4.4 朗讀技巧分析
4.4.7 台語朗讀聲情分析
一、句讀停頓:段佮段之間停 3 秒，句號停 2 秒，逗號停 1 秒，頓號免停。
二、 朗讀語氣:按照文章予意來強調字詞朗讀音懸抑是低、長抑是短、緊抑是
52 資料來源引自台北市教育局，原文是華語，因為筆者書寫方式改做台語，詳細請參考台北市 教育局: http://www.tp.edu.tw/composition/r/essay/01.jsp 2012/04/06
53 原文是華語，因為筆者書寫方式改做台語，詳細請參考(李錦芬 2006:122-123)
93
聲抑是細聲。
肯定口氣:對正面敘述代誌抑是狀況，語調愛有信心、莫拖沙，重點愛用強音抑 音表達。
例:
講著台語的諺語，是非常豐富--的！
Kóng tio̍h tâi gí ê gān gí，sī hui-siông hong-hù-- ê！
2007-1 068 陳憲國《輕聲細說講諺語》
否定口氣：對倒面敘述代誌抑是狀況，關鍵否定詞愛讀較有力。
例:
這步上蓋硬篤(ngē-táu)，毋是每一隊攏會當幌--起去--的。
Tsit pōo siōng-kài ngē-táu﹐m̄ sī muí tsi̍t tuī lóng ē-tàng hàinn--khí khì-- ê。 2010-1 邱文錫 《宜蘭頭城搶孤》
疑問口氣：表示疑問、激問、提問，音調沓沓仔搝懸，尾字音調陽昇。
例 1:
「阿叔！你手--裡攑的彼枝是啥？」
「A-tsik！lí tshiú--lí gia̍h ê hit ki sī siánn？」
2008-1 蕭平治《阿爸的鹿角薰吹（hun-tshue）》
例 2:
這馬是熱天，洗溫泉 kaḿ 會堪--得？會著痧--袂？
Tsit-má sī jua̍h-thinn，sé un-tsuânn kaḿ ē-kham--tit？ē tio̍h-sua-- bē？
2008-6 林明哲《一種花東的遊記》
94
歡喜口氣：表示歡喜，音調愛提懸。
例﹕
聽著有人來，海芋仔心肝就phi̍h-pho̍k tsháinn，
Thiann tio̍h ū lâng lâi，hái-ōo-á sim-kuann tō phi̍h-pho̍k tsháinn﹐
歡喜 kah 擋袂牢（tiâu），
huann-hí kah tòng bē tiâu﹐
根本都無心情聽月桃花咧講遐的五四三--的。
kin-pún tō bô sim-tsîng thiann ge̍h-thô- hue leh kóng hia--ê gōo sì sann-- ê。
2007-2 林文平《月桃花佮（kap）海芋仔的故事》
例 2:
逐个攏歡喜喝咻
Ta̍k ê lóng huann-hí huah-hiu
：「阿舍嘛出來飼牛矣，咱閣（koh）加一个伴！」
：「A-sià mā tshut--lâi tshī gû--ah，lán koh ke tsi̍t ê phuānn！」
2007-6 Asia Jilimpo《飼牛囡仔普水雞仔度》
受氣口氣：音調愛提懸、加強。
例 1：
講啥麼舊衫嫌鎮塊（tìn-tè），送予別人較好勢；
Kóng siánn-mí kū sann hiâm tìn-tè﹐sàng hōo pa̍t-lâng khah hó-sè；
2007-3、2008-1 古早人《勤儉食凊菜》
例 2:
遐爾飯桶，kan-tann 一枝薰吹都 tshuē 無？
hiah-nī pn̄g-tháng，kan-tann tsi̍t ki hun-tshue to tshuē bô？
2008-1 蕭平治《阿爸的鹿角薰吹（hun-tshue）》
95
悲傷口氣：音調愛低、沉，速度愛慢。
例 1:
醒--來，接着大兄電話，伊講：「阿公過身。」
Tshínn--lâi，tsiap tio̍h tuā-hiann tiān-uē，i kóng：「a-kong kuè-sin。」
聽--着，阮心內真悲傷，因為，阮阿公在生的時，
Thiann-- tio̍h，gún sim-lāi tsin pi-siong，in-uī，gún a-kong tsāi -sinn ê sî，
無法度轉去佮（kah/kap）伊見面，伊過身，也無辦法送伊一程。
bô-huat-tōo tńg--khì kah i kìnn-bīn，i kuè-sin，iā bô pān-huat sàng i tsi̍t tîng。
佮其他濟濟的台灣人仝款，
Kah kî-thann tsē-tsē ê Tâi-uân lâng kāng-khuán， 阮有一个予你袂（bē）當轉--去的故鄉。
