研究 ê 信度 kah 效度

因為行動研究是 tī 自然情境中進行，多以隨機方式，如〆觀察、訪談、錄 影等方式蒐集資料，來保留研究結果 ê 實用可靠。所以講究研究方法是必要--ê，

斟酌處理資料 kah 分析、客觀 ê 推論攏是成做建構合理 ê 研究發現 kah 結果。

透過不斷交叉 ê 檢證 kah 批判，來提高研究 ê 效度 kah 研究成果 ê 信度。為著 提升本研究 ê 信、效度，採取以下方式進行〆

一、 信度部分

研究者盡可能詳細說明整個行動研究 ê 過程，包括課程研究設計、資料收 集、處理 kah 分析方法，以及研究課程 ê 實施歷程、方式、問題 ê 發現 kah 現 場情境。進行課程 kah 訪談時，使用錄影 kah 錄音 ê 方式，呈現學生真實 ê 想 法 kah 行為表現々tī 課程實施期間隨時觀察記錄學生 kah 研究相關 ê 語言、行 為，並對課程執行過程 kah 教學方式，不斷自我檢討 kah 省思。三角檢證方面 則是透過無仝款 ê 資料、方法 kah 人員進行交叉檢核，注重對話 ê 過程，拓展 後續解讀 ê 空間。

二、 效度部分

課程規劃方面，透過教授、學生 ê 討論 kah 意見，得著全面性 ê 建議，進 一步澄清、修正想法 kah 設計。另外研究發現 ê 部分，藉著錄影、訪談資料、

教師日誌、教師省思筆記、學習單…等各種質性資料，輸入電腦留下確實 ê 記 錄成做檢驗分析，進一步檢證行動歷程，來提升本研究 ê 內在效度。

三、 三角交叉檢證

本研究使用三角交叉檢證 ê 三角測量法（triangulation），進行交叉檢核，uì 多種向度來增強資料間效度互相檢驗，譬如資料 ê 三角測量（訪談、觀察、文 件分析）、參與者 ê 三角測量（研究者、教師、學生、家長）。研究者以錄音設 備全程記錄對話內容，並轉換成逐字稿，成做資料分析 ê 參考，援用原始用詞 用話，避免研究者主觀 ê 解讀 kah 過度 ê 推論，予研究結果更加客觀真實。

第四章 課程設計 kah 教學實施過 程

本行動研究課程實施期間是 2009 年 10 月~2009 年 12 月，總共十八節課，

為著彌補時間 ê 不足，2010 年 3 月~6 月，繼續 tī 課程中做研究 kah 觀察，予研 究歷程呈現更加完整 ê 探討 kah 修正。

本章 ê 架構分做三个部份〆第一節課程設計〆對課程設計 ê 緣起、課程 ê 架構、教學教案設計 kah 各單元活動所對應 ê 能力指標做介紹々第二節生態保 育雙語繪本創作 ê 過程〆針對創作繪本 ê 內容、文本、圖畫進行說明々第三節 雙語自然繪本進行生態保育教學 ê 實施過程〆對教學活動過程做概述。

第一節 課程設計

本節包含課程設計 ê 緣起、課程 ê 架構、教學教案設計、各單元活動所對 應 ê 能力指標。

一、課程設計 ê 緣起

台灣是一个環境多元、生態豐富 ê 寶島，野生動物 ê 數量真濟，野生動物 是自然環境 ê 指標，伊 ê 數量會使直接反應環境 ê 好歹，人嘛是動物 ê 一種，

kah 野生動物 ê 習性相仝，包括生活 ê 環境、生活習性、食物來源、外形，攏會 當引起囡仔真大 ê 興趣，尤其是古錐 ê 動物更加受著兒童 ê 喜愛，生活 tī 咱周 圍 ê 野生動物，真容易觀察，因此以野生動物成做教材 ê 內容，會使吸引囡仔 真大 ê 興趣，透過對野生動物 ê 了解，進一步了解家己 kah 在地 ê 台灣野生動