4.4 朗讀技巧分析
4.4.1 朗讀研究對象分析
朗讀研究對象包含社會組人士、文本。
一、朗讀技巧主體:社會組角色分析
社會組人士大部分攏是佇學校擔任台語的支援教師或者是代課老師佮家長，大 部份攏有台語漢字佮台羅拼音的基礎。毋過，有的嘛是會看無台語漢字佮台羅拼音，按 呢就會對文章產生誤解煞來表達錯誤。
64
二、培養朗讀技巧分析
藝術的語言，伊必須要會當予聽者佇聲音內底感受到「媠」的感覺，因此發音的 自然佮親切，語音的清楚佮準確，攏愛照懸度的要求來進行。（耿志堅2011:3）
若將朗讀技巧當作是一種藝術組合，除了愛包括正確的口語語音、豐富的語感詮釋 以外，閣需要知影原作者想欲表達的意思。共遮做巧妙的設計串聯，閣予伊豐富的感情 變化、藝術的氣氛，毋但語音正確而且愛熟悉朗讀技巧運用才有法度創作出一場完美的 朗讀。因為朗讀毋是為著欲表演，本身就是語言習慣的塑造佮培養，宜實踐佇生活中的 語言。（陳慧君2009:66）
愛真正了解語音變化的用意，聽辨仝款的語句，無仝詮釋方法有啥物無仝的感覺。
畢竟語調綴語境、心情、語用有啥物無仝的變化，重點毋是佇咧模仿一句話的語調，是 欲了解無仝技巧佇話語中的作用，若有實踐語言技巧的能力，變化自在人心。35（陳慧 君2009:51）
根據(李錦芬 2006:84)共(胡敏、林素韻 1997:2~42)、(吳金娥等 1993:321~332)的講 法，共朗讀常用的技巧，歸納做「停頓」、「重音」、「語調」「節奏」四項。
停頓就是朗讀過程中聲音暫時的空缝，伊毋但會出現佇句佮句之間，嘛會使 出現詞組佮詞組之間，或層次佮段落之間，表示in中央存在著一定的結構體系。
停頓既然是朗讀時生理上換氣的需要，更具有表情達意的作用(李錦芬 2006:84)36。 講話的人會當利用停頓，更準確、更清楚的表達語意；聽話的人嘛會使利用停頓，
有機會領悟講話人所講的內容(何三本2002:181)。
35 原文是華語，因為筆者書寫方式改做台語，詳細請參考（陳慧君 2009:51）
36原文是華語，因為筆者書寫方式改做台語，詳細請參考(李錦芬 2006:84)
65
重音，又叫重讀或重唸，就是朗讀、朗誦或講話時對語句中某一寡語詞對聲 音上加強的現象。重音是正確表達思想內容、真切抒發感情的重要手段(何三本 2002:193)37。朗讀時對語句中的某一寡詞或詞組、甚至某一个音節，對聲音上加 以強調佮突出的現象。適當運用重音，會當準確表達語句所蘊含的感情，突出作 品的主題(李錦芬 2006:86)38。
語調，指的是朗讀的語句內底的聲音懸、低、升、降的變化。語句內有升降 的變化，就會有動聽的語調；抑、揚、頓、挫搭配得當，就富有音樂美，更能準 確的表達無仝的語氣佮感情。語調是對語句的內容佮語言環境決定的。若準簡單 的照句式確定語調，就會失佇的死板，影響表達效果(何三本2002:187)39。(李錦 芬2006:88)講語調是因為思想感情、語言環境的無仝，或為著加強某種表達效果，
佇朗讀時表現出懸低、升降、曲直的聲音形式40。
節奏必須包含抑揚頓挫、輕重緩急的特點，所以節奏包含語調、重音、速度 等要素(張頌 2001:267)。(李錦芬 2006:91)認為朗讀中的節奏，是藉由有聲語言中緊 慢變化、輕重對比、語調懸低所造成的回環往復，來表現作品中波蘭起伏的思想 感情。朗讀的語言節奏應該愛和作品內容基調互相結合，予彼此一致，才算是成 功(李錦芬 2006:91)41
37原文是華語，因為筆者書寫方式改做台語，詳細請參考(何三本2002:193)
38原文是華語，因為筆者書寫方式改做台語，詳細請參考(李錦芬 2006:86)
39原文是華語，因為筆者書寫方式改做台語，詳細請參考(何三本2002:187)
40原文是華語，因為筆者書寫方式改做台語，詳細請參考(李錦芬 2006:88)
41原文是華語，因為筆者書寫方式改做台語，詳細請參考(李錦芬 2006:91)
66
(李錦芬 2006:84~85)、(何三本:2002:182)認為語法停頓大部分是根據標點符號 來停頓，語法停頓時間的長短，標準大致如下:
標點符號 停頓時間
句號、問號、感嘆號、省略號 1-2 拍 分號、破折號、連接號 1-1/2 拍
逗號、冒號 1/2－1/3 拍
頓號、間隔號 1/4 拍
本表引自(李錦芬 2006:85)