清文《虱目仔ê滋味》ê研究

清文ê《虱目仔ê滋味》tī2006 年由李江卻台語文教基金會出版，是台語文學 界頭一本由女性所寫ê小說集。全本小說集分做上卷kap 下卷，攏總收集清文ê小 說七篇，是一本為女性發聲ê小說集。內容書寫幾項重要ê議題，包括女性書寫、

都市書寫、語言ê使用kap 反文化霸權。清文ê小說代先並無抗爭ê意圖，煞為著 以男性為主ê台語文學界提供一種無仝款ê表達方式，這款柔性ê抗爭顛倒發揮出 強閣有力ê思維，使得清文ê《虱目仔ê滋味》hōo 真濟研究者願意投入心力去探 討kap 研究。

朱香婷ê論文《清文台語小說集《虱目仔ê滋味》ê女性書寫探討》，對清文台 語小說集《虱目仔ê滋味》內底所收集ê小說，每一篇攏做一ê簡單ê介紹，而且對

《虱目仔ê滋味》ê評論kap 研究資料會使講是收集甲真齊全。伊對三ê方向來探 討《虱目仔ê滋味》ê女性書寫：第一，分析小說中ê女性角色；第二，探討小說 中ê女權意識；第三，討論小說內底所反映ê台灣女性文化。

朱香婷分析出清文對無仝時代ê女性有無仝面向ê描寫。傳統ê女性受父權社 會制度ê壓迫，必須愛認命吞忍，以家庭為重，承擔家庭所有ê責任，所以養成女 性刻苦耐勞、堅強勇敢ê個性。夾tī傳統kap 新思想中間ê女性，開始意識著自我ê 主體性kap 女性 tī家庭、社會ê定位kap 價值，對父權社會ê壓制產生反抗ê意識。

M 過in 對反抗是 m̄ 是會成功充滿著不安kap 僥疑。新思想ê女性勇敢追求家 己所認同ê人生，會當突破現實社會ê限制，開創新ê局面。朱香婷注重女性ê新思 想kap 具體ê作風，伊認為出現 tī《虱目仔ê滋味》內底ê女性，有獨立自主ê阿眉 kap 阿卿，in 勇敢，對家己有自信，享受自由，經濟獨立，m̄ 免靠別人。勇敢 反抗ê阿女、天燕kap 阿卿，提出具體ê行動全力為女性來出聲，因為女性韌命無 認輸ê態度，致使女性追求獨立自主ê生活，對無公平ê待遇提出反抗。

朱香婷mā tī《虱目仔ê滋味》女性形象ê分析中看出台灣女性文化。伊認為 傳統社會中愛情對女性來講只是一種夢想，婚姻由父母做主，女性並無權利為家 己做主。兩性ê婚姻建立tī現實社會條件ê交換，若無就是以傳宗接代為目的，致 使女性為傳宗接代閣承受另外一種身心靈ê壓迫。生kap 死ê議題 t《虱目仔ê滋味》ī

中，清文透過幾篇小說來表現，死ê旅行心甘情願去行，生mā愛活了有意義。這 款概念傳達出作者樂觀閣堅定ê理念。

《虱目仔ê滋味》內底描寫ê女性就生活tī人ê四周圍，m̄ 管是啥物形象ê女 性構成台灣社會文化女性ê圖象。朱香婷認為小說內底探討女性死亡、婚姻、生 囝ê議題，講死亡輕鬆笑詼、講死亡愛情kap 婚姻，有夢想、有無奈、平凡，講 生囝有壓力、有悲哀，卻mā是一種真 bái 閃避ê責任。

朱香婷ê論文揣出十一ê個性較倔強ê女性來作女性形象ê分析，歸納出三種無

仝時期ê女性表現出無仝ê形象，而且mā因為時代ê無仝，台灣女性慢慢展示出漸 漸高漲ê女性意識。伊將女性形象kap 女性意識之間互相做對應，hōo 人真清楚 看出時代ê改變，女性形象咧改變，女性對家己ê認同kap 價值 mā咧改變，明確 點出這三者之間ê關係，進一步看出台灣社會女性文化ê發展。朱香婷分析出《虱 目仔ê滋味》內底真濟有關女性議題ê要素，尤其是伊提出作者對性命生kap 死ê 態度，hōo 研究者 tī研究ê過程中會當得到閣較濟、閣較全面ê觀照。

