次方言 ê 詞彙佮語言；

3. 記錄先民實際生活狀況，會當了解先民斯當時 ê 生活情形。

七字仔唸謠大多數是以生活點滴作素材，經過民眾集體創作，佇民間流傳誠 久，含有深厚 ê 本土精神，述說人生意義佮道理，也談著各行各業生活情況、生 活方式、風土民情佮文化內涵，也保存著歷史文化佮教化 ê 特殊功能。

台語七字仔表現民間 ê 價值佮文化性格。自古到今流傳佇這片土地上 ê 歌曲，

透過口耳一再傳播，真緊著順喙來唱出，其中用字由編寫者家己檢選決定，有人 是照前人編歌仔冊，只求表音來傳句義，聽歌仔 ê 人本誠就是母語人士，無需要 透過文字記載去學歌中所用語言，是這个原因，記錄歌詞 ê 時，才會只求語言 ê 掌握，用字抑是擬音、借義，造字就變換應用。

臧汀生（1996）佇《台語書面化研究》，有真詳細閣深入來研究七字仔 ê 文 字形式及社會背景。伊講，佇教育猶未普及 ê 時陣，七字仔會得教育大眾，學會 曉簡單字句，像竹林書局出版「問路相褒歌」頭句就講：「念歌算是好代誌/讀了 若熟加識（bat)字/sit 頭咱那做完備/閒閒通好念歌詩/學念歌詩卻真好/毋免佮 人讀暗學/咱那 sit 頭做清楚/歌仔題來念七桃。」這無的確會使成做是為生活勤 苦奔波 ê 勞苦大眾，學習一寡仔文字，上蓋經濟、簡單 ê 方法。像這款反應過去 ê 台灣唸謠，留存到現在 ê 俗諺真濟，毋但充滿生活智慧，也反映出台灣歷史、

社會，政治改革等文化內涵。民謠大部分以生活點滴作素材，由民眾集體創作，

佇民間流傳久遠閣有豐沛本土精神，充滿樂天hām 希望，反映當代 ê 生活背景、

生活方式、風土民情，透露出文化內涵，有保存歷史文化佮寓教於樂 ê 特殊功能。

台語七字仔書寫生活 ê 環境變化中，觀察無仝生命經驗、無仝地域、無仝時代面 貌，用囡仔 ê 心寫歌，用歌聲唱出囡仔 ê 心情，自然流露出 ê 歌聲是台灣鄉土主 題教學上，較樂觀、活潑、趣味 ê 閩南語教材。

（三）七字仔押韻

歌仔冊常帶有韻文形式，無論字數是三字一句、四字、五字、七字一句，是 句句押韻，一韻到底，抑是每聯四句，四句攏押韻，抑是一、二、四押韻，抑是 隔句押韻。佇七字仔押韻 ê 韻跤選用上，有一寡規則愛注意（杜建坊，2008）：

1. 舒聲韻佮帶有聲調性質 ê 束喉-h 入聲可通押；

2. 半鼻音佮元音通押，如 a=ann；

3. 複元音佮單元音，如 ue≠ e 不可通押；

4. 帶介音佮不帶介音，如 iau≠ au 不可通押；

5. 輔音韻尾 am≠ an，an≠ am 不可通押。

臧汀生（1980:192）根據四句式主軸 ê「台灣歌謠」分析出 ê 用韻，主要規 則是「句句押韻『七字仔』之正格」，伊閣得出「首句不押韻」等五種變格，另 外加「不避同字」、「頭韻之使用」兩个「用韻形式」。

姚榮松（2010）認為七字仔、閩南語歌仔冊 ê 用韻有以下三種用韻 ê 方法：

1. 四句只用單一韻母（基本韻）；

2. 仝韻異類韻互押，仝韻是主要元音相仝，異類包含介音無仝、鼻化韻 母、 喉塞韻母（次級韻）；

3. 一聯中有合韻就是通押。主要元音抑是韻尾有一項無仝。（罕用韻）

台語七字仔 ê 押韻有分平仄，這點觀念真重要，毋過佮文言詩 ê 平仄概念無 仝。下面 ê 討論，愛用著「非入聲 ê 仄聲」這種概念，也就是只包含二、三、七 聲，無包含第四、八聲。另外，第四聲佮第八聲雖然攏是入聲，毋過佇台語七字 仔押韻，有誠大 ê 差別，尤其是「-h」ê 入聲。

以下就聲韻 ê 角度紹介台語 ê 押韻法。七字仔押韻干焦考慮句尾字。漢語（台 語在內）一个音節，傳統叫做一个「字」是由「聲母、韻母、聲調」三種音節組 件來構造的。所謂押韻，毋但是愛考慮「韻母」，嘛愛考慮「聲調」，但是「聲母」

