原先佇計畫裡面，規劃朗讀者經過研究練習了後會當有好的表現。毋過佇濟 濟阻礙之下，拄著一寡問題，根據拄著的問題做探討阻礙的因素(如圖 4-1)
20原文是華語，因為筆者書寫方式改做台語，詳細請參考(鄭良偉 1987:6~7)了解家己的語言習慣。
21 原文是華語，因為筆者書寫方式改做台語，詳細請參考(李錦芬 2006:142)。
49
圖 4-1 朗讀的阻礙因素
以上阻礙朗讀者的成因，歸納有三个主要原因，頭起先是培訓之前的朗讀經 驗，煞落來是培訓時的三項能力：語音表現、聲情表現、儀態呈現等，最後是練 習過程中的學習情緒，根據以上三個方向，共分做六大要素說明如下：
4.1.1 阻礙因素一：缺少朗讀培訓經驗
具備朗讀經驗對參賽者是有利的，朗讀經驗除了語音、聲情、儀態佮時間四 大要素以外，閣包含對比賽規則流程的瞭解、上落台行位的方式、提稿姿勢、面 對眾人朗讀的情境壓力、傳達文章意境技巧等。朗讀者練習初期毋知比賽規則流 程，心內會產生驚惶，無清楚上落台行為方式、提稿姿勢，毋捌面對大眾朗讀煞 致使信心不足，毋捌學過朗讀時愛注意的細節，朗讀的速度傷過緊，就會出現撞 突。親像：佇進行前半段練習課程「克服緊張」的時，朗讀者面部表情會真緊張 嚴肅無笑容，因為欠缺練習經驗，無習慣面對情境朗讀，需要一段時間做調整適 應。
朗 讀 經 驗
阻 礙 因 素
聲情表現 儀態呈現 學習情緒 語音表現
50
4.1.2 阻礙因素二：朗讀者語音表現阻礙
「朗讀」就是愛用清楚、響亮、運用語言技巧，有節奏、緊、慢、剛、柔、
長、短，照原文，無改字、無失字，用情帶聲，以聲傳情，予聽眾會當體會朗讀 者欲表達的聲情，進一步予聽眾會使綴咧進入文章的意境裡，予人有一種立體動 態的音感，才有法度得著評判先生佮聽眾的好感，佇培訓練習過程中發現朗讀者 佇語音方面，有一寡不利的因素：
一、音質方面：聲音無夠響亮，甚至有梢聲出現。
二、台羅拼音方面：對台羅拼音無熟，致使會有錯念現象。
三、啥物時陣變調：無注意著。
四、聲調方面：台語有 8 聲 7 調，對聲調無熟的人會有誤讀現象。
五、合唇音方面：『參』加、『感』覺、『感』『心』、『感』謝、『甚』
至、 嘴無合起來。
六、濁音方面：g、ng 分無清楚，囡仔 gín-á 會唸做(ín-á) 觀察發音阻礙了後，預先構思可能造成的原因如下：
因素一：平常就共無正確的音，當做是正確的發音。
因素二：唸傷緊致使發音會無正確。
因素三：部份受著華語、客語、英語發音影響。
以上所列三種因素，思索本研究相關因素佮家己能力範圍，干焦會當盡量修 正﹐共習以為常的錯誤發音，並請請教專家指導以外，閣需要不斷自我要求佮練 習。
51
52
53
54
55
56
57
58
4.1.4 阻礙因素四：朗讀者儀態呈現的阻礙
穩重大方有自信是參賽者欲贏的先機，本研究重視兩个重點：一个是面部表 情(眼神、表情)﹔第二个是肢體動作(上落台的台風、提稿的姿勢)。朗讀者拄接 受儀態培訓的時，一徛上台朗讀，雙跤咇咇掣、面部緊張的表情是足明顯的。以 下就是所拄著的阻礙：
一、面部表情：眼神閃爍不定、跳逝或者思考文章情境內容的時，表情緊張無 自然。
二、肢體動作：雙手提稿，毋是愈提愈懸就是愈提愈低，甚至是共面遮咧，抑 是固定徛趨向一個方向、雙跤咇咇掣。
三、朗讀者若是較閉思或者朗讀稿無熟，會影響面部表情佮肢體動作無自然，嘛 會影響整體儀態的呈現。
4.1.5 朗讀者時間不足的阻礙
朗讀者的背景是社會組人士，平常時愛上班、愛照顧家庭、愛進修﹔甚至有 其他社團雜事愛無閒，欲揣有時間做練習實在是真無簡單。欲如何突破時間不足 的阻礙就愛做好時間的規劃。
4.1.6 朗讀者學習情緒的阻礙
研究對象是社會組人士，大部份攏是教學支援教師或者代課老師，佇比賽現 場常常攏會拄著仝款的競爭者，或者是熟悉的朋友，比賽有輸贏，難免會有來自 各方的壓力佮煩惱，就會影響著朗讀者的情緒，影響朗讀者情緒因素歸納如下：
外在因素：大部份攏是因為愛代表學校參加比賽，輸贏可能會影響著飯碗的問
59
題。
內在因素：比賽對象大部份攏是熟悉的朋友，輸贏難免會引起無必要的誤會，甚 至友誼會被破壞，心情難免受影響。
朗讀者情緒無法度紓解的時，可能會情緒較無法控制予好，這个時陣需要厝 內的人、朋友、同事做適時疏導，避免有欲放棄比賽的念頭。