其他台語女性小說ê結構分析

丁鳳珍ê〈A 眉〉。〈A 眉〉ê主角 A 眉 kap＜虱目仔ê滋味＞內底ê主角阿雪仝 款，出身一ê並無富裕ê家庭，厝裡ê小弟 kap 小妹一大陣，所以無讀真濟冊就出 外去趁錢食頭路。A 眉是厝裡ê二姊，下面閣有五ê小弟、小妹。十幾歲就到紡織 工廠做女工。無顧老 p□ ê反對嫁hōo 一見鍾情ê A 明。因為得 b□著老 pē ê祝 福，A 眉 ti 結婚以後就認定 A 明是伊倚靠終身ê人。結婚了後，A 明開始拍某、

跋筊，無關心厝裡ê某 kap 囡仔。Ti 一擺閣一擺ê家暴事件以後，A 眉感覺真凊 心，想 bē 離緣，最後伊i 提出上大ê決心離家出走，到台南投靠小妹，干焦想 beh 脫離悲傷ê命運。看著厝內ê親人為伊咧煩惱，A 眉感覺真歹勢，伊 mā m 甘離開兩ê後生，只好吞忍，向望有三頓ê溫飽就好。

故事中主要ê壓迫者 A 明是 A 眉ê尫婿，另外一ê壓迫者是 A 眉ê老 pē 。A 明 拍某、跋筊、無關心厝裡ê某 kap 囡仔、愛面子，而且無顧別人心內ê感受。

A 明感覺 ka-kī 是 1 個真 kut 力趁錢ê翁婿，ho o in 母-á-kiánn 食好 穿 suì，m̄ bat ho o in 欠用過 1 sian 5 釐，為怎樣 kui 日到暗 lóng ho o i 歹面色看?koh jiok 來 kiáu 間大細聲，所有ê人 lóng ho o i 得失了了，害 i ê面子削落地。I 若因此無 koh 去 pua h-kiáu，kám m

̄ 是會 ho o 庄 á內ê人笑 i 是 1 個無 lan7-pha ê tsa-poo 人? ﹙丁鳳 珍．台文 BONG 小說精選輯(一)．2006．p62﹚

A 明認為只要努力趁錢 h□o in 母仔囝食好穿媠，伊就已經盡著做尫婿 kap 老 pē ê責任。A 眉逐去筊間大細聲，hōo 伊真無面子。m̄ 過對 A 眉來講，A 明 沉迷跋筊無顧厝內hōo 伊真無安全感。A 明對 A 眉ê壓迫不只是身驅上ê壓迫，而 且 mā有精神上ê壓迫。故事中ê另外一ê壓迫者是 A 眉ê老 pē 。A 眉ê老 p□無同意 A 眉嫁hōo A 明，勉強答應婚事，卻 m^̄ 肯去 A 明 in 兜做親家，m̄ 准厝內ê人

去參加 A 眉ê婚禮。阿真講伊ê老 p□:

tse 是報應，老 p□會 phah 別人 tau ê tsa-無-kiánn﹙a 母﹚，然後 i 心愛 ê tsa-無- kiánn mā 去 ho o 別人 phah。Kám 講 tse 是台灣 tsa-無人必須 ài 面對、吞忍ê命運? ﹙丁鳳珍．台文 BONG 小說精選輯(一)．

2006．p67﹚

可見 A 眉ê老 p□ti 厝內 mā是一ê會拍某ê尫婿，使得 A 眉ê小妹阿真不得不 起僥疑，做家後ê hōo 尫婿拍，是 m 是必須愛面對 kap 吞忍，敢講無方法會當 改變？故事中扮演幫助者ê阿真，對法律ê角度去思考，如何幫助阿姐脫離悲情ê 命運。伊陪阿姐到病院提驗傷單，責備阿姐將姐夫寫ê懺情書燒掉，毀滅對家己 有利ê證據。而且hōo 阿姐了解，伊上放 b□落ê兩ê後生，ti A 眉 kap A 明離婚 以後，無經濟能力ê A 眉是無可能提著監護權。阿真ê分析hōo A 眉認清事實，

