1
Name of School
:
SHARON LUTHERAN SCHOOL 学校名称:
路德会沙仑学校Name of Play 剧名
:
Delete 魔法书Script writer 剧作者
:
沙仑学校中文戏剧组 / 蔡迅彦 (校外导师)Synopsis 故事大纲 :
小五学生子喻一天意外地遇上一个怪人，他手里拿着一本神奇的魔法书，只要写上名字，任何东西 都会随之消失。借着魔法书的无限威力，子喻发现可以除去任何控制与阻碍，拥有无限的自由。子 喻是否从此就「快快乐乐地生活」呢？究竟神秘人又是谁呢？
2
《场一》家
＃＃ 子喻家中，子喻懒在梳化上，母亲来来往往，赶着出门。每次经过梳化见到子喻懒在梳化上 都看不过眼，最终开口劝告。
母亲： 你今日又唔使返学呀？
子喻： 落大雨吖嘛。
母亲： （离开再回来）你做晒啲功课味？
子喻： 得啦…（表现得不耐烦）
母亲： 得啦？！做功课系你嘅责任…
子喻： （与母亲的「责任」重迭）责任吖嘛！落雨老师都唔会返工啦。
母亲： 如果听日就落完雨，咁你有功课交未？
子喻： 天文台话场雨仲有排落呀。
母亲： 我系话如果…
子喻： （与母亲的「如果」重迭）如果再迟啲出门，有人就会迟到嘞。
母亲： （望表，发现自己将要迟到）总之，你今日之内要做晒啲功课。
子喻： 得啦，我有自由㗎，怪兽家长！
母亲： 成日都同我讲自由，你知唔知乜嘢系自由？自由系…
＃＃ 子喻用手比划时间已到，母亲给气得出烟，但时间紧逼，只好出门上班。
子喻见母亲离去，立即在梳化上弹起，为大雨而获得再多一天的假期而雀跃万分。走到窗 口看看外面的雨势，计划一下今天的行程，立时打电话给其他朋友。
子喻： 喂，出嚟玩啦！
3
《场二》下雨天
＃＃ 子喻的朋友出场，众人都拿着雨伞，以哑剧的形式表现一齐玩的片段。
忽然一个雷声，众人躲避到滑梯顶，有人觉得尴尬、有的感无聊，惟独子喻一人兴奋，场 面古怪。晓婷在拍蚊。
佩佩： （抱怨）都话唔好玩㗎啦
嘉嘉： 呢个公园出咗名会水浸，而家只有呢个滑梯顶可以企。
文聪： （兴奋）听讲呢场落足一个…一个…一个礼拜嘅雨系百…百…百年 佩佩： 百年一遇吖嘛！
文聪： （兴奋）谂起都…觉得兴奋。
佩佩： 未又系落雨，有乜咁兴奋？
晓婷： （拍蚊）呢度真系好多蚊呀！
Jolie： 不如我地回家啰。
嘉嘉： 而家咁大雨，都走唔到啦。
子喻： 横掂都出到嚟，玩多阵先啦。一齐谂下可以有乜玩
晓婷： 死啦，我话咗畀阿妈知我会帮佢睇住细佬温书，畀阿妈知道我出咗嚟玩实畀佢闹！
文聪： （忽然醒起）哎呀，Miss Lee 嘅功课我仲未做呀。
佩佩： 吓！杀人王 Miss Lee？！（做出「杀人王 Miss Lee」的动作）
文聪： 系呀～
嘉嘉： 你死梗啦，杀人王 Miss Lee 出咗名系「罚人唔眨眼、写手册唔手软」嘅杀人王，佢嘅功课 你都唔做！
晓婷： 份数学功课又要上网又要填色，烦到爆㗎。
4 文聪： 哎呀，畀我回家呀～
佩佩： 点解呢个世畀上面会有 Miss Lee 呢类咁变态嘅老师㗎？