免管。七字仔押韻，「韻母」佮「聲調」有微妙 ê 關聯，以下 ê 說明，就是綜合 考慮著這兩項要素。基本原則，著愛屬佇仝一个「韻母」ê 音節，tsiah 會當出現 佇仝一葩四句尾字來押韻。

開尾韻佮閉尾韻有啥款差別，以下就來說分明：先介紹閉尾韻，閉尾韻分兩 種，一種是句尾字非入聲（-m/-n/-ng）韻尾，另外一種是句尾字入聲（-p/-t/-k）

韻尾。

開尾韻：開尾韻句尾字包含口音韻（a/ah、i/ih、u/uh、e/eh、o/oh、oo/ooh、

au/auh、ai/aih……）佮鼻音韻（ann/annh、inn/innh、aunn/aunnh……閣有聲化鼻 音韻 ng/ngh、m/mh）。

開尾韻佮閉尾韻有無仝 ê 押韻規則，開尾韻只要屬佇仝一个韻母，而且「聲 調有仝類」（下段解說）就會當押韻。閉尾韻 m̄ -nā 愛屬佇仝一个韻母，閣聲調 仝類，而且入聲字還（hūan）入聲字，非入聲字還（hūan）非入聲字，袂使囥（kh ǹg）佇仝一葩（pha)ê 尾字（潘科元，2011）。

以下舉兩個例說明：

1. 閉尾韻：四句仝韻，非入聲（-m/-n/-ng）韻尾。

Kî-hî ta̍t -jîn Lîm Pó-san 旗 魚 達 人 林 寶 山 Pó-tshî hî tshinn m̄ kiann lân 保 持 魚 鮮 毋 驚 難 Sîng-kong kî-hî phín-tsit tsán 成 功 旗 魚 品 質 讚 Thian--jī miâ-hō siú ân-ân 天 字 名 號 守 絚 絚

˙1、2、3、4 句尾字（山、難、讚、絚），押仝韻，韻跤（an）非入聲。

˙第一句聲調押 1 聲（陰平）屬高音調，也會使押 5 聲佮低音調（2、3、7 聲）。

˙第二句押 5 聲（陽平）也會使押 1 聲。

˙第三句押 2 聲（陰上）也會使押 3、7 聲。

˙第四句押 5 聲（陽平）也會使押 1 聲。

閉尾韻：四句仝韻，入聲（-p/-t/-k）韻尾：

Tshîng-á tshiū-kha bí-thai- ba̍k 松 仔 樹 跤 米 篩 目 Siang-tshiú bô thîng ti̍t - ti̍t la̍k 雙 手 無 停 直 直 搙 An-khìng ke-á ê lōo -kak 安 慶 街 仔 的 路 角 Lâng-kheh kui-pâi siōng hiánn- ba̍k 人 客 規 排 上 顯 目

˙1、2、3、4 句尾字（目、搙、角、目）押仝韻， 韻跤是「ak」入聲。

˙第一句聲調押 8 聲（陽入）也會使押 4 聲（陰入）

˙第二句押 8 聲（陽入）

˙第三句押 4 聲（陰入）

˙第四句押 8 聲（陽入）

王振義（1993）提起台灣歌仔各句尾字平仄規則如下：「第二、四句尾字應 為平聲字；第一、三句尾字應仄聲；kan-nā 第一句尾字為平聲也可通融。這个 規則是『O 平仄平』（O 表平仄皆可）ê 基本類型。」

歌仔冊 ê 形式是慢慢發展、沓沓成熟。初期形式無規律，成熟期才成作四字 句。早期歌仔冊，大多數二句一韻，甚至無押韻。成熟期歌仔冊 ê 一般形式是：

每葩四句，每句七字，連綴成作長篇（潘科元，2011）。

七字仔 ê 押韻類型有以下 5 種（施炳華，2010：11-13）：

1. 隨興押韻：早期廈門發行 ê 歌仔冊中，有寡作品有時無押韻，有時押韻；

2. . .。 。：以兩句自成一單位，互押一韻，這類唱本也是出現佇早期廈 門 ê 作品；

3. ˙。˙。：隔句押韻；

4. 。。ｘ。：如此 ê 押韻形式，顯然是受著唐代近體詩絕句 ê 影響；

5. 。。。。：歌仔冊進入後期，差不多是以四句作一單位押韻，尤其是台 灣作家 ê 作品，大部分攏是這个形式。

王順隆（2002）ùi 演變 ê 眼光看出早期 ê 歌仔冊經歷過 4 種押韻形式：1. XXXX

（完全不押韻）；2.隨興押韻；3. ˙˙。。（兩句自成單位互押）；4. 。。ｘ。（受 近體詩影響）；5. 。。。。（句句押韻）。根據伊 ê 講法：1.是原始時期（流行 ê 多半是非閩南語的歌仔），2-4 為發展期，5 為成熟期。

