李江却台語文教基金會kap台灣母語復振運動

全文

(1)國立臺灣師範大學臺灣語文學系碩士論文. 指導教授：張炎憲博士. 李江却台語文教基金會 kap 台灣母語復振運動 LíKang Khioh Tâi-gíBûn-kàu Ki-kim-huē -u -ts Ūn-tō LíKang Khioh Taiwanese Cultural & Educational Foundation and the Language Revitalization Movements for the Mother Tongues of Taiwan. 研究生：Tân Hong-hū (陳豐惠) 撰 2012 年 6 月.

(2) 說. 謝. 感謝指導教授張炎憲博士一路真有耐心 ê 指點，感謝所長、系主任李勤岸博士全力 ê 支持 kap 不時 ê 提醒，mā 感謝中山醫學大學台語系系主任廖瑞銘博士上尾關鍵性 ê 分拆 kap 點 tuh，予這篇論文 thang 順利出世。感謝《台文通訊》創辦人鄭良光先生佇幾若冬前予我十萬箍助學金，感謝鄭福田文教基金會 bat 予我兩萬箍獎學金；感謝台師大台語系許慧如老師、姚榮松老師、賀安娟老師、莊佳穎老師、林初梅老師、林淑慧老師過去幾冬教學、研究 kap 生活上 ê 關心 kap 鼓勵。感謝博士班 ê 慕真、秀容 tiānn 關心扶持，感謝仝班同學王薈雯、許貴菊、陳怡君 ê 陪伴 kap tàu 解決我這个上老 ê 同學所有 ê 疑難雜症，感謝學姊助教毓凌、孟珈、心怡 kap 所有共學 ê 台語系大家庭成員（包含在職班學生在內，歹勢，規大帆，就無一一唱名），恁 bat 提供 ê 協助、bat 傳送 ê 祝福，攏是予我完成論文 ê 重要養分。校外--ê，感謝黃文雄、吳國禎、陳穎柔過去對論文 ê 建議，感謝黃昭堂博士以前 ê 溫暖關懷，感謝劉慧真 tshiâng-tsāi 傳訊加油，感謝施俊州博士提供文獻，感謝《台文通訊》Toronto 讀者聯誼會、彰化讀者聯誼會 kap 鄭良光先生受訪問 kap 提供資料，感謝李樹全家族 kap 林宗要家族久年來持續贊助李江却台語文教基金會，感謝基金會董事長林皙陽、李秀卿翁某堅心對基金會事工 ê 奉獻，感謝基金會眾董事長久以來對我 ê 支持 kap 包容，尤其 ài 感謝基金會專職、兼職同工佇我讀冊期間 tàu 分擔 khang-khuè ê 辛苦：朱素枝、劉承賢、鄭雅心、鄭惠敏 kap 邱偉欣，感謝恁無怨言 ê 投入協力；Mā ài 大大感謝二十冬來捐獻金錢予基金會抑是提供逐款協助、來做義工 ê 濟濟有志兄姊，若無恁，基金會無可能存在，就無可能有這篇論文。這篇論文寫台灣歷史、台灣社會 ê 一寡跤跡，感謝啟蒙--我 ê 已經過身 ê 阿公－陳水鏡醫師 hām 爭取百分之百言論自由 ê 鄭南榕烈士、詹益樺烈士 kap 其他 oh 得算.為台灣犧牲奉獻 ê 前輩，感謝二十冬社運路途所有拄--過 ê 有志，有可能我袂記得恁 ê 名， -koh，恁 ê 行做，我囥佇心肝底。路尾，ài 感謝我 ê 親人，有爸母全力 ê 支持予我有厝 thang 蹛、免煩惱食穿，有小弟、弟婦仔、小妹、阿姨、阿媽 kap 三个阿姑 ê 關心，我才有可能這个歲 koh 做學生。感謝台灣！感謝上主！.

(3) 摘要 1991 年創刊 ê《台文通訊》雜誌鼓吹台灣人 ài「講台語，寫台文」，tsit 个理念 uì海外起鼓，1992 年設立「台灣總連絡處」，1996 年《台文通訊》ê 台文寫作會創立《台文 BONG 報》雜誌；1997 年雜誌讀者捐款成立「李江却台語文教基金會」，掠推動台灣母語復振運動 kap 推展台灣母語文學做基本，結合有志投入 koh-khah 濟事工，ǹg 望台灣母語復振 ē 成功。本論文以李江却台語文教基金會做研究對象，希望探討 tuì《台文通訊》到基金會一路 ê 跤跡 hām 基金會 tī 台灣母語復振運動 ê 角色，呈現 90 年代以來台灣母語復振運動 ê 面貌，期待 thang 補台灣社會運動史 ê 空隙。. 關鍵字：台文通訊、台語、台灣母語、李江却台語文教基金會、語言復振.

(4) Lí Kang Khioh Taiwanese Cultural & Educational Foundation and the Language Revitalization Movements for the Mother Tongues of Taiwan Abstract Tâi-Bûn Thong-Sìn, Taiwanese Forum, a monthly publication established in 1991, advocates that the Taiwanese people should speak Taiwanese and write in Taiwanese. The cause was upheld by overseas Taiwanese. Tâi-Bûn Thong-Sìn set up its Taiwan head office in 1992. In 1996, The Taiwanese Writing Forum of Tâi-Bûn Thong-Sìn established the Tâi-Bûn BONG Pò magazine. Then in 1997, the Lí Kang Khioh Taiwanese Cultural & Educational Foundation was founded with the funds donated by the readers of Tâi-Bûn Thong-Sìn and Tâi-Bûn BONG Pò. It aims to give impetus to the language revitalization movements for the mother tongues of Taiwan and to promote literature written in the native languages of Taiwan. By integrating the strength of many volunteers, it also gets involved in quite a few related tasks in the hope that the mother tongues of Taiwan can be successfully revitalized. This thesis mainly studies the Lí Kang Khioh Taiwanese Cultural & Educational Foundation to explore the development trajectory from the birth of Tâi-Bûn Thong-Sìn to the establishment of the foundation and to analyze the role the foundation plays in the movements for revitalizing the mother tongues of Taiwan, presenting the situation of the language revitalization movements since the 1990s. Hopefully it can make up for part of the deficiency in the written history of social movements in Taiwan.. Keywords: Tâi-Bûn Thong-Sìn (Taiwanese Forum), Taiwanese, mother tongues of Taiwan , Lí Kang Khioh Taiwanese Cultural & Educational Foundation, language revitalization..

(5) 目錄第壹章緒論 ........................................................................................... 1 第一節研究動機 kap 研究目的 .................................................... 1 第二節文獻探討回顧 .................................................................... 4 第三節名詞定義 kap 問題設定 ................................................... 11 第四節研究方法 .......................................................................... 14 第五節章節安排 .......................................................................... 16 第貳章. 李江却台語文教基金會 ê 前身 ............................................. 18. 第一節台語語言學者催生台語雜誌 ........................................... 18 第二節台文通訊社 ê 草根運動 ................................................... 31 第三節《台文通訊》雜誌 ........................................................... 41 第参章. 李江却台語文教基金會 ê 成立 kap 事工 ............................. 47. 第一節基金會成立 ê 背景 .......................................................... 47 第二節基金會 ê 組織 .................................................................. 50 第三節基金會 ê 事工跤跡 .......................................................... 56 第肆章. 李江却台語文教基金會 tī 台灣母語復振運動 ê 意義 ..........75. 第一節母語運動 ..........................................................................75 第二節母語文學運動 .................................................................. 79 第三節社運連結 ......................................................................... 84 第伍章. 結論 ....................................................................................... 87. 參考文獻 ............................................................................................... 94 0.

(6) 附錄一、李江却台語文教基金會事工記錄 kap 其他台語文記事 . .... 101 附錄二、李江却台語文教基金會歷年捐款者名單 . ........................... 120 附錄三、李江却台文獎（阿却賞）歷屆入選名單 ............................ 126 附錄四、《台文通訊》作品列表 ........................................................... 132.

(7) 第壹章緒論. 第一節研究動機 kap 研究目的. 1. 語言是文化 ê 根， mā 是族群 ê「身份證」，語言環境若愈有多樣性，逐个語言之間就 koh-khah ē-tit 互相灌沃充實，規个文化體系 ē 愈豐富 kap 勇健。語言學家 Crystal ( 20 0 0 ) 綜合濟濟語言學家 ê 資料推測， 21 世紀可能 ē 有超過 50% ê 人類語言 ( 三千種以上 ) ē 死亡 2；有一寡族群對家己 ê 族語 kiōng-beh 消失甚至斷根有強烈 ê 危機意識，所致 20 世紀中後期以後 tī 世界無仝角落有逐款 ê 母語復振運動 leh 進行。筆者自 1992 年底擔任《台文通訊》台灣總連絡人起，人生就 kap 台灣母語復振運動產生無法度分割 mā 無法度越頭離開 ê 深緣。筆者 ê 台灣意識 kap 反對意識 tī 家庭內受啟蒙， 1987 年到台北讀冊了後，因為關心 h 販仔 sak 落火坑 ê 原住民少女 3、tī 義光教會做禮拜了後開始聲援良心犯 4、聽政治演講會 kap 參加聲援農民運動 5 20 事件遊行，熟 sāi 著濟濟第一線 ê 社會運動志工，自 hit 時起，筆者對逐款 ê 社會. 1. 本論文用台語文漢羅合用方式書寫，漢字有參考教育部 2007 至 2008 年分批公告 ê「臺灣閩南語推薦用字 700 字詞表」，羅馬字採用 2006 年教育部公告 ê 台羅拼音傳統版（字型採用 Taigi Unicode），用字規則參考李江却台語文教基金會 ê 編輯用字表。輸入法採用信望愛資訊文化藝術基金會開發 ê「信望愛台語客語輸入法」。 2 D avi d Cr ys t al 著、周蔚譯，《語言的死亡》（ 39 - 8 2 頁）， 20 0 1 年，貓頭鷹出版社。 3 參與彩虹事工中心發起 ê『拯救雛妓』運動。 4 聲援政治受難者聯誼總會發起 ê「許曹德、蔡有全台獨案」。 1.