＃＃ Jolie 发现有人形物体在水面上浮着。
Jolie：
依，乜嚟㗎？子喻： （观察一下）好大件…
文聪： 会唔会条浮尸嚟㗎？
晓婷： 浮尸？
文聪： 听讲呢度上面个山以前系个乱…乱…乱葬岗…
佩佩： （模仿文聪的语气）呢场大雨将所…所…所有尸体都冲晒出嚟…（瞄文聪一眼，不屑地）
你啲想象力都几丰富！
子喻： 依，望真啲真系似系一个人喎。不如…捞佢上嚟啦 Jolie： 唔系嘛？
晓婷： 系真要？
＃＃ 子喻已伸手向水面打捞那人，众人就算不情愿都渐渐加入帮忙。
众人： 哗，好重呀。
＃＃ 众人合力将此人拉上滑梯顶。
Jolie： 佢揸住本乜…
晓婷： 《Delete 魔法书》？个名咁奇怪嘅？
子喻： 不如叫醒佢啰。
＃＃ 众人尝试叫醒但无效。晓婷不时用魔法书拍打蚊子。
晓婷： 不如试下摇佢。
＃＃ 众人尝试推醒他但亦无效。
Jolie： 唔系啦，不如试下搣佢？
5 众人： 吓？…
Jolie： 我阿妈平时都系咁叫醒我 佩佩： 你个方式咁独特。
嘉嘉： 好呀，不如试吓啰
＃＃ 子喻鼓起勇气大力的搣了那人手臂一下，那人醒来，差点与嘉嘉撞个正着，幸好嘉嘉及时 避开。安德鲁一直在打乞嗤，众人给吓得慌作一团。
晓婷： 不如你去问下佢系人定系死尸？
嘉嘉： 傻嘅咩你，佢会打乞嗤，摆明系人啦。
佩佩： 但系如果系人又点会喺水上面浮浮下喎。
子喻： 我就唔信佢唔系人嘞 文聪： 我都系咁话。
子喻： （向安德鲁）Hi…
＃＃ 打了几个乞嗤以后，安德鲁慢慢的转过头来见众人，又打了一个冷震，好像恐怖片一样。
晓婷和佩佩及 Jolie 揽作一团。只有文聪、嘉嘉和子喻比较大胆来跟安德鲁沟通。
安德鲁： Hi…（乞嗤）
佩佩： 生化危机呀！
晓婷： 死尸复活呀～（用魔法书挡住安德鲁）
安德鲁： 乜嘢「死尸复活」呀？（乞嗤）
Jolie： 如果你唔系死尸，又点解会喺水面浮浮下？
安德鲁： （想了一会）我唔知，我一瞓醒就见到你地（乞嗤）
子喻： 咁你叫乜嘢名？
安德鲁： 我叫安德鲁，Andrew。哎呀！我本书呢？
＃＃ 晓婷将书交还给安德鲁。
6 安德鲁： 好在喺度。（想打乞嗤）安心晒
文聪： 本书好重要㗎？
安德鲁： 呢本书系一本带有魔法嘅书，我写任何嘢上去，嗰样嘢就会被 Delete 啦。（乞嗤）
文聪＋嘉嘉：（对望）Cool!
Jolie： 我唔信。
安德鲁： 唔信嘅话可以试下写啲嘢落去啰。
子喻： 系咪写乜嘢上去都得㗎？
晓婷： （又被蚊咬）呢度真系有好多蚊呀！
子喻： 我知嘞！咁你帮我 Delete 晒啲蚊。
安德鲁： 好呀。
＃＃ 安德鲁在书上书写，众人甚为紧张，期待将会发生的事。
佩佩： 仲有蚊。
安德鲁： 等一等，5, 4, 3, 2, 1…（安德鲁一路数，夹杂以下说话）
嘉嘉： 咁系咪即系唔得㗎？
晓婷： 呃人㗎 文聪： 唔会挂
Jolie： 呢个世界上边有咁神奇嘅嘢吖。
子喻： 等多阵先啦。
＃＃ 刚好安德鲁说到「1」，Delete 魔法出现，将蚊消灭。众人四处细看，再找不到蚊的踪影。
众人： （互望）WOW!
