第三章 台東風土人文台語唸謠創作
第三節 台東民俗唸謠
台東民俗活動，主要 ê 是元宵神明繞境、炸寒單爺、做醮，每項民俗攏有伊 ê 緣起，除了看鬧熱，嘛著對每一項民俗活動 ê 舉辦時間、進行方式佮所代表 ê 意涵有所了解，創作前資料先做較完整 ê 收集，然後寫成小檔案，予囡仔會當歡 喜唸七字仔，同時了解每種民俗活動所包含 ê 意義，在地特殊 ê 民俗活動代代相
傳，保留地方文化。
一、做醮
東 市 祭 壇 五 方 𥩴 。
Tang-tshī tsè-tûann ngóo-hong tshāi.點 燈 結 彩 鬧 猜 猜 。 Tiám-ting kat-tshái nāu-tshai-tshai.
七 朝 醮 祭 上 盛 大 。 Tshit-tiâu tsiò-tsè siōng sìng-tāi.
全 為 地 方 福 年 來 。 Tsûan ūi tē-hng hok-nî lâi.
祈 求 民 安 佮 國 泰 。 Kî-kiû bîn an kah kok thài . 信 眾 隨 俗 食 素 齋 。 Sìn-tsiòng suî sio̍k tsia̍h sòo-tsai.
三 工 齋 戒 無 凊 彩 。 Sann kang tsai-kài bô tshìn-tshái.
誠 心 求 安 上 天 知 。 Sîng-sim kiû an siōng-thiann tsai.
開 臊 下 晡 辦 祭 拜 。 Khui-tsho ē-poo pān tsè-pài.
牲 禮 四 果 滿 桌 排 。 Sing -lé sù -kó múa toh pâi . 鄉 土 民 俗 傳 代 代 。 Hiong-thóo bîn-sio̍k thûan tāi-tāi.
保 存 文 化 靠 全 台 。 Pó-tsûn bûn-hùa khò tsûan tâi.
醮是祭拜祈求 ê 意思，和尚道士設壇祭神就是醮，做醮 ê 宗教活動大約佇東 漢末年離這馬有一千九百外年 ê 歷史，是一 ê 可大可小社會以還願酬神 ê 大規模 祭典。
台東天后宮循例十二年舉行一擺，每次佇虎年舉辦七朝祈安清醮，是地方 ê 大代誌，禳災植福為目的。2010(庚寅年)是天后宮第五擺舉行做醮祭，由天后宮 發動，各界配合，百姓戶民響應，目的以祈求台東地方未來之福，敬天謝地，祈
神酬恩，是一種大規模 ê 謝恩祭典。
做醮活動是道教弘法濟世真重要佮傳統 ê科儀式之前，設置天台，祭拜天公，
小者三工，上濟數十日，跋筊徵求神明同意。2010 年台東天后宮舉行 ê 醮祭，包 含禳熒火酬一朝，祈安清醮五朝佮奠安福海水醮一朝，（朝 ê 算法是以醮期 ê 日 數來算）合稱七朝醮，百姓做醮活動以七朝醮上蓋盛大，科儀內容上充實。台東 天后宮祈安清醮 ê 斗燈道份，有玉皇壇、福德壇、北帝壇、天師壇、觀音壇、三 官壇、聖母壇等，入醮 ê 前一工，佇醮域內完全戒殺，信徒佮居民食素三至七工，
一直到開臊時結束，以示誠心祈安祈福，醮祭最後一工 ê 下 poo 三點舉行普渡，
也是做醮醮祭最高潮，目的是欲宴請前來參加建醮科儀 ê 天神、地祇、孤魂、野 鬼等酬謝保境平安。
二、炮炸寒單爺
炮 炸 寒 單 熱 滾 滾 。 Phàu tsà Hân-tan jia t-kún-kún.
濛 煙 散 霧 看 無 雲 。 Bông-ian sàn- ū khuànn bô hûn.
祈 求 財 神 送 財 運 。 K î- k i û t s âi - s în s àn g t s âi - ū . 家 家 戶 戶 食 有 賰 。 K e -k e h ōo - hō o tsia h ū t s h u n .
