本研究採用行動研究方法，uì教學計畫、實際教學、發現問題、檢討修正ê 程序，最後問題得著解決。本章分作三節，第一節是行動研究方法佮流程；第二 節是參與對象佮教學場所；第三節是資料分析佮處理。
第一節 行動研究方法佮流程
一、行動研究方法
行動研究是透過行動研究ê結合，搝近理論佮實務ê距離，實務工作者佇實務 行動過程中進行反思，改進實務工課（蔡清田，2000）。行動研究結合行動佮研 究，是實務工作者對著解決實際問題ê需要，參組織中ê成員合作，以問題發展做 主題，進行系統ê研究，是一種講究解決實際問題ê研究方法（陳伯璋，2001）（引 自曹麗華，2010）。教師從事行動研究是經由反思來ê，教師uì反思佮主動探討，
走揣改進佮成長，才會有行動研究ê產生（林素卿，2002）。行動研究ê起點是教 師發現教學現場所發生ê問題，產生批判性ê思考，紲落來uì教學整個ê過程來反省 思考，探討啥物所在愛改進，補充，調整，主要ê目的是欲解決佇教學上一寡實 務ê問題，促成教師佇專業這方面ê成長。
二、研究架構佮流程
本研究自編教材佮教學過程ê探討，是屬課程方面ê行動研究。以國小高年級 學生做對象，教師融入台東風土人文教學，設計台東風土人文為主題ê七字仔創 作行動教學，除了完整呈現教學活動ê過程以外，嘛探討教學ê學習成果佮教師專 業能力ê成長，圖1是本研究ê架構圖：
圖 1 研究架構圖
三、行動研究 ê 歷程
以下描述行動研究ê歷程：（一）上事（tāi）先是發現問題：推動母語教育，
坊間有袂少ê教材，毋過適合當地ê教材卻是無濟，欠缺呈現本地方生活佮文化特 色。佇課程進行上，系統佮組織較無够，教師愛用真濟時間佮氣力來收集資料，
準備課程，按呢往往會去影響著教學效率；（二）分析佮診斷問題：研究者多年 佇國小母語教學過程發現，以七字仔對囡仔佇母語學習上幫贊上蓋大，無論是聽 抑是講能力ê提升，攏有好ê效果，嘛帶予囡仔真濟樂趣。 ī文獻ê收集，探討七字 仔ê特質，價值佮教學上ê應用，七字仔是教師創作自編ê教材，佇教學上，會當 達成在地化佮生活化ê目標；（三）課程發展行動ê實施佮反應：這項行動ê實施 分做二个項目，頭一項是教材ê編寫佮設計，另外一樣是實際教學ê過程。這二項 攏是課程發展中ê行動策略，含有順序佮因果ê連結關係，提實際教學做檢討教材 ê評鑑工具，佇課程發展行動ê反思，教材內容佮價值為主要，教學ê技巧是輔助 爾爾；（四） 課程發動行動ê回饋，評鑑佮省思：教師用觀察、記錄、評量等方 式，來了解囡仔學習ê成效，以家長意見佮態度，助理教師ê批評、建議，加上研 究者自我檢討、省思、記錄等，經過資料分析整理，作教材評鑑佮教學成效ê根 據；（五） 行動研究ê結論佮成果發表：研究者根據頂面ê研究歷程，收集佮整 理ê資料，進行分析說明，對七字仔創作ê自編教材佇母語教學實施佮研究者本身 ê教學專業，提出結論，寫出行動研究論文。
以自創七字仔 文本編寫教材
檢討教材
創作七字仔念謠進行 台東風土教學
以七字仔進行 寫作教學 教學ê反思
整理佮分析資料 檢討佮結論 撰寫研究報告
第二節 研究參與者佮教學場所紹介
本研究參與對象是台東縣康樂國小高年級學生，以該校作教學場所，進行母 語自編教材佮教學實施ê行動研究，以下對研究參與者佮場所分別做紹介：
一、 實際教學者佮教學對象：母語教學者由本研究者担當，教學時間以 每禮拜三下午一點至三點分做兩節實施教學，教學對象有康樂國小 高年級學生共11名參與。
二、 協同觀察佮研究者：進行統整教學實施，協同觀察者是研究者三位 助理教師，現在是台東大學華文系三年級學生，佇進行七字仔創作 教學ê時陣，協助觀察，同時提供建議，協同觀察者隨時提供行動 實施教學現場ê協助佮提供資料。
三、 行動研究實施場所紹介：本行動研究實施場所，是台東縣康樂國小，
校園活動場所闊闊，學校出入路草真好，校邊大樹濟，樹葉ām閣 青翠，花草媠，校內清氣，空氣清芳，囡仔佇這款優美校園讀冊，
個個活潑康健。康樂國小在市郊，四面道路通透透，學園清幽好埕 斗，囡仔活潑讀冊敖。
第三節 收集資料佮整理分析
本研究是行動研究，進行七字仔結合台東風土人文台語自編教材佮教學做基 礎，佇資料ê收集分作三个部分，頭个是收集佮主題相關ê七字仔作品；第二是收 集有台東風土人文內涵ê資料；第三是收集教學實施資料。
這馬將本研究收集資料方法做說明：
一、 觀察：佇本研究所採用ê觀察方式有以下兩種：1.利用錄影機錄影：
針對每禮拜三120分鐘ê教學活動，教學利用錄影機留下真實ê記錄，
佮教學者親目看著教學進行實際ê情形，作回饋佮反省；2.教學過程 ê觀察記錄，教師佮囡仔佇教學過程中ê問答，教學者ê行動佮囡仔 學習反應情形，作教學批判ê證據。
二、 省思筆記：省思筆記是個人ê自我對話，紀錄研究者所觀察，感覺、
反應、解說佮反思ê筆記（夏林清等譯，1998）。
三、 訪談：本研究是融合在地風土人文自編教材，以錄音訪談。訪談ê 目的，是了解研究參與者對這个行動方案ê觀點佮態度，ùi參與者所 透露ê想法，感覺佮經驗中，予研究者了解行動對研究參與者ê意義，
成做研究評估佮研究設計，反思佮修正（蔡清田，2004）。
四、 文件分析：對學生所寫ê物件，瞭解課程執行ê效果，學生對七字仔 格式佮押韻ê掌握程度，攏會當透過寫作文件，進行瞭解。作課程 設計ê修正，教學計畫參與者佮評估行動方案實施ê成效，選取文件 資料，愛針對研究關注ê議題，提供有效ê訊息（甄曉蘭，2003）。
行動研究使用多方面的資料，像觀察記錄，訪談紀錄，七字仔ê素材，鄉土
文化資源等等整理資料佮分析，必須針對研究重點作分類，做出一套有系統佮有 效率ê管理資料技巧（林素卿，2002）。本研究將收集質化資料，記錄時間，分 類，ui資料中整理出七字仔創作歷程ê脈絡佮實施情形。