(8) 改革議題 lóng 迫切想 beh 了解 kap 關懷，tiāⁿ 心肝熱 phut-phut 參加無仝社運團體 ê 遊行 kap 抗議活動。一直到 tī 前衛出版社做《台灣文藝》 5. 文字編輯，有機會接觸著《台文通訊》，對台灣母語 ê 問題開始有 khah. 深層 ê 思考， mā 開始試寫台語文；1992 年底答應《台文通訊》創刊人鄭良光 6ê 建議，做《台文通訊》台灣總連絡人，筆者就確定 tsit 世人 beh 投入欠跤手 ê 台灣母語復振運動，無論參與形式 kap 職務可能有變化，無論 tī 佗一角落，總 --是 beh 立志做一个台灣母語復振運動工作者，不管時 lóng ài 用逐種方式推展母語復振 ê 理念。 Tuì《台文通訊》到《台文 BONG 報》 7雜誌，頭前事工 ê 積聚終其尾催生李江却台語文教基金會成立。15 冬來，雖 bóng tiāⁿ 滴落汗水 kap 目屎， -koh 推動事工當中熟 sāi oh 得算 ê 熱情純真 ê 有志兄姊，無論是出錢寄附 --ê iah 是出力 tàu 做 khang-khuè--ê，in lóng 歡喜甘願、無計算利益，規心 kan-na 寄望咱台語文團體 ke 發揮影響力，緊緊挽救直直失落 ê 語言文化； Tsia-ê 有志 ê 感心奉獻 h 筆者體驗著台灣人潛在 ê 性命力 kap 期待出頭天 ê 心願，mā h 筆者 tī 充滿阻礙 ê 運動路. 5. 台灣作家吳濁流 tī 1964 年 4 月創辦《台灣文藝》雜誌，是戰後第一份純文學、本土性質 ê 雜誌。吳濁流負責 53 期了後過身，作家鍾肇政接編第 54 期到第 79 期（1977 年 3 月到 1982 年 12 月）。1990 年前衛出版社接編出刊革新版，筆者 1991 年 tī 前衛出版社食頭路，擔任《台灣文藝》文字編輯。 6 鄭良光，1949 年出世，美國 Hawaii 大學企業管理碩士，是美國 Sanyco Automotive LLC ê CEO。Bat 擔任台美公民協會理事、FAPA 永久會員、台灣人聯合基金會會長，伊是南灣台灣基督長老教會長老，創辦《台文通訊》kap《台灣百合》雜誌（已經停刊），主編《台文通訊》頭期到第 50 期（1991 年 7 月到 1997 年 7 月）。 7 「BONG」漢字對應雖然是用「罔」tsit 字， -koh 因為逐家對「BONG」有多元意義 ê 解說，所以雜誌對外宣傳刁工用無標調 ê「BONG」來寫，tse tī 頭期有說明。 2.

(9) 途 iáu-koh thang 保持樂觀 ǹg 頭前跑走 ê 戰鬥意志。所致講，做台灣母語復振運動 ê 研究，beh 講是完成學位 ê 本份，不如講是 ──對家己性命 ê 交代 kap 對台灣母語復振使命 ê 分拆觀照 ──tsiah 是研究 tsit 个議題重要 ê 動力。有人講台灣人是移民性格，為著生存，ē 得放 sak 真濟物件，kan-na 求留一條命、有飯 thang 食；檢采是流離走 tsông ê 歷史 suah 造成台灣人對語言文化意識淺弱；看著目今台灣在地各族群母語直直失落消熔，大部分 ê 台灣人 ná 像無要無緊，莫怪有寡有志 beh 悲觀預估台灣各族群母語可能 tī 無偌久 ê 未來絕種。Tse mā 是 h 筆者想 beh 研究「台灣母語復振」 tsit 个主題 ê 原因之一。台灣自古就有多族群語言文化同時 leh 生湠，應該有真飽 tīⁿ ê 肥土 ē 得 thang 發展出寶貴 lè-táu ê 豐富文化體系，可惜經過無仝殖民政權 ê 語言政策 ─ ─ 尤其是台灣現代史影響上 kài 傷重 ê 國民黨政權「國語政策」─ ─ 了後，台灣在地母語無論族群人數濟少 lóng 面臨著語言斷層 kap 失傳 ê 危機。 1987 年政府宣佈解除戒嚴令了後，民主運動 kap 逐款社會運動興起，濟濟台灣母語社團 mā 直直成立， ǹg 望透過各種方式喚起人民守護、傳承族群母語 ê 意念參行動；本文希望探討台灣現代史上台灣母語復振社團 ê 運動狀況，特別以訂「恢復台灣各族群語言 ê 性命」做宗旨、投入台灣母語復振運動超過 15 冬 ê 李江 3.

(10) 却台語文教基金會做分析對象，研究 tsit 个團體 kap 台灣母語復振運動 ê 關係，期待走揣 tsit 个團體對台灣母語復振運動 ê 影響、效果 kap 困境， ē 得 thang h koh-khah 濟台灣人認 bat tsit 个運動 kap 族語復振 ê 重要性，期待未來有 koh-khah 濟有志做 tsit 方面 ê 研究，mā 有 koh-khah 濟人做伙參與台灣母語復振 tsit 个大工程。. 第二節文獻探討回顧. 台灣母語雜誌、相關社團 kap in 所形成 ê 運動箍仔， tī 台灣母語復振運動中扮演關鍵 ê 角色， -koh 目前 tsit 方面 ê 專題研究 iáu 無濟。因為個人長期親身投入，深深感覺有 bē 少值得探討 ê 問題。 i h-ài 釐清 tsia-ê 問題，tsit 个運動 tsiah ē 提高伊 ê 自覺，mā tsiah ē 有 koh-khah 清楚 ê 願景 kap koh-khah 有效 ê 運動策略。以下簡介李江却台語文教基金會相關 ê 資料。李江却台語文教基金會 1997 年成立以前，《台文通訊》創辦人鄭良光 kap 前衛出版社負責人林文欽 8為 beh 翻譯製作台灣母語『卡通』. 8. 林文欽，創辦前衛出版社，堅心維護台灣人權、提昇台灣意識、發揚台灣文化，集中火力出. 版台灣作家 kap 反對陣營人士著作，是 1980 年代以來重要 ê「台灣學」出版單位。 4.

(11) (b àng- gà) 錄影帶，1993. 年登記成立台語傳播公司，加上 kā 詩人莊柏林 9借. 牌 ê 台笠出版社， h 無去登記 ê「台文通訊社」tī 出版法 iáu 未廢止以前有法度出版冊 kap 錄音帶。因為 bàng-gà 版權費 siuⁿ kuân，台語傳播公司資金無夠額，路尾放棄製作 bàng-gà 錄影帶，kan-na 出版冊 kap CD， -tsiah tī「台文通訊社」時代有一寡掛台笠、台語傳播名義 ê 出版品。主要是「台語文學有聲叢刊」錄音帶 18 輯 kap 陳明仁 ê 台語詩集、小說集。製作「台語文學有聲叢刊」是希望 tī 台語文教育 iáu 未普及以前， kā 台灣母語詩、散文、小說用聲音傳播 h 逐家，選擇台語 kap 客話作品錄音 koh 配背景音樂，前後分三个單元， lóng 總出 18 輯。作家陳明仁早期 ê 台語歌詩作品多數掛台笠 kap 台語傳播名義出版，因為伊 ê 詩作有文學性 koh 口語化，真有感染力，一唸就拍動聽眾 ê 心，詩集以外 lóng koh 製作錄音帶。《流浪記事》、《陳明仁台語歌詩》真受歡迎，伊三擺巡迴北美洲就是講唱介紹歌詩，受著台灣同鄉熱烈歡迎； Tī 伊 ê 小說內底突顯頂階層、好額人、權勢者 ê 奸詐、膨風、驚死來對應下階層、散赤人、弱勢者 ê 古意、謙卑、本份、gōng 膽，伊 beh 替無受社會主流價值觀重視 ê 台灣人抱不平。有 ê 作品同 9. 莊柏林，1932 年出世，台大法律系卒業，bat 做過台灣高等法院簡任法官、律師、考試院典試委員 kap 司法院審議委員、國策顧問。1990 年投入台語文學創作，1991 年擔任《笠》詩刊社社長、設立榮後文化基金會創辦台語文學營 kap 榮後台灣詩人獎，1992 年加入蕃薯詩社。著作有《莊柏林台語詩選》等。 5.

