行動後 ê 討論

一、學生 ê 改變

本研究以生態保育為中心，運用創作繪本設計教學活動，配合教學目標運 用閱讀、討論、遊戲、活動等方式，進行雙語 ê 生態保育教學，由教室觀察、

老師筆記、問卷、學生訪談等資料，了解學生tī 教學過程中 ê 表現中，發現〆

（一） 學生雙語口語能力 ê 提升

透過雙語文本 ê 教學活動，學生會 tī 日常對話中出現真濟雙語轉換 ê 對談，

甚至用母語來開講、答喙鼓、講笑詼，將母語當做生活中交談 ê 語言。

（二） 透過雙語教學建立學生正確 ê 母語觀念

使用雙語繪本 ê 教學，會當予學生瞭解著接受學校 ê 語言教育以外，使用 家己 ê 母語成做生活語言嘛是一件真帄常 ê 代誌，加會曉一種語言，著加一種 能力。

（三）學生透過繪本 kah 生活經驗產生連結

經由訪談、學習單、繪本小書製作…等，知影學生經由冊中 ê 內容 kah 家 己 ê 生活經驗產生連結，譬如放生對環境破壞 ê 問題，教學活動了後，學生會 討論現此時生活中外來種 ê 問題，譬如糞埽汙染、河川汙染…等。上尾向望逐 家應該愛珍惜資源，予資源再利用。

（四）學生 tī 繪本情境下得著生態保育相關 ê 概念

透過繪本導讀、活動、討論、美勞製作…等活動，學生得著生態保育相關

概念，經由老師、學生以及情境互動了後，學生會使覺知著生態環境 kah 人類 生存 ê 關係，熟似生態保育 ê 重要性。

（五）明顯提升學生 ê 生態保育 kah 環境保護 ê 態度

根據學生訪談 kah 問卷結果 ê 資料分析知影以繪本做媒介進行生態保育 ê 教學，會使提升學生環境保育 ê 態度。

（六）學生有愛護環境，保護野生動物 ê 具體建議 kah 行動

經由繪本 ê 故事情境，學生會使融入故事 ê 情節，發現周圍環境 ê 問題，

提出具體解決 ê 方法，譬如〆愛護環境，做好資源回收々mài 吃 mài 捉野生動 物々mài 飼外來種 ê 動物等，落實 tī 日常生活當中。

（七）予學生覺知著野生動物 kah 自然環境以及人類 ê 關係

透過繪本 ê 討論活動，學生熟似真濟野生 ê 動物，感受著大自然演化 ê 奧 妙，瞭解著生物多樣性是維繫人類生存重要 ê 因素，覺察著人類應該 kah 大自 然和諧共存，才是上好 ê 辦法。

二、教師自我成長

（一）專業智識方面 ê 成長

1.研究者 tī 生態保育教育議題方面相關智識有所成長

為著 beh 進行本研究，研究者除了研讀相關文獻得著較濟 ê 生態保育教育 方面相關 ê 理論智識，koh 有向專業 ê 教授 kah 資深 ê 自然科教師請教，激發家 己 tī 教學上 ê 新想法，評估學生 ê 背景了後，將生態保育教育相關 ê 理論智識

92

研究者參考生態保育教育理論 kah 九年一貫課程綱要所發展 ê 教材，引導 學生透過概念認知 kah 價值澄清 ê 過程，了解人、生物、語言、文化相互依存 ê 關係，提升學生生態保育 ê 智識 kah 概念，予學生體會著大自然 ê 奧妙，並且 學習保護珍惜自然生態。

2.研究者運用創作繪本 tī 教學頂面有所成長

研究者突破現有繪本 ê 教學限制，創作在地 ê 自然生態繪本，突破以往使 用翻譯繪本進行主題教學 ê 限制。如「天頂 ê 動物園」、「山頂 ê 動物園」、「海 底 ê 動物園」，使用雙語文本 ê 方式，培養學生觀察 kah 批判 ê 能力。

3.研究者使用繪本融入生態保育教育 ê 教學策略有所成長

考量國小低年級兒童 ê 心智發展，評估繪本 tī 教育上會使提供學生認知想 像 ê 素材、形象藝術 ê 智識、語言表達 ê 練習…等功能，研究者運用教學策略 融入繪本素材，協助學生達成生態保育教育 ê 目標，tītsia 將教學活動根據教學 前、教學中、教學後三个面向說明〆

（1）研究者學習並且體認繪本教學進前，愛先檢視創作繪本圖文 ê 合理 kah 正確性 ê 必要，才會使提供學生正確 ê 生態保育智識觀。

（2）繪本教學中，研究者設計教學活動予學生透過繪本圖文 kah 同儕充 分 ê 觀察、討論、辯證中，釐清迷思概念，檢視家己 ê 態度、信念 kah 價值觀，進一步 tī kah 同儕分享 kah 價值澄清中，培養思考批 判 ê 能力，形成正向 ê 態度 kah 價值。

（3）繪本教學後，教學者應該設計多元、合適 ê 延伸活動，來提供學生 用五官體驗自然 ê 機會。研究者根據教學主題特性，tī 繪本教學後，

設計適合 ê 延伸活動，如〆「校園賞鳥」戶外教學、雙語快譯通、

美勞製作 kah 繪本製作…等，訓練學生利用五官 kah 身體操作來體 驗自然界 ê 變化 kah 奧妙。

（4）研究者發現多樣化評量方式會使增進學生 ê 學習興趣，如口語發表、

小組討論、完成學習單、製作小冊…等活動，tsiaê 活動除了會當增 進學生學習趣味，koh 會使呈現學生 ê 學習過程 kah 結果，對教學 評量 ê 進行真有效果。

