本研究是以台語朗讀語文競賽為目標，逐步實施練習針對各種阻礙，閣再進 行修正佮省思，行動了後得著以下結論：
一、正確發聲朗讀，運用相關器材，掌握語音鋩角，對改正語音有幫助。
二、運用攝影器材練習，有效改正表情、儀態佮肢體動作盲點。
三、活用朗讀技巧，有助突破內容困境。
四、團體互動練習，有助提升學習效果。
五、社會組經過朗讀練習後，明顯改變口語能力、聲情藝術表達、儀態自信呈現 等。
分述如下：
5.1.1 佇對練習者影響方面：
實例︰原本攏無朗讀的經驗，上台的時，面部表情嚴肅、緊張較無自信。佇 語音方面真濟所在攏會唸毋對，親像好【心/sim】唸做好【心/sin】﹔予雷【唚/tsim】
唸做予雷【唚/tsin】等。
對練習者影響方面：原本缺少朗讀培訓經驗，經過一段時間練習，儀態表達
104
較自然、大方有自信。佇語音方面經過不斷錄音、互相練習、請教專家口語能力 明顯增強，嘛會曉運用技巧去掌握語音的鋩角。會曉掌握文本情境，活用朗讀技 巧加強聲情透過互相練習，突破內容困境。
5.1.2 正確發聲朗讀，運用相關器材，掌握語音鋩角，對改正語音有幫助。
實例：原本練習者猶袂聽語音檔、看全國比賽成果影片的時，聲音唸的大部 分攏是平常調，較無感情，無法度予聽者感動，揣無問題佇佗位?親像佇大海中 的小船，茫茫揣無靠岸仝款。
揣著方法就親像桌頂拈柑仝款，佇實施研究前半段課程，運用幾項練習策略，
克服社會組發音阻礙，說明如下：
發音練習策略：欣賞全國語文競賽影片，掌握詮釋文章的朗讀鋩角，並且針 對聲、韻、調練習利用錄音筆反覆矯正發音，會有明顯的進步。
蒐集文本語音檔，不斷重複聽佮練習，拄著有疑問的發音，愛佇文本頂面註 記，並請教專家、前輩指正正確的發音。
5.1.3 運用攝影器材練習，有效改正表情、儀態佮肢體動作盲點
實例：朗讀者練習的時看袂著家己朗讀的表情佮姿勢，所以毋知家己的問題 佇佗位，錯誤會一直重複。無法度改善表情、儀態佮肢體動作。
藉著攝影的畫面，會當學習著面對情境的壓力，表情、儀態佮肢體動作攏會 有整體的進步。
105
5.1.4 活用朗讀技巧，有助突破內容困境
實例：無瞭解朗讀稿內容語意，唸傷過矯情，予人感覺傷假、無自然。毋知 朗讀的鋩鋩角角，就無法度突破困境。朗讀袂曉變化，就親像查某人無化妝，看 起來是樸素平淡﹔若是共妝化傷厚抹傷重，閣會予人感覺傷野、無實在。拄好的 妝，會予人好的印象，感覺自然。所以朗讀需要經過加工，毋過袂使加工過頭，
若無會予人感覺真奇怪。
愛真正了解語音變化的用意，聽辨仝款的語句，無仝詮釋方法有啥物無仝的感覺。
畢竟語調綴語境、心情、語用有啥物無仝的變化，重點毋是佇咧模仿一句話的語調，是 欲了解無仝技巧佇話語中的作用，若有實踐語言技巧的能力，變化自在人心。55（陳慧 君2009:51）因為朗讀毋是為著欲表演，本身就是語言習慣的塑造佮培養，宜實踐佇生 活中的語言。（陳慧君2009:66）
5.1.5 團體互相練習，有助提升學習效果
學習往往攏會受著外在環境引誘佮內在情緒影響，透過各種互動凝聚共識，間接嘛 會提升練習的士氣。而且社會組人士大部分攏是學校的支援教師，大部份的支援教師每 年攏是愛代表學校參加鄉鎮市內的語文競賽初賽，難免會有壓力，透過團體互相練習分 享、問題探討，有助提升學習效果。
5.1.6 經過朗讀練習後，明顯改變口語能力、聲情藝術表達、儀態自信呈 現等
逐家共處練習，無形當中提升團隊的向心力，提高學習的意願，佇朗讀經驗、
55 原文是華語，因為筆者書寫方式改做台語，詳細請參考（陳慧君 2009:51）
106
語音咬字、聲情表達、儀態台風攏會有明顯的成長。