子喻： 真系无咗喎。
晓婷： 咁就好啦，唔会再畀蚊针啦
7 文聪： 好神奇呀。
Jolie： 真系会消失㗎！
子喻： 不如你畀我写吖（上前想抢走魔法书）
安德鲁： （避开）系要由我写先有效。
嘉嘉： 咁呀，咁不如…（随便点）Delete 块叶啦。
安德鲁： 可以呀。
＃＃ 安德鲁在书上写了「树叶」，Delete 魔法出现令树叶消失，众人甚为兴奋。
众人： 哗！
Jolie： 仲有…（随便点）Delete 嗰件垃圾！
＃＃ 安德鲁在书上书写，Delete 魔法出现令垃圾消失。
佩佩： 仲有 Delete 啲雨水！
＃＃ 安德鲁在书上书写。
众人： 5, 4, 3, 2, 1！
＃＃ 众人兴奋地倒数 5 声之后定格。音乐响起。
8
《场三－学校霸王》
＃＃ 子喻一路前行，安德鲁紧随其后。子喻停下来，安德鲁也停下来。走走停停数次以后，
子喻按捺不住走回头阻止安德鲁。
子喻： 你唔好跟住我啦。
＃＃ 子喻再行走，安德鲁再跟随其后。
子喻： 都话唔好跟住我咯。
安德鲁： 我唔知去边度。
子喻： 我都唔知你应该去边度，只要你唔好跟住我。
安德鲁： 我醒咗，唔知应该去边。
子喻： 唔关我事…（用最猛力的方式）你唔好再跟住嚟呀。
＃＃ 子喻离开，安德鲁未有跟随。一段路以后，子喻回头，确定安德鲁未有跟上，放心开步 回家，刚好遇见两位学校霸王正在欺负一位同学，本想静静地走过，一不小心拌倒自己 而发出声音，给两位学校霸王发现。两位霸王放走原本的同学，向子喻进逼。
霸王 A： 子喻，乜咁啱呀？
子喻： Hello～
霸王 B： 你头先做乜走呀？
子喻： 走？无走呀。无…无。
霸王 A： 喂，系喎，上次叫你帮我做嗰份罚抄你抄好未？
子喻： 罚抄？边份罚抄？
霸王 A： 杀人王 Miss Lee（配以「杀人王 Miss Lee」的动作）嗰份罚抄呀。
霸王 B： 你唔系不记得嘛？
子喻： 你好似无叫过我做罚抄喎。
霸王 A： 而家未叫你做啰！
9 霸王 B： 「四则运算加步骤，课文总结 20 次」
子喻： 咁多？
霸王 A： 听日交！
子喻： （满有委屈）啊…
霸王 A： 你唔系唔开心呀？
子喻： 点会呢。好开心～
霸王 A： （兴奋地向霸王 B）咁我地而家去玩啰～
霸王 B： （向霸王 A）不如去食嘢啦。
霸王 A： （向霸王 B）食乜好呀…
霸王 B： （向霸王 A）唔…
子喻： （子喻看在眼内）点解呢个世界有啲咁嘅人㗎！
＃＃ 安德鲁刚好经过，子喻向他求救，为怕给两位学校霸王发现，只好像玩「有口难言」以 手语跟他沟通，请他用 Delete 魔法书令二人消失。
安德鲁： 用…魔法书…令佢地…两个人…消失！
子喻： （哑剧）YES！
安德鲁： （哑剧）Are you sure?
子喻： （哑剧）做你就做啦！
＃＃ 安德鲁为免被子喻闹，立即在 Delete 魔法书上书写，发现自己不知道二人的名字，再以 手语跟子喻沟通。
子喻： 一…山、二…山
＃＃ 安德鲁依照指示写下，子喻兴奋得大叫。
子喻： YEAH！
＃＃ 两位霸王忽然停下来，子喻惊慌的望着霸王 B。
10 霸王 B： 呀！不如食鱼蛋，街口开咗挡新鱼蛋！
霸王 A： 好喎，不过「那．有．钱」！
霸王 B： （发现子喻望着）望咩呀你？
＃＃ 两位霸王向子喻走去，子喻被逼退到一角。忽然二人被魔法吸走了，只剩子喻瑟缩在一 角，安德鲁上前英雄式的拉起他。
安德鲁： 佢地消失咗啦。
子喻： 真系嘅？
安德鲁： 唔。（举起魔法书示意是魔法的功效）
子喻： （想通了）咁以后未唔会有人謑我啰？
安德鲁： 有 Delete 魔法就可以做乜都得啦。
子喻： （兴奋地）我知道点样可以唔会再有人謑人啦。
＃＃ 音乐起，子喻开心的离去，安德鲁翻开 Delete 魔法书，点算消失了的人。子喻赶回来，
拉安德鲁离开。
11
《场四－无限自由》
＃＃ 音乐起，以下片段是短促、节奏快的小片段互相交错。三个片段中，子喻都拉着安德鲁借着 Delete 魔法而拯救别人，但亦渐渐变成为自己的欲望而做。
《拯救被打劫的阿婆》
《拯救怕飞曱甴的少女》
《解决排忌廉菠萝包的长龙》
三个片段以后，子喻高兴且满足的离去，台上只剩安德鲁，他翻开 Delete 魔法书，再次点算 一下。
安德鲁： 总共 Delete 咗 10 个人…睇嚟佢越来越爱上用 Delete 魔法带畀佢嘅自由，只要佢继续用，我 就快可以又多一个手下畀我控制啦。YES！Go Go Go!
