結論 - 國立台東大學華語文學系臺灣語文教師碩士班碩士論文

做為一ê文學內部研究ê批評方式，結構主義重視文本中「文學性」ê研究。

所謂ê「文學性」就是文本ê「形式」，這種形式就是文本ê結構。普洛普分析一百篇俄國民間故事，歸納出四條通則，其中ê第四條：「就結構而言，所有的故事都屬於同一類型。」所以結構主義者認為 ti 各種ê文本當中有一種共同ê結構模式。

「結構主義簡化文學文本，用 X 射線透視它們ê骨骼結構。」﹙羅伯特．休斯，劉豫譯，1992,P9﹚可見結構主義者對文本深層結構走揣ê重視。結構主義者認為文本內底ê敘事方式有一ê固定ê內在結構，而且是由一種固定ê規律所生成。

結構主義者特別重視這種深層ê規律，重視深層結構並 m 是代表無重視表層結構，以結構主義對文學ê研究方法來看，研究者對文本ê形式、邏輯、敘事功能、

深層結構等等各種無仝ê面向來分析文本，企圖對包羅萬象ê文本世界揣著一種固定ê組織規律。

透過第三章、第四章文本結構模式ê分析，研究者發現《虱目仔ê滋味》kap

《天使》這兩本小說集內底ê文本，大約分做三種結構模式：

古井式ê結構模式：遭遇困境→受壓迫者設計→反抗→遭遇困境。主角 ti 最後提出上大ê反抗，m̄ 過並無成功，甚至犧牲性命，主角完全無翻身ê機會。

故事ê情節發展過程中，主角每反抗一擺，就會將主角ê遭遇往古井內底 sak。代表作品有〈虱目仔ê滋味〉、〈A 眉〉、〈薄冰〉，in ê共同特徵是攏無出現有具體幫助能力ê幫助者。

V 字型ê結構模式：遭遇難題→難題解除→反抗→反抗成功。這款結構模式 ti 分析ê文本中會當講是上濟。代表作品有〈生 kap 死 ê Melody〉、〈Phah 面者〉、

〈情字 hit 條路〉、〈勝吉ê離緣書〉、〈橄欖情〉。V 字型ê結構模式中，故事一開始 kap 古井式ê結構模式仝款，隨著故事情節ê發展，主角ê遭遇 ti 沉落谷底以後

慢慢爬起，這種爬昇ê力量來自主角自我意識ê提昇 kap 幫助者ê幫助，kap 古井式ê結構模式無仝ê是，V 字型ê結構模式內底ê幫助者往往有權閣有勢，對主角會當提供具體ê幫助行動，mā致使主角會當反抗成功。

樓梯式ê結構模式：主角受考驗→主角轉移→主角得著寶物。代表作品有〈門前有大樹的病院〉、〈熱天的墓〉。這款結構模式ê故事，主角ê遭遇 ti 生活水準以上咧發展，主角雖然遭遇難題，m̄ 過煞會當靠自我意識 kap 理念ê堅持，實現人生ê意義。

文本中以女性主角為中心，故事情節ê邏輯關聯，h□o 文本形成無仝款ê結構模式。結構模式ê形成由文本中ê人物行動功能，以及主角ê選擇意識 kap 態度來決定。所分析ê文本當中，角色人物ê行動功能，符合普洛普ê三十一種功能ê 邏輯關聯。而且小說回合ê安排大部份攏是屬於一回合ê短篇小說，情節ê安排真單純。Mā有兩ê回合ê作品，〈虱目仔ê滋味〉、〈橄欖情〉、〈Phah 面者〉三篇屬於直接連續式，一ê回合完結以後，另外一ê回合繼續開始；〈生 kap 死 ê Melody〉

mā是屬於兩回合，是中間插入式，一ê回合完結進前，插入另一ê回合，第一ê回合才繼續完成。

所以用結構主義來分析文本，會當揣著文本之間共同ê模式，同時知影深層結構 kap 表層結構ê關聯，而且對作家創作出複雜ê故事情節中，揣出仝款深層結構ê文本。運用這款理論來解讀文本，會出現hōo 人料想 bē到ê結果。

深層結構是藏 ti 故事ê背後，並無遐爾簡單就會當看著。普洛普將民間故事形式化，這種形式是按怎會當 ti 民間故事中形成？按照羅伯特．休斯 ti 伊ê 著作《文學結構主義》內底ê講法：

