生態保育 ê 理論基礎

本節分做三个部份，第一部份是生態保育 ê 意義々第二部份是生態保育 ê 起源 kah 發展々第三部份是自然科中 ê 生態保育概念々第四部分是動物保育守 則。下面針對這四个部份對生態保育 ê 理論基礎做探討。

一、生態保育 ê 意義

生態保育 ê 意義包括生態保育 ê 定義、生態保育 ê 重要性 kah 生態保育 ê 教育三个部份，下面分別說明：

（一）生態保育 ê 定義

世界自然保育方略（world conservation strategy）中將「自然保育」定義做：

「對人類使用 ê 生物圈加以經營管理，予現今 ê 人產生上大而且延續 ê 利益，

同時保持潛能，來滿足後代囝孫 ê 需要 kah 期待。」（王鴻濬，1998）。

行政院 l984 年 tī「台灣地區自然生態保育方案」中指出，生態保育兼顧保

護 kah 合理利用 ê 雙重意義，伊 ê 基本概念是: 1.維護自然生態 ê 平衡是人類生 存 kah 發展 ê 基礎。2.人類精神 kah 文化 ê 根源來自自然景觀 kah 野生動物。3.

自然資源屬於全體國民共同享有（引自蔡惠卿，1994）。

綜合學者意見知影，生態保育是人類為著永續利用自然環境，對地球上 ê 自然資源，用智慧 ê 方式來經營管理，妥當保存、維護、永續利用、復育、改 善 kah 研究。

（二）生態保育 ê 重要性

人類 kah 整個生態環境關係密切、互利共生，人類為著生存，應該愛做好 生態環境 ê 保育，生態系統 ê 平衡是人類 kah 生物生存 ê 基礎。

行政院（1984）tī 台灣地區自然生態保育方案中提出生態保育 ê 重要性包 括: 1.保護自然資源愛有計畫 ê 經營利用，是維持經濟繁榮上好 ê 辦法。2.維護 良好 ê 自然環境，會使維持生態體系 kah 景觀資源、提供國民休閒場所，對國 家觀光事業 ê 推展有幫贊。3.保護物種 ê 多樣性，會當提供學術研究，對維持 生態系 ê 穩定 kah 平衡有好處。4.注重生態保育是世界潮流，亦是社會進步 ê 表 象，會使提升文化水準 kah 國民生活品質。5.生態保育工作 ê 推 sak kah 實施，

會使促進我國 kah 世界先進國家 ê 文化交流，提高國際地位，對外交工作 ê 推 展有幫贊（引自蔡惠卿，1994）。

綜合學者所講，生物多樣性 kah 生態系 ê 平衡，是人類 kah 生物生存 ê 基 礎，任何一種物種滅絕，攏會影響其他物種 ê 生存，影響著人類 ê 生存。因此，

咱應該愛做好生態保育 ê 工作，來維護人類 kah 地球物種 ê 生存。

（三）生態保育 ê 教育

28

保育教育主要 ê 目標是予學生了解自然資源 kah 人類生存 ê 關係，進一步探討 自然生態系、生物多樣性所面臨 ê 危機，並且探討自然資源 ê 保育工作 kah 永 續利用（王龍錫、李文德，2001）。

1974 年 kah l975 年聯合國 tī 國際環境教育會議中指出：環境教育會使予人 類 koh 較清楚體認著現此時愈來愈嚴重 ê 資源耗竭、環境汙染 kah 人口增加等 ê 問題，並且教導學生建立咱 ka-nā 有一个地球 ê 信念，予學生了解只有愛護大 自然，才會使達到環境保護 ê 目標（韓韓、馬以工，1983；楊冠政， 1988）。

現行九年一貫課程已經 kā 環境教育列做重大議題，並且融入七大學習領域 ê 教學中。九年一貫課程 ê 理念 tī 培養具備人本情懷、統整能力、民主素養、

鄉土 kah 國際意識 kah 終身學習 ê 健全國民。環境教育 ê 目標包括環境覺知 kah 敏感度、環境概念智識、環境價值觀 kah 態度以及環境行動經驗（教育部，