(12) 時也反映大時代 ê 悲劇，親像二二八事件。《 A-chhûn》、《 Pha 荒 ê 故事》、《路樹下. t -peh-á》類型多元，題材豐富， mā 是推展母語文學. tsiâⁿ 精彩 ê 文本。 1990 年代無啥人 beh 出版台灣母語文學作品，出 .是一定「了錢」 --ê， koh 再講， mā 欠行銷管道，出出 --leh 送 --人 khah 濟， tsiah bē 囤 kah 規厝間。蔣為文、廖瑞銘、陳豐惠 ê 作品集 kap 學生台灣語文促進會編 ê《台語這條路 ─ ─ 台文工作者訪談錄》 ē-sái 講就是 tī tsit 款狀況借台笠 ê 牌出版 ê 例。 Khah 特別 --ê 是《台語這條路 ─ ─ 台文工作者訪談錄》， tsit 本 thang 講是 hit 時重要 ê 出版品，透過學生對台文工作者 ê 訪談， -nā h 學生認 bat 台文前輩，交換無仝世代 ê 觀念， mā 是台灣母語運動口述歷史 ê 第一步。李江却台語文教基金會 ê 事工 tī 千禧年了後沓沓有 teh puh-íⁿ 開花，清文 10、劉承賢 11 kap 藍春瑞 12 ê 小說集就是芳甜 ê 果子。 In 三位 lóng 是基金會台北台文讀冊會成員，作品風格 tsiok 無仝，仝款 --ê 是 lóng 有對母語深沈 ê 思考 kap 自我實踐 ê 行動力；清文 ê《虱目仔 ê 10. 清文，本名朱素枝，1959 年 tī 高雄鹽埕埔出世，高職卒業了後 bat tī 監理所、貨櫃儲運公司食頭路。1998 年，台語文意識受啟蒙，1999 年參加李江却台語文教基金會舉辦 ê 台語文基礎班，無偌久就 tī 基金會做專職人員到 taⁿ。2006 年，基金會 kā 出版台語小說集《虱目仔 ê 滋味》。 11 劉承賢，筆名 Voyu Taokara Lâu，1975 年 tī 台北縣出世，爸母 lóng 嘉義人。台灣師範大學台灣文化及語言文學研究所碩士班卒業，目前 tī 清華大學語言所讀博士班。1996 年開始認真學習台語文寫作，寫作範圍真闊，bat ti h 阿却賞、教育部本土語言文學獎、鄭福田生態文學獎；2008 年，基金會 kā 出版台語短篇小說集《倒轉》。 12 藍春瑞，1952 年 tī 台北縣頂雙溪出世，細漢蹛瑞芳，一直到退伍 tsiah 出外食頭路，現此時 tī 師大附中服務。作品 bat 得著海翁台語文學獎、阿却賞 kap 教育部本土語言文學獎；2009 年，基金會 kā 出版台語小說集《無影無跡》。 6.

(13) 滋味》、劉承賢 ê《倒轉》、藍春瑞 ê《無影無跡》三本小說集代表基金會鼓勵母語寫作具體 ê 成果。另外 iáu 有 kap 傳統白話字 13有關係 ê 出版品 ─ ─ 張復聚、王淑珍 14. 編 ê《台灣字 ABC－台語基礎教材》（ 2001，台語傳播）kap 張裕宏 15編. ê《 ISOS 萬國通用拼音－台語白話字手冊》。 ī 2006 年教育部公佈台羅拼音以前，李江却台語文教基金會 ê 出版品，羅馬字 ê 部份 lóng 是使用白話字，推展活動包含開課教白話字 kap 台文讀寫入門，傳統白話字教材比較 khah 欠練習題，《台灣字 ABC》注重實際練習，設計真濟題目，包含 100 篇笑詼 kap 10 外首囡仔詩， h 學員 thang 緊鍛練到 tiâu 底。台大語言所張裕宏教授編 ê《 ISOS 萬國通用拼音－台語白話字手冊》用語言學角度去分拆解說白話字，希望鼓舞眾人 lóng 來學習 tsit 套「萬國通用拼音」書寫台灣母語。《台文通訊》為 b h h 圖書館好收藏，一冬 12 期 kap 做一本合訂本，逐冬固定做 300 本，《台文 BONG 報》mā tuè l h án-ne 做。合訂本有編目錄， h 讀者 khah 方便揣作品。. 13. 傳統白話字是指長老教會傳教士所創設 ê 拼音文字，馬雅各 1865 年來台灣，開始白話字 ê 推行。1885 年巴克禮創辦《台灣府城報》－tsit-má ê《台灣教會公報》－就是使用白話字做文字。教會外慣勢 kā 號做「教會羅馬字」，簡稱「教羅」。 14 王淑珍，1957 年出世，台南師專卒業，tī 高雄縣市擔任國小教師二十外冬，2004 年開始 tī 高雄醫學院擔任「台語文入門」kap「醫用本土語」講師；文學性作品有《伊索寓言台語版》(2002 年，總編輯)、《田嬰照鏡－台語囡仔詩》(2003 年)。台灣羅馬字協會會員，bat 擔任羅馬字研習講師。 15 張裕宏，美國 Cornell 大學語言學博士，前台灣大學語言所教授，有寫《阿鳳姨 ê 五度 ê 空間》台語囡仔韻文故事集（2005 年，台灣羅馬字協會）、編《TJ 台語白話小詞典》（2009 年，亞細亞國際傳播）。四十冬來投入台語研究 kap 詩歌、散文 ê 創作，iáu teh 編至少收兩萬外詞 ê 中台詞典。 7.

(14) 《阿却賞 ti h 獎作品集》是李江却台語文教基金會董事開會決定用「李江却」女士 ê 名舉辦論文 kap 創作獎勵，學日本「芥川賞」號名做「阿却賞」。 Tuì 1998 年 (1999-2002 年停辦 )、 2003 到 2011 年， lóng 總有 10 本 ti h 獎作品集，鼓勵 bē 少學生做台灣母語文學研究、寫詩 kap 小說。《台文 BONG 報》有一寡專欄真受歡迎，像講「 BONG 報小說」、「台灣人寫真」，所以有過揀來出版《台文罔報小說精選輯 ( 一 ) 》 ( 附 C D ) 、《台灣人寫真－台文. BONG 報散文精選輯（一）》 ( 附 C D ) 。. 2008~201 2 年連 suà 五冬 lóng 有舉辦「詩行－台灣母語詩人大會集」，分北、中、南三場，邀請詩人唸詩 kap 座談，事先 kā b h 發表 ê 詩編輯做冊 koh 錄音做 CD， tī 詩行現場送 h 參加者；成品就是《詩行－年度台語詩人大會集》有聲冊。李江却台語文教基金會 bat 主辦一屆（ 20 01 年，第 7 屆 tī 淡水真理大學舉辦）、協辦幾若屆世界台語文化營，營隊手冊. mā 是寶貴 ê 歷史資. 料。看先行研究者資料，直接探討《台文通訊》ê 論文，有台灣師範大學台灣文化及語言文學研究所蔡瑋芬寫 ê 碩士論文〈戰後台語文學. 8.

(15) 運動 ê 開展：1986-1991〉16kap 吳三連台灣史料基金會出版 ê《自覺與認同 ─ ─ 1950~1990 年海外台灣人運動專輯》 17內底，當時 ê 台文通訊主編蘇正玄 18介紹 1999 年以後加拿大 Toronto 讀者聯誼會接編《台文通訊》 ê 文章。 Tsit 兩篇對《台文通訊》 ê 描述加減 thang h 讀者對台文通訊創刊初期 kap 編輯部換加拿大台僑接手 ê 狀況有普 mé 仔 ê 認 bat；總 --是以上兩篇論文對 1992 年《台文通訊》設立台灣總連絡處了後，正式用「台文通訊社」名義 kap 1997 年以後用「李江却台語文教基金會」名義 tī 台灣推 sak 台灣母語復振運動 tsiah 大站 ê 情形，並無提供資訊。有一寡論文是 khah 間接講起《台文通訊》kap 李江却台語文教基金會；因為 tsit 幾冬來有寡大學台語文系所老師鼓勵學生做台語文學 ê 研究，所致 mā 有寡學生 ê 學期報告 i h 學位論文選擇研究《台文通訊》 kap《台文 BONG 報》作家 kap 作品，創作量 khah 濟 ê 代表性作家就 tiāⁿ hông 選擇研究，親像《台文通訊》主筆陳雷 19、前總編輯李. 16. 2005 年。 2005 年出版，張炎憲、曾秋美、陳朝海編著。 18 蘇正玄， 1 9 47 年出世，美國 M i c hi g an St ate U niv ers it y 統計學碩士， Co c a Co l a 公司資深電腦軟體系統設計師，t aⁿ 退休 - - a h。Bat 擔任加拿大 T or ont o 台灣同鄉會委員、會刊編輯、副會長、會長，加拿大台灣人公共事務會副會長、會長，加拿大台灣人權協會副會長，現任加拿大台灣人權協會委員。主編《台文通訊》第 69 期到 96 期（ 1999 年 10 月到 2002 年 2 月）。 19 陳雷，本名吳景裕， 1 9 39 年出世，台南麻豆人，加拿大 Toro nto 大學免疫學博士， 1 9 7 3 年 tī 加拿大 O nt ar io 做開業醫生到 t aⁿ 。 1 9 85 年完成 228 事件長篇華文小說《百家春》， 1 9 86 年起 l ón g 用漢羅合用方式創作台文，作品包含詩、散文、小說、劇本 k ap 評論，大部份作品 l ón g 發表 t《 ī 台文通訊》，20 05 年完成用平埔 Si r ay a 族做重心 ê 台語歷史長篇小說《鄉史補記》；是《台文通訊》雜誌主筆 k ap《台文戰線》雜誌社員。作品集有《陳雷台語文學選》、《陳雷台灣話戲劇選集》等。 17. 9.

