深層結構ê特色

第一章研究方法ê介紹部分，就針對普洛普對民間故事ê研究成果做說明。

知影普洛普應用功能、角色、回合進行文本ê分析，同時用相對應ê符號表示出來，

分析出各種無仝款ê結構模式，發現民間故事背後隱藏ê深層敘事邏輯，而且用形 主角將難題轉移

主角變成ê別人幫助者

主角實踐生命ê意義 樓梯式ê結構模式

主角遭遇困難

式化ê方法將文本ê敘事結構排列出來。這款民間故事背後隱藏ê深層敘事模式就 是咱所講ê深層結構。

第一節已經分析出文本ê深層結構，煞落來就依照《天使》kap《虱目仔ê滋 味》所分析出來ê功能、角色、回合來探討深層結構ê意義。

一、 功能ê順序 kap 牽聯

普洛普分析一百篇俄國民間故事，歸納出四條通則ê第三條:「功能的順序 通常是相同的。」伊認為民間故事中，有某一寡功能會使對固定ê排列中消失，

某一寡功能會當重複，但是這並無影響功能ê固定順序。順序ê排列必須愛符合時 間、因果、邏輯ê牽聯。譬如先下禁令﹙γ﹚了後違禁﹙δ﹚、先有缺乏﹙a﹚了 後消除﹙K﹚、先有惡行﹙A﹚才有處罰﹙U﹚、因為外出﹙β﹚致使違禁﹙δ﹚抑 是受欺騙﹙η﹚，各種功能ê牽聯關係形成故事ê敘事模式。

《天使》kap《虱目仔ê滋味》經過分析，看到一種真普遍ê功能順序。主角 抑是家中成員有所欠缺→主角離家出走解決難題→落入壓迫者所設計ê圈套→主 角反抗。反抗分有成功 kap 失敗兩種結果。失敗ê結果會產生負向功能，按照普 洛普ê分法，魔物未轉交﹙F﹚、歹人無受著處罰﹙U﹚就是屬於負向ê功能。李揚 先生《中國民間故事形態研究》用中國民間故事做題材對普洛普ê功能論進行論 證，李揚發現中國民間故事猶閣出現幾若種負向功能，未落入圈套、最初ê災難 抑是缺乏無 h□o 人消除、主角無成功、無解決難題。《天使》kap《虱目仔ê滋味》

無成功ê結果有＜虱目仔ê滋味＞、＜A 眉＞、＜薄冰＞，主角ê難題最後並無解 決。另外一種反抗成功ê模式，〈生 kap 死 ê Melody〉、〈Phah 面者〉敵人被打敗

﹙Π﹚，〈勝吉ê離緣書〉、〈橄欖情〉、〈情字 hit 條路〉最初ê災難消除Κ﹙π﹚。 若是講反抗無成功ê功能是負向功能，若按呢反抗成功ê功能就是正向功能，無仝 款ê功能造成無仝ê結構模式。負向功能ê結局是古井式ê結構模式，正向功能ê結 局是 V 字型ê結構模式。

《天使》kap《虱目仔ê滋味》擱有一種樓梯式ê結構模式。主角遭遇困難亦 是受考驗，然後轉移，轉移以後到得寶物。這種ê功能順序真簡單，同時從準備 階段直接接到轉移階段，跳過複雜化ê階段。功能ê順序是符合邏輯聯系。由功能 ê順序來看，小說 ê功能順序是符合普洛普ê功能ê順序定律，所出現ê功能並無 濟，可能是所採用ê文本攏是短篇小說ê關係。

二、人物角色ê分析

普洛普發現故事內底出場ê人物真濟，有各種無仝ê屬性、社會地位、……，

千差萬別。普洛普分析出來ê角色是有限ê，伊對故事情節中間所有ê共同意義，

發現角色ê數量是有限ê，而且角色 kap 功能必須愛有互相配合ê牽連 tī 咧。Ti 故事當中，一ê人物會當扮演一ê以上ê角色，一ê角色會當有真濟人來扮演。普洛 普將故事人物分做七種角色，這七種角色分別有對應ê「行動圈」。對一般故事ê 三種基本角色來看：

主角:開始外出尋求（C↑）；對捐助者ê要求作出反應﹙E﹚；結婚﹙W﹚

反角:惡行﹙A﹚；kap 主角ê戰爭﹙H﹚；追捕﹙PR﹚

幫助者:轉送主角﹙G﹚；對追捕中得著拯救﹙RS﹚；難題得到解決﹙N﹚；災難 kap 缺失消除﹙K﹚

﹙李揚．中國民間故事形態研究．1996．p243﹚

小說出現ê人物中，主角、壓迫者、幫助者是故事發展ê主軸，因為故事ê敘 述模式簡單，人物角色ê安排 mā真單純。按照人物ê行動圈來看，小說ê主角攏是 因為有缺乏抑是遭遇困難才出外解決問題。缺乏可能是親情、愛情抑是金錢。為 著 beh 消除缺乏來落入去歹人所設計ê圈套，因為主角受著陷害，所以反抗。