2010）。環境教育 ê 目標是藉著思考人 kah 環境 ê 關係，了解自我 ê 定位，除了 了解自我以外，亦愛尊重 kah 欣賞別人 hām 其他 ê 文化，進一步關懷其他生物 kah 整個生態系々環境教育強調理性 kah 感性 ê 調和、知行合一、人文 kah 科 技 ê 整合々以民主素養來講，除了對個人 kah 群體負責任 ê 態度以外，環境教 育注重負責 ê 環境行為々環境教育強調尊重地區 ê 獨特性，主張擴大國際合作，

秉持「全球性 ê 思考 kah 地區 ê 行動」ê 信念々環境教育嘛強調終身投入 kah 學 習，持續關切週遭環境並且化做行動（張子超，2000）。

二、生態保育 ê 起源 kah 發展

今仔日，因為世界人口 ê 增加，經濟 kah 科技發展，地球生態漸漸惡化，

真濟生物物種數量減少，人類利用自然資源，滿足基本生活需求，致使自然生 態過度開發，到 tann 才發現再生資源 ê 恢復綴 bē 著破壞 ê 速度，因此產成危機 意識，生態保育 ê 意識才開始出現（王麗娟、謝文豐，2000）。

有關生態環境 ê 破壞，國際社會 kah 聯合國組織已經簽署 kah 訂定真濟 ê 公約、協定，來規範各國生態環境 ê 保育，民間 ê 保育人士嘛感受著環境破壞、

物種 ê 滅絕，紛紛成立保育團體，來保護物種永續生存。這幾年政府 kah 民間 團體嘛不斷推 sak 自然保育 ê 工作，來叫醒百姓生態保育 ê 意識。下面就台灣 發展生態保育重要 ê 歷程，分做六个階段來說明（楊冠政，1988）：

（一）台灣開發前期（1895 年以前）

十九世紀，西方 ê 自然主義者開始推 sak 尊重自然、推廣人愛 kah 萬物和 平共存 ê 觀念，m̄-koh 因為台灣先民早期生活困苦，尊重自然 ê 觀念無受著推廣 kah 重視。

（二）日治時代（1895─1945 年）

十九世紀尾期，人類開始注意著自然資源 ê 保育。M̄-koh 台灣因為教育抑 未普遍，一般民眾 koh m̄知生態保育是啥物。一直到二十世紀初期，學校課程 中才有編寫生態保育 ê 內容。

（三）保育烏暗時期（l946─1970 年）

1940 年代後期，時行戶外教學，將生態保育教育納入戶外教學中。這 ê 時 陣雖然環境教育已經 khǹg 入學校教育課程中，m̄-koh 猶原欠缺整體性 ê 規劃。

到 1950 年代，才漸漸體會著，beh 有好 ê 環境品質，需要善用 kah 維護自然資 源。到 1960 年代，人類開始感受著環境問題愈來愈嚴重、自然資源漸漸消失，

環境意識因此覺醒，社會環境運動開始起磅。美國生物學家 R.Carson（1962）

出版“Silent Spring”這本冊了後，開始引起對環境破壞問題 ê 探討（楊冠政，

1988）。M̄-koh 這个時期台灣各界注重 ê 是經濟發展，生態保育抑未受到重視。

30

（四）保育啟蒙時期（1971-1980 年）

1970 年美國政府訂定四月二十日成做「世界地球日」，學校 ê 師生做伙行 上街頭，要求企業界 kah 政府共同為環境保護奮鬥。M̄-koh kan-ta 靠環境運動來 解決環境問題是無夠 ê，因此開始意識著基本價值觀 kah 生活型態 ê 改變才會使 解決環境問題，環境教育因此產生。仝一年，美國國會 tī 十月通過環境教育法 案，這个法案鼓勵支持新課程 ê 發展，協助訓練環境教育教師 kah 各階層人員，

並且贊助各種環保活動。

除了美國，世界上真濟其它國家嘛開始大力推 sak 環境保育工作。1972 年 聯合國發表「人類環境宣言」，tī 宣言中指出環境是人類生存上重要 ê 所在，呼 籲全世界愛做伙行動，共同保護 kah 改善人類 ê 環境問題。聯合國並且 tī 1975 年起實施國際環境教育計畫，推展環境教育工作，宣導深層生態學，強調人類 bē 使 kan-ta 關心自身 ê 健康福利，應該保護所有物種，反省人類 kah 自然 ê 倫 理關係。這个理念對台灣日後 ê 生態保育運動影響真大（楊冠政，1988）。