(16) 勤岸 20kap《台文 BONG 報》社長陳明仁就是上 tsi p hông 點 --著 ê 研究對象。 Tuì tsit 類論文，咱 thang 大概了解「台文通訊社」kap「李江却台語文教基金會」tī 台語文學傳播 kap 教育方面有伊 ê 功能， -koh tse kan-ta 是 tsit 个台灣母語復振社團其中一部分事工 niâ。另外一寡關係台語羅馬字主題 ê 論述，有去講著「台文通訊社」 kap「李江却台語文教基金會」推 sak 台語文讀寫 tsit 方面 ê 跤跡，對 án-ne thang 看著 in tī 台語文基礎教育 kap 台語書面標準化 ê 推動。有 teh 探討比較無仝族群 ê 語言復振 kap 台灣母語復振 ê 學者包含：施正鋒 21、李勤岸、張學謙 22、蔣為文等等， in ê 論述是 tsiok 重要 ê 參考文獻。台灣母語復振 kap 台灣歷史、台灣 ê 語言政策、台灣 ê 政治社會政策有真深 ê 關係，台灣母語經過殖民統治， hông 凌治蹧躂，面容變形， beh 探討 tsit 个狀況，免不了 ài 看台灣史 kap 台灣語言相關政策 kap 分析 ê 文獻。. 20. 李勤岸，1951 年出世，台南新化（大目降）人。美國 Hawaii 大學語言學博士。原名李進發，1982 年正式 kā 筆名 kap 本名改做李勤岸，1986 年發起成立教師人權促進會，1991 年參與發起蕃薯詩社，2004 年起 tī 台灣師範大學台灣文化及語言文學研究所教冊，2005 年兼任教育部國語會委員 kap 國立編譯館審定委員。除了台語創作 kap 台語教學研究，2006 年促成教育部台灣閩南語羅馬字拼音方案整合成功 kap 公佈。著作有《母語 ê 心靈雞湯》、《哈佛台語筆記》、《咱攏是罪人》、《大人囡仔詩》等等。主編《台文通訊》第 51 期到 68 期（1998 年 2 月到 1999 年 9 月）。 21. 施正鋒，1958 年 tī 台中出世，美國 Ohio 州立大學政治學博士，專攻族群政治、比較外交政策 kap 國際政治經濟，有編《語言權利法典》等冊；現任東華大學民族發展與社會工作學系教授。 22 張學謙，1963 年 tī 嘉義出世，美國 Hawaii 大學東亞語言文學博士，bat 擔任台灣羅馬字協會理事、教育部國語會委員，專攻社會語言學、文化語言學 kap 語言教育規劃；有 kap 施正鋒合著《語言政策及制定「語言公平法」之研究》（2003 年）。現任台東大學華語文學系教授。 10.

(17) 講著台灣母語復振，mā 無法度無注意現代台灣母語教學 ê 資料，因為聯合國 tī 90 年代 kap 21 世紀初有宣佈「文化多樣性宣言」、訂「國際母語日」等做法，有 khah 濟人開始思考多元文化 kap 母語傳承 ê 議題， tse mā ē 影響咱台灣 ê 母語復振。台灣 ê 母語教學自 2001 年開始 tī 國小列入正式課程，雖 bóng iáu 無健全， -koh 濟濟熱心母語教學 ê 教師是徛 tī 多元文化 kap 母語傳承 tsit 款母語復振 ê 觀點去實行。. 第三節名詞定義 kap 問題設定. 本論文 beh 研究 ê「台灣母語復振」，所講 --ê 是「台灣本土母語」 ê 復振。「台灣本土母語」是指 tī 台灣 tsit 塊土地生湠久久 ê 在地族群 ê 母語，包含台語 23、客話（ H akk a ） kap 南島語 ( 原住民語 ) 。其中 ê「台語」是指 tī 台灣佔 beh 75%人口 ê 族群使用 ê 語言；日本時代是 kā 號做「台灣語」，別族群人慣勢 kā 號做「台灣話」 i h 是簡稱「台語」，原因真簡單，因為 tsit 款語言是 tsit 塊土地頂面上濟人 le h 講 ê 語言，長久以來逐家 án-ne 使用 lóng 無啥爭論； -koh 國民黨來了後， kā tsit 个語言稱呼做「閩南語」，tsit 10 外冬來 koh 有部份客家學者 24反對「台. 23. 台語，就是國立台灣文學館 2008 年、2011 年台灣文學獎所講 ê 台語、2011 年打狗鳯邑文學獎、 2011 年台南文學獎所講 ê 台語。 24 羅肇錦〈「台語」是讓人不安的稱呼〉，臺灣客家語文學會網站 11.

(18) 語」 tsit 个詞，認為 kā 客語排除 tī「台語」以外無正確，所致有一寡人姑不將改用其他詞親像「福佬語」 25、「 Hō-ló 話」、「鶴佬話」來稱呼「台語」。若徛 tī 民間普羅大眾 ê 角度，順應民間 ê 慣勢， kā tsit 个語言號做「台語」其實並無所謂「拗蠻」ê 問題。「語言復振」 (Language revival; Language revitalization ) mā 有人講是語言振興、語言復甦，意思是 beh 透過相關 ê 逐管道，包括個人、文化 iah 社會團體、政府 iah 政治機關， beh 改變有直直流失趨勢 ê 語言狀態。語言若嚴重流失，可能 ē 面臨絕種。 ī tsit 種狀況下，語言復振就真重要， ē-tàng 避免語言死亡。台灣是多族群 ê 無正常國家。日本統治台灣 ê 50 冬，開始政府實質統治管理全台灣 ê 時期，日語 ê「國語政策」已經開始影響壓制台灣母語，到 kah 國民黨政權來台灣，『黨政軍警特』五合一恐怖統治，配合全世界實施上久 ê 戒嚴令 26kap「動員戡亂時期臨時條款」等等殘害人權 ê 行政命令， koh-khah 落實華語 ê「國語政策」對台灣母語 ê 迫害。雖 bóng 日治時期有推行所謂 ê「國語政策」，in tī 初期 iáu 是日語. http://www.wretch.cc/blog/hakkatw/12531952，2011 年，主張無應該用「台語」來指稱台灣 ê 閩南語。 25 長老教會總會慣勢 tī 對外文書用「福佬語」來指稱 tsit 个語言，主要是因為 bat 有會內 ê 原住民牧師抗議使用「台語」tsit 个名詞。 26. 國民黨自 1949 年 5 月 20 宣佈戒嚴到 1987 年 7 月 15 宣佈解嚴，三十八冬久，破世界記錄。 12.

(19) kap 台灣母語雙語並行 teh 教育，是到 kah 統治尾期 tsiah 強力實施「皇民化運動」； Thang 講台灣母語雖 bóng 日治時期 tī 公共場所有受寡禁止， -koh tī 民間尤其是家庭內 lóng iáu 有 teh 使用流通，若照日治時期尾期 ê 台灣智識 ê 發展狀況來看，台灣母語 iáu 算有健康 ê 體質 kap 活跳 ê 性命力。 -koh 自國民黨流亡政權來台灣，發生二二八事件 kap 白色恐怖、清鄉運動了後，台灣人. 敢 koh 用家己 ê 舌，敢講家己. ê 母語，甚至驚人知影家己是啥 mih 族群，尤其是人口 khah 少數 ê 客人 kap 原住民，多數自動變做「隱形人」。筆者參與台灣母語復振運動過程， tiāⁿ 對台灣人自動放棄家己 ê 母語 tsit 點感覺想 bē-hiáu，to 已經解除戒嚴 hiah 久 --ah，社會風氣 mā 有 khah 開放 --ah， mā 無人敢明顯禁止台灣母語 --ah， -koh 多數台灣人 iáu 是無看重家己 ê 族群母語。 iāⁿ 有人質疑講「主張台語就是主張台獨」， koh 講，無想 beh 討論台灣語言問題是因為「無想 beh 講政治」；Tsit 款 ê 觀念對台灣母語復振運動有啥款 ê 作用？ Kám 是一款阻力？值得探討。台灣母語 beh 有法度真正復振，恢復活跳跳 ê 性命力，需要 koh-khah 濟人民認 bat 台灣 ê 歷史，了解家己 ê 族群， mā 需要認知文化多樣性 ê 寶貴， h 母語意識重新釘根，爭取母語 ê 語言權 kap 文化. 13.

