王貞文《天使》ê研究

《天使》是王貞文ê第一本台語小說集，kap《虱目仔ê滋味》仝款攏是出版 tī 2006 年，王貞文以牧師ê身份創作小說，小說內底加減攏有宗教ê氣味。《天使》

這本台語小說，作者將伊分作三部曲：第一部，鄉土情；第二部，父母情；第三 部，情佮傷。會當看出《天使》ê主要內容除了對台灣土地ê情懷，猶閣有親子關 係、女性議題ê描寫。

李婉慈ê〈性命、性別、存在kap 救贖—王貞文台語小說《天使》研究〉對

《天使》這本小說集做一ê初步ê研究。伊ê論文分做三ê部分：第一，《天使》ê主 題分析包含親情、愛情、台灣主體ê追求、宗教kap 救贖、生命存在ê意義；第二，

《天使》王貞文性別書寫；第三，探討《天使》ê特色。

李婉慈認為王貞文ê親情書寫面向真大，包括母子、母女、父女之情，親情 之間ê和諧程度，因為真無穩定性，ti 親子關係中間，進退愛有分寸，性別ê書 寫主張愛建立兩性平等ê社會，女性必須愛kā自體性揣轉來。同時王貞文 mā將 歷史事件寫入去文本內底，表現一ê基督教文學家對社會ê關懷kap 對國家ê認同。

李婉慈ê論文將《天使》所關注ê議題kap 特別ê所在攏講了真清楚，hōo 研 究者咧研究《天使》ê時陣，有一ê明確ê切入點。

張郁琳ê《論張春凰王貞文與清文其人及台文作品內的性別認同與國族認同》

會使講是對《天使》ê研究進一步探討。張郁琳研究王貞文ê小說，tī親子關係kap 女性身體、情慾方面有較濟ê書寫，kap 真濟作品無仝ê是，王貞文重新解說對基 督教ê性別特徵，伊展開以女性意識為前提ê神學研究，hōo 女性會當隨著自我意 識ê覺醒，更加建立自體性。王貞文筆下ê女性，身體kap 情慾攏受著權力ê控制。

hōo 女性 kap 家己ê身體產生疏離，連「性」mā hōo 人束縛。女性必須愛透過外 力kap 家己ê身體和解，將情慾釋放出來，m̄ 過 m̄ 是無盡ê釋放，以免女性失 去自我ê主體性。王貞文 m̄ 但對女性投入真濟ê關懷，伊ê小說mā用語言 kap 重 大ê歷史事件做背景，表現伊對國族ê認同。

張郁琳ê研究看出王貞文ê小說kap 別人無仝ê所在，是積極ê作為 kap 理想 性。性別書寫目標是beh 建立一ê兩性平等ê社會，歷史事件ê描寫是 beh 了解真 相，表現對社會ê關懷，透過宗教、政治、政黨、歷史ê描寫，表現對國族ê認同，

而且以女性象徵國族，以女性ê生殖代表台灣生生不息ê活命力，以當代積極ê動 能，象徵國族所隱藏ê活力。

張郁琳仝時對三ê台文女性作家提出研究，而且比較in ê異同，hōo 研究者 真緊就看出女性台文小說內底創作ê出發點。

Tī 單篇ê論文方面，謝惠貞ê〈王貞文台文小說〈橄欖情〉內底ê女性意識〉。

對王貞文ê小說集—《天使》內底上長篇ê〈橄欖情〉，運用女性主義文學批評ê 方式，對父權社會下跤女性ê困境 kap 兩性關係ê思考，來分析〈橄欖情〉內底王 貞文如何去表現伊所關心ê女性議題。

按照謝惠貞ê分析，〈橄欖情〉所呈現ê女性困境有二種，一種是女性 ho o 人性侵害ê惡夢，一種是母親這ê形象對女性ê壓迫。〈橄欖情〉內底ê春葉，伊細

漢ê時陣hōo 一ê穿烏衫ê人性侵害，致使伊日後對家己身驅ê成長 kap 變化產生排 斥kap 討厭ê現象，這種慌狂、驚惶寫出女性對家己自身環境 kap 身體自主無安 全感kap 確定感。成年了後ê春葉，透過橄欖，總算揣著對家己身體ê自信。春葉 因為橄欖破病，加上頂司引誘，hōo 伊閣經驗一擺性侵害。這擺ê傷害，春葉ê感 受是比細漢hit 擺較深較疼。春葉受著「強暴迷思」⁴ê影響，致使春葉產生罪惡 感、見笑kap 責備家己ê心態，表現出來ê是對家己身體ê疏離感。透過女性書寫 女性ê行為，王貞文寫出女性 tī 父權社會生存ê時陣 hit 種潛意識ê惡夢。