蔡幸紋〈清文台語小說集《虱目仔ê滋味》ê高雄書寫〉點出《虱目仔ê滋味》

這本小說集一種真特殊ê地方性，就是文本內底出現真濟ê高雄地名kap 南部ê食 物。所以《虱目仔ê滋味》ê都市書寫hōo 人認為是小說集ê重點之一，尤其是高 雄ê都市書寫。

論文中對清文生長ê所在－鹽埕埔－ê歷史演變kap 發展過程開始，描寫高雄 隨著歷史ê變遷，對清朝、日治、美軍文化到國民黨統治，tī清文小說內底，描寫 鹽埕埔tī40 年中間ê變化，tú好符合高雄規ê都市ê變化。鹽埕埔就親像高雄ê縮影。

同時，蔡幸紋mā分析小說中人物ê個性 kap 高雄人ê個性有仝款ê特質。親像溫和 樸實、認份bēkap 人計較ê阿雪、阿女；古意條直、單純無心機ê阿碧、阿足；大 方熱情、有人情味、A-sah-lih 有義氣ê阿眉、阿燕；立場堅定、有原則、有站節ê 阿蘭、阿燕。

雖然蔡幸紋將人物ê個性kap 高雄畫一ê等號，並 bē當hōo 人完全信服，m

̄ 過煞提供一ê新ê方向hōo 研究者會當發現文本中ê性別書寫以外，猶閣會當對 無仝款ê面向去探討文學kap 歷史發展，以及文學 kap 在地人生活ê關係。

張郁琳ê《論張春凰王貞文與清文其人及台文作品內的性別認同與國族認 同》，是成大ê碩士論文。文中所研究ê台語女性作家張春凰、王貞文kap 清文會 當講是目前台語文壇作品量上濟、上引人注目ê女性作家，特別是王貞文kap 清 文tī2006 年出版ê台語小說集《天使》、《虱目仔ê滋味》，對台灣ê女性描寫，有真

深入ê探討。張郁琳ê論文對張春凰、王貞文kap 清文ê台文作品ê內容題材、女性 身份認同、國族認同有真深入ê分析。

張郁琳認為，清文筆下ê女性，tī早期受著父權體制ê壓迫，完全無脫離ê機會。

當代ê女性雖然有人會tī愛情kap 婚姻ê路途當中受傷，m̄ 過會當tī創傷ê過程中 建立自我ê價值。清文所描寫ê女性大部分攏是性別關係ê弱勢者，面對這款現實ê 困境，有人以死脫離，有人運用女性ê情誼kap 性別意識ê開發脫離弱勢地位。清 文ê小說閣有一種真特殊ê氣味，就是作品內底ê語言使用。清文運用在地ê高雄腔 口，展現國族認同ê意念。作品中mā時常出現 kap 性別有關係ê習俗 kap 俗語，

顯示父權制度如何深入tī民間社會當中，這款理所當然ê觀念就按呢深入人心。

對《虱目仔ê滋味》ê性別書寫，張郁琳特別點出女性身體ê書寫意義。伊將

《虱目仔ê滋味》內底ê女性身體分做交易ê身體kap 染病ê身體。除了一直咧討論 女性ê身體hōo 人工具化，當做是傳宗接代ê工具以外，造成女性弱勢ê原因閣有 父權社會物化女體ê觀念，而且用道德制度ê觀念去束縛女性，使得交易後ê身體 亦是染病ê身體攏低人一等。《虱目仔ê滋味》擱有一ê真濟人討論ê議題—都市書 寫，特別是針對高雄ê都市書寫。張郁琳透過《虱目仔ê滋味》ê都市書寫，看出 清文tī高雄這ê所在ê認同。tī語言ê使用上，張郁琳認為，並bē當看出作品是 m

̄ 是存有性別意識。當然tī台灣目前這ê現實ê社會環境中，使用台文書寫已經代 表一種特殊ê語言意識，但是並無代表語言意識就是性別意識抑是國族意識，顛 倒是台語女性文學內部所呈現ê問題。