(20) 權， -nā 是 ài 有喙舌， koh ài 用「喙舌參筆尖合一」 27，透過文字傳承母語。回顧台灣現代史，咱了解台灣有不止仔複雜 ê 政治、社會問題，探討台灣母語復振運動需要對語言政策、文化認同、族群建構、社會運動、後殖民等等理論 kap 觀點去看，用 tsia-ê 理論檢視台灣母語復振運動，kám 有法度掠出台灣母語復振運動拄 --著 ê 問題？ Kám ē-tàng 為台灣母語復振 ê 前途指示一條明路 --leh？. 第四節研究方法. 採用文獻資料分析法、參與觀察法、訪問法 28來做研究。文獻資料分析法是透過「文獻資料」進行研究 ê 方法，「文獻」 ê 基本內涵是記錄過去有歷史價值 ê 知識，伊 ê 本質是過去發生 ê 社會事實記錄， koh 屬 tī 有歷史價值所保留 --落 -來 ê 知識。 Tsit 款研究方法是有系統 kap 客觀 ê 界定、評鑑， koh 綜合證明 ê 方法來確定過去事件 ê 確實性 hām 結論；伊實施 ê 過程是 tuì 蒐集文獻到摘錄 kap 整理有路用 ê 資料，需要有方向、有目標、有選擇 --ê 來進行。. 27. 黃石輝。〈怎樣不提倡鄉土文學〉，《伍人報》（1930 年）。文化部「台灣大百科全書」 http://taiwanpedia.culture.tw/web/content?ID=2177；黃主張 ài 用台灣話文來書寫台灣。 28 葉至誠、葉立誠。《研究方法與論文寫作》（台北市：商鼎文化，1999 年）。 14.

(21) Tsit 部份，筆者收集台文通訊社 ( 基金會前身 ) kap 李江却台語文教基金會 20 冬期間推動台灣母語復振運動 ê 相關圖書、文物、出版品資料，做整理 kap 分析。參與觀察法其實是「田野工作研究方法」，廣義來講，所有實地研究工作 lóng thang 講是「田野研究」（ field study），所謂 ê「參與觀察」是民族學者長期做田野研究工作，參與到當地 ê 社會， koh 以當地人 ê 立場 kap 看法來說明問題，學術性 --ê 深入了解 hit 个民族。本底用 tī 人類學研究特有 ê 方法對 beh 研究小型社群真有幫贊，所以近代其他學科 ê 研究者 mā 愛用 tsit 款方法。筆者長期投入台灣母語復振運動，擔任《台文通訊》台灣總連絡人、李江却台語文教基金會辦公室主任、董事 kap 總幹事，有 tsit 段親身經驗， ē-tit 參與觀察台文通訊社 kap 李江却台語文教基金會 ê 組織運作，近倚接觸決策幹部、董事 kap 工作者，寫出 in ê 運作狀況 kap 核心問題。訪問法是指研究者為著 beh 蒐集研究主題 koh-khah 深入 ê 資料，透過事先 ê 題目規劃，以深入訪談 ê 方式得著必要資料，經過記錄整理、分析比較，來達到研究成果。筆者對台文通訊社 kap 李江却台語文教基金會創會幹部、董事、工作人員等等相關者進行訪問， thang 深入瞭解 kap 綜合分析，走揣 15.

(22) tsit 个團體 tī 台灣母語復振運動 ê 角色。. 第五節章節安排. 第壹章. 緒論. 說明研究動機 kap 目的、概念界定、文獻回顧 kap 研究方法。第貳章. 李江却台語文教基金會 ê 前身. 介紹李江却台語文教基金會 ê 前身《台文通訊》雜誌創刊 ê 背景、雜誌編務狀況 kap 內容，有特別講台語學者參與催生 ê 部份；Koh 有，用「台文通訊社」名義 tī 台灣推展「講台語，寫台文」理念，鼓吹台灣母語復振運動 ê 狀況。第参章李江却台語文教基金會 ê 成立 kap 事工說明李江却台語文教基金會成立 ê 背景、基金會 ê 組織 kap 多面向 ê 事工跤跡：阿却賞、讀冊會、世界母語日活動、母語詩人大會等等， mā 包含《台文通訊》讀者成立 ê「台北台文寫作會」成員創刊 ê 《台文 BONG 報》雜誌，期待深耕台灣母語文學 ê 田園。第肆章. 李江却台語文教基金會 tī 台灣母語復振運動 ê 意義. 認同《台文通訊》 kap《台文 BONG 報》兩份雜誌 ê 創刊精神，由熱心 ê 讀者捐款成立 ê 李江却台語文教基金會，除了堅持雜誌 ài 16.

(23) 長期發行， mā 希望透過組織 ê 力量推動 koh-khah 濟事工，用各種方式喚起台灣人 ê 母語靈魂。 Tuì 基金會 tsia-ê 事工，咱 ē-tàng 發見基金會 tī 台灣母語復振運動 ê 功能 kap 意義。第伍章. 結論. Tuì台文通訊社到李江却台語文教基金會，雖 bóng 看 --起 -來是 teh 講一个社團 ê 歷史，事實是 20 冬台灣母語復振運動 bē-tit 無注意 --著 ê 跤跡。李江却台語文教基金會所拍拚 ê 有三方面 ê 意義：台灣母語運動 ê 意義、台灣母語文學運動 ê 意義、 kap 其他社運團體結連合作 ê 社會運動 ê 意義。文尾提出論文 ê 限制 kap 不足，希望提供 h 未來 ê 研究者做參考。. 17.

(24) 第貳章. 李江却台語文教基金會 ê 前身. 第一節台語語言學者催生台語雜誌. 李江却台語文教基金會 ê 前身 thang 講是《台文通訊》雜誌，《台文通訊》雖 bóng 是 1991 年 tsiah tī 美國 L.A.創刊， -koh tuì《台文通訊》頭幾期文章 kap 創刊者鄭良光 ê 背景去理解，其實《台文通訊》 ê 創刊 kap 1975 年 tī 美國 N.Y.創刊 ê《台語通訊》有關係， ē-sái 講《台文通訊》是延續《台語通訊》ê 理想來實踐台灣母語復振 ê 理念。《台文通訊》 ê 創刊 kap 一位台語語言學者－鄭良偉 29有真密切 ê 關係。 ī 台灣語文發展歷史上有真重要地位 ê 鄭良偉，伊 ê 重要性是因為伊是一个專業 ê 語言學者，可貴 --ê 是伊有精通多語文 30ê 能力 kap tī 台灣各級學校教冊 ê 經驗，因為特別對家己 ê 母語－台語 31－ ê 滅種有強烈 ê 危機感，久年來用語言學智識做基礎，編寫濟濟語言學著作、台語教材 kap 台語文學選集；身為台語語言學界 ê 權威，伊. 29. -nā. 鄭良偉，1 9 31 年 tī 台南出世，美國 In di an a 大學語言學博士，長期擔任美國 H a w aii 大學東亞語文學系教授，兼任新加坡教育華文顧問， 20 0 3 年 b at 受聘擔任教育部本國語文推行委員會主任委員。著作包含《臺語與國語字音對應規律的研究》（ 1979 年，學生書局）、《走向標準化的台灣話文》（ 1 9 8 9 年，自立）、《演變中的臺灣社會語文－多語社會及雙語教育》（ 1990 年，自立）等十幾本專冊。 30 鄭教授精通四款語文：日語文、台語文、華語文 kap 英語文。 31 鄭教授 ê 編著除了 1977 年由學生書局出版《 ê 台灣福建話的發音結構及標音法》以外，lóng 用「台語」指稱伊 ê 爸母話。 18.