神話之所以採用了一種給人愉悅感的敘述形式，正是因為它具有幫助理解人類處境中的某些真理的使命。人們一直感到很難思考和想像這些真理。﹙羅伯特．休斯．劉豫譯．1992．P78﹚

台語女性小說所採取ê敘述形式，敢若 mā有仝款ê企圖。文本ê結構模式ê佈局會 h□o 人加深印象，思考故事人物ê遭遇，進一步改變讀者ê人生 kap 社會。

研究者分析《天使》kap《虱目仔ê滋味》這兩本小說集以女性為書寫主角ê文本，

對文本ê深層結構模式來看，小說透過對家庭、愛情、婚姻、社會制度等等各種對女性無平等ê對待，控訴父權社會對女性ê壓迫 kap 殘害，反應女性為著beh 改變命運所進行ê抗爭 kap 奮鬥。

古井式ê結構模式，kā 歹理解 kap 歹突破ê事理留 ti 最後。主角對父權社會ê反抗是無成功ê，主角淪落，永遠見 b□著天日。文本所發送ê消息留 h□o 讀者去思考 kap 解決。〈虱目仔ê滋味〉將所有ê遺憾，藉由神魂之間ê對話表達出來，

為何女性一出世就註定是「外家頭神」，一直到死攏是仝款ê命運。〈A 眉〉永遠無法度脫離家庭ê迫害 kap 摧殘，母性是一世人無法度推卸ê負擔。〈薄冰〉ê主人公，m 管如何反抗，攏無法度跳脫這款悲劇式ê模式。

如果以一條地平線為界，古井式ê結構就是 tī 地平線以下，V 字型結構就是轉去到地平線。Ti 《天使》kap《虱目仔ê滋味》內底按照研究者ê分析，V 字型結構模式ê文本會當講是主流，因為這款ê結構模式是每一ê人攏真歡喜去看著ê 故事結果。

樓梯式ê結構才是 tī 地平線以上，tī 地平線以上ê女性要求ê是做人ê尊嚴，

tī 地平線以上，女性靠自我意識ê提昇，h□o 家己變做別人ê幫助者，實踐人生 ê目標，這款ê結構模式會當講是台語女性小說ê特色之一。

Tī 文本ê結構內底，會當看出女性對父權社會ê壓迫，提出三種無仝層次ê 控訴。古井式ê結構提出控訴；V 字型結構 m̄ 但提出控訴，而且有反抗行動，

反抗結果是成功ê。樓梯式ê結構自我意識ê提昇，女性靠家己ê專業能力，對家己角色ê認同，肯定家己ê價值，h□o 家己對責任ê實現當中，造福社會。

由小說ê結構模式來看，《天使》kap《虱目仔ê滋味》表現出兩種重要ê意義：

第一，是先做人，再做女人：倒轉去地平線以上，認真盡本份，扮演好家己ê角色；第二，是失語 kap 發聲ê反抗：法國女性文論ê發展，針對父權社會語言系統進行顛覆性ê改革。語言一直攏是一ê關鍵問題。西蘇認為，社會變革必然是主體 ê變革，語言是控制文化 kap 主體思維方式ê力量，女性 beh 推翻父權控制，就愛對語言ê批判開始。寫作是一種語言實踐ê活動，是一種根本性改變主體ê顛覆性力量。女性 beh 掙脫父權社會ê壓制，必須愛拍破沉默，開喙講話。寫作是一款表現理念ê方式，所以女性愛寫作，利用寫作才會當按照家己ê意志來開創未來。

這是法國女性主義者ê發聲，《天使》kap《虱目仔ê滋味》beh 顛覆除了父權社會ê壓制，猶閣有強權社會ê語言系統。台語 t□過去親像女性受著強勢語言ê 壓迫，強 beh 死亡去。《天使》kap《虱目仔ê滋味》用台語書寫，用台語思維，

寫台灣女性ê故事，tī 台灣文學史上更加有深層ê意義。所以《天使》kap《虱目仔ê滋味》m̄ 但是對父權社會ê反抗，而且抑是對現在社會強權語言系統提出反抗。

《天使》kap《虱目仔ê滋味》透過無仝ê結構模式，來書寫台灣ê新女性。

呂秀蓮女士，就對新女性有全面性ê解說，她講：

所謂新女性，是指一個以生為女人自傲，能充分發揮志趣，適度保持自我。負責任盡本份，有獨立的人格思想而與男女兩性維持和睦真摯關係的女人。﹙呂秀蓮‧新女性主義‧2008‧p182﹚

