朗讀的基本功就是語音，既然欲參加比賽，最基本的就是語音愛正確。
朗讀比賽語音佔50%，可見語音是非常重要的！語音是語音學研究的客體，指的 是人類講話時發出的具體聲音，抑就是語言的聲音。藉著語音分析，瞭解發音佮 聲調之間的變化。
一個語言的音素系統（inventory/structure/system），就是彼個語言的 人腦中存在的子音kap 母音。音素是生落來就存在佇 hit 個母語人 的腦中的（innate），這就是按怎咱學第二語的時，咱的母語無的音 素學lóng 無路來，因為咱的腦中無 hit 個音素。
李勤岸將台語語音的特色分做六個：
第一、送氣音（aspiration）：
台羅根據IPA，以[h]正確標示送氣音，因此子音中的塞音（stop），/p/，/t/，
/k/kap 塞擦音（affricate）/ts/，攏有伊送氣的對口音素，就是/ph/，/th/，
/kh/kap/tsh/，攏是成雙入對，只要掠著「送氣」這個特色，學著四個子音 就會曉八個子音。
第二、清濁分明（voiceless vs.voiced）：
台語佮英語仝款是清濁分明的語言，有一個清音（voiceless）通常便有一 個對口的濁音（voiced）14。有/p/、/ph/這組清音就有/b/這個對口的濁音：
有/k/、/kh/，就有/g/：有/ts/、/tsh/就有/dz/。形成台語清濁分明koh三位對 比的語音系統。
第三、鼻母音（nasal vowels）：
台語參法語仝款有鼻母音。台語參法語的鼻母音攏是主要元音（major
14 干焦/t/、/th/這組 ê 對口濁音/d/失去，形成一個 gap。抑是講 kap/l/濫去(李勤岸 2007:10、張裕宏 2001:33)
28
vowels），毋是像其它的語言（如英語）只是鼻化的母音（nasalized vowels）。
因此台語佮語法一向被認為是相當性感（sexy）的語言，因為講這種話 的人鼻音真重，聽起來真sexy。
第四、入聲（abrupt tones/unreleased final stops）：
入聲是台語重要的音素（phonemic），有辨義功能。所謂入聲，就是發塞 音的時停佇發音部位，無共音放出去，英語講是unreleased final stops，因 為無「出」所以傳統上咱叫做「入聲」。台語的入聲有-p、-t、-k，以及 喉塞音（glottal stop）-h，IPA 標做[ ]。若是初學的人，掠袂準到底是佗一 個入聲，會使先共放出去，發做一般的塞音來「感覺」發音的部位，按 呢就掠會準ah。
第五、聲調（tones）：
世界的語言若音韻學來看，會分做「非聲調語言」（tonal languages）佮「聲 調語言」（tone languages）2 大系統。英語是屬佇「非聲調語言」：台語是 屬佇「聲調語言」。雖然現今是英語的天下，不過世界上猶是聲調語言較 濟。台語的聲調有 8 個，不過第 6 調除了鹿港等少數地區方言以外，攏 已經失去，所以嘛會使講干焦賰 7 調。咱為著欲佮傳統「平上去入，再 分陰陽」的聲韻學觀點會當接應，猶原維持 8 調的教學，方便學生看有 傳統的文獻。
第六、變調（tone sandhi）：
仝款是聲調語言，有的無變調現象，毋過台語有。閣有一套真規律的變 調規則。真濟時陣，變調佮語法也有重要的牽連。台語利用變調來分辨 意義，這佇大多數的聲調語言真少看著。比如華語的「變調」只是為著 較好講較好讀，無意思的區分，所以華語的「變調」其實毋是「變調」。
台語的變調親像「骨牌效應」，看起來複雜，不過真有規律，台語的母語 人腦中自然有「骨牌效應法」，每句話攏變kah 真媠，毋過家己毋知家己
29
遐邇gâu，嘛毋知家己有咧變調。 （李勤岸 2007：7~12）
鐘榮富（2002）提及台語語音的特性，會當歸納做以下7點：
第一、唇化異化：旨佇排除音節內兩个特徵範疇袂使同齊唇音。輔音韻尾是 唇音，音節內其他範疇袂使閣有唇音。抑就是仝一个音節內，袂當含 有兩个唇音。
第二、台語的音節結構建立佇CVX（輔音+元音+另一个音段）的架構上，有 CVX的音節架構，閣較會當掌握唇音異化現象。
第三、音節尾喉塞音只是入聲徵性，當入聲音節變成舒聲的時，該徵性隨就 消失。
第四、台語無自然鼻音，所有鼻音攏是由濁塞音加鼻音特徵而來。
第五、昇複合元音會當接輔音﹔降複合元音卻袂使。兩个高元音組成的複合 元音，其本質是降複合元音。
第六、台語兩種合併現象：1.三个重複音節之前，兩个音節的合併。2.兩个 並列音節的合併。
第七、鼻音佮濁塞音，佇聲母或韻尾攏呈互補分佈，必須看成相仝音位，因 為的特徵完全相仝。含有鼻音特徵的構詞，必須由三个音韻規則交 互運作才會當顯現出來：1.音韻範疇的劃分：元音佮聲母仝一範疇，
韻尾另成一範疇。2.鼻音需連到上正爿的範疇。3.有鼻音特徵的範疇，
其內所有音段攏愛有鼻音特性。台語兩種唇音音段：（1）唇輔音p，
30
ph，b，m，佮（2）後元音u，o。如果韻尾是唇輔音，就佇仝一音節 內，袂使有其他唇音，這種現象稱為唇音異化。15……（李麗琴2007:12-13）
語音是由人類發音器官所發的聲音，大部分語音的震動體是聲帶（謝國平：
60）。對語言學的角度分析文學作品，基本上分作三方面：語音、詞彙佮語法。
語言學研究的角度是客觀--的、科學--的佮分析--的。語言當中「語音」是上基本 的傳遞媒介，聲音的系統佮規律是語言有效傳達的要件。雖然朗讀抑是愛有文字 的存在，毋過佇心理上需要透過一種聲音的轉換接收，來傳達作者想欲傳達的意 境，「語音」的表現會用的講是上重要--的。董同龢佇《漢語音韻學》中有提著：
語言的研究可以分作三方面-語音、詞彙佮語法，語音閣會當講是其他兩方面的 基礎，因為語詞攏是由幾若的語音組合而成，語法上種種變化也免不了以語音為 表現工具。（周美香2009）
15 原文是華語，因為筆者書寫方式改做台語，詳細請參考（李麗琴 2007:12-13）。
31