(25) 投入理論研究， mā 強調語言學社會關懷 ê 面向，不時 kā 眾人講： -thang kan-ta 做研究，mā ài 行動，實踐信念。鄭良偉 án-ne 講 mā án-ne 做，伊組織草根性 ê 台文讀寫班，培育台語師資，堅持「語言權利」法制化，鼓吹制定官方多語政策 kap 雙語教育。Ē-sái 講鄭良偉數十冬 ê 心力 lóng 囥 tī 台語語言 ê 延續 kap 文字 ê 普及化參標準化 tsia-ê 大工程。論到鄭良偉 kap《台文通訊》 ê 淵源， ài 牽到 1975 年 8--月由美國紐約 ê 台灣語文推廣中心創刊 ê《台語通訊》雙月刊（出 6 期）kap 1977 年 5--月到 1979 年 1--月出刊 ê《台灣語文月報》 32（出 21 期）。台灣語文推廣中心主要 ê 成員有李豐明、陳清風、邱文宗、陳正方等等， in 過無偌久就邀請鄭良偉做顧問，路尾伊 hông 選做台灣語文推廣中心會長，有 tī 中心年會舉辦台灣文化欣賞會，演講「咱 ê 語文 kap 咱 ê 社會關係」主題， mā 有發表〈認識台灣 ê 語言 kap 文字〉、鼓舞「漢羅合用」 33 ê 台語文書寫方式。雖 bóng tsit 个由熱心台僑成立 ê 台灣語文推廣中心發行《台語通訊》 kap《台灣語文月報》無夠五冬就停刊 --ah， -koh tī 台灣國內 iáu 罩 tī 白色恐怖陰影 ê 時，鄭良偉等人透過 tī 海外發行 ê 刊物開始掖台語文 ê 種子，開始親身實驗漢字 kap 羅 32. 感謝成功大學台灣文學研究所施俊州博士提供《台灣語文月報》雜誌影本。 1977 年 7--月出刊 ê《台灣語文月報》第 3 號 ê 社論〈漢羅合用文初議〉講「 ī 任何一個刊物中有 chiah chē 用漢字及羅馬字合起來寫台灣 ê 語言，這是有史以來第一擺。. . . 咱 beh 發展漢羅合用文做為主要書寫法，全部羅馬字，或全部漢字為次要書寫法。」（原文，尊重原本用字） 33. 19.

(26) 馬字 lām 做伙 ê 台文書寫方式，鼓吹用家己 ê 母語寫逐款主題 ê 文章 34， thang 講是台語文運動 ê 先知先覺。《台文通訊》創辦人鄭良光是減鄭良偉 18 歲 ê 小弟，伊就是 1977 年去鄭良偉 hia ê 時看著《台灣語文月報》，感覺 ē-tàng 用台語思考 kap 接受資訊真趣味，感受著漢字 lām 少數 ê 羅馬字 ē-tàng 提醒讀者 ài 用台語去思考、去讀 tsiah ē 通，引起伊思考語言 kap 文字 ê 關係， -tsiah 鄭良光 tī 1987 年參有志共同創辦洛杉磯南灣台美學校了後，t uh-t uh 形成組織「台文習作會」 kap 出版《台文通訊》雜誌 ê 想法。鄭良偉除了 tī 台灣語文 ê 觀念上啟蒙小弟鄭良光以外，對《台文通訊》創刊初期一項主要 ê 助力 iáu 包含台語文輸入法 ê 部份。鄭良偉本底就有 teh 思考台語文 beh 發展需要配合資訊化 ê 議題，拄好鄭良光為著台美學校 beh 教囡仔台語 ê 需要， kā 鄭良偉請教輸入法 ê 問題，鄭良偉就運用伊本底就有 ê 台語詞庫，真緊就家己做一个「 TW301」輸入法 35，用白話字輸入， thang tī 英文 ê 電腦作業系統中拍出漢字 kap 白話字；鄭良光 tī 1991 到 1995 年期間 lóng 是用 TW301 輸入法處理《台文通訊》編輯 khang-khuè，鄭良光實際使用 ê 心得是：. 34. 雖然刊物主要是刊台語作品， -koh 台灣語文推廣中心有製作羅馬字教學圖卡是台語 kap 客語並列，tī 社論 i h 是主要文章 mā 有鼓吹客語作品投稿，強調母語書寫。 35 1990 年，tī Hawaii 大學東亞語文所教冊 ê 鄭良偉開發出 TW301 台語文書軟體，利用倚天中文系統詞庫 ê功能、修改 ASCII ê字型、增加台語漢字造字等等 ê方式來處理，對台語文 ê發展有真大 ê 貢獻。 20.

(27) 用 TW301 拍字，羅馬字無偌久就 ē 真熟 --ah。鄭良光 tī《台文通訊》發刊辭就強調 tsit 个刊物希望扮演台灣語文「火種」ê 角色，提供台語文創作 ê 園地，用「漢羅合用」ê 書寫方式推 sak 台語文普及化 kap 標準化； Tsia-ê 信念正正是 1975 到 1979 年《台語通訊》、《台灣語文月報》ê 理念，就 án-ne，鄭良偉自然是《台文通訊》第一號諮詢顧問。《台文通訊》出刊 ê 目的有：提高台灣人用台語思考 ê 能力、提升台灣人對台文 ê 讀 kap 寫 ê 能力、提倡大眾媒體使用台文 ê 風氣、促成台文工作者 ê 連繫 kap 分工合作；就鄭良光選刊 i h 是鄭良偉投稿 ê 文章來看， lóng 有鎖定 tsit 幾个目的，一遍 koh 一遍 b h h 讀者開始思考家己 kap 爸母話 ê 關係、族群文化 kap 主體性 ê 問題。除了專訪以外，鄭良偉寫 i h 譯 ê 文章刊 tī《台文通訊》--ê 包含幾項：語文政策、語文教育、鼓吹學習羅馬字、政治論述、冊 ê 話頭、台譯散文 kap 語文動態。. （一）多元、人權 ê 語文政策論述. 1.台語滅種 ê 危機 kap 挽救. 21.

(28) 《台文通訊》第 31 期〈台語滅種 ê 症頭〉（ 1994 年 6 月），是 tuì 自立報系 1988 年出版 ê 鄭良偉著作《走向標準化的台灣話文》取材 --ê。 Tsit 篇文 tuì語言本身、語言使用、語言態度 tsit 3 方面來看台語滅種 ê 症頭，文章點出－智識份子 ê 語言意圖對未來 ê 語言命運上重要，用別人 ê 語言受過高等教育 ê 人是帶動語言滅種 ê 罪魁。 Tsit 篇文雖 bóng 是舊作品重刊，有對當時台灣語言本身無新陳代謝、台灣語言使用範圍漸漸縮小、政府一切政策 iáu 對台灣語言 ê 傳授不利等等現象提出警告， mā 提出講「台灣人使用母語 ê 決心，最具體、最明確 ê 表達法是用台語用客語發表文章」。 Teh-beh 20 冬後 ê 今仔日來觀察，台灣語言滅種 ê 症頭 kám 有減輕？鄭良偉 ê 觀點囥 tī tsit-tsūn 來看，猶原利劍劍。《台文通訊》第 32 期〈認識台灣 ê 語言 kap 文字〉（ 1994 年 7 月）， tsit 篇原本刊 tī 1977 年《台灣語文月報》， tuì 1977 年世台會講稿節錄 -出 -來，詳細探討「因為語言文字所引起 ê 社會問題 kap 教育問題」，提倡台語 ài 用文字表達，為 beh 保持咱 ê 語言 kap 文化， ti h-ài 普及台語文字。鄭良偉 tuì「語言 kap 人際關係」開始探討，kā 讀者講「語言是文化認同 ê 中間最重要 ê 一个記認」；針對「口語文字化」ê 疑問，鄭良偉認為文字化 ê 問題是 tī 真濟可能性中間 beh 選佗一種？用啥 mih 標準選？有意願 kap 決心 b h h 口語文字化 --無？讀冊人有重視 22.

(29) tsit 个問題 --無？路尾講著「台灣話文 ê 需要性」，鄭良偉認為「普及各種母語 ê 文字，對建立台灣 ê 民主政治是先決條件」， beh 保持咱 ê 語言文化就需要普及母語文字。上尾，鄭良偉提出「台灣 ài 採用雙語式語言統一政策」，因為台灣是多族群 ê 國家，台灣人 ē-hiáu 兩種 i h 三種語言 —ê 是佔多數，應該 ài h 少年人 lóng ē-hiáu 講兩種以上 ê 語言，各人 ài 重視家己 ê 語言 mā ài 尊重別人 ê 語言，ài 鼓勵互相學習。 Tùi 鄭良偉 ê 主張，咱 thang 知伊是有國際觀、尊重台灣多樣多元族群文化 ê 實況 --ê，拄好 thang h kh p-bē-ti h 就罵『大福佬沙文主義』--ê 「雞喙變鴨喙」。《台文通訊》第 131 期〈放棄「唯我獨尊、以我為正」，認識人類共性、瞭解本土化、尊重族群特性〉（ 2005 年 2 月），呼籲政府放棄大漢沙文主義 ê 文化教育政策（「國語政策」），認 bat 人類共性，了解本土化，尊重族群特性。鄭良偉對中國 beh 制定「反分裂國家法草案」 tsit 項代誌所引起 ê 爭議，認為 he 表面上 ná 像是政治問題，其實文化認同意識 tsiah 是台灣政治 khah 根本 ê 問題。伊誠懇期待古漢語 ê 語言文化 ē-tàng 趕緊世界化 kap 人性化，mā 講「反對語言 ê 本土化，等於反對家己 ê 人性」； Tsia-ê 主張是 beh 對政治 kap 教育體制內 ê 主流價值觀挑戰，雖然看 --起 -來 ná 像「草蜢仔弄雞公」i h「孤鳥插人群」，聲音無偌大，猶原 ài 勇敢 hán-huah。Tse 是筆者真敬重鄭良偉 ê 一點， 23.