透過呂秀蓮女士對新女性ê解說，《天使》kap《虱目仔ê滋味》ê主題 kap 形象，一一呈現出來。M 但對父權社會制度來反抗，女性對自我意識ê覺醒，擁有獨立自主ê人格，女性才會當有尊嚴。同時以對社會關懷做出發點，希望會當建立兩性平等ê社會。透過書寫，女性為家己出聲，控訴社會不公，mā透過書寫，

表現女性對社會、國家前途ê關心，負起文化傳承責任，放掉過去「女子無才便是德」ê形象。

參考書目

◎期刊論文﹙按照姓名筆畫排列﹚

李元貞〈論台灣現代女詩人作品中「身體」與「情慾」的想像〉，《中外文學》第 28 卷第 4 期，P.43 ~P.81，1999．9。

李仕芬〈軟弱與挫敗—女性小說中的男性〉，《聯合文學》第 14 卷第 5 期，P.161

~P.169，1998．3。

沈乃慧〈日據時代台灣小說的女性議題探析〉﹙下﹚，《文學台灣》第 16 期，P.167

~P.195，1995．10。

沈乃慧〈日據時代台灣小說的女性議題探析〉﹙上﹚，《文學台灣》第 15 期，P.286

~P.304，1995．7。

宋澤萊〈論台語小說中驚人的前衛性與民族性:試介賴和、黃石輝、宋澤萊、陳雷、王貞文的台語小說〉，《台語小說精選卷》，台北:前衛 1998. P.11~P.58。

何笑梅〈新女性主義和台灣女性文學〉﹙一﹚，《台灣研究集刊》第 2 期，P.81 ~P.85，

1993。

林靜茉〈婦人真的殺夫了嗎? —解構李昂《殺夫》中的女性主義〉，《文學台灣》

第 15 期，P.272 ~P.283，1995．7。

呂美親〈陰影下美麗的女性風景:清文台語小說集《虱目仔ê滋味》〉.《海翁台語文學》，P.4 ~P.19， 2006.6。

邱貴芬〈戰後以來台灣女性小說發展概況〉，《台灣文學館通訊》，P.339~P.372，

2008 ．2

邱貴芬〈族國建構與當代台灣女性小說的認同政治〉，《思與言》第 34 卷第 3 期，

P.79 ~P.112，1996．9。

邱貴芬〈失聲畫眉—探討台灣女性小說壓抑的母親論述〉，《台灣文藝》新生版第 5 期，P.34~P.38，1994．10。

邱貴芬〈當代台灣女性小說裡的孤女現象〉，《文學台灣》第 1 期，P.111 ~P.118 P.111，1991．12。

林芳玫〈《迷園》解析—性別認同與國族認同的弔詭〉，鍾慧玲主編《女性主義與中國文學》。台中：東海大學審訂，P.271 ~P.298，1997。

伊蘭．修華特﹙Elaine Showalter﹚著，張小虹譯〈荒野中的女性主義批評〉，《中外文學》第 14 卷，第 10 期，P. 77~P.106。

陳金順〈風中的花蕊—戰後台語女性文學概論〉，《台灣文學館通訊》，P.62 ~P.67，

2008． 5。

陳玉玲〈王貞文基督教小說研究〉，《台北師院語文集刊》，第6 期，P.109 ~P132，

2001． 6。

張小虹〈性別與美學/政治:當代台灣女性主義文學研究〉，鍾慧玲主編《女性主義與中國文學》。台中：東海大學審訂，P.117 ~P.138，1997。

彭小妍〈李昂小說中的語言─由〈花季〉到《迷園》〉，鍾慧玲主編《女性主義與中國文學》。台中：東海大學審訂，P.263 ~P.270，1997．4。

謝惠貞〈王貞文台文小說〈橄欖情〉內底ê女性意識〉，《台文戰線》，P.160 ~P.187，

2009．1。

蕭義玲〈女聲歡唱—女性小說的書寫向度〉，《幼獅文藝》第 595 期，P.23 ~P.33，

2003．7。

蕭義玲〈女聲歡唱—女性小說的書寫向度〉，《幼獅文藝》第 596 期，P.26 ~P.29，

2003．8。

◎專書

托里‧莫以（TORIL MOI）著，陳潔詩譯《性別／文本政治:女性主義文學理論》。

在文檔中國立台東大學華語文學系臺灣語文教師碩士班碩士論文 (頁 104-120)