gún ū tsi̍t ê hōo lí bē-tàng tńg--khì ê kòo-hiong。 你若愛故鄉、心虔誠，不幸受着魔鬼的怨妒，
Lí nā ài kòo-hiong、sim khiân-sîng，put-hīng siū tio̍h môo-kuí ê uàn-tòo，
魔鬼伊就故鄉罩烏雲，
môo-kuí i tō kòo-hiong tà oo-hûn，
予你免想欲會當飛轉故鄉溫暖的岫（siū）。
hōo lí bián siūnn beh ē-tàng pue tńg kòo-hiong un-luán ê siū。
2009-1 胡民祥《阮阿公》
例 2:
阿姨，你轉來故鄉--矣，你轉--來矣，
A-î，lí tńg-- lâi kòo-hiong --ah，lí tńg-- lâi--ah，
按怎嘛想袂（bē）到已經看無你，
96
án-tsuánn mā sióng-bē-kàu í-king khuànn bô lí， 袂當閣聽你唱彼條「天星伴天涯」，
bē-tàng koh thiann lí tshiùnn hit tiâu「thinn tshinn phuānn thian-gâi」﹐
你燒烙（lō）的身軀化做一搣冷冷白色的骨烌(hu)，
lí sio-lō ê sin-khu huà tsò tsi̍t me líng-líng pe̍h-sik ê kut-hu， 永遠埋 tī 故鄉永靖的田園。
íng-uán tâi tī kòo-hiong Íng-tsīng ê tshân-hn̂g。 2009-6 黃佳惠《飼雞阿姨》
驚嘆口氣：句的起頭音調愛揚升。
例 1：
唉!真正是「勤儉食隔暝菜」--啦!
Haih! tsin-tsiànn sī 「Khîn-khiām tsia̍h keh-mê tshài」--lah!
僥倖-- ooh！恁臆（ioh）隔壁的 ok-sàng 按怎講？
hiau-hīng--ooh！ lín ioh keh-piah ê ok-sàng án-tsuánn kóng ？
─2007-3、2008-1 古早人《勤儉食凊菜》
例 2：
彼，彼就奇looh？」阿爸一爿急，一爿用手硞硞比，
「he，he tō kî --looh？」a-pah tsi̍t pîng kip，tsi̍t pîng īng tshiú khok-khok pí，
「哪會 tshuē 無？哪會 tshuē 無？」
「ná ē tshuē bô ？ná ē tshuē bô ？」
2008-1 蕭平治《阿爸的鹿角薰吹（hun-tshue）》
重複口氣：類疊、排比修辭語句，會當應用「階升法」，產生層次。
例 1：
97
種種、種種的代誌，會想袂盡的過去。
Tsióng-tsióng﹑tsióng-tsióng ê tāi-tsì，ē siūnn bē tsīn ê kuè-khì。
每款、每款攏予阮想起伊的疼惜，伊的照顧，伊的栽培。
Muí khuán﹑muí khuán long hōo gún siūnn-khí i ê thiànn-sioh，i ê tsiàu-kòo，i ê tsai-puê。
2009-1 胡民祥《阮阿公》
例2:
緊張緊張緊張！刺激刺激刺激！
Kín-tiunn kín-tiunn kín-tiunn！tshì-kik tshì-kik tshì-kik！
這時冷風huh-huh吼，烏影四界走，
Tsit-sî líng-hong huh-huh-háu，oo-iánn sì-kè tsáu，
眾好漢嘛跋甲捙畚斗。
tsiòng hó-hàn mā pua̍h kah tshia-pùn-táu。 2010-1邱文錫《宜蘭頭城搶孤》
例3:
天誠清，海真闊，海湧一波一波，
Thinn tsiânn tshing，hái tsin khuah，hái-íng tsi̍t pho tsi̍t pho，
海風一陣(tsūn)一陣，一隻白翎鷥歇tī肉粽角頂頭，
hái-hong tsi̍t tsūn tsi̍t tsūn﹐tsi̍t tsiah pe̍h-līng-si hioh tī bah-tsàng-kak tíng-thâu， 白頭鵠仔咧開會，椰子樹搖過來、搖過去，
pe̍h-thâu-khok-á leh khui-huē，iâ-tsí-tshiū iô kuè--lâi﹑iô kuè-khì，
海的味搝(khiú/giú)海風的衫仔裾(ki)，
98
hái ê bī khiú hái-hong ê sann-á-ki，