（五）保育萌芽時期（1981-1990 年）

台灣 ê 環保意識漸漸 giâ 頭，推 sak 環境教育 ê 腳步起磅。1983 年行政院 tī 院會中提出自然生態保育 ê 具體作法。行政院 tī 1984 年核定「台灣地區自然生 態保育工作方案」，1987 年政府成立環境保護署，同齊公布「現階段環境保護 政策網領」，成做我國政府 kah 國民共同推展環境保護工作 ê 根據。

（六）保育成長時期（1991 年以後）

生物多樣性 ê 消失是目前人類面對地球環境變遷上大 ê 議題。1992 年里約 召開 ê 地球高峰會議，將全球 ê 環境議題推 sak 到國際舞台，為全球 ê 環保運

動展開新 ê 紀元。此次會議中，簽署了生物多樣性公約，到 1998 年止已經有一 百七十外个國家加入，台灣雖然因為政治因素無加入，m̄-koh 逐擺 ê 締約國會 議攏有派員參加。

1992 年政府設立台灣省特有生物研究保育中心，負責野生動植物、特殊生 態體系 ê 調查研究 kah 生態教育示範推廣，本土保育研究工作邁入新 ê 里程。

除此之外，政府訂定真濟生態保育相關法規 kah 政策，設置自然保護區，到 2010 年 8 月止，台灣地區（含離島、海域）以自然生態保育為目的所劃設 ê 保 護區包括國家公園七个、自然保留區十九个、野生動物保護區十七个、國有林 自然保護區二十四个、沿海保護區十二个（行政院農委會自然資源與生態資料 庫，2010）。Uì tsia 咱知影，生態保育工作已經漸漸 tī 世界各地生湠，已經成做 國際潮流。今後咱應該繼續加強推 sak 生態保育工作，積極維護台灣 kah 全球 ê 生態環境。

三、國小自然科中 ê 生態保育概念

本單元包括專家 ê 自然生態概念 kah 國小自然科課程中 ê 生態保育概念二 个部分來說明：

（一）專家自然生態概念圖

林明瑞（1994）針對「中華民國環境教育概念綱領草案」進行深入 ê 分析，

koh 再參考有關環境教育 ê 內容研究，篩選適合國小課程 ê 環境教育概念，經 過國小教師 kah 環境教育專家多次修訂後，完成二十六个環境教育概念圖研究。

其中自然保育概念（如圖 2-1，林明瑞，1994），包括生態系 ê 組成、生物間 ê 交互作用、自然環境 ê 保護 kah 動植物保育四个部分。

32

圖 2-1 自然生態概念圖

（林明瑞，1994）

陳曉萍（2000）整理專家學者 kah 課程中 ê 自然生態保育概念，得著適合 國小學童 ê 部分，成做研究工具所依循 ê 概念，包括：1.自然生態 ê 組成包括包 含生產者、消費者 kah 分解者三个要素，並藉著食物鏈 ê 不斷循環，保持自然 生態平衡。2.自然生態 kah 野生動植物會產生交互作用，來決定族群 ê 大細，

人類 ê 破壞 kah 自然環境改變，會影響自然生態。3.動植物保育 ê 方法：植物提 供清氣 ê 空氣、水土保持、供應水源 kah 增加景觀，會使藉著人為 ê 方式來保 育；野生動物已經漸漸滅絕，需要有正確 ê 保育觀念並且立法保護。4.了解人 類 kah 環境必須共存，愛尊重自然中每一種性命體 ê 生存權（引自游曉惠，

2003：23）。

（二）國小自然科課程中 ê 生態保育概念

因為本研究 beh 探討雙語繪本進行國小學童生態保育 ê 教學，因此 tī 進行 研究進前，先分析國小自然科課程中生態保育 ê 概念，來了解國小學童應該有 ê 生態保育智識。

因為研究對象 ê 學校所使用--ê 是康軒爯教科書，所以針對 2010 年康軒爯 教科書進行分析，將國小生活 kah 自然生活科技領域所含生態保育概念整理成

因為研究對象 ê 學校所使用--ê 是康軒爯教科書，所以針對 2010 年康軒爯 教科書進行分析，將國小生活 kah 自然生活科技領域所含生態保育概念整理成