綜合頂面列出押韻形式佮規則，分為 4 類，研究者以自創 ê 七字仔做例說明：

（1）七字仔隔句押韻 ê 例如下：

Hái-tsúi tshing-tshing thinn bô hûn 海 水 清 清 天 無 雲 Tsūn-tsūn hái-hong liâng ji̍p sim 陣 陣 海 風 涼 入 心 Tsûn-á kiânn tio̍h tsin pîng-ún 船 仔 行 著 真 平 穩 li̍k -tó kíng-sik ìn-siōng tshim 綠 島 景 色 印 象 深

˙1、3 句押仝韻（雲、穩），韻跤押 un；2、4 句押仝韻（心、深），韻跤押 im。

這首七字仔是隔句押韻（˙。˙。）。

（2）下面是七字仔兩句一韻 ê 例：

Tâi-tang sik-khia hó tsúi-kó 台 東 釋 迦 好 水 果 Iau-iau tsia̍h liáu mā bē tso 枵 枵 食 了 嘛 袂 慒 Sù-kùi tsē-tsió m̄ bat tn̄g 四 季 濟 少 毋 捌 斷 Nā beh hó- tsia̍h tsāi-tsâng n̂g 若 欲 好 食 在 欉 黃

˙1、2 句押仝韻（果、慒），韻跤押 o；3、4 句押仝韻（斷、黃），韻跤押 ng。這 首是兩句一韻（˙˙。。）。

（3）七字仔，1、2、4 句押韻，第 3 句無押韻 ê 例如下：

Tî-siō iā -tong kóo-tsá- ī

池 上 便 當 古 早 味 e h - ̄g hiū- hiū ha oh ti 白 飯 hiū- hiū 芳 閣 甜 Tshia-tsām a t -tâi siann-siann huah 車 站 月 台 聲 聲 喝 Kháu- ī ô i siō ia -tshî 口 味 無 變 上 堅 持

˙1、2、4 句押仝韻（味、甜、持），韻跤押 i、inn；第 3 句尾字（喝），韻跤 uah。

這首七字仔是 1、2、4 押仝韻，第 3 句無押韻（。。ｘ。）。

（4）七字仔 4 句押仝韻 ê 例如下：

Lâ ū tsì-khì sêng tāi-sū 人 有 志 氣 成 大 事 Bô-ài lîn- í siū lâ hû 無 愛 憐 憫 受 人 扶 Thāi j si -sì tsiah ū 待 人 守 信 才 有 久 Kóng tsi t sī tsi t bô hi-sû 講 一 是 一 無 虛 詞

˙1、2、3、4 句押仝韻（事、扶、久、詞），韻跤押 u；

˙第 1 句聲調押第 7 聲（陽去），屬低音調，也會使押高音調（1、5、-h8）佮低

音調（2、3、7、-h4）；

˙第 2 句押 5 聲（陽平），也會使押 1 聲佮 8 聲（-h8）懸音調；

˙第 3 句押 2 聲（陰上），也會使押 3、7 聲佮 4 聲（-h）低音調；

˙第 4 句押 5 聲（陽平），也會使押 1 聲佮 8 聲（-h8）高音調。七字仔配合懸音 調佮低音調，才會當達到「詩樂和諧」。

這幾冬來，濟濟 ê 台語先進收集歌仔冊，進行用韻佮聲調配置 ê 研究，有關 韻跤可通押抑是不可通押，下誠濟時間佮心神研究分析，得著大部份相仝 ê看法。

聲調 ê 配置，也認同懸音調佮低音調佇四句聯仔 1、2、3、4 句韻尾聲調 ê 鋪排 方式，予有想欲研究歌仔冊抑是寫歌仔 ê 有依據佮幫贊。

本研究者對全毋捌啥物是台語文、啥物是歌仔冊，到今仔日會曉看、讀、寫 台文、七字仔，認為欲學捌台語字、詞，著先學會一套台語音標，才會收著「事 半功倍」ê 效果。十冬前我先共羅馬字拼音法學清楚，紲落來學台語字、詞彙，

