研究範圍佮限制

本研究的目是佇咧探討台語朗讀競賽的朗讀技巧之間的關係。因為研究的主 題、人力、時間佮素材等因素的限制，研究範圍無法包括所有朗讀的六个組別、

對象以及相關的變項。因此特將本研究的範圍佮限制分述如下：

1.6.1 研究範圍

根據全國語文競賽實施要點，競賽辦法是採初賽、複賽、決賽三階段，參賽 者必須經歷各鄉鎮市的初賽得著第一名，進入各縣市複賽得著第一名才會當進入 全國語文競賽的決賽。因為按呢，本研究基於嘗試歸納出台語朗讀競賽的朗讀技 巧之間的關係，做為日後參考的目標，是以特別選定全國語文競賽的決賽作為主 要目標研究對象。

佇台語朗讀競賽各組別中，有國小、國中、高中學生組、教育大學及教育學 院學生組，in 佇語言發展成熟度較 kē 教師組佮社會組，需要有學校老師指導發 音佮聲情技巧的情形，若按呢，對本文所關心的「語音、聲情、儀態技巧上的呈 現」恐有失真。，鑒於社會組除了佇語言上發展成熟度有較懸之外，大部分攏是 佇學校咧教台語的支援教師，遮的人母語程度佮發音大部分攏是已經固定，因此 本研究選擇以社會組做為研究對象，針對in 對 2007 年到 2010 年全國語文競賽的

13

台語朗讀稿文本練習情形進行分析範圍。

一、就研究「地區」而言

本研究因為人力佮時間等因素，將地區範圍限制佇桃園縣地區。

二、就研究「對象」而言

本研究干焦以全國語文競賽的「台語朗讀競賽」社會組為母群體，因為人力 佮時間限制，本研究以蹛佇桃園縣的支援教師，以台灣母語教育學會桃園分會的 會員當中做取樣。

三、就研究「內容」而言

1. 台語朗讀文章

「台語朗讀文章」 是以全國語文競賽網所公告的「台語朗讀」社會組篇目 文章做為類別分析的研究。

2. 朗讀者對文章的錯誤分析

本研究所指「文章錯誤分析」，是指全國語文競賽「台語朗讀」競賽社會組 參賽者對朗讀文章所發錯誤的聲音、聲調、變調等情形。

3. 聲情藝術

本研究所稱「聲情藝術」是佇咧講台語朗讀聲情，包括句讀停頓、語氣、語 調佮感情。

1.6.2 研究限制

14

本研究的樣本是以全國語文競賽「台語朗讀」競賽的社會組人士做為研究對 象，無包括國小學生組、國中學生組、高中學生組、教大學生組以及教師組。

1.6.3 研究目的佮對學術的貢獻

這个研究會當提供予欲參加台語朗讀比賽的參賽者幾項清楚的學術訊息，著 是活用台語朗讀技巧、克服時間佮情緒因素阻礙，透過遮的論文研究問題假設，

對行動調查做結論印證，向望會當促進台語文學的推廣，朗讀比賽公平化、標準 化，這是本篇論文上大的研究目的。

15

第 2 章 相關研究文獻探討

本章是探討朗讀、聲情的相關文獻佮探討，提升朗讀的能力，作為改進台語 朗讀競賽的方法。本章將分為7 節：第 1 節:閱讀的相關研究文獻，第 2 節：台語 朗讀競賽執行佮研究現狀，第3 節：佮朗讀相關的研究，第 4 節：朗讀的要領，

第5 節：語音佮朗讀，第 6 節：朗讀的聲情，第 7 節：台羅拼音。希望對文獻資 料中，引發實務研究的靈感，並作為後續研究時、修正時的參考。