張郁琳所思考ê，tú好是本論文研究ê主題，特別是伊針對文本所分析出來ê 議題會當做閣較深、閣較闊ê延伸，這款幼路ê研究提供hōo 研究者 tī思考問題kap 寫作方式頂懸，會當有一ê學習ê範本。

清文ê《虱目仔ê滋味》性別書寫kap 都市書寫，清文《虱目仔ê滋味》ê專長，

伊ê語言使用更加是這本小說集ê特色，特別是用高雄在地ê腔口。呂美親就針對

〈虱目仔ê滋味〉這篇小說ê動詞用字，揣出「原味」ê台語所呈現出來ê美感。

呂美親〈論析清文小說〈虱目仔ê滋味〉中失落語詞ê積極意涵〉中特別揣出

「動詞」tī敘述文字中所構成ê意象，以及「動詞」tī情緒性對話中產生ê效果kap 功能來提出論證。tī敘述文字中，清文tī小說內底，動詞ê使用hōo 台語ê書寫脫 離用字ê束縛，成功寫出真媠ê文章。tī情緒性對話中，證明語言並無高階語言kap 低階語言³ê差別，干焦有了解台語ê人，才會當了解台語用字情緒表現ê程度。呂 美親認為咱應該閣較深入去思考ê是在地女性符號滅絕ê問題kap 原因，伊認為殖 民地ê人民beh kā失落ê傳統文化藝術 kap 民族性格揣轉來必須愛對語言揣起。台 語小說會當深入hit ê時代，人民感情、女性價值觀、社會規範描寫甲真生動。〈虱 目仔ê滋味〉ê母語書寫hōo 失落ê傳統重新 hōo 人重視。

呂美親對小說ê用字來看台語語言無hōo 人重視而且 hōo 人汙名化，致使嚴 重流失ê問題，hōo 人會當更加深入去思考台語女性小說書寫ê意義 kap 走揣傳統 文化ê功能。

呂美親mā為《虱目仔ê滋味》這本小說寫一篇導讀，將《虱目仔ê滋味》ê 出版對台灣社會ê意義，以及描寫內容ê特殊性提出看法kap 贊揚。伊將《虱目仔 ê滋味》形容是「烏影下美麗ê女性風景」。伊講，清文用台語來做書寫語言，m

̄ 但是家己ê發言權，同時mā kā真實ê自我主體揣倒轉來。對 hōo 人殖民幾若 擺ê台灣土地來講，hit 種特定時空ê語言表達方式，煞提供人 tī這ê新時代內底對 抗文化霸權一款不仝款ê方式。除了語言ê意義以外，《虱目仔ê滋味》文本ê書寫 內容傳達出真濟在地女性ê性命經驗，所寫ê攏是人生重要ê功課。清文ê小說將「女

3多語社會的各個言語之間往往地位各不一樣。有些語言超出民族分佈區而成為成為某一地域內

各民族的共通語言，謂之高階語言(High language)，而被入侵的本土語言淪為低階語言(Low language)，處在高階、低階中的語言可以稱為中階語言(Mid language)。高階語言通行於高階使 用場合，如正式(formal)的會議語言、超語言區的貿易語言、高等學校的教育語言或書面語等；

而低階語言在市場、社會、家庭、社區中、小學等中下層使用場合使用(洪惟仁〈台灣語言政策何去何

從〉)

性」kap「語言」結合 hōo 人有料想 bē到ê收成。《虱目仔ê滋味》hōo 真濟研究者 願意了時間去探討就是上好ê證明。

《虱目仔ê滋味》對女性議題、都市書寫、語言ê使用，以及地方文化歷史發 展ê描寫，對台語文學界來講有一種進入新時代ê意義。當真濟台語男性作家作品 中充滿政治意涵ê時陣，咱會當看著另外一種無仝款ê表達方式。清文並無表達抗

《虱目仔ê滋味》對女性議題、都市書寫、語言ê使用，以及地方文化歷史發 展ê描寫，對台語文學界來講有一種進入新時代ê意義。當真濟台語男性作家作品 中充滿政治意涵ê時陣，咱會當看著另外一種無仝款ê表達方式。清文並無表達抗