發現會曉一套台語標音法，無論是看、讀、寫攏誠方便。

佇創作七字仔佮教七字仔寫作過程中，感覺一句七字排法需要一个概念。王 育德（1993）認為一句七字大部份有二種排法：1. 。。 。。 ˙ 。。；例：

母語 教育 真 重要；2. 。。 。。 。。 ˙ ；例：台灣 語言 真正 媠。了解 以上七字 ê 排法，欲寫出七字一句就想較會出來。

台語七字仔寫作雖罔毋是困難，毋閣對初學寫 ê人來講，韻跤佮聲調欲兩顧，

有時仔會予人一粒頭兩粒大，顧押韻煞袂記鋪排聲調，起頭若是感覺困難，著會 來排斥練習寫作。

讀台文所這段時間，有兩個月利用每禮拜三下晡二節課，佇康樂國小實施七 字仔 ê 寫作教學，為著避免囡仔學寫作 ê 時先去驚著，起頭先教二句同韻（欲寫 四句也會使得）ê 方式，然後予囡仔自由發揮。下面指幾个例：

Pi-lâm ti-hueh thng tsin tinn 卑 南 豬 血 湯 真 甜（tinn) Ū hē kiâm-tshài hó tsu-bī

有 下 鹹 菜 好 滋 味（bī）

tsu̍t -bí- tn̂g phùe ti-hueh-thng

糯 米 腸 配 豬 血 湯（thng) Tâi-tang sio- tsia̍h ū tsiūnn-sǹg 台 東 小 食 有 上 算（sǹg）

以上一、二押仝韻，三、四押仝韻。

Pi-lâm ti-hueh sió - tsia̍h -tiàm

卑 南 豬 血 小 食 店（tiàm）

Tiàm-lāi kheh kah bô tè siám

店 內 kheh 甲 無 地 閃（siám）

Thng-thâu bī hó tsió lâng hiâm

湯 頭 味 好 少 人 嫌（hiâm）

tsia̍h liáu o-ló tsînn bô khiām

食 了 呵 咾 錢 無 儉（khiām）

以上一、二、三、四押仝韻。

Tâi-tang ū suann kiam ū hái 台 東 有 山 兼 有 海（hái）

Kíng-kuan tsū-jiân thong lâng tsai 景 觀 自 然 通 人 知（tsai) Kīn lâi bí-kíng tsiām phah pháinn

近 來 美 景 漸 拍 歹（pháinn）

Phò-hāi khûan-kíng tūa put-kai

破 壞 環 境 大 不 該（kai)

以上四句押仝韻，聲調照七字仔懸音調（1、5、-h8）聲佮低音調（2、3、7、

-h4）聲 ê 押法：第一句押 2 聲；第二句押 1 聲；第三句押 2 聲；第四句押 1 聲。

經過短短八禮拜 ê 七字仔寫作教學，發現囡仔進步真緊，有大部份已經會曉 寫有押韻 ê 七字仔。只可惜台語用字捌少，較無有好 ê 發揮。教學上若是會當佇 羅馬拼音方面重視，應用有押韻 ê 七字仔抑是俗語、謎猜有押韻 ê，予囡仔 tsia̍p 聽 tsia̍p 唸，增加口語佮音韻 ê 練習，予囡仔感覺趣味閣歡喜，增加認捌台語字、

詞，是身為母語教學者 ê 重要工課。

（四）七字仔用字

用漢字記述台灣閩南語，常常會去拄著「有音無字」ê 困擾，後來 ê 事物愈 來愈濟閣複雜，欲揣一个漢字來記載新產生 ê 台灣閩南語詞彙，總是會拄著顧這 項，顧袂著別項 ê 困境（林慶勳，2001）。

歌仔冊是一種用普通俗漢字，記敘閩南民間歌詩 ê 細本歌仔簿（王順隆，

1993），歌仔冊常用借音字、擬聲字、訓讀字、新造字等，來補充現有用字 ê 不 足。歌仔編寫者欠缺「本字」ê 概念，是這个緣故，歌仔冊內面定定看會著使用

「借音字」（姚榮松，2010）。

歌仔冊 ê 書寫文字並無真講究正確性，只要寫會出來、看會捌、讀會來著好 矣。近年來 ê 研究以早期歌仔冊 ê 用字，發現誠濟無合字意。毋過佇彼个時期，

會當共遐爾仔濟流傳佇民間 ê 歌詩文字化，非常「難能可貴」，真值得呵咾。

閩南語 ê 形成已經有幾百年，有泉音、有漳音，這馬漸漸產生漳、泉濫。歌 仔冊使用 ê 語言以白話為主，主要 ê 原因是聽眾往往是一般民眾，為著符合大眾

ê 口味佮需求，口語化是歌仔冊 ê 上大特質。著是「以記音為主」，才會使得現 代閱讀者看著文字毋捌字義 ê 狀況。

林慶勳（2001）對漢字佮台灣閩南語之間 ê 對應關係，列出三點做簡單 ê 說 明：1.本字是指音、義佮字形契合；2.訓讀字指 kan-nā 借義無借音；3.假借字是 借音無借義。這三點說明，佇讀寫整理歌仔方面，予咱 ê 用字有一个方向，對歌 仔冊用字分析也有所幫贊。