影響 A 眉最後ê決定。

故事ê主角 A 眉面對生活中ê不平 kap 困難，一直想辦法 beh 改變。嫁hōo 一見鍾情ê A 明，這是 A 眉ê第一ê反抗，為著 beh 爭取自主ê愛情，對老 pē 反抗。

m 過這ê反抗煞 h□o A 眉進入一ê不幸ê婚姻生活當中。第二ê反抗是 A 明愛跋 筊， 無顧厝裡ê某 kap 囝，A 眉走去筊間將 A 明叫轉來，無想著換來ê是一場討 皮疼。第三ê反抗是 A 明繼續跋筊，兩人開始談判離緣，A 眉又閣經歷一擺閣較 殘忍ê暴力對待。第四ê反抗，A 眉離家出走，到台南揣小妹，小妹陪伊去提驗傷 單。A 眉離家出走以後，雖然 A 明四界走揣，m 過看 b□著 A 明有認錯抑是悔 改ê心，後頭厝ê支持煞hōo A 眉感覺足見笑。最後 A 眉干焦會當選擇陪 ti 囡仔ê 身軀邊，有三頓ê溫飽就好矣。Ti 文本ê敘述過程中，〈A 眉〉每一ê分析單元攏 會當看著 A 眉ê反抗，以及拚性命想 beh 脫離悲情ê命運。m 過伊ê拍拚卻是一 直將伊送入另一層悲慘ê命運。

〈A 眉〉故事ê發展結構以 A 眉ê家庭暴力事件來發展。

追求自主ê婚姻→hōo 尫婿拍→尫婿愛跋筊→hōo 尫婿拍→想 beh 離婚→hō

講 bē合，A 眉

林麗美ê〈情字 hit 條路〉。2009 年阿却賞台語文學小說組白鴒鷥二賞

林麗美ê〈情字 hit 條路〉內底ê主角王敏，厝蹛 tī 下港，家己一ê人出外 食頭路。雖然是一ê查某囡仔，m̄ 過跤手緊，反應機巧，有見識 kap 膽量，做 代誌真用心。故事中ê壓迫者陳允文，是王敏ê頂司，真欣賞王敏，聖誕夜 tī 載 王敏轉去宿舍ê路上，陳允文對王敏表達愛意，從此王敏變成陳允文翁某中間ê 第三者。王敏雖然心內有真濟矛盾 kap 衝突，m 過對愛情ê甜蜜伊 mā m 甘放 棄。想 bē 到陳允文只是將王敏當做是傳宗接代ê工具。王敏ê好朋友阿魁無意中 發現陳允文 kap 王敏咧牽。tī 阿魁ê幫助之下，王敏知影陳允文並 m̄ 是真心愛 伊，伊是有目的ê，t□h□o 人趕出公司以後，只好一ê人恬恬仔坐車離開這ê使 人傷心ê所在。

故事ê結構就圍 tī 王敏ê情路咧發展。主角王敏，自細漢就無老父。Tú著陳 允文，一ê「有成熟ê氣質，充滿智慧ê霸氣，閣是伊ê頂司」，王敏完全無抵抗ê 能力。王敏曾經拒絕，一是驚陳允文ê太太知影，二是驚老母知影。m 過這種ê 抵抗力無法度贏過王敏心內所認定ê愛情。

王敏自細漢無老爸，伊 bat ti 夢中刺繡 1 ê 英雄ê形象，tsit-má面 頭前ê tsit 個人已經 kap 伊夢中ê個英雄 tàu 做伙，伊感受著 tsa-poo 人對伊ê疼 thàng、感受著 ho o 人關心ê甜蜜 kap 被人所愛ê虛榮。﹙林 麗美．台文 BONG 報 162 期．2010．p12﹚

王敏 tī 工作上表現出來ê主動、膽量、見識，tī 愛情ê烏影下跤完全消失 無看見。故事中陳允文是一位壓迫者，有權勢、有地位，hōo 王敏享受著愛情ê 滋味，m 過上主要ê目的是將王敏當做是傳宗接代ê工具。

阿魁ê覺察 kap 幫助，將王敏對愛情ê陷阱解救出來，hōo 王敏認清事實，

離開傷心ê所在，過新ê生活。所以阿魁ê角色 tī 故事中是一ê幫助者 mā是一ê英 雄。

故事ê情節發展來分析：希望擁有父愛ê庄跤查某囡仔王敏→接受頂司陳允 文ê追求→心內有驚惶 kap 矛盾捌要求分手→王敏為感情淪落為情婦→阿魁發現 陳允文追求王敏上主要ê企圖是為著傳宗接代→阿魁 kap 陳允文談判，幫助王敏 離開陷阱