(30) 伊有學術資源 kap 權威地位，若恬恬 mài 出聲，做伊 bih 踮研究室，日子 mā 真好過， -koh 伊. 甘台灣人無自信無尊嚴，受 thún 踏 kah. 失去競爭力，所以伊不時大聲講出伊良心 ê 訴求，希望人性化 ê 教育文化環境早日形成。《台文通訊》第 137 期〈台灣人 ê 母語死 tī 啥物人 ê 手：國民黨？民進黨？立法院？〉（ 2005 年 8 月），指出民進黨執政之下雖 bóng 無消滅本土語言 ê 心意， -koh mā 無立法確定台灣語言 ê 法律地位，無法度挽回本土語言滅亡 ê 趨勢。台灣語言滅種 ê 問題，國民黨、民進黨 kap 立法院攏有責任。 s tī 當時（ 2005 年） uan-na 是 tsiâⁿ 敏感 ê 言論，鄭良偉 tī 本文講著牽涉台灣本土語言 ê 法律地位 ê「語言平等法」像無人 b h t h. 囡仔，h 教育部 kap 立法院踢來踢去，到尾又 koh. 冷凍 --起 -來 ê 慘境。 Tsit 篇真詳細討論台灣欠缺尊重多數族群 ê 語言政策、教育政策，甚至是制度性 ê 歧視；台灣 ê 語言教育若無恢復正常，無法度挽回各族群語言 ê 尊嚴。目前，受台灣人民期待 ê 在野黨 teh 追求重新執政 ê 過程，猶原看 bē 出 beh 重視語言政策「轉型正義」 ê 思考！咱有需要 kā 鄭教授 tsia-ê 有國際觀 ê 政策主張一擺 koh 一擺提出來要求政治人物 kap 政府機關面對 kap tùi 制度面落手解決問題。《台文通訊》第 169-172 期〈台語人 ê 口語 kap 書面語－華語、台語對普世語文工作 ê 貢獻一 ~四〉（ 2008 年 4 月到 2008 年 7 月），用 24.

(31) 語言學論點討論口語系統 kap 書面系統 ê 重要性 kap 科學基礎。 Tsit 篇提出講長久以來台語人 ê 第一書寫能力 lóng 受當權者 ê 語文政策來決定，針對台灣學界對台語書寫 kap 教育 ê 態度有詳細分析；伊指出台語人對家己 ê 書面語有一个真普遍. -koh 無合事實 ê 看法，就是：. 特別偏重古文漢字 ê 台語文言音，輕視口語白話音，致使台灣人誤信、感覺家己 ê 第一口語無價值，鄭教授講 tsit 款觀念違反個人腦神經 ê 心理事實， mā 違背社會文化現實， -koh tse 講 --起 -來是當權者政策推行成功 ê 結果。關係「偏重古文、文言音，看輕口語白話音」 tsit 款普遍 ê 心理，確實影響 tsiâⁿ 大， tī 目前 ê 台語教學現場， tsit 个觀念致使教師 teh 揀教材 ê 時偏愛古詩古文， hia-ê 充滿保守封建、脫離現實 ê 材料 h 學生若. 是對台語有誤解，就是無興趣 beh 學。. 2.台語主體性 ê 語文教育. 《台文通訊》第 44 期〈互咱的子弟有機會讀台語、寫台語〉（ 1995 年 11 月），呼籲台灣 ê 媒體 kap 社會. -thang 歧視台語 kap 台語文，. mā 斟酌說明除了口頭 ê 台語以外，咱 mā 需要書面 ê 台語文。媒體 kap 社會歧視台語 kap 台語文是長期不當 ê 政治政策影響所致， tse uan-na 需要政治力量重新 tshiâu-tshik 來處理 tsiah 有 píng 盤 ê 可能。 25.

(32) 《台文通訊》第 65 期〈按國際交流需要 kap 台灣母語特性評三套華語拼音 ê 通用性〉（ 1999 年 6 月），分析注音符號二式、漢語拼音、通用拼音甲式，呼籲政府決策拼音系統 ê 時 ài tuì落伍 ê 結構主義行向現代化人本主義 tsiah 有法度改革語文教育。《台文通訊》第 156 期〈繼承祖先語言文化，滿足社會生活需要－－順應世界交流需要 ê 台灣母語教育〉（ 2007 年 3 月），提出台灣 ê 語言 kap 文字 ê 使用，決定 tī 三个因素：語文決策權、各種語文 ê 競爭力、各種語文 ê 社會市場。「國語政策」ê 實質後果就是矮化、歧視、消減本土族群 ê 競爭力，台灣有特別 ê 生物、地理 kap 文化資源，實行正常 ê 母語教育，有真大 ê 歷史 kap 人性教育意義。其實「語文政策」 kap「語文教育」 tsit 兩類 ê 文章互相 lóng 有牽 kh p， tī 主流媒體無趣味 kap 意願刊鄭良偉 tsit 款論述 ê 狀況下，一般人民 mā 無可能去讀語言學專門 ê 冊，借《台文通訊》tsit 个小眾媒體傳播， uan-na 是開拓另外一个戰場 ê 運動思考。. 3.鼓吹學習羅馬字. 《台文通訊》第 84 期〈建立羅馬字 /台灣字 ê 地位〉（ 2001 年 2 月）、第 91 期〈台語羅馬字 (白話字 )是書面語，不只是標音系統－請教育部 26.

(33) 確認台語書面語 ê 存在〉（ 2001 年 9 月）、第 109 期〈是按怎小學 ài 先教羅馬字才學漢字〉（ 2003 年 3 月），呼籲 ài 用「讀者優先」 ê 角度來 h 羅馬字建立書面語 ê 地位；呼籲教育部重視台語羅馬字 ê 傳統 kap 文獻，追認民間已經使用百外冬 ê 羅馬字做正式書面語； Tuì 教育、資訊化 kap 學習效率 ê 角度分析小學生應該 tī 學漢字以前代先學羅馬字。鄭良偉徛 tī 學術 ê 良心、專業 ê 研究實證 kap 對台語 ê 使命，長久有喙講 kah 無 nuā 鼓吹台語文教育 ài tuì 羅馬字開始，建議教育部 ài 採用有歷史傳統 kap 文獻資料 ê 台語羅馬字， tī tsit 个過程中 bat 受著一寡 lé 罵 kap 攻擊，實在 h 人 tsiâⁿ 心疼！有良知，倚靠信仰講話 ê 語言學者是按怎 tsiah-nī 孤單？咱民間 sio-thīn. 聲音應該 koh 再擴. 大，為台灣語文繼續 tshia 拚。. （二）台灣語文動態 ê 傳播交流. 鄭良光 ǹg 望透過台語文活動消息報導 tàu 宣傳，加強台語文工作者互相 ê 資訊交流， mā 鼓吹讀者參與各地 ê 相關活動， tùi 草根推行台語文學習 kap 傳播 ê 理念。特別 tī《台文通訊》創刊初期 tsi p 報導鄭良偉教學 i h 研究 ê 動態，包含鼓勵使用 TW301 台語文輸入法、各地寫作 kap 教學研習會、台語文化議題研討會、開台語文課程，透 27.

(34) 過雜誌 kā 主流媒體無 beh 報導 ê 消息傳送 h 濟濟海內外台灣人知。 Tuì 讀者來函 kap 其他文章 thang 看出鄭良偉久年來 mā 培養、牽成一寡後進，成做各地台語文研究 kap 推廣 ê 勇將，親像台灣師範大學台灣語文學系系主任李勤岸、台東大學華語文學系張學謙、台灣師範大學華語文教學研究所曾金金 36、新竹教育大學台灣語言與語文教育研究所呂菁菁 37、中山醫學大學台灣語文學系梁淑慧 38等等。鄭良偉除了提供作品、動態消息 h 《台文通訊》以外，伊 tī 上起頭就有寄附金錢來支持 tsit 个台語文刊物，20 冬來無論是加入做「共同發行人」 39 i h 是基金會 ê「鳥仔天使」 40，鄭教授實際支持《台文通訊》 ê 行動 lóng 無斷站。《台文通訊》1991 年 tī 美國洛杉磯創刊了後， 1992 年正式 tī 台灣成立「台灣總連絡處」，拄好鄭良偉受聘轉來 tī 清華大學語言研究所擔任國科會客座教授，1994 年頭擺 tī 清華大學開台語文讀寫課程，hit 時台灣各大學 iáu 無台語文系所，彰化縣陳福當、蕭平治、游麗津 41等. 36. 曾金金，美國 Hawaii 大學語言學博士，台灣師範大學華語文教學研究所教授兼所長。呂菁菁，清華大學語言學博士，新竹教育大學台灣語言與語文教育研究所副教授。 38 梁淑慧，新竹教育大學台灣語言與語文教育研究所碩士、博士班修業中，現任中山醫學大學台灣語文學系講師，有合編《相招來學白話字》教材（2010 年，長老教會總會）。 39 《台文通訊》第 33 期由「共同發行人召集人」張復聚醫生寫〈請大家做夥來發行台文通訊〉文章，呼籲讀者用定期捐款來維持出刊費用 kap 兩位工作者－陳豐惠 kap 廖麗雪 ê 基本生活費。 40 李江却台語文教基金會 1997 年初登記成立了後，用（台灣人多族多音 ná 鳥仔鬧熱 ê 叫聲）「鳥仔天使」名義號召有志定期捐款，h 事工 ē-tàng 有穩定經費來紡。 41 陳福當是彰化縣大竹國小教師，蕭平治是彰化縣田中國小教師，游麗津是彰化縣民生國小教師，lóng 退休--ah，十幾年來成做彰化縣推動母語教育 ê戰將；陳、蕭 tiāⁿ 擔任台語研習講師，蕭平治有出版《台灣俗語鹹酸甜》、《歡歡喜喜教台語》、《輕輕鬆鬆讀台語》、《阿爸 ê 鹿角薰吹》。游麗津有指導關懷文教基金會 ê「兒童台語演詩團」。 37. 28.