自清朝末年以來，台東市元宵節迎神廟會活動 ê 陣頭中，就流行「炮炸寒單 爺」。寒單爺相傳是武財神，炮炸寒單爺是為著迎接財神之意。寒單爺驚寒，當 當（tng-tong）出巡 ê 時陣，民眾擲炮仔為伊驅寒，這 ê 特殊民俗活動，每年攏予 台東市陷入鬧熱滾滾氣氛中。以真人裝扮 ê 寒單爺，干焦身穿紅短褲，手舉一把 松仔葉枝護面，徛佇神轎頂，接受民眾擲捾炮，抑是由數位炮手，同時點著吊佇 竹篙頂規大捾炮仔接近轟炸，祈求愈放愈發，愈炸愈發。
1996 年文建會推捒全國文藝季，台東縣市 ê 廟會寒單爺出巡活動，成做文藝 季宗教民俗系列之一，同時也得著政府投入資源，幫贊活動 ê 舉行，吸引縣境內 外濟濟 ê 遊客民眾來鬥鬧熱。
三、元宵節
正 月 十 五 紅 彩 彩 。 Tsiann eh tsa - ōo âng-tshái-tshái.
神 轎 陣 頭 四 方 來 。 Sîn- iō tī -t hâu sù-ho ng lâi . 八 家 將 陣 搖 擺 擺 。 P a t - k a - t s i òn g t ī i ô- p ái - p ái . 先 踅 南 北 紲 東 西 。 Sing se h lâm-pak sùa tang-sai.
王 爺 轎 頂 老 神 在 。 Ô n g - i â i ō - t ín g l ā - s în - t s ā i . 善 男 信 女 陣 陣 來 。 S i ā - l âm s ìn - l ú t ī - t ī l âi . 舉 三 柱 香 一 直 拜 。 Giâ sann thiā hi It-ti t pài.
遶 境 為 民 來 消 災 。 Jiáu- í ūi lâi siau-tsai.
台東 ê 元宵節每年佇農曆正月十五、十六兩工，攏會舉辦神明遶境活動，tsit ê 活動結合了公家機關佮各廟宇神壇，組成長長 ê 鬧熱陣，佇台東市區街路遊境，
住戶店家置香案恭迎神轎，神轎經過門口，放炮迎接，雙手舉清香拜拜，祈求神 明保庇平安，事事順利。本縣慶元宵節活動，到今將近六十年，日治時代，為著 反對皇民化政策佮反對廟宇改做神社，佇日本被趕離台灣了後，地方紳士佮台東 天后宮發起保護神明廟宇 ê 護神活動，每年元宵節舉辦迎神遶境，為境內祈福。
元宵節活動上蓋鬧熱著是炮炸寒單爺，每年吸引濟濟本縣境內住民佮外縣市 遊客來鬥鬧熱，予 tsit ê 特別 ê 民俗活動增加袂少光彩。
起初參加遶境神轎陣頭無濟，現在參加廟宇神轎陣頭年年增加，愈辦愈鬧 熱，
活動會當延續，完全是得著信仰 ê 傳承。
四、中元普渡
中 元 節 日 慶 中 元 。 Tiong-gûan tseh-ji t khìng tiong-gûan.
普 渡 祭 品 隨 人 攢 。 Phóo-tōo tsè-phín sûi lâng tshûan.
誦 經 法 會 做 完 滿 。 Siō -king huat-hūe tsò ûan-búan.
拜 好 兄 弟 民 俗 傳 。 Pài hó-hiann-tī -sio thûan.
農曆七月十五是民間 tsit ê 重要節日，佛教號做「盂蘭盆節」，道教稱做中 元節。「中元」這 ê 名佇北魏開始有 ê，中元節閣稱做「鬼節」抑是「盂蘭盆會」，
佛教會佇這工超渡法會，稱做「屋蘭瑪納」（印度話 ULLAMBANA），盂蘭盆 ê 意義是「倒吊」，人生 ê 痛苦像倒吊佇樹頂 ê 夜婆，苦不堪言，為著予眾生毋免 受著倒吊之苦，需要誦經，佈食物予孤魂野鬼，這款 ê 誦經法會佮鬼月祭拜 ê 風 俗合合，中元節佮盂蘭盆信會就按呢仝時間流傳落來。
台灣 ê 風俗孤魂野鬼是「好兄弟仔」，中元普渡孤魂野鬼就稱做「拜好兄弟」。 台東普度 ê 型式分做公普佮私普，私普是以居住單位為主，uì初一到三十輪流普 渡，辦普渡 ê 當日下 poo，家家戶戶佇門口排腥臊 ê 飯菜佮其他 ê 食物等，俗稱
「拜門口」，逐盤菜攏愛插一支香，嘛著攢面桶水 kap 面巾通予好兄弟仔洗手面。
公普閣稱「廟普」，大約會佇七月十五舉行，俗語叫「拜七月半」以各庄頭 ê 廟 寺做中心，由廟寺主事者主持，法師誦經超渡。