名詞釋義

本研究有一寡術語有爭議性，需要補充佮說明，界定如下：

一、 年級世代：

世代，指稱出生年份所定義的一群人。以世代作為研究對象的目的，來探討 佇咧社會、經濟、文化等大環境條件成長的這陣人， 有共同記憶、價值觀和態 度。鄭亘良（2004）表示，「年級」這个詞，上早佇咧 2000 年出現，文字工作者 Mimiko 佮有一群民國五十年代出生的人， 設立「五年級訓導處」逗陣網，五 年級指稱民國五十年至五十九年出生的世代，自這陣開始，大眾媒體和民眾嘛開 始以民國年代作為「世代」的稱呼，甚至衍生「幾年幾班」的說法，親像民國 71 年出生的人就稱為七年一班，閣有結合國小、中能力分班的概念，講世代前 五年出生者就號做「前段班」，後五年出生的人後做「後段班」。

二、 族群(ethnic group)：

早期是用來形容少數民族抑是少數族裔，佇咧 20 世紀了後，族群變做利用 共同來源抑是文化特徵等方式，來區別「我群」和「他群」的方式。佇咧台灣，

目前通人知的族群分類方式，包括閩单人²²、客家人、原住民、新移民、外省人

22 嘛有人號做是河洛人 (hô-lo̍k)；客家人稱河老（Hô-ló），又稱福佬（Hok-ló）、學佬（Ha̍k-láu），

是中國漢族民系內底，閩民系的分支其中一種。

和新移民等等。

三、 族群認同：

佇咧任何一個文化中，族群(ethnic group)成員是因為有共同的背景，共同分 享某一種信念、價值、風俗習慣和道德規範。成員對 所屬的群體以積極、投入 歸屬感和榮譽心，猶閣有 所屬族群文化活動的實務，有認知性、情感性的心理 作用，會使來區分我群和他群的標準。毋過族群情感和認同，可能隨著無仝的族 群、國家和時間而異動。族群認同的改變，反映著政治變遷，抑是個人生命歷程 的改變（科塔克著，徍雨村譯，2009：174）。

四、 國語：

國家語言，通常指稱一个國家官方對內外使用的語言。對歷史脈絡，台灣應 有兩種國語──「日語」和「北京話」。本研究對戰後歷史的脈絡做引述分析，若 講頂下文無指涉背景，就是指稱國民政府所勞力推行的「國語」，嘛是現今所講 的「華語」。

五、 華語(Mandarin)：

中國、台灣、香港、澳門和東单亞的華人所使用的共通語言，本研究攏叫做華 語。

六、 本土語言：

指稱「原住民語」、「閩单語」、「客家語」等。2001 年開始，鄉土語言教學 正式納入國中、國小九年一貫課程語文領域，成做「本國語文」之一。教育部 2008 年 1 月下旪的九年一貫課程綱要審議委員會通過「國語文研修草案」，推行

「正名」運動，共國語文能力指標中的「中國文字」改為「漢字」，「國語文」、「中 文」改為「華語文」，「鄉土語言」改稱「本土語言」。

七、 台灣話、台語族群：

這馬的通俗用法，和大多數的研究，共閩单語當作族群語言抑是母語的人號 做是「閩单人」、「閩单族群」。根據王甫昌（2003：30）的說法，「閩单人」這類 的稱呼，佇咧 1980 年代了後才出現。遮的「閩单人」所講的「閩单語」，事實上 是顯現彼陣的中央政府無認同當時除了國語以外，多數人使用的「台灣話」（台

語），所以用貶抑的方言名稱來號名，「台灣話」其實嘛和中國東单沿海的閩单地 區像福州、泉州、廈門等幾个所在的語言嘛無仝。因此，本研究的研究結果和討 論，統一共閩单語稱呼做「台灣話」，共以「台灣話」當作是族群語言的人號做

「台語族群」。

八、 外省族群：

這个詞彙是以「台灣省」做底，指稱佇咧 1949 年前後，因為中國共產黨佔 據中國，隨蔣介石的國民政府流亡佇咧台灣的中國人。實際上「本省人」、「外省 人」的名詞毋是佇咧台灣發明，過去佇咧中國大陸就出現過這个詞，佇各省、各 市實施的人口普查，就有區分「本省」和「外省」（高格孙，2004：29）。

九、 新移民：

本研究所講的「新移民」，是透過婚姻仲介抑是其他管道，和台灣男子有婚 配關係的中國或東单亞國家的女性（李瑛，2006：141）。受全球化浪潮的影響，

1980 年代尽期，政府開放觀光，經濟起飛，因為遮的女性， 家鄉的地理位置、

生活習慣和台灣相近，閣受著婚姻仲介者的幫讚（黃森泉、張雯雁，2003：136）

致使跨國婚姻的大量增加，遮的婚配移民，漸漸成做台灣人口第五大的族群。過 去對這種的女性移民，叫 做「外籍新娘」，一直到 2003 年婦女基金會主辦的「外 籍新娘外籍配偶」更名活動，予遮的台灣媳婦有機會用「新移民女性」，來代表

家己的身份。

十、 第一語(first language)：

一個人岀世了後，第一个自然學習的語言，假使一个人是佇咧雙語環境大漢，

這兩个語言攏學了真好，按呢這兩个語言攏是第一語（何萬順，2009：378）。本 研究的問卷以「第一習得語言」取代「母語」(mother tongue)，是因為過去的研 究者進行研究的時陣，發現誠濟大眾對「母語」的定義並無清楚，誠濟時陣爸爸 講的話抑是媽媽講的話，攏毋是受試者的母語，所以就用「第一習得語言」這个 詞，來求較精準的結果，了解 佇咧家庭教育學習、溝通的語言。