(35) 等幾位國校老師專工走去清華聽鄭教授 ê 課；後 --來，in tsit 幾位老師 lóng 成做彰化縣台語研習種子老師，除了 tī 國校帶動台語學習風氣， koh 維持到 taⁿ b h 倚 20 冬久 ê「台文通訊彰化讀者聯誼會」， thang 講是鄭教授栽培 --出 -來 ê 台語文第一線精兵，種子掖 --出 -去 koh 開花結子，彰化縣成做全台灣上用心培養台語文教師、鼓舞師生台語文創作 ê 所在。鄭良偉便若開課一定鼓勵讀寫，《台文通訊》就 tuè leh 去到逐位， tuè leh 走揣新讀者 kap 新作者。《台文通訊》提供新手投稿 ê 園地， mā 提供文學、生活、論述 ê 多元作品，逐家互相觀摩，各地讀冊會 i h 聯誼會定時聚會討論交流； Thang 講鄭良偉 kap《台文通訊》 saⁿ-kap 協力、分工合作，對台語羅馬字 ê 推廣、漢羅合用書寫 ê 實踐 kap 鼓舞、台語文字標準化 kap 普及化 ê 進展、台語文學 ê 傳播等等，鄭教授徛 tī 熱愛台灣語文所堅持 ê 理念有草根的 ê 傳揚。雖 bóng 咱知影文字 ê 改革總是 ti h 經過 tsiâⁿ 長 ê 時間可能 tsiah 看 ē 著成果， -koh 鄭教授理論加行動 ê 合一， h 「講台灣話，寫台語文」 tsit 款觀念 ê 種子已經有譜脈仔掖 tī 台灣 tsit 塊土地 --ah。《台文通訊》一開始就 tshiàng 明講是「運動性」--ê，其中一个主要 ài 去拍破 --ê 就是中國話 kap 中國文體 ê 橫霸造成對台灣母語 ê 壓迫，ài 用幼秀 ê 頭殼、感性 ê 心懷，一點一滴來培養台灣母語 ê 花葉， 29.

(36) 需要謙卑作穡去評判、研究、創造，日日進步， h 台語文遍滿 tī 各種文學 kap 學術文本中間， án-n tsiah thang h 台語文變做 kap 中文、英文、日文仝款，成做世界公認 ê 普世性 ê 文字形式。運動性 ê《台文通訊》 tī 90 年代同時 tī 北美台灣人社團 kap 台灣基層湠燒，mā 是台灣社會運動風潮 ê 其中一條（語文改革 ê）線， -koh 檢采因為海外台灣人對台灣母語 ê 議題 khah 有強烈 ê 感觸 kap 思考、「語文改革」比較的 khah 抽象、台灣人受殖民久久心靈 iáu leh 坐監掛跤扣手鐐，koh 欠缺有大眾知名度 ê 領袖人物 tī 台灣 tshuā 頭 tsit 幾个因素，《台文通訊》初期 tī 台灣顛倒無像 tī 北美受注目 kap 關心 42 。. （三）其他 ê 關懷. 《台文通訊》第 64 期〈 228 咱為啥物 be h 紀念？〉（ 1999 年 5 月），用半對答、半祈禱文 ê 形式表達對記念 228 事件 ê 想法；《台文通訊》第 170 期〈 Kap《 Hông 出賣 ê 台灣》作者 George Kerr 對談 ê 感想〉（ 2008 年 5 月）， thang 講是 kap 對台灣歷史有重要影響 ê 禁冊作家寶貴 ê 對談心得分享，提醒台灣人民注意 koh 一擺 h 人出賣。Tsit 部份文章 h 筆者體會著有思考力、有反省能力 ê 學者 bē 逃閃講政治議題，尤其. 42. 《台文通訊》創刊三冬就得著 New Jersey 關懷台灣基金會頒發「團體贊助獎」。 30.

(37) 當政治 hiah-nī 壓霸 teh 操控教育 kap 文化 ê 時，當政治決定咱族群語文命脈 ê 時，咱 bē-sái 無出聲。鄭良偉為 beh 推 sak 台語教學 kap 台語文學 ê 普及， kā 家己 ê 著作寫序文以外， mā 有替陳雷、蕭福道 43、李勤岸、張聰敏 44、蕭平治、張裕宏等有志寫詩集、作品選集、小說集、詞典 ê 話頭， ǹg 大眾推薦台語文學選集 kap 教材。鄭良偉認為文學是培養個人 kap 社會心靈真有功效 ê 教育內容，研讀母語文學不但是發展個人 ê 文學素養 ê 根基， mā 是培養其他族群古今文學 ê 基石；伊真重視逐類台語文學 ê 出版，所以伊真願意寫冊 ê 話頭 i h 評介文章。翻譯作家李南衡 45心適 ê 散文〈這才是新聞〉等等，為 beh 示範無仝文類 lóng thang 用台語文表達，增加台語讀物 ê 種類，特別揀選趣味 ê 作品翻譯。. 第二節台文通訊社 ê 草根運動. 《台文通訊》 tī 1991 年 7--月 tī 美國洛杉磯（ Lo s Ang eles ）創刊，當原初 ê 發行人兼總編輯是鄭良光，後 --來編輯工作 uì 洛杉磯徙去. 43. 蕭福道，長榮高中校牧，bat 擔任長老教會總會台灣族群母語推行委員會主委，有出版《父母話，讚》有聲冊（1995 年，水長流傳播）。 44 張聰敏（1939-1997），南投人，台文通訊彰化讀者聯誼會成員，1994 年 mā 有去清華大學鄭良偉 hia 上台語文課。著作有台語小說《阿瑛啊》。 45 李南衡，綠色和平電台主持人，gâu 寫評論 ê 文章，主編《日據下台灣新文學選集》五冊（1979 年，明潭），所寫 ê 笑詼古 h 鄭良偉翻做《台語大爆笑》（1996 年，旺文）。 31.

(38) Hawaii，尾 --à 徙去 Toronto， 2012 年遷轉來台灣，歷任總編輯有鄭良光、李勤岸、蘇正玄、張秀滿 46、葉國基 47、廖瑞銘等。創刊 ê 背景是 1990 年美國洛杉磯有幾若个參與設立台語學校 ê 台灣同鄉因為學習台語電腦，對台文寫作有興趣，所以聚集寫作，尾 --à in 成立「台文習作會」，習作會內底，有人提議發行「台文習作會通訊」，tse 就是《台文通訊》ê 前身。鄭良光 kā 創刊號寫發刊辭 ê 時，用「火母」款式 ê 會號講著台灣語文面對斷種 ê 危機， tsit 份刊物 ti h 扮演「火母」 ê 角色來 th g 台灣語文 ê 香火。《台文通訊》 ê 宗旨是 tshui 廣台語白話字、台語書寫（筆尖寫舌尖） hām. 台灣語言 ê 主體意識，刊物文字用漢羅 lām 寫為主，有時 ē. 刊全部羅馬字 ê 作品。後 --來，伊影響著台灣國內 ê 台語文學 tshui 動 kap 運動發展， mā 促成國內專業文學雜誌《台文 BONG 報》 ê 設立。 1991 年鄭良光拜託專門出版台灣學出版品 ê 前衛出版社頭家林文欽代理《台文通訊》 tī 台灣 ê 發行工作，發行對象先以前衛出版社 ê 客戶為主 48。拄好 hit 時陳豐惠 kap 台語詩人陳明仁 tī 前衛出版社做台. 46. 張秀滿， 1 95 9 年出世，成功大學應用化學系卒業。 Ba t 擔任北美洲台灣婦女會 Tor ont o 分會會長、加拿大台灣同鄉會理事，目前是北美洲台灣婦女會區理事。主編《台文通訊》第 97 期到 118 期（ 2002 年 3 月到 2003 年 12 月）。 47 葉國基， 1 95 0 年 tī 台北縣樹林鎮出世，台北醫學院卒業。 1 99 4 年到加拿大從事營養食品工作。 Ba t 擔任 T or o nt o 台灣同鄉會會長、加拿大台灣同鄉會會長、台加衛生聯盟 ( W H O f o r Ta i w a n ) 執行長、民進黨加拿大黨部執行長，現任世界台灣同鄉聯合會會長。主編《台文通訊》第 1 1 9 期到 21 4 期（ 2 0 0 4 年 1 月到 2 0 1 2 年 1 月）。 48. 除了寄 h 北美台灣同鄉以外，自第 2 期起委託前衛出版社 tī 台灣發行 5000 份。. 32.