早當時語言 ê 真實記錄，是記錄聲音為主，「由音生義」是歌仔冊上大 ê 特 性。整理研究歌仔冊必須保存原文，毋通烏白改原文（施炳華，2010）。若欲改 原文 ê 字，著愛共原文 ê 字囥 佇邊仔，如下：

Bín Sún in tia tsi̍t-ē khùann 閔 損 （因） 爹 一 下（兮）看 Sann tshīng tsiah tsē iá teh kûann 衫 穿 即 濟（多）猶（野）咧（塊）寒 Bín Sún m̄ kánn kóng án-tsúann

閔 損 毋（不）敢 講（說）按 怎（盞）

Āu-bó nn̄g khúan ê sim-kuann 後 母 兩（二）款 的 心 肝

用字分析： （in) 因，新造字；兮（ē）下，同音字；多（tsē）濟，借義字；

野（iá）猶，借音字；塊（tè）咧，借音字；不（m̄）毋，借音字；說（kóng）

講，訓讀字；二（nn̄g）兩，借義字。

In tia khùann tio h sann tsi̍t khang

（因）爹 看 著 衫 一 空 Lāi-bīn tsuan sī phoo kuann-bâng 內 面 專 是 鋪（舖）菅（竿）芒 Bô siūnn sng kûann seh iū tàng 無 想 霜 寒 雪 又 凍 Āu-bó tsiah gâu khóo-to k lâng 後 母 即 𠢕（賢）苦 毒 人

用字分析：因（in) ，新造字；舖（phoo)鋪，借音字；竿（kuann)菅，借音字；

賢（gâu）𠢕，借義字。註：（）內底 ê 字是歌仔冊原文用字。改用 ê 字是照教育 部公告台語常用字為主。

本研究 ê 文本，台語文字 ê 部份以漢羅文字方式來書寫，因為用漢羅書寫真 方便，就是講佇台語有音無字 ê，抑是台語字寫袂出來，攏會使用羅馬字來書寫

（張學謙，2002）。1964，年王育德捌佇日本發行 ê《台灣青年》提出漢羅 ê 主

張；紲落，1977 年《台灣語文月刊》佇美國推動漢羅書寫運動（張學謙，1997）。

鄭良偉對漢羅書寫運動 ê 貢獻上大。漢羅雖罔是較慢出現 ê 台語書面語，m̄ -koh 伊得著真濟語文專家 ê 支持（鄭良偉，1989，1990；王育德，1993），資訊處理 專家 mā 支持用漢羅（江永進，1995）。以目前使用 ê 狀況來看，漢羅是現階段 台語文上捷用 ê 方式，本文 ê 書寫著是使用漢羅 ê 方式，七字仔佮三字仔 ê 文本 呈現，攏有 2 部份，全羅馬字 ê 部份佮漢羅 ê 部份。

第三章 台東風土人文台語唸謠創作

本章記錄本研究 ê 台東唸謠創作成果。台東是一個美麗 ê 所在，風土人文豐 富，就文本題材內容包含在地 ê 土地佮聲音，唸謠好記也較容易引起囡仔 ê 趣味，

創作內容分做：地方唸謠、景點唸謠、民俗唸謠佮古蹟唸謠。文本內容以三字仔 佮七字仔呈現，唸謠趣味好記，台語文字 ê 部份是以漢羅方式來書寫，一方面保 持傳統，另方面符合現此時代 ê 需求。這章分做四節，分別呈現地方唸謠、景點 唸謠、民俗唸謠佮古蹟唸謠。

第一節 台東地方唸謠

本縣縣轄一市二鎮十三鄉，各地方以三字仔韻文體裁書寫。先收集有關文獻，

不足 ê 所在 ùi 台東鄉鎮市網站揣資料，並且親自行過台東所有鄉鎮市（綠島、

蘭嶼除外），以漢羅書寫地方小檔案，並創作三字仔唸謠，三字仔 ê 韻文收效迅 速，是囡仔啟蒙教育好體裁（林朝成，2000）。

一、台東市

日 出 東 ， 黎 明 時 。 Ｊi t t s h u t t a n g , l ê- b în g s î.

紅 記 記 ， 照 東 市 。 Â n g - k ì- k ì, t s i ò t a n g - t s h ī . 縣 中 心 ， 好 生 理 。 K ū a t i o - s i m , h ó s i n g - l í.

