王貞文台語小說ê結構分析

2006 年王貞文收集伊過去所寫過ê台語小說成冊，出版《天使》這本台語小 說集。內容分做三部分:第一部，鄉土情，以台灣歷史事件做書寫ê背景，表現作 者對社會、政治、國家ê關懷。第二部，父母情，描寫親子關係，特別是查某囝 kap 父母ê關係。第三部，情 kap 傷，描寫女性ê心靈 kap 感情。由小說篇數ê比 率看起來，《天使》會當講是一本以女性為主體ê小說集。王貞文 tī 《天使》ê 作者自序中 mā講：

除了在政治小說內面所經驗的解放以外，我嘛用真濟心在寫情，寫無隨 世間的價值來行，有自己主見的人，寫人的掙扎與自由。女性命運與女 性的宗教心靈，嘛是我所關心的主題，……

王貞文以著對台語文學ê期望做基礎，將對人類ê關懷表現 tī 文學作品內底，希 望會當傳達 h□o 逐家。

王貞文ê〈橄欖情〉是一部充滿女性意識ê小說，主角－春葉，出身 tī 一ê 富裕ê家庭，細漢時因為受烏衫人（壞人）ê性侵害，以及無法度接受真濟查甫人 看 in 媽媽ê眼神，一直攏無法度接受家己ê身軀。熟似橄欖（施惠者、幫助者）

以後，橄欖對伊ê身體ê尊重 kap 愛護，hōo 伊脫離身軀ê靈魂會當閣轉來。春葉 甘願放棄富裕ê環境，搬來小公寓，kap 橄欖過清苦ê生活。橄欖得到腦炎，智能 退化到親像五歲囡仔，春葉猶原堅心咧照顧橄欖。春葉ê頂司—睏獅ê出現，hōo 春葉閣一遍面對家己ê身軀，發現原來一直存在 tī 心內ê烏影「烏衫人」就是睏 獅，決定行出烏衫人ê控制，過家己所選擇ê生活。

故事ê開始，作者就用橄欖破病ê代誌作起頭，表面上親像將春葉ê命運 sak 入古井內，實際上卻是用這ê事件，促成春葉不斷去思考伊ê感情，m□挖出伊ê

身軀上原始ê慾望。細漢ê春葉是一ê無受父母重視ê囡仔，h□o 烏衫人性侵害，

變成討厭家己ê身軀。主角春葉細漢ê時陣受著「烏衫人」ê性侵害，所以青春期ê 春葉並 b□當接受家己ê身體。

開始發育的時，她看家己的乳漸漸膨起來，意識著她的身體有一日嘛會 親像媽媽的身體，做成查甫人觀看的對象，她有一種欲吐欲吐的感覺。

心內真驚惶。﹙王貞文．天使．2006．p155﹚

這是主角春葉所遭遇ê難題，一直到橄欖ê出現，kap 橄欖有身體上ê接觸以 後，春葉感受著過去伊無佮意ê身軀tī橄欖充滿敬意佮感激的溫柔眼神內，反射 出她家己無捌意識過的神聖光彩。﹙王貞文．天使．2006． p155﹚

是橄欖對她的欣慕佮愛疼，互她開始會曉欣賞她家己的身體。 ﹙王貞文．

天使．2006．p152﹚

因為橄欖有將她的互相拆離的靈魂佮身體縫作夥，她想，就是只有為著 對他的感激，她就甘願服事他一世人。﹙王貞文．天使．2006．p156﹚

所以橄欖 tī 故事中ê功能是幫助者 mā是贈與者，伊對春葉ê欣賞 h□o 春葉 閣較有信心去面對家己ê身軀、意念 kap 情慾，h□o 主人公ê難題會當解決。

橄欖對春葉ê重要是伊 tī原生家庭中所享受 b□到ê，所以春葉願意 kap 橄欖 做伙一世人。m̄ 過橄欖致著腦炎，智能退化到親像五歲囡仔，煞hōo 春葉一ê 真大ê考驗。幫助者橄欖破病hōo 主角受考驗，主角不斷面對伊ê身軀所傳達出 來ê訊息。

春葉感受著家己的身體佇愛情中已經醒覺起來，總是互這個身體醒覺ê 橄欖，無法度保護她，使她的身體佮靈魂合一的愛，暫時成作記憶中冰 凍的水晶花，她無知擱來會發生啥物代誌。雖然她的心猶屬於橄欖，若 是有遇著身體會當吸引她的男性，她無法度預料會發生啥物代誌。﹙王

