第二章 文獻回顧
第二節 繪本 ê 基礎理論
本節分做繪本 ê 定義、繪本 ê 特質、繪本 ê 功能 kah 價值、運用繪本進行 教學 ê 學習理論 kah 實施、台灣優良自然生態繪本介紹、繪本教學 ê 研究六个 部分。下面分做這六个方面探討繪本理論基礎〆
一、繪本 ê 定義
繪本，koh 叫做圖畫冊，英文是「picture book」，tī 日本叫做「繪本」，是一 種以圖畫做主體，文字做輔助，甚至是完全無文字 ê 尪仔冊。目前捷用 ê 名詞 有尪仔冊、圖畫冊、故事冊 kah 兒童繪本等（林敏宜，2000）。
繪本是一種藝術品，透過文字 kah 圖畫 ê 結合，以連續數頁 ê 畫面來傳達 訊息。圖畫 kah 文字是繪本上重要 ê 兩个元素，藉著圖像 kah 文字互相 ê 幫贊，
呈現仝一个主題，產生故事戲劇性 ê 發展 kah 效果。（何三本，1995々松居直，
1996々郝廣才，2006）。
一本好 ê 繪本，著算無文字，亦是會當藉著畫面 ê 意象 kah 連續畫面，來 呈現完整 ê 故事情節 kah 作者想 beh 表達 ê 概念 kah 觀點。繪本對兒童聽覺、
視覺發展，有真重要 ê 功能，是引導兒童進入閱讀 ê 鑰匙々伊提供兒童對文學、
藝術 kah 語言上早 ê 體驗。這種冊特別強調視覺傳達 ê 效果，所以爯面大 koh 媠，有輔助文字傳達 ê 功能，koh 會當增強主題內容 ê 表現（郭麗玲，1991）。
綜合多位學者 ê 意見，本研究將繪本定義做以圖畫為主，文字為輔 ê 藝術 品，以豐富圖畫 ê 表現，來傳達訊息，提升主題內涵 ê 豐富性，達成文字傳達 ê 功能，繪本強調文字 kah 圖像攏會使獨立呈現意涵，予讀者 koh 較濟 ê 空間詮
釋，經由繪本 ê 閱讀，啟發兒童多元化 ê 學習。
二、繪本 ê 特質
兒童文學若是一个花園，繪本著是這个花園內底上媠 ê 花蕊々兒童文學若 是世界 ê 縮影，繪本著是帶領咱飛上天頂 ê 翅股（曹俊彥，2008）。繪本為何有 這呢大 ê 魅力，研究者彙整多位學者意見，歸納出繪本 ê 幾項特性（林敏宜，
2000々蘇振明，2002）〆
（一）兒童性
繪本是寫予兒童看 ê 囡仔冊，文字簡單口語化，符合兒童 ê 興趣 kah 發展々 以兒童關心 ê 事物做題材々內容適合囡仔 ê 程度。圖畫方面，考慮著兒童視覺 心理 ê 適應 kah 表現，有具體 ê 主題內容。
（二）教育性
繪本內容 uì 天文到地理，形式樣貌多樣豐富，對兒童認知提供多方面 ê 幫 贊。好 ê 繪本會使傳遞豐富正向 ê 訊息，陶冶兒童 ê 人格，無形中達成教育 ê 目的。
（三）藝術性
蘇振明（2002）認為繪本是永遠開放 ê 家庭美術館。經由文字 kah 圖畫會 使表現出繪本 ê 藝術性。繪本 ê 視覺經驗會影響兒童一生美感 ê 發展，形成個 人獨特 ê 審美觀。
（四）傳達性
12
ê 傳達效果。圖畫傳遞訊息是一種視覺語言，伊突破時間 kah 空間，直接表達 展現場景，增加兒童閱讀吸收 ê 能力。
（五）趣味性
趣味 ê 繪本會予兒童產生閱讀 ê 意願，透過文字中 ê 笑詼 kah 音樂性，插 畫 ê 趣味性、韻律感，以及整體 ê 設計 kah 安排，會使展現出繪本 ê 趣味性，tī 閱讀中得著真濟 ê 樂趣。
（六）主題廣泛
繪本內容包羅萬象，主題涵蓋了心靈、人格、智識、生活等各種層次，適 合各種年紀 ê 讀者閱讀，嘛適用各種領域 ê 教學，提供讀者無限想像 ê 空間。
（七）編寫故事風格多元
以諷刺、誇飾、譬喻等多元 ê 創作風格描述出故事中 ê 人事物，學童從中 接受多元 ê 刺激，得著多面 ê 啟發，學習著真濟寫作 ê 方法。
（八）容易閱讀 kah 學習
繪本 ê 內容簡單容易，閱讀 ê 時間 bē 傷長，會使掌握學童 ê 注意力，適合 運用 tī 各年級、各領域 ê 教學，利用繪本教學會增加學生吸收 ê 效果，無形中 學習著真濟 ê 智識。
三、 繪本 ê 功能 kah 價值