真 佳 易 ， 錢 趁 錢 。 Tsi a ia h, ts th ts . 號 寶 桑 ， 是 阿 米 。 H ō P - s o , s ī A - b í.

台 東 州 ， 清 朝 起 。 Tâi-tang tsiu, Tshing -tiâu khí.

早 到 今 ， 無 換 字 。 Ts á k àu t a n n , ô ū a j ī .

陳 樹 菊 ， 踮 菜 市 。 Tâ Tshiū-kiok, tiàm tshài-tshī.

賣 青 菜 ， 趁 薄 利 。 B ē Tshe -tsh i, th o h- l ī . 獻 愛 心 ， 捐 大 錢 。 H i àn ài - s i m , a t ū a - t s în n . 行 善 人 ， 只 求 施 。 H în g - s i ā - j în , t s í k i û s i . 儉 食 穿 ， 不 為 己 。 Khiām tsia h- t s h ī , t ū i í . 得 百 大 ， 芳 上 天 。 Tit ah tūa, ha tsiū thi . 做 奉 獻 ， 終 身 志 。 Ts ò h ō - h i àn , t s i o n g - s i n t s ì.

七 八 月 ， 大 熱 天 。 Tshit eh e h, tūa j a h- t h i n n . 釋 迦 軟 ， 芳 閣 甜 。 Sik- hia ń , ha oh ti . 冬 尾 時 ， 加 一 氣 。 T a n g - b ú e - s î, k e tsi t- k h u ì.

釋 迦 形 ， 旺 來 味 。 S i k - k h i a h în g , ô n g - l â i ī . 新 品 種 ， 來 鬥 市 。 S i n p h ín - t s ín g , l âi t t s h ī . 東 市 郊 ， 鐵 線 棚 。 Tang-tshī-kau, thih-sùann-pênn.

種 荖 花 ， 趁 大 錢 。 Tsìng láu-h e, th tūa -tsînn.

毒 素 病 ， 來 觸 纏 。 To - s òo - ē , l â i t a - t în n . 換 荖 葉 ， 葉 葉 生 。 Uā lá - hio h, hio h hio h si n . 日 見 錢 ， 好 過 年 。 Ji t ì ts , h ùe- n î .

台東縣治所在地台東市，土地踮佇知本溪下游北爿，海岸山脈點髮溪南，舊 稱「寶桑庄」。寶桑一詞源自阿米族語 paposo，台東平洋佮附近攏有小山崙，才 會用有小山崙（po song）ê 所在做地名。1875 年清朝設卑南廳，1897 年升格直 隸為台東州，台東 ê 名沿用到今。台東市近山倚海，美麗 ê 自然環境無底比，境 內聚集阿美、卑南、排灣原住民族群，閩、客、外省移民形成族群融合，兼包含

著獨一特別 ê 文化，台東市是本縣中心點，西爿佮卑南鄉相倚，西南方知本溪為 界，參太麻里相隔壁，北爿佮東河鄉為界，東爿含太平洋相對看是一 ê 近山倚海 真媠 ê 城市。名勝景點有台東森林公園、海濱公園、鯉魚山、國立台灣文化博物 館、卑南文化公園。寺廟：天后宮、代天府。農特產：釋迦、荖花、荖葉。²

本市陳樹菊女士得到 2010 年最具影響力時代百大人物之英雄項目第八名，

上值得呵咾，嘛是本市最大 ê 光榮。

二、太麻里鄉

千 禧 年 ， 看 日 出 。 Tshia -hí- , hùa ji t - t s h u t . 一 道 光 ， 上 早 出 。 Tsi t t ō , s i ō t s á t s h t . 萬 外 人 ， 熱 勃 勃 。 B ā ū a l â , jia t - p h u t - p h u t . 出 海 口 ， 畚 土 沙 。 Tshut-hái- há , ū thôo-sua.

三 角 洲 ， 上 介 闊 。 Sann-kak-tsi , siō i h ah.

種 釋 迦 ， 粒 粒 大 。 Ts ìn g s i k - k h i a , lia lia t ū a . 釋 迦 王 ， 著 是 遮 。 S i k - k h i a ô n g , tio h s ī t s i a . 粉 沙 地 ， 插 甘 蔗 。 H ú n - s u a - t ē , t s h a h a m - t s i à.

收 成 好 ， 規 大 車 。 S i u - s h , i t ū a - t s h i a . 拍 拚 做 ， 好 生 活 。 Phah- i tsò, h si - a h . 花 之 鄉 ， 芳 貢 貢 。 Hue tsi hiong, phang-kòng-kòng.