貞文．天使．2006．p160﹚

春葉意識著 mā接受家己ê身軀所傳出來ê訊息，所以當伊ê頂司睏獅對伊表示 企圖ê時，春葉顛倒會當享受 h□o 人欣賞ê虛榮。

他佇她身上锉來锉去的目睛神不但未互她感覺討厭，反倒轉，她有一點 啊享受他彼雙看過無數女性身體的目睛，注神看她活潑的肢體，欣賞她 穿插的品味。﹙王貞文．天使．2006．p164﹚

m̄ 過當睏獅真正對春葉展開攻擊，對春葉進行性ê侵害，春葉心內ê矛盾是 因為抵抗壓迫者—睏獅ê誘拐，抑是驚拍破隱形ê壓迫者—橄欖ê阿母所設ê禁令。

春葉非常懊惱，伊ê身軀竟然對睏獅有反應。

……總是我，總是我的身體對彼個人有反應。我討厭、怨恨他，總是我 的身體對他有反應﹙王貞文．天使．2006．p171﹚

壓迫者—睏獅是主角ê頂司，對主角有十足壓迫ê能力，有權勢更加是主角 自細漢 bih t□心內ê惡魔—烏衫人。故事中另外一ê壓迫者是橄欖ê阿母，伊是 一ê隱形ê壓迫者。隱形ê壓迫者ê特質，研究者 ti 〈虱目仔ê滋味〉結構模式分析 中已經有說明，所以 ti 遮就無閣再重複申論。同時，隱形ê壓迫者 mā是一ê幫助 者。

春葉知影阿母有一點仔怨他……她感覺家己差不多佇搶奪阿母疼子的 權力……﹙王貞文．天使．2006．p150﹚

她的想法古典單純。她認定橄欖既然佮春滯，橄欖既然心內只有春葉一 人，葉就應該保持她的忠貞。﹙王貞文．天使．2006．p160﹚

橄欖ê阿母伊這種以自我傳統觀念出發ê想法，對主角春葉來講，是一款無 形ê壓迫，m̄ 過阿母ê形象煞 m□ hōo 主角 ti 受創傷ê時得到心靈上ê安慰。

她叫她「阿母」的時，就會感覺家己受著這塊土地包容養飼，佮這塊土

地的人民的生命連結作夥。這是她佇她家己的家庭中無法度體會的。﹙王 貞文．天使．2006．p149﹚

……一雙有力的手將她扶起來，幫助她裿直起來……阿母的手溫暖她的 目睛，痠疼的感覺漸漸退去。她開始會當感受著阿母身上的溫暖。﹙王 貞文．天使．2006．p176﹚

當主角受著壓迫者重大ê傷害，靈魂 kap 身體被拆開， hōo 主角陷入自責 當中，伊怨恨家己ê身體真邪惡，mā驚橄欖ê老母看輕伊，認為伊是一ê無貞節ê 人。有橄欖ê阿母溫柔ê雙手 kap 幼幼ê肩胛頭ê安慰，橄欖用伊幼稚ê心智喝出春 葉無助ê心聲。春葉回想著過去伊對家己身體ê討厭，以及細漢時做ê惡夢，原來 kap 烏衫人有關係，記憶中ê烏衫人原來就是睏獅。

睏獅就是當年的烏衫人!是互她心靈破碎、失去愛的能力的人，他竟然 擱一擺來謀殺她的靈魂!她的心頭充滿受氣，總是今她有法度將苦苦的 怨氣轉向彼個靈魂的謀殺者。她無欲擱受他的控制。﹙王貞文．天使．

2006． p180﹚

春葉因為 kap 橄欖ê愛情，伊揣著家己ê身體 kap 靈魂，是一種被愛、被珍 惜 kap 被尊重ê感覺，所以春葉願意用一生來回報。當春葉ê身體 kap 靈魂閣一擺 hōo 睏獅拆分開，春葉透過橄欖、阿母ê支持安慰 kap 對家己身體意識ê覺醒，春 葉真緊就脫離身體上情慾ê控制，k□橄欖身軀頂清新ê味揣轉來。

〈橄欖情〉ê故事情節以春葉對身體ê自覺為主體，依照內容敘述分析會當 看著：無佮意家己身軀ê春葉→橄欖ê愛情hōo 春葉欣賞家己→決定 beh kap 橄欖 鬥陣一世人→橄欖致著腦炎智能退化→春葉ê情慾受睏獅控制→睏獅對春葉性侵 害→春葉了解過去控制伊靈魂ê是睏獅→決心無愛hōo 睏獅控制。