繪本是兒童學習過程中重要 ê 媒介，透過繪本 ê 閱讀， 囡仔會當培養閱讀 興趣。兒童學者認為繪本有多方面 ê 功能（郭麗玲，1991）〆（一）熟似圖像─
形成藝術々（二）提供想像 kah 認知 ê 素材々（三）熟似、享受語言 ê 學習々（四）
閱讀興趣 ê 培養々（五）審美觀 ê 培養々（六）擴大生活領域，豐富學習經驗々
（七）促進人格發展，品德教育 ê 功能 。
繪本是專門幫兒童設計 ê 讀物，有多元化 ê 功能 kah 發展 ê 價值，m̄- nā 會 使予囡仔帶來快樂，教師若是會使善加利用，規劃課程，相信繪本閱讀會產生 真濟 ê 影響。下面引用多位學者 ê 看法，整合出七項繪本 ê 價值（李連珠，
1991々林敏宜，2004々蘇振明，2002）〆
（一）認知教育 ê 價值
繪本 ê 內容千變萬化，伊親像是「百科全書」，提供各種觀察性、思考性 kah 感受性 ê 認知學習經驗，會使啟發兒童生活智識 kah 科學性概念。藉著閱讀 繪本，了解其他國家、無仝時代人物 ê 生活狀況 kah 人生看法，豐富兒童想像 ê 空間，增加認知 ê 能力。
（二）語言教育 ê 價值
透過聽故事 ê 過程，會使培養兒童對語言 ê 感受力，享受語言聲韻 ê 優美。
兒童 ê 語言是 uì聽 kah 模仿來學習，兒童語言發展，需要透過生活中豐富 ê 語 言示範來加強。因此，tī 日常環境中，藉著聽故事 kah 閱讀繪本，來強化語言 能力 ê 發展，文學作品 tú 好會當提供兒童這種語言載體 ê 需求。
（三）生活教育 ê 價值
繪本若親像是一个大千世界，兒童經歷有限，繪本會當予兒童跳脫舊經驗，
藉著閱讀繪本 ê 過程中，擴展新經驗 ê 體認 kah 學習，豐富兒童 ê 生活智識，
建立正確 ê 生活態度。
14
繪本內底有真濟是 tī 描寫親情、友情、愛情等 ê 故事，閱讀相關 ê 繪本，
會使學習真濟情感教育解決 kah 處理 ê 方法，嘛會使透過繪本 ê 學習，產生認 同 ê 作用，對感情 ê 抒發提供正面 ê 看法。
（五）美感教育 ê 價值
優良 ê 繪本印刷精美、吸引兒童 ê 注意，協助兒童建立審美 ê 觀念。自細 漢著接觸好 ê 繪本，對培養美感 ê 感受能力，是一種積極 koh 方便 ê 方式。
（六）娛樂教育 ê 價值
趣味活潑 ê 繪本內容，會當發揮娛樂 ê 效果，m̄-nā 予囡仔得著閱讀 ê 趣味，
koh 會使成做兒童日常 ê 休閒活動，tī 無形中培養閱讀 ê 意願，對兒童 ê 學習有 真重要 ê 價值。
（七）圖書治療 ê 價值
閱讀是改善 kah 穩定兒童情緒真好 ê 方法之一。對正常 ê 兒童來講，繪本 有淨化心靈 ê 作用，對適應無好 ê 兒童，有診斷 kah 治療 ê 功能。
四、運用繪本進行教學 ê 理論基礎 kah 實施
運用繪本進行教學 ê 學習理論包含〆全語文 ê 觀點、視覺學習理論 ê 觀點、
情境認知 ê 觀點以及讀者反應理論 ê 觀點，下面分別來探討，成做教師教學 ê 理論根據〆
（一）全語文 ê 觀點
1.全語言教學理論
Goodman（1992）認為語言 ê 學習愛運用 tī 個人全方位 ê 語言智識 kah 策 略。這个智識 kah 策略無限制固定 ê 階段，學生需要家己做選擇，形成家己 ê 詮釋，上課內容需要 kah 生活連結，這是學生個人生活經驗 kah 興趣學習 ê 原 動力。因此，伊主張教材需要取自生活中 ê 報章雜誌 kah 出版品。教室環境必 須布置成適合這種讀物 kah 文字 ê 環境（引自游曉惠，2003：32）。
2.全語言 ê 內涵
全語言（Whole Language）主張語言全面性，m̄是用片段 ê 時間實施，應該 是融入兒童生活當中，m̄管是教室逐工愛進行 ê 課程，學校例行 ê 活動，抑是 tī 家庭中 ê 親子互動，攏應該以全語言 ê 理念進行（李連珠，1991）。