4.研究者運用班級經營策略 tī 繪本教學方面 ê 專業智識上有所成長

（1）研究者除了上課 ê 時陣，將學生分組進行活動教學以外，koh tī 教 室裡設置主題繪本閱讀區、佈置海報資料、展示繪本教學資料、展 覽學生作品…等教學 ê 情境，提供學生下課了後學習 ê 機會，延伸 學習效果。

（2）透過 kah 學生、家長 ê 討論以及舉辦戶外教學增進親師 ê 互動，

提升班級 ê 向心力。學生時常將下課了後 ê 發現，包括 kah 主題相 關 ê 繪本、動物、生活經驗， kah 老師、同學分享，課後 ê 迴響，

除了增進學生 kah 學生間 ê 互動以外，亦加強教師、學生 kah 家長 ê 聯繫。研究者 tī 活動中 kah 學生培養出真好 ê 互動。

（二）專業技能方面 ê 成長

1.研究者增強教材設計方面 ê 能力

本研究是以自然生態課程為基礎，結合生活課程、綜合領域課程 kah 彈性 課程 ê 主題教學活動，tī 設計教材進前，愛先思考〆根據什麼理念設計教材〇 為何選擇這種素材進行教學〇繪本按怎 kah 生態保育教育結合〇愛運用啥物教 學策略達成目標〇學生愛透過啥物具體 ê 活動達到生態保育教育目標 ê 學習成

94

擬定教學目標，發展各個教學活動單元 ê 教學方案，uì 綱要到細節。按怎引起 學生學習動機，設計教學發展活動流程，到上尾綜合活動，同時兼顧教室內學 習 kah 戶外教學，斟酌規劃做好教學前 ê 準備工作，為求慎重，將教學活動方 案 kah 教授討論，避免家己 ê 盲點。

有詳細 ê 教學活動方案，進行實際教學，由學生真實 ê 回應中，提供研究 者真濟教學上 ê 靈感 kah 回饋，khiú 近教學理論 kah 教學現場 ê 差距。雖然研 究者 tī 教學前已經充分準備，m̄-koh 透過行動研究 ê 實施歷程 kah 學生 ê 回饋 kah 反應中，隨時調整教學 ê 內容，隨時自省，uì每一擺 ê 實施 kah 修正中，將 教材修做適合學生學習 ê 教學內容，來達成教學 ê 目標。Tītsia，研究者亦體驗 出〆課程是經過實施 kah 不斷 ê 修正、一再實施 ê 歷程中發展出來--ê。

2.研究者增進檢視繪本 ê 能力

研究者認為 tī 使用繪本融入生態保育 ê 教學活動 ê 時陣，除了考慮繪本中 ê 情節之外，koh 需要注意繪本中所陳述 ê 故事內容 kah 所呈現 ê 圖片有符合無〇 有科學性無〇有適合教學場域 ê 生活情境〇若是教師本身生態保育 ê 素養無夠，

著愛協同該領域專家做夥進行審核因應情境改編，若疏忽這點，傳達學生錯誤 ê 資訊，著有可能影響學生一世人生態保育 ê 觀念。

3.增長研究者行動研究 ê 能力

Tī 教學過程中，免不了會因為學校、教師、學生、家長種種 ê 因素，產生 突發性、無可預期 ê 狀況，透過行動研究螺旋式循環，實際進行研究 kah 改進，

來改善所面臨 ê 問題。

研究者省思能力 kah 態度是影響本身專業發展主要 ê 因素，透過省思筆記、

教學日誌、學生 ê 學習作品以及訪談資料、家長 ê 回應…等等，tī 教學歷程中

隨時省思家己 ê 教學活動，誠心檢討教學活動 ê 好壞，來修正後一拜教學活動。

九年一貫課程特別強調教師tī 課程改革中愛扮演積極 ê 角色，「教師行動研 究」tú 好符合改革 ê 需要，tī 發展本土課程 kah 課程統整中，教學者若是會使 透過行動研究來發展課程 kah 改進教學，著會當塑造教師教育上 ê 專業角色。

（三）專業態度方面 ê 成長

透過教學前 ê 準備，教學 ê 實施 kah 教學後 ê 省思，研究者 tī 專業態度方 面 ê 成長如下〆

1.研究者體會著教學工作是一項專業 ê 學問，教材設計內容愛先感動家己，

才有機會 tī 教學中感動學生。Tī 實施每一個教學單元進前，研究者愛先思量、

判斷 kah 評估教學內容、教學對象來進行教學設計 kah 教學準備 ê 工作。研究 發現只要經過充分 ê 準備 kah 教學設計，雖然是低年級 ê 學生，嘛有能力了解 整合性 ê 概念。

2.本研究，研究者 tī 課堂上盡量 mài 直接傳授學生生態保育教育上 ê 預設 觀點，向望學生經由繪本圖片，透過同儕討論、質疑辯證 ê 歷程中，檢視本身 ê 態度、信念 kah 價值觀，從中發展出家己對生活環境、生態保育以及生物新 ê 生態保育價值觀。

九年一貫新課程實施了後，教師愛不斷調整家己 ê 角色，tī 教育中扮演多 種角色，包括〆刺激學生學習、培養人才、行動研究、終身學習、智識生產、

智識分享…等。因此，教師需要培養自我 ê 專業，不斷成長。