對情節分析再簡化結構模式：主角離家出走→壓迫者設下陷阱→主角反抗

→反抗無成功→主角落入圈套→幫助者協助脫離陷阱

這種ê結構模式是真單純ê故事模式，故事ê發展以一般ê正常模式發展。

林麗美ê〈情字 hit 條路〉情節分析圖

內容摘要 概念分析 人物 代碼 功能

一、

王敏反應機巧，有見 識 kap 膽量，做代誌 真用心，頂司陳允文 真欣賞。

王敏ê能力 kap 個性hōo 王允 文真欣賞

主角 α（I） 介紹主角

二、

陳允文對王敏表達 愛伊ê心情，陳允文 符合王敏心中英雄ê 形象。

王敏沉醉被愛ê 虛榮當中

壓迫者 λ（Γ） 壓迫者設下 圈套

三、

前兩節研究者分析清文 kap 王貞文ê小說作品，第三節用其他女性作家ê作 品做論證。研究者發現，〈A 眉〉ê敘述結構 kap〈虱目仔ê滋味〉真仝款，每一擺 ê反抗主角就遭遇閣較大ê困境，主角一擺擱一擺爭取家己權益，煞得著一擺擱一 擺更加嚴重ê暴力對待，故事ê情節發展 mā是三擺困境、三擺反抗，到最後一擺 離家出走ê反抗會使講是上大ê反抗，最後主角屈服 t□親情ê束縛。林麗美ê〈情 字 hit 條路〉ê敘述結構 kap〈Phah 面者〉仝款，無仝ê是故事情節ê敘述篇幅長 度無仝，致使小說ê發展結果無仝款。主角為著愛情失去方向，失去自我。當女 性咧講女性自覺、女性意識ê時陣，tú著感情ê代誌是 m̄ 是會當用理性ê態度去 面對，可能是真濟新時代ê女性需要認真思考ê問題。

第四節 小結

研究者針對《天使》kap《虱目仔ê滋味》這兩本台語女性小說集內底，以 女性為書寫主角ê文本做研究對象，仝時加入丁鳳珍ê〈A 眉〉、林美麗 ti 台文罔 報頂面所發表ê〈情字hit 條路〉做研究對象，發現小說內底以女性為描寫主角ê 文本做結構分析。m 管是描寫女性悲慘ê宿命，抑是女性開始透過各種幫助 kap 自我意識ê提昇，h□o 女性脫離弱勢 kap 被壓迫ê形象。

對結構模式ê分析中，會當發現三種共同ê特徵：第一種，遭遇困境→受壓 迫者設計→反抗→遭遇困境；第二種，遭遇難題→難題解除→反抗→反抗成功；

第三種，主角受考驗→主角轉移→主角得著寶物。故事ê開始攏以主角有所欠缺 抑是遭遇難題開始，主角所遭遇ê難題有經濟問題，因為厝內散赤，必須愛去外 口趁錢，抑是自細漢就是無老父照顧ê孤女，必需愛放棄受教育ê機會，承擔照顧 家庭ê責任，所以落入去壓迫者所設計ê陷阱。有社會對女性婚姻ê束縛，女性並 無婚姻自主權，已經到結婚ê年歲猶未結婚，身體有病ê女性、趁食查某，更加無

權利選擇結婚ê對象。有傳宗接代ê壓力、有家庭暴力對女性ê摧殘、有社會國家ê 混亂，逼in 去國離鄉。女性所遭遇ê難題對生活現實到國家社會，攏 h□o 女性 承擔真濟ê壓力，台語女性作家透過書寫表現出對女性關照 kap 疼惜。

女性不斷遭遇難題，原因是父權社會制度對女性ê壓迫，女性意識著若無反 抗 bē 當改變家己ê處境，甚至連做人ê尊嚴攏無。女性自我意識ê覺醒，追求家己 ê獨立性，提出反抗，為著追求自主ê愛情，女性無惜犧牲性命。為著獨立生存ê 主體性，女性放棄以往倚靠男性ê角色，有勇氣拒絕引誘，有獨立ê經濟能力，過 獨立自主ê生活。追求甜蜜ê愛情、幸福ê婚姻 kap 自我性命意義ê實現，女性提出 對父權社會制度ê反抗。外家頭神、傳宗接代 m̄ 是女性ê宿命，女性必須對父權 制度ê壓迫中解放出來，就會當有獨立自主ê人生。

小說情節ê發展過程，會當看見主角遭遇三擺ê困境，經過兩三擺ê反抗，有 ê主角反抗成功，有ê主角反抗失敗，最後一ê反抗往往是上大ê反抗，主角ê反抗 意識因為對自我意識ê覺醒來提出反抗行動，主角反抗是 m̄ 是會成功，除了主 角自身ê判斷以外，故事內底ê幫助者是 m̄ 是一ê有權勢、有能力ê幫助者，對主 角是 m̄ 是會當反抗成功，是一ê決定性ê關鍵。幫助者對主角ê命運有決定性ê 功能，mā影響故事ê發展方向。

可見社會ê支持力量對女性主體性ê追求是非常ê重要，而且 mā負起決定性ê 責任，女性向望台灣社會是一ê兩性平等ê社會。Beh 創造一ê兩性平等社會，除了 女性意識ê覺醒以外，男性觀念ê改變mā是一ê重要ê關鍵，當女性對無平等ê代誌 提出反抗時，男性ê支持 kap 幫助是真重要ê力量。