〈橄欖情〉內底有兩種無仝ê母親形象，一ê是春葉ê媽媽，另外一ê是橄欖ê 阿母。這兩ê母親形象展現ê背後，攏有想beh 控制、影響春葉自主權ê力量。王 貞文將春葉ê媽媽做成一ê成功女強人ê模樣，生做媠閣勥跤，老母並無尊重kap 支持春葉ê選擇，伊用真現實ê眼光來看待查某囝ê感情生活，就親像伊家己所經 營ê家庭生活仝款，無愛情做基礎。橄欖ê阿母利用母職對囡仔佔有ê權利，beh 剝奪春葉對橄欖ê感情。

Ti 父權社會當中，「母親」ê形象通常對女性來講，是另外一種壓迫，按照 佛洛伊德ê說法，查某囝必須愛透過脫離母體來認同男性。查某囝kap 阿母ê關係 進一步建立，會使看做是對父權社會ê抵抗。王貞文借著描寫春葉kap 橄欖ê阿母 之間ê互動，重新建立父權中心思維之下，母親kap 查某囝ê關係，有閣再展現女 性主體ê意圖。

兩性關係ê思考是這篇論文ê重要論點之一，兩性平等是女性運動一ê上大ê 目標。〈橄欖情〉內底所呈現出來ê女性身體自主權確立是達到兩性平等ê頭一步。

女性重新確立家己ê地位，頭一件愛做ê代誌是確立家己ê身體自主權。〈橄欖情〉

內底ê春葉因為橄欖kap 身體接觸ê關係，伊開始接受、欣賞家己ê身體。兩性之 間「情」kap「性」和諧展現，是愛情上懸ê境界，mā是健全人性ê關鍵，兩性平

4 男性的強暴行為被視為一種既定而無法更改的狀態，強暴的預防與處理是女性個人的責任與義

務。林芳玫〈強暴與強暴控訴:從真理到真理政權〉

等發展mā才有出路。

所以王貞文將〈橄欖情〉內底ê橄欖，做成一ê得到腦炎，必須放棄伊家己 以早ê智識，放棄男性傳統思考方式ê形象。親像橄欖葉仝款，是一ê新活命ê開始，

拍破父權社會之下傳統女性依附ê角色，思考女性主體性ê確立kap 兩性和諧共處 ê問題。王貞文〈橄欖情〉這篇小說內底，hōo 咱看著台文小說 tī女性意識觀念內 底上新ê進展。

謝惠貞ê論述，對文本深入分析，將王貞文小說ê特殊性表現甲真徹底。文 中用女性主義ê觀點，透過文本分析，hōo 讀者會當了解小說內底想欲傳達ê中心 思想。

陳玉玲〈王貞文基督教小說研究〉以王貞文ê〈聖誕鴿〉、〈地上平安〉、〈當 第一道光突破暗夜〉、〈天使〉作研究ê文本，其中干焦有〈天使〉是台語小說，

其他攏是華語小說。〈聖誕鴿〉、〈地上平安〉、〈當第一道光突破暗夜〉講ê是台灣 原住民ê蹛、教育kap 家庭問題，將原住民 tī台灣社會中ê生存危機kap 社會問題 呈現tī作品當中。〈天使〉表現上帝對信仰者ê試煉kap 救贖。

陳玉玲認為王貞文ê小說充滿台灣基督教ê關懷。台灣基督教用教會羅馬字 拼音來傳教，hōo 台灣ê語言會當得到保存。基督教入世關懷ê想法 hōo 教友變做 政治受難者，是上帝為著救贖人民來犧牲奉獻ê精神。基督教對台灣原住民ê照 顧，基督教變做是原住民ê心靈寄託。陳玉玲用基督教義ê面向來看王貞文ê小說，

雖然其中干焦有一篇是用台文寫ê，m̄ 過對王貞文ê創作面向是一致ê，mā閣較 深入ê論證王貞文小說內底ê基督教精神。

陳金順tī《天使》了後寫一篇後記〈鄉島ê天使〉，講王貞文ê台語小說有三 ê特點，基督教精神、反抗精神、德國經驗這三點是其他ê小說真罕得看到ê，對 這幾ê面向以及參考前人ê研究，相信對《天使》會當有深入ê了解。