閣將形式再簡化：主角遭遇困難→困難解除→受著考驗→遭遇壓迫→反抗 成功。擱 k□深層ê結構來做分析:文本對女性追求愛情、身體ê自覺、面對情慾ê

坦白，kap 過去傳統女性ê態度有真大ê無仝，文本中ê主角春葉用勇氣、理性 kap

五、

欖繼續共同生活。 影

仝款是王貞文ê台語小說＜門前有大樹的病院＞。用富美這位主角做故事發 展ê主軸，富美原本是一ê庄跤查某囝，護專畢業兩冬，少年、衝動、有冒險ê精 神。1974 年為著 beh 看外面ê世界有偌大，決定ê出國。外國ê工作真忝，富美原 本想 beh 回國。1980 年台灣ê政治事件， hōo 富美ê阿母阻止伊轉去台灣。原來 富美ê阿舅 ti 二二八事件中受著牽連。阿母無願意富美閣轉去 hit ê無民主ê社 會。這時故事對照富美對斯里蘭卡來ê同事阿倫哈滴：

1983 我的翁婿 Jaffna 互人暗殺，因為游擊隊懷疑他出賣 in，我 tshu

ā 兩個囡仔透暝離開，一位親晟安排阮來德國。……佇故鄉，我是醫生，

厝內真有錢，佇遮，我逐日攏為著生活煩惱。總是我已經未當轉去，遐 已經無我的位，我的囝仔，我嘛無欲互 in 佇一個隨時會有暴力、暗殺，

甚至戰爭的所在長大。﹙王貞文．天使．2006．p186~187﹚

阿倫哈滴ê遭遇 kap 富美仝款，流浪異鄉，每日為著生活煩惱。做人老母ê 阿倫哈滴 m□kap 富美ê老母仝款，希望家己ê囡仔會當 ti 安定民主ê社會大漢，m

̄ 免生活 ti 驚惶ê環境中。看著阿倫哈滴ê處境，富美會當體會老母ê苦心，雖然 一ê人三十年來流浪異鄉，mā甘願承受孤單ê艱苦。主角 ti 遭遇困境 e 中間，

得著心靈ê協助。所以，阿倫哈滴 ti 故事中扮演對照者 mā是幫助者ê功能，發見 著一ê社會政治 b□穩定，人民將承受真大ê痛苦。

雖然富美留 ti 國外是 beh 逃避一ê hōo 人無安全感ê社會，m̄ 過富美 ti 德國ê工作猶原真受肯定。

她真受醫生的信任，她有經驗，擱真警覺，會曉體諒患者的心情，逐日 的工作者會議，醫生攏真尊重她的判斷。﹙王貞文．天使．2006．p189﹚

所以萬德醫生將伊高中ê同學羅買亞小姐，交代hōo 富美照顧。富美得到醫 師ê信任，感覺真歡喜 mā真有成就感。萬德醫生是一ê幫助者。

羅買亞小姐是一ê被壓迫者，囡仔時代就受著老爸ê性侵害，所以 t□心理上 一直認為家己是一ê無清氣ê人，才會受著老爸如此ê對待：

卡德琳一直認定她家己是罪人，是垃圾污穢的人，是她靈魂的污穢吸引 她的老父對她做出污穢的代誌。﹙王貞文．天使．2006．p198﹚

卡德琳自身ê罪惡感 kap 細漢時心內所受ê創傷，h□o 卡德琳大漢以後食 毒、自我傷害，最後干焦會當進入勒戒所接受治療。富美 k□卡德琳講：

佇台灣，嘛熟似一位卡德琳，是英國來的宣教師，台灣名叫作『清潔』，

她講，她的本名的意思就是清潔。……卡德琳是一位清潔的姑娘。﹙王 貞文．天使．2006．p195﹚

為著 beh 幫助卡德琳重生，去除家己是無清氣ê人ê認知，富美強調卡德琳 是一位清潔的姑娘，因為至少卡德琳猶閣會當接受家己ê名。萬德醫生 mā以朋友

為著 beh 幫助卡德琳重生，去除家己是無清氣ê人ê認知，富美強調卡德琳 是一位清潔的姑娘，因為至少卡德琳猶閣會當接受家己ê名。萬德醫生 mā以朋友