本研究想 beh 透過創作雙語繪本進行生態保育教學來建立學生生態保育 ê 觀念 kah 態度，同時促進語言文化保存 kah 發展。本章攏總分做四節，第一節 是研究背景 kah 動機々第二節是研究目的 kah 研究問題々第三節是研究架構々 第四節是名詞解說。
第一節 研究背景 kah 動機
有「福爾摩莎」稱呼 ê 台灣，位 tī 歐亞大陸板塊 kah 太帄洋板塊交接 ê 所 在，面積大約三萬六千帄方公里。因為位 tī 熱帶 kah 亞熱帶，氣候高溫 tâm 濕，
全島三千公尺以上 ê 懸山著超過二百三十五粒，山林面積占百分之五十八，其 中 koh 有真濟河川流過，形成各種地形，是一个地形豐富，景色美麗 ê 寶島
（陳超仁，2003）。雖然台灣 ê 陸地面積無到全世界 ê 千分之三，m̄-koh tuà tī 頂 面 ê 野生動物著超過二萬五千外種，原生種維管束植物四千外種，其中特有種 生物超過百分之二十以上，是一个生物多樣性 ê 基因庫，環境生態豐富，tī 學 術研究 kah 資源保育攏有真重要 ê 價值（金恆鑣，2004）。M̄-koh 這幾十年來，
因為經濟成長，人口增加，tī 追求經濟發展 ê 前提下，自然環境受著真嚴重 ê 迫害，生物滅絕，生態破壞，嚴重情形已經影響咱未來 ê 生存（陳建霖，1995）。
聯合國教科文組織 tī 世界文化多樣性宣言（2001）中明確指出〆人類語言 遺產是文化多樣性重要組成部分 kah 載體，人類賴以生存發展依靠文化多樣性 kah 生物多樣性存在 ê 密切關係。語言是體現人類文化多樣性 ê 一面鏡，語言多 樣性 kah 生物多樣性仝款重要（范俊軍譯，2006﹕33-34）。
同時，台灣亦是一个多語言、多種族、多文化 ê 社會，m̄-koh 語言文化 ê 多 樣性 kah 台灣生態 ê 多樣性仝款，攏面臨消失滅種 ê 危機，語言復興 kah 自然
2
發展（張學謙、鄭良偉，2006）。
除了頂面提及 ê 台灣生物 kah 語言文化 ê 背景，尌個人動機方面，研究者 tī 大學 ê 時陣，著真愛 peh 山，peh 過台灣真濟懸山，「台灣百岳」超過六十粒々 來台東教冊了後，參加台東野鳥學會 kah 荒野保護協會 ê 活動，一直真關心台 灣 ê 生態環境，tī 學校推廣繪本閱讀，運用繪本推 sak 生態保育 ê 觀念，koh 加 上本身一直有 tī 從事文學 ê 創作 kah 投稿，這幾年寫 ê 台語詵 kah 散文捌刊 tī 台文罔報，2008 年得著教育部「用咱 ê 母語寫咱 ê 文學」徵文比賽 ê 佳作。
因此，本研究想 beh 透過雙語自然繪本 ê 創作，進行在地自然生態 ê 教學，
uì兒童故鄉生活 ê 環境出發，引起兒童 ê 興趣 kah 共鳴，加強學生熱愛自然 kah 保育行為 ê 實踐。雙語繪本教學，一方面會使學習台語，一方面建立生態保育 ê 觀念。Tī 創作雙語自然繪本方面，一方面會使達成教材在地化 kah 以學生為 中心 ê 教育目的，一方面 koh 會使開發台東生態保育 kah 台華雙語冊 ê 補充教 材，會使講是一兼二顧，一舉數得。
第二節 研究目的 kah 研究問題
以生態保育 ê 角度，從事台華雙語自然繪本 ê 創作，研究目的有〆
一、創作台東在地台華雙語自然繪本，成做自然生態保育 ê 補充教材。
二、運用台華雙語自然繪本教學提升兒童生態保育 ê 意識。