＃＃ 安德鲁离去。
12
《场五－真面目》
＃＃ 台上一众朋友（嘉嘉、佩佩、Jolie、晓婷、文聪）等待着子喻，显得甚不耐烦。
Jolie： 咁耐㗎～
嘉嘉： 次次约佢都系咁
晓婷： 下次都佢约我都系迟三个字先到 文聪： 早知做埋份功课先出嚟啦 佩佩： 系喎，份专题报告你做乜嘢书？
Jolie： 专题报告？乜嘢专题报告？
佩佩： （配以「杀人王 Miss Lee」的动作）份专题报告啰。
Jolie： 死啦，我不记得咗做呀！
晓婷： 你死梗啦，杀人王 Miss Lee 嘅功课你都唔做。
文聪： 啊，你死梗啦，份功课系要睇最少五本书之后写一份专题报告。
Jolie： 我死啦，我死梗啦。
＃＃ 子喻与安德鲁赶至 嘉+佩： 你地有无迟啲
子喻： Sorry，我地去咗帮人 嘉+佩： 帮人？
子喻： （细数曾使用魔法的情况）我地用 Delete 魔法书帮咗个被人打劫嘅阿婆啦、一个畀飞曱 甴追紧嘅少女啦、一个乱咁过马路嘅人、仲有一个差啲畀跌落嚟嘅石头打中嘅人…（发 现 Jolie 正在烦恼）佢做乜咁愁呀？
13
Jolie： 我谂你最好去帮佢，佢不记得做 Miss Lee 份阅读报告！
子喻： （只做「杀人王 Miss Lee」的动作）？！
Jolie： 系呀～
子喻： 你死梗啦！
Jolie： 我知错啦，你可唔可以帮我呀？
子喻： 好呀？
Jolie： 点帮呀？
子喻： 只要 Delete 咗 Miss Lee 未得啰！
众人： 吓？
子喻： （大叫）安德鲁！…同我 Delete 咗 Miss Lee 佢。（配以「杀人王 Miss Lee」的动作）
Jolie： 咪住，Delete 一个人会唔会唔系几好？
嘉+佩： 点解呀？
Jolie： 一个人就咁就消失啦喎？
子喻： 但系佢系杀人王 Miss Lee 喎。
众人： （除 Jolie）系啦。
子喻： 唔好理佢啦，写啦。
＃＃ 安德鲁刚要落笔但给 Jolie 阻止。
Jolie： 咪住，你有无谂过你做紧乜嘢？
嘉嘉： 我地做紧我想做嘅嘢啰。
佩佩： 我地有自由做我地中意做嘅嘢嘛～
众人： （除 Jolie）啱嘞。
14 子喻： 写啦。
＃＃ 安德鲁刚要落笔但给 Jolie 阻止。
Jolie： 唔准写！你咁样系会伤害咗其他人喎，自由唔系咁。
晓婷： 自由就系做乜都得啰！
众人： （除 Jolie）讲得啱。
晓婷： 写啦。
＃＃ 安德鲁刚要落笔但给 Jolie 阻止。
Jolie： 咪住！自由系唔可以大到令一个人消失。
子喻： 佢平时咁衰，就算消失系佢自己攞嚟。又唔见我地要 Mr. T 消失？写！
Jolie： 唔准写！你地有无谂过后果？
安德鲁： 喂，咁究竟写定唔写？
子喻： 写！
＃＃ 众人看着安德鲁书写在魔法书上，Delete 魔法亦离去了。
15
《场六－对战》
＃＃ Delete 魔法走过，刚好碰上了四名 Delete 魔法师 A、B、C、D。
魔法师 A： 你去边呀？
Delete 魔法： 我要去令一个杀人王 Miss Lee 消失！
魔法师 B： 要令一个人消失？
魔法师 C： 情况似乎开始失控啦。
魔法师 D： 人类总系会重复犯错，点解唔可以好好咁运用呢个 Delete 嘅能力？
Delete 魔法： 开始嘅时候佢地都仲好好咁去帮人…
魔法师 B： 今次连学生都可以变得咁邪恶
魔法师 A： 而家讲呢啲都无用，不如谂下点解决仲好啦。
魔法师 C： 要解决就要快，如果唔系搞到好似上次咁要 Delete 晒全世界去重新嚟过。
