繪本製作 kah 教學行動研究 ê 結果

一、 繪本製作 ê 結果

完成三本繪本創作 ê 成品，將伊掃描成電子檔案來呈現，包括天頂 ê 動物 園繪本（如附錄四）々山頂 ê 動物園繪本（如附錄五）々海底 ê 動物園繪本（如 附錄六）。繪本完成了後，透過繪本評鑑問卷調查（如附錄十一），攏總發出 20 份問卷，回收 17 份，根據回收問卷彙整意見得著結果（如附錄十二）〆

（一）真罕得看著台華雙語 ê 繪本，台華雙語繪本 ê 創作開發，提供閱讀 者無仝 ê 閱讀文本 kah 方式，會使成做學校 ê 母語補充教材。

（二）創作本土在地自然繪本，會使成做台東地區學校自然生態 ê 資料庫，

對鼓勵學校老師創作，提供一个參考 ê 示範。

（三）文字配合圖像，圖畫色彩豐富，文字簡單，有趣味性，適合低年級 學生閱讀。

（四）趣味好看 ê 在地野生動物繪本，會吸引學生閱讀 ê 興趣，進一步促 進了解台灣在地 ê 環境，認捌在地生態文化。

二、雙語繪本 tī 教學 ê 成效

（一）透過雙語教學提升母語 ê 能力

本研究透過雙語教學學習台華雙語，來落實本土多元語言 ê 教育。研究者

88

創作教材，編寫課程設計，設計教學活動，予母語教育 tī 國小學校開始生湠，

引導學生tī 無形中學習母語，達行母語 ê 傳承。Uì教室觀察 kah 訪談資料 ê 結 果中發現學生母語能力有明顯提升。

（二） 透過雙語教學，結合家庭母語教育 kah 學校教育

教育工作 ê 成功需要家庭、學校 kah 社會三者互相 ê 配合。Tī 囡仔母語發 展 ê 過程中，家庭提供語言上自然 ê 使用環境，伊學習 ê 經驗來自家庭環境 kah 文化，父母 ê 語言態度 kah 思維方式是影響囡仔學習上大 ê 關鍵，若是會使結 合家長 ê 力量，著會使延伸母語學習 ê 時間 kah 空間，達成語言 ê 學習 kah 文 化 ê 傳承，koh 進一步叫醒家長對母語 ê 重視，營造出雙語溝通 ê 模式 kah 學習 環境，創造雙贏 ê 局勢。

三、自然生態繪本 tī 生態保育教學 ê 結果

（一）吸引學生 ê 興趣

研究者 tī 現場收集資料 ê 時陣，發現學生下課了後，會自動去看繪本，有 --ê 會 kah 同學討論，有 ê 會斟酌觀察繪本，大部分 ê 學生 tī 訪談中表示真愛閱 讀繪本。因此，繪本趣味 ê 故事內容 kah 豐富 ê 圖畫會使引起學生 ê 興趣，提 升閱讀 ê 意願。

（二）繪本內容增加學生 ê 生活經驗

天頂 ê 動物園、山頂 ê 動物園、海底 ê 動物園三本繪本教學介紹台灣野生 動物 ê 智識，保括外型特徵、生活習性 kah 生活環境，會使予學生產生生活經

驗 ê 連結，拓展學生 ê 生活經驗 kah 視野。

（三）繪本增加學生 ê 觀察能力

用圖畫來描述故事 ê 繪本，學生透過伊連續 ê 圖畫，整合成家己 ê 故事，

將家己 ê 故事 hām 別人交流分享，嘛透過觀察圖畫，kah 文學創作者進行交流。

另外，對學生 ê 表現看出，學生會使藉著瀏覽圖畫，編織、延伸故事，增加觀 察 ê 能力。

（四）繪本刺激學生 ê 思考能力 kah 想像力

繪本中 ê 圖畫提供無限想像 ê 可能，透過教學活動，刺激學生思考，予學 生發揮家己 ê 想像，透過實作，學生表現出意想 bē 到 ê 創作力。

（五）繪本引發學生情感 ê 反應

繪本 ê 內容，幫助學生真緊進入故事 ê 情境，對故事 ê 主角 kah 情境產生 移情作用，引發內心歡喜、悲傷、快樂、憤怒…等情緒，情感表達會使培養學 生 ê 表達能力，提升對其他事物 ê 關照 kah 情感。

（六）繪本所隱含生態保育概念幫助學生建立生態保育觀念

繪本是學生閱讀 kah 討論 ê 素材，繪本本身 ê 圖 kah 文字所呈現 ê 訊息，

隱含生態保育 ê 概念，經過導讀、討論，以繪本內容為情境，經過活動、製作 繪本、美勞作品等活動，予學生更加深入理解繪本 ê 內容，建立相關生態保育 ê 概念。

90