三、透過行動研究歷程，提升教師 ê 專業知能、促進專業成長。
四、探究台華雙語自然繪本融入生態保育教學實施 ê 困境 kah 解決 ê 方 法。
研究問題〆
一、研究者 beh 按怎 tī 台華雙語自然繪本 ê 製作中，融入生態保育 ê 觀 念〇Beh 按怎運用台東 ê 生態資源，創作有在地氣味 ê 雙語繪本〇
二、有啥物教學方法會當成做生態教學活動設計 kah 實施 ê 參考〇Beh 按怎兼顧兒童 ê 雙語學習 kah 生態保育主題 ê 學習〇
三、台華雙語自然繪本融入生態保育教學活動實作中會 tú 著啥物困難〇 Beh 按怎克服〇
四、雙語繪本製作 kah 教學對提升兒童台華雙語能力有啥物幫贊〇對提 升保育概念 kah 行動有啥物效果〇Beh 按怎評估實施 ê 效果〇
第三節 論文架構
本論文攏總分做六章，第一章踏話頭，呈現研究背景 kah 動機、研究目的 kah 研究問題、論文架構 kah 名詞解說々第二章文獻回顧，包括雙語教育、繪 本 kah 生態保育 ê 理論基礎々第三章研究方法 kah 流程，包括行動研究概述、
研究理念 kah 架構、研究設計 kah 流程、研究對象 kah 教學場域簡介、研究工 具、資料蒐集 kah 分析、研究 ê 信度 kah 效度々第四章課程設計 kah 教學實施 過程，包括課程設計、生態保育雙語繪本創作 ê 過程 kah 台華雙語繪本進行生 態保育教學實施過程々第五章研究結果 kah 討論，包括行動研究 ê 結果 kah 行 動後 ê 討論々第六章是結論 kah 建議，包括研究結論、建議 kah 未來研究方向。
第四節 名詞解說
一、 雙語教育
雙語教育指 ê 是透過學生母語 kah 第二語言來進行教學，達成某種教育目 的 ê 教育方法，主要 ê 目標是培養學生同時具備兩種語言 ê 能力。本研究所指 ê 雙語教育是指台語 kah 華語。
4
二、 雙語冊
用兩種語言 ê 文字，以對譯 ê 方式，呈現內容 ê 文本叫做雙語冊（Baker ， 1997）。透過雙語冊予無仝語言 ê 人互相了解、溝通，是保存多語言真好 ê 辦法
（張學謙、鄭良偉，2006）。
三、 繪本
繪本一詞 ê 講法 uì 日本來--ê，英語成做「picture book」，台灣翻譯做尪仔 冊或者是兒童圖畫冊。這種冊爯面大 koh 媠，有視覺傳達 ê 效果，冊中 ê 圖面 不但會當輔助文字傳達效果，koh 會使增強主題內容 ê 功能（林敏宜，2000）。
四、 生態保育
自然生態保育是khiā tī 物種多樣性 kah 生態帄衡 ê 原則，以「尊重性命」ê 環境倫理做基礎，維護生態體系穩定 kah 合理開發運用，予當代 ê 人得著利益，
同時保有生態潛在 ê 能力 kah 好 ê 自然環境，提供後一代囝孫永久使用（王麗 娟、謝文豐，2000）。
五、 行動研究
行動研究是結合行動 kah 研究 ê 研究方法，著是指情境參與者（如教師）
khiā tī 解決實際問題 ê 需要，透過系統 ê 研究來改善實務問題（陳伯璋，2000）。
行動研究鼓勵研究者透過質疑探究 kah 批判，tī 行動過程中進行反思，增加對 實務工作 ê 理解，並且改善工作 ê 情境（蔡清田，2000）。所以行動研究是一種 運用科學方法，發現問題、解決問題 ê 一種研究（葉興華，2001）。