因此，「全語文教學」代表教室中師生關係 ê 調整，教師根據囡仔 ê 興趣 kah 喜愛選擇教材，做適當調整，適合每一个囡仔無仝 ê 需要，tī 教學活動 ê 設 計上bē 使傷過死板，愛提供較有趣味 ê 教材，繪本是開放教材上好 ê 選擇。現 今囡仔冊真發展，題材包羅萬象，藉著繪本進行新 ê 語文教學模式，是語言教 育真好 ê 辦法。
（二）視覺學習理論 ê 觀點
視覺 ê 刺激會使強化學習 ê 效果，圖像式 ê 閱讀型態更加是進入學習上好 ê 途徑。M.Fesse1 認為人類資訊百分之六十五是 uì目睭來、百分之二十五是 uì耳 仔來、其他百分之十是 uì其他 ê 感覺器官來。因此，視覺訊息 ê 傳達上緊， tī 言詞傳達中特別重要（引自許佩玫，1993）。
所以，教師雖然是對全部學生傳達相仝 ê 訊息，m̄-koh 經過無仝款 ê 學生吸 收 kah 解說了後，會產生無仝 ê 意義，這著是為啥物愛 tī 教材中使用「視覺教 材」，伊主要 ê 原因是補充口語訊息 ê 不足 kah 限制。圖像免經過學習，直接 uì
16
象、豐富色彩 ê 繪本有真大 ê 魅力。因此，透過視覺傳達，繪本是真好 ê 教學 媒體（楊淑卿，1993々徐素霞，2002）。
（三）情境認知 ê 觀點
若 beh 改變一个人，愛先改變伊 ê 環境。教室空間 ê 規劃，是教學成功一 个真大 ê 要素。學習 ê 過程中「情境」真重要。「情境」m̄若形成學習 ê 空間，
koh 進一步提供機會予個體建構家己 ê 智識。教師必須將學生內在 ê 動機 kah 教 室 ê 情境、活動做一个結合，提供機會幫助學生思考，透過無仝主題 ê 探討 kah 情境佈置，產生有意義活動，建構生活中 ê 智識（幸曼玲，1995，1996）。
（四）讀者反應理論 ê 觀點
「讀者反應理論」是指讀者對文學作品形成家己特別 ê 思考方式，予讀者 詮釋權力 ê 主張，形成家己 ê 理論體系，充分表現出對傳統文學教學「作者 kah 作品至上」ê 批判態度，kah 對人文主義 ê 認同，伊以「人」 做中心，重視讀 者對作品 ê 反應，提升讀者 tī 閱讀活動中 ê 地位。閱讀時讀者 ê 角色是主動--ê，
因為個人背景、文化 ê 特殊性，對文章 ê 解說產生無仝 ê 見解。所以，閱讀了 後所產生 ê 啟發會因為個人因素有所無仝。繪本 ê 創作是作者對主題產生特殊 ê 見解，透過插圖 kah 文字做上好 ê 展示，學生 tī 閱讀 ê 過程中，體會圖畫 kah 文字所 beh 傳達 ê 意境，kah 家己經驗結合，形成家己 ê 想法（張湘君，1993;
蔡蕙珊，2000）。因此，kā 這个理論運用 tī 繪本教學，特別重視個體 ê 特殊性，
對圖文 ê 融合嘛有伊特別 ê 心靈反應。
五、繪本 kah 多元智能
（一）多元智能 ê 意涵
Gardner（1983）提出 ê 多元智慧論，伊認為每一个人 ê 智慧至少包含八種 心智能力，分別是〆語言、數學、空間、肢體運作、自然探索、音樂、人際關 係 kah 內省 ê 能力。伊 ê 精髓主要著是因材施教、有教無類以及歡喜學習。俗 語講〆「一枝草，一點露，天無絕人之路々濫濫馬，嘛有一步踢」天生我材必有 用，每一个人攏有特有 ê 潛能，m̄通看輕家己，因為人有無限 ê 可能（引自何 進財，2001〆5）。
多元智慧教育理念主要有七點〆1.每一个人至少有八種無仝 ê 潛能。2.大多 數 ê 人智能攏會使得著適當 ê 發展。3.每一種智能有多種表現 ê 方式。4.每一人 攏有特有 ê 智能組合來達成無仝 ê 任務 kah 目標。5.智能以特定材料 kah 問題形 式顯現特有領域。6.Tī 適當 ê 環境影響之下，智能會使教導 kah 發展。7.各種智 能會隨成長有無仝 ê 差異（許淑莞，2007〆14）。
每一種智慧攏有適合 ê 領域 kah 行業，學生若是會使了解家己強勢智慧，
著會使tī 生涯規劃中正確選擇家己 beh 行 ê 路，會當「選其所愛，愛其所選」。
著會使tī 生涯規劃中正確選擇家己 beh 行 ê 路，會當「選其所愛，愛其所選」。