魔法师 D： 唔好提上次，我谂起都好头痛。
Delete 魔法： （忽然跳了一下）我个主人又用本魔法书啦，我要走啦。
魔法师 A： 呢次真系要速战速决，睇嚟班学生就快会畀安德鲁控制啦。
魔法师 B： 既然系咁，不如我地同你一齐返去啦。
＃＃ 众魔法师与魔法一起离去。
＃＃ 另一边箱，众学生围在一起兴奋地计划下一个要 Delete 的人。
嘉嘉： 不如 Delete 埋 Mr Wong，佢都畀好多功课我地…
佩佩： 唔系啦，不如将所有老师都 Delete 晒！咁我地以后未可以唔使返学，可以日日玩啰。（兴奋雀 跃）
文聪： 呢个系好主意呀～
子喻： 有乜好过可以日日打机、日日玩？
16 众人： 好呀～
Jolie ： OMG！
＃＃ 众人围着 Jolie 施压。
晓婷： 喂，你再阻住我地，信唔信连你都 Delete 埋？
嘉嘉： 我都唔明你，我地 Delete 所有老师之后，你都一齐可以唔使做功课，点解你唔支持我地？
佩佩： 系啰，而家我地有本魔法书，想做乜都得，呢个系真正嘅自由！
Jolie ： 我谂你地已经唔知自己做紧乜。
＃＃ 众人见 Jolie 受控，召唤安德鲁。
众人： 安德鲁～
安德鲁： 系度。
子喻： 你快啲帮我地…
＃＃ 安德鲁尝试在 Delete 魔法书上其他老师的名字，就在此际，四名 Delete 魔法师 A、B、C、D 连 同 Delete 魔法一起来到，四位魔法师使出魔法将所有人暂停。
魔法师 A： 好在赶得切。
魔法师 C： 大家快手啲，我啲暂停能力顶唔到几耐。
魔法师 B： 等我解封咗安德鲁先。
＃＃ Delete 魔法师 B 走到安德鲁身边，使出魔法将安德鲁解封。
安德鲁： 发生乜事呀？…你地系边个呀？
众魔法师： 我地就系 Delete 魔法师！
魔法师 D： 安德鲁，你知唔知你咁样乱用本魔法书系会带嚟好严重嘅后果？
安德鲁： 有人有嘢唔想要，我帮佢 Delete，有乜唔好。…我仲可以带畀人无限嘅自由㖭。
魔法师 A： 你知唔知自由系要付出代价㗎
安德鲁： 代价？Delete 咗我话知佢有乜代价！同你地讲咁多都嘥气。
17
＃＃ 安德鲁使出魔法，控制各人向魔法师攻击，魔法师亦使出魔法对抗。中间夹杂以下对话。
魔法师 B： 物质系唔会无端端消失，你 Delete 咗嘅嘢其实会去咗我地个空间。
魔法师 D： 之前嗰啲蚊、垃圾、树叶我地都算，但系你想将 Miss Lee 都 Delete 埋送嚟我地嗰度就唔可以。
魔法师 A： 你要为自己嘅行为负责任呀。
＃＃ 魔法师合力击败了安德鲁。
安德鲁： 我仲以为魔法书能够畀我有「无限嘅自由」。
魔法师 A： 喺唔影响其他人嘅情况下，你系可以做你想做嘅嘢。
魔法师 C： 大家要快啲啲，我嘅暂停能力就快用完啦。
魔法师 B： 好，等我首先 Delete 佢地嘅记忆，等佢地唔好再记得本 Delete 魔法书。
安德鲁： 等等，咁样子喻未唔会再记得我啰～
魔法师 D： 呢次轮到你去付出代价啦。
魔法师 C： 快啲手，我顶．唔．住．啦～
＃＃ 紧张的音乐响起，魔法师 B 在魔法书上写了几笔，之后再举起魔法书。众人被魔法带走了。
＃＃ 快乐音乐响起。回到子喻家中，子喻懒在梳化上，母亲来来往往，赶着出门。每次经过梳化见 到子喻懒在梳化上都看不过眼，最终开口劝告。
母亲： 你唔好再懒喺度啦。
子喻： 嗯嗯…
母亲： 你做晒啲功课未？
子喻： 你可唔可以畀啲自由我？
＃＃ 音乐响起，众人定格
全剧完