野 百 合 ， 戀 春 風 。 Iá- i - ha , lûa tsh - h o n g .

2 本文關係台東地方景點ê紹介主要參考林建成（2000）佮趙川明、林韻梅（2009），為著行文

方便，無一一註明。

金 針 花 ， 熱 天 旺 。 Kim-tsiam-hue, j a h-thi ō . 杭 菊 花 ， 迷 秋 風 。 Hâng-kiok-hue, bê tshiu-hong.

櫻 花 紅 ， 媠 噹 噹 。 I n g - h u e ân g , s ú i - t a n g - t a n g .

地佇台東縣南爿 ê 太麻里鄉，清代文獻中號做「兆貓裡」、「朝貓裡」、「太貓 狸」、「太麻里」。日治時期叫做「太麻里」到今。原住民稱讚太麻里是「日頭光 照甲光影影 ê 肥地」。太麻里鄉北爿以知本溪佮大武為界，西爿佮金峰鄉、達仁 鄉兩大山地鄉相隔壁，東爿接近太平洋。佇知本溪佮大竹溪之間 ê 沖積土沙地，

面積上蓋大塊，就是太麻里溪出海口 ê 三角洲。往太麻里沿路攏是美麗海灣相 伴。

有「花之鄉」ê 太麻里，春天野百合，夏天金針花，秋天杭菊，照節氣輪範，

勻勻仔開，沓沓仔媠，予太麻里媠噹噹，芳芳芳。

景點：千禧曙光紀念公園、金針花海、金崙溫泉。

農特產：金針花、釋迦。

三、金峰鄉唸謠

青 狂 雨 ， 倒 大 樹 。 Tshenn-kông-hōo, t tūa-tshiū.

做 水 災 ， 土 石 流 。 Tsò ts i-tsai, thôo-tsio h l i û . 受 災 戶 ， 面 憂 憂 。 S i ū - t s a i - h ō o , ī i u - i u . 內 山 鳥 ， 哮 啾 啾 。 Lāi -suann tsiáu, háu -kiù-kiù.

排 灣 兄 ， 舉 刜 刀 。 P âi - û a n h i a n n , g i â p h u t - t o .

魯 凱 哥 ， 來 鬥 剉 。 L û - k h ái k o , l âi t àu t s h ò .

用 鋤 頭 ， 掘 山 坡 。 I ō t - t h âu , t s u a n n - p h o .

洛 神 花 ， 毋 驚 洘 。 Lo k - s în - h u e , m̄ k i a n n k h ò.

免 肥 地 ， 好 種 作 。 B i án p û i - t ē , h t s ì - t s o h . 出 產 量 ， 蓋 全 台 。 Tshut-sán liō , i tsûa Tâi.

秋 天 時 ， 色 變 換 。 Tshiu-thinn sî, sik piàn-ūa . 楓 仔 樹 ， 穿 紅 衫 。 Png-á-tshiū, tshī â -sann.

洛 神 花 ， 戴 紅 帽 。 Lo k - s în - h u e , t ì â n g - ō . 規 片 紅 ， 好 𨑨 迌 。 K ui p hiàn âng, hó t s hit - t hô.

地踮佇海拔上低百五公尺到懸三千公尺 ê 金峰鄉，是台東縣 ê 山地鄉之一。

東爿倚太麻里鄉，西爿佮屏東縣 ê 霧台、瑪家、泰武等鄉鎮相連，南爿連接達仁 鄉、北爿面佮卑南鄉 ê 知本溪形成天然界線。因為鄉地踮佇中央山脈大武尖峰山 跤，全是崎壁斷崖，山坡地較濟平地，遭受地形 ê 限制，發展重心才會偏對正爿 佮太麻里鄉相接彼貼位仔。

金峰鄉是屬內陸鄉，伊 ê 前身是金崙鄉。光復初期，鄉治設佇金崙，後來依 照政策才改做山地鄉，閣共名變更做金山鄉，鄉治遷徙到嘉南村。號做金山鄉，

煞hām 台北 ê 金山鄉仝名，才閣換名叫做金峰鄉。

農特產有洛神花茶、蜜餞、金針花。

景點有金峰溫泉、嘉南陳家石板屋。

四、達仁鄉

南 田 庄 ， 石 海 岸 。 L âm - t i ân ts , tsio h- h ái - h ū a . 海 湧 潑 ， 硞 出 聲 。 Hái-í h ah, ho tsh t- s i a n n . 圓 形 石 ， 公 家 看 。 Î -h tsio h, o - k e k h ù a n n . 惜 資 源 ， 通 留 名 。 S i o h t s u - g ûa n , t h a n g l âu - m i â.