偷偷仔鑽入阮的鼻空，啊！有夠幸福--的--啦！
thau thau á tsǹg ji̍p gún ê phīnn-khang，Ah！Ū-kàu hīng-hok—ê-- lah！
2010-3尤碧豔《烏龍海邊釣蟳仔》
例4:
伊欲共外媽講--的心內話，
I beh kā guā-má kóng-- ê sim-lāi uē， 一句一句唸予我聽，
tsi̍t kù tsi̍t kù liām hōo guá thiann， 我一字一字勻勻仔寫。
guá tsi̍t jī tsi̍t jī ûn-ûn-á siá。 2010-4吳嘉芬《批》
三、語調：分做平常調、懸調佮低調。
平常調：平常講話的語調，適合敘述類、解說類的語句。
例:
阮愛讀冊，伊足關心（sim)，
Gún ài tha̍k tsheh，i tsiok kuan-sim，
叫阮讀批，來考驗阮的程度。
kiò gún tha̍k phue，lâi
khó-giām gún ê thîng-tōo
。 彼个時陣，批是中文寫的，hit ê sî-tsūn，Phue sī Tiong-bûn siá ê，
阮阿公袂曉北京話，所以阮着愛用台灣話唸予伊聽。
99
gún a-kong bē-hiáu Pak kiann uē，sóo-í gún tio̍h ài īng Tâi-uân uē liām hōo I thiann。
阮彼个時陣，就已經發現中文批無法度直接用台語唸，
gún hit ê sî-tsūn，tō í-king huat-hiān Tiong-bûn Phue bô-huat-tōo ti̍t-tsiap īng tâi gí liām，
攏愛翻譯，失去真濟原味原汁。
long ài huan-i̍k，sit-khì tsin tsē guân-bī guân tsiap。
後--來，阮來北美留學，
Āu--lâi，gún lâi Pak-bí liû-ha̍k﹐
畢業留落來做代誌，寫批轉（tńg）--去，
pit-gia̍p lâu--lo̍h-lâi tsò tāi-tsì，siá Phue tńg-- khì，
阮着開始試用台語來寫，
gún tio̍h khai-sí īng tâi gí lâi siá， 別人唸予伊聽的時，
pa̍t-lâng liām hōo i thiann ê sî， 伊聽--起來會有親切感。
i thiann-- khí-lâi ē ū tshin-tshiat kám。 伊食薰家己捲薰，
I tsia̍h-hun ka-kī kńg-hun，
阮特別寄薰草佮薰吹予--伊，伊真歡喜。
gún ti̍k-pia̍t kià hun tsháu kah hun tshue hōo-- i，i tsin huann-hí。
2009-1 胡民祥《阮阿公》
懸調：聲帶繃絚，出力讀出比平常講話較懸音的語調，適合激動、歡喜的語句
例 1：
Tī 手術間外口恬恬坐咧等，
Tī tshiú-su̍t-king guā-kháu tiām-tiām tsē leh tán，
我共（kā）我家己講：「袂使吼（háu），愛堅強。」
100
guá kā guá ka-kī kóng：「bē-sái háu﹐ài kian-kiông。」
2009-4 阿雨《難忘的彼一日》
例2:
「頂港有名聲，下港有出名」。
「Tíng-káng ū miâ-siann, ē-káng ū tshut-miâ」.
2010-2王朝源《菜瓜棚仔跤》
例3:
Tī我囡仔囝的目睭--裡，
Tī guá gín-á-kiánn ê ba̍k-tsiu --lí， 伊是敢若親像布袋戲內底
i sī kánn-ná tshin-tshiūnn pòo-tē-hì lāi-té
「高長(ko-tshiâng)大漢、功夫厲害、任考不倒」的武林高手。
ko-tshiâng tuā-hàn﹑kang-hu lī-hāi ﹑jīm khó put tó」ê bú-lîm ko-tshiú。
2010-5陳昆龍《阿桑的形影》
低調：聲帶放輕鬆，減弱氣流讀出來的語調。沉穩慎重的語句，用低調重音朗 悲傷失望的語句，低調輕音輕讀。
例：
伊講：「無要緊，
I kóng：「bô iàu-kín，
干焦（kan-na）倒爿的胸坎仔小可仔痛痛 niâ，
kan-na tò-pîng ê hing-khám-á sió-khuá-á thiànn thiànn niâ﹐
我歇--一睏仔就好。」
guá hioh--tsi̍t-khùn-á tō hó。」
101
2009-4 阿雨《難忘的彼一日》