生態保育雙語繪本創作 ê 過程

一、 內容選擇

生態保育 ê 範圍真闊，本研究 tī 繪本題材內容 ê 選擇主要以野生動物為主，

一方面是野生動物 ê 生存會使直接反映生態 ê 好 bái，一方面野生動物真容易引 起學生 ê 興趣。繪本 ê 內容分做天頂 ê 動物園、山頂 ê 動物園、海底 ê 動物園 三个部分，主要理由如下〆

（一）天頂 ê 動物園

『今日鳥類，明日人類』（華語），鳥仔是上活跳 ê 動物，是直接反應環境 好 bái ê 指標 （王克孝，2003〆10）。台灣是一个鳥仔 ê 樂園，多變 ê 地形環境，

形成各種適合鳥仔生活 ê 環境，台灣有 460 外種鳥仔 tītsia 生活，佔全世界鳥仔 種類 ê 百分之五。tsiaê 鳥仔有 tuà tī 農田、海口、溪邊 kah 都市，有 tuà tī 樹林 仔 kah 外島，其中包含 14 種特有種 ê 鳥仔，koh 有逐冬來台灣過冬 ê 鳥仔，親 像烏面 lā pue、伯勞仔等，主要 ê 原因是因為台灣提供多樣 ê 食物 kah 環境（袁 孝維、鄭子菁，2000）。「天頂 ê 動物園」主要介紹台灣在地 ê 鳥仔，包括烏頭 殼仔、長尾山娘仔、青苔仔、粟鳥仔、白頭殼仔、烏面 lā pue、白翎鷥，透過 教學予囡仔tī 生活中著會使熟似咱 ê 環境。

袁孝維、鄭子菁（2000）認為鳥仔目前面臨 ê 四大危機主要是〆棲地 ê 破 壞、環境 ê 污染、外來種 ê 引進以及過度獵捕。透過天頂動物園 ê 教學，予學 生關心 tsiaê 問題，建立正確 ê 觀念。

（二）山頂 ê 動物園

62

外來種--ê，其實 tī 台灣 ê 山頂 tuà 真濟大型 ê 野生動物，1987 年農委會野生動 物保育法公布以後，tsiaê 動物真濟攏成做特有種保育類 ê 珍貴動物，m̄-koh tī 台 灣，真濟囡仔 m̄捌 tsiaê 動物，「山頂 ê 動物園」這本繪本主要介紹台灣陸地 ê 哺乳動物（pōo-jú-tōng-bu̍t），包括猴山仔、台灣烏熊、果子狸、山羌仔、山羊、

水鹿仔 kah 鯪鯉等本土 ê 哺乳動物（pōo-jú-tōng-bu̍t），進一步予學生熟似在地 ê 自然環境，關心了解咱生活 ê 台灣，建立環境保育 ê 意識（祈偉廉，1998）。

（三）海底 ê 動物園

海洋面積佔地球百分之七十，伊是孕育地球性命 ê 子宮，嘛是地球生物上 大 ê 棲地。台灣是一个予大海包圍 ê 島嶼，無論生活飲食、休閒 tshit-thô，kah 海洋攏有分 bē 開 ê 關係，對咱來講，海洋是真重要 ê 資源，熟似海洋環境 kah 海底生物，保護海洋對咱 kah 後一代是一件真重要 ê 代誌。

M̄-koh 現有 ê 教育內容真少將海洋教材納入教科書中，予這種特有世界海 洋生態 kah 生活資源無法度 kah 當地人民產生連結，甚至予民眾對海洋驚惶，

隨意破壞海洋，造成生態滅絕。

根據教育部（2010）九年一貫課程綱要─重大議題（海洋教育）ê 理念指出〆 臺灣是一个被海洋包圍 ê 國家，國民愛有充分認知海洋、善用海洋 ê 能力。海 洋教育應強化對整體自然環境 ê 尊重，建立「海陸帄衡」思維，將教育政策延 伸，予全體國民以臺灣為立足點，有能力分享珍惜全球海洋所賦予人類 ê 寶貴 資源。為著達成「臺灣以海洋立國」ê 理想，涵養以性命為本 ê 價值觀、以臺 灣為本 ê 國際觀 kah 以海洋為本 ê 地球觀，國民中小學海洋教育以塑造「親海、

愛海、知海」ê 教育情境，涵養學生 ê 海洋通識素養為主，進一步奠立海洋臺 灣 ê 基礎（教育部，2010）。

海底 ê 動物園繪本主要是介紹海洋常見 ê 動物，包括 thá khò、海翁、海豬 仔、刺 kui、海龜、飛烏、龍蝦、紅蟳、蝦仔等，藉著 tsiaê 動物來熟似海洋環 境，進一步了解海洋文化，建立永久生態保育 ê 觀念。

二、文本內容

文本內容以台華雙語對照 ê 方式來呈現，內容簡單，予囡仔真緊著會當了 解，台語文字 ê 部分以漢羅雙文字 ê 方式來書寫，一方面保存傳統，一方面符 合現此時代 ê 需求。下面分做天頂 ê 動物園表、山頂 ê 動物園、海頂 ê 動物園 三部分，文本內容如下表 4- 2、表 4- 3、表 4- 4〆

64

表 4- 3 山頂 ê 動物園雙語對照文本內容

66

二、 圖畫內容

圖面內容是根據繪本 ê 文字 kah 圖畫特性，聘請台東大學兩位學生林冠瑋、

杒海寧來創作，圖面要求盡量放大，色彩豐富，除了古錐以外嘛愛配合文字 ê 內容 kah 動物 ê 生活習性來設計，畫中有話，盡量設計會使吸引囡仔 ê 興趣 kah 注意，引起學生閱讀 ê 意願，tī 無形中學習生態保育 ê 概念 kah 台華雙語能力 ê 運用。繪本成品掃描如〆附錄四、附錄五、附錄六。