小 山 崙 ， 鎮 九 成 。 S i ó s u a n n - l u n , t ìn k áu - s i ân n .

懸 低 瀉 ， 路 歹 行 。 Kûan- ē si , lōo hái iâ . 坑 溝 頂 ， 起 庄 落 。 K h e n n - k a u tí , hí ts lo . 避 風 雨 ， 相 照 顧 。 Phiah ho ng -hōo, sio tsi -kòo.

生 活 苦 ， 望 天 晟 。 Sing- a h h o, ā thi tshiânn.

竹 高 溪 ， 水 源 清 。 Ti k - k o - k h e , t s ú i - g û a n t s h i n g . 毛 蟹 肥 ， 品 質 讚 。 M ô o - h ē û i , h í - t s i t t s án . 清 明 跤 ， 後 代 傳 。 Tshing - ha, ā -tāi thûa . 護 生 態 ， 用 袂 完 。 H ō o s i - t h i , i ō ē û a .

鄉地佇台東縣上南爿面 ê 達仁鄉，以大武西爿，金峰南爿為界，東爿倚近屏 東縣。規鄉有百分之九十以上是山崙佮山地，干焦有一棧一棧 ê 河邊地分散佇溪 谷，是主要聚落 ê 所在。清治時期，達仁鄉是直隸洲卑南廳 ê 管轄地，日治屬「大 武區役場」光復後設山地鄉，本鄉 uì 大武鄉規劃出，成立達仁鄉。鄉治初初設 佇土板村，後來因為交通不便，才改設佇安朔村。

本鄉有南迴鐵路佮南迴公路經過，是台灣東西部走廊地帶

景點有土坂排灣族文化藝術社區、南田海岸親水公園、拉里吧毛蟹生態。

特產有毛蟹。

五、大武鄉唸謠

大 武 港 ， 開 發 期 。 T ā i - b ú k án g , k h a i - h u a t - k î.

噗 仔 聲 ， 來 響 起 。 Pho - á- s i a n n , l âi h i án g - k h í.

討 海 人 ， 笑 微 微 。 T h ó - h ái - l ân g , t s h i ò - b i - b i .

掠 魚 船 ， 有 通 覕 。 Lia h - h î- t s û , ū t h a i h .

中 央 山 ， 懸 閣 踦 。 Tiong-iong-s a , ûa oh iā.

歹 做 穡 ， 僫 趁 食 。 P h ái n n t s ò- s i t , o h t h àn -tsia h.

手 牽 手 ， 搬 落 山 。 Tshiú ha tshi , a lo h s a . 暗 荒 地 ， 溪 口 岸 。 À m-hong-tē, he-kháu-hūa . 坔 水 窟 ， 著 閃 避 。 L m-ts i- h t, tio h siám- p h i a h . 插 柴 杙 ， 做 號 頭 。 Ts h a h t s h â- hi t, tsò hō- t h âu . 排 灣 哥 ， 好 頭 腦 。 P âi - û a n k o , h ó t h âu n áu . 小 漁 船 ， 出 外 海 。 S i ó h î- t s û , t s h t ū a - h ái . 油 帶 魚 ， 滿 船 載 。 I û - t ù a - h î, m ú a t s û n t s ài . 起 水 鮮 ， 甜 喙 內 。 Khí-tsúi-tshinn, tinn tshùi-lāi.

有 好 食 ， 有 好 賣 。 Ū h -tsia h, ū h ē.

辛 苦 錢 ， 顧 全 家 。 Sin-khóo tsînn, kòo tsûan -ke.

地佇台東縣上南爿面 ê 大武鄉，原本叫做巴塱衛，是「拿棒子打」ê 意思。

早當時，排灣 uì 中央山脈向東徙到巴塱衛溪口，這馬 ê 大武溪附近。為著閃避 無法度利用 ê 水窟濕地，用柴杙仔插做號頭，才會將這 ê 所在號做「巴塱衛」。

日治大正九年（1920）佇台東廳下面改設大武支廳，大武區。昭和十二年（1937）

日本政府為著欲推捒皇民化，變更改設台東、關山、新港三郡，這馬 ê 大武鄉 su 當時屬台東郡下跤 ê 大武庄，包含現此時 ê 大武佮達仁兩鄉。光復後，政府將原 來大武庄 ê 山區劃做達仁鄉，平地部分劃做大武鄉。鄉治初設大武村，後來為著 配合大武漁港 ê 開發，才閣遷徒到尚武村。大武是南迴鐵路進入台東 ê 頭一站。

景點有：金龍湖、大武漁港。漁特產是油帶魚。