主角反抗是 m 是會成功，故事中ê幫助者有真關鍵ê決定性。Ti 故事當中 幫助者發揮難題得到解決﹙N﹚；災難 kap 缺失消除﹙K﹚ê功能。m 過古井式結

構模式ê幫助者並無能力完成行動，是無實際ê幫助能力，原因是無權也無勢，親 像＜虱目仔ê滋味＞內底ê阿嬤 kap 小妹阿蘭。V 字型結構模式ê幫助者就無仝款，

對主角有真濟 mā真實際ê幫助行動，親像〈生 kap 死 ê Melody〉ê老爸 kap 阿眉、

〈Phah 面者〉ê Hayashi-sang，造成故事無仝款ê結構模式。樓梯式ê結構模式 內底，對主角所面對ê考驗來講並無明顯ê幫助者，顛倒是主角因為考驗得著轉 移，變做次要角色ê幫助者。

壓迫者是做出惡行ê人，ti 小說內底ê壓迫者往往是有權勢、有地位ê人。一 般認為壓迫女性ê一定是男性，男性擁有父權社會制度所 h□o in ê男權，致使 女性 ti 愛情、婚姻、家庭當中攏變做一ê弱勢者，mā是致使主角反抗上大ê原因。

m 過小說內底ê壓迫者 m̄ 但是男性，mā有女性對女性ê壓迫者，親像〈生 kap 死 ê Melody〉ê阿魁嬸設圈套陷害主角，＜勝吉ê離緣書＞阿女ê ta-ke 逼阿女 愛傳宗接代，女性顛倒變成男權社會壓迫女性ê幫兇。台語小說內底猶閣有一種 真特別ê壓迫者，叫做隱藏ê壓迫者。Tī 故事內底隱藏ê壓迫者有三ê特徵：第一，

伊有壓迫ê能力；第二，伊用壓迫者ê角度 kap 眼光來看代誌；第三，用善意做出 發點，m̄ 過煞是用壓迫者ê角度思考，所以伊無可能 h□o 主角反抗成功，煞又 閣鼓勵主角反抗，主角因為這位隱形壓迫者ê鼓勵提出反抗，因此造成閣較大ê 傷害。＜虱目仔ê滋味＞ê阿魁伯就是隱形壓迫者。＜橄欖情＞內底橄欖ê阿母 mā 是，m̄ 過橄欖ê阿母最後化身做幫助者，h□o 故事ê結構轉做無仝款ê結構。

三、故事回合ê安排

Tī 故事型態上，一ê故事ê發展過程一般攏是對歹人ê惡行抑是主角有欠缺開 始，經過中間功能，發展到婚禮抑是欠缺災難消除……等等。這種一ê段落ê發展 過程，普洛普稱作「回合」，mā會當稱做序列。故事由一ê回合抑是幾若ê回合構 成，回合之間牽連ê邏輯就是敘事ê邏輯。T□遮就統一用回合來代替序列。

普洛普將俄國民間故事ê回合關聯ê形式歸納做六種。李揚先生將這六種關聯

ê形式歸納出六種名稱：

1.直接連續式

一個回合完結后，另一個回合接續開始。

2.中間插入式

一個回合完結之前，插入另一個回合。第一個回合再接續完成。

3.輪流插入式

各個回合交叉進行，導致較為複雜的形態。

4.先後結束式

故事開始兩件惡行一並出現，結束則一前一後。

5.共同結局式

兩個回合有一共同結局。

6.路口分手式

有時一個故事中出現兩個尋求者。在第一回合間，他們分頭行動。

﹙李揚．中國民間故事形態研究．1996．p249﹚

根據這會當看出回合之間聯結ê關係。按照分析ê文本來看，故事會當分做一回合 kap 兩回合。一回合ê文本有〈勝吉ê離緣書〉、〈門前有大樹ê病院〉、〈熱天ê墓〉、

〈薄冰〉、〈A 眉〉、〈情字 hit 條路〉。因為是一回合，所以文本當中並無回合之 間連結ê問題。T□遮就針對兩回合ê文本，回合關聯形式來討論。

〈虱目仔ê滋味〉、〈橄欖情〉、〈Phah 面者〉三篇屬於直接連續式，一ê回合 完結以後，另外一ê回合繼續開始。〈虱目仔ê滋味〉主角阿雪解決厝內ê欠缺嫁 h□o 痟--ê、〈橄欖情〉主角春葉接受家己ê身驅以後，煞愛面對壓迫者睏獅ê考

驗。〈Phah 面者〉主角阿燕消除欠缺以後，新ê難題馬上出現。〈生 kap 死 ê Melody〉

mā是屬於兩回合，m 過是中間插入式，一ê回合完結進前，插入另外一ê回合，

第一ê回合才閣繼續完成。主角阿卿對壓迫者瑞富退婚所受著ê傷害猶未解決，就 因為厝內兄嫂ê壓力，陷入另外一ê壓迫者小林ê陷阱。主角反抗成功戰勝壓迫者 小林以後，mā解決瑞富ê瓜葛。

李揚先生 tī 《中國民間故事形態研究》講：

一ê故事 ti 某種條件下形成某種狀況後，就有兩種發展ê可能，一種是 漸漸改善，一種是漸漸惡化。回合發展中尚重要ê因素是選擇ê可能性，

就是人物意向 kap 意志力與故事發展ê密切關係。﹙李揚．中國民間故事 形態研究．1996．p243﹚

〈虱目仔ê滋味〉、〈生 kap 死 ê Melody〉就是兩ê上明顯ê例。

對功能、角色、回合來分析小說ê深層結構，發現小說當中ê功能項目、人物 角色、回合ê關聯形式並無濟，干焦會當講符合小說ê基本構成。雖然小說目前出 版數十篇，以文學ê發展過程來看，台語女性小說會當講猶閣 t□咧發展ê階段，

尚待閣較濟ê有心人投入心血。