小結

過去以男性作家為主ê台語文壇，tī 2006 年出版兩本台語女性小說，hōo 人 贊揚，mā投入 bē少注目ê眼光，對這兩本小說ê研究，mā提供 hōo 咱 bē少ê思考 方向，hōo 台語文學研究領域頂懸有閣較濟人來投入。親像呂美親所講ê「女性」

kap「語言」結合 hōo 人有料想 bē到ê收成。

《虱目仔ê滋味》kap《天使》ê「女性」kap「語言」兩ê議題果然攏 hōo 學 者一直提出討論。kā前人ê研究成果綜合起來看，tī女性議題ê研究方面有共同ê 看法，兩位台語女性作家對女性書寫攏投入相當ê心血。台灣女性因為生活tī無 仝ê世代，表現出無仝ê特質。老年女性因為受著父權社會制度ê壓迫，總是表現 出堅強忍耐、溫柔順從ê特質kap in 認命徛 tī查甫人ê背後惦惦仔付出。中年女性 漸漸有自我意識ê覺醒，m̄ 過對反抗產生不安kap 僥疑，少年女性 m̄ 干焦有 自我意識kap 自主性，而且會當自我解放，m̄ 願受壓制。清文《虱目仔ê滋味》

提出女性受壓迫ê事實，將問題留hōo 讀者去思考。王貞文 m̄ 但提出事實，而 且進一步提出伊ê理想kap 想法，伊認定反抗父權社會對女性ê壓迫是無法度建立 一ê兩性平等ê社會，男性必須愛改變過去ê思維，兩性共同經營。伊mā提出女性 咧追求自我解放ê過程中，必須愛受道德ê規範才bē失去自我ê自體性。

語言使用ê特殊性透露出tī這ê以華語為尊ê時代，代表一種走揣失落文化傳 統ê意義。清文kap 王貞文用台語書寫，實際上攏是用家己上熟似ê語言來書寫，

m̄ 過這款ê書寫語言卻是清文這世人ê第一擺，高雄腔口ê地方特色，引起研究 者對台灣語言問題ê思考。王貞文將發生tī台灣ê歷史事件當作是時間ê描寫背景，

更加明顯去形塑台灣ê主體性。M 但寫女性，mā將女性ê形象象徵台灣ê處境 kap 未來。王貞文tī《天使》ê自序內底講：

起初時，對我來講，用台文寫作，是在重新建構一個已經漸漸失落的過

去。然後，用台文寫作，成做有份在台灣新希望的代誌，成做向前的展 望。

王貞文是按呢，清文《虱目仔ê滋味》mā是仝款，透過高雄書寫，保存高雄 地區語言特殊ê腔口，表現高雄歷史發展ê過程，特殊ê動詞使用造就台語書寫 ê美感。

過去ê研究者對《虱目仔ê滋味》kap《天使》進行女性書寫、語言使用、

身份kap 國族認同ê研究，其中所探討ê層面包括社會、歷史、政治等方面ê 探討，透過這ê層面ê探討，咱會當了解《虱目仔ê滋味》kap《天使》這兩本 小說集寫作ê意義。

過去ê人對《虱目仔ê滋味》kap《天使》這兩本小說集ê研究主要是社會、

歷史、政治等方面ê探討，對小說本身ê寫作形式並無人去探討。陳玉玲曾經 對王貞文ê基督教小說〈當第一道光突破暗夜〉、〈自由時代〉兩篇小說內底老 喇莫 kap 添木ê救贖方式，kap 舊約聖經內底ê〈約伯記〉⁵有仝款ê考驗過程。

而且陳玉玲mā將上帝救贖ê模式 kap 神話中ê英雄故事做比較，發現著in 無 仝款ê所在。除了陳玉玲以外，並無其他ê人對台語女性小說做結構模式ê分析。

何信翰tī《泛露西亞詩學理論 kap 台語現代詩研究》中表示：形式主義者 認為文學研究ê對象應該是文學作品ê文學性，文學性是文學作品怎樣成做文 學作品ê特性，這ê特性就是作品ê形式。研究者透過小說ê模式分析，揣著台 語女性小說ê形式，探討《虱目仔ê滋味》kap《天使》這兩本小說集ê文學性，

向望對台語文學ê研究會當提供另外一種層面ê關照。

5 約伯是一個受苦但仍然持守信仰的人，約伯正直及敬畏上帝，撒旦懷疑約伯是否真正無私不求

回報地事奉上帝。撒旦考驗約伯，讓他的兒女途然意外死亡，喪失所有的財產，並且又窮又病，

從腳掌到頭頂長毒瘡。儘管他的妻子要他咒罵上帝，他仍然不願意開口否認上帝。撒旦輸了，上